المساعد الشخصي الرقمي

مشاهدة النسخة كاملة : علي قدر الشوق مايمد مدينا


بت مارنجان
14-04-2010, 01:31 AM
بعد غياب طويل عن ارض الوطن استمر لعشرين عام وصل إلى الخرطوم
الموسيقارالعبقري يوسف الموصلى من مقر إقامته بالولايات المتحده ،،
وللموسيقار يوسف الموصلى إسهامات عديده فى مجال الانتاج الغنائى والموسيقى
حيث لحن مئات الاغنيات وأشرف عليها ومن بينها إلبومات :

الحزن النبيل والبت الحديقه ~ مصطفى سيد أحمد
ألم الفراق ~ إبراهيم عوض
ما نسيناك ~ أحمد الجابرى
حنين يا ليل ~ زيدان إبراهيم
واحشنى ~ أبو عركى البخيت
كل النجوم ~ هاديه طلسم
كلمه ~ صلاح بن الباديه
أمطرت لؤلؤا ~ عبد الكريم الكابلى
ليل الشجن والشوق ~ البلابل
أرحل ~ محمد وردى
سوف يأتى ~ محمد الأمين

والكثير من الإلبومات الغنائيه ،،
ومن أغنياته سهم طايش لعبد القادر الكتيابى
الأمانى السندسيه ~ شوق الهوى ~ على قدر الشوق ~ طفل العالم الثالث
يا روحي ~ مطر ~ ختمت بيك ~ حنين ~ حقيقه ~ الهجروك علي
المشاعل ~ أسـألي الشوق ~ بريدك يا حبيبي ~ حبايبنا

كما وكانت ابداعاته واضحة مع فرقة السمندل وعقد الجلاد وايضآ التعاون الشهير بشركة حصاد

الجدير بالذكر أن الموصلى تقلى تعليمه بالمعهد العالى للموسيقى والمسرح
وتخرج من قسم التأليف والتوزيع ،،
حصل على درجه الماجستير من كونسرفتوار القاهره تأليف ونظريات وماجستير
من جامعه أيوا بأمريكا فى التأليف والموسيقى الإلكترونيه ،،،
ألف مرحبا بالموسيقار الكبير يوسف الموصلى وعودا حميدا ،،،

ونتمني له اقامة دائمة في حضن الوطن وانجازات جديدة مع "عقد الجلاد" ...
بت مارنجان
14-04-2010, 01:35 AM
في سهرة جميلة كما عودتنا النيل الازرق دايمآ كان لقاء عقد الجلاد والموصللي وجلسات وهمسات من الذاكرة
والحنين الي الماضي مع المواقف الطريفة وكان الابداع متجلي حينما تغني الرائع "الموصللي" برائعته علي قدر الشوق
من اجمل السهرات المميزة والجميلة وكان عقد الجلاد قد تآلفو بروح الاخوة مع الفرقة الموسيقية الرائعة بقيادة
المتميز "جويلي" ....
نتمني من الله ان يمدك يااستاذ موصللي حتي نجد منك الجمال اكثر فأكثر وان نري تعاونات مجددآ مع "عقد الجلاد"
الجندي المجهول
14-04-2010, 01:42 AM
حقيقة شاهدت امس هذه السهرة واعجبتني جداً وبصراحة كنت خائف جدا على عقد الجلاد من الامراض التي تصيب السودانين (المشاكل وعدم الاتفاق) .... لكن الاستاذ الموصلي طمنا وقال الرائع عثمان النو سيكون موجوداً باذن الله ،،،

تخريمة : غايتو يا عبد الرحمن مدثر بختكم الايام دي ( عقد الجلاد بقيادة المايسترو يوسف الموصلي) .....
بتنا (بت مارنجان ) بوست في قمة الروعة وجميل وسرد بيشبهك ......
الفخيييم
14-04-2010, 01:43 AM
يبدو لي ان عقد الجلاد في
طريقه للانفراط ودي الكارثة!!!
اري وجوهاً لا تستطيع ان تكون
بدائل لمن سبقوهم، شي واحد
مربي شعرو وشي بنات يصرخوا!!!
مرحي بالمبدع الموصلي بين اهله ووطنه..
نتمني ان يتحفنا بالجديد ويفيد اغنيتنا بخبراته
المتراكمة وابداعه الثر..
الحقوا نفسكم يا عقد الجلاد قبل فوات الأوان..
بت مارنجان
14-04-2010, 01:45 AM
والله ياخرباش كان نفسي اشوفك وقت السهرة عشان ماعارفة كنت اسوي ليك شنو "وش مغيوظ شديد"
بعد خبر انك قلت مرض الانفصال طال "عقدنا الجميــــــــــــل" ...
لكن الحمدلله الاستاذ طمنا بانو الامن مستتب ...
بت مارنجان
14-04-2010, 01:55 AM
حقيقة شاهدت امس هذه السهرة واعجبتني جداً وبصراحة كنت خائف جدا على عقد الجلاد من الامراض التي تصيب السودانين (المشاكل وعدم الاتفاق) .... لكن الاستاذ الموصلي طمنا وقال الرائع عثمان النو سيكون موجوداً باذن الله ،،،

والله انا فرحت "اهو شئ يفرح يامفتشنا في الزمن السجم دة " ...

