ونسة على خفيف

[ابراهيم]

مصارعة:

نملتين عاوزين يصارعوا الفيل .

الفيل رفض وقال «ليه انتو اتنين على واحد؟




خرمجة:

ليه يا سلمى يا ظالمه بتكوي شعرك وما بتدفعي حق الكوفير

والغريبة الساعة جنبك بتعمل تك تك تك .

اصلو البيا باقي .. والكمساري زاغ بيهو.

[LighT^RosE]

نملتين عاوزين يصارعوا الفيل .

الفيل رفض وقال «ليه انتو اتنين على واحد؟

looooooool 7elwa ya rbrahiim

[ابراهيم]

شكراً على مرورك العذب light rose

تحياتي وتقديري

[aborawan]

جدعات حلوه يا منقه تسلم يدك


:):)

[marwa]

7lwa menk ya ebraheeeeeeem

[ابراهيم]

اخوي ابو روان واختى مروة انتو الاحلى دايماً

تحياتي واحترامي
ليكم

[ابراهيم]

مره تيس شاف عصفور فقال الأسد هاتوا لي الأرنب


فطاحت البقرة من فوق العمارة و لقت الام ولدها فرجع


الشرطي من القسم و طلقها حبيبها و قال أنتي طالق


طالق طالق طالع وجهك أنت من حلات وجهك فسوى حادث


و أصابه شلل فغرق بالبحر و نامت السمبوسة بين الصخر


وقال النسر لازم نتعاون و صادو الحوت و خلص البصل و قال


لها أنا احبك و يوم سافر للدراسة ضاع دفتر الدرجات و قالت


الزوجة أنا بروح بيت أهلي و نام الفيل و سبحنا في نهر النيل


و بعدين يوم قال بسبس يومها عرفت ليش الكلب يقول ميو ميو



واحدسعودي بحكي قصة لبنته عشان تنوم

[ابو الدهب]

يا ابراهيم
والله صدق القائل كلام الطير في الباقير

ما عرفناها قصة ولا لقط لقط

[ابراهيم]

هههههههههههههههههههه

تسلم ابو الدهب

[marwa]

ebraheem tr7'em leena ana ma bfham se3oody

[ابو الدهب]

الله يخليك ابراهيم

اسمع دي :

واحد غبي داير يزور العشرة دولار فأحضر مئة دولار ومحى الصفر

هي ها هي ها

[خالد حمد موسى]

نقلااااات حلووووه ياابراااهومه تسلم...

[أبوريلان]

هههههههههههههههههههههه

[ابراهيم]

اختى مروة اول حاجة شكراً على المرور

بالنسبة للترجمة والله انا بفهم سعودي زيك لكن يبدو هي عبارة عن خرمجة يعني احسن بدون ترجمة


حلوة منك يا ابو الدهب بتاعة العشرة دولار دي


تسلم يا ابو الخلد وربنا ما يحرمنا من طلتك



مرسي على الضحكة الحلوة يا myrelan

لكن دايرين ونسة يا جماعة اي يدخل يقول لينا حاجة


لكم جميعاً حبي

[marwa]

فى مسطول دخل عليه ملك الموت
قال:منو
قال ليه: ملك الموت
قال:هجمتنى قايلك مباحث:eek:

[ابراهيم]

ههههههههههههههه

حلوة منك يا مروة

وهاك دي واحدة كمان



ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج

[ابراهيم]

كل ما أقبّل وأعاين

ألقى عينيك جات في mine

حاجة very good

حاجة fine

يا suger مصنع كنانة

يا flour مالية البطانة

إنتِ fantastic banana

إنتِ my eyes رتينة

إنتِ where is مابتجينا

إنتِ عينيك فيها light

إنتِ شعرك dark night

إنتِ طبعك كولو right

إنتِ my heart إنتِ نورو

إنتِ my love البدورو

عايز أشوفك more tomorow

عايز أشوفك more tomorow

هذه قصيدة قديمة من الشعر الحلمنيشي ، وهي من تأليف ابن واحد اسمو محمود ولطاما أضحكنا مع هذه القصيدة ..

