بمهاره

[كمال احمد]

بمهاره فى برنامج بيتنا استضافو واحدة اختنا عشان تقدم لينا طريقة عمل الكستليتا وطبعا الغالبية العظمى من اهلى الغبش وطبعا الغالبية من اهلنا الغبش نوع الاكل ذى ده الا فى المناسبات او جاء ضيف المهم فى الموضوع اختنا ده ما شاء الله جايه مطقمه بالذهب وما حاسدين والله وربنا يذيده ليها لكن مراعاه للناس المساكين مافى داعى للكمية ده من الذهب عشان تقدمى طريقة الكستليتة كده المشاهد البسيط بشعر بالاستفزاز لمشاعره ودائما الحاجه البسيطه والله حلوه والذهب لحفظ المال ودائما نحن السودانين بنجتهد شديد شديد فى المظاهر واحترم جدا واستمع مع التقدير الى المذيعه التى تكون بمظهر بسيط

[الفخيييم]

اخي كمال تحياتي،،،
يكون موضوع الكستليتة ده
بتجهز فيه ليه شهر !!لانو
صدقيتها او من توسط لها
لكي تظهر في التلفزيون
بيكون كلمها قبل سنة!!!
وجات تمتها كستليتة وكشكشة دهب
وبوبار وتجهيزات اخري...
وين اللوايق والفول وجبات اغلب
شعبنا الصابر؟؟؟؟!!!!!

[كمال احمد]

الاخ الفخييم التحيه ليك صدقى يا اخى انا كنت بشاهد لكن ما سامع ولا كلمة منها كنت مندهش شديد والظاهر يا الفخييم انا غلطان لان ذى اختنا ده ذى ما قلت بكون عندها صديقات فى مستواها وبتكون طريقة الكستليتة ليهم مش لينا نحن المساكين وطبعا الذهب الكتير ذى كده عندهم حاجه عاديه لكن ياخى المفروض ناس التلفزيون ما يركزوا على الذهب يركزوا لينا على الكستليتة عشان اهلنا البسيطين يعرفوا الطريقة الجديده للكستليتة لان اللحمه ممكن يتحصلو عليها لكن كمية الذهب ده بتخليهم يشعروا بالحسره على وضعهم

[esmat]

ممكن صورة للكسكليتا دي (جادي)
بعدين انت قايلها جاية تطبخ
دي شوفوني بالكسكليتا

[الجندي المجهول]

القنوات الفضائية عبارة عن (معرض) لعرض الملبوسات والمكياج والدهب (ولانه بصراحة راسهم فاضي ) فخليهم يتموها (دهب) وهي البلد (محتاجة كستليتا) البلد محتاجة (ناس فهمة )

تخريمة : موسى الزومة اكلتو المفضلة (الكفتة) ممكن واحد يتفضل يوريني قلق ومهند الطاهر وحبني وبرشم واسامة التعاون مدثر كاريكا اكلتهم المفضلة شنو

تخريمة اخيرة : (كتير من )المسؤلين في الحكومة اكلتهم المفضلة ( المال العام) بالصلصة

[الفخيييم]

الجندي الهمام...
ياخ مال عام بالصلصة بيسبب
حموضة للشعب ما للمسئولين!!!!!!!
وجبة دسمة لكن..

اسامة التعاون ده مفترض وجبتو
ياخدها في الزنزانة كل يوم!!!