من القلب للقلب

[ام نوران]

ياناس مدني انتوا ناس عسل,,,حلوين ولذيذين ووناسين,,,كمان بتواكبوا المواضيع,,,وانا حبيتكم كلكم بي المنتدي نفسو,,,وبالمناسبه المنتدي ده فيهو حريه في التعبير ممكن ماتتلقي في منابر اخري والكلام ده عن تجربه والله ,,,والله يخلي مدني واهلنا ناس مدني ,,,وده بوست تااخي وتوادد مع الجميع .....:)تخريمه

مما راق لي
ام نوران

[esmat]

سلام ام نوران

غايتو من ناحية مواكبين مواكبين
اما العسل فهناك بعضاً من قرصات النحل
مدني الجمال مافي كلام

[المسافر]

فعلاً فيهو حرية في التعبير ( بس التعبير زاتو وينو ؟ )
لكن فيهو عشوائية في إختيار المشرفين

[الفخيييم]

فعلاً فيهو حرية في التعبير ( بس التعبير زاتو وينو ؟ )
لكن فيهو عشوائية في إختيار المشرفين

دي حرية التعبير ذاتها انك
تبدئ رأيك بالشفافية دي
تجاه المشرفين والناس تعبرك
وترد ليك وتتقبل نقدك شوفت كيف!!!!

[الفخيييم]

ياناس مدني انتوا ناس عسل,,,حلوين ولذيذين ووناسين,,,كمان بتواكبوا المواضيع,,,وانا حبيتكم كلكم بي المنتدي نفسو,,,وبالمناسبه المنتدي ده فيهو حريه في التعبير ممكن ماتتلقي في منابر اخري والكلام ده عن تجربه والله ,,,والله يخلي مدني واهلنا ناس مدني ,,,وده بوست تااخي وتوادد مع الجميع .....:)تخريمه

مما راق لي
ام نوران

ام نوران تسلمي علي تلك
الكلمات الطيبات بحق منتدانا
العامر بوجودك ووجود كل المبدعين..
انها ودمدني رائدة الفكر الثقافي والسياسي
والاجتماعي علي مر الازمان وهذا غيض من
فيض والقادم أروع وأجمل وعبري ساي عن
ارائك ولا تخشي في ذلك لومة لائم...


تخريمة:والله وفاة فضيلة الشيخ احزنتي
كتير وربنا يتقبلوا ويجعل مثواه الجنة ويصبر
جميع اهله بالقضارف والخرطوم..

[الجندي المجهول]

سلام اختى ام نوران

الحرية كفلها الاسلام ،،وامرهم شورى

ولك ان تقول رايك وان يستمع لك الطرف الاخر من دون المساس والخروج عن المألوف والسب والقذف

بكل هدوء وبكل لطف وادب يمكن ان يصل صوتك رسالتك ،،،

تخريمة :: الفخيييييييييييييييييم حبيبنا (ياخ والله أني اري برشماً جديداً وكذلك مرق جديد وحبني جديد) يا اخوي حاصل شنو ما اقلوا الديناصورات انقرضت تاني رجعنا مربعنا الاول (المريع المحبوب) الهزائم داخلياً وخارجياً ،، وربك يستر

[مدناوية]

أم نوران حبابك ...



نورتي المنتدى بي طلتك ...

[مدنيّة]

والله يااو نوارن
انت العثل زاااااااااااتك

وناس عصمت ديل النحل "عصمت مزاحا ما تجي تتشبك فيني :cool: "

[esmat]

والله يااو نوارن
انت العثل زاااااااااااتك
وناس عصمت ديل النحل "عصمت مزاحا ما تجي تتشبك فيني :cool: "


ما النحل دا هو زااااتو سبب العسل
(في الحالة دي خجلتينا ياخ)

بعدين حمد الله على السلامة جيتي من الامارات بتين
اظاهر ما نفعت معاك عشان كدا مما جيتي ما طليتي علينا


(شنو يا مدون جيتي ليك شهر تظهري الليلة الامارات دي مسخت ليك البلد ولا شنو)

[مدنيّة]

بعدين حمد الله على السلامة جيتي من الامارات بتين
اظاهر ما نفعت معاك عشان كدا مما جيتي ما طليتي علينا


(شنو يا مدون جيتي ليك شهر تظهري الليلة الامارات دي مسخت ليك البلد ولا شنو)

عصمت شككتني × روحي دي

يااخوي انا قااااااااااعدة
كدي تعال في الرياضي بهناك


لكن تاني عزيت "شفت عزيت دي كيف"
انك ماعارف القاعد منو والماقاعد منو الي "غسيل العدة وفقا لاعترافكم في بوست سابق"


ام نوران نعتذر لاستخدام البوست في غير هدفه

[محب]

ام نوران لكي الود بينا
ولكي فائق الاحترام ما ادام دا رايك فينا
اهلا بك اما حنونة لنا


انتي مننا وفينا

[ام نوران]

سلام ام نوران

غايتو من ناحية مواكبين مواكبين
اما العسل فهناك بعضاً من قرصات النحل
مدني الجمال مافي كلام


