جمال الروح

[مايسة]

التقت به صدفة في سباق للخيول- يحب الخيول كثيرا – تحبها هي ايضا

وجدته واقفا يداعب فرسه بيديه – اقتربت منه بحذر خلف ظهره – سألته – دار بينهم حوار لطيف – وهو مازال يوليها ظهره –
التفت اليها – رأت راسا كبيرا (شبيه بالفيل) وجسما ضئيلا وفوق كل هذا كان يتحسس طريقة –

لم تتجهم من المفاجأه – سبحان الله – نشأت و اصبحت بينهما علاقة غريبة جدا –
صالت اسرتها وماجت عندما عرفت بالامر – كيف لسندريلا مثلها ان ترتبط بمثله –

وفي يوم اتصل عليها وجد امها – اسمعته كلاما جعله يضع سماعة التلفون ببطء ويدخل الي غرفته ويوصد الباب خلفه – اتجهه الي مخدعه – وتمدد – اغمض جفنيه للمرة الاخيرة وهو مبتسم .

للنقاش :
ماذا يشكل لك الشكل الخارجي للشخص الذي تحاوره – بمعني اانت انطباعي – وهل هندام الشخص وطريقة كلامه – تؤثر بك وتجعلك تحكم على هذا الشخص – كثيرا ما نقابل اشخاصا في حياتنا اليومية ان كانت عمليه او غيرها – ناخد انطباع عنهم – ولكن بمرور الايام نغير رائنا -- وهل جمال الروح عندك يمثل نسبة كبيرة .

[تغريد]

بعض الأشخاص يدخلون مباشرة الي أقصي أعماق روحك بسهولة ويسر

يتجاوزون كل أشارات مرور القلب

فأمام قلوبهم تفتح كل القلوب

تنظر إليهم فتجد أن مظهرهم عااااااااااادي ولكنك تشعر أن هناك شيئا ما يشدهم إليك بقوة

هذه القوة ليست نابعة من مظهر أو أي قوي جازبية مادية

هي قوة تنبع من أعماق تشبعت بالجمال حتي حد الروعة

وقليلون هم من يجيدون فن أكتشاف سحر القلوب يا ميسو

بالمقابل كثيرون منا يجيدون التصنع ويتقنون فن التزين بالزهور الصناعية

يتجملون بالجواهر وجميل المظاهر

ويهملون الدواخل التي تفوح منها رائحة جوهرهم

بجيك تاااااااني يا ميسو

[الجندي المجهول]

الاخت مايسة - صباح الخير
للشخص الواعي والمدرك لحقيقة هذه الحياة يتعامل مع اكثر من المظهر (لان المظهر مهما كان لن يطغى على جمال الروح) لسبب أنه اي جمال المظهر يعتبر مادي وكل الماديات إلى زوال كما هو متفق عليه ولكن جمال الروح يبقى لانه الفطرة التي خلق عليها الانسان واعطيك مثال
شخص تزوج من انسانة قمة في الجمال ولكن اخلاقها (زيرو) ماذا سيحدث هل سيستمر معها
والعكس تماما اذا تزوج انسان من انسانة عادية في الشكل ولكن اخلاقها عالية وروحها جميلة (اكيد ) سيتمسك بها وتستمر الحية لان هنالك حافز لها وهو الروح الجميلة ....
تخريمة :
كم اتمنى ان تسود الروح الجميلة بين الناس جميعا وأن تطغى الالفة على الفرقة والشتات وأن ... وأن ..... وشكراً يا مايسة على الموضوع الجميل

[محمد حسين (المميز)]

ميســو

تحياتي

جمـال الروح مدة صلاحيتـه مدى الحيـاة

أما جمـال الشكـل فله فترة محدده

تذهب الاشكال وتبقى الدواخل

والكلمة الطيبه تذكر صاحبها

[بت مارنجان]

