تعلم اللغة الانجليزية Learn English

[esmat]

قريباً سنقوم بفتح هذه القناة

[مدنيّة]

احلي قناة والله ياعصمت

× الويتنق

[esmat]

الرعيل الأول الذى درس باللغة الأنجليزية من السودانين كانوا يجيدونها مما سهل عليهم تطوير أنفسهم حتى أصبح الطموحين منهم يتبؤون مراكز عالمية يحسدهم عليها الكثيرين.ولكن بعد تعريب الجامعات فقد السوداني هذه اللغة إلا قليلاً...، وقد اصبحت الآن 95% من الاعمال تعتمد على اللغة الانجليزية وفي كل اعلان لتقديم لوظيفة لابد أن تجد فيه اجادة اللغة الانجليزية وتضيع منك الفرصة رغم حوجتك للعمل لهذا سنفتح هذه النافذة لتقديم المساعدة لبعضنا البعض ونتحرك خطوة بخطوة لنجيد هذه اللغة الواسعة الانتشار ولغة التكنولوجيا والسياحة والسفر والعمل ... .

وقد كتب عبد الله حمد الملك في شبكة السودان الاخبارية مقال نقتص منه:
أى خسارة فهى خسارة أجيال ووطن نتمنى من ان يكون رئيسنا المنتخب الجديد اي كان ، أن يكون ذو رؤية ثاقبة ووطنية دافقة لأعادة النظر فى الخراب الذي احدثه التعريب وغيره .

[esmat]

الخطة التي سأدير بها هذا القناة تعتمد على الاتي:
وحتى تكون من الجادين في تعلم اللغة الانجليزية يجب عليك ان تقوم بإنزال بعض من الدروس
التي سأوردها هنا وهي عبارة عن دروس (صوت + نص) عليك متابعة الدرس استماعاً وقراءة
قد تكون الدروس في بدايتها بسيطة أو دون مستواك في اللغة ولكن لا ضرر إذا استمعت إليها
حتى النهاية لتتقدم خطوة بخطوة.
ايضاً هناك دورس عبارة عن اسطوانات معهد (كامبردج) صوت وصورة عبارة عن اربعة اسطوانات
مع كتاب بالرغم من انه غير مكتمل ولكني سأحاول ان اكمله ان شاء الله
أيضاً هناك دروس عبارة عن خمسة اسطوانات صورة وصوت كل اسطوانة تحمل اكثر من عشرة دروس
ايضاً هناك كمية كبيرة جداً من القصص (صوت + كتاب القصة ) يمكنك الاستماع والمتابعة

ملحوظة:
* جميع الاسطوانات كبيرة الحجم يجب حفظها في اسطوانات dvd
* بعض الدروس سأقوم بإنزالها وبعضها سأقوم بتنزيل الرابط الموجودة به.
* تحتاج منك الدروس سماعة راس إذا كنت ستتابع عبر الجهاز او mp3 لتحميلها
* سنتوقف لكل من لديه استفسار او صعب عليه شرح اي شيء في اللغة ان شاء الله
* البوست للجميع للمحاولة وللمساعدة لرفع مستوى اللغة
* قم بكتابة الكلمات الجديدة وحاول استعمال القاموس لمعرفة معانيها وترديدها نطقاً لحفظها
* لا تقم بترجمة النصوص بمواقع الترجمة الالكترونية فمعظمها حرفي غير سليم

* نحتاج لبعض المساعدة من المشرفين لرفع بعض الملفات ان شاء الله ولا اشك في تسهيل الامر ان شاء الله
سنبدأ قريباً ان شاء الله

[بت أم درمان]

احلي قناة والله ياعصمت

× الويتنق


انا برضو زي ما قالت مدنية

[النويري]

جميل حبيبنا عصمت أن نرتقي بالأعضاء والزوار من خلال تطوير المهارات اللغوية وحقيقة اللغة الإنجليزية أصبحت هي لغة الحوار ولها دور كبير في إستشراق المستقبل نحن معك في كل ما ذهبت إليه وسوف نقوم بمساعدتك والإستفادة من هذه الدروس وأي طلبات نحن حاضرين إنشاء الله مشكور بس عايزين أقشي بين كل بريك عشان الأمور تظبط صاح