تخريمة : غايتو يا عبد الرحمن مدثر بختكم الايام دي ( عقد الجلاد بقيادة المايسترو يوسف الموصلي) .....
بتنا (بت مارنجان ) بوست في قمة الروعة وجميل وسرد بيشبهك ......

تسلم ياجندينا كتير كتير ... وحقيقة قالها الاستاذ في الحلقة التمميز دومآ يأتي بالاجتهاد وروح المنافسة بالاعمال الفنية
فكلما كان هناك عمل للاستاذ "" كانت لدي العقد لوحة فنية اجمل"" وكان المتذوق لهذه الشريحة الفنية هو الفائز
لانه يعطر مسامعه باجمل كلمات والحان وتوزيع ...
ارجو ان يعود هذا الفن الراقي والمحترم لكي لاتصاب اذاننا بي ام ثريهات الركشات :( :o

برة البوست"قلت لي موسي الزومة مالو :o"
عبدالرحمن مدثر
14-04-2010, 02:08 AM
والله ياخرباش كان نفسي اشوفك وقت السهرة عشان ماعارفة كنت اسوي ليك شنو "وش مغيوظ شديد"
بعد خبر انك قلت مرض الانفصال طال "عقدنا الجميــــــــــــل" ...
لكن الحمدلله الاستاذ طمنا بانو الامن مستتب ...


الاستاذ منو يامنقة انا كنت شاهد على الانفصال مباشرة

وهاكى الحقائق

فوضى كانت فى الحفل الاخير لعقد الجلاد لصالح ابناء الخالد الخالدى

عضو جديد فى الفرقة اسمه (زولو ) حل مكان الخير الامير الحبو شغل الضمير

والمعجبين وعمل ليك عواسة كدا غريبة فى اغنية حاجة امنة لدرجة هيجان احد المعجبين

وكان داير يدق ليك الجماعة كلهم بس ربك لطف

استاذنا عثمان النو سحب سبعة من اعماله اهم مافيها نوارة العقد (امونة )

وحل محله هو ايضا شافع صعنبوتى كدا

قرات بالامس حديث للعضو الذرى الخير ان عقد الجلاد يتحكم فيها ناس معينين

بدليل انه خرج من المجموعة بسبب (حليفة طلاق ) من احدهم

ايييييييييييييييييييييك

ونحن اهل الفرحة جينا

الغريبة انو الاغنية دى ذاتها مسحوبة لانها من الحان النو
بت مارنجان
14-04-2010, 02:08 AM
الاوركسترا الماسية لي احمد فؤاد حسن
الاوركسترا الذهبية لي صلاح عرام

ياجماعة ماحرام الناس ديل في بلدنا يضيعو سااااااااي
عبدالرحمن مدثر
14-04-2010, 02:18 AM
العضو (ابو شعر مفلفل دااااااااااك )

للاسف ماعارف اسمو هو كذلك وجد هجوم عنيف من الجمهور

بسبب تغنيه لمقطع خاص بالخير

الخير دا صعب يااخوانا مابتلقى تانى

احد الجماهير طلع المسرح ورمى بتلاتة جنية

جنية ينطح جنية

ودخل ه فى حالة هستيرية غضبية شديدة
بت مارنجان
14-04-2010, 02:21 AM
يبدو لي ان عقد الجلاد في
طريقه للانفراط ودي الكارثة!!!
اري وجوهاً لا تستطيع ان تكون
بدائل لمن سبقوهم، شي واحد
مربي شعرو وشي بنات يصرخوا!!!
مرحي بالمبدع الموصلي بين اهله ووطنه..
نتمني ان يتحفنا بالجديد ويفيد اغنيتنا بخبراته
المتراكمة وابداعه الثر..
الحقوا نفسكم يا عقد الجلاد قبل فوات الأوان..

صراحة يالفخيم البنات يغردن خــــــارج السرب واصواتهم ماجميلة وخاصة في اغنية مامتزكراها والله
"الزاكرة خربانة معليش"
وكان عبارة عن صرخة مع تنيص "تتنايص يعني" !!!