شخص تزوج من انسانة قمة في الجمال ولكن اخلاقها (زيرو) ماذا سيحدث هل سيستمر معها
والعكس تماما اذا تزوج انسان من انسانة عادية في الشكل ولكن اخلاقها عالية وروحها جميلة (اكيد ) سيتمسك بها وتستمر الحية لان هنالك حافز لها وهو الروح الجميلة ....
تخريمة :






جمـال الروح مدة صلاحيتـه مدى الحيـاة
أما جمـال الشكـل فله فترة محدده
تذهب الاشكال وتبقى الدواخل



الكلام دة يقولو زول ماعندو هديدة ولا شنو :o

[بت مارنجان]

شوفي ياميسو الشكل مطلوب لانو بكمل المضمون والروح .... لكن كمان ماببقي هاجس للواحد انو يهتم بالمظهر
لانو حيبقي شخص سطحي وماعندو موضوع ...
والروح بالنسبة لي اهم من شكل الانسان "لانو صدق الروح والنوايا" بقت عملة نادرة جدآ وتكاد معدومة في زمنا دة
اما جمال الشكل "كم عملية جراحية بتظبط المسائل "

[محمد حسين (المميز)]

الكلام دة يقولو زول ماعندو هديدة ولا شنو :o

مارنجــوووووووو

مشتـاقين

[بت مارنجان]

مارنجــوووووووو

مشتـاقين


يالممميز بالاكتر ياخ ...
وحمدلله علي سلامة الوالدة وسلامتك انت كمان .....
وماتنقطع وماتكتر الجية :o

[تغريد]

الأخوة المتونسون في البوست

بت مارنجان والمميز
























أطلعوا برة

:mad::mad:

[مايسة]

ميســو

تحياتي

جمـال الروح مدة صلاحيتـه مدى الحيـاة

أما جمـال الشكـل فله فترة محدده

تذهب الاشكال وتبقى الدواخل

والكلمة الطيبه تذكر صاحبها


عزرا لجميع المتداخلين - سأرد على المميز اولا - لاقول له حمد لله على السلامة

والف لا باس على الوالدة - وان شاء الله اجر وعافية -

كما اوضحت فالجمال الخارجي مجرد شكل وربما ايضا يكون مزور ومزيف

اما الجمال الداخلي فلا -

وان كان كل واحد منهم (الجمال الداخلي والخارجي) مرتبطان ببعضهما - بمعني

جمال الروح دائما ينعكس في وجه الشخص -
سلمت

[مايسة]

بعض الأشخاص يدخلون مباشرة الي أقصي أعماق روحك بسهولة ويسر

يتجاوزون كل أشارات مرور القلب

فأمام قلوبهم تفتح كل القلوب

تنظر إليهم فتجد أن مظهرهم عااااااااااادي ولكنك تشعر أن هناك شيئا ما يشدهم إليك بقوة

هذه القوة ليست نابعة من مظهر أو أي قوي جازبية مادية

هي قوة تنبع من أعماق تشبعت بالجمال حتي حد الروعة

وقليلون هم من يجيدون فن أكتشاف سحر القلوب يا ميسو

بالمقابل كثيرون منا يجيدون التصنع ويتقنون فن التزين بالزهور الصناعية

يتجملون بالجواهر وجميل المظاهر

ويهملون الدواخل التي تفوح منها رائحة جوهرهم

بجيك تاااااااني يا ميسو


صدقتي يا دوك -

الجمال الروحي ساميا جدا - وهو شئ معنوي بالتأكيد -

يمكن تزييفه كما اسلفتي ولكن تزييف مؤقت - لا يستمر طويلا

فسبحان الله هنالك اناس - في قمة الجمال - ولكن لا تحس اتجاهم باي انجذاب - والعكس

[مدنيّة]

ميسو ياختي
النديك النجيضة
ماتسمعي لي اي زول عايز يتفلسف

المهم والاهم هو الجمال الخااااااااااااااااااااااااااااااااااااااااااااارج ي
الباقي كله ما مهم

