شباب اليوم !!!!!

[بت مارنجان]

في حضور لي قبل يومين لتخريج "مدرسة العلوم الادارية" "جامعة الخرطوم" ....
ذهلت من الانحطاط الذي حل في وسط الشباب ... زهلت من مستوي الاغاني ....
زمان اغنية الخريج كانت بمثابة طقوس تقليدية جميلة اغاني ذات معني
ودلالات ورموز اخلاقية ....

بداية التخريج بدأت بموسيقي شخص مايسمي ب"الربع" وطبعا الربع دة يااعزائي
علي مقولة احد الشباب "معلم كبير" ... وواحد تاني بيقول دة مفروض يكون ماخد الدكتوراة ...

اين انتم يا "د/ الفاتح حسين & حافظ عبد الرحمن" !!!!

وبدا التخريج ولكل طالب حوالي 4 دقايق حتي يمارس جميع انواع الرقصات من النبق
والقرد والجبجبة وشي جديع في الهواء وشي رقيص بالرقبة ... وفي اخر المطاف
يطلع الي المنصة حيث يستلم شهادة تخرجه من البروف الذي درسه !!!

[بت مارنجان]

في حضور لي لتخريج قريبي بجامعة السودان "هندسة الكترونية" ...
عندما ازيع اسم احدي "الخريجات" وطبعا بتنزل من المدرج وتاخد ليها "خجة خجتين " مع زملائها وزميلاتها
كان الشخص "بتاع الدي جي" المسؤل من الاغاني نزل ليها غنية غلط " ...
البت حلفت يمين احمر ماتنزل الا يجيبو ليها غنيتها الاختارتها ... وطبعا الكاميرات بتصور ونحنا بنعاين في الشاشة
والناس واقفة حارسين البنية تنزل رفضت رفض تام وشايفنها تهرج بي يديها !!!!

مرت دقايق قطعها البروف عميد الكلية حينما خلع عبائته وسلما لاحد الاساتذة الموجودين بالتخريج
ونزل من المسرح ....
ومن دون مااشعر صفقت له ... لانو احسست بانو قمة المهزلة بانو تقف طالبة وترفض النزول
عشان بتاع الدي جي غلط في غنيتها ...
ممكن يجي شخص ويغالطني ويقول لي من حقها انو تزعل وتحرد وماتنزل .... لكن الواقفين ديل
اساتذتي ودرسوني واعمارهم يمكن قدر والدها واكبر ... فعيب والله المهازل دي ...

[بت مارنجان]

قديمآ ومازالت لكن في اوساط ضيقة "اغنية "هي يارمزا" هي اغنية مختصرة في نطاق ضيق
"في اواسط المجتمع الانثوي" "حنة العروس" او الصبحية ,, الجرتق .. " ....
حتي المجتمع الذي يتغني فيه يكون خالي من الفئات الرجالية ...

لكن تجد الان الفنان يتغني بها ومعاها عوجة خشم يقعد يقول ليك :
"أيييييييييييااااااااااا أييييا عسل زي دة !!! "

نجيكم للدكتور الربع !!!

[رضا حسن محمد]

لكن ما مبالغة
دة حفلة تخريج ولا شنو كدة ما عارف
والله الم لى فى صوت عنج فى الوليدات الما عروفين رجال ولا نسوان ديل
والله امحطم محيط

[بنت النيل]

يعني دي قمة المهزلة الشي تخريج ولا رقيص عروس
لكن يا رضا عفيت منك ومني ليك سوط عنج اب لسانين

[بت مارنجان]

لكن ما مبالغة
دة حفلة تخريج ولا شنو كدة ما عارف
والله الم لى فى صوت عنج فى الوليدات الما عروفين رجال ولا نسوان ديل
والله امحطم محيط


الاخ الغالي ود حسن ...
والله نحن في زمن انعدم فيه الحياء ... وتسلم ياود الرجال ....
دي ماحفلة تخريج والله انا بديت اشك فيهم زاتو !!!!

