الحنكشة والبوبار وغز الديجتال في بيوت الايجار [الأرشيف]

مشاهدة النسخة كاملة : الحنكشة والبوبار وغز الديجتال في بيوت الايجار

بت مارنجان

12-05-2010, 09:15 PM

عواطف تبلغ من العمر 37 سنة
سعيد 39 سنة

عواطف ربة منزل لديها طفلان " ابن وابنة" .. اجمل قصة طريفة في الموضوع
ابنة عواطف وهي الكبري قبل ولادتها بثلاثة ايام توفيت "اخت والدة سعيد " فأصرت
حجة "الزلال" والدة سعيد بتسمية ابنة سعيد "صليحة" علي اسم اختها المتوفية
والتي كانت تحبها جدآ ...
هنا قامت قيامة عواطف التي مابثت انا بارحت سرير الولادة حتي بدأت بالكواريك
البت مولودة في الالفية التالتة كيف يسموها "صليحة " ..
ولم تتنفع محاولاتها الانفعالية علي تغير راي حجة الزلال وطاعة سعيد لوالدته
وجابو شهادة الميلاد باسم "صليحة سعيد الزين" ...

بت مارنجان

12-05-2010, 09:17 PM

رفعت عواطف ابنتها وهي تتأهب لمغادرة المستشفي بعد ولادتها بالسلامة
وهي تلاعبها
حلاتها "دينا " بتي واااااااااااحلاتي ياناس :o

نظر الجميع بدهشة الي ان ضحك "سعيد" وقال ليها :

حلاتها صلوحة :o

بت مارنجان

12-05-2010, 09:22 PM

صنقرت "عواطف" في بمبرها وهي ترتشف كوب شاي الاحمر وهي جالسة في برندة بيتهم
وجلس قبالتها سعيد محتسون الشاي والكهرباء قاطعة كالعادة ...

نظرة "عواطف نظرة طويلة " ....

هنا ايقن سعيد تماما بأن بعد هذه النظرة ستفجر له "عواطف" هجمة كبيرة في طلب عجيب
لايتلائم مع الوضع المادي او الاجتماعي ...
نظر اليها "سعيد " نظرة ترقبية لما ستؤول اليه احداث وتبعات لتلك النظرة ...

اتصلحت عواطف في قعدتها وقالت لي "سعيد" :

انا عايزة مايكرويف ياسعيد ...:eek::eek::eek::eek::eek:

نزار حسن محمد

12-05-2010, 09:25 PM

والله دى مصيئبه يعملوها الكبار ويقعو.. فيها الصغار
اها بقو على شنو يا بت مارنجان ((دنيا ولا صلوحه ))
قال صلوحه قال

بت مارنجان

12-05-2010, 09:26 PM

بعد انا سمع "سعيد " كلمة المايكرويف مرتين تلاتة رد اخيرآ علي عواطف

عاد ياعواطف جبتيها كبييييييييييييييرة المرة دي شديد
والنصيبة دي شفتيها وين يالشقية !!!
والوراك ليهو منو وعرفتي بشغلو كيف !!!

بت مارنجان

12-05-2010, 10:15 PM

قالت له "الديجتل الغازاه فوق الزنكية دة عشان اجيب بيه لندن !!!!"
طبعا انت زي ماعارف انا متابعة برنامج "ستار اكاديمي" في قناة ال LBC
والمايكرويف دة بسخنو فيه اكلهم .. اها انا كنت قايلاه فرن الا في يوم كدي
ركزت سمممممممح لقيت الشي دة بحشرو فيه اي شي
كورة بلاستيك ..

هنا يقاطعها "سعيد" وعرفتيها كورة بلاستيك كيف ؟؟؟
قالت ليه :
هييييي انحنا كان مامتنا شقينا المقابر :o

اها ياتفتيحة واصلي ..

اها فيهو ازارا وقت تسخن الحاجة دقيقتين وبعدين براها تقفل وتعمل ليك رنة
زي المس كول :o

ودة كلو شفتي في "ستار اكاديمي " ؟؟؟

آآآآي انا ماجبت "نزار" ود علوية اختي ظبط لي قناة ال 24 :rolleyes:

خالد علونى

12-05-2010, 10:25 PM

ahmed algam

12-05-2010, 11:40 PM

مارنجو

لكن لقيتك !!!!!!!!

