اتركها اخي البشير فانها جيفة ،،،، وربما صليت الفجر خمساً

[فتح الرحمن عبد الباقي]

انني جد مشفق على هذا الرجل الذي قدم للوطن ما ليس هو بالقليل على الرغم من اختلافي معه في بعض التفاصيل ، عموماً إتفقت ام اختلفت مع البشير الا انني اشفق عليه ، بعد ان اصبح فوزه مؤكداً ووشيكاً في الانتخابات التى ستعلن نتائجها الرسمية ، بعد ايام قلائل ،،، وعلى كل فالفترة القادمة أى ما بعد الانتخابات ، فترة عصيبة ، بل وعصيبة جداً ،،، وأنها ستعلن فيها قرارات مصيرية ومغيرة ومحولة لتاريخ السودان الحديث ، بل والعالم العربي ، والافريقي أجمع ،،،

ومن أهم هذه القرارات الاستفتاء الذي يجمع المراقبون على أنه 90% يميل الى فصل الجنوب عن الشمال ، واذا ما تم فصل الجنوب عن الشمال فان الامر سيكون مختلفاً جداً ، وأن أول سفارة سيتم اعلانها رسمياً ، ستكون سفارة دولة اسرائيل ، وان العلم الاسرائيلي سوف يرفرف في جوبا الصمود ، وسيجوب الاسرائيليون الجنوب شمالا وشرقا وغرباً ،،، ويقومون بادارة الحكومة من داخل البلاد بدلا من التعليمات ،،،، وقتها سوف لن يكون حالنا ،،، ومآلنا أحسن من معركة الميل ( 40 ) الذي استبسل فيه البواسل الاحرار ،،،،، فستنصب الصواريخ في جوبا ،،، أو في حدود كوستي والنيل الازرق ،،،، وستقوم اسرائيل بالاملاءات ،،،، واذا رفضنا فهي قاب قوسين او ادني من الخرطوم ، وقتها ايها الرئيس البشير ستقوم بصياغة قرارات ، وافعال لا تشبهك ، ولا تشبه شخصك الكريم ....... وقتها ربما نصلي الفجر خمساً ، أو نموت ، وربما نصلي الفجر خمساً وايضاً نموت ،،،،، فسياسة واحلام وخطط العدو الصهيوني هو قيام دولته من النيل الى الفرات ...... وهذه ليست مزحة او استهلاك كلام ،،، بل هي استراتيجية وضعها الصهاينة واقتربوا من تنفيذها ......
القرار الثاني والصعب هو ما يخص دارفور الكليمة التي تحول فيها الصراع من صراع قبلي حول الارض والمرعى الى صراع دولي ، فالحال فيه ليس جيداً ، وجميع السيناريوهات مفتوحة لصياغة قرارات مصيرية غير محبذة ، وليست في صالح البلاد ،،،،

اذن ايها الكريم البشير ماذا تبقى من السودان ، وسطه ــ الذي نزح معظم سكانه ـــ بعدما انهار المشروع الرئيسي الذي قاد السودان فترة ليست بالقصيرة ، وكان مصدر الدولار الاول مع الشيخ الصمغ العربي ، الوسط الذي عرف معنى السرطان مع عدم وجود علاج له ،،، الوسط الذي اكلت ونهشت البلهارسيا اجسامهم ، ((( وكانت المكافأة من الحكومة ، بانشاء اكبر مراكز العلاج التي تختص بهذه الامراض بالخرطوم )))

اتركها اخي البشير فانها جيفة ،،،، وربما صليت الفجر خمساً

[فتح الرحمن عبد الباقي]

]الاخوة الاعزاء قبل السلام والتحية اتيت بهذه المشاركة تقبلونني عضواً في بيتكم الكريم ،،،، ومن اختلفت معه في الرأي فتقبلني مختلفاً معه لنثري الحوار لا الجدال ،،،،،[/size]
ولكم الود

[ام نوران]

مرحبا بك اخي العزيز فتح الرحمن وكان الار ماشالتك تشيلك ريسينا

والله خوفي من ماتقول ربنا يستر ربنا يستر علي السودان وربنا يعين البشير ويرزقه بطانه خير ويعينو علي امر الدين والدنيا

امين ااامين اااامين
لك الود

[فتح الرحمن عبد الباقي]

