ليـــــــــــــــه يا حكـومـه !!!!!!!

[محمد حسين (المميز)]

بسم الله الرحمن الرحيم



ليـــــــــــه ياحكــــــومه??!!




من فتره طالت ومازالت وولاية الجزيره تشكو الامرين من الناحية الاقتصاديه والصحيه والتعليميه وكل البنى التحتيه

تدخل السوق قروش مافي

تمشي المستشفى العلاج بالشي الفلاني

تدخل المدارس تتحسر على الفصول والكراسي والادراج وتتحسر كمــان على الطلبه والمعلمين

تعاين للكهرباء تتمناها تجي تفك عنك وشويه تقعد تحسب في العداد زي السبحه

اما المويه عندنا نيل يقول ياليل واهله عطاشه ولمن تجي حضرتها((المويه طبعا)) بتجي جايبه معاها خفايا المواسير

وظائف مافي شغل مافي

تم تغييـر الوالي ووعدنا بالتنميـه السريعه والمتطوره

وعدى الشهر ورا التاني والحال يزداد الى الاســوأ وكـأن شي لم يكـن

والاعلام حقنا من ما نصبـح لغاية مانمسى

برامج واخبـار بتنـادي دارفــور بلـدنا

ماقلنـا حاجـه دارفور بلدنا ودارفـور اهلنـا والغرب كلـه فوق راسنــا

كل الاهتمـام اصبح منصب على دارفـور والتنميـه دارفـور

هـــــــــل ده كلــه عشـان اهلنـا في دارفــور صرخـو

وصرختهـم وصلت للعـالم أجمـع ووصلت للاعلام الخارجي؟؟

هـل لأنـه اهل الجـزيره مسالميـن ومابيصـرخـو ومستسلميـن منتظـرين الفـرج يجي براحتـه

هل اهل الجزيره ومدني لا يستحقـو ان تكون ولايتهم او مدينتهم مدني

كمـا هي الحـال في ولايـة الخـرطوم معمـار واهتمـام

لمـاذا دائمـا ولاية الجزيره هي مديونه وممزقه وهي كانت الولايه الاولى

بين الولايات من الناحيه الاقتصاديه

وعدنا بسفلتة الشوارع ولم نرى سفلته

بل راينا اقتلاع للشوارع وبعدها راينا التراب يتراكم على الاليات المركونه


من الطـرائف العالميـه ان يحجز مواطن على ممتلكات الحكومه

من اجل الضغط عليها لسداد مديونيه له


حدث هذا في بلدنا وولايتنا ومدينتنا مدني

حيث شهدنا مواطن يحجز على عربات وزارة الماليه بولاية الجزيره ..

عشـــــــان عاوز قروش من الحكومه وما ادته..... فضايح غريبه



شفنــا تصفيـة مشروع الجزيره وتسريح عامليــه بحجـة التطـوير

بصراحه لم نرى في الفتره الاخيـره مايسعـد مواطن الولايه

غير انه ناس الضرايب عاوزين

ناس العوائد عاوزين

ناس المحليه عاوزين

ناس المويه عاوزين

ناس المدارس عاوزين مع انه بنسمع بحاجه اسمها مجانية التعليـم

سوق الخضار داااااايما في زياده وقال نحن بلد زراعي

اللحمه زاااااايده وقال عندنا اضخم ثروه حيوانيه

حتى البنزين قبل ظهور البترول كان ارخص

ولسه الزياده جايه

الجمارك حدث ولا حرج

المحاصيل تضرب الارقام القياسيه



وماتقولو سيوله ماديه مافي في البلد

موجووووده والخرطوم ماشاءالله تملا العين وتشرف

بورتسودان اصبحت محط الانظار

ودارفور ماشاءالله المشاريع بالكوم



كل هذه تساؤلات تضع الحيره على مواطن مدينة مدني

الغلط السويناهو شنو؟؟ والسبب شنو؟؟

كل المدن ازدهرت واتطورت ومدينتنا في الحضيض


والســـــــؤال للمســؤوليـن

الى متى يستمــر الحـــــــــــال







لست من اللذين سمو نفسهم بالمعارضين
ولست من هم بالسياسييــن
بل انا من المواطنيـــن
ســـــوداني وسـأظل ســـوداني