[مدنيّة]

سنبدأ قريباً ان شاء الله

حسين خوجلي هي اقصد عصمت
ابدا من هسي
قريبا دي منتظر شنو يعني ؟؟
ولا منتظر السيديهات تجي من كادوقلي ؟؟!!!! :cool:

[esmat]

انا برضو زي ما قالت مدنية

وانا زيكم الاثنين ولا اقول ازيدكم من الشعر بيت
اهو بدينا على بركة الله


جميل حبيبنا عصمت أن نرتقي بالأعضاء والزوار من خلال تطوير المهارات اللغوية وحقيقة اللغة الإنجليزية أصبحت هي لغة الحوار ولها دور كبير في إستشراق المستقبل نحن معك في كل ما ذهبت إليه وسوف نقوم بمساعدتك والإستفادة من هذه الدروس وأي طلبات نحن حاضرين إنشاء الله مشكور بس عايزين أقشي بين كل بريك عشان الأمور تظبط صاح

حبيبنا النويري صاحب سيد الاقاشي
تعرف اللغة دي حالياً اساسية في التوظيف ومن اجل التطوير
لذلك لابد لنا من فتح هذه القناة قناة تعليمية خطوة بخطة


حسين خوجلي هي اقصد عصمت
ابدا من هسي
قريبا دي منتظر شنو يعني ؟؟
ولا منتظر السيديهات تجي من كادوقلي ؟؟!!!! :cool:


تعرفي عملت تجميع لكل بياناتي وبعمل في ترتيب عشان التنزيل
بعدين يعني السيديها dvd كادوقلي 4 قيقا

[عبدالرحمن مدثر]

انا اساسى قبل الكراسى

خطوة مميزة ياابو الافكار الجديدة (عصمت )

[الجندي المجهول]

حبيبنا ال هاسبند يعني العريس تحياتي واشواقي ،،

ياخ انا اول زول معاك في البرنامج دا

تخريمة : اكان عندك السديهات دي ما تمدني بيها (لايف) يعني على الهواء مباشرةً بجيك هناك عند كبري الخشب

[الزونية]

أستاذ esmat
ممكن نسجل معاكم...؟

[esmat]

اسرار تعلم اللغة الانجليزية

السر الأول :
Learn about word stress
أي تعلم نبرة الكلمات

نبرة الكلمات والمقصود بها التشديد على بعض الحروف في الكلمة الواحده ، وتعتبر المفتاح الذهبي للتحدث بالإنجليزي وفهم هذه اللغة .
وهي أفضل الطرق لفهم المتحدثين بها خاصة إذا صادفت أحد يتكلم اللغة الإنجليزية بسرعة .

مثال لو أخذنا ثلاث كلمات :
photograph , photographer , photographic
هل نطقها متشابه ؟

لا ، إنما مختلف والإختلاف يكون في النبرة يعني في التشديد على بعض الحروف في الكلمة الواحدة ، حيث أن الكلمة الواحدة أحيانا تحتوي على مقطعين أو عدة مقاطع وبعض هذه المقاطع عند نطقها نشدد عليها أكثر من غيرها .
بالنسبة للمثال السابق الحروف المكتوبة (بالكابيتل ليتر) هي التي ننشدد عليها

PHOtograph
phoTOgrapher
photoGRAPHic

يعني لإتقان نطق الكلمات لازم نعرف أي الحروف في الكلمة هي التي سنشدد عليها ونعرف مقاطع الكلمة الواحدة مع العلم إن بعض الكلمات تكون قصيرة ولا تتقسم إلى مقاطع .
عادة يوضح القاموس مقاطع الكلمات وكيفية نطقها والمطلوب منا إننا نحاول نسمع كيفية نطق الكلمات والتشديد على بعض الحروف دون الآخر في الراديو أو من خلال الأفلام .
خطوتنا الأولى إننا نسمع ونتعرف على النطق الصحيح بعد كدا نستطيع نطقها زي ما ينطقها أهلها .