من النوادر التي تعرّض إليها أنه وعندما كتبها كان على مقاعد الدراسة ، وقد ألقاها في الإذاعة المدرسية في الطابور .. وقد لاقت نجاحاً كبيراً، وبعد انتهاء الطابور فوجئ محمود بأحد المدرسين الشديدي الصرامة يناديه ، وعلى وجهه علامات القسوة والوعيد .. طبعاً الود شال الهم ومشى وما خّلا ليه سورة حافظا ما قراها.. على أي حال الجلدة كانت مؤكدة .. قام المدرّس وبصوت ناهر قال : "محمود أدخل المكتب" طبعاً محمود حمد ربّوا انو الدقّة ما قدام المدرسة يعنى اتستر .. ودخل محمود إلى المكتب ، وبعد قليل جاء المدرس وقد وضع الإبتسامة على وجهه وقال :"محمود علييييك الله أديني القصيدة دي لي خطيبتي !!" ... والله مرق أخونا...

يلا ورونا ونستكم يا شباب

[حلوه واموره]

كاتب الرسالة الأصلية LighT^RosE
نملتين عاوزين يصارعوا الفيل .

الفيل رفض وقال «ليه انتو اتنين على واحد؟

looooooool 7elwa ya rbrahiim

[ابراهيم]

سلام يا النايمين والصاحيين ومشغولين ... وتسلمي حلوة وأمورة على المرور الحلو وأمور


حوار: محمد عبدالله يعقوب /منقول من صحيفة الأنباء

موضوع للنقاش

وسؤال ... هل تقتنعون بالفكي وهل تلجأون اليه عندما تستعصى الأمور؟

قال المتجهجهة الاممي «ان في السوق دلالة وعلالة...وملوص وعروق...» وامام الجامع الكبير بالخرطوم تجد كل ما يخطر ببالك ولكنني استهدفت فقط ما يعرفون (بالمعراقين او الدجالين او اطباء الاعشاب) الذين رفضوا الحديث اولا وطلبوا مني البطاقة وبعدها حاورتهم «الأنباء» في هذه الدردشة التي تحمل في مضامينها ان العلاج بالاعشاب يحمل سلاحا ذا حدين فليس كل من وضع «عروقا» امامه يستطيع ان يفعل كل شئ اما بخصوص الماورائيات فكل من يعمل بها فهو كاذب...



وعبر هذه المساحة هذه إفادة ثلاثة من (الاناطين) وجدوا براحا امام الجامع الكبير مع غيرهم من الباعة المتجولين برغم حملات النظام العام المتقطعة خلال اليوم...فماذا قالوا:



- اسمك منو؟



-*- صابر سادس شعيب.



- انت من وين؟



-*- من الدمازين.



- اتعلمت العروق من منو؟



-*- من جدي...كان بقرينا القرآن في الخلوة وهو بعالج الناس بالعروق وعلمني ليها وعرفتها.



- بتجيبوها من وين؟



-*- من الخلا.



- بتعالج شنو؟



-*- بعالج سخانة البطن والصداع والرطوبة وحاجات كتيرة.



- طيب ...قالوا عندكم عرق محبة...الكلام ده كيف؟



-*- نعم موجود وبعمل محبة طوالي.



- عروقك دي ممكن تضر بيها زول؟



-*- أيوه.



- وبتعمل شنو؟



-*- الضرر يكون في الجسم كلو.



- وممكن الضرر يروح؟



-*- ايوه...وبالمدة كمان حسب العلاج.



- زباينك كتار؟



-*- والله غايتو.



- يعني المحبة بي كم؟



-*- بنعملها بي كم واربعين الف كده.



- بتسمع غنا؟



-*- لا...لكن بنسمع مدايح البرعي.



- ممكن تعمل حاجة تحل بها مشكلة دارفور؟



-*- «نظر الي بدهشة ثم قال» الله يحلو.