والنضرب ليك مثل
بفنانة قبل ما تعمل صنفرة شكلها كان عاااااااااااااااااااااادي جدا
وزول شغال بيها ماااااااااااااااااااافي

اها بعد الصنفرة وتجميل الشكل "الخارجي" دا
الدنيا كلها قامت وماقعدت

قومي لفي ياخ

المعني انه في فرق بين النظرية "الجمال الداخلي" وبين الواقع "الجمال الخارجي" بالنسبة للناس

[بت مارنجان]

الأخوة المتونسون في البوست

بت مارنجان والمميز

أطلعوا برة

:mad::mad:

حرقك سااااااااااااااااااااي :p

[الفخيييم]

الاخت مايسة تحياتي،،،
والله بيني وبينك لو اجتمعت
كلها بتكون قمة الروعة..
باختصار شكلاً وموضوعاً..
المظهر العام+الفهم=قمة الروعة..

[مايسة]

الاخت مايسة - صباح الخير
للشخص الواعي والمدرك لحقيقة هذه الحياة يتعامل مع اكثر من المظهر (لان المظهر مهما كان لن يطغى على جمال الروح) لسبب أنه اي جمال المظهر يعتبر مادي وكل الماديات إلى زوال كما هو متفق عليه ولكن جمال الروح يبقى لانه الفطرة التي خلق عليها الانسان واعطيك مثال
شخص تزوج من انسانة قمة في الجمال ولكن اخلاقها (زيرو) ماذا سيحدث هل سيستمر معها
والعكس تماما اذا تزوج انسان من انسانة عادية في الشكل ولكن اخلاقها عالية وروحها جميلة (اكيد ) سيتمسك بها وتستمر الحية لان هنالك حافز لها وهو الروح الجميلة ....
تخريمة :
كم اتمنى ان تسود الروح الجميلة بين الناس جميعا وأن تطغى الالفة على الفرقة والشتات وأن ... وأن ..... وشكراً يا مايسة على الموضوع الجميل



يعني هسه انا اجيب ليك زوجة قبيحة جدا واخلاقها عسل ينقط بس - بتقعد معاها صح -
ياخي قالو الخضرا والماء والوجه الحسن

- سلمت على المرور ايها الجندي - فعلا بان جمال الروح يغطي على الشكل الخارجي - ولكن بدرجات :)

رد التخريمة - دعوة جميلة منك - وربنا يسهل ويعم الخير وتعم الالفة - ويعم السلام - ويعم ويعم ويعم - ;)

[مايسة]

شوفي ياميسو الشكل مطلوب لانو بكمل المضمون والروح .... لكن كمان ماببقي هاجس للواحد انو يهتم بالمظهر
لانو حيبقي شخص سطحي وماعندو موضوع ...
والروح بالنسبة لي اهم من شكل الانسان "لانو صدق الروح والنوايا" بقت عملة نادرة جدآ وتكاد معدومة في زمنا دة
اما جمال الشكل "كم عملية جراحية بتظبط المسائل "


بتو - سلمتي ياخ

في كثير من الناس يعتبرون بان الجمال الخارجي - مهم جدا -

اذا ضربنا مثل - بعيدا المراة وجمالها الخارجي

في حياتنا العامة هذه الايام - الملاحظ بان اغلب الناس اصبحت تهتم بالمظاهر -
بمعني شكل الانسان الخارجي -

ماشي لمعاينة :p- المطلوب تكون مهندم وآخر قشرة

ماشي تشتري حاجة - لو شكلك ما ياهو بقولو عليك زول جربان ساااي ولا يجيبو خبرك زااتو

يعني - مفهوم الجمال الداخلي والخارجي - واسع جدا -

لكن بيني وبينك - الجمال جميل ياخ :cool:

[بت أم درمان]