وصيــه: لو اختفيت تلقوني جنب الاداره المركزيه في مدني
ولا في كوبر عديــل((كوبر الكوبري مش حاجه تاني))

[تغريد]

حقيقة يا المميز حال مدني يغني عن السؤال

واجابة سؤالك دا ممكن يغير حال مدني للأفضل

وكل المزكور اعلاه حقيقة نمضغها علي مضض ولا نستطيع أبتلاعها

والعجب العجاب ان ولاية غنية بخيراتها واراضيها الزراعية يصرح الوالي فيها بان خزينتها فاااااااااااااااااااااااارغة

والادهي ان عليها مديونية كمان

يعني خراب حقيقي

وحقيقة أصبحنا لا نهتم بما يجري حولنا

فمدني حالتها مؤسفة وبينما كل الولايات ماشة كويس معمار وحضارة

مدني ياها مدني من زمن بعيد ما في اي تغيير

بل العكس تخلف وانعدام خدمات مفروض تتوفر في اي قرية

نقول شنو يا المميز

الله يكون في العون

وبجيك راجعة تاني نشوف الباقي


تخريمة

انت يا المميزكوبر دا فيهو قسم نسائي ولأ أجهز خيمتي :cool::D:cool:

[ابو الجيلى]

تخريمة

انت يا المميزكوبر دا فيهو قسم نسائي ولأ أجهز خيمتي :cool::D:cool:




أقسام يا دكتورة اتجهزى ساى

[ابو الجيلى]

المميز يا أخوى

مافى زول بسمعك وكلامك عين الحقيقة

انحنا شدة ما حاقرين بينا رشحو ناس من خارج الولاية

فى مقاعدنا ...

وخلى ساى يا اخوى الباقى حمدو فى بطنو ..

وتقول ماسياسى السياسة دى كيف ...

[الزبير محمد عبدالفضيل]

أخي المميز فعلا أنته دقيت علي الاوتاااار الحساسه كل ما ذكرت صحيح ونتمني أن تكون هنالك أذن صاغيه لهذا الكلام ودمدني محتاجه للكثير ونناشد حكومة الولايه بتنفيذ ماهو مطلوب

لمواطن الجزيره عامه ودمدني خاصه

[الفخيييم]

المميز فعلا مميز ..
لك التحية من صميم الفؤاد،،،،،،،
طرح جرئ واسئلة موضوعية وواقعية
تؤكد تماما المامك بما يحدث في ام المدائن
علي كافة مستوياتها صحة وتعليم وسوق خضار والخ .....
لابد من مناقشة تلك القضايا بشفافية حتي يتسني لنا
الاسهام في حل كل المعضلات التي تجابه انسان الولاية
وودمدني علي وجه الخصوص..

[ABUZAID]

حبيبنا الغالي - محمد حسين ( المميز )

كل الود والاحترام


الخرطوم ماشاءالله تملا العين وتشرف

الخرطوم دي العاصمة
محل الرئيس بينوم
والطيارة بتقوم
يعني عادي وكده



بورتسودان اصبحت محط الانظار

وبارك الله في اهل الشرق وحركات التمرد اللي قامت ولم تطفا حتى الان



ودارفور ماشاءالله المشاريع بالكوم
لازم تبقى المشاريع بالكوم
ده العالم كلو بينظر لي دارفور


الظاهر ياخوي ما حنتقدم الا نعمل لينا تمرد ونتسلح بالسفروقات والسكاكين
ولازم يموتو مننا الاف ويتهجروا ويتشردو الباقين
والاهم من كده موضوعنا يطلع للامم المتحدة واوكامبو موجووووووود

وللا شنو . . . .! ! ! !

