مسخرة يوم السبت !! وجيب معاك بف باف

[الجندي المجهول]

السلام عليكم ورحمة الله وبركاته ،،،،
1/ في برنامج عالم الرياضة يوم امس الجمعة 12/03/2010م كان هنالك مجموعة من الذباب مرة ترك على اللابتوب ومرة في وجه ( السادة) وكان الذباب ضيفاً عزيزياً على القناة الفضائية ( غايتوا جنس وساخة) .
2/ في سقطة اخرى ( للعالم ) وبكل اسف (الدكتور) مصطفى عثمان اسماعيل وهو يخاطب الجموع بالشمالية بقوله ( الما دايرنا ما يمشي في زلطنا ولا يولع نورنا) !!! سؤال موجه لسعادة الدكتور ( يكون الزلط والنور ديل ) وراثهم انت من أبوك وانحنا ما عارفين ( قمة قلت الادب) في التعامل مع الشعب السوداني (الصبور) مرة ( شحادين ) ومرة ( من وأذى) وبكل بساطة ياخ (احترم هذا الشعب) الذي خرج من بين صلبه (الازهري ، ود حبوبة ، المهدي ، دينار، عبد الفضيل الماظ ، النجومي ، عثمان دقنة ) فأين أنت من انجازات هولاء الرجال ولا حول ولا قوة إلا بالله
تخريمة : ما هي ارقى واجود انواع البف باف .........

[الفخيييم]

الجندي الشجاع..عاطر التحايا..
طريق شريان الشمال أنجز بايادي
اهله وليست من انجازات الحكومة
كل روابط الشمال بالخليج واوربا وامريكا
هم من انجزوا هذا الطريق ولكن الحكومة
تتبني الاشياء من اجل البقاء اكثر في السلطة
وتمارس النفاق علي هذا الشعب!!!
حتي رواتب المعلمين ترسل من السعودية
روابط ذات دور فعال تجاه وطنها الصغير..
ولكنه حب السلطة وتبني الامور من قبل
اغلب الانظمة التي تأكل قوت الشعب!!!

تخريمة : الريد والمبيد من اجود انواع البف باف..
الذباب قدرنا عليه الكلام الحمير!!!!!!!!!!!!!!!

[زادالشجون]

اخي اعتقد ان الباي جون هو اجود الانواع فهي تقتل الام وابنائها والبيض الزي لم يفقس ونحن في حاجة ماسه للتخلص منهم جميعا

[حمدالنيل دفع الله]

لله درك

اجمل كلمة كتبتها :

(يكون الزلط والنور ديل وراثهم انت من أبوك وانحنا ما عارفين)

[بدر الدين احمد الطائف]

الجندي سلام
قناه الجزيره الرياضيه رفضت نقل الدورى السودانى الممتاز لعدم مطابقه شروط جوده الصوره والصوت ولسوء ارضيه الملاعب وحاجات تانيه حاميانى؟
لكن ماجابوا سيرة الضبان الحايم ده بعدين يا الجندى انت زعلان ليه الضبان ده ما بيقعد فى المكان البيناسب ليهو

سوال بدون تخريمه
عليك الله الراجل ده قال ليهم البلد بلدنا ونحنا اسيادها والما دايرنا شنو .....استغفر الله العظيم
الشقله بقت عنقاله ساكت.

[esmat]

الذباب في السودان لا يحصى في اي زمان وأي مكان (مع الاعتذار لشركة الاتصالات) لاستخدام شعارها
واتت الانقاذ وبات الذباب في قلة اي اصبح قليل وذلك للجهود المبذولة من قبل الدولة ووزارة الصحة في هذا
الشأن . بعد بيني وبينك كدا شوف التلفزيون زمان والآن ماشاء الله انفتاح للعالم وكمية من القنوات
القناة القومية ، قناة النيل الازرق ، قناة الشروق ، قناة ساهور، قناة هارموني ، قناة زول ، قناة طيبة ،
وغير القنوات الجنوبية لا اعلم اساميها وغير الدراسات الجارية للقنوات القادمة ان شاء الله قريباً
اين كنا وأين صرنا ..
اما بالنسبة للزلط وما ادراك ما حقنا وحقكم الم نكن نسير في التراب زمناً طويلاً
فصرنا يومياً نشهد افتتاح كبري او زلط ورقصتوا لهذا الانجاز كم رقصتكم وكم انشدتم فالنقل الحق
(كسير تلج وكدا)

الفخيم الفقرة دي والله ما فهمتها فهمني ليها تاني
ويا اريت بي اسهاب وكدا

حتي رواتب المعلمين ترسل من السعودية

[الفخيييم]

رواتب المعلمين في الولاية الشمالية
خصوصاً ابان فترة الخدمة الوطنية
كل الاساتذة لا يريدون الجلوس بالشمالية
الا ان اهالي المنطقة دعموا الملاليم التي
ترصدها وزارة التربية او ادارة الخدمة
الوطنية بالنسبة للالزامية تحفيزاً لجلوسهم
بمباشرة مهامهم تجاه تعليم الاجيال...
امراء وملوك وشيوخ يدعمون روابط
ابناء الشمال وليست حكومة المركز!!!
اتمني ان اكون قد اوضحت لك ما تريد
اخي استاذ عصمت..

[النويري]

الجندي سلام
قناه الجزيره الرياضيه رفضت نقل الدورى السودانى الممتاز لعدم مطابقه شروط جوده الصوره والصوت ولسوء ارضيه الملاعب وحاجات تانيه حاميانى؟
لكن ماجابوا سيرة الضبان الحايم ده بعدين يا الجندى انت زعلان ليه الضبان ده ما بيقعد فى المكان البيناسب ليهو

سوال بدون تخريمه
عليك الله الراجل ده قال ليهم البلد بلدنا ونحنا اسيادها والما دايرنا شنو .....استغفر الله العظيم
الشقله بقت عنقاله ساكت.