[هجاام]

الله اكون في العون

[ابوالنور]

قال ليها ماشفتي الليله جيت اعبر الشارع

قالت ليهو اها ابرت ولا خانك التعبير


قال ليها ياوليه قلبتي لي المواجع

قالت ليهو المواجع والكتب


قال ليها انت ليه بتعملي من الحبه قبه

قالت ليهو قبه اخ لك لم تلده امك

[الفخيييم]

والله دي طفرة انو في شباب
بيتخرجوا علي نغمات الربع
اقلاها انو ودبلدنا ، طيب ناس
بتتكشح بالاغاني العربية التي
لا علاقة لنا بها شكلاً وموضوعاً..
شباب مستحمي لا يعرف شيئاًعن
واقعنا المتردي ومغيب تماماًعن
كل القضايا التي تهم الوطن..
الكلام ما بعد زفة التخرج!!!!!

[الجندي المجهول]

الغالية بت مارنجان - السودان (عنوان البوست سباب اليوم) وانا بقول اليوم في شباب ؟

اذا كان خريج جامعة الخرطوم التي نفخر بها طالبها يتخرج باغنية (وراء وراء) ويا حليل زمن الناس بتتخرج باغني (لوردي وابو اللمين والمرحوم مصطفى سيد احمد وابو عركي) يا حليل ( الاكتوبريات ) ......................
والله العظيم في النصف الاخير من الثمانينات كنت اقرأ المتوسط في مدرسة فريني المتوسطة بحي المزاد (وكان قبل الطابور) نسمع الملحمة ونسمع وردي وعن نفسي انا واولاد دفعتي في ذلك الوقت (كلنا حفظنا الالكتوبريات) وعرفنا معنى النضال والكفاح وكيف نال السودان استقلاله وحريته ومن مر عليه من الحكومات عبر تاريخه الطويل (ثقافتنا وسماعتنا للاغاني في ذلك الوقت ) جعلنا نعرف ما هي الحياة وما معناها .....

بتنا بت مارنجان سلام في شكل تخريمة وطلب اذا امكن ( ما اكون تقلت عليك )
سلمي علي (ايمان لندن ، وحمادة بت ، وندى القلعة) وأي هايف وهايفة بالله عليك سلام (تقول لي البلد فيها بوليس ) مع العلم ان اخر بوليس مات ايم المرحوم (نميري)

[ود الجعلي]

انشالله يا بت مارنجان بععد الرقيص والجديع ده كلو تكون القرعة فيها شيتا مفيد اتعلمو من جامعة السجم والرماد

[بت مارنجان]

يعني دي قمة المهزلة الشي تخريج ولا رقيص عروس
لكن يا رضا عفيت منك ومني ليك سوط عنج اب لسانين

يابنت النيل حبابك ...
ياخي ديل والله ماتقدر زاتك تفرزي ياقول حبوبة "الضكر من الاناية" ....
الغريبة انا اتخرجت 2007 لكن زي دة مالاقاني ولا نحنا عجزنا !!!!

[بت مارنجان]

الله اكون في العون

اخي هجام :
نقول ربنا يهديهم ...

[بت مارنجان]

قال ليها ماشفتي الليله جيت اعبر الشارع

قالت ليهو اها ابرت ولا خانك التعبير


قال ليها ياوليه قلبتي لي المواجع

قالت ليهو المواجع والكتب


قال ليها انت ليه بتعملي من الحبه قبه

قالت ليهو قبه اخ لك لم تلده امك

هيييييييييييييي يكا :o:o:o:o

دي غنية ولا شنو ياابو النور ؟؟؟

[بت مارنجان]

الكلام ما بعد زفة التخرج!!!!!


ستجدهم متكلين امام المطاعم ورواكيب "الشيشة " ....

[الزبير محمد عبدالفضيل]

مشكوره بنت مارنجان علي هذه اللفته الجميله عن مهازل شباب اليوم يعني التخريج بقي زي رقيص العروس او زي بيوت الزار صراحه دي كارثه كبيره علي شباب اليوم

ونتمني الاساتذه والمسؤولين في الكليات والجامعات بأن يمنعووووووا اي موسيقي في يوم التخريج

[بدر الدين احمد الطائف]

تم حذف البوست للتكرار

[بدر الدين احمد الطائف]

غايتو يابت مارنجان الواحد ما قادر يصدق المهازل البتحصل دى
طيب وكت الشباب ديل ما عندهم وعى وفهمهم قاصر اين اولياء الامور
الواحد ماشى يتخرج معناها بيكون معاه ابوه وامه والجيران وباقى اهله واذا هم كانوا موجودين وسكتوا على البيحصل ده اذا المشكله ليست مشكله الشباب فقط
تبقى مشكله مجتمع كامل
واين دور اداره الجامعه وشئون الطلاب من هذه الفوضى.