[محمد عبد الله عبدالقادر]

المميز يا مميز سلامات
زي مال قال الجندي المجهول
البلد دي ما عندها وجيع

[الجندي المجهول]

بسم الله الرحمن الرحيم



ليـــــــــــه ياحكــــــومه??!!




من فتره طالت ومازالت وولاية الجزيره تشكو الامرين من الناحية الاقتصاديه والصحيه والتعليميه وكل البنى التحتيه

تدخل السوق قروش مافي

تمشي المستشفى العلاج بالشي الفلاني

تدخل المدارس تتحسر على الفصول والكراسي والادراج وتتحسر كمــان على الطلبه والمعلمين

تعاين للكهرباء تتمناها تجي تفك عنك وشويه تقعد تحسب في العداد زي السبحه

اما المويه عندنا نيل يقول ياليل واهله عطاشه ولمن تجي حضرتها((المويه طبعا)) بتجي جايبه معاها خفايا المواسير

وظائف مافي شغل مافي

تم تغييـر الوالي ووعدنا بالتنميـه السريعه والمتطوره

وعدى الشهر ورا التاني والحال يزداد الى الاســوأ وكـأن شي لم يكـن

والاعلام حقنا من ما نصبـح لغاية مانمسى

برامج واخبـار بتنـادي دارفــور بلـدنا

ماقلنـا حاجـه دارفور بلدنا ودارفـور اهلنـا والغرب كلـه فوق راسنــا

كل الاهتمـام اصبح منصب على دارفـور والتنميـه دارفـور

هـــــــــل ده كلــه عشـان اهلنـا في دارفــور صرخـو

وصرختهـم وصلت للعـالم أجمـع ووصلت للاعلام الخارجي؟؟

هـل لأنـه اهل الجـزيره مسالميـن ومابيصـرخـو ومستسلميـن منتظـرين الفـرج يجي براحتـه

هل اهل الجزيره ومدني لا يستحقـو ان تكون ولايتهم او مدينتهم مدني

كمـا هي الحـال في ولايـة الخـرطوم معمـار واهتمـام

لمـاذا دائمـا ولاية الجزيره هي مديونه وممزقه وهي كانت الولايه الاولى

بين الولايات من الناحيه الاقتصاديه

وعدنا بسفلتة الشوارع ولم نرى سفلته

بل راينا اقتلاع للشوارع وبعدها راينا التراب يتراكم على الاليات المركونه


من الطـرائف العالميـه ان يحجز مواطن على ممتلكات الحكومه

من اجل الضغط عليها لسداد مديونيه له


حدث هذا في بلدنا وولايتنا ومدينتنا مدني

حيث شهدنا مواطن يحجز على عربات وزارة الماليه بولاية الجزيره ..

عشـــــــان عاوز قروش من الحكومه وما ادته..... فضايح غريبه



شفنــا تصفيـة مشروع الجزيره وتسريح عامليــه بحجـة التطـوير

بصراحه لم نرى في الفتره الاخيـره مايسعـد مواطن الولايه

غير انه ناس الضرايب عاوزين

ناس العوائد عاوزين

ناس المحليه عاوزين

ناس المويه عاوزين

ناس المدارس عاوزين مع انه بنسمع بحاجه اسمها مجانية التعليـم

سوق الخضار داااااايما في زياده وقال نحن بلد زراعي

اللحمه زاااااايده وقال عندنا اضخم ثروه حيوانيه

حتى البنزين قبل ظهور البترول كان ارخص

ولسه الزياده جايه

الجمارك حدث ولا حرج

المحاصيل تضرب الارقام القياسيه



وماتقولو سيوله ماديه مافي في البلد

موجووووده والخرطوم ماشاءالله تملا العين وتشرف

بورتسودان اصبحت محط الانظار

ودارفور ماشاءالله المشاريع بالكوم



كل هذه تساؤلات تضع الحيره على مواطن مدينة مدني

الغلط السويناهو شنو؟؟ والسبب شنو؟؟

كل المدن ازدهرت واتطورت ومدينتنا في الحضيض


والســـــــؤال للمســؤوليـن

الى متى يستمــر الحـــــــــــال







لست من اللذين سمو نفسهم بالمعارضين
ولست من هم بالسياسييــن
بل انا من المواطنيـــن
ســـــوداني وسـأظل ســـوداني