كدي يا ميسو نحكي ليك حكاية صغيرونة
عندنا مدير الماني طبعا الالمان معروفين
لونه ابيض لمن يجهر والشعر اشقر والعيون زرق
والله جد زي ما بقول ليك
اها الراجل دا متزوج مرا فنزويلية
المرا دي لونها اسود من الاخير شكلها افريقي عديييييل
مافي داعي اجيب اوصافها
والغريبة في الموضوع الالماني دا طاير بيها السما
فرحان بيها فرح
والغريبة اكثر عنده بنت وولد والاتنين جو شبه امهم

في البداية نحن استغربنا لان لا توجد مقارنة بين الاتنين
بس لمن عرفنا بيها
وقعدنا معاها
عرفنا ان السيدة دي عندا خفت دم ما عادية
وعندها رقي و روح جميلة بشكل
وتحسيها قريبة منك لدرجة وتشيل الحواجز من اول

تخريمة : مدنية وبت مارنجان كدي غيرو رايكم دا لان قبل كدا سمعت لي حكمة
( لاتتزوج امرأة جميلة لأنها بعد فترة حا تكون بالنسبة ليك أمرأة عادية )
واتخيلو الوضع لمن تكون دميمة وشكلها عادي كيف الحياة حا تكون

[مدنيّة]

تخريمة : مدنية كدي غيرو رايكم دا لان قبل كدا سمعت لي حكمة
( لاتتزوج امرأة جميلة لأنها بعد فترة حا تكون بالنسبة ليك أمرأة عادية )
واتخيلو الوضع لمن تكون دميمة وشكلها عادي كيف الحياة حا تكون


بنوتة ياختي
عايزة الجد ولا ود عمه ؟ ههههههههههههههههههه
صدقننننننننننننننننننننننني البقول ليك الجمال الخارجي ياختي بتفلسف ليك بث مااكتر من كدا

وبالمناسبة ما مقتنعة بالكلام دا انا لكن دا الواقع
اخير الزول يكون عارفه


وزي ماقلت فوق لميسو
"الفنانة" الكانت في نجوم الغد مافي زول جايب خبرها
اول ما اتصنفرت بقت علي كل لسان

اها يابنوتة
دا "اندكيشن" لشنوووووووووووووووووووو؟!!!

[تماضر]

ممكن أسلم على الناس الروحها حلوة؟؟؟؟

[مايسة]

مارنجــوووووووو

مشتـاقين


يالممميز بالاكتر ياخ ...
وحمدلله علي سلامة الوالدة وسلامتك انت كمان .....
وماتنقطع وماتكتر الجية :o


الأخوة المتونسون في البوست

بت مارنجان والمميز



أطلعوا برة

:mad::mad:


معليش يا دوك ياخ - امسحيها لي انا - خليهم

صغاااار لسي :cool::p

[مايسة]

ميسو ياختي
النديك النجيضة
ماتسمعي لي اي زول عايز يتفلسف

المهم والاهم هو الجمال الخااااااااااااااااااااااااااااااااااااااااااااارج ي
الباقي كله ما مهم

والنضرب ليك مثل
بفنانة قبل ما تعمل صنفرة شكلها كان عاااااااااااااااااااااادي جدا
وزول شغال بيها ماااااااااااااااااااافي

اها بعد الصنفرة وتجميل الشكل "الخارجي" دا
الدنيا كلها قامت وماقعدت

قومي لفي ياخ

المعني انه في فرق بين النظرية "الجمال الداخلي" وبين الواقع "الجمال الخارجي" بالنسبة للناس







مدنية المربخابية - شفتي عشان كلامك دا انا اعزلته المريخاب

نظرية شنو ياخ - هسه عليك الله الجمال الخارجي دا - الايام دي ما بوهيا ساااي
والحلو حلو لو قام من نومو - والجميل جميل كل يوم (دي ما دعاية للطحنية ياخ)

وش زول جااادي :

الجمال الخارجي يا ستي - وقتي - بمعني ينتهي بزوال المؤثر (نظرية المغنطيس)
اما جمال الروح - جمال ابدي - خفة دم - خفة روح - نقاهه - صفاء قلب - صفاء سريره (انت يا الابيض ضميرك)

