ضيفنا هذا الاسبوع ذو الحس المرهف ( ابراهيم ) [الأرشيف]

ابراهيم

24-12-2004, 04:16 PM

أولاً أبو روان حقيقه أنــت تذهلني ...
كلما صافحت عيوني جمال حرفك وصدق احساسك ...
وإنني اقف اعجاباً لك ولهذا الحرف الانيق الرقيق ..
وهذا الاسلوب الراقي ...

أعترف بأني رومانسي لقد انجبتني مدني هكذا تلكم الأرض الحالمة والطيبة (الجزيرة الخضراء) وأهلها الذين يجل عن وصفهم الحرف ... أما العشق الخرافي فهو عشقى لهذا المنتجع والملاذ والروضة الغناء (منتدى ود مدني) الذي افصح عن أهل مدني بكل بلاغة وصدق..

الاسم: ابراهيم عثمان آدم

تاريخ ومكان الميلاد: مدني/جزيرة الفيل/15/1/1978م

المرحل الدراسية:

مدرسة جزيرة الفيل الابتدائية
مدرسة شقدي المتوسطة
مدرسة مدني الثانوية
كلية العلوم الرياضية والحاسب/جامعة الجزيرة/مركز الخرطوم

الحالة الاجتماعية: single

لكم مني جميل الأمنيات والتهاني بقدوم العام الجديد
وكل سنة وانتو طيب

http://www.theholidayspot.com/valentine/graphics/rose.gif

marwa

24-12-2004, 04:57 PM

aha ya ebraheem enta hasy 7'owa madany wala bra madnay

ابراهيم

24-12-2004, 05:11 PM

العزيزة مروة لكى منى اجمل تحية

انا الآن خارج مدني وخارج السودان في القاهرة وربنا يرجعنا وكل المغتربين سالمين غانمين

بس الصراحة لما أدخل المنتدي بحس بإني في مدني

ولكي خالص تقديري وودي

aadarob

24-12-2004, 07:33 PM

سلام دبايوا

ابراهيم

25-12-2004, 10:28 AM

وعليكم السلام ورحمة الله وبركاته يا أدروب

دبايو اكوبام

وشكراً على الوردة والذوق

زيكو منيب

25-12-2004, 11:20 AM

الاخ ابراهيم سلام عليك

اولا: من احسن صديق لك هنا في المنتدى و بصراحة ؟

و انت قلت انك في القاهرة بما انا مصر والسودان تعتبر بلد واحده هل انت مع هذا الكلام.

ابراهيم

25-12-2004, 11:57 AM

وعليكم السلام اخي الحبيب زيكو

كل أعضاء المنتدي اصدقائي وليس هناك حد أحسن من غيره

ومن الاصدقاء الذين آنستهم وعرفت فيهم الروح الطيبة ، والنقاء ، والمرح

هو صديقي وأخي أبو روان له مني خالص الود والتحايا

ولا شك أن كثيرون بالمنتدى يتمتعون بنفس الصفات.... لهم مني جميعاً خالص ودي وأجمل تحاتي

أما بالنسبة لمصر والسودان

كانت زمان بلد واحدة أيام الملك فاروق

أما الآن فهنالك اختلاف شاسع ثقافياً ، واجتماعياً ، وووووو

والصراحة السودان يتفوق على بقية البلدان في الكثير

وانا اختلف مع (السودان ومصر بلد واحدة)

احييك أخي زيكو

medo

25-12-2004, 12:35 PM

ابراهيم السلام عليكم

سوالي ليك ماهي اجمل لحضه تمنيت انها تعود؟
واكتر لحضه تمنيت انها لاتعود ابدا؟

ابراهيم

25-12-2004, 02:14 PM

تحية ود وتقدير يا ميدو

اجمل لحظه تمنيت انها تعود

تمنيت أن ترجع بي عجلة الزمن الى ابريل 1999م حيث كانت لحظات صفاء وفرح جمعت بيني وبين احبتي اصدقائي ايام الجامعة ... وليت الماضى يعود يوماً

واكتر لحظه تمنيت انها لاتعود ابدا

تلك اللحظات القاسية لحظات الخروج من السودان لحظات الوداع ومرارة الاحساس في تلك اللحظات لا توصف ... أتمنى ألا تعود لحظات كتلك....

