شي غريب والله وملاحظه ...................................عليكم الله ادخلو

[هناد]

انا والله ما عارف في بعض الناس بيكون عندهم مشاكل مع اهل الابو ولاحظت الحاجه دي كتير

خاصه في السودان ودايما تكون الام الضحيه وتكون السبب هي ام الراجل

هل السبب هو حقد ولي شى طبيعي في الحياه الطبيعيه




أرجو منكم ان تردو وتردو اما بحقد ولي شي طبيعي في الحياه الطبيعيه


وشكرا علي اطلاعكم علي هذا الموضوع

[عماد الصادق]

الأخ هناد .. سردك للمشكلة أو الموضوع غير واضح .. لكن على حسب ما فهمت
إنك بتقصد مشاكل الحموات .. إذا كان كده .. فتعليقي على الموضوع كما أسلفت
في العنوان ‍‍‍‍‍‍؟؟ وعلى حسب فهمي إنو حب التملك من كل طرف .. سواء الزوجة أو
والدة الزوج عاوزين الزول ده يكون حقهم أولاًً .. وحقهم أولاً دي تحتها خطين..
ده البجيب الشد والجذب والمشاكل .. بل إن بعض الأمهات كان ليهم إنو أولادهم
ديل ما يعرسوا عديل كده ..
وسبحان الله .. إنو ماعندنا مقدرة أن نقرأ ما بداخل بعضنا البعض .. وإلا عاش كل
واحد في بيت لحاله .. وبعد ده كله الشارع ما حيشيلنا ..
والواحد بيرحع كل هذه الصغائر لقلة إيماننا بالحياة والموت .. والنسيان..
بالله ما شفتو حال بيوت البكا .. الناس تمشي تدفن الميت وتعتبر وتخاف وهي في
المقابر .. وأول ما يرجعوا للديار النقة والقفشات وقراية الجرايد .. وكأن شيئاً
لم يكن ..
الله يا مثبت القلوب ثبت قلوبنا على الإيمان
ولا تجعل في قلوبنا غلاً
وأشرح صدورنا
ويسر أمورنا

ولكم التحية

[marwa]

wallahy alasbab katera menha

kan walda ma 7'aha yazora tgool '7las 7rshato almra

b3deen fe 7a7'a tanya tgool hy mot3ba walady belsarf

kol yoom dayra wa dayra
wa allah a3lam

[ضياء الدين احمد]

اثني علي كلام الاخ عماد الصادق والمساله مسالة غريزه ندر ان تتغير
اما مسالة اهل الاب فهم الفخر وان كان غالبيتنا يميل نحو اهل الام الخالات الحنينات والخيلان اللذين تطمئن بهم نفسك وتحس بأنك اقوى من كل البشر
ودمت هناد

[رهيب]

والله ياهناد الموضوع عايز نقاش ونقاش مفتوح لكل متزوج
بنسبة لي انا باجل كلامي لحدي ما ابوروان يتزوج عشان يقول بصراحة ومانخوفه

ههههههههههههههه

ولك تحياتي
:p

[امير عبدالباقي]

انا بتكلم ليكم عن تجربه
اولا لاتسكن مع اهلك او اهل المره ده اساس الحياه السعيده وتكون في زياره لوقت لاخر غير زياراتك الفرديه
ثانيا الام عليها عليك حق ولاتقصر معاها في شي لان الام عاوزه الخير لولدها عايزه تشوفه احسن زول ؛لكن الزوجه عندها الغيره عايزه اي شي ليها لانو بتقول ليك ده حق اولادي
اذاعاوز تعطي امك شي لاتخبر زوجتك به؛ لانها ح تقول ليك انا عايزه نفس الشي بس بطريقه تانيه (ليه اديت امك وانا لا) بتقول لنفسها كده
والغيره هي السبب

[زيكو منيب]

كاتب الرسالة الأصلية رهيب
والله ياهناد الموضوع عايز نقاش ونقاش مفتوح لكل متزوج
بنسبة لي انا باجل كلامي لحدي ما ابوروان يتزوج عشان يقول بصراحة ومانخوفه

ههههههههههههههه

ولك تحياتي
:p

الله يستر ما يقوم يغير رايه

[بابكر]

كاتب الرسالة الأصلية امير عبدالباقي
انا بتكلم ليكم عن تجربه
اولا لاتسكن مع اهلك او اهل المره ده اساس الحياه السعيده وتكون في زياره لوقت لاخر غير زياراتك الفرديه
ثانيا الام عليها عليك حق ولاتقصر معاها في شي لان الام عاوزه الخير لولدها عايزه تشوفه احسن زول ؛لكن الزوجه عندها الغيره عايزه اي شي ليها لانو بتقول ليك ده حق اولادي
اذاعاوز تعطي امك شي لاتخبر زوجتك به؛ لانها ح تقول ليك انا عايزه نفس الشي بس بطريقه تانيه (ليه اديت امك وانا لا) بتقول لنفسها كده
والغيره هي السبب :D :D

[هناد]

والله يا جماعه انا مقدر الظروف لكن والله الكلام والله محيرني ونفسي اعرف السبب

وشكرا علي هذه الردود الطيبه واتمني منكن الرد اذا وجدتم حلا اخر



مشكورين اصدقائي وبانسبه علي ابوروان انا والله برضو حاسئله هذا السؤال واتمني منه ارد


والموضوع فعلا داير مناقشه كتيره



اتمني لكم التوفيق



هناد