المساعد الشخصي الرقمي

مشاهدة النسخة كاملة : سجمان رمدان سوداني ......... هع !!


Almostshar
16-02-2010, 01:34 PM
بسم الله,,, نبدأ,,,


عمرك بين ال18 و ال 60؟

سوداني او مولود لأب سوداني داخل او خارج السودان؟
يجب ان تخضع للجنة الا ختيار العامة و بعد ذلك للجنات فرعية متخصصة
و التصنيف سيكون كالاتي:


عندك شهادات و واسطة: حبابك ألف!
ماعندك شهادات وعندك واسطة: برضو حبابك ألف!
عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا..
ماعندك شهادات و لا واسطة: امشي انتحر!



شين و صوتك حلو: تبقى فنان!

سمحة و صوتك ماحلو: برضو فنانه!
سمج و دمك يلطش و تجيد فن مصمصة الشلاليف و غرويد العيون و الأاااااهآآآآآت: اذن انت مذيع سوداني!
سمحة و غبية:- نوعين الاول سمحة و نحيييفة: مذيعة في النيل الازرق!
التاني سمحة و سمينة: هارموني او الشروق!
شينة و سمينة: تلفزيون السودان!
شينة و مسيخة: مضيفة جوية!



عدم احساس جلد تمساح: ناس سودانير!

قنعان من روحك و عايز تدعم المنتج المحلي: تركب سودانير!



سبع صنايع و البخت ضايع: موظف حكومة، مدرس، سواق تكسي!

سبع صنايع و البخت الرائع: موظف اتصالات!
امك داعية ليك: ياخدوك في شركة دال !
رجل المستحيل: كستمر كير!
المستحيل بي عينو: خدمة سودانية ترقى لمستوى لا بأس!
عزيز قوم ذل: طبيب
مصاص دماء: تشتغل في جهاز المغتربين!
سياسي عمرك فوق المية (ديناصور: (معارضة!
خالي مؤهلات و مستهبل: سفير للسودان بالخارج!
خالي مؤهلات و أهبل: مسؤول!
كترتا و مسختا: مستشار
عايز تشتهر: اخترع ليك حركة خزعبلاوية لتحرير السودان!
حمار شغل: الفئة دي مافي عندنا!
مدهوك معجون معفوص ممغوس موجع مقطع مرقع قرفان تلفان سجمان رمدان غالبك التسوي: مبروك انت مغترب!

من بريدي الخاص

المستشار
محب
16-02-2010, 10:04 PM
الاخ المستشار بعد التحية والاحترام
بما ان كلامك فى محلو مية المية (( كلامك دا كلام زول ممغس من الخارج ومن الداخل اقول شنو لو كان الكلام دا مافينا ولو بقا فينا الرماد كال حماد ))




تسلـــ يمينك ــــــــــــم
الجزراوي
16-02-2010, 10:36 PM
بسم الله,,, نبدأ,,,


عمرك بين ال18 و ال 60؟

سوداني او مولود لأب سوداني داخل او خارج السودان؟
يجب ان تخضع للجنة الا ختيار العامة و بعد ذلك للجنات فرعية متخصصة
و التصنيف سيكون كالاتي:


عندك شهادات و واسطة: حبابك ألف!
ماعندك شهادات وعندك واسطة: برضو حبابك ألف!
عندك شهادات و خبرة و ماعندك واسطة: سيب رقم تلفونك في الاستقبال و اكيد حاتسمع مننا..
ماعندك شهادات و لا واسطة: امشي انتحر!



شين و صوتك حلو: تبقى فنان!

سمحة و صوتك ماحلو: برضو فنانه!
سمج و دمك يلطش و تجيد فن مصمصة الشلاليف و غرويد العيون و الأاااااهآآآآآت: اذن انت مذيع سوداني!
سمحة و غبية:- نوعين الاول سمحة و نحيييفة: مذيعة في النيل الازرق!
التاني سمحة و سمينة: هارموني او الشروق!
شينة و سمينة: تلفزيون السودان!
شينة و مسيخة: مضيفة جوية!