لا اختلف معك - بأننا اصبحنا ننظر للجمال الخارجي ونعطيه الاولوية - وذلك نظرا لاشياء دخيلة كثيرة على مجتمعنا - العولمة والديجتلات - والمسلسلات - وقنوات الموضه -

ولكن بعد هذا كله يبقي الجمال الحقيقي جمال الروح وليس الشكل الخارجي - :D

تقول لي بعد دا لفي - الف وين انا لكن يا ربي في الكاااسر ولا شنو ؟؟؟ :cool:

تخريمة :الشغل كمان عايز وجاهة بالمناسبة - وحاجات تانية حامياني :p

[مايسة]

الاخت مايسة تحياتي،،،
والله بيني وبينك لو اجتمعت
كلها بتكون قمة الروعة..
باختصار شكلاً وموضوعاً..
المظهر العام+الفهم=قمة الروعة..


والنعم اخي الفخييم -

ولكن الكمال لله وحده (والله اعلم)

لكن البقنع الجماعة منو -


يؤسفني ان اعلمك بأن أمنيتك صعب تحقيقها في هذا الزمن (ولكن ليست بمستحيلة)(عشان ما يجيك احباط)

[خالد علونى]

مايسة

جميلة جدا هذه اعودة الأنيقة





مما لا اختلاف فيه ان للمظهر سطوة مما يسمي بالإنطباع الأولي

او التقييم المبدئي

ولا شك أنه في كثير من الأحيان تكون جوانب الصدق فيه كثيرة وتاخذ الجانب الصحيح في التقييم للشخص




ولكن







لا نستطيع ان نجمل الحكم فقط من خلال المظهر كالهندام وطريقة السلام وغيرها



فقط تعطينا ملامح عن الشخصية ولكن تقليب الحوار والغوص في اعماق الشخص من خلال الحديث معه تكشف بقية الجوانب الأخري من حياته النفسية والثقافية والفكرية وغيرها....



ولكن للحكم من أول نظرة أخطاء ايضاً قد تجعلنا نصدم في تقييمنا للأشخاص



ختاماً:






لك مني خالص الود ودمت

[ايمن عبد الله]

لكي من القلب معزة ياميسو ... (كيف البنات تمام) ابقي اعملي مسكين او ضو كول تمام

[ودسمير]

والذى نفسه بغير جمال لا يرى فى الوجود شيئا جميلا

[ahmed algam]

سلام عليكم

ياناس الوجهات والوجه الحسن

ميسو وكل المتداخلات والمتداخلين


الجمال الخارجي يااخونا والله مهم

وبرضو جمال الروح احلي منو مافي


وعلي راي اخونا الفخيم لو اجتمعوا ((اشك)) بيكون ظابط


ولا انتو رايكم شنو


:confused: :confused: :confused: :confused:

يامدنية قولتي لي البت بتاعة نجوم الغد ماله

:cool: :cool: :cool: :cool: :cool:

[مايسة]

تخريمة : مدنية وبت مارنجان كدي غيرو رايكم دا لان قبل كدا سمعت لي حكمة
( لاتتزوج امرأة جميلة لأنها بعد فترة حا تكون بالنسبة ليك أمرأة عادية )
واتخيلو الوضع لمن تكون دميمة وشكلها عادي كيف الحياة حا تكون


قصتك جميلة يا بت امدرمان - ودا كلام بيأكد انو العين بتعشق الدواخل قبل الخوارج (دي ما سياسة):p

اما الحياة عارفة في الحالة دي حا تكون بمبي بمبي

[مايسة]

بنوتة ياختي


اها يابنوتة
دا "اندكيشن" لشنوووووووووووووووووووو؟!!!


