خبر سار ..عاد العقد النضيد..

[الفخيييم]

بعد سحب الفنان والموسيقى عثمان النو ألحانه الثلاثين من مجموعة عقد الجلاد تراكمت سحب رمادية كثيفة على العلاقة المتجذرة بين اعضائها وألقت بظلالها فوق سماء الإبداع ، واعتقد البعض انها لن تنقشع بسهولة حتى جاء النبأ اليقين والسار بعودة العقد النضيد ليلتئم من جديد فى جيد الساحة الفنية حيث نجح عدد من الشعراء الموسيقيين والمطربين فى محاولة تقريب وجهات النظر بين المجموعة والأب الروحى لها عثمان النو وفى مقدمتهم محمد طه القدال و ابوعركى والعائد الى ديار الوطن يوسف الموصلى الذى سبق ان جمعته سهرة فنية رائعة بمجموعة عقد الجلاد على شاشة النيل الأزرق ويتوقع ان يعلن عودة منابع الإبداع الى مصبات الطرب فى القريب العاجل ووضع حد لزعل فنى لم يدم طويلاً، الجدير بالذكر ان الأستاذ يوسف الموصلى قام بتدريس بعض أعضاء عقد الجلاد بمعهد الموسيقى والمسرح إبان عهدها الذهبى ومنهم الموسيقى ومقدم البرامج التلفزيونية طارق جويلى وكان ذلك أحد ملامح نجاحه فى محاولات التوفيق بين أفراد (العقد الفريد) ومؤسس المجموعة وعرابها الفنان عثمان النو.


منقوووول طازة...

[الجندي المجهول]

يا فخييييييييييييييم يا راااااااااااقي
دائماً بتجيب اخبار جميلة ونسأل الله ان يحل اي خصام بين اي اتنين (مهما كان فراقهم)
تخريمة : اديك خبر صباحي جميل (حسني عبد ربه ) في طريقه للهلال ........ بصراحة لو تمت الصفقة يكون اكبر مكسب للهلال ..... اوعك تجي تقول لي مصري والحركات بتاعتك ديك ..دي (كورة) ....

[أبورهف]

يافخييييييييييييييم انشاءاللة يعود العقد زى ماكان وماينفرط تانى

تخريمة
رايك شنو فى كلام الجندى دا

[معتزودمدنى]

عقد الجلاد فى الفترة الاخيرة وبكل اسف
المشاكل بقت اكتر من الغنا
عثمان النو يعتبر المؤسس لعقد الجلاد
ومهما حدث من خلاف من المفترض ان لايمس عثمان النو ويهدد مسيرته مع الفرقة.
ولكن مايحدث الآن فى السودان امر اعجب من عجيب
مشاكل البلابل وبشير عباس
تراشق بين ترباس وعبدالماجد خليفة وصلاح ابن البادية
قلة ادب وعدم احترام من المطرب شكرالله تجاه العندليب زيدان ابراهيم.
غايتو الفن فى السودان ماشى نحو الهاوية

[عبدالرحمن مدثر]

يافخيم عليك الله متاكد من الخبر

لانو اليومين دى مافى سيرة غير عقد الجلاد

قبل يومين بعد الحلقة بتاعت العقد مع الموصلى

قرات حوار مع النو يقول فيه ان الموصلى اخطأ حينما سجل هذه الحلقة

مع تلك المجموعة التى لاتمثل العقد الاصيل

واصر على موقفه من الخلاف

وسحب اعماله

وسحب حتى اسم المجموعة المربوط به

[الفخيييم]

يافخيم عليك الله متاكد من الخبر

لانو اليومين دى مافى سيرة غير عقد الجلاد

قبل يومين بعد الحلقة بتاعت العقد مع الموصلى

قرات حوار مع النو يقول فيه ان الموصلى اخطأ حينما سجل هذه الحلقة

مع تلك المجموعة التى لاتمثل العقد الاصيل

واصر على موقفه من الخلاف

وسحب اعماله

وسحب حتى اسم المجموعة المربوط به

حبيبنا اطمن خبر أكيد ومدعم
بتلفون كمان وعقبال ما نري
الجديد الرائع بوجود الموصلي
صاحب الذوق الرفيع ...


تخريمة: السمسمية دي زادت
رجفتي بعد المستوي المتذبذب
لسيد البلد توقعاتك وانت قريب
من السيد الهلال...

[الفخيييم]

يا فخييييييييييييييم يا راااااااااااقي
دائماً بتجيب اخبار جميلة ونسأل الله ان يحل اي خصام بين اي اتنين (مهما كان فراقهم)
تخريمة : اديك خبر صباحي جميل (حسني عبد ربه ) في طريقه للهلال ........ بصراحة لو تمت الصفقة يكون اكبر مكسب للهلال ..... اوعك تجي تقول لي مصري والحركات بتاعتك ديك ..دي (كورة) ....


جندينا نحن هنا من اجل
رسم البهجة بقدر المستطاع
لكل من بهذا الصرح وربنا يقدرنا
كمان وكمان لجلب كل ما يسعد
الآخرين ...


تخريمة: يا حبيبنا جمال الوالي حسم
موضوع الراجل وح يمشي المريخ وعبده
ربه صعيدي قريب من حلفا يعني ما مصري...
نتمني له التوفيق لو هنا ولا هناك في العرضة جنوب...

[الفخيييم]

يافخييييييييييييييم انشاءاللة يعود العقد زى ماكان وماينفرط تانى

تخريمة
رايك شنو فى كلام الجندى دا

ابورهف حبيبنا نتمني ان
يعم الاستقرار داخل هذه
المنظومة الرائعه ويبعد عنها
عين الحاسدين والمتربصين...


تخريمة: نتخارج من الدراويش وبعداك
نفكر في موضوع استجلاب لعيبة في
التسجيلات التكميلية حتي يعم الاستقرار
علي الاقل في الفترة دي وبعدها لكل حدث حديث...

[الفخيييم]

عقد الجلاد فى الفترة الاخيرة وبكل اسف
المشاكل بقت اكتر من الغنا
عثمان النو يعتبر المؤسس لعقد الجلاد
ومهما حدث من خلاف من المفترض ان لايمس عثمان النو ويهدد مسيرته مع الفرقة.
ولكن مايحدث الآن فى السودان امر اعجب من عجيب
مشاكل البلابل وبشير عباس
تراشق بين ترباس وعبدالماجد خليفة وصلاح ابن البادية
قلة ادب وعدم احترام من المطرب شكرالله تجاه العندليب زيدان ابراهيم.
غايتو الفن فى السودان ماشى نحو الهاوية


حبيبنا معتز ربنا يلم الشمل
ويبعد العوارض ويرجعوا أكثر
تماسكاً لا نريده صلح تخديري
وتطيب خواطر بل نريدها رجعة
قوية وصلبة تخرس كل الألسن..