صوتوا للشجرة فقط. . .

[علي النعيم محمد نور]

أحبائي فليكن تعبير شوقي وإشتياقي لكم بهذا البوست والذي أمني النفس بأن ينوب عني معبرا" عن أشواقي وحبي لكم . . .
الشجرة التي أعنيها ليست" شجرة" المؤتمر الوطني رمز الحزب . . . إنها" الشجرة" المسكينة التي إمدت لها يد القطع العشوائي من قبل الإخوة في "الوطني" تعبيرا" منهم علي شعار الحزب . . . فقناعتي والمنطق والواقع وكل شئ يقول أن ولاءنا للبشير والزبير لايحتاج لقطع أشجار (ووسيخ واطة ). . .فقطع شجره في لحظة فرح يحتاج لعام لتنمو مره أخري . . . أقول ذلك بعد ملاحظتي لاتساخ الامكان التي نشهد فيها تدشين إحتفالات المؤتمر الوطني (بصفق الشجر ) . . . ونحن ولاية زراعية شعارها (أوعك تقطع صفقة شجرة عشان ما يجينا جفاف وتصحر) . . .
فليكن شعارنا ( أدعم الشجره "بصوتك" ولا تقطعها بيدك ) .

[محمد الجزولى]

جنابو الرائع
حمد لله على السلامه
والبركه بالشوفه
ويا طالع الشجره
جيب لى معاك بقره
البقره حلابه
تحلب تعشيني في ملعقة صيني
و الملعقة انكسرت و مين داير يعشيني
وخلينا نغتى مع حميد فرحا بعودتك

يا طالع الشجرة
جيب لي معاك وطن
الجأ لو ياويني من كل خوف وحزن
حلم المحبة انباع
وكان الهوادة الشوق
انباع كاي متاع
بيعة الملح في السوق
وانباع معاه زمن
غالي وعرق مسروق
مع انو ماليه تمن
وطن العزاز الفوق
يا طالع الشجرة
وكتين تشب لافوق
في اول الاغصان
تلقى الحلم مشنوق
الليل بقالو كفن
يكسي الصباح خازوق
القمري فر وطار
فوق راسنا خلف قوق
للفاتحة في الاشجار
واقفة النسائم روق
بي عشو عصفت ريح
ريح المحن والعوق

منور والله يا استاذ على
وبرضو ح نصوت للشجره

[علي النعيم محمد نور]

بل دعني أغني أنا علي وطن ورحم ولود أنجب ود الجزولي والرأئع محمدسالم حميد . . . .

[ابوالنور]

واخيرأ عرفنا الشجرة اموت واعرف علاقة الشجرة بالصينية شنو

يا كمندان البركة الشفناك طيب

[حاتم مرزوق]

الحبيب علي النعيم

لك التحايا و الأشواق



أنّني أنتظر ...

خارج الطقس ،

أو داخل الغابة الواسعة

كان يهملني من أحب

و لكنّني

لن أودّع أغصاني الضائعة

في رخام الشجر

[nehroo]

الحمد لله على السلامة جنابو
كويس انك لقيت المفتاح :)

كدي شوف الناس ديل قالوا شنو هنا ههههه

http://www.alnilin.com/news.php?action=show&id=20567

[الجندي المجهول]

الحمد لله على السلامة جنابو
كويس انك لقيت المفتاح :)

كدي شوف الناس ديل قالوا شنو هنا ههههه

http://www.alnilin.com/news.php?action=show&id=20567

حبيبنا نهروووووو تحياتنا ومشتاقيييييييين (غايتوا الحمد لله كل ما نمشي مكة ونزور بيت الله بنحضنوا وبنمسك في جدار الكعبة المشرفة وندعوا)

[محمد السر احمد]

الشجرة بتاع المؤتمر الوطني دي الطلعت ابونا ادم من الجنة

[Badri]

وهل يقذف بالحجر غير الشجر المثمر

( ألم تر كيف ضرب الله مثلا كلمة طيبه كشجره طيبه اصلها ثابت وفرعها في السماء )

سورة أبراهيم الآية (24)

[خالد أحمد الصول]

