المساعد الشخصي الرقمي

مشاهدة النسخة كاملة : بدء حملة رش الباعوض في المدينة بتكلفة 500 مليون جنيه ..


nehroo
21-01-2010, 10:47 PM
دشنت وزارة الصحة ولاية الخرطوم إنطلاقة حملة رش الباعوض الطائر بالماكينات المحمولة على العربات أمس بكل المحليات والتي تستمر لمدة 15 يوماً بتكلفة قدرها 500 مليون جنيه وعدد 35 عربة رش وأبان المدير العام دكتور طلال الفاضل أن الحملة تستهدف كل محليات الخرطوم كاشفاً عن إنخفاض معدل الاصابة بالملاريا بينما ظلت نسبة توالد الباعوض كبيرة جداً.مطالباً المواطنين بفتح الأبواب والشبابيك أثناء مرور العربة وأضاف أنه بالتزامن مع حملات الرش سيتم صيانة 17 ألف ماسورة مكسورة مناشداً المواطنين للتعاون بردم البرك والتبليغ الفوري عن الكسورات وتجفيف المكيفات.وأوضح مدير مشروع الخرطوم محمد عباس أن نسبة الإصابة بالملاريا إنخفضت كثيراً عن العام السابق ففي الماضي كانت مليون حالة في الأسبوع الآن تبلغ 1400 حالة في الأسبوع.مؤكداً أن السبب في إزدياد نسبة توالد الباعوض هو نراكم النفايات وكسورات شبكة المياه الكثيرة مشيراً إلى أنه ستتم معالجة خاصة لمنطقة جبرة وجبل الأولياء لإنتشار الباعوض فيها.



ومدني طبعن البعوض أصلوا مافيها ..
نحمد الله لا بعوض لا ملاريا ..
أبوربا
22-01-2010, 05:49 AM
التحية لمواطن مدينة ود مدني الصامت أما م جيوش الباعوض .............
nehroo
22-01-2010, 06:17 AM
ابوربا .. الصامت ولا الصامد
محمد حسين (المميز)
22-01-2010, 10:50 AM
طبعــا محل الرئيس بينوم والطيـاره بتقـوم

اما مدني مااااااااااااضروري

ناسها مابيستاهلو

صابرين وساكتين

وواليها الجديد زي القديم



آآآآآآآآآآآآهـ يانهـرو
أبوعلي
22-01-2010, 11:59 PM
وين عامل الناموس (الباعوض) وين الزيت الراجع من السيارات البيكون في زجاجة البرش بيها المياه الراكضة
ولا صرف مبالغ طائلة وفي النهاية صلاحية المبيدات منتهية
أبورهف
16-02-2010, 01:05 AM
الزول الرايع نهرو
الظاهر انو البعوض هجر مدنى زى ماهجروها اهلهت(او اتهجرو بقينا زى ناس حلفا) قال احسن اشوف محل الدولة شغالة تنمية وامشى المهم مشى عمل عمل ليهو حركات هناك(حركة البعوض الحر الاصل ,وحركة البعوض جناح الانوفلس, والبعوض جناح الكيولكس, واتحالفو مع بعض الحركات المسلحة لى الناموس ) واخر شريط بثتو قناة دسكفرى ظهر فيهو قائد حملات البعوض الانتقامية وقال لن تنعم الخرطوم بى الامن (تبقى خالية من الملاريا يعنى) مادام اخوتنا يعانون من قلة مصادر الدم فى الولايات الاخرى (قلة مصادر الدم دى على وزن قلة الفئران فى بيتى ... نجر جد) وعندهم كم عملية انتحارية ح ينفذوها فى غضون الايام القادمة بناءا على معلومات وردت من ال(bakh) ودا اختصار لجهاز مخابرات بعوض الملاريا الخبيثة انو الحملة دى كلام فارغ ساى مادام فى موية (ومكان الصرف الصحى الفى الحاج يوسف داك اللة يكرمكم)

ضربة جزاء
وبعدين (500) مليون دا مبلغ خرافى لى عملية بتاعة مكافحة بعوض لانو الموضوع مابكلفك اكتر من ديزل وتكبو داخل مكنة الرش بمعدل ( 0.09) لتر ديزل لى الف متر مربع ودا بى النسبة لى البعوض الطاير (سعر اللتر كم )
اما بى النسبة لى الاطوار المائية فيمكن نستعمل ليهو مبيدات زى (البروبكسر والثايبر مثرين والملاثيون .......الخ) ودى كلها نسبة الخلط بتاعتها (0.03) لتر مبيد الى لتر موية وفى السعودية هنا سعر اللتر مابفوت ليهو 14 ريال (سودانى كم) واغلى واحد سعر اللتر( 53)ريال( وبرضو سودانى كم) والعربات حقة الحكومة والبترول حقنا راقد يعنى حكاية ال(500)مليون دى يقولوها لى زول ماعندو حديدة
لفة كبييييرة
دا بعووووووض ولا تنظيم القاعدة
الزبير محمد عبدالفضيل
17-02-2010, 08:21 PM
الباعوض موجود في السودان عامة لاكن في الجزيره والخرطوم بكثره وكميات ضخمه والتوالد بسرعه . ومن هنا نناشد المواطن الكريم بردم البرك

والمستنقعات والبالوعات داخل المناز ل والاهتمام بتنظيف المنازل ودورات المياه والابتعاد من أمكان تواجد الباعوض ورش المبيدات

ونناشد حكومة الولايه بتوفير المبيدات ويكون الرش صباح ومساء حتي يتم وقف توالد الباعوض ووقف دورته للتوالد