تخريمه .... عليك الله يا بت مارنجان ماعندك فيديو تنزليه نشوف الجبجه دى.:confused:

[أبوحراز]

ياجماعة ماتزعلوا وترحقوا أعصابكم وترفعوا ضغطكم 400 درجة
هذا اصبح واقع وامامكم خيارين
إما أن تتعاملوا مع هذه الظواهر الكريهة كواقع لامحالة
وإما أن يحمل كل واحد منكم صفيحة مليانة حبوب ضغط
وما ياخذ منها على جرعات
بل يملأ يده ويقرش كل الحبوب في لحظة واحدة
المشكلة بيضحكوا على جيلنا وقالوا نحن جيل متخلف
حتى تخريجنا قالوا ماكان طاعم زي تخريجهم
بالمناسبة بعضهم يتحنن زي العريس تماماً

دعيت قبل فترة من إحدى روابط الجامعات لتقديم حفل استقبال وطلبت منهم البرنامج قبل يومين
المهم كنت اسمعهم يقولون والله ماشاء الله تقديم جميل وأسلوب حلو
واحدهم قال والله عمك دا عجيب
المشكلة حينما قدمت الفنان
واتى وقدم اغنية رائعة جدا حملتنا الى الماضي الجميل
كانت هي أغنية الطير المهاجر
والله الجماعة قعدوا كلهم على الكراسي
وأي واحد عوج خشمو
وقالوا للفنان عايزين القنبلة
ولكنه اعتذر لهم بحجة أنه لم يحفظها
المهم انتهى الحفل
ولكن الفنان لم يجد اي قبول ولم يجد اي تجاوب الا من اصحاب الذوق العالي الذين كانوا متواجدين وقتها
اللهم ارحم جامعاتنا

[محمد الجزولى]

فى اجازتى الاخيره للسودان ذهبت زياره لاحد اقربائى فى احدى الجامعات العريقه
ذهبت اليه مباشرة فى غرفته فى الداخليه التى يسكن فيها فلم اجده ووجدت كل الغرف فى السكن تكاد تكون خاليه
ذهبت اليه فى الجامعه وفى المكتبه وكان فيها عدد قليل ايضا ولم اجده
اخيرا دلنى عليه احد الطلاب وقال لى اذهب القاعه الفلانيه تلقاهم قاعدين
ذهبت وصدمنى منظر طلابنا امل المستقبل
وجدت اعداد كبيره من الطلاب متجمهرين حول شاشة التلفزيون ويشاهدون فى توم اند جيرى
تصدقى يا بت مارنجان توم اند جيرى!!!!!!!
حتى انهم لم ينتبهو الى وجودى من شدة اندماجهم مع ( توم اند جيرى)
المشكله عويصه جدا يا بت مارنجان
جيل الغد ... جيل الجامعات يستهويه توم اند جيرى
تانى فاضل شنو عليك الله؟؟؟؟
غايتو الله يكون فى العون اختى بت مارنجان

[بت مارنجان]

الغالية بت مارنجان - السودان (عنوان البوست سباب اليوم) وانا بقول اليوم في شباب ؟

اذا كان خريج جامعة الخرطوم التي نفخر بها طالبها يتخرج باغنية (وراء وراء) ويا حليل زمن الناس بتتخرج باغني (لوردي وابو اللمين والمرحوم مصطفى سيد احمد وابو عركي) يا حليل ( الاكتوبريات ) ......................
والله العظيم في النصف الاخير من الثمانينات كنت اقرأ المتوسط في مدرسة فريني المتوسطة بحي المزاد (وكان قبل الطابور) نسمع الملحمة ونسمع وردي وعن نفسي انا واولاد دفعتي في ذلك الوقت (كلنا حفظنا الالكتوبريات) وعرفنا معنى النضال والكفاح وكيف نال السودان استقلاله وحريته ومن مر عليه من الحكومات عبر تاريخه الطويل (ثقافتنا وسماعتنا للاغاني في ذلك الوقت ) جعلنا نعرف ما هي الحياة وما معناها .....