لك خالص تحياتي الأخت ميدو ..

aborawan

25-12-2004, 03:09 PM

بما انك مقيم في مصر اكيد تكون مرت بيك مواقف حلوه وكمان مواقف محرجة

عايزك تديني موقف حلو مر بيك

وكمان موقف محرج

بمناسبه العام الجديد عام 2005 قررت اداره المنتدى القيام بزواج جماعي :):) في المنتدىعلى شرط ان يختار العريس عروسه من هي العضوه التى تعتقد انها الاقرب الى مواصفات شريكة الاحلام بالنسبة ليك ؟ ما تقعد تقول لي كلهم وتزاوغ عايز اجابه واحده وواضحة ومحدده ؟ وبعد تختار ليه العضوة دي بالذات وبتختلف شنو من باقي العضوات ؟؟

ادوك وردتين في يدك وقالو ليك تهديهم لعضويين في المنتدى بالاسم ( عضو / عضوه ) تختار منو ؟؟ ولييه ؟؟

ابراهيم

25-12-2004, 03:45 PM

عايزك تديني موقف حلو مر بيك

أحلى موقف مرة بي في مصر هو مرة كنا في الاسكندرية ايام العيد وبالصدفة قابلت صديق عزيز آخر مرة شفتو كان قبل سبعة سنين فكان مشهد رايع وموقف حلو ....

وكمان موقف محرج ...

أول ايامي في مصر ... في المواصلات قام واحد عفصني في رجلي ... فقمت قلت ليه: شنو ياخ ما عفصتنا في كراعنا ... المصري ما فهم اي حاجة لا (عفصتنا) ولا (كراعنا) وفضل يعاين لي وقال (إنت بتئول في إيه يا عم؟)
قلت يعني ما سامع ما قلت ليك عفصتني في كراعي فجأة لقيت الحافلة كلها مستغربين ويعاينو هنا انا فهمت الحاصل واتحرجت الحمدلله.

أما بالنسبة للزواج الجماعي (السؤال دا صعب والله)
لكن الصراحة والله العظيم كلهن أدب وأخلاق وذوق ورقة بتحس بيها في مواضيعهن واسترسالتهن وصراحة لكن انت كمان ما تحكها شديد كدا .. لكن خلاص لما يجي وقت الزواج الجماعى اوعدك بختار ..

أما الوردتين ... انت مالك جبار كدا ما تجيب ورود كتيرة
واحدة بهديها لآدمن أبو بكر لإنجازاته في سبيل الموقع ... والتانية لمروة لمواظبتها ومشاركاتها الفعالة...

وبستان ورد مني أنا لكل أعضاء المنتدي بلا تمييز

عماد الصادق

26-12-2004, 05:36 AM

أخي إبراهيم ..
إجاباتك راقية .. ودبلوماسية ..
بس الإخ أبوروان ليه بيسأل أسئلة صعبة كده ؟

بعدين سبب استقرارك بمصر ..
ولكم التحية

بابكر

26-12-2004, 10:55 AM

الاخ الوفى ابراهيم لك منى الحب والتحيه والتقدير لشخصك الكريم ,,,,, اولا اعجبتنى صراحتك وردك بأ ن مصر والسودان ليست بلد واحد فكل بلد له خصوصيته واحمد لله نحن نعتز بقيمنا التى لا تتوفر فى اى دوله فى اعتقادى ....
اما سؤالى لماذا انت فى مصر ؟؟؟ هل لمواصلة الدراسه ام للعمل ام؟؟؟ ماذا وهل ستعود؟؟؟ ومتى؟؟؟؟
حبى لك وتقديرى مسبقا

ضياء الدين احمد

26-12-2004, 01:01 PM

سلام اخي ابراهيم‘ الشاعر ابو العلا قال ( فيك يامصر اسباب ازايا وفي السودان همي وعزايا ) اها يا ابراهومه انت بتقول شنو ؟

ابراهيم

26-12-2004, 01:20 PM

أخوي عماد الصادق تحية معطرة بدعاش ارضنا الحلوة الجزيرة

وشكراً على الاسترسال اللطيق وكلماتك الأنيقة

والله أخونا ابو روان يعني ما قصر معاي في الأسئلة لكن ابشر

وبالنسبة لسبب استقراري في مصر هو الدراسة

وليك مني أعذب التحايا وخالص الود

ابراهيم

26-12-2004, 01:31 PM

صديقي وأخي الفاضل بابكر أول حاجة سلام من الحنايا
وتحية دافئة بدفء هذا الكرسي .. فهو خير جليس شتاء هذه الايام

وفعلاً يا بابكر نحن في السودان قيمنا يصعب وجودها في بلد تانية وبنعتز بيها لابعد الحدود مهما بعدنا ومهما طالت الغربة... ودي نعمة نحمد عليها ربنا ونشكره

أما لماذا أنا في مصر فالسبب هو الدراسة وتدريب في بعض البرامج وثم إني بحب السفر ففي مقولة بتقول ..

تغرب عن الأوطان في طلب العلا وسافر ففي الأسفار خمس فوائد تفريج همًّ واكتساب معيشة وعلم وآداب وصحبة ماجد

وتقريباً دي اسباب مقنعة

وإنني سأعود وسأعود ... بمجرد إكمال ما بدأته

ولك الحب والتقدير

ابراهيم

26-12-2004, 01:45 PM

الف مرحبتين بيك اخي ضياء الدين

لكن بالمناسبة أبو العلا ما خلا حاجة يقولوها

والله يا ضياء مصر بلد جميلة ، فيها سحر الأهرامات وأبول الهول ، فيها الأسكندرية الحالمة الهادئة الرومانسية ...

بس انا بقول كلام قالوه زمان
أعز مكان ... بلدي السودان

تسلم يا ضياء على السؤال ذو الظل الخفيف

لك احترامي

aborawan

26-12-2004, 03:52 PM

احييك اخوي ابراهيم وانت صامد في هذا الكرسي واحييك على الصراحة الانا شايف فيها جزء بسيط من دبلوماسية بالذات في سؤالي لكن يلا ما علينا المهم عندي ليك مجموعه اسئله

1 / إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟

2 / أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟

3 / لماذا الصمغ الشديد الفعالية لا يلتصق بالأنبوب الذي يحتويه ؟

4 / نسمع كثيراً عن سرعة الضوء ، طيب كم تبلغ سرعة العتمة ؟؟

5 / بمناسبه العام الجديد ( 2005 ) قررت ادارة المنتدى ان تمنح جائزة شرفيه لعضوة متميزة منو في رايك الحا تكون اقرب للقب ده ( طبعا عارف انو كل البنات متميزات ومميزات بس لازم تختار واحدة منهم عشان تنال الوسام )

6 / عضو + عضوة نفسك تتعرف عليهم ؟

ابراهيم

26-12-2004, 05:33 PM

أسئلة طاظة والله ... الله يسامحك يا ابو روان ...

1 / إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟

والقال ليك منو فى فيل قاعد يفكر ينقص وزنو ويبقى فيل كيف؟؟

2 / أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟
والله دي ما جربتها لكن سمعت تحت تحت قالو الجري للخلف بزيد من حجم المخ والله أعلم

3 / لماذا الصمغ الشديد الفعالية لا يلتصق بالأنبوب الذي يحتويه ؟

أكيد بكون خاتين مادة بتمنع الصق وبعدين لأنو الأنابيب لا تعشق الصمغ

4 / نسمع كثيراً عن سرعة الضوء ، طيب كم تبلغ سرعة العتمة ؟؟

العلماء حاولوا يقيسوها لكن الظلام أو العتمة منعتهم ...ما كانو شايفين حاجة

5 / بمناسبه العام الجديد ( 2005 ) قررت ادارة المنتدى ان تمنح جائزة شرفيه لعضوة متميزة منو في رايك الحا تكون اقرب للقب ده ( طبعا عارف انو كل البنات متميزات ومميزات بس لازم تختار واحدة منهم عشان تنال الوسام )

والله الظاهر 2005م دا عام المفاجآت زواج جماعي ووسامات ... ربنا يزيد ويبارك والجايزة الشرفية حسب رايي يدوها للأخت مروة هي أحق بهذا الوسام لنشاطها ومشاركتها في كل المنتديات العام والثقافي والرياضي وتستحق الوسام

6 / عضو + عضوة نفسك تتعرف عليهم ؟

عماد الصادق/مهيرة

أشكرك جزيل الشكر أخي أبو روان لوضعك لي هذا الامتحان بس ذكرتني امتحان حساب المثلثات في الثانوي عموماً أتمنى أن تكون النتيجة ايجابية .....

