ادخل الساحه وبشيل مفتاحها

[مهيد ود السفاح]

فتحت التلفزيون وقلت اتابع نتائج الانتخابات , ما تستغربوا امكن تكون سذاجه مني , هسي بالله عليكم نتائج شنو العايز اشوفها انا ؟؟
المهم فتحت التلفزيون وتحولت بسرعة للفضائية السودانيه , ولقيت شريط اسفل الشاشه لونوا ازرق فيهو اسماء الفائزين واحزابهم وعدد الاصوات المحققه , العملية دي اخدت معاي يومين تلاته , والشريط ماشي وعينك ما تشوف الا ( فلان الفلاني يفوز بالدائرة كم كده بولاية شنو وبين قوسين (( مؤتمر وطني )) , مرشح المؤتمر الوطني فلان بن فلان يكتسح الدائره الفلانيه ويحقق اعلى الاصوات , ولما يصلحوها فلان الفلاني عن الدائرة كدة ولاية كده يحقق الفوز بكم كده صوت وتيجيني شوية فرحه اقول امكن الكريبه جابت قون تجي ناطه لي ( مؤتمر وطني ) , ناس الكريبه ما تزعلوا انا زاتي عندي اهلي من الكريبه , والكريبه من ايام المصري العب واحد في الكريبه كانت بتكتسح الدوائر اقصد الفرق التانيه , هسي الدخل الدوائر هنا شنو ؟؟
واصلت المتابعه والشريط شغال ( مؤتمر وطني ) ( المؤتمر الوطني )
يا ربي الحاصل شنو ؟؟؟
الناس دي نزلت براها الساحه ولا شنو ؟؟ ما قالوا البدخل الساحه وبشيل مفتاحها , وانا من صغير اقول يا ربي ده منو ده البدخل الساحه وبشيل مفتاحها ده ؟؟ اها يا ساده هسي عرفتو ده منو
واكيد انتو كمان عرفتوا ده منو البدخل الساحه وبشيل مفتاحها
اخر حاجه وصلت ليها انو التلفزيون ده مختص بنتائج مجموعه معينه
وقلت كدي وغيرت القناة وبديت افتش على باقي القنوات , امكن القى قناة بتجيب اسماء فائزه بتاعت الاحزاب التانيين لانو اقتنعت تماماً انو القناة دي مخصصه للناس الدخلوا الساحه .
هسي ما تشغلوني خلوني امشي اشوف امكن القى الكريبه ولا سعد الشفيع جابت قووون
ودعتكم الله

[المبارك زرقه]

فتحت التلفزيون وقلت اتابع نتائج الانتخابات , ما تستغربوا امكن تكون سذاجه مني , هسي بالله عليكم نتائج شنو العايز اشوفها انا ؟؟
المهم فتحت التلفزيون وتحولت بسرعة للفضائية السودانيه , ولقيت شريط اسفل الشاشه لونوا ازرق فيهو اسماء الفائزين واحزابهم وعدد الاصوات المحققه , العملية دي اخدت معاي يومين تلاته , والشريط ماشي وعينك ما تشوف الا ( فلان الفلاني يفوز بالدائرة كم كده بولاية شنو وبين قوسين (( مؤتمر وطني )) , مرشح المؤتمر الوطني فلان بن فلان يكتسح الدائره الفلانيه ويحقق اعلى الاصوات , ولما يصلحوها فلان الفلاني عن الدائرة كدة ولاية كده يحقق الفوز بكم كده صوت وتيجيني شوية فرحه اقول امكن الكريبه جابت قون تجي ناطه لي ( مؤتمر وطني ) , ناس الكريبه ما تزعلوا انا زاتي عندي اهلي من الكريبه , والكريبه من ايام المصري العب واحد في الكريبه كانت بتكتسح الدوائر اقصد الفرق التانيه , هسي الدخل الدوائر هنا شنو ؟؟
واصلت المتابعه والشريط شغال ( مؤتمر وطني ) ( المؤتمر الوطني )
يا ربي الحاصل شنو ؟؟؟
الناس دي نزلت براها الساحه ولا شنو ؟؟ ما قالوا البدخل الساحه وبشيل مفتاحها , وانا من صغير اقول يا ربي ده منو ده البدخل الساحه وبشيل مفتاحها ده ؟؟ اها يا ساده هسي عرفتو ده منو
واكيد انتو كمان عرفتوا ده منو البدخل الساحه وبشيل مفتاحها
اخر حاجه وصلت ليها انو التلفزيون ده مختص بنتائج مجموعه معينه
وقلت كدي وغيرت القناة وبديت افتش على باقي القنوات , امكن القى قناة بتجيب اسماء فائزه بتاعت الاحزاب التانيين لانو اقتنعت تماماً انو القناة دي مخصصه للناس الدخلوا الساحه .
هسي ما تشغلوني خلوني امشي اشوف امكن القى الكريبه ولا سعد الشفيع جابت قووون
ودعتكم الله