بتنا بت مارنجان سلام في شكل تخريمة وطلب اذا امكن ( ما اكون تقلت عليك )

عادي ياهناي ماتتحسس :o

سلمي علي (ايمان لندن ، وحمادة بت ، وندى القلعة) وأي هايف وهايفة بالله عليك سلام (تقول لي البلد فيها بوليس ) مع العلم ان اخر بوليس مات ايم المرحوم (نميري)

البواليس ماتو في "تاتينك" علي قولت ناس ش.ع :o

دة آخر الزمن علي قولت شيخنا "الشيخ فرح ود تكتوك" ....

بمناسبة تعاقب الحكومات والاجيال ....
أسال اي شاب طالب جامعي او حتي خريج عن تعاقب الحكومات وعدد الثورات ... او حتي عن ثورة مايو
او عن "فترة الحكم الانتقالية " وكانت متين؟؟؟
صدقني يااخي الجندي نحنا وصلنا علي حافة الهاوية ولولا ايمان اهلنا الكبار
الفضلو لينا كان ضعنا ...

[بت مارنجان]

انشالله يا بت مارنجان بععد الرقيص والجديع ده كلو تكون القرعة فيها شيتا مفيد اتعلمو من جامعة السجم والرماد

نتمني ياود الجعلي انو تكون القرعة مليانة "علي الاقل لو مابالعلم "
ثقافة عامة ساااااااي عن بلدهم البجبجو فيها دي ....

[بنت الرفاعي]

تعرفي يا بت مارنجان أختي, أيام تخريجنا كان من ضمن مشاغل الناس أغنية التخريج, أها عندي واحدة قريبتنا إقترحت علي أغنية لفنان أو فنانة مصرية ما متذكرة بالضبط, قلت ليها في شنو ده تخريج ما بينفع أغنية زي دي ( الأغنية كانت غرامية شديد !!!!):confused::rolleyes::D:D هو أغاني زي دي ما بستمع ليها كمان أختها لتخريجي؟؟؟!!!
يوم التخريج في واحدة الظاهر عاجباها أغنية ورا ورا خاتاها , الناس دي أغلبها جبجبت, وفي ناس إتفاجأت, عندي خال صاحبتي علق على أساس إنو صاحب الأغنية ولد قال ( والله خجلت ليهو!!)
ده غير الأغاني الثانية, اللي ما فهمت علاقتها شنو بالتخريج.
أما الأغنية اللي إخترتها كانت بتشمل في كلماتها الأم والأب وهادئة جداً, الناس إعترضت كيف أخت لي أغنية هادئة كدة, قالوا كانوا دايرين يجبجبوا!!!

تعرفي المشكلة إنو المفاهيم والمعايير في تلاشي إلى أن تنعدم.

غايتو الله يهون.

[سماحة]

تحياتي بت مارنجان
تعقيبا على كلامك
كنت في السودان قبل شهرين وذهبت لحضور تخريخ وللأسف اللبس والاغاني شئ تاني مختلف ( mbc-lbc)حاجة ما مفهومة
والادهشني جدا انو بعد التخريخ واحدة خريجة لابسة قصير جدا وضيق بمعنى الكلمة قلعت الروب وواقفة للجميع يصورها بكل النواحي مرة خاتة يدها في خدها ومرة في خصرها والماشي والجاي بصور

وييييييييييييييييييييين الاهل ووين الحبوبات خربت من كبارها ولا شنو ؟؟

[ودسمير]

دى الحريه ( ان لم تستح فاصنع ماتشاء ) قال احد الشعراء:
اخبرنا استاذى يوما عن شئ يدعى الحريه
فسألت الاستاذ بلطف ان يتكلم بالعربيه ما الحريه ؟
هل هى مصطلح يونانى ام مصنوعات يدويه!
فاجاب الاستاذ بلطف
قد انسوكم كل التاريخ وكل الحقب الزمنيه
خوفى ان تخرج اجيالا لا تفهم معنى الحريه
لا والقصيده طويلة ......
يا بت مارنجان السودان ما يحدث فى التخريج قليل من كثير ونحن فى زمن اختلط الحابل بالنابل

[بت مارنجان]

مشكوره بنت مارنجان علي هذه اللفته الجميله عن مهازل شباب اليوم يعني التخريج بقي زي رقيص العروس او زي بيوت الزار صراحه دي كارثه كبيره علي شباب اليوم

ونتمني الاساتذه والمسؤولين في الكليات والجامعات بأن يمنعووووووا اي موسيقي في يوم التخريج

استاذي الفاضل الزبير ...
زي مابيقولو اهلنا الكبار "خربانة من كبارها" ... لكن برضو ونقول لازال للمعلم هيبتو ومكانتو واحترامو ....
حتي لو فقد الاحترام نتزكر انو دة الشخص الوقف ومسك قلم ودرسني ....