لك التحية

امير عبدالباقي

26-12-2004, 09:55 PM

تلش الف مرحب

سوالي ليك طبعا عارفك عاشق وولهان للنخاع طيب اذا جاك خبر قالوليك حبيبتك اتزوجت ايه ح يكون موقفك؟

هل كان حبك من اول نظره ؟ واين كان الملتقي؟

عماد الصادق

26-12-2004, 10:46 PM

إبراهيم .. يسعدني ذلك ..
وأتمنى أن نلتقي .. هنا في جدة
أو في أم الدنيا .. وياريت في أمنا وأبونا السودان ..
وفي كل شهر إسمه أغسطس .. لو ربنا أدانا العافية ..
بنكون في الديار ..
قافية :
نفسي أشوف روان ..
ورأيك شنو في النانّات دي:-
النًّونّو (النوم)
النّانّا (الأكل)
النونو (الطفل)
و النان (العربية)
ولك التحية ..

ابومرام

26-12-2004, 11:07 PM

مليون سلام وسلام حبيبنا ابراهيم
كم تمنيت ان اكون من الحضور من اول يوم وانت ضيف على الكرسي ولكن تاتتي الرياح بما 000 لاالزمن 0
وتحيةثانية لاخونا ابو روان ماشاء الله على النشاط والمشاركة دائما السباق والمكافح في هذا ا لطريق ربنا يدك الصحة والعافية وتحية ثالثة لاخونا امير احساس بنفس السؤال ولكن قد اضيف القليل ؟؟؟؟
1-تخيل نفسك انت ماشي في شارع النيل مدني مع شخصية اول مرة تتعرف عليها وعازماك هى وفجئة وانت بتتحدث معاها وعلى بعد مترين ابوها كان امامك حتتصرف كيييييييييييييييف
2- انت رئيس لنادي جزيرة الفيل طلبو منك تسجل شباب من المنتدى فقط حتختار منو وفي اي خانة 0
لك التحية ولينا لقاء لو ربنا مده في الايام

ابراهيم

26-12-2004, 11:56 PM

سوالي ليك طبعا عارفك عاشق وولهان للنخاع طيب اذا جاك خبر قالوليك حبيبتك اتزوجت ايه ح يكون موقفك؟

ألف مرحب الأخ الحبيب أمير وسؤالك والله من العيار التقيل ويبقى ردي على سؤالك .....

بقول ليها مليوون مبروك .... وبعيش على الذكريات الجميلة ... واعتبرو كان حلم جميل وصحينا منو لأنو ماف أي حب في الموضوع ... سأحزن ولكني لن أندم البحبك يا أمير ما بسيبك

هل كان حبك من اول نظره ؟ واين كان الملتقي؟

تصدق حبي (كان) من أول نظرة والملتقى كان صدفة بحتة في وقت كنت ما بقتنع بحاجة اسمها حب ،والتقينا في جامعة النيلين كلية الآداب مع انو لا ولا انا ما لينا علاقة بالنيلين ... لكن يا حليلك يا أمير ما كفَّرت لي ولو عرفت البي ما كنت سألتني السؤال دا .. لكن عموما أنا جاوبت

وليك من السلام

marwa

27-12-2004, 12:05 AM

wallahy ya ebraheeeeeeem ma 3arfa agoola leek shino laken alwardah beta3tak waslatny wa kant sm7a shadeeed
wa ensha2 allah akoon 3la
7sab zanak feya

ابراهيم

27-12-2004, 12:14 AM

والله يا عماد ربنا يحقق الأمنيات وبإذن الله سنلتقى يوماً ما فليكن في اغسطس لا يهم المكان دع الظروف تختار المكان .. وأفضل دوماً أن تكون جزيرة جزر الكاريبي .. جزر المالديف .. جزيرة الفيل .. لا يهم .. وما يهم أن نلتقى ....