اما ابو جل دة صراحة صوتو جميل يالفخييم حقيقة والله بس اليقص شعرو دة :rolleyes:
بت مارنجان
14-04-2010, 02:30 AM
الاستاذ منو يامنقة انا كنت شاهد على الانفصال مباشرة

وهاكى الحقائق

فوضى كانت فى الحفل الاخير لعقد الجلاد لصالح ابناء الخالد الخالدى

عضو جديد فى الفرقة اسمه (زولو ) حل مكان الخير الامير الحبو شغل الضمير

والمعجبين وعمل ليك عواسة كدا غريبة فى اغنية حاجة امنة لدرجة هيجان احد المعجبين

وكان داير يدق ليك الجماعة كلهم بس ربك لطف

استاذنا عثمان النو سحب سبعة من اعماله اهم مافيها نوارة العقد (امونة )

وحل محله هو ايضا شافع صعنبوتى كدا

قرات بالامس حديث للعضو الذرى الخير ان عقد الجلاد يتحكم فيها ناس معينين

بدليل انه خرج من المجموعة بسبب (حليفة طلاق ) من احدهم

ايييييييييييييييييييييك

ونحن اهل الفرحة جينا

الغريبة انو الاغنية دى ذاتها مسحوبة لانها من الحان النو


ياخرباش ياخ مالك ياخ ... امس الجماعة ديل قالو الامن مستتب وانو في مشاكل
بس راجعين راجعين "والنو راااااااااجع "

مشكلة الاعضاء الجدد بيحاولو يقلدو الاعضاء القديمين ....
وماممكن يحصل لانو اولا:
عدم تقارب الاصوات
وتانيا :الخبرة بتلعب دورها في انو الاصوات بيكون ليها حركتها وحجمها

عشان كدة اي مغني جديد داخل علي الفرقة يجب ان يلعب في المساحة الصوتية بتاعتو فقط ...
الفخيييم
14-04-2010, 02:47 AM
اها يا بت مارنجان (الجل) ده
ما بيجي مع اغاني الجماعة الحلوين
حاجة آمنة مسدار ابوالسرة
عطبرة والقطر بغباره ده ح
يودي الجل وين؟؟يا حليوة
يوم دقيت في ارضك فأس
خصيب وتور عفين والعلم ممحوق
وتبتبا معقولة ابو جل ده يقدر علي
الروائع دي؟؟؟ لابد ان يتماسكوا
والا سوف يأفل نجمهم وما موقعة
ذات الكراسي التي تحدث عنها
الخرباش ببعيدة والكل خرج من
المسرح متحسراً لحال العقد النضيد...
بت مارنجان
14-04-2010, 03:05 AM
احد الجماهير طلع المسرح ورمى بتلاتة جنية

جنية ينطح جنية

ودخل ه فى حالة هستيرية غضبية شديدة

نقطـــــة ولاشنو :o
الجندي المجهول
14-04-2010, 04:00 AM
نقطـــــة ولاشنو :o

طريقة احتجاج (غير مألوفة) وبغض النظر عن جمالها او قبحها --- اكيد الرسالة وصلت :

تخريمة : كان لقيت لي فكة جنيه بمشي بنقط بيها لي فلان ...........
المكاشفى
14-04-2010, 04:47 AM
يا ود حمد ياود حمد
ربنا يهدى سر الطمباره يا اخوانا
كلام عجيب وعين فتاة قدت الواطه (دابكتيهم يافطومه)
ربك يلم الشمل من تانى التجارب الفريده لاتتكرر
بالامس البلابل وقشير عباس
واليوم عقدالجلاد
وفهيمه والنيل الازرق
وبكره ياعالم

ويافطومه فكى درب الجماعه خليهم يتلموا من تانى

عودا حميدا المايستروا يوسف الموصلى واقوليك (من جديد جيت تبنى فينى الانهدم)

تخريمه:-
انتو عارفين سر الفرتيقه شنو؟؟؟؟؟؟
البت الواحده يكون ماختوا معاها طوبه
بت مارنجان
15-04-2010, 03:39 AM
اها يا بت مارنجان (الجل) ده
ما بيجي مع اغاني الجماعة الحلوين
حاجة آمنة مسدار ابوالسرة
عطبرة والقطر بغباره ده ح
يودي الجل وين؟؟يا حليوة
يوم دقيت في ارضك فأس
خصيب وتور عفين والعلم ممحوق
وتبتبا معقولة ابو جل ده يقدر علي
الروائع دي؟؟؟ لابد ان يتماسكوا
والا سوف يأفل نجمهم وما موقعة
ذات الكراسي التي تحدث عنها
الخرباش ببعيدة والكل خرج من
المسرح متحسراً لحال العقد النضيد...

هكذا حال الرائعيـــــــــن في بلدي !!!!
يأتو الدخلاء حتي لو زينو المكان لابد من شئ ينغص الحال ويبدله ....

وابو جل دة لو استهدي بالله وقصي شعرو دة نمرة واحد مااخير؟؟؟
وبعدين نحن في بلد الشمس ماشة بي رجليها معانا ماقاعد يسخن :rolleyes: