وين الإعلاميين ومقدمي البرامج البارزين ... للنقاش

[abomazeen]

في نظرة سريعة وخاطفة (على الطاير) نلاحظ كده تلاشي البرامج الهادفة الجميلة في التلفزيون والإذاعة والجرائد والمجلات (وحتى أدب الشارع العام تلاشى) ...

وتلاشي كمان في ظاهرة خطيرة وكبيرة الكثير من الإعلاميين ومقدمي البرامج البارزين في غياب وعزوف جماعي ...

يا ربي يكون السبب شنو ؟؟ ولا أنا ما بتابع التلفزيون كويس ؟؟ يا ربي يكون ده السبب

[سفروت]

أبو مازن بتتكلم عن ياتو تلفزيون وياتو إذاعة بالضبط عشان نعرف نرد ليك!!
لكن عموما حأعتبرك بتتكلم عن التلفزيون مطلقا والإذاعة مطلقا...
السبب يكمن في عقلياتنا كسودانيين، أميز ما يميزنا كشعب خهو الملل وقلة الصبر...
فلذلك تجد جميع أعمالنا تنقصها اللمسة الأخيرة، حتى في الإذاعة والتلفزيون فقد إنحصرت الأعمال المقدمة فيه على التغطيات في غالبها
دون عمليات الإعداد العميقة التي تستهلك وقتا طويلا
وهذا ما جعل المستمع والمشاهد يهرب منها إلى عالم الفضاء الرحب..

[عبدالرحمن مدثر]

انها سياسة الاقصاء ياصديقى

هاشم صديق احد النماذج المهمة من خلال برامجه المميزة والدرامية

كلنا عشقنا (دراما 90 )

وغيرها من برامجه التى تشد المشاهد

واين نحن من تلك الايام التى كان لها ايقاع وانت تستمع الى حديث

حسين خوجلى بكل سلاسته وعذوبته المعهودة



تبقى فقط ان نذكر بان (مراجعات ) الطاهر حسن التوم على النيل الازرق

البرنامج الوحيد التى يمكن ان نعطيه النجومية اذا بُعد عن التحيز (شوية )



الاقصاء وماادراك ... مالاقصاء

[abomazeen]

أبو مازن بتتكلم عن ياتو تلفزيون وياتو إذاعة بالضبط عشان نعرف نرد ليك!!
لكن عموما حأعتبرك بتتكلم عن التلفزيون مطلقا والإذاعة مطلقا...
السبب يكمن في عقلياتنا كسودانيين، أميز ما يميزنا كشعب خهو الملل وقلة الصبر...
فلذلك تجد جميع أعمالنا تنقصها اللمسة الأخيرة، حتى في الإذاعة والتلفزيون فقد إنحصرت الأعمال المقدمة فيه على التغطيات في غالبها
دون عمليات الإعداد العميقة التي تستهلك وقتا طويلا
وهذا ما جعل المستمع والمشاهد يهرب منها إلى عالم الفضاء الرحب..


حبيبنا الغالي سفروت الرجل الجميل ... تحية وتقدير
لو أطلقنا عموم التعميم على النقاش كل التلفزيونات (وأكيد بنقصد القنوات الفضائية)
وايضاً خلينا نعمم اللفظ على الإذاعات المتنوعة العاملة ... عامل مشترط الرسالة الإعلامية
صــورة التردي وضعف المادة العلميـة هو المسيطـر على غالب البرامج والحلقات المثدمة فيه ...
ولكن أنا قصدت هنا البرامـج الهادفة الجميلة فـي التلفزيون والإذاعة والجرائد والمجلات السودانية
ارجو أن لا تكون قد أصبت باحباط ( مشترك بيننا ) ...؟ فقد عنيت نقاش هذه الظاهرة إن صح التعبير
فيسعدني أن أسمع استفاضتكم بشرح طويل مسهب لبعض أو كل مسببات تلاشي الإعلاميين الافذاذ

[الفخيييم]

حبيبنا ابو مازن تحياتي واشواقي،،،
الاعلام يا عزيزي الفاضل اضحي
موجهاً من قبل النظام الحاكم لا
توجد ديموقراطية ولا حيادية في
هذا الاطار توجيه بممارسة الانصرافية
بخلق برامج فارغة المضمون واختيار
مقدمي برامج من ذوي الخواء الفكري
واستعراض للثياب والميك اب واللبس
الدخيل علينا زي الكباية وخلافه!!!
هذا الوضع ادي الي ظهور برامج
اصحاب اصحاب وعيونك حلوة وتوبك
وهكذا ... وفاصل وخديجة وقعت من البلكونة!!!
اصبحنا نتحسر علي ماضينا يا حبيبنا ابومازن!!!!

[عبدالرحمن مدثر]

خبر ساى

دكتور عوض ابراهيم عوض الاعلامى المميز لديه قناة جديدة

سماها (الامل ) بدات بثها التجريبى

نتمنى ان تكون اسم على مسمى لانه هو آلاخر عانى كثيرا

وهو بهذه التجربة يفتح شرفة

للامل

[عبدالرحمن مدثر]

داير احكى ليك حاجة مؤلمة

لحظة وفاة ايداهور على التلفزيون القومى

كانت كل الدلائل تشير الى موت ايداهور من خلال الحالة الهستيرية للجماهير

ولزملاء الراحل .. اها تعال نشوف طريقة المعالجة لتلك اللحظة

مذيع يتناقش مع ضيفه حول المبارة الهى اصلا انهاها الحكم بسبب معين

قرابة العشر دقائق والمذيع يعصر ليك فى خالد احمد المصطفى

وخالد يقرب يبكى لانو الصورة واضحة

انا لحظتها لو عندى قدرة اخش عليهو فى الاستديو

اول حاجة بخنقوا

معقولة بس

[abomazeen]

انها سياسة الاقصاء ياصديقى

هاشم صديق احد النماذج المهمة من خلال برامجه المميزة والدرامية

كلنا عشقنا (دراما 90 )

وغيرها من برامجه التى تشد المشاهد

واين نحن من تلك الايام التى كان لها ايقاع وانت تستمع الى حديث

حسين خوجلى بكل سلاسته وعذوبته المعهودة



تبقى فقط ان نذكر بان (مراجعات ) الطاهر حسن التوم على النيل الازرق

البرنامج الوحيد التى يمكن ان نعطيه النجومية اذا بُعد عن التحيز (شوية )



الاقصاء وماادراك ... مالاقصاء



صديقي الغالي الخرباش ... تحية وتقدير
كلامك ده ما بقدر أرد عليه في نفس اللحظة
دقيقة أجيب المراجع والدفاتر وبجيك صادي تاني

[أبو ريان]

سبب شنو مع تسابيح خاطر

[بنت الرفاعي]

هي أصلاً وين البرامج الجميلة الهادفة علشان يجيبو ليها إعلاميين ومقدمي برامج بارزين؟؟(إلا القليل), وبعدين ما مشكلة لو جابو وجوه جديدة لتقدم برامج هنا وهناك, المهم هو كنه هذه البرامج وأهدافها، ومدى فهم وعقلية ذوي تلك الوجوه الجديدة.

[mutasim]

بصراحه نحن ماعندنا اعلاميين ابدا ولا بنعرف الاعلام
والاعلاميين عاملين رقابه لوحدهم من غير ماحد يطلبها منهم يعنى فى خوف اعلامى كبير
كمان المصورين والمخرجين ماعندهم حس جمالى ابدا دائما يدوروا على اللقطات القبيحه ويقيفوا فيها مده طويله والخلفيات مابهتموا بيها فى التصوير الخارجى يصيدوا ليك حيط الطين والشوارع المحفره والاشكال القبيحه ياخى ناس الاوركسترا بتاعت التلفزيون ديل لازم بيجيبوا صورهم ويقيفوا فى الواحد زمن الاعلام ماعايز مجامله ولازم يتم فيه ابراز الجميل واخفاء القبيح .

[nehroo]

الحبيب أبو مازن
والله فتحت موضوع شائك وطويييل
وممكن أكتب ليك فيه لي بكره
ومن معايشة لصيقة .. خليها مستورة
بس شوف من على قمم هذه المواقع الإعلامية
من هم وما علاقتهم ومؤهلاتهم التي جلبتهم ؟

[Almostshar]

تخريمة

الاعلام والانتقام

كان زمان

ليه نمش بعيد
عندنا اعلاميين ومقدمي برامج معانا في المنتدى
وكمان مخرجين

والاستاذ صالح شرف عانى كتير من الحته دي ومضايقة الاعلاميين

عموما انا مع فريق المشاهد

[الجندي المجهول]

الحبيب ابو مازن ،،،، صباح الخير
مصيبتنا كبيرة في الاعلام ،،، كبيرة
واهم واكبر هذه المصائب انه اعلام موجه ... ودي كارثة
وثاني اكبر المصائب ،،،، الواسطة وليس المؤهل ( هي المعيار للتعيين)
ثالث المصائب .... يتم التعامل في هذه الاجهزة وكانها مملوكة للافراد (ملكية خاصة) وليس ملكية دولة
رابعاً اقترح تحويل التلفزون إلى ( حديقة مائية) اعتقد انها افضل حالاً من التلفزيون ،،،
تخريمة : هل صحيح الغائب عن العين غائب عن القلب (دا الموضوع القادم باذن الله ،، )