[esmat]

انا اساسى قبل الكراسى
خطوة مميزة ياابو الافكار الجديدة (عصمت )


حبيبنا الخرباش مشتاقيين ومشتاقوووون
اهو الواحد قال بدل اكون قاعد ساي استفيد وافيد ونحاول ..


حبيبنا ال هاسبند يعني العريس تحياتي واشواقي ،،
ياخ انا اول زول معاك في البرنامج دا
تخريمة : اكان عندك السديهات دي ما تمدني بيها (لايف) يعني على الهواء مباشرةً بجيك هناك عند كبري الخشب

حبيبنا الجندي
تأمر ياحبيب موجودة + الكتاب كمان وبينا تنسيق ان شاء الله
وان شاء الله احبابنا في السودان ناس مدني والخرطوم نحاول نرسل
ليهم نسخة كاملة الواحد انسخ وادي الجنبو وكدا مع اقرب حبيب نازل اجازة


أستاذ esmat
ممكن نسجل معاكم...؟

زنزون انتي عاملة نايمة وكدا عايزين نستفيد من خبرتك ياخ خليك معانا

[esmat]

في هذا الموقع الرائع بأمكانك ان تتعلم اللغة الانجليزية النطق السليم

ضع الموس على الكلمة أو الصورة لتستمع للنطق بالانجليزي

الموقع لجميع الاعمار
تفضلوا الموقع

http://www.languageguide.org/english/ar/

[محمد الجزولى]

حبيبنا عصمت
والله اروع شئ هذا العمل الذى تقوم به هنا
سلمت يداك
ونحن متابعين

[esmat]

الكتاب الاول مقسم إلى 16 درس
عبارة عن نص وصوت
سأقوم بإنزال الدروس بالترتيب من الدرس الاول إلى الدرس الاخير
إذا واجهت أي مشكلة في التحميل ارجو المراجعة سريعاً لتعديل الروابط



الدرس الاول
قم بإنزال الدروس ادناه :
اولاً : قم بإنزال النص وهو في ملف PDF

http://www.zshare.net/download/7469169717edf82d/


ثانياً : قم بإنزال ملف الـ MP3 وهو عبارة عن ملف مضغوط

http://www.zshare.net/download/74692056c35d41b5/



* بالضغط على الرابط سيتم تحويلك لموقع تحميل الملفات قم بإنزال الروابط
* ستحتاج في جهازك إلى برنامج فك الضغط برنامج (وينر)
* وكذلك برنامج ميديا بلير ميديا بلير - او جهاز MP3 للإستماع الخارجي

[esmat]

حبيبنا عصمت
والله اروع شئ هذا العمل الذى تقوم به هنا
سلمت يداك
ونحن متابعين

حبيبنا محمد الجزولي
نحاول ان نفيد ونستفيد ان شاء الله
شكراً ليك يانجمنا والف مبروك

[الجندي المجهول]

تمام التمام يا دكتور تروتا ،،، مية %
جهز لي (الكتاب والسي دي) لما اصلك باذن الله ،،

[بنت الرفاعي]

ماشاءالله وتبارك الله
جهد جميل أخونا esmat ويديك العافية, و إن شاءالله يستفيد الجميع. :)

[ودسمير]

وح نكون منتظرين ....
اللغه الانجليزيه حاليا تعتبر ذى التلاجه فى البيت

وحتما سنلتقــــــــــــــــــــــــــــــى

[ود الجعلي]

عصمت العريس

مجهود جبار ويديك العافية واللغة الانجليزية مطلوبة بكثرة وياريت لو شفت لينا كمان التوفل و الايلتس والحاجات دي لانها مطلوبة ويديك العافية يا عريسنا


زي تخريمة الجندي : انا كت مدرس لغة انجليزية بمدني الثانوية

[esmat]

الدرس الثاني
قم بإنزال الدروس ادناه :
اولاً : قم بإنزال النص وهو عبارة عن ملف PDF

http://www.zshare.net/download/74802463c13ae1a5/

ثانياً : قم بإنزال ملف الـ MP3 وهو عبارة عن ملف مضغوط

http://www.zshare.net/download/74802432b113cf76/

* بالضغط على الرابط سيتم تحويلك لموقع تحميل الملفات قم بإنزال الروابط
* ستحتاج في جهازك إلى برنامج فك الضغط برنامج (وينر)
* وكذلك برنامج ميديا بلير - او جهاز MP3 للإستماع الخارجي - بالتوفيق