- بتقدر توقف حملات النظام العام؟



-*- لا لا....



- اسمك منو؟



-*- حسين صالح احمد.



- انت من وين؟



-*- من ولاية القضارف محلية الرهد قرية الحواتة.



- اتعلمت العروق كيف؟



-*- ورثتها من جدي كان معراقي مشهور وانا كنت بترسل ليهو وبلازمو وبعد وفاته بقيت انا معراقي كمان.



- قالوا ناس العروق بشتغلو مع الجن الكلام ده كيف؟



-*- والله ده انا ما مرّ على وما بقول ده كلام ساكت لكن فوق كل ذي علم عليم.



- ممكن ان تفرق بين راجل ومراتو؟



-*- ابدا.



- العروق علاقتها شنو بالسحر؟



-*- ما عندها علاقة.



- حصل عالجت زول من مرض صعب؟



-*- أيوه.



- من شنو؟



-*- من الصرعة.



- وتاني ما جاك راجع؟



-*- لا لا....



- لو في مرأة ما بتلد ممكن تعالجها؟



-*- نعم.



- كيف؟



#-*- بي عدد من آيات القرآن نجاوزها بالاعشاب.



- والشغلانة دي مضمونة؟



-*- ما مضمونة...لكن بتبقي سبب والمعالج رب العالمين.



- والعريس المربوط بتفكو؟



-*- في يومو نفكو.



- رايك شنو في السلام؟



-*- تمام.



- ودارفور كيف؟



-*- نتمني ليها السلام زي ما بقي سلام الجنوب.



المجرب يشرح لينا تجربته مع الفقراء

[madaniboy]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههه

بس موضوع السعودي اصلا هووو محشش عاوز ينوووم جاته بنته قالت ليه قول لي حكايه فقال ليها دي

[ابراهيم]

قصة حلوة بين كديس وكديسة


الكديسة:

اقول ناو من قلبي
اقول ناو في فراقك

تذكر يوم ذاك الكلب
عضاك في طرف ساقك

وقلت ناو يا رجلي
وانا ربطت لك ساقك

حبيبي لاتقول ناو
اخاف تزيد باشواقك






الكديس :

نسيتي آخر زباله
نسيتي حبنا فيها

نسيتي علبة التونه
ضربتيني واكلتيها

بقيت ابكي اقولك ناو
وعيني طايره فيها

ولكنك جحدتيني
طردتيني واخذتيها

وآخر ما اقول ناو
طالق كان اعدتيها

انشاء الله ما تتكرر تاني

[marwa]

hahahahahah

[ابراهيم]

الواحد كل يوم بفكر ... يا ربى السودان دا متين نلحق الناس الفاتونا...

والغربة بتخلى الواحد يكلم نفسو ... وكل ما نشوف مظهر من مظاهر الحضارة بنتذكر السودان والحال المايل فيه ....

رايكم شنو يا حلوين نحلم ونتخيل السودان سنة الفين وعشرة 2010م يمكن الحلم متاح .. مباح ..

وغالباً .. الاحلام هي رغبات مكبوتة ... وأمانى منقوشة في دواخلنا وربما تسوقنا احلامنا الى دنيا الحقيقة ..!!


ومن هنا عايزين نحلم ونتخيل بكرة بصبح حالنا كيف... في ونسة حلوة
كدى عايزين اي في فينا يحدثنا عن احلامو وتصوراتو لحال السودان 2الفين وعشرة اجتماعياً ، ثقافياً، بيئياً ، رياضياً ، وتكنولوجياً ....