شكلك يا عمدة بتعشق حرف النون دا كتير لكن معاك حق لأنو (النوم، الأكل، الطفل والعربية) بشكلو لوحة حلوة لأسرة مستقرة
يديك العافية يا عزيزي والصراحة وانا سعيد لكلماتك الدافئة

ولك مني أجمل الأمنيات وعاطر التحيات

ابراهيم

27-12-2004, 01:01 AM

أبو مرام أول حاجة مشتاقين ليك كتيير والله وحضورك الآن يسعدني كتير فأن غبت عن المنتدى ولكنك لم تغيب عن الخاطر وعن الكرسي الساخن

1-تخيل نفسك انت ماشي في شارع النيل مدني مع شخصية اول مرة تتعرف عليها وعازماك هى وفجئة وانت بتتحدث معاها وعلى بعد مترين ابوها كان امامك حتتصرف كيييييييييييييييف

بكون عادي لانو أنا ما عندي مشكلة بقول ليه اتفضل يا خال لو اتفاهم معاي خلاص ولو عايز يعمل معاي شمطة أنا المعزوم صح؟ خلى بتو تتصرف ، لو كنت انا العازم كدا البرنامج بختلف ويعني الواحد بتصرف..

2- انت رئيس لنادي جزيرة الفيل طلبو منك تسجل شباب من المنتدى فقط حتختار منو وفي اي خانة 0
لك التحية ولينا لقاء لو ربنا مده في الايام

طبعاً دا سؤال جميل وأنيق ومريح

في حراسة المرمي ابو الدهب

وفي خط الدفاع كل من ضياء الدين ظهير ايسر وخالد ظهير ايمن

وابو روان ارتكاز

خط الوسط كل من عماد الصادق وبابكر وأمير

في الهجوم وكل من ابراهيم وزيكو وآدمن أبو بكر

والكوتش بتاعنا طبعاً عمك تنقو

وتقبل خالص تحياتي وأجمل أمنياتي

:p :p :p

ابراهيم

27-12-2004, 03:07 AM

تسلمي أختنا العزيزة مروة وما تقولي اي حاجة

بس حافظي على الوردة

وأظن انا ما جبت حاجة من عندي

وانتي تستحقيها بجد

وليك مني خالص التحايا ووافر التقدير

المخلصة

27-12-2004, 12:22 PM

الأخ الفاضل صاحب الإحساس المرهف / إبراهيم

السلام عليك ورحمه من الله تعالى وبركاته
أسعد الله مساك بكل خير

أسئلتي ليك عبارة عن لقاء مع الأغاني
بمعنى دايرة إجاباتك عن طريق الأغاني
الاسم 0 0
المهنة 00
الامنية00
الكلمة00
لحظة لا تنسى00
ماذا تحب00
الصديق00
الدهر00
الغد00
الامل0 0
اجمل شئ فى الحياة00
مشغول بماذا00
الحب0 0
الاحساس00
المشاعر00
اجمل منظر00
الخيال00
السرور00
الغيرة00
احلى لحظة0 0
الزمن0 0
الحبيب0 0
المرض0 0
البعد00
الوعد00
صفاتك00
اللون00
الليل00
عتاب00
الزواج 0 0
العناد0 0
لحظة لقاء0 0
المبالغة0 0
المستقبل0 0
الوفاء0 0
كلمة عتاب0 0
لحظة هناء0 0

وليك خالص التحايا والشكر

waheeb

27-12-2004, 12:41 PM

اخي ابراهيم اولا التحيه ليك وانت تجلس بثبات حتي الان علي الكرسي الساخن الذي نسأل الله ان يكون بردا وسلاما عليك..

ما الشئ الذي اضافته لك الغربه وما الذي اخذته منك؟

الشوق الحنين والغربه ماذا تعني لك كل كلمه منفرده؟ وماذا تعني لك الكلمات مجتمعه؟

مصر ام الدنيا .. رأيك بصراحه؟

وجودك في اي حته في مصر الي اي حد يمكن مقارنته بالسودان.

مع خالص ودي...