وصيــه: لو اختفيت تلقوني جنب الاداره المركزيه في مدني
ولا في كوبر عديــل((كوبر الكوبري مش حاجه تاني))

حبيبنا المميز - تحياتي
كل ما ذكرته حقيقي ولا احد ينكر ذلك !!!
انه وقت الانتخابات وناس دارفور حملوا السلاح ومن قبلهم ناس الجنوب وناس الشرق

يعني بالواضح تشيل سلاح الناس بتجلس معاك وتتفاوض وما تشيل سلاح زول بيهبب ليك مافي بكل اسف (يعني بيحكم صوت العقل ) ويملأ المنابر ويخطب ووووو لن يجدي هذا نفعاً ولكن لو حملت السلاح ستجد مليون لجنة لتحقيق السلام معك .. بكل اسف انسان الجزيرة عاقل وصابر ومسامح لهذا يستهان به .. لكن كان شال بندقية زي اخوانو في ( الجنوب +الشرف+الغرب) ...دي الحقيقة ولا انا غلطان ..... عموما بكل اسف هذا هو الواقع المعاش ( ولا تفهم هذا دعوة مني لتحميش النيران وتحريض انسان الجزيرة لحمل السلاح ) ولكنها دعوة للحكومة( الرشيدة) لتلتفت لانسان الجزيرة المسالم ..... وتجلس معه بكل هدوء لانه ما رفع السلاح ولا ساوم ولا تمرد .... ( احسن تلحق تجلس بي خطرها ) قبل ما تجلس وهي مجبرة والله قادر على كل شئ ...

[الجندي المجهول]

حبيبنا الغالي - محمد حسين ( المميز )

كل الود والاحترام



الخرطوم دي العاصمة
محل الرئيس بينوم
والطيارة بتقوم
يعني عادي وكده




وبارك الله في اهل الشرق وحركات التمرد اللي قامت ولم تطفا حتى الان



لازم تبقى المشاريع بالكوم
ده العالم كلو بينظر لي دارفور


الظاهر ياخوي ما حنتقدم الا نعمل لينا تمرد ونتسلح بالسفروقات والسكاكين
ولازم يموتو مننا الاف ويتهجروا ويتشردو الباقين
والاهم من كده موضوعنا يطلع للامم المتحدة واوكامبو موجووووووود

وللا شنو . . . .! ! ! !



الرائع ابو زيد ...... بعد اذنك ارد عليك
القال ليك منو الخرطوم في اهتمام بيها ...
شارع النيل وما حول المطار ... امشي امدرمان وخش الحارات (الثورات) وامشي امبدات وحوم القيافة الانت شايفها دي فقط في جهات المطار والعمارات وذلك بحكم المطار والسفارت والقنصليات والشركات الكبيرة ولكن كلما زحفت للداخل ستجد ناس برضوا بتعاني ( لكن .....)

تخريمة ::: بحكي ليك الباقي بالتلفون لاني شايف العنكبوت جاااااااااي على الشباك

[الفخيييم]

حبيبنا المميز - تحياتي
كل ما ذكرته حقيقي ولا احد ينكر ذلك !!!
انه وقت الانتخابات وناس دارفور حملوا السلاح ومن قبلهم ناس الجنوب وناس الشرق