أجمل حاجة شجرة الانتخابات جزورها ظاهرة ... يعني بره بطنها ... عشان كدة خليك ظااااهر ذي جزورها و أدينا صوتك يا مواطن

[mutasim]

جنابو حبابك وين ياخى مطول كده الشجره دى زى ماقال ودالصول جزورها بره انا بفسرها انهم ماثابتين وبراهم عملوها فى روحهم الشجرة باذنالله تطير وتقع فى البئر

[محمد حسين (المميز)]

أحبائي فليكن تعبير شوقي وإشتياقي لكم بهذا البوست والذي أمني النفس بأن ينوب عني معبرا" عن أشواقي وحبي لكم . . .
.[/COLOR][/SIZE][/FONT]


ياخي بركه الشفنـاك

يا عمــــدتنا

شجره وشجره تساوي شجرتين

وشجره وشجره وشجره

بتعمــل غابه



مش نحن برضو عايشين وسط الغابه:cool:

[علي النعيم محمد نور]

الحبيب علي النعيم

لك التحايا و الأشواق



أنّني أنتظر ...


خارج الطقس ،


أو داخل الغابة الواسعة


كان يهملني من أحب


و لكنّني


لن أودّع أغصاني الضائعة



في رخام الشجر

الحبيب حاتم . . . .
أرجو أن يكون إنتظارك داخل( الغابه) . . . وليس دخولا( لها )

[النويري]

كتب الأخ عباس الدسيس بوست عن التصريحات الفكاهية في الإنتخابات بأن قال في تصريح لبرمة ناصر ما زحاً (لا تقربوا هذه الشجرة)

[هجاام]

حبيبنا نهروووووو تحياتنا ومشتاقيييييييين (غايتوا الحمد لله كل ما نمشي مكة ونزور بيت الله بنحضنوا وبنمسك في جدار الكعبة المشرفة وندعوا)
والله ياجنابك اولا لك التحية ذكرتني بي نكته ايام نميري بي كلامك دا مع الاخ نهرو
لما نميري مشي الحج قالوا كان في سوداني ماسك الحجر الاسعد وحاضنو شديد ويدعو ويهمهم وما خلي ليه اي واحد اقبل. فشكو للرئيس وقالو ليه تعال شوف السوداني دا رفض افك الجر او ادي زول فرصة .نميري قال ليهم سوداني؟
قلوليه نعم .فلما وصل للسوداني اراد نميري ان يلفتو وضربه علي كتفه فالتفت السوداني ولما لقاه نميري
قال ياالله ياهو دا ذاااااااتو الطلع زييتنا

[واحد من الناس]

يا طالع الشجرة
جيب لي معاك بقرة
تحلب تعشيني
بالملعقة الصيني
البقرة في المنصة
تعلم الناس الرقصة

[التيمان]

انت ياخال بقيت تجيب الهوى واللبش ملكيابا قمت كده


اهدى شويه

غير الموضوع

عروسى هاله كيف

[المكاشفى]

جنابوا متعك الله باصحه والعافيه
الشدر بقى عليه شدر رفاعه عند مرض ود ابسن
الشكريه لموا فيهو بى سيوفهم ويقولو ا
(الشدر مخدر وود ابسن متحدر)
اها اسى الحال مايل المشروع مات والشدر فوق ام كم؟؟؟؟

[علي النعيم محمد نور]

الحمد لله على السلامة جنابو
كويس انك لقيت المفتاح :)

كدي شوف الناس ديل قالوا شنو هنا ههههه

http://www.alnilin.com/news.php?action=show&id=20567

والمفتاح عند النجار والنجار عايز عروس و....و.....و.....و..................

[أبو جودي]

أخونا علي النعيم لك خالص الود والتحايا
شايف الناس كلهم يقولوا الشجرة الشجرة بالله يا جنابو
هو الشجر ده ما كتير في السنط وفي الزونية وفي النيمة وفي الدليب وفي اللبخ
حسي ما وريتونا يا تو شجرة دي ،،، اليورونا نوعه عشان في الأول نعرفه
أكان بتحت صفقه ولا بتكون مخضرة طول السنة
لك خالص الود والتحايا