زيكو منيب

27-12-2004, 10:15 PM

طيب يا ابراهومة داير اسالك سؤال وتجاوب طوالي

لو قالوا ليك طلع واحد من المنتدى تطلع منه يعني ما يبقى عضو ؟؟

أبوريلان

28-12-2004, 01:20 AM

الأخ أبراهيم كل سنة وأنت بألف خير وصحة الإبداع إلهام من الله سبحانه وتعالى وانت مبدع من فى نظرك مبدع فى المنتدى أنا دايرك تذكر لى أسم ولد وأسم بنت بدون ما تزوغ بدبلوماسية المبدعين ؟

سؤالى الثانى جزيرة الفيل لما ذا أطلق عليها هذا الأسم ومن الذى أطلق عليها هذا الأسم ؟

فريق جزيرة الفيل تألق هذا الموسم وتوج نفسه فى الدورى الممتاز بعزيمة شبابه ووقوف أهل جزيرة الفيل فى مؤازرة فريقهم ماهو دوركم كشباب فى تأصيل هذا الحلم الذى راودكم كثيرا ؟

لك شكرى وتقديرى أخى أبراهيم وأتمنى أن يكون الكرسى بردا وسلاما عليك .

ابراهيم

28-12-2004, 01:51 AM

لكي التحية اختنا العزيزة المخلصة .. وعوداً حميداً ... لكن امتحانك ما عينة .. وشكلى بعد ما انزل من الكرسي دا طوالى على اتحاد الفنانين

الاسم 0 0 عم عبد الرحيم

المهنة 00 عابر طريق

الامنية00 ليت حظي يسمح ويسعدني (مدني)

الكلمة00 كلمني يا حلو العيون

لحظة لا تنسى00 في الليلة ديك

ماذا تحب00 دنيتنا الجميلة

الصديق00 لو تسافر دون رضانا بنشقى نحن الدهر كلو

الدهر00 لو تسافر دون رضانا بنشقى نحن الدهر كلو

الغد00 أغداً القاك

الامل0 0 للآمال فتحنا دروب

اجمل شئ فى الحياة00 زفاف عاشقين بعد فرقة

مشغول بماذا00 الجريدة

الحب0 0 جربت هواهم .. وقليبي انكوي

الاحساس00 بكيت من غير تحس بي

المشاعر00 ارحميني يا مشاعر ... يا مواقف .. يا ظروف

اجمل منظر00 عويناتك

الخيال00 من بعيد بتعيش معايا في عيوني وفي خيالي وفي دمايا

السرور00 بالأمل بحيا وبعانق المسرة وزورني مرة

الغيرة00 بغير عليك منك

احلى لحظة0 0 يوم لقيتك وهويتك وانت وريتني الحنان

الزمن0 0 ما لقيتلو شهود ظلمك باين

الحبيب0 0 لو أحبك أنا العمر كلو برضو...........

المرض0 0 بعد الشر عليك

البعد00 غربة وشوق

الوعد00 وعدتك قبل كدا مرات ... ولسا بلقياك بحلم

اللون00 اسمر جميل فتان

الليل00 وبحرك يا ليل ما طفنا نجوم

عتاب00 كان بدري عليك تودعني وانا مشتاق ليك

الزواج 0 0 نتلاقى نهرين في تسامي

العناد0 0 غدار دموعك ما بتفيد في زول حواسو اتحجرت

لحظة لقاء0 0 وفجأة في أبعد وفي أجمل مدينة التقينا والدهشة هي الاتكلمت

المستقبل0 0 يا ما كتير وكتير فكرنا .. وكنا بنحلم بالمستقبل

الوفاء0 0 أنا عشت في حبك مقيم ما عرفت نكران أو تجني

كلمة عتاب0 0 العيد الجاب الناس لينا ما جابك

لحظة هناء0 0 يوم ما رأيتك .. بالقرب مني

تقبلي خالص تحياتي وأجمل أمنياتي

ابراهيم

28-12-2004, 02:12 AM

أخي وهيب بعد التحية والود شكراً على الدعوة وآمييييييين

ما الشئ الذي اضافته لك الغربه وما الذي اخذته منك؟

الغربة اضافت الي معارف جديدة وعلاقات جديدة من مختلف الجنسيات وكيفية التعامل معهم والغربة بتعلم كتيييير ... وبالمقابل حرمتنا من شوفة الطيبين اهلنا وترابنا الطاهر.

الشوق الحنين والغربه ماذا تعني لك كل كلمه منفرده؟ وماذا تعني لك الكلمات مجتمعه؟

الشوق ... لهيب ، عذاب
الحنين ... حزن ، جميل
الغربة .. سجن مؤقت

أما الشوق والحنين والغربة = احساس قاتل ...