عصمت ياخ العسل مابحلا الا مع قرصات النحل هههههه

تسلم

[ام نوران]

فعلاً فيهو حرية في التعبير ( بس التعبير زاتو وينو ؟ )
لكن فيهو عشوائية في إختيار المشرفين

المسافر:لك الود ياخي تعرف ذي كلامك ده في منتديات اخري لو قلتو تبقي جاني ومجرم وممكن يرسلو يعتقلوك كمان

ماتخاف ههههه

[ام نوران]

دي حرية التعبير ذاتها انك
تبدئ رأيك بالشفافية دي
تجاه المشرفين والناس تعبرك
وترد ليك وتتقبل نقدك شوفت كيف!!!!

موش عليك الله يافخيييم كويس انك فاهمني وده الحاصل
لك الود

[ام نوران]

الفخييم:

والله الشيخ حرقنا كلنا حرقه شديده خلاص وهو حبيب الكل ,,,نسال الله ان يجيرنا بمصابنا ويبدلنا خيرا منه

[ام نوران]

سلام اختى ام نوران

الحرية كفلها الاسلام ،،وامرهم شورى

ولك ان تقول رايك وان يستمع لك الطرف الاخر من دون المساس والخروج عن المألوف والسب والقذف

بكل هدوء وبكل لطف وادب يمكن ان يصل صوتك رسالتك ،،،

تخريمة :: الفخيييييييييييييييييم حبيبنا (ياخ والله أني اري برشماً جديداً وكذلك مرق جديد وحبني جديد) يا اخوي حاصل شنو ما اقلوا الديناصورات انقرضت تاني رجعنا مربعنا الاول (المريع المحبوب) الهزائم داخلياً وخارجياً ،، وربك يستر


الجندي:

لك التحي والود

وكلامك ميه ميه,,,وشكرا جزيلا

[ام نوران]

أم نوران حبابك ...



نورتي المنتدى بي طلتك ...

مدناويه:

تسلمي ياخ ومنوره بيكم والله

[ام نوران]

والله يااو نوارن
انت العثل زاااااااااااتك

وناس عصمت ديل النحل "عصمت مزاحا ما تجي تتشبك فيني "





مدنيه:تسلمي يازوله وشكرا ليك,,لكن ياخ ناث عثمت ديل مالهم كويثين والله ماتزلميهم

[محمد حسين (المميز)]

امنـا ام نوران

جميـل هـو تواجـدك بيننـا

وجميـل هو قلمـك الذي يخط حروفا ذات معاني

وجميـل هو قلبـك الابيض

وجميـل هو فكـرك العالي

[ام نوران]

ام نوران لكي الود بينا
ولكي فائق الاحترام ما ادام دا رايك فينا
اهلا بك اما حنونة لنا


انتي مننا وفينا


محب :لك الشكر والتقدير,,,يازول هي انت داير تعجزني ولاشنو انا زوله صغيرونه نوران دي الكبيره هههههه,,,لكن حلوة برضو امنا دي عجبتني ,,,ومشكور لمشاعرك الطيبه الحنونه

[esmat]

محب :لك الشكر والتقدير,,,يازول هي انت داير تعجزني ولاشنو انا زوله صغيرونه نوران دي الكبيره هههههه,,,لكن حلوة برضو امنا دي عجبتني ,,,ومشكور لمشاعرك الطيبه الحنونه

الله اخلي نوران وام نوران واجعلها من البارين الحافظين

بعدين الغربة ما بتعجز يا ام نوران عادي
بعد بكرة (حبوبتنا)

[ام نوران]

امنـا ام نوران

جميـل هـو تواجـدك بيننـا

وجميـل هو قلمـك الذي يخط حروفا ذات معاني

وجميـل هو قلبـك الابيض

وجميـل هو فكـرك العالي

المميز:تميزت بهذه الروح الجميله,,,
اشكرك اخي العزيز لروعه الوصف منك طيبه وحلاوة

لك التقدير والود

[ام نوران]

الله اخلي نوران وام نوران واجعلها من البارين الحافظين

بعدين الغربة ما بتعجز يا ام نوران عادي
بعد بكرة (حبوبتنا)

عصمت بالانجليزي: خالص الود والتقدير شاكره دعواتك الطيبه ,,,

حيتي وتقديري

[ودسمير]

انت رائعه وام كل الانوار وليس فقط نوران ...
اتمنى ان تدوم الالفه فى كل ربوع ودمدنى وأكيد ح تدوم طالما فيها ناس روعه

[ام نوران]

انت رائعه وام كل الانوار وليس فقط نوران ...
اتمنى ان تدوم الالفه فى كل ربوع ودمدنى وأكيد ح تدوم طالما فيها ناس روعه
ودسمير: الروعه تكمن بكم اخي العزيز,,,والالفه في حناياكم تغمرونا بها ونحن نطل عليكم عبر نافذه منتدي مدني

لك الد واسال الله يديم الالفه والخوة