لكم تحياتي

[ruby]

والله الراجل البحكي لبنته قصه قبل النو م
زي اخوي الصغير قبل ماينوم بدقائق
تسلم ياابراهيم الرائع على الروائع

[ابراهيم]

تسلمى يا روبي
الاطفال متعة ..
الصغار يملو البيت نضار وجمال
ضحكة رنانة
وبسمة ريانة
ويا ربي ما تحرم بيت من الاطفال

[ابراهيم]

المشهد الاول : تلاجه في دكان برقاوي
التوقيت: الساعه 11:45 م

البيبسي: شنو يارندويه انتي نايمه وللا قايمه
ميرندا: انوم ليها شنو وانت مصاقرني كده الليل كلو وبعدين كلها ربع ساعه والبرقاوي
يقفل الدكان
البيبسي: هل لي بحوار جانبي معك
(شفتو الحنك والاسلوب الرقيق)
ميرندا: اها شمارك شنو ياده.. بالله عليك قولو بسرعه وخارجنا عشان انا ذاتي مافاضيه ليك
(طبعا حركات منا ساي)
البيبسي: والله ما في شمار كده يقولو عليو بس انا حبيت اسالك بتحبي ياتو نوع من
المواضيع
ميرندا: الظاهر عليك يااخوي انت ماعندك موضوع الليله وداير تفكها فيني و تفور غازاتي بي اسئلتك البايخه اللا ليها اول لا اخر
وثم تانيا انا ما عندي ليك اي اخلاق مش كفايه الخجه الاتخجيتا قبيل في اللوري
البيبسي: (خلاس لقى ليو موضوع) الليله تبري انتي وتستبري يايمه سلامتك مالك الكلام ده حصل متين وفي ياتو شارع ووو
ميرندا: اسمع يانكد يابرايه وفي البرايات النوع المصدي والمشترم الموضوع حصل
وخلاص فما توجع لي راسي براي مصدعه وبالعه رف بنادول كامل
البيبسي: انا برايه ياقزازه يافاضيه يابتاعت تخليل الفول ؟؟؟ هيييي ياانتي الظاهر انتي ما عارفه بتتكلمي مع منو يمين ياسجمانه يارمدانه انا لما اتكلم في المصنع السيد المدير بجلالة قدرو ذاتو بكضم زي الجاتو الجات لي حبوباتو انتي قايلاني هين وللا لين كمان
لا انا ما قصدي كده ميرندا: (احي انا فصلت) بس حبيت اقول ليك انا ما عندي موضوع معين او مواضيع معينه بحب اتكلم فيهم وشايفاك بس عايز تجرجرني في الكلام وفي ونستك وشمارك الخشن فشان كده لو ما سكت انا حاامشي ارقد بره في الصندوق واريحك
البيبسي: مكسب كبير يافرده 00 يلا غوري في ستين الف داهيه تسمم البشربك والبقربك ...غلطتي انا الفتحت بوزي واتكلمت معاك ياروح ماما
ميرندا: اغور انا...تمش تغور انت في لوري تجنيد ماشي الجنوب ياقزازة الكوش 00 ماما ماخاتيا عليك لمن حذرتني و نصحتني منك
البيبسي: اها امك السجمانه المانصيحه دي نطحتك بشنو
ميرندا: ماما نصحتني ياسيدي ما امشي الا مع الجكس النضيف اللمن تشوفو قلبك الجكس المرتاح اللمن تشوفو بالليل تقول الواطه صباح مش امشي معاك ياسود يالون حمار كلتوم ست اللبن
البيبسي: هي هي هي كركركركركر مش زمان قلت ليك امك دي ما نصيحه ومتخلفه وقاده عربي ودين كمان
ووعلى مايبدو ماسمعت بالحديث البقول لا فرق بين اعجمي وعربي الا بالتقوى
ميرندا: بس كتلتها ياها التقوى دي ذاااتا القاصداها ماما 8
البيبسي: اكان كده قولي لي امك المخستكه انني انا اسود والاسود قليلو ومن الليله انا ماعايز معاك اي كلام وسلام الله ماتديني ليو
ميرندا: مالك دمك فار كده يابسبوسي والله انا بحبك وبحب لونك الاسود العامل زي ليل بدون قمرا
بسبوسي انت لونك دايما بذكرني بي شوال الفحم الفي الركن الراقد جمبو الكديس داك 00 كدي انساك من كلام امي وقول لي امك بتقول ليك شنو عني؟
البيبسي : دي اوهامات تجاريه منك ساكت ... واظن انحنا اسن ننهي علاقتنا دي هنا دا واصلها كانت قصة غرام بالشوق بدت ورحلة عذاب دابا انتهت... واندفنت احلامنا الصغيره قبال تفتح على الدنيا وتلقاها ملانه بالغدر الخيانه