مصر ام الدنيا .. رأيك بصراحه؟

يمكن لكن لغاية حسي ما شايف أمومة في الموضوع

وجودك في اي حته في مصر الي اي حد يمكن مقارنته بالسودان.

ممكن نقول وجه الشبه بينهم 10%

مع خالص ودي...

ابراهيم

28-12-2004, 02:18 AM

اول حاجة تحياتي العطرة ليك يا زيكو

وبالنسبة لسؤالك ... الحمد لله في المنتدى مافي زول ما بتساهل العضوية بالعكس المنتدى متماسك ومترابط بأعضاء كلهم شفافية ورقة في التعامل وحتى لو حصل وفي عضو غلط افتكر ما بصح يطلع لانو اخوانو هنا ماشاء ناس فاهمين وما بقصرو معاه

وليك تحياتي

ابراهيم

28-12-2004, 02:33 AM

أخوي myrelan ليك ألف تحية وكل سنة وانت طيب وتسلم على المجاملة الحلوة منك والابداع دا شيمة ناس مدني وكل ناس مدني مبدعين ودي نعمة بنحمد عليها ربنا سبحانه وتعالي

بالنسبة للسؤال الأول بدون زوغان والله المنتدى كلو مزيج من الابداع وفي شبه كتير بين اعضاء المنتدي في المواضيع والسلوك ....

سؤالى الثانى جزيرة الفيل لما ذا أطلق عليها هذا الأسم ومن الذى أطلق عليها هذا الأسم ؟

أطلق عليها جزيرة الفيل حسب ما عرفناه زمان خالص كان ما فيها سكان وكان في حيوانات واكثرها الافيال والله أعلم يمكن يكون في اسباب تانية

فريق جزيرة الفيل تألق هذا الموسم وتوج نفسه فى الدورى الممتاز بعزيمة شبابه ووقوف أهل جزيرة الفيل فى مؤازرة فريقهم ماهو دوركم كشباب فى تأصيل هذا الحلم الذى راودكم كثيرا ؟

والله رغم البعد والغربة إلا انو الواحد متابع سوى بالاتصالات او بمتابعة الاخبار أول بأول ونحن معهم قلباً وقالباً وحتى عندنا هنا في القاهرة بوتقة من مشجعي جزيرة الفيل وإنشاء الله سنبذل كل ما نستطيع من أجل النهوض والسير قدماً....

لك شكرى وتقديرى أخى myrelan

وآمين ولك مني الدعوات الصالحات
الى لقاء

عنبرينو

02-01-2005, 04:08 AM

العزيز ابراهيم ... تحياتي وأشواقي ..

وكل عام وأنت بمليون خير ,,, أعادك الله سالماً غانماً من بلاد الغربة...

سؤالي ليك ..
أي المراحل الدراسية لها أثر في نفسك .. ومن هم أبرز زملاء دراسة تعرفت عليهم ..
واذا اتيحت لك الفرصة بالرجوع بالزمن للوراء .. أي الشخصيات تحب أن تكون ,,

أخيراً خلي بالك في غربتك ,, وقالو هناك الناس عيونهم كبااااااار وعارقك بكاي .
وتسلم ,,,

marwa

02-01-2005, 12:05 PM

كل سنه وانت طيب يا ابراهيم والسنه الجايه ذى ما عاوز
نتمني ليك سنه مليئه بالافراح وكل عام وانت بخير

ابراهيم

02-01-2005, 03:28 PM

أخى وعزيزي عنبرينو
كل عام وانت بخير .... وتسلم على الدعوات الحلوة دي وآمييييييييييييييين جمعاً يا رب نرجع كلنا سالمين غانمين

المرحلة الدراسية التي كانت لها كبير الأثر في نفسي هي المرحلة الثانوية وأبرز زملاء الدراسة في هذه المرحلة هو الأخ والصديق الغالي (هجو عبد الرحيم)

واذا رجع الزمن للوراء واتيحت حرية الاختيار غير (ابراهيم) لتمنيت أن أكون ابراهيم برضو.

وعلى فكرة البكى دا نعمة هههههههههه

وتسلم ,,, عنبرينو على هذه الإطلالة الحلوة
وخلى بالك من نفسك
ولك تحياتي وحبي