الزياره

[ودسمير]

ياجماعه الزيارة لسه ما جات تعالو الساعه 3 . يا ولدى عليك الله مرت ولدى جوه خلينى اخش . يا ابو الشباب انا جاى من سفر خمسه دقائق بس وح اتخارج ! يا اخينا ان عسكرى ممكن تخلينى ادخل ؟ يا بتاع الباب طيب الزول داك خليتو يدخل ليه !!
ما بين الشد والجزب بين حارس باب المستشفى والزائرون نجد قصص كتيره ، عشرات الزوار ينتظرون يوميا على ابواب المستشفيات لا احترام للمواعيد ولا رفقا بالمريض فقط برنامج عطاله وعدم شغله وتجد كمان من افترش الارض وهاك يا ونسه وكمان الاكل وكانهم فى رحله .
يا سودانيين عليكم الله التزموا واحترموا المواعيد والمرضى وتكون الزياره خفيفه ...
واحسنتكونو فزعه من ان تكونو ا وجعه
وحتما سنلتقى

[ام نوران]

,ودسمير
والله موش وجعه بس دي الوجع ذاتو فاتو بي هناك,,,وتعرف هنا مره واحده دايره تدخل ترمس شاي حموها ؟,,,ومازال اهلنا المساكين يتسكعون باسفلت المستشفي وبيت البكا.................
مشهد غير حضاري ذاتو يعني حارسين شنو ,,,حارسنو يموت ولاكيف!
والله مشكله كبيره

[ودسمير]

شكرا على زيارتك لينا يا ام الانوار

[سواااح]

ود سمير ..
انها فعلا من العادات التي لا ندري لها علاجاً
فهي ترمز لترابطنا
ولكنها ايضا تدل على عدم وجود ثقافة الزيارة

[الجندي المجهول]

بصراحة انحنا بايخين جدا في قصة الزيارة دي وابيخ مننا من يجلسون على البوابة ....

محتاجين مراجعة شاملة لاننا وبكل اسف للان لا نعرف اداب الزيارة ومواعيدها
وبكل اسف الموظفين عندنا في الخطوط الامامية (من يكونون في الواجهة) لا يعرفوا فن التعامل مع الجمهور (طوالي مادين بوزهم شبر لي قدام) ولا يعرفوا ابسط انواع الزوق في التعامل ( ومنظرهم ما جميل) غير منظمين من ناحية اللبس والمظهر

تخريمة : اول ما لفت نظري في ذلك الباب هو النقش الموجود على جانبيه ،،،

[مدنيّة]

الذ حاجة مرة جابوا اسكيتش في التلفزيون
مرة كبييييرة كدا
مجاملة الناس كلهم الجيران والاهل
وبتمشي لاي زول ما بتقصر نهاااااااااااائي

اها رقدت مستشفي
يوم واحد وعايزين يطلعوها

قلت ليهم نوهاااااااااااااااائي ما بطلع
لسة ناس فلانة وناس علانة ماجوا زاروني
هههههههههههههههههه


-----------------

ربنا يصلح الحال