جنس غايتو

اها واصلي معاك

:o:o:o:o

قولتي لي سموها منو ؟؟؟؟؟

ام نوران

12-05-2010, 11:53 PM

نزار حسن محمد

13-05-2010, 12:02 AM

غايتو كان ما سمحها دينا بكون اتلوم تب مع عواطف
وكان ما اشترى ليها المايكرويف..اتصلى على مايسه
خليها تعلمه العين الحمره على رجال الزمن دا

بت مارنجان

13-05-2010, 04:39 AM

وقناة ال 24 دي شنو ؟؟؟

دي ياسعيد قناة بجيبو فيها ناس ستار اكاديمي من يقومو من النوم لغاية مايرجعو ينومو تاني
وبشوف وقت اكلهم وشرابهم يفتحو الشئ دة ...
والشئ الحيرني الخرابة دي حاشرين فيها اي شئ ...
حلة كورة صحن معلقة ...
عجبتني الحكاية ..

وانا النصيحة ليك يالله سخيت الاكل دة كل مرة بيفقد الاكل طعمو ... المايكوريف
دة تسخين حراري يعني مابيفقد الاكل قيمتو الغزائية وفي نفس ذات الوقت
الاكل يجيك حاااااااااااااار ومسخن ...

نظر اليها "سعيد"
وهو في داخله يتململ ويحدث نفسه ياربي المرة دي اسوي ليها شنو ؟؟؟
انحنا في شنو وهي في ستار اكاديمي والمايكرويف العايزاه دة ...

الي ان قاطعته عواطف شنو ياسعيد انا ماقاعدة انضم معاك وبعدين المايكرويف دة
وقبل ان تكمل عواطف

هسي ملاح الويكاب دة بتحشريه في المايكرويف :rolleyes:

العاقب مصباح

13-05-2010, 05:31 AM

وانا النصيحة ليك يالله سخيت الاكل دة كل مرة بيفقد الاكل طعمو ... المايكوريف
دة تسخين حراري يعني مابيفقد الاكل قيمتو الغزائية وفي نفس ذات الوقت
الاكل يجيك حاااااااااااااار ومسخن ...
:rolleyes:

كلامك دا تحريضى وعايز ابلغ عن مشاركة سيئة ممكن تخلى الرجال بكرة يشترو لى زوجاتهم

انا غايتو حالف طلاق ما اجيبو

كان تبيت مع اهلها:p:p

سواااح

13-05-2010, 06:38 AM

بت مارنجان ..
وعودة مواسم فرح الزمن الجميل
لك مرحق تحياتي ..
عذراً .. سابقي بالجوار
متابعاً معك لما تنثرينه هنا.

سواااح

13-05-2010, 06:40 AM

كلامك دا تحريضى وعايز ابلغ عن مشاركة سيئة ممكن تخلى الرجال بكرة يشترو لى زوجاتهم

انا غايتو حالف طلاق ما اجيبو

كان تبيت مع اهلها:p:p

والله يا العاقب ..
لقيتك صعب
لكن يا اخوي
كدي العرس اول
وبعدين حليفة الطلاق دي
بنلقي ليها صرفة.

محمد حسين (المميز)

13-05-2010, 11:23 PM

صليـــــــــحه
:eek:
أقصــــــد مارنجـــوووووو:p

قلت لي حبوبه اسمها منو:confused:

الزلال ولا الزلزااال:p;):p

غايتـــو حكاويك عجيبه زيـــك:D:p:D

مستنظرننك تكملي:)

مايسة

13-05-2010, 11:28 PM

مارنجو - بتو - فيفي

الاول حكاية الاسم - ومغسة عواااطف في دينا بتها

التانية حكاية المايكرويف - والديجتااال - وبرنامح ستاار اكاديمي

المرة الجاية شنو :cool:

ما تقولي لي النوميني - طلع منو المرة الفااتت ياخ :mad:

معاكي يا قصتنا - متابعين

بنت الرفاعي

14-05-2010, 02:53 AM

حكاية الإسم دي عندنا زيها واحدة، لكن المولود كان ولد، وبالرغم من أنه وصل المدرسة لكن مازال الأب بيناديه بالإسم الذي اختاره، والأم بتناديه بالإسم الذي اختارته!!!!(جهجهو الولد)!!!

