س ســـــــؤال .. الى مفوضية الانتخـابات ؟

[محمد حسين (المميز)]

ســــــــــــؤال




عن مواقع التصويت

سيتابع العالم التصويت للانتخابات السودانيـه

عبر تلفزيونات العـــــــــــــــــــــــــالم المختلفه ب

سؤالي,,,,,

يااااااااااااربي حنشوف مراكز تصويت نضيفه راقيه محترمه

تعكس عننا صورة نضيفه ,, حضارية ,, نفخر بيها

ولا كالعاده حيكون الاعلاميين من جميع القنوات التلفزيونيه العالميه

بيصورو في مراكز الاقتراع اللي غاااااااااااااالبا ماحتكون فصول المدارس المكسره المشققه المعروشه بالزنك المصدي:(

المحفره الوسخانه اللي فيها شقوق ساكنها ابوالرقيع والضبوب:mad:



احيانا كتيره بقول ياااااربي هم بيقصدو يظهرو للعالم الصورة السيئه ولا دي حقيقتنا؟:confused::confused::confused::confused:


بتمنى انا اكون غلطــــــــان ثم غلطـــــان:rolleyes:

[الفخيييم]

يااااااا خلف الله عذبتنااااااااااااااااااا....

[الفخيييم]

المميز تحياتي،،،
ح يصورو بعض المراكز الراقية
ما كلها ح يجيبوها امبدة ومدرسة
النهر والجزيرة ابوبكر والمؤتمر والخ...
الناس ديل شفوت ما شوفت القنوات
دي استديوهات عكس الشارع وتياب
وحاجات كده انسي بس!!!
زي احرازنا للمركز الثالث في التقنية
المصرفية البلد وسخاااانة والحاجات
الذكرناها ديك نضيفة شوفت كيف!!!!

[ابو لوزة]

يا وجية
والله سؤالك في محله
يمكن يستاجروا الفنادق الفخمة
ويعملوا فيها الانتخابات
اكيد طبعا في المدارس
والحكومية بس وبالكتير
ينصبوا خيام

[حاتم مرزوق]

ثقافة إظهار الأجمل أصبحت ذات أهمية كبيرة في زماننا هذا ، لذاء يجب علينا أن نظهر أفضل ما عندنا للعالم الذي سيسجل حضوراً في هذه الإنتخابات ومن مصلحة الحزب الحاكم التركيز علي الأجمل والبعد عن القندهارية حتي يثبت ان العشرين سنة التي مكثها في شعب السودان أثمرت شيئاً يحسب له.


كما يجب علينا كسودانيين ان نستثمر أي مناسبة لنسوق للسياحة في السودان وان ننأي عن البشتنة ما إستطعنا ..

السؤال إستباقي وجميل و نحيي الأخ المميز عليه.

[محمد حسين (المميز)]

يااااااا خلف الله عذبتنااااااااااااااااااا....


صدق دي أجمل شي في الانتخـابات يافخيــــــم

كوميديا مخلوطه بشوية دراما معجونه بقليل من العواره طلعت لينا شيء من الفكاهه

[محمد حسين (المميز)]

ا
ح يصورو بعض المراكز الراقية


برضووووو نقـول انشــاللـه على الاقل مايخجلونا

[محمد حسين (المميز)]

وبالكتير
ينصبوا خيام

ودالخواض ياراقي


صدق كلامك في محله صيوانات الجمعيات ما اكثرهـا

وفاتورتها طبعا فاتورة فندق خمسه نجوم

وزي مابيقولو رزق الهبـل عالمجـانيين


ابو لوزه تحيــاتي

[محمد حسين (المميز)]

ثقافة إظهار الأجمل أصبحت ذات أهمية كبيرة في زماننا هذا ، لذاء يجب علينا أن نظهر أفضل ما عندنا للعالم الذي سيسجل حضوراً في هذه الإنتخابات ومن مصلحة الحزب الحاكم التركيز علي الأجمل والبعد عن القندهارية حتي يثبت ان العشرين سنة التي مكثها في شعب السودان أثمرت شيئاً يحسب له.


كما يجب علينا كسودانيين ان نستثمر أي مناسبة لنسوق للسياحة في السودان وان ننأي عن البشتنة ما إستطعنا ..

السؤال إستباقي وجميل و نحيي الأخ المميز عليه.