والمآسي وبدل يكونو زي حاجه بارده في حفل ساخن يبقو زي كباية شاي مسيخه في بيت عزاء
(شافين الرومانسيه)
ميرندا: ليه بتقول الكلام المتشائم ده والله انا بريدك بحبك بعزك بموووووت فيك وانت لوخليتني تاني انا في الدنيا دي بلقى زول في اخلاصك تاني وين ياحبي ياسميري المكتوب في ضميري .. بصراحه انا بعتبر لونك الاسود ده احلى حاجه فيك يعني انت بالنسبه لي زي شوال الفحم ده للفول
البيبسي: احم احم في البدايه عايز اقول ليك اخجلتي ام تواضعي يارندويه بي بمدحك
شبه الذم ده 00
وكلامك ده اكد لي انك مشروب نفيس وكلام امي فيك كان كلو مغلوط لانو هي ماخده عنك انطباع كعب شويه
ميرندا: ووب علي سجمي يابنات امي 00 امك قالت فيني شنو؟
البيبسي: امي يا ستي بتقول الفانتا احلى من الميرندا ودمها خفيف ورايق وبت ذوات وحاجه موضه كده ومنقه هنديه في السودان 00
ميرندا: هسع العواليق دي لو كان فيها الاوصاف ماكانت تعرسا ليك وتريحيني انا في عمري ده
البيبسي : لا والله يارندويه انت لونك زي لون النقادي الساكن بهنا لمن يتشاكل مع مرتو
ميرندا : اسمع ده لوني وعاااااجبني كده والعاجبو عاجبو والماعاجبو يمعط حواجبو...ووانت ذاااتك لو ماعاجبك قول لي من هسي عشان اخلي ليك التلاجه دي ودواليبها وامشي ارقد في الصندوق
البيبسي: يازعولة اوعك تكوني زعلتي واتعقدتي من كلامي يمين انا كنت بهظر ساي
وفي اللحظة دي البرقاوي بتاع الدكان جا منقشط وفتح التلاجة ورص فيها كم قزازة فانتا كدا
البيبسي: ويييييينك يالفانتا لا كين الشوق ما بالصناديق00 وين الحي بيك من الحفلة بتاعت فرفور ديك وكبيتي الزوغه نورتي التلاجه وبالمره كمان اثلجتي صدورنا هي هي هي يا سلااام00 ايه السعد و الهنا اللي انا فيهم دول
ميرندا: كمان قدامي بتشاغل فيها يااسود يامحروق ياسجم الرماد
ولامن تشاغل ليك واحده قدامي تشاغل الدلقونه العامله زي الكربه دي
فانتا: اسمعي يهلفوته ياجداده يامزعوطه انتي الهبشك منو وحارقه رزك في شنو لو سالوك 00 بسبوسي عليك الرسول كان تنزلا في رف الجداد 00 لانو ان قعدنا نجاريها في الكلام حتودينا الكوشه
البيبسي: لا لا متزعلي جمالك وماعليك بيها يافانتويه البت ضاربه
سلوك(السلوك الاخلاقي) بس ماقلتي لاكين فستانك مارهيب يابت ... جسمك اي حاجه بتجي فيه ظبط
محاولا تغيير الموضوع)0)
ميرندا: انا ينزلوني في رف الجداد ياالجيتنا فجعه وبقيتي وجعه
انزل انا ياموية الحنفيه المصديه ياترباية الشوارع ... اجي اجي اجي ياكرتوب ياتمرجي
فانتا: وووب علينا وكرعلينا دي شنو البلاعه التفتحت فينا دي
باين انتي بايره ليك سنين مافي زول عايز يشتريك
ميرندا: هخخخخ تعالي دغدغيني احسن .... بايره انا ياترترا ياشبه اللساتك الورا ...ياقرقريبه ياوسخ الزريبه يامطموسه يامغموسه يالمابتعرفي الفرنش فرايز من البسبوسه...... قاااادر الله غايتو... هسه يابت دي خلقه تقابلي بيها ربنا
فانتا: لا عاجباني خلقتك .. يعني شناتك دي لو شافا القرد يحمد ربنا بكرة وعشيه انو على الاقل طلع باقل الخساير
البيبسي: كدي ياحلوين روقوا المنقه شويه .. انا بفتكر انو كلواحده فيكم ليها مميزات وليها صفات مستقلة خلونا بس في المفيد
وحوالي الساعه 12 جا واحد اشترى 2 كيلو جبنه وعلبتين مربه ورطلين زيتون وواحد بيبسي وفانتا وميرندا
;
;
;
;
;
;
;
;
فاصل اعلاني