هسه بنادي ليك الجماعة -:cool::p
انتي ما بتعرفي عربي - قال اندكيشن قال

وبالنسبة لابتسام يا مدنية - اكيد فهي خارجي وداخلي - ربنا يدينا يا هناية ;)

[مايسة]

ممكن أسلم على الناس الروحها حلوة؟؟؟؟


تماضر ست الناس

ياخ انتي مش تسلمي بس - انتي ست البوست دا كلو والله

شنو يعني احنا ما عاجباك اشكالنا ياخ - هههههه

ردك جميل جدا جدا ومعبر جدا - يعني انتي احنا عجبنك قبل حتي ما تشوفينا ياخ

شفتي كيف جمال الروح دا - حاجة كدا غريبة جدا - دمت يا تماضر ويديك العافية يا ست الناس

[مايسة]

مايسة
جميلة جدا هذه اعودة الأنيقة
مما لا اختلاف فيه ان للمظهر سطوة مما يسمي بالإنطباع الأولي

او التقييم المبدئي

ولا شك أنه في كثير من الأحيان تكون جوانب الصدق فيه كثيرة وتاخذ الجانب الصحيح في التقييم للشخص
ولكن
لا نستطيع ان نجمل الحكم فقط من خلال المظهر كالهندام وطريقة السلام وغيرها
فقط تعطينا ملامح عن الشخصية ولكن تقليب الحوار والغوص في اعماق الشخص من خلال الحديث معه تكشف بقية الجوانب الأخري من حياته النفسية والثقافية والفكرية وغيرها....
ولكن للحكم من أول نظرة أخطاء ايضاً قد تجعلنا نصدم في تقييمنا للأشخاص

ختاماً

لك مني خالص الود ودمت

أخ علوني - سلامات



صدقت في كلامك - فالانطباع الاولي ليس في كل الاوقات يصيب -

ولكن هذه النظرية كثيرا ما تكون صائبة والله اعلم -


سلمت ويديك العافية

[مايسة]

والذى نفسه بغير جمال لا يرى فى الوجود شيئا جميلا


هذه دعوة الي التفاؤل اخي

ربنا يجعلنا من المتفائلين يا رب

[مايسة]

سلام عليكم

ياناس الوجهات والوجه الحسن

ميسو وكل المتداخلات والمتداخلين
الجمال الخارجي يااخونا والله مهم
وبرضو جمال الروح احلي منو مافي
وعلي راي اخونا الفخيم لو اجتمعوا ((اشك)) بيكون ظابط
ولا انتو رايكم شنو
:confused: :confused: :confused: :confused:

يامدنية قولتي لي البت بتاعة نجوم الغد ماله

:cool: :cool: :cool: :cool: :cool:




اخ علقم - تحياتنا

تصدق الايام دي اوع تصدق - الكلام دا - في مقولة بتقول
انو الواحد لما تكون روحو مش جميلة - تلقاهو بيهتم بالشكل الخارجي اكتر - بس اعمل حسابك ما تتغشي

الكلام دا بينطبق طبعا في الجنسين

- مدنية قالت بت نجوم الغد بقت جميلة جمال ما طبيعي :p:cool:

[الفخيييم]

مايسة اللون ده زغلل بعيوني
خليك مع الازرق الانيق وكده...
والجمال لو اتوفر كلو بيكون
تمام حلاوة ولقاوة وفهم...

[النويري]

مايسة اللون ده زغلل بعيوني
خليك مع الازرق الانيق وكده...
والجمال لو اتوفر كلو بيكون
تمام حلاوة ولقاوة وفهم...

عرفنا الحلاوة اللقاوة دي معناه شنو بس إلا تشرحها لينة

[الفخيييم]

عرفنا الحلاوة اللقاوة دي معناه شنو بس إلا تشرحها لينة

حبيبنا النويري ياخ دي
لزوم القافية وكده لكن
لا ضير ان اشرحها لك
لقاوة جبل في كادوقلي
يتمتع بالخضرة والجمال
الما ليه مثال والموضوع
برمته عن الجمال ولا انا
غلطان؟؟؟


تخريمة: ربنا يديك اي شي
بجمال لقاوة وسر كنه اللون
الازرق يا النويري حبيب قساي...

