ظاهرة سيئة..لابد من معالجتها..

[الفخيييم]

أحبائي اعضاء منتديات ست المدائن..
تحياتي واحترامي للجميع..
استوقفتني ظاهرة سيئه ابان زيارتي
الآخيرة لودمدني..رأيت عدداً ليست بالسهل
من الشباب وغيرهم وفي أحياء مختلفة
لا اريد ان افصلها هنا ..في كل صباح أري
هذا المنظر الذي لا يمت للرقي بصلة
ونحن مدينة الرقي والثقافة كيف لنا
ان نأتي بهكذا تصرفات..من الصباح تشوف
زول بفانلته الداخلية يمسك بالفرشاة
والمعجون يتطاير من فمه في منظر
غير حضاري علي الاطلاق..وهو في
باب منزله وعينك يا تاجر..
نحن ما عايزين طرق ومرافق صحية
فحسب بل عايزين توعية وتنمية بشرية..
الغرض من الطرح هو الادلاء باراءكم
حتي نعالج مثل هكذا ظواهر سيئة..
ولكم خالص الود والاحترام..

[الجندي المجهول]

حبيبنا الفخيييييييييييييم
ببصم معاااااااااك بالعشرة ( وعندي ليك رجعة ) في شكل وجعة

تخريمة : امس الهلال لعب ماتش جميل وخاصة انه في بداية الاعداد مبرووووووووووووووك لكل اهل السودان ( خاصة والدي العزيز اطال الله عمره)

[عنكوليب]

الفخيييييييم والجندي المجهول ..
تحية خالصة لكم وجدا ..
وياالجندي ، يا أخي الزول ده جننته جن
خليه يمشي شوية لقدام كدي
عشان نشوفو ماشي وين ؟
يمكن ماشي استاد الهلال !
الفخييم .. موضوعك يستفذ المشاعر الصاحية فقط
ولكن يا حليل اهل الفهم ،،،، ألم أقل
لك أمس انت فخييييييييييييييييييييييييييييييييييم !

[روبش]

العزيز .. الفخيييييييييم
لك التحاايا ....
حقيقة ظاهرة غير حضارية وهذا يدل على العطالة .. وربنا يستر من القادم

[صديق شاني]

شاخوووووووووورة داقي جرس في الموضووووووووووع دا يا فخيم


تقدير لمشاعركم حنغير اللون لانو جنن يوهانز

[ABUZAID]

حبيبنا الغالي - الفخيييم

يمكن شافو نانسي عجرم عملتها

وللا يمكن محمود عبد العزيز

ده شكلو نيو لوك
وجعة
ووجعة
ووجعة

بتعمل كارثة

وماخفى اعظم

تحياتي

[ahmed algam]

الفخيم

صحي كلامك المنظر دا بكرر كل يوم

وفي اغلب الاحياء

بس نقول شنو كان فتحت خشمك


يدوك بالعكاز اي زول يقول دا خشم بيتي



ربنا يهدي الناس

[محمد حسين (المميز)]

يتسوك ويقول اععععععع كمـان

وزي ماقال اخونا احمد علقم

تفتح خشمك يدوك فرشه في خشمك

[محمد الجزولى]

الفخييييم تحياتى
والله بصراحه موضوع غريب
بس اسى النوع البتسوك فى الباب ده كان سالوهو واقف بره مالك يقول شنو ؟؟؟
وهو مستعجل على الطلعه قدام الباب مالو ... ما النوع ده اكيد بعد مايتسوك ويشرب الشاى ح يجى يقعد فى اقرب حجر قدام البت
غايتو ربنا يعين
لك تحياتى اخى الفخيييم

[الفخيييم]

حبيبنا الفخيييييييييييييم
ببصم معاااااااااك بالعشرة ( وعندي ليك رجعة ) في شكل وجعة

تخريمة : امس الهلال لعب ماتش جميل وخاصة انه في بداية الاعداد مبرووووووووووووووك لكل اهل السودان ( خاصة والدي العزيز اطال الله عمره)

الجندي الجميل..ياخ انت رجعتك بتزيل الوجع..
بلسم شافي ..اعمل حسابك البصمة نظام امريكي..
خصوصاً بالعشرة..

ضربة جزاء:احييك علي الروح الرياضية الطيبة دي..
ربنا يطول ليكم في عمر الوالد ان شاءالله..
طيب الوالد سيد بلد انت طلعت لمنو؟
موسي الزومة ده ح يسبب ليك ضغط وسكري..