وماممكن طالب يتخرج بي غنية "البابور جاز خلو يشتغل :confused: "

[بت مارنجان]

غايتو يابت مارنجان الواحد ما قادر يصدق المهازل البتحصل دى
طيب وكت الشباب ديل ما عندهم وعى وفهمهم قاصر اين اولياء الامور
الواحد ماشى يتخرج معناها بيكون معاه ابوه وامه والجيران وباقى اهله واذا هم كانوا موجودين وسكتوا على البيحصل ده اذا المشكله ليست مشكله الشباب فقط
تبقى مشكله مجتمع كامل
واين دور اداره الجامعه وشئون الطلاب من هذه الفوضى.

يااستاذي بدر الدين ,,,
الشغلانية خبانة من كبارا اذا كانت والدة ووالد الطالب "بجبجو مع خريجهم من الفرحة" ومابيكونو عارفين الغنية
الشغالة هي شنو ...
لانو لو عرفو الغنية الشغالة شنو كانو كسرو رجلين ولدهم ...

بالنسبة لي شئون الطلاب اللي ذكرتها ... فحقول ليك حاجة عن تجربة ...
اصبحت شئون الطلاب منصرفة نحو اغراض تانية غير مشاكل الطلاب واحتياجاتهم
وهمها الاول والاساسي الهاء الطلاب في اشياء شبيها بي التخريج دة ..


تخريمه .... عليك الله يا بت مارنجان ماعندك فيديو تنزليه نشوف الجبجه دى.:confused:

لو نزلت الفيديو بقفلو البوست يا"حبة" علي قولة "ابو خالد" :o

[mabbas]

ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½.
ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½.
ï؟½ï؟½ï؟½ ï؟½ï؟½ï؟½ï؟½ï؟½ه؟؟ ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ت؟ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ب؟ï؟½ï؟½ ï؟½ï؟½ï؟½ ....ï؟½ï؟½ ï؟½ï؟½ï؟½ .....ï؟½ï؟½
ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ï؟½. ï؟½ï؟½ ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½.
ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ (ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½) ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ ï؟½ï؟½ï؟½ ï؟½ï؟½ï؟½ï؟½ï؟½ï؟½ï؟½.

[بت مارنجان]

.................

[بت مارنجان]

ياجماعة ماتزعلوا وترحقوا أعصابكم وترفعوا ضغطكم 400 درجة


نسمع كابلي عشان الاعصاب تروق اخي ابو حراز .... ونقول الدنيا لسة بخير ..

اى صوت زار بالامس خيالى ؟؟؟
طاف بالقلب و غنى للكمال ......
وازاع الطهر في دنيا الجمال ......
و اشاع النور في صوب اليالي .....
انه صوتي انا ,اوا تدري من انا ؟!

انا ام اليوم اسباب الهنا , انا من دنياكم احلي المنى ....
كل حب في الورا رجعو حناني , كل نبع دافق بالحب جاري ......
من ينابيع يغذيها اهتمامي , انا نصف قد حوى كل المعاني .........
من يناديني انا ؟؟!!
ذادني العلم سنا......
فلنحقق كلنا ما نردي من منا, نحو سودان كبير , نحو سودان جميل ....

يا شباب الغد اسمعني جوابك , يقتنيه الجيل في الدنيا كتابا .....
اين عزمي ؟!؟!
من فتاة مستمدون ,
فهي زادي , مرأه , من صفاتي ,,,,,
فطمأني يا فتاتي .......
كل ما بات , يرتجع ,
فاغسلي النا من الفنل .....
فلتعد ,, و لتعود لنا فرحة العيد و الامل ......

سوف نلقى سلم المجد رقيا .و نفيض العلم ينبوع الروية ....
ثم ندعو للتلاقي سوية ..و نربي النشأ و السادة القوية ......

[ود الجعلي]

لكن يا بت مارنجان برضو الفرح والبهجة مطلوب............ الناس مليانة وفاض بيها تتنفس شوية ولا شنو ؟؟؟؟؟؟؟