لك الشكر اخي حاتم على مداخلتك

ونتمنى ان يعكس كل السودانيين على مستوى جميع الفئات

الوجه المشرق النضيف الحضاري للسودان والشعب السوداني

[النويري]

أنت فعلاً مميز وما ذكرته حيكون بالحرف الواحد وكل القبح سوف تراه في هذه الأيام ومن وين يجيبوا حاجات نضيفة ما البلد كلها معفنة ووسخانة عندنا واحد سعودي ذهب للسودان نظام إستثمار وكده تخيل نزل في فندق هيلتون الله يكرمك بيقول دخل الحمام وبعد ما جاء طالع الموية والصابون جو لاحقنوا تخيل يابلد أرحمينا شوية والله الواحد حيموت كمد

[بت أم درمان]

عارف يا مميز كانت معاي زميلتي بالمدرسة قالت لي :
انتو بالسودان بيوتكم قش ( قصدها القطاطي بالقنا ) على اساس ما تراه طبعا بالتلفزيون
وما عندكم سيارات مساكين تركبون ( الصندوق البيجروه الحمير ) قصدها الحنطور ولا شنو يا ربي ؟
والشوارع كلها تراب ( قصدها مافي زلط )
معاها حق مش ؟
اذا اعلامنا ما بيظهر غير الوجه السيئ
غايتو البت دي قايلة السودان لسه عايش بالزمن الحجري

ونتمن ان تظهر للسودان الصورة البنتمناها

[الجندي المجهول]

لكن بصراحة شخصية عوض الله عذبتنا دي شخصية من الواقع وليس من خيال جمال حسن سعيد

تخريمة : الكل يعلم أن العالم اصبح قرية صغيرة في عصر هذا التطور العجيب .... بس نقول الله يسهل ويجيبوا خفيف

[محمد حسين (المميز)]

أنت فعلاً مميز وما ذكرته حيكون بالحرف الواحد وكل القبح سوف تراه في هذه الأيام ومن وين يجيبوا حاجات نضيفة ما البلد كلها معفنة ووسخانة عندنا واحد سعودي ذهب للسودان نظام إستثمار وكده تخيل نزل في فندق هيلتون الله يكرمك بيقول دخل الحمام وبعد ما جاء طالع الموية والصابون جو لاحقنوا تخيل يابلد أرحمينا شوية والله الواحد حيموت كمد


شيخ النويري ليك مني الف ســلام

والله اتمنى ان نرى البلد كلها زي برج الفاتح

في بلدان ربنا يعلم حالهم اصعب من حال بلدنا

امكانياتهم اقل بكتيـــــــر

لكن سبحان الله لمن يجيبوها في البرامج الثقافيه او المناسبات الرسميه

تستغرب من الطبيعه والجمــال والنظام والحضاره

وتقول ياااااربي معقوله دي هي دي؟؟!!!!


اما نحن نعجبك القطاطي والهبل والوسخ

ويقولو ليك ده تراثنا ده اصلنا ده توب الشرف مع انه توب القرف




النويــــري
لك تحيـــــــــاتي,,

[محمد حسين (المميز)]

عارف يا مميز كانت معاي زميلتي بالمدرسة قالت لي :
انتو بالسودان بيوتكم قش ( قصدها القطاطي بالقنا ) على اساس ما تراه طبعا بالتلفزيون
وما عندكم سيارات مساكين تركبون ( الصندوق البيجروه الحمير ) قصدها الحنطور ولا شنو يا ربي ؟
والشوارع كلها تراب ( قصدها مافي زلط )
معاها حق مش ؟
اذا اعلامنا ما بيظهر غير الوجه السيئ
غايتو البت دي قايلة السودان لسه عايش بالزمن الحجري

ونتمن ان تظهر للسودان الصورة البنتمناها




بت ام در

حقيقي ده الفهم الموجود عند كثيـــــر من الناس

اغلبهم الجهـلاء وناقصي العقـول

ولكن لا الومهم اذا هم مابيشوفو غير قطاطي دارفور

ولواريها الراكبنها الناس بالكوم

لانه اعلامنا انصرف عن كل شي وتوجه الى دارفور ليعتقد العالم ان السودان هو دارفور

وانه هو ده الشعب السوداني اللي مالاقي ياكل ولا يلبس ولا يسكن

قطاطي وقش هو ده السودان في العالم

--------------------------------------------

واحد سعودي غبي بيعتقد جاااااااااااادي انه السودان عبارة عن غابة:rolleyes:

لدرجة انه بيقول لي
(( من جد انتو تكونو ماشيين يجي الاسد يطارد الغزال والفيل يجي معدي من قدامكم)):mad::mad:

والغريب في الامر لمن يسمعو بانه في ناس شغالين يستثمرو في السودان بيستغربو؟؟:confused:

