الصداقة..انقلبت علي عاتقها..

[الفخيييم]

نري جميعنا في هذه الايام..الصداقة قد انقلبت
علي عاتقها وأصبحت تسمي صداقة القلب والعمر
بصداقة الوقت والمصلحة ،فعند هذا غاب وفاء الصداقة..
عندما غابت شمس الاخلاص لتلك الكلمة الرائعه التي
لطالما أنقذتنا وأروتنا بمعناها الرائع والجميل.
وإليكم التفاصيل:
يعرفوني ويعرفونك..يتذكروني ويتذكرونك
عند ساعة الحاجة وقت الشدة والمصالح!
لايعرفوني ولايعرفونك..لايتذكروني ولايتذكرونك
وقت الرخاء وعندما تحين ساعة الفرح والهناء!
أتعجب وقلبي يعتصر ألماً عندما تنتهك أسمي
وأغلي علاقة في هذه الدنيا،تنتهك دون حياء
ودون تأنيب الضمير ودون خجل!!!
إنها صداقة المصالح إنها صداقة الوقت والحاجة والشدة.
يطلبون وقوفك معهم في الاوقات العصيبة من حياتهم
تنهال الاتصالات واللقاءات والمجاملات
في انتظار وقوفك ومساندتك لهم..
تنتهي كل هذه الاتصالات واللقاءات
والمجاملات بعد إنتهاء مهمتك!!
حين تنفرج همومهم..ومصائبهم..واوقاتهم العصيبة..
في ايامك العصيبة وعند مواجهتك لأبسط الشدائد
يدق باب رد الجميل..ولكن لا مجيب يتجاهلونك وتنقطع
سبل التواصل المتاحة (سبحان الله)..
يتبخرون أمامك ويصبحون مثل السراب
في أيامك العصيبة!! إن سألت لماذا؟
قالوا عذراً مشغولون بهذه الدنيا!(دنيا دنيئة بالفعل)..
يا لها من صداقة كريهة وبائسة..
لا تستحق تضييع جزء من الثانية معهم..
وآخر حديثي عنهم اخوتي واخواتي:
لن أكون منهم..
ولا تكونوا منهم..
ولن نقبل بصداقة المصالح..


منقول للفائدة..

[أبو جودي]

أخي الفخييم ،،، فعلاً وللأسف هذا هو الحال في هذا الزمن
وليس مربوطاً بالصداقة فقط حتى بالعلاقات الأخرى من الزواج والمعارف وغالبية العلاقات بترتبط بوقتها فقط وهذه هي النقطة الخطيرة
فكل شيء ارتبط بمصلحة معينة أو وقتية فهو إلى زوال
فالنتعلم جميعاً بأن تكون ارتباطاتنا وعلاقاتنا جميعها مبنية على اساس وليس على عارض سوف يزول في يوم من الأيام
وتكون الحقيقة هي الباقية
لك ودي أخي الفخييم

[بدر الدين احمد الطائف]

الفخيم متعك الله بالصحة والعافيه
(الصديق وقت الضيق)
مثل بسيط فى كلمتين ولكن تجده يفسر معنى الصداقه الحقيقة.
ودمت ياحبيب عنوان للوفاء.

[مدنيّة]

بصداقة الوقت والمصلحة ،فعند هذا غاب وفاء الصداقة..
عندما غابت شمس الاخلاص لتلك الكلمة الرائعه التي



تعال اسالني انا من "صداقة" المصلحة
والزول اللي ما بتذكرك ولا بتصل عليك الا عشان مصلحة
والزول الماسك خط بينك وبينه بث عشان لما يحتاج لمصلحة يلقاها عندك

[الفخيييم]

أخي الفخييم ،،، فعلاً وللأسف هذا هو الحال في هذا الزمن
وليس مربوطاً بالصداقة فقط حتى بالعلاقات الأخرى من الزواج والمعارف وغالبية العلاقات بترتبط بوقتها فقط وهذه هي النقطة الخطيرة
فكل شيء ارتبط بمصلحة معينة أو وقتية فهو إلى زوال
فالنتعلم جميعاً بأن تكون ارتباطاتنا وعلاقاتنا جميعها مبنية على اساس وليس على عارض سوف يزول في يوم من الأيام
وتكون الحقيقة هي الباقية
لك ودي أخي الفخييم


الحبيب ابوجودي لك خالص ودي..
للأسف ده الحاصل أصبحت الحياة
شبيهة بحياة (الطفيليات) مبنية
علي المنفعه فقط ودي كارثة
تهدد المعاني السامية للصداقة..
لك الشكر علي مداخلتك الرائعه..

[الفخيييم]

الفخيم متعك الله بالصحة والعافيه
(الصديق وقت الضيق)
مثل بسيط فى كلمتين ولكن تجده يفسر معنى الصداقه الحقيقة.
ودمت ياحبيب عنوان للوفاء.