[تغريد]

أها يا اخوانا وصلتوا ويييييين :confused:




العريس ولا الكديس

قصدي الجمال الداخلي ولا الخارجي

:rolleyes::rolleyes:

[ود الجعلي]

مايسة أولا" أبدي اعجابي بما تكتبين ... ولكننا ننتمي الى عالم يركد ونحن نتسامق في الوله والجنون

كانت تتفحصه بصمت وهو يغتلي كالمرجل من هيجان المشاعر وتلاطمها ..............لا ينتمي لقبيلة الوسامة ...........وله صلعة واسعة وممتده ( تغطية 100%) ..... ولكن..... ابتسامته تشق الصمت والصخر بل تفتته .......... وتجلب الحظ السعيد للقلوب الهائمة .............. هو عبودي ( خالي ) وكانت الضحية سلمى (زوجة خالي ) كانت جميلة وساحر ة ومدللة أنثى في كمالها الانساني) ....

كنت جريئا معها ..... والذي شجعني على ذلك انها بفرنسا زمنا طويلا"


سؤالي كان قويا" وفضوليا".... لماذا هو وانتي جميلة الي هذا الحد ؟؟؟؟؟؟؟؟؟؟؟؟

أجابتني بحديث طويل ممتع ... سمعتها جيدا ............... وكان سحرا" ..............ولكني لم افهم شيئا" ........... و كنت أظن نفسي افهم في العشق والنساء

[مايسة]

أها يا اخوانا وصلتوا ويييييين :confused:




العريس ولا الكديس

قصدي الجمال الداخلي ولا الخارجي

:rolleyes::rolleyes:

هههههههههههه

الغالية سلام

يا حليل الكديس ياخ - ضبحو قالو - ياخ ما تشوفي لينا الكدايس ديل وين - وجيبيهم لينا

اكيد الداخلي - --طبعا - دمت

[مايسة]

مايسة أولا" أبدي اعجابي بما تكتبين ... ولكننا ننتمي الى عالم يركد ونحن نتسامق في الوله والجنون

كانت تتفحصه بصمت وهو يغتلي كالمرجل من هيجان المشاعر وتلاطمها ..............لا ينتمي لقبيلة الوسامة ...........وله صلعة واسعة وممتده ( تغطية 100%) ..... ولكن..... ابتسامته تشق الصمت والصخر بل تفتته .......... وتجلب الحظ السعيد للقلوب الهائمة .............. هو عبودي ( خالي ) وكانت الضحية سلمى (زوجة خالي ) كانت جميلة وساحر ة ومدللة أنثى في كمالها الانساني) ....

كنت جريئا معها ..... والذي شجعني على ذلك انها بفرنسا زمنا طويلا"


سؤالي كان قويا" وفضوليا".... لماذا هو وانتي جميلة الي هذا الحد ؟؟؟؟؟؟؟؟؟؟؟؟

أجابتني بحديث طويل ممتع ... سمعتها جيدا ............... وكان سحرا" ..............ولكني لم افهم شيئا" ........... و كنت أظن نفسي افهم في العشق والنساء


الرائع - ود الجعلي

وهكذا هو الحب - تقريبا - لا يعرف شكل خارجي ولا غيرو - فتجد نفسك امام شعور - لا تعرف معناه ولا من اين اتي - وان كان محبوبك قرد :o

سعدت جدا بمرورك الراقي وبدايتك المفرحة - دمت

[مدنيّة]

ميسو
داخلي شنوووو يااختي ؟؟
انتي بصحك ؟؟؟

مااقتنعتي بكلامي ليك ولا شنوووووووووووووووووو

ياخ انا جبته ليك بالبرهان "الفنانة"

اها انتي الدخلي دا برهني عليه :cool:

[مايسة]

ميسو
داخلي شنوووو يااختي ؟؟
انتي بصحك ؟؟؟

مااقتنعتي بكلامي ليك ولا شنوووووووووووووووووو

ياخ انا جبته ليك بالبرهان "الفنانة"