والقصة الثانية مختلفة شوية الولد عايز يسمي على والدته لكنها (أي والدته) رفضت وقالت البنت حتتعقد لما تكبر (بالرغم من معنى الإسم الجميل لكنه قديم) (حبوبة راقية;)) واختارت ليها اسم جميل ماشاءالله.

أختنا بت مارنجان متابعين وفي إنتظار تتميها، بس أوعى الشرّة زي الفاتت لو سمحتي!!!:rolleyes:;).

بت مارنجان

14-05-2010, 03:00 AM

والله دى مصيئبه يعملوها الكبار ويقعو.. فيها الصغار
اها بقو على شنو يا بت مارنجان ((دنيا ولا صلوحه ))
قال صلوحه قال

مرحب بيك ياابو سفرووووووووووق
صليحة دي طبعا تسمية "حجة الزلال" واي شخص بهرش من حجة الزلال
وماعايز يزعلا ...
لكن بالنسبة لي عواطف مابتنادي بتها الا "دينا" :o

وسعيد مرات بيجبر بي خاطر عواطف لمن يكونو براهم ولما تكون الحجة قاعدة
مافي الا "صليـــــــــــــــحة ;)"

بت أم درمان

14-05-2010, 07:43 AM

يا جماعة انتو طالما عارفين الزولة دي بتشركم في القصص
لي بتتابعو ليها ياخ :rolleyes:

اها عواطف اقنعت سعيد بالمايكرو وييف؟:confused:
والبت يا ربي
ما وريتينا رسو علي دينا ولا شنو:confused:
ياخ انتي ما بتشري بس:mad:
كمان ما بتدينا التفاصيل المهمة:mad:

بت مارنجان

14-05-2010, 12:19 PM

اقول ليك مايكرويف ياسعيد تقول لي ويكاب
ياخي دي قمة التكنولوجيا وحاجات حرارية
اصلو الشعب السوداني دة مابتطور "قالتها وهي هامة بالوقوف ومغادرة ساحة الونسة
حاملة كوب الشاي الاحمر بعد ان قامت برفع ضغط سعيد ...

نظرة اليه وقالت ليه :

اها ياسعيد المايكرويف دة علي حسب الماركة وانا اخترت "Panasonic"
لأنو اجود ماركة وحاجاتها متينة :o

اها دي عرفتيها من وين يالسمحة من استار اكاديمي ولا من الفيس بوك :o

وههنا تستدير ناحية سعيد بلفة كاملة
انا ياسعيد بحب اطور حياتنا ونكون مواكبين .. هسي افرض مشينا لي ناس زيارة
وقالو لي عليك الله ياعواطف دخلي المحشي دة سخني في المايكرويف
انا حيكون موقفي شنو لو ماكنت بعرف بيستعملوه كيف ؟؟؟؟

وواصلت مسيرتها ناحية المطبخ وهي تتمتم ناس مابتطور اصلو وعند وصولها ناحية
باب المطبخ التفتت ناحية سعيد

"انت قايلو بي كم ؟؟ كلو بي 450 جنيه :o" ....

والله انت صحي جنيتي يامرة ...

يامرة ماتخلي بالك من بيتك وتبطلي فشخرتك اللي في الفاضي دي هسي يسالك
الله ال 450 دي لو عندي اجيب بيها خرابتك دي ؟؟؟
مااصلح بيها سقف المطبخ المويتو تكب خريف وصيف ..

قال مايكوريف قال

ويخرج سعيد مغادرآ المنزل وزعلان لمن ينهف ...

تتمتم عواطف " هسي يجري لي امو يكلما "

بت مارنجان

14-05-2010, 12:27 PM

شكيت محنا علي الله

اها واصلي يا مارنجوا

علوني تشكيني انا ولاتشكي عواطف العايزة المايكرويف :o

بت مارنجان

14-05-2010, 12:37 PM

مارنجو

لكن لقيتك !!!!!!!!