مرحبا بك اخي العزيز فتح الرحمن وكان الار ماشالتك تشيلك ريسينا

والله خوفي من ماتقول ربنا يستر ربنا يستر علي السودان وربنا يعين البشير ويرزقه بطانه خير ويعينو علي امر الدين والدنيا

امين ااامين اااامين
لك الود

أسعدني جداً ان تكوني أول المرحبين بي في هذا المنتدي العامر باهله ،،،،،

يا ربي أرزقه بطانة تعينه على جميع الامور

آآآآآآآآآآآآآآآآآآآآآآآآآآآآآآآآآآآآآآآآآآآمين

[الجندي المجهول]

اخي فتح الرحمن عبد الباقي
السلام عليك ورحمة الله وبركاته ،،
انت في بيتك ولا تحتاج إلى إذن ،،،،
وشعارنا (اختلاف الراي لا يفسد للود قضية ) نتناقش بكل احترام وبدون مشاحانات ونلتقي لنرتقي ،،،

بالنسبة لموضوع البوست الاساسي بخصوص دولة اسرائيل واطماعها في المنطقة ( فببصم معاك بالعشرة) وهذا ما نخاف منه خاصة إذا وقع الانفصال وربنا يصلح الحال

الف مرحب بيك بين اهلك وناسك ،،،،،

[نزار حسن محمد]

الاخ فتح الرحمن عبد الباقى ..
اولا دعنى ارحب بك بين اخوانك اعضاء المنتدى ..
وتاكد اننا نسعد بقلم يسطر كل حرفاُ فيه صالح الوطن
ستجد اعلى المنتدى العام القسم السياسى
فكتب به ماشئت واكرر ترحبى بك اخاً عزيزاً

[ابوالنور]

ده كلام كبااااااااااااااار يا خال

البركة الجيت تاني

[عثمان جلالة]

مرحبا فتح الرحمن عبد الباقى .. وها نحن ذا نرحب بك من داخل بيتك .. أقصد من داخل البوست ..والذي يتفق تماما مع مبدأ السلام من الداخل .. والذي نتعشم أن يكون حال السودان .. وطنا واحدا موحدا .. عصي على الوجود الأجنبي بشتى أنواعه .. ملاحبا مرة اخرى :)

[ابو عبد الرحمن]

فتح الرحمن عبد الباقي الف مرحب بيك وسطنا ، كلامك في المجمل
يهتم بالبشير،ولم تشير الى الحلول ، ونحن بنقول البشير وجماعتوا الوصلونا للبحصل ده
مين الوقع حق تقرير المصير مع الجنوبين ؟ ماهو البشير وجماعتوا .
يعني انت دايرو ازوغ ولا بتقصد شنو ؟ بكلامك اتركها فأنها جيفة
ليس هاكذا يا فتح الرحمن ، تحل الامور . خليه اشيل الشيلة وكلنا فداء لله
وللوطن . ونقف من خلفه جنود بواسل ، أما في نصف الطريق ويبيع القضية
إنها الخيانة يا أخي ،،،، ويخليها لمنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع خالص التحايا اخي فتح الرحمن ,,,,,,,,,,

[فتح الرحمن عبد الباقي]

[QUOTE=الجندي المجهول;488282][B][COLOR="red"]اخي فتح الرحمن عبد الباقي
السلام عليك ورحمة الله وبركاته ،،
انت في بيتك ولا تحتاج إلى إذن ،،،،
وشعارنا (اختلاف الراي لا يفسد للود قضية ) نتناقش بكل احترام وبدون مشاحانات ونلتقي لنرتقي ،،،

بالنسبة لموضوع البوست الاساسي بخصوص دولة اسرائيل واطماعها في المنطقة ( فببصم معاك بالعشرة) وهذا ما نخاف منه خاصة إذا وقع الانفصال وربنا يصلح الحال

الاخ الجندي المجهول

تحياتي .....


هذا ما نخاف عليه بالجد ،،،، وللاسف الكل يعرف القصة ويدفن راسه بالرمل

[فتح الرحمن عبد الباقي]

الاخ فتح الرحمن عبد الباقى ..
اولا دعنى ارحب بك بين اخوانك اعضاء المنتدى ..
وتاكد اننا نسعد بقلم يسطر كل حرفاُ فيه صالح الوطن
ستجد اعلى المنتدى العام القسم السياسى
فكتب به ماشئت واكرر ترحبى بك اخاً عزيزاً

الاخ نزار شكراً على المرور وحرارة الترحاب .....