الاستاذ بدر الدين الطائف تحياتي،،،،
مثل معبر وشامل لمضمون الصداقة
النقية والحقة لكن الناس ما فهمتو
ولا بيتجاوزو مضمونه؟ربنا يجعلنا
من الاوفياء والمخلصين ولك ودي.....

[الفخيييم]

تعال اسالني انا من "صداقة" المصلحة
والزول اللي ما بتذكرك ولا بتصل عليك الا عشان مصلحة
والزول الماسك خط بينك وبينه بث عشان لما يحتاج لمصلحة يلقاها عندك


اختي مدنية ..احتراماتي..
شكلك مؤزمة من النماذج دي..
ربنا يصلح الحال ..

تخريمة: يكون الجماعه سمعوا بيك
شغالة اعارات وسمسرة تسجيلات
عشان كده اتلحوك تلفونات وكده..
اها السنة دي مريخكم كيف؟

[الاميره]

الصداقه الحقيقيه صداقات ناس زمان زمن الدنيا بخيرها
الان كل شئ مصطنع وتقليد من اجل ملء الفراغ وقتل باقى الوقت.
والحقد والحسد فى المقدمه عند اصحاب علاقات و صداقات المصالح..
فمثلا صديقه تلاقيها فى الجامعه وبنت ناس محترمه وكل شئ ماشى تمام وتمر السنين وبطيبه قلب ونيه صادقه تتعايش معاها وفجاء تكتشف ان كل شئ جميل كان مصطنع وعلى مر السنين..مصلحه وصداقة مصلحة تستمر الى لحظة التخرج وبعدها تقول ليك سلام
والعجيب الصداقه فى الغربه ملىوقت وحساده ومصالح

[سموحة]

في الزمن ده مافي صداق في ............... طعن حلف

[esmat]

اختيار الصديق تحكمه معايير
وإيجاد العذر للصديق ايضاً يميزك كصديق تحفظ حقوق صديقك
والكشف عن وجه الصديق في وقت حوجتك له خيرا من الموت على يديه

ابحث لصديقك عن عذر ستجده فهو باب قلبك

[روبش]

حليل زمن الصبى يا الفخيييييييييييييييييييييم اخوي

[روبش]

تعال اسالني انا من "صداقة" الزول الماسك خط بينك وبينه بث عشان لما يحتاج لمصلحة يلقاها عندك

عمتي .... يا ربي ده يكون منو

[الفخيييم]

اختيار الصديق تحكمه معايير
وإيجاد العذر للصديق ايضاً يميزك كصديق تحفظ حقوق صديقك
والكشف عن وجه الصديق في وقت حوجتك له خيرا من الموت على يديه

ابحث لصديقك عن عذر ستجده فهو باب قلبك

حبيبنا عصمت صباحك باسطة..
اي عذر البتجدو هنا يا عصمت
بعد كل ما ذكر في رأيك هل يمكنك
ان تجد عذراً؟قالوا الصديق وقت الضيق
وصديقي من يرد الشر عني ويرمي
بالعداوة من رماني لكن ان تتحول
الصداقة الي مصالح فقد افرغت من
معناها الحقيقي وللأسف ده الحاصل..

تخريمة: هلال صعب امسكوا الخشب..
خلينا مع الهلال يا ولدنا لانو هو الملاذ..

[الجندي المجهول]

والله دي مشكلة كبيرة صداقة المصحلة دي وطبعا ينتهي مفعولها بكل تأكيد بزوال المؤثر ( عيب والله عيب)

تخريمة : انا ما عارف لكن زول زي دا ارمي طوالي وراء ظهرك ،،،،،،،،،،،،،،، (ولكن لا تقطع المساعدة ليس حباً فيه ولكن ابتغاء مرضاة الله - يعني في سبيل الله وتلقاها في ميزان حسناتك )
تخريمة تانية : ما تتأخر يااااااخ

[الجندي المجهول]

تعال اسالني انا من "صداقة" المصلحة
والزول اللي ما بتذكرك ولا بتصل عليك الا عشان مصلحة
والزول الماسك خط بينك وبينه بث عشان لما يحتاج لمصلحة يلقاها عندك

الاخت مدنية وبيني وبينك الماسك سلك طوالي وبيسأل منك اخير من الزول البتذكرك وقت المصلحة فقط ، ووقت ما تنقضي (يركنك في الرف للمصلحة القادمة) ابو سلك احسن بي كتير .. ولا شنو ؟

[بحيرى]

يا فخيم حتى كلمة صديق اختفت جات كلمة (فرده)
يعنى بالتالى المعنى اختلف
يا فخيم شكلك انقرصت من صديق