الغالى/ ود السفاح كلام ذى (الفل) وهذه الاشياء التى تربى الدغائن فى النفوس ، فكان على الاقل فى هذه المرحلة تكون هنالك عداله فى الفرص داخل هذه الوسائل القومية ولكل المرشحين كل يدلو بدلوه حول مجريات العملية الانتخابية من حيث النزاهه او عدمها ،حتى تتضح الرويا ونبارك جميعا الفائر اقصد الفائز. تحياتى

[مهيد ود السفاح]

الغالى/ ود السفاح كلام ذى (الفل) وهذه الاشياء التى تربى الدغائن فى النفوس ، فكان على الاقل فى هذه المرحلة تكون هنالك عداله فى الفرص داخل هذه الوسائل القومية ولكل المرشحين كل يدلو بدلوه حول مجريات العملية الانتخابية من حيث النزاهه او عدمها ،حتى تتضح الرويا ونبارك جميعا الفائر اقصد الفائز. تحياتى


انت عارف يا المبارك دخول الساحه زاتو عايز ليهو فن وحرفنه
يعني ما اي واحد شايل ليهو قرجه وجاي انقز واعرض من بعيد وادخل الساحه
لا لا لا لا
اول حاجه ضروري تأسس نفسك كويس
وبعد ما تأسس نفسك تقوم تطلع السكين
وهاك يا شغل
شئ الامه القومي
وشئ الامه الاصلاح والتجديد
وشئ الامه الفدرالي
وشي الاتحادي الاصل
وشئ الاتحادي حاف كده
وحتى الحركه الشعبيه
في حركه شعبيه ساي
وفي حركة شعبيه تغيير ديمقراطي
وهكذاا
اهم حاجه وانت داخل الساحه عشان تشيل مفتاحها (( تقسم الساحه ))
اها يا سيدي الشغله دي في ناس اخدت معاهم عشرين سنه
والغريبه انو الساحه الخضراء يوسف عبد الفتاح عملها في سنتين بس
كل

[عثمان جلالة]

ود السفاح .. منور السياسي والله

أنا قلت أرد عليك سريع قبل ما البوست ده ألقى الكاتبو بدل اسمك "المؤتمر الوطني" :o:):rolleyes:

[محمد علي شقدي]

مهيد السفاح لا تحلم بوطن سعيد الان وفيكم انتوا الخير وفي الجايين
ياخوي وين اراضيك معليش امكن تكون مع لخمتك بي تلفزيون المؤتمر اللاوطني نسيتنا
زمن منك 000000 لك خالص الود

[مهيد ود السفاح]

ود السفاح .. منور السياسي والله

أنا قلت أرد عليك سريع قبل ما البوست ده ألقى الكاتبو بدل اسمك "المؤتمر الوطني" :o:):rolleyes:


استاذنا جلاله
اتشرف كثيراً بمرورك على البوست
وانا ما زعلان على نتيجة الانتخابات لاني عارفها منذ 30 /6 / 1989 انا المزعلني الناس الاتفرتقت دي تاني يلموها كيف ؟؟ والساحه دي اصلها ما دايمه لي زول , كل يوم مفتاحها بكون عند زول , لكن تقسيم زي ده اصولوا ما شفناه .

[مهيد ود السفاح]

مهيد السفاح لا تحلم بوطن سعيد الان وفيكم انتوا الخير وفي الجايين
ياخوي وين اراضيك معليش امكن تكون مع لخمتك بي تلفزيون المؤتمر اللاوطني نسيتنا
زمن منك 000000 لك خالص الود
الحبيب ود شقدي
لك التحية
والله من ناحية الحلم انا قاعد احلم بوطن سعيد
بس انا خايف اقوموا افرضوا على رسوم للحلم السعيد , وما اقدر ادفع وابطل احلم , اها دي المصيبه .
ولا وانا بحلم بوطن سعيد ومبسوط بي حلمي ده اخر انبساطه ونهاية الحلم اجيبوا اسم المخرج حق الحلم
مش بعد نهاية كل برنامج ضروري من اخراج ؟؟
اها تقلي اخراج
(( المؤتمر الوطني ))
ما قلنا ليك يا مهيد بطل احلام زعيط بتاعتك دي