[فتح الرحمن عبد الباقي]

ده كلام كبااااااااااااااار يا خال

البركة الجيت تاني

ابو النور يا زول كيف حالك ؟؟؟؟

وشنو الداير اعرس بنقطع من الناس كدا .....

شنو دائما داخل بالماسنجر ومختفي ،،،،

ادخل على الماسنجر

[فتح الرحمن عبد الباقي]

مرحبا فتح الرحمن عبد الباقى .. وها نحن ذا نرحب بك من داخل بيتك .. أقصد من داخل البوست ..والذي يتفق تماما مع مبدأ السلام من الداخل .. والذي نتعشم أن يكون حال السودان .. وطنا واحدا موحدا .. عصي على الوجود الأجنبي بشتى أنواعه .. ملاحبا مرة اخرى :)

]مرحب بيك وبي ناس الادارة ......

وحلوة فكرة السلام من الداخل ....

مع خالص الود [/size]

[esmat]

سلام فتح الرحمن الف مليون مرحب بيك
----
إذا تم انفصال الجنوب سيتحمل المؤتمر الوطني وصمة العار هذه
مدى الحياة سيكون هو من قسم السودان ولن يغفر له التاريخ
ولااظن ان قادته سيدعون امراً كهذا يحدث بالرغم من ان كل المؤشرات
تشير إلى ذلك ولكن افكار شيوخ هذا الحزب لا يستطيع ان يتوقعها احد

وبالرغم من تشدد قادة الجنوب ودعوتهم للجنوبيبن للإنفصال إلا ان حنكة
الوطني في التعامل وغسيل الرؤوس ستنجح / او تزوير الاستفتاء

وإذا لم يحدث هذا او ذلك تأكد بأن الجنوب سيصبح دولة منفصلة ولكن إدارتها
في الخرطوم - كمصر سابقاً للسودان

[Badri]

وللمساء هنالك قصة مابين الأولمبيك سيتي و( فورن جايوا آن ) - سكن العائلات الراقية - .. مكان ساحر يحكي عظمة هذا الشعب .. ولما كان معظم الشعب وثني لا يؤمن بدين كانت تتملكنا الحيرة والسؤال الذي تبحث الحياة عنه دائما أين نجد مانأكله و يناسبنا كمسلمين ... ولطالما فكت مدام ( ساو ) حيرتنا هنالك في ( بيجين يوان داش وي )- جامعة اللغات – هنالك حيث المطعم الشينجياني الأسلامي وحيث مختلف الجنسيات في الجامعة القارةمن كل حدب وصوب ( وياسلام علي الروس ... ...... يات )
... هنالك حيث (بيجين يوان داش وي ) كان أشهر أستطلاع لأشهر شخصية في العالم ، أحرز عمر البشير فيه المرتبة الثانية من بعد أوباما أعانك الله سيدي الرئيس أمامك أمور جسام وتحديات كبيرة , أنت لها



أهلا بك فتح الرحمن

[فتح الرحمن عبد الباقي]

فتح الرحمن عبد الباقي الف مرحب بيك وسطنا ، كلامك في المجمل
يهتم بالبشير،ولم تشير الى الحلول ، ونحن بنقول البشير وجماعتوا الوصلونا للبحصل ده
مين الوقع حق تقرير المصير مع الجنوبين ؟ ماهو البشير وجماعتوا .
يعني انت دايرو ازوغ ولا بتقصد شنو ؟ بكلامك اتركها فأنها جيفة
ليس هاكذا يا فتح الرحمن ، تحل الامور . خليه اشيل الشيلة وكلنا فداء لله
وللوطن . ونقف من خلفه جنود بواسل ، أما في نصف الطريق ويبيع القضية
إنها الخيانة يا أخي ،،،، ويخليها لمنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مع خالص التحايا اخي فتح الرحمن ,,,,,,,,,,

الاخ ابو عبد الرحمن
ما اردت ان اقوله هو ان السودان مقبل على فترة عصيبة وصعبة وستكتب فيها قرارات مصيرية واتفق معك بان البشير ومن معه هم من اوصل البلاد الى هذا المصير ،،،،،

أما الحلول فقد استعصت على اهل الحل والعقد ،،، ولم تكن في يد اي سوداني لا انا ولا انت ،،،، بل اصبح الامر برمته في يد خارجية .....