عدم احساس جلد تمساح: ناس سودانير!

قنعان من روحك و عايز تدعم المنتج المحلي: تركب سودانير!



سبع صنايع و البخت ضايع: موظف حكومة، مدرس، سواق تكسي!

سبع صنايع و البخت الرائع: موظف اتصالات!
امك داعية ليك: ياخدوك في شركة دال !
رجل المستحيل: كستمر كير!
المستحيل بي عينو: خدمة سودانية ترقى لمستوى لا بأس!
عزيز قوم ذل: طبيب
مصاص دماء: تشتغل في جهاز المغتربين!
سياسي عمرك فوق المية (ديناصور: (معارضة!
خالي مؤهلات و مستهبل: سفير للسودان بالخارج!
خالي مؤهلات و أهبل: مسؤول!
كترتا و مسختا: مستشار
عايز تشتهر: اخترع ليك حركة خزعبلاوية لتحرير السودان!
حمار شغل: الفئة دي مافي عندنا!
مدهوك معجون معفوص ممغوس موجع مقطع مرقع قرفان تلفان سجمان رمدان غالبك التسوي: مبروك انت مغترب!

من بريدي الخاص

المستشار


بصررررررررررررررررررررررراحة تامة
لقد اوجزت وارجزت وسهلت الصعب
ولكن ياليت قومي يعلمون
monim
16-02-2010, 11:01 PM
حلوة ومنطقية وحاصلة ومعمولة باسلوب شيق للغاية
بنت النيل
16-02-2010, 11:13 PM
كلام ميه الميه وكله حاصل
وربنا يكون في العون
esmat
16-02-2010, 11:23 PM
مصاص دماء: تشتغل في جهاز المغتربين!
سياسي عمرك فوق المية (ديناصور: (معارضة!

يعني يامستشارنا كلم ما نقول طلعنا من واحدة نلقى التانية
طلعنا من رصتك دي كووولها لقيناك ختمتها بينا شمت فينا ناس جلد التمساح
وعزيز قوماً ذل

بي مناسبة ذل دي
اول ايام جيت السعودية طبعاً
مع شباب كدا مشيت مناسبة
اها .. وانا جاي على الشباب وهم قاعدين قاموا قالو لي
عليك اله جيب معاك الزل دا
طبعاً قدر ما فتشت لي (المذلول) دا ما لقيتو
وقمت جيتهم اها..
قاموا قالوا لي لي ما جبتو معاك
قلت ليهم ياخ لقيتو تقيل عايز واحد اشيل معاي
اها .. واحد من الشباب اطنطن كدا تقيل شنو ما بعرف
غاب شوية كدا وجا شايل ليهو فرشة
قال لي اسي عليك الله دا تقيل انت جاي ترطب بس ولا شنو
الفخيييم
16-02-2010, 11:39 PM
معقولة ده الحاصل؟
شينه ومسيخة مضيفة طيب
يجيبوا سمحة وما مسيخة من وين؟
ما ياهم نسوان البلد ودي سودنة الوظائف..
ما عندك مؤهلات وتكون سفير دي ماعندنا
العطالة يحملون بكالريوس كيف سفير بدون
مؤهل؟وكلو تنظير علي الجميع توجيه النقد
الموضوعي وعدم ابداء الاراء بالاسقاطات
النفسية التي لا تعبر الا عن صاحبها ..
esmat
16-02-2010, 11:48 PM
معقولة ده الحاصل؟
شينه ومسيخة مضيفة طيب
يجيبوا سمحة وما مسيخة من وين؟
ما ياهم نسوان البلد ودي سودنة الوظائف..
ما عندك مؤهلات وتكون سفير دي ماعندنا
العطالة يحملون بكالريوس كيف سفير بدون
مؤهل؟وكلو تنظير علي الجميع توجيه النقد
الموضوعي وعدم ابداء الاراء بالاسقاطات
النفسية التي لا تعبر الا عن صاحبها ..