[الفخيييم]

الفخيييييييم والجندي المجهول ..
تحية خالصة لكم وجدا ..
وياالجندي ، يا أخي الزول ده جننته جن
خليه يمشي شوية لقدام كدي
عشان نشوفو ماشي وين ؟
يمكن ماشي استاد الهلال !
الفخييم .. موضوعك يستفذ المشاعر الصاحية فقط
ولكن يا حليل اهل الفهم ،،،، ألم أقل
لك أمس انت فخييييييييييييييييييييييييييييييييييم !

عنكوليب تحياتي واحترامي..
طرح الظواهر السالبة من اجل ايجاد
الحل الناجع ومن اجل مجتمع مدناوي
معافي من هكذا تصرفات عشوائية..
المشاعر لسة صاحية علي فكرة
بس ممكن نقول استراحة محارب وكده..
تخريمه:نستمد الفخامة من الرائعين
امثالكم بهذا الصرح الراقي والجميل ..

[الفخيييم]

العزيز .. الفخيييييييييم
لك التحاايا ....
حقيقة ظاهرة غير حضارية وهذا يدل على العطالة .. وربنا يستر من القادم

الازرق الانيق روبش..كل الود والتحايا
ظاهرة سالبة لا ترقي وانسان ودمدني
لكن العطالة غير مبرر حتي نتصرف هكذا
السلوك الحضاري لا علاقة له بالشخص
عاطلاً كان او العكس..

تخريمة: هلال 2010 مولع امسكوا الخشب وساسادومبا..
لك تحياتي مجدداً..

[الفخيييم]

شاخوووووووووورة داقي جرس في الموضووووووووووع دا يا فخيم


تقدير لمشاعركم حنغير اللون لانو جنن يوهانز

شنن نو يا شننو يا هندسة اخبارك..
شاخورة فريقهم كلوا بيعمل الحركة دي
عشان كده دق طار..ربنا يعين غايتو..
ياخ يوهانس انت ما عارف الجننو شنو؟
أسأل جماعتكم المشو سنار..

[الفخيييم]

حبيبنا الغالي - الفخيييم

يمكن شافو نانسي عجرم عملتها

وللا يمكن محمود عبد العزيز

ده شكلو نيو لوك
وجعة
ووجعة
ووجعة

بتعمل كارثة

وماخفى اعظم

تحياتي



الاستاذ ابو زيد..كل الود والاحترام
المؤسف انو ده الحاصل الكل يحذو
حذو تقليعات المتفننون والكليبات..
لكن معقولة يكونوا شافوا محمود
عمل كده وهم ساجدين!!
ولا في طشت نناسي ..
منتهي العجرمة ربك يستر..
اه من الوجع العلينا يا رائع..

[الفخيييم]

الفخيم

صحي كلامك المنظر دا بكرر كل يوم

وفي اغلب الاحياء

بس نقول شنو كان فتحت خشمك


يدوك بالعكاز اي زول يقول دا خشم بيتي



ربنا يهدي الناس

احمد علقم اخبارك وامورك ياخ..
نتحمل العكاز والسوط من اجل
تغيير ايجابي لمثل تلك التصرفات
حتي نرقي بمجتمعناللافضل..
اعمل حسابك من العكاكيز والطوب..

[الفخيييم]

يتسوك ويقول اععععععع كمـان

وزي ماقال اخونا احمد علقم


تفتح خشمك يدوك فرشه في خشمك
المميز تحياتي..
ياخ تفتح خشمك يدوك فرشاة في رأسك..
يمكن عشان دي بنتفوق بيها علي حبايبك
الفراعنه..عشان كده بيعملوها برة..

[الفخيييم]

الفخييييم تحياتى
والله بصراحه موضوع غريب
بس اسى النوع البتسوك فى الباب ده كان سالوهو واقف بره مالك يقول شنو ؟؟؟
وهو مستعجل على الطلعه قدام الباب مالو ... ما النوع ده اكيد بعد مايتسوك ويشرب الشاى ح يجى يقعد فى اقرب حجر قدام البت
غايتو ربنا يعين
لك تحياتى اخى الفخيييم

الاستاذ الرائع جداً محمد الجزولي..لك مني كل التحايا
يكونوا بيعملوا في دعاية لاحدي شركات المعجون..
من جوار منازلهم عشان كده بيعملوا الحركة دي برة
عشان المارة يشوفوها (live) وكده..لك احترامي..

[مدنيّة]

منظر مؤسف والله

والواحد لو مابراااااااااااااااه عرف انه منظره دا غير لايق
مافي زول مهما كان يقدر يوصل ليه الحاجة دي

عشان كدا يافخيم غمض وامشي

[عوض صقير]

واحد أخونا قال كل يوم بصحى للعمل فى مواعيد ثابتة قد تختلف دقيقة أو دقيقتين ...

دون أن يضبط منبه ساعة ...