المشهد التاني: عربيه كامري 92 لونها مفروض يكون ازرق سماوي بس الشمس الظاهر ماكان عاجبا اللون داك ... كيسين جيلاني في المقعد الخلفي احداهم قد حوى المربه والجبنه والزيتون والاخر ضم البيبيسي والفانتا والميرنداوكانت الخلفيه الصوتيه شريط كاسيت لندى القلعه
وفي اثناء الطريق دار الحوار التالي
:البيبسي: ياسلام على الساعة الرومانسيه الحبكانيه التي جعلتنا وضمتنا التلاته في كيس واحد واخر انفراد وبشكه بالليمون
(والكلام ده ساعدو بي حبة زحزحه على الفانتا)
ميرندا: ياود ماتخلي عندك ادب شنو لاصق على البت كده اديها النفس شويه
( الغيرة بدت خلاس )
فراولة:0
هسه انتي السألك منو والقال بيك منو انا عايزه اشم نفس خليك في علبك لغاية مايجي طلبك اسمعي يادي
اهي الكامري اخر كندشه وترطيبه
(واخذت تردد مع ندى القلعه)
حبيبي تعال تعال نتلم ما دام الريد اختلط باالدم
ما دام الريد اختلط باالدم انا ذنبي ايه شيلوني
حبيبي المنقه والتفاح حبيبي عسل والناس مساخ
حبيبي عسل والناس مساخ
بسافر ليك عشان ارتاح
( صولا)
بهاجر ليك انا للبحر
محل الطير هاجر رحل
محل الطير هاجر رحل
انت من هنا وللا نت زحل
( صولا)
بستناك انا في الكبري
وبضحي ليك انا بي عمري
بضحي ليك انا بي عمري
عشان عماد سحبوا مني
ياناس عماد سحبوا مني
ياناس هناي سحبو مني
وجب جبجب سحبو مني
البيبسي : يسلم لي بوزك وما ينترم يا فانتا اديها على راسها
( قصدو على الفله يعني)
يلا يلا وسعي شويه يا ميرنضه يامرضنا انتي وخليني اخد لي عشرة ونسه دقاق دقاق مع الجديده الشديده فاتنتي وفتاتي ولب فؤادي
ميرندا: اوكي قلت كده موش؟؟ لا خلاس الفيك اتعرفت يا ده ... وبراك جبتو بلسانك.... وبعدين ماتقعد تنكر ... اسمعني عارف الراجل بمسكو من وين ولا اقول ليك خلي في حنانك (قالتها وهي تحاول ان تفسح له المجال لكي يتحدث الى الفانتا)0
وقبال ما الميرندا تتحرك من مكانا قام سيد العربيه نزل يشيل حاجاتو الاشتراها ومد يدو على الكيس واتناولو لاكين لسؤ حظو انو الفاتتا الكانت حاتو قرض وبترقص مبتهجه مع الاغنية اتملصت من كيس الجيلاني وجات
خابطه الواطه على راسها واتكسرت حته حته
( الله يرحمها)
:البيبسي: اوووووووووف الحمدو لله الوقعت واتدشدشت البرايه وربك رب الخير فكانا منها 00 دي فقر ولايوقه بشكل؟ تعرفي يارندويه البت دي قدتني جنس قد وبرتني جنس بري لغاية مارفعت لي نسبة السكر والصودا في دمي... عليك الله جيبي يديك الناعمات ديل وختيهم في راسي وشوفي الفانتا دي كانت رفعت كثافتي كيف
(شفتو المسلط ابن الذين)
... ميرندا: الحراره التفقع مرارتك بالله العب غيرا الحنان ده كان وين قبيل ؟؟ يعني ياداب انا بقيت ليك غاليه يامفتري
البيبسي: مالك يامرمر انا سويت ليك شنو عشان تقول علي مفتري ؟؟؟؟
يمين بالله كنت بهظر ساي..... انتي صدقتي بي جدك كده؟؟
ميرندا: اسمع يا ود انتا بطل حركات بيبسي العلب دي وقفل على كده .. ما عايزه معاك كلام خالص ...انا خلاص قلبي تعب من الاعيبك دي ..... لاكين برضو عشان انا بحبك حاديك فرصة اخيرة تثبت لي فيها انك جادي في علاقتك معاي
البيبسي: انا جادي في علاقتي معاك ... الله يعدم شبابي يارندويه انا
وقبال مايتمها كان سيد العربيه ناولو لي واحد من ضيوفو وكرطعك كرطعك كرطعك
( ترروعك إترع)
0الضيف لي سيد العربيه: تصدق ياعثمان يااخوي غير ببسيكم البارد ده شيتن بجيبني الخرتوم دي مافي