يعني بالواضح تشيل سلاح الناس بتجلس معاك وتتفاوض وما تشيل سلاح زول بيهبب ليك مافي بكل اسف (يعني بيحكم صوت العقل ) ويملأ المنابر ويخطب ووووو لن يجدي هذا نفعاً ولكن لو حملت السلاح ستجد مليون لجنة لتحقيق السلام معك .. بكل اسف انسان الجزيرة عاقل وصابر ومسامح لهذا يستهان به .. لكن كان شال بندقية زي اخوانو في ( الجنوب +الشرف+الغرب) ...دي الحقيقة ولا انا غلطان ..... عموما بكل اسف هذا هو الواقع المعاش ( ولا تفهم هذا دعوة مني لتحميش النيران وتحريض انسان الجزيرة لحمل السلاح ) ولكنها دعوة للحكومة( الرشيدة) لتلتفت لانسان الجزيرة المسالم ..... وتجلس معه بكل هدوء لانه ما رفع السلاح ولا ساوم ولا تمرد .... ( احسن تلحق تجلس بي خطرها ) قبل ما تجلس وهي مجبرة والله قادر على كل شئ ...


الجندي المجهول اخبارك
دعوة صريحة للتمرد..
شكلك عندك اسلحة
عايز تسوقها ده نصيبك
من البقالة عايز تستثمرو؟

[الجندي المجهول]

الجندي المجهول اخبارك
دعوة صريحة للتمرد..
شكلك عندك اسلحة
عايز تسوقها ده نصيبك
من البقالة عايز تستثمرو؟

الفخييم (اخي وصديقي الذي لم اقابله) لا لم ادعوا للتمرد بل دعوةالحكومة للاهتمام بانسان الجزيرة خاصة وانه لم يعرفه طريقه للتمرد وخيرا لها ان تجلس بخاطرها قبل ان تجلي معه مجبرة ( ولا رايك شنو ؟؟)

[الفخيييم]

الفخييم (اخي وصديقي الذي لم اقابله) لا لم ادعوا للتمرد بل دعوةالحكومة للاهتمام بانسان الجزيرة خاصة وانه لم يعرفه طريقه للتمرد وخيرا لها ان تجلس بخاطرها قبل ان تجلي معه مجبرة ( ولا رايك شنو ؟؟)

تسلم كتير يا جندينا ..
ما في شك ..علي الحكومة
ان تهتم بالولاية التي كان يستند
عليها السودان في اقتصاده
حتي لا يثور الناس وتحدث بلبلة
في وسط السودان وقلبه النابض..
وعلي الولاة القيام بدورهم كما ينبغي
تجاه ولايتهم لا لتنفيذ اجندة النظام
ان كان يقصد ولايتنا ومدينتنا..
لابد من فعل يوازي المرحلة..
ويعيد للايام دورتهاتجاه الشمس..

[محمد الجزولى]

[CENTER]بسم الله الرحمن الرحيم



[COLOR="Red"]ليـــــــــــه ياحكــــــومه??!!




من الطـرائف العالميـه ان يحجز مواطن على ممتلكات الحكومه

من اجل الضغط عليها لسداد مديونيه له


حدث هذا في بلدنا وولايتنا ومدينتنا مدني

حيث شهدنا مواطن يحجز على عربات وزارة الماليه بولاية الجزيره ..

عشـــــــان عاوز قروش من الحكومه وما ادته..... فضايح غريبه




[SIZE="4"]وصيــه: لو اختفيت تلقوني جنب الاداره المركزيه في مدني
ولا في كوبر عديــل((كوبر الكوبري مش حاجه تاني))


[COLOR="Blue"]اخى الغالى المميز
اسئله مشروعه ظلت تطرح لفتره طويله دون ان تجد اذانا صاغيه
هنالك اسباب عديده ادت الى تدهور مدنى والجزيره بصفه عامه
اهمها انهيار مشروع الجزيره ... وانصراف الحكومه عن الزراعه وتكالبها على الاستثمار النفطى
والجزيره اساسا قامت معظم مدنها وقراها على فكره الاستثمار الزراعى
يبقى السؤال المطروح من المسئول عن كل هذا
هل هى الجكومه ام انسان الجزيره عامه ومدنى خاصه
ام ظهور النفط واستثمارات اخرى بعيده عن الزراعه
اخى المميز
كثير من المصانع الصغيره والكبيره بمدنى قد اقفلت ابوابها وصارت وكرا للبوم
اين اصحاب هذه المصانع ... ( وكلها قطاع خاص )
اين دور انسان مدنى والجزيره من التنميه
فعلا الحومه تتحمل الوزر الاكبر على هذا الانهيار فى مدنى والجزيره
ولكننى ايضا لا اعفى انسان مدنى الكبرى من هذا التدهور
( COLOR]