مرورك اثلج صدري

مع خااااااااااااااااااااااااالص الود

[محمد علي شقدي]

اهلا بك000 فتح الرحمن 000 مرحبا
وانت المهموم بما يعذب الكثيرين
علي الرغم من ان المشكله ليست اسرائيل وامريكا فالعالم يتحدث بلغة المصالح
المهم كيف نفرط نحن في مصالحنا -
فدعنا نحلم لما سيتبقى من سودان
بتقاسم عادل للثروة والسلطه ووطن يسع الجميع

[حاتم مرزوق]

نرحب بفتح الرحمن عبد الباقي ترحيباً حاراً

كل القراءات تشير إلي الإنفصال! وسيكون ذلك اليوم من أمر الأيام علي السودان الكبير الموحد ((بلد الحبايب)) وهو يفقد إبن من أبنائه الأعزاء الذين تكتمل بهم الخارطة السودانية بثرائها وتنوعها وتاريخها التليد و سيفقد السودان شيئاً من الثقافة و اللغة والتراث والفن والإلفة وستتغير الخارطة الجغرافية التي إعتدنا علي رؤيتها شامخة ممتدة تسر الصديق وتغيظ العدا وسيشمت بنا الأعداء وتأتينا المصائب تجرجر أذيالها والمصائب لا تأتي فرادي فلا الجنوب سيبلغ مبتغاه ولا الشمال تطيب له الحياة.

فقد بيع ترابك رخيصاً يا سودان برغم وصية الأجداد !!

كم غنينا من أجل وحدة التراب ولكن أتي اليوم الذي ستقسم فيه أرضنا .


جدودنا زمان وصونا على الوطن
على التراب الغالي الما ليهو تمن
نحن حافظين للوصية
جوه في قلوبنا الوفية
ذكراهم بتلهمنا
وتشجينا بعزيمة قوية
****
ليك يا بلدنا عاد
صارفين روحونية
صاينين للتراب
وحافظين للوصية
جدودنا زمان وصونا على الوطن
على التراب الغالي الما ليه تمن
****
بي سواعدنا القوية
حققنا استقلالنا ورفعنا علم الحرية
بيهوا الشعب احتفل
يوم جمع صفوفو
واتشمر للعمل
بي وحدة نضالو
كم حقق أمل

جدودنا زمان وصونا على الوطن
على التراب الغالي الما ليه تمن

[Almostshar]

احنا يدنا مع الببني وبرفع من شانا

والزول البهد البنيناه مابيكون معانا واحنا ضده

والدين وراه وماشين على دربه

والسودان الله يحفظة من مشاكل الزمان

والناس البتعطل درب التقدم بتقع في دعوات الناس

والله لا يفرقنا


تحياتي ووجود مبارك معانا انشاء الله

[فتح الرحمن عبد الباقي]

وللمساء هنالك قصة مابين الأولمبيك سيتي و( فورن جايوا آن ) - سكن العائلات الراقية - .. مكان ساحر يحكي عظمة هذا الشعب .. ولما كان معظم الشعب وثني لا يؤمن بدين كانت تتملكنا الحيرة والسؤال الذي تبحث الحياة عنه دائما أين نجد مانأكله و يناسبنا كمسلمين ... ولطالما فكت مدام ( ساو ) حيرتنا هنالك في ( بيجين يوان داش وي )- جامعة اللغات – هنالك حيث المطعم الشينجياني الأسلامي وحيث مختلف الجنسيات في الجامعة القارةمن كل حدب وصوب ( وياسلام علي الروس ... ...... يات )
... هنالك حيث (بيجين يوان داش وي ) كان أشهر أستطلاع لأشهر شخصية في العالم ، أحرز عمر البشير فيه المرتبة الثانية من بعد أوباما أعانك الله سيدي الرئيس أمامك أمور جسام وتحديات كبيرة , أنت لها



أهلا بك فتح الرحمن

أهلاً بك اخي بدري ،،،،

عرفنا القبل الرئيس البعدو منو

سعدت كثيراً بمرورك الانيق

[ابوالنور]

[quote=فتح الرحمن عبد الباقي;488538]ابو النور يا زول كيف حالك ؟؟؟؟

وشنو الداير اعرس بنقطع من الناس كدا .....