اجيبوا سمحة وما مسيخة من وين
ياخ الضيافة دي فاتحين ليها جامعات
اسمها سياحة وفنادق شفت كيف

اها سفير وما عندوا مؤهلات اقرب دولة فيها سفير
سوداني وما عندو مؤهلات مصر دي قول لي كيف
انت قايل المؤهلات دي الشهادة ولا شنو المؤهلات
دي تخصص ودراسة يعني مفروض السفير اكون متخرج شنو
ومن ياتو جامعة - مش واحد خريج اكاديمية حربية ولا تجارة

بعدين التنظير دا ياهو النقد الموضوعي زاااتو في قالب ساخر
انت قايل النقد الموضوعي إلا نستعمل (حيث ان كذلك)
وإسقاطات نفسية دي عجبتني عايزين نقشر بيها يومين كدا
الفخيييم
17-02-2010, 12:16 AM
اجيبوا سمحة وما مسيخة من وين
ياخ الضيافة دي فاتحين ليها جامعات
اسمها سياحة وفنادق شفت كيف

اها سفير وما عندوا مؤهلات اقرب دولة فيها سفير
سوداني وما عندو مؤهلات مصر دي قول لي كيف
انت قايل المؤهلات دي الشهادة ولا شنو المؤهلات
دي تخصص ودراسة يعني مفروض السفير اكون متخرج شنو
ومن ياتو جامعة - مش واحد خريج اكاديمية حربية ولا تجارة

بعدين التنظير دا ياهو النقد الموضوعي زاااتو في قالب ساخر
انت قايل النقد الموضوعي إلا نستعمل (حيث ان كذلك)
وإسقاطات نفسية دي عجبتني عايزين نقشر بيها يومين كدا


هسي لو شغلوا واحدة حلوة وما مسيخة تقولوا
عكس الكلام ده وده التنظير القاصدو..مافي اعتراض
علي القالب سخرية ولا عكسها الاعتراض علي انو
ده كلام متناقض ولو قلبت الآية نفس الموال وبصورة مغايرة..
اما السفير ما بالضرورة تخصص معين كل من يحمل حيازة
علمية ولديه الكفاءة في العمل الاداري يصلح لشغل اي منصب
سياسي مافي غضاضة في ذلك عسكري ولا مدني..
عادي خريج زراعة يكون وزير طاقة وين المشكلة؟
esmat
17-02-2010, 12:24 AM
هسي لو شغلوا واحدة حلوة وما مسيخة تقولوا
عكس الكلام ده وده التنظير القاصدو..مافي اعتراض
علي القالب سخرية ولا عكسها الاعتراض علي انو
ده كلام متناقض ولو قلبت الآية نفس الموال وبصورة مغايرة..
اما السفير ما بالضرورة تخصص معين كل من يحمل حيازة
علمية ولديه الكفاءة في العمل الاداري يصلح لشغل اي منصب
سياسي مافي غضاضة في ذلك عسكري ولا مدني..
عادي خريج زراعة يكون وزير طاقة وين المشكلة؟


وين المشكلة
مافي مشكلة
انت فرفور ولا شنو (قاصد الفنان طبعاً ما حاجة تانية لكن ممكن تكون)
اها قلت لي المشكلة وين
عشان كدا انا اقول كل مؤسسة ماشة في ستين الف داهية لي
عشان خريج زراعة وزير طاقة عااااااااادي
بعدين السمحة والمامسيخة ما بنظر فيها بنقول سمحة وظريفة
واجادت شغلها ربنا اوفقها

غايتو من حيث المبدا انا بعتقد انو دي اسقطاطات نفسية (لقيتني كيف)
Almostshar
18-02-2010, 02:40 PM
الاخ المستشار بعد التحية والاحترام
بما ان كلامك فى محلو مية المية (( كلامك دا كلام زول ممغس من الخارج ومن الداخل اقول شنو لو كان الكلام دا مافينا ولو بقا فينا الرماد كال حماد ))



تسلـــ يمينك ــــــــــــم



مشكور اخ حماد قصدي محب على الرد الجميل

والكلام ده فيه الكثير الفينا

بس ابقى واعي وما تقع