الضبان بيقعد في المكان المناسب ليه دي أحسن إيجابة سمعتها في 2010

[esmat]

رواتب المعلمين في الولاية الشمالية
خصوصاً ابان فترة الخدمة الوطنية
كل الاساتذة لا يريدون الجلوس بالشمالية
الا ان اهالي المنطقة دعموا الملاليم التي
ترصدها وزارة التربية او ادارة الخدمة
الوطنية بالنسبة للالزامية تحفيزاً لجلوسهم
بمباشرة مهامهم تجاه تعليم الاجيال...
امراء وملوك وشيوخ يدعمون روابط
ابناء الشمال وليست حكومة المركز!!!
اتمني ان اكون قد اوضحت لك ما تريد
اخي استاذ عصمت..

حبيبنا الفخيم
لا ترمي الكلام جزافاً ياخ
إذا تم الدعم حسب ما قلت فإن الدعم تم من ابناء المنطقة
وليس من الامراء السعوديين كما ذكرت ياخي بعيداً عن كل
حدث ويحدث هذه تهمة لاسند لها
وتعد فضيحة بدون سند إذاً هي غير صحيحة
فأرجو عدم تكرارها وحذف ما قمت بكتابته
والاعتذار عن ما بدر في هذه الحادثة

نعلم انه يتم دعم المستشفيات والمستوصفات والمساجد
والمرضى ولكن وزارة التربية والتعليم بالبلد فلا يوجد مرجع لما كتبت

[أبورهف]

[quote=الجندي المجهول;479538]السلام عليكم ورحمة الله وبركاته ،،،،

2/ في سقطة اخرى ( للعالم ) وبكل اسف (الدكتور) مصطفى عثمان اسماعيل وهو يخاطب الجموع بالشمالية بقوله ( الما دايرنا ما يمشي في زلطنا ولا يولع نورنا) !!! سؤال موجه لسعادة الدكتور ( يكون الزلط والنور ديل ) وراثهم انت من أبوك وانحنا ما عارفين ( قمة قلت الادب) في التعامل مع الشعب السوداني (الصبور) مرة ( شحادين ) ومرة ( من وأذى) وبكل بساطة ياخ (احترم هذا الشعب) الذي خرج من بين صلبه (الازهري ، ود حبوبة ، المهدي ، دينار، عبد الفضيل الماظ ، النجومي ، عثمان دقنة ) فأين أنت من انجازات هولاء الرجال ولا حول ولا قوة إلا بالله
الجماعة ديل شغالين شغل عنكبة شنكبة عضلات تبش قبل كم يوم كدا صلاح قوش كان بخاطب فى ناس الشمال برضو وقال ليهم نحن فى مخاطبتنا دى مادايرين لينا اى كرور يعنى الما مؤتمر وطنى يمشى ماعايزنو هنا
اللة يكون فى عون السودان

[الفخيييم]

وايضا يدعمون المدارس يا استاذ...
روابط مدعومة من قبل ابنائها بعلاقاتهم
في الخليج والكلام واضح ..
مدرسة الشيخ طحنون سمعت بيها؟؟؟؟
جزافا دي عجبتني كتر لي منها....

[فتحي همام]

يا الجندى ما وضحت لينا
المبيد عايزه للضبان و اللا للديك تور مصطفى !!؟؟ ;);)

[Raheeg]

يا جماعة انتو مالكم والسياسة خليكم في منتدي ودمدني دا!!!

[المكاشفى]

وااااااااااااااااااااااااااااااااااااااااااى
تخ

[mohamed mahgoub]

hالجندي ,,بالله عليك ناس المؤتمر الوطني ديل ما يفكو الشماليه دي شويه يعني مرة الطفل المعجزة ومرة صلاح قوش( ماديرين لينا كرور ),,, والاغرب من كده صلاح قوش في كنور بالشماليه قال ليهم الجايينا بي تبروقتو حبابو والجاينا بي قزازتو حبابو ,,,شوف بالله التناقض ,,,,(الريس قال ما داير اصوات السكاري والمساطيل) لكن بيني وبينك اعملو حسابكم الناس دي ختت عينها علي تمركم غايتو الله يستر

[Badri]

العزيز االمجهول

عساك بخير ، بس ياريت تورينا ، الكلام ده
( الما دايرنا ما يمشي في زلطنا ولا يولع نورنا) قالو الدكتور وين بالضبط وفي ياتو مناسبة

[ابن المدينة]

العزيز االمجهول

عساك بخير ، بس ياريت تورينا ، الكلام ده قالو الدكتور وين بالضبط وفي ياتو مناسبة
قبل كده الرئس قال البلده ده اخدنا بالقوة العايز اجي ياخد بالقوة
بقت على الزلط والنور وسع صدرك يا لذيذ بقولوها
ديل سرقوا قوت الشعب واعطوهوا لمن يوالي

[Badri]

قبل كده الرئس قال البلده ده اخدنا بالقوة العايز اجي ياخد بالقوة
بقت على الزلط والنور وسع صدرك يا لذيذ بقولوها
ديل سرقوا قوت الشعب واعطوهوا لمن يوالي


الزول ده قال ( مصطفي أسماعيل ) ماقال ( الرئيس ) ، وبعدين أنا سألت سؤال معين عسي ولعل أتحصل علي أجابة كافية ، (وسعي صدرك أنت يا فردة )