جنس غايتو

اها واصلي معاك

:o:o:o:o

قولتي لي سموها منو ؟؟؟؟؟

علي حسب حجة الزلال وبقية افراد الاسرة "صليحة" ...
بالنسبة لي عواطف وصحباتها البوبارات "ديــنا "

بت مارنجان

14-05-2010, 12:45 PM

:rolleyes:مارنجااااان

ياخ مامكن ياااخ بهناك شحتفتينا(قصتنا) وراجينها وبي هنا برضو

ياخ تعالي سريع عليك الله,,ولازم تورينا اول اتفقوا علي شنو دينا ولاصليحه ولابخيته ولامنو بالظبط:confused:

الحبيبة ام نوران
ياستي زي ماحيت ليكم "الحجة النسيبة الزلال" بتنادي صليحة عشان خيتها الماتت دي
وعواطف لانو برستيجها مابيسمح ليها بتها تكون "صليحة"
فسمت "دينا " ...

همسة : والله ماتكبر ولا تغي حاشا لله والله القصة اللي في الثقافي محتاجة لتركيز شديد
وخصوصآ انو في ناس بتخش تقول لي انتي ماقلتي كدة واتلخبت في الاسامي
ومسار الاحداث "اعذريني اختي شديد وليك العتبي"

الجندي المجهول

14-05-2010, 08:20 PM

صباح الخير يا مارنجووووووووو

مد الرجل على قدر اللحاف جميل ،،،،،،

بصراحة العم سعيد ما ليهو حق كان يخلي البنت تسميها امها ،،،

بالنسبة للمايكروويف اثبتت الدراسات انه يسبب والعياذ بالله (مرض السرطان)

انصح بنار المنقد (المولع ) وفي حالة العدم البتوجاز

جدعة : بصراحة لقيتك كتااااابة وراوي بدرجة ممتاز --- مزيد من الابداع (وليس غريبا لان مارنجان منبع الابداع)

تخريمة : الجمرة بتحرق الواطيها

لحن الختام : النار ولعت وبي قلبي بطفيها ....

ودالعز

14-05-2010, 11:54 PM

والله يابت مارنجان بضحك وببكي بضحك في جنس البقى علي سعيد اخوي دا والببكي النسوان يسمعو كلامك ونبقى زي سعيد

بت مارنجان

15-05-2010, 11:35 AM

غايتو كان ما سمحها دينا بكون اتلوم تب مع عواطف
وكان ما اشترى ليها المايكرويف..اتصلى على مايسه
خليها تعلمه العين الحمره على رجال الزمن دا

هههههههههههههههههههههههه
ياخوي كان اتصلت علي مايسة كدة الشغلانية بتخرب
وبنشوف عواطف جاراها "حجة الزلال " من اضنيها ومعلقاها فوق النيمة :o

والله رجال آخر الزمن ديل مشكلة كبيرة :confused:

بت مارنجان

15-05-2010, 11:43 AM

كلامك دا تحريضى وعايز ابلغ عن مشاركة سيئة ممكن تخلى الرجال بكرة يشترو لى زوجاتهم

انا غايتو حالف طلاق ما اجيبو

كان تبيت مع اهلها:p:p

هههههههههههههههههههههههه
تبيت مع منو :confused:

ورايك شنو في القالت عايزة "فيريررو روشيه "
وعايزة تايييير وعايزة كوليييييه !!!

دي ياربي تبيتا وين ؟؟؟؟

مايسة

17-05-2010, 07:37 PM

غايتو كان ما سمحها دينا بكون اتلوم تب مع عواطف
وكان ما اشترى ليها المايكرويف..اتصلى على مايسه
خليها تعلمه العين الحمره على رجال الزمن دا

ابوسفرووق

انا بمشي وبكلم غايتو - :mad::cool::mad::p

تغريدا

17-05-2010, 11:55 PM

أختى الفضلى بت مارنجان والله قصة طريفة وحلوة بجد ضحكتنى وفى نفس الوقت زعلتنى على الأشياء الدخيلة علينا وخطر القنوات الفضائية خصوصاً الفارغةوكان الله فى عون سعيد وأمثالة الواحد يموت واقف على حيله من القهر وجوا الناس وقولوا والله كان شديد وهو ماهو شديد ممكون بالقهر وكان صابر

الزبير محمد عبدالفضيل

18-05-2010, 01:43 AM

غايتووووووووو يا مارنجينا قصصك عايزه او كامبو فت فيهااااااا تسلمي

wad alballal

18-05-2010, 02:18 AM

ماجديد فيك التالق يا مارنجو ... دايما بتخلينا في شوق لي حكاويك يلا منتظرنك في الجديد