[esmat]

لقد تم تجميع جميع المحاضرات الـ (16) في كتاب واحد (نص)
يمكن انزال الكتاب من هذا الرابط

http://www.zshare.net/download/755797074cf0bd14/


يشمل الرابط جميع المحاضرات الـ (16) عبارة عن ملف pdf
وسأقوم بإنزال الملف الصوتي للكتاب للـ (16) محاضرة قريباً
ان شاء الله

* بالضغط على الرابط سيتم تحويلك لموقع تحميل الملفات قم بإنزال الروابط
* ستحتاج في جهازك إلى برنامج فك الضغط برنامج (وينر) لفتح الملف

[الفخيييم]

تسلم يا استاذ عصمت
علي مجهوداتك المقدرة..



تخريمة: بختك الليلة موضوعك
ح يتحسم بشكل ايجابي قول
يا رب هدف بس...

[مدنيّة]

مهجود مقدر ياعصمت
مشكور عليه والله

[esmat]

مهجود مقدر ياعصمت
مشكور عليه والله

مهجود جنس هجدة
(ضهري اتعسم)


معليش ياجماعة بس عشان ما تقوم تعدلها عشان كدا اتخطينا الرود

[esmat]

تمام التمام يا دكتور تروتا ،،، مية %
جهز لي (الكتاب والسي دي) لما اصلك باذن الله ،،

ياحبيبنا ياجندينا
والله الليلة ضحكتني
ذكرتني د. تروتا كرهنا بي طيارتو
كل مرة جايب لينا المشاكل غيرها ما عنده حاجة
هو اسافر ونحنا (نندقا) غايتو زمن

[مدنيّة]

مهجود جنس هجدة
(ضهري اتعسم)


معليش ياجماعة بس عشان ما تقوم تعدلها عشان كدا اتخطينا الرود

ناس ما لايقة نفسيا
بث تفتش في اخطاء الاخرين :mad:

[esmat]

ماشاءالله وتبارك الله
جهد جميل أخونا esmat ويديك العافية, و إن شاءالله يستفيد الجميع. :)

مرام ياراقية
وين انتي وكيف اخبارك والاخت الغالية (ريانية) مالها حاربتنا ان شاء الله بخير والاسرة
واصلي معانا

[esmat]

وح نكون منتظرين ....
اللغه الانجليزيه حاليا تعتبر ذى التلاجه فى البيت

وحتما سنلتقــــــــــــــــــــــــــــــى

ياو سمير اكيد حانلتقيى ان شاء الله
اهو قلنا الواحد ابيع الازيار العندو دي وخش ليه في تلاجة بالقسط وكدا

[esmat]

عصمت العريس
مجهود جبار ويديك العافية واللغة الانجليزية مطلوبة بكثرة وياريت لو شفت لينا كمان التوفل و الايلتس والحاجات دي لانها مطلوبة ويديك العافية يا عريسنا
زي تخريمة الجندي : انا كت مدرس لغة انجليزية بمدني الثانوية

يا استاذ/ ود الجعلي
طيب ياخ ما دام انت عندك في الحاجات دي خبرة وكدا
ما لك بتبخل علينا ياخ (اوقد لينا شمعة) في انتظارك ياحبيب
نستفيد من خبراتك (خلي بخلك يا جعلي هووووي)

[esmat]

تسلم يا استاذ عصمت
علي مجهوداتك المقدرة..

تخريمة: بختك الليلة موضوعك
ح يتحسم بشكل ايجابي قول
يا رب هدف بس...

يا اخانا الذي ( بوادي الظلام )
لو ما حسمت لينا الموضوع دا
اقل شي في الاسبوع دا
بنقل (كبيتل لتا وكدا)

[esmat]

ناس ما لايقة نفسيا
بث تفتش في اخطاء الاخرين :mad:

هاهاهاهاهاهاها
قلتي لي (كل إنا شنو ...)
هيههيه
غايتو نفسياً كدا (شكلك كرهتيني الليلة)