وكان رده بعد محاولاتنا الفاشلة لمعرفة ما يجعله يصحى دون منبه ...

هو : بأن الأصوات العالية الصادرة من جارهم أثناء السواك هى التى تجعله يستيقظ يومياً ...


وذات يوم حضرت والدته لتفاجأ بأن إبنها مازال نائماً والوقت قد تأخر عن العمل ... وعندما قامت بإيقاذه فزع الأبن وزعل جداً من جاره ... ولكن قبل ذهابه للعمل ذهب وسأل عن جاره ( أقصد منبهه ) للأطمئنان وكده ... وعندما طرق الباب فتح له إبن الجار ... قال له : أين أبوك اليوم إن شاء مافى عوجه ... رد الولد وقال : بأن والده سافر خارج المدينة فى مأمورية قد تستغرق أكثر من أسبوع ...

[الملكة اسماء ( ام محمد )]

واحد أخونا قال كل يوم بصحى للعمل فى مواعيد ثابتة قد تختلف دقيقة أو دقيقتين ...

دون أن يضبط منبه ساعة ...

وكان رده بعد محاولاتنا الفاشلة لمعرفة ما يجعله يصحى دون منبه ...

هو : بأن الأصوات العالية الصادرة من جارهم أثناء السواك هى التى تجعله يستيقظ يومياً ...


وذات يوم حضرت والدته لتفاجأ بأن إبنها مازال نائماً والوقت قد تأخر عن العمل ... وعندما قامت بإيقاذه فزع الأبن وزعل جداً من جاره ... ولكن قبل ذهابه للعمل ذهب وسأل عن جاره ( أقصد منبهه ) للأطمئنان وكده ... وعندما طرق الباب فتح له إبن الجار ... قال له : أين أبوك اليوم إن شاء مافى عوجه ... رد الولد وقال : بأن والده سافر خارج المدينة فى مأمورية قد تستغرق أكثر من أسبوع ...


ههههههههههههههههه
والله لو مااخاف الكذب دا ممكن يكون حال كثيرين

[عوض صقير]

ههههههههههههههههه
والله لو مااخاف الكذب دا ممكن يكون حال كثيرين

الملكة .. نسيت أقول بأن الأبن عند خروجه للعمل تفاجأ بأن هناك أكثر من واحد تأخر عن العمل بنفس السبب .. الظاهر أن عتبة باب الشارع الخاصة بالجار ( المنبه ) عاليه شوية ..

[سموحة]

سبحان الله لو ماخاف الكذب .......... ده شوي ......... للشرطات

[سيف الدين الامين]

الظواهر السـالبة في حياتنا اليومية كثيرة ولا يمكن اختزالها في هذه الظاهرو فقط
لكن ما يحز في النفس أن من يأتون هذه الأفعال القبيحة ليس لديهم واذع نفسي
يردعهم من الاتيان بهكذا افعال وليت الحال ينتهي عند هذه النقطـة بل يتبعه بعـد
ذلك تجمع هذا وذاك وآخرين في أحد الأركان من الحي يصوبون أسهم أعينهم تجاه
هـذا وتلك مما يصيب الكثيرين والكثيرات بالحـرج ولكل من يأتي هذه الأفعــال الغير
حضارية (( اذا لم تستحي فأفعل ما تشــــــــــــــــــــــــــــــــــــــــــــــــ ـــــــــــــــاء )).

[ودسمير]

يا ولدنا الموضوع بسيط والاشياء السالبة بالكوم وذلك لان الدم الافريقى يجرى فينا يعنى التخلف والامراض يعنى يا الفخييم ل باريت الاشياء دى ح يجيك ضغط وسكر ثم اخيرا مستشفى المجانيين غايتو ربنا يهدى الجميع لعمل الخير

[بنت النيل]

الشباب بيتسوكو في الشارع
والاولاد بيكملو لبسهم وبيزررو القميص في........ الشارع
والبنات الصغار بيحجبو طرحهم في........... الشارع
والنسوان بيلحقوهم بالشاي برضو في................ الشارع
السؤال البيطرح نفسه البيوت دي سووها لي شنو ؟؟
ياريت لو كل واحد يعمل حاجاته الخاصة جوه البيت
عشان مدني الجميله ترجع زي نصف ما كانت

[خالد أحمد الصول]

حدثني صديقي و قال أنهم أثناء مرورهم صباحا الي العمل لاحظو وجود شاب طالع في الحيطة و قاعد يتسوك ... زولك إنحرق منو شديد قال ليهو عليك الله دي عملية تعملها فرد عليه الشاب بإشارة من يده ... كدة .....

[الزبير محمد عبدالفضيل]

عمليه عجيبه