[صداح سنهوري]

والله ياجندي يامجهول الضرب علي الميت حرام كلامك دا كلو حيكون هواء في هواء كأنك ما قلت حاجة بس الشكية لغير الله مزلة

[محمد حسين (المميز)]

حقيقة يا المميز حال مدني يغني عن السؤال

واجابة سؤالك دا ممكن يغير حال مدني للأفضل

وكل المزكور اعلاه حقيقة نمضغها علي مضض ولا نستطيع أبتلاعها

والعجب العجاب ان ولاية غنية بخيراتها واراضيها الزراعية يصرح الوالي فيها بان خزينتها فاااااااااااااااااااااااارغة

والادهي ان عليها مديونية كمان

يعني خراب حقيقي

وحقيقة أصبحنا لا نهتم بما يجري حولنا

فمدني حالتها مؤسفة وبينما كل الولايات ماشة كويس معمار وحضارة

مدني ياها مدني من زمن بعيد ما في اي تغيير

بل العكس تخلف وانعدام خدمات مفروض تتوفر في اي قرية

نقول شنو يا المميز

الله يكون في العون

وبجيك راجعة تاني نشوف الباقي


تخريمة

انت يا المميزكوبر دا فيهو قسم نسائي ولأ أجهز خيمتي :cool::D:cool:






يادكتــور كتر خيرك عالزياره واللـه

ومدني ليهــا اللــه

ولازم مواطن الولايـه يكون ليه وقفـه حازمه

لاسترداد ما فاته



تخريمة التخريمـه: هناك في اقسام خاصه للمثقفين يعني شيلي هم:p

[محمد حسين (المميز)]

المميز يا أخوى

مافى زول بسمعك وكلامك عين الحقيقة

انحنا شدة ما حاقرين بينا رشحو ناس من خارج الولاية

فى مقاعدنا ...

وخلى ساى يا اخوى الباقى حمدو فى بطنو ..

وتقول ماسياسى السياسة دى كيف ...



يابوالجيلـــي

طيب في رايك الحل شنــو؟؟

[محمد حسين (المميز)]

أخي المميز فعلا أنته دقيت علي الاوتاااار الحساسه كل ما ذكرت صحيح ونتمني أن تكون هنالك أذن صاغيه لهذا الكلام ودمدني محتاجه للكثير ونناشد حكومة الولايه بتنفيذ ماهو مطلوب

لمواطن الجزيره عامه ودمدني خاصه



الاستـــاذ الزبيـر

اشكرك عالمرور واتمنى من الجميــع المشـاركه والتحـاور

وذلك من اجل ايصــال صوتنا لمسـؤول لسه قلبه حي

[محمد حسين (المميز)]

المميز فعلا مميز ..
لك التحية من صميم الفؤاد،،،،،،،
طرح جرئ واسئلة موضوعية وواقعية
تؤكد تماما المامك بما يحدث في ام المدائن
علي كافة مستوياتها صحة وتعليم وسوق خضار والخ .....
لابد من مناقشة تلك القضايا بشفافية حتي يتسني لنا
الاسهام في حل كل المعضلات التي تجابه انسان الولاية
وودمدني علي وجه الخصوص..



تشكر يا فخيم على المشاركـه

ويلا ايدي على كتفـك من اجل تحقيق المـراد

[محمد حسين (المميز)]

حبيبنا الغالي - محمد حسين ( المميز )

كل الود والاحترام



الخرطوم دي العاصمة
محل الرئيس بينوم
والطيارة بتقوم
يعني عادي وكده




وبارك الله في اهل الشرق وحركات التمرد اللي قامت ولم