شنو دائما داخل بالماسنجر ومختفي ،،،،

ادخل على الماسنجر [/quote

زمااااان يا خال
في المرحل الابتدائية درسنا في مقرر المطالعة كل أنواع الطيور و الحيوانات . . خصوصاً الطيور ذات الكعب العالي . . درسنا أن الهدهد هو صديق المزارع . . و أن البجعة هي صديقة المزارع . . و أن طيرة البقر هي كمان صديقة المزارع . . حتى أبو مركوب درسناهو أنه صديق عمر بالنسبة للمزارع . . و حكمة الله ناس فصلنا كانو في شكلهم و سحناتهم يشبهون البجع و أبو مركوب . . الكرعين الطوال و الرقبة الحدادي و مدادي التي لا تحدها حدود . . حتى ريحتهم كانت طير طير . . في واحدين الله تم ليهم الناقصة أداهم بدل الخشم منقار . . و نحنا العورة كنا فرحانين بي مقررنا الجديد . . نطلع من الحصة و نقعد نتغالط مع بعض . . هل البجعة ياهاالسمبرية؟؟؟ و كان كانت البجعة ياهاالسمبرية . . أبو السعن دا يطلع شنو؟؟؟ . . و أبو مركوب تابع لي ياتو فصيلة من الطيور . . و مركوبو دا أصلة و الا جلد نمر . . كان مخنا تخين . . متل مخ طيور . . و استاذ المطالعة . . مربي الطيور . . كان عارف المسألة دي . . و كان سعيد معانا كل السعادة . . كل يوم يجيب أصحابو و ضيوفو و يعزم باقي المعلمين عشان يحضروا معاهو حصة المطالعة . . بعد ما نقرأ ليهم درس المطالعة يقوم استاذ المطالعة يجر ليهو فلكابة . . و يقول لينا . . يا طيور هيا إلى التمثيل . . يقوم يسوقنا برة الفصل . . و نقعد تحت شجرة النيم الوحيدة في الفصل . . و نحنا و خوفاً من فلكابة أستاذ المطالعة . . نقوم نوزع روحنا إلى سمبر و رهو و طير بقر و أبو مركوب . . أي واحد مننا كان عارف فصيلتو شنو . . الواحد فينا بدون ما يلكزوهو . . يمشي براهو لي فصيلتو . . كان كان سمبرية يمشي مع السمبر . . و كان كان رهوة يمشي مع الرهو . . و كان أكان أبو مركوب يمشي مع أبان مراكيب . . و الساعة الفيها استاذ المطالعة يرفع فلكابتو و يضرب بيها الواطة معلناً بداية المسرحية . . عمر ود حمدان صاحبنا يقول كدي . . و يتشعلق فوق شجرة النيم . . و يفر يدينو . . و يصيح بأعلى صوته . . أنا البجعة أنا صديقة المزارع إلخ إلخ إلخ . . ناس المكتب كانو سمان و شحمانين . . كانوا هم من يؤدون دور البقر . . و طيرة البقر كانت من نصيب حمبوكة ودخالتي . . كان متمرس في تقليد و محاكاة طيرة البقر . . يطير من ضهر ناس المكتب إلى ضهر مكتبي آخر . . و يقعد يقوقي . . و يناجي . . أنا طيرة البقر . . أنا صديقة المزارع إلخ إلخ إلخ . . و ناس المكتب كل ما حمبوكة يرك في ضهر واحد فيهم . . يهشوهو بي ضنب مصنوع من شجرة النيم . . أمبوووووووووع أمبووووووووع أمبووووووع . . بالنسبة لي أنا كنت الرهوة . . أطير من بعيد لي بعيد و أسرخ . . كرو كرو كرو . . طبعاً كرو كرو كرو كرو . . دا صوت الرهو . . كنت رهوة مثالية . . تجيد الغناء . .
اسي عليك الله يا خال في ايام السمبرية والمفوضية القومية دي في عرس ؟

[فتح الرحمن عبد الباقي]

ابو النور يا ولدي

sun shine