ملطوش

[امير عبدالباقي]

ابراهيم لكن مابالغته عديل كده
لكن حراااااااااااااااااااااااام الفانتا ماتت يعني لازم نهايه الفلم من ضحيه
حلوووووووووووووووووووووووووووووووووه

[ابراهيم]

والله ماتت في النهاية

والنهاية جات حزينة

[خطاب العبيد]

الاسد بشرب فى سجارة خضراء فىالبحر قام سخنت بيه قال يدخل يستحم ويطلع يكمل الباقى فلما دخل جوه المويا وطلع لقى فى فار بجبد فىالسيجارة قام الاسد صاخفيه ده شنوده يافار قام الفار قال ليه بالله زح كده كمان جاتنا قلت أدب الكدايس .ههههههههههههههههههه


الزول الشين

[بابكر]

الوفى ابراهيم الشله الانيقه صراحه نكاتكم دمها خفيف وحلوه بجد شكرا لكم جميعا

[ابراهيم]

خطاب وبابكر

حبابكم عشرة ودايرين نتونس والله عشان نخفف عذابات الغربة والبوست دا ممكن نعتبرو حاجة كدا زي شجرة مهدى او مسطبة ناس استاذ صالح ودي حتات بتاعة ونسة بتجمعوا فيها شباب الفريق آخر اليوم ... وبنتدفق فيها واي واحد بحكي المواقف اليومية العادية البتمر بيهو او بمر بيها رايكم شنو؟

لكم تحياتي ولنا عودة

[وهج]

لكن البيبسي والميرندا مبالغة

تسلمو على المرح اللذيذ

[أبوريلان]

أبراهيم سلالالالالالالالالالالالالالام

والله أول مره أمر فيها على هذا البوست خفيف الدم ، لكن البيبسى والمرندا والفانتا خطيره مره ، تسلم على البوست .

[ابراهيم]

تسلمي يا وهج على مرورك الطيب

سلامي ليك كتير يا ابو ريلان وبركة الشفناك طيب

وانا كان عارفك بتجي بي جاي كان جهزت القهوة

والغداء لكن بقولو الجايات اكتر من الرايحات