اها انتي الدخلي دا برهني عليه :cool:




انتي الشايفاك جادة يا هناية ياخ

بالغتي طبعا - جمال الروح دا زيو مافي وحياتك -
هو جمال ياخ وجمال داخلي - حا يكون كيف يعني :o:cool:

يا هاية صحبتك بقت تعمل دعاية توونة :confused::rolleyes:

[مدنيّة]

اي اي
والله سمعت بيها التونة دي لكن ماشفتها :)

---------------------------
عايني النوريك ياميسو

دي الحقيقة
انا ما مقتنعة بيها زيك وواحد
لكن صدقيني دي ياها الحقيقة
واي زول من نوعيتني ونوعيتك البنقول الداخلي هو الاهم بيكون من نوعية المهم الاخلاق ههههههههههههههههههههههههه

-------------

شايفاك ياختي بتقولي "جمال" مليون مرة في الثانية :cool:

خلا سكتنا

[مايسة]

اي اي
والله سمعت بيها التونة دي لكن ماشفتها :)

---------------------------
عايني النوريك ياميسو

دي الحقيقة
انا ما مقتنعة بيها زيك وواحد
لكن صدقيني دي ياها الحقيقة
واي زول من نوعيتني ونوعيتك البنقول الداخلي هو الاهم بيكون من نوعية المهم الاخلاق ههههههههههههههههههههههههه

-------------

شايفاك ياختي بتقولي "جمال" مليون مرة في الثانية :cool:

خلا سكتنا



خلاص نثبت يا هناية على مبدأنا وكدا يعني -
الجمال الداخلي دا اهم حاجة غايتو - لو يقيت سمحة يا هناية ومن غير روح حلوة (دم تقيل مثلا) الفايدة شنو

تخريمة : لا ما تسكتي :cool:جمال كيف ياخ - عايزة اخطبو لبتي وكدا يعني - (لهلوبة لقيتيني صح):p:cool:

[بنت الرفاعي]

بالفصحى:
أُعجِب بها فهي جميلة وتُعجب كل من يراها
ولكنه إكتشف لاحقاً ضيق أخلاقها!!!!
ومع كل تعامل مع المعجبين يكتشفون ما وراء ذلك الجمال!!!

أما تلك التي تركها من أجلها، بالرغم من أنها فتاة عادية إلا أن أخلاقها
وصفاتها أفضل من الأخرى بكثير (مع العلم أن الأخرى ليست بذلك السوء ولكنها..........!!!!):(


بالعامية:
واحد وجييييييييييييييه، وجنو بنات سمحات، إتزوج واحدة ما سمحة
لما يسألوه يرد بالرد المشهور (هاكم عيوني شوفوها بيها)!!!

[مايسة]

بالفصحى:
أُعجِب بها فهي جميلة وتُعجب كل من يراها
ولكنه إكتشف لاحقاً ضيق أخلاقها!!!!
ومع كل تعامل مع المعجبين يكتشفون ما وراء ذلك الجمال!!!

أما تلك التي تركها من أجلها، بالرغم من أنها فتاة عادية إلا أن أخلاقها
وصفاتها أفضل من الأخرى بكثير (مع العلم أن الأخرى ليست بذلك السوء ولكنها..........!!!!):(


بالعامية:
واحد وجييييييييييييييه، وجنو بنات سمحات، إتزوج واحدة ما سمحة
لما يسألوه يرد بالرد المشهور (هاكم عيوني شوفوها بيها)!!!

صباحك يا مرام

تصدقي وكما قال معظم المتداخلين بأن جمال الوجه جمال سطحي وقشري - يزول بزوال المادة الموضوعة - اما الداخلي فهو صبغة دائمة لا تزال ولا تمحي ولا تقدم بتقادم السنين عليها - بل بالعكس كلما مر عليها الزمن كلما تجددت واصبحت جميلة جدا - دمت