--------------------------------------------------





وما عندكم سيارات مساكين تركبون ( الصندوق البيجروه الحمير ) قصدها الحنطور ولا شنو يا ربي ؟

ياتو حنطــور يا ماما:eek::D:eek:

ده اسمه كااااااااااااارو بفتح الكاف وتمديد الالف وضم الراء بقوووووووه:p:p


بت ام در
تحيــــــــــــاتي ليك ولصاحبتك;)

[صلاح الدين سوار]

مصرية محاسبة تعمل كانت تعمل معي في السعودية الله يطراها بالخير .. سألتها ماذا تعرفين عن السودان .. مصرية تتخيلوا قالت لي دولة كلها غابات .. مين يصدق الكلام ده .. في السعودية في أماكن أزفت من أماكن في السودان بس في التلفاز ما تتشرف تظهر . عندنا في السودان الزفت محظوظ في التلفاز أكثر من الدواب.
وأكيد أكيد المناظر المخجلة بتطلع بنصيب الأسد في التلفاز عشان الانتخابات قربت وما في وقت للصيانة وحقوا الحكومة كانت تنتبه لهاالسؤال من قبل ؟؟ بس الرضا بالمقسوم عبادة ولا أيه يا شعب ؟؟؟
ابوجارة

[محمد حسين (المميز)]

لكن بصراحة شخصية عوض الله عذبتنا دي شخصية من الواقع وليس من خيال جمال حسن سعيد

تخريمة : الكل يعلم أن العالم اصبح قرية صغيرة في عصر هذا التطور العجيب .... بس نقول الله يسهل ويجيبوا خفيف


المشرف الانيق

فعلا ناس خلف الله كتـــــــار كتــــــــــره

بالكوووووووووووم والردوووووووووووم

[محمد حسين (المميز)]

مصرية محاسبة تعمل كانت تعمل معي في السعودية الله يطراها بالخير .. سألتها ماذا تعرفين عن السودان .. مصرية تتخيلوا قالت لي دولة كلها غابات .. مين يصدق الكلام ده .. في السعودية في أماكن أزفت من أماكن في السودان بس في التلفاز ما تتشرف تظهر . عندنا في السودان الزفت محظوظ في التلفاز أكثر من الدواب.
وأكيد أكيد المناظر المخجلة بتطلع بنصيب الأسد في التلفاز عشان الانتخابات قربت وما في وقت للصيانة وحقوا الحكومة كانت تنتبه لهاالسؤال من قبل ؟؟ بس الرضا بالمقسوم عبادة ولا أيه يا شعب ؟؟؟
ابوجارة


السيــد صــلاح

تعرف اغلب فئـات الشعب السوداني سواء داخل او خارج المدينه

بيشوفو الاهتمام بالمظهر ده كلام فاضي وسحسحه

يعني لو شافوك بتسرح في راسك سااااااي وواقف قدام المرايه

تعال شوف الانتقاد والكلام البيجيك

لو قشرت واتشنطت من غير سبب وقلت تمرق في الحله سااااي

وروروووووووووك ماشي وين وجاي من وين وفاكيها في نفسك مالك ماشي تخطب؟؟ وكلام كتيــر

والكلام ده للأسف مطبق على اغلب المسؤولين اللي بيطلعو في التلفزيون

تلقاهو وزير ولا واحد من القيادات وتلقى شعره مبرم ومعفر

ولا بدلته المكوه ساهكاها وتتلامع زي الصفيحه

ولا دقنه مشعتره من غير تهذيب

يعني حاجه اجارك الله

يبقى اذا هو نفسه مبشتنه البلد حتكون كيف

يعي اذا نفسه ما اهتم بيها حيهتم بنفس الناس


ربنا يصبر الجميع ويلهم اهلنا الصبر والسلوان



صـــلاح الدين
تحيــاتي

[محمد حسين (المميز)]

طبعـــا كمـا كان متـوقع

شفنا ما لا يسر عدو ولا حبيب

مراكز الاقتراع في اوسخ ما يكون

تقريبا اختارو الفصول بتاعت مدارس الاساس الزباله

وفي المدرسه تقريبا بيختارو فصــل السوق الشعبي

زباله وساخه كدوبه حيوط مدمره

بصراحه حاجه مخجله ومحزنه في نفس الوقت


الحاجه المستغرب ليهـا

انه في ميزانية قدرت بالملايين من الامم المتحده لعملية الانتخابات

يعني لو كان بس خصصو لكل مركز اقتراع ملاليم من الدولارات قصاد صيانة بوهيه وترميم بس

كان حصل شنووووووووووووووووو


لكن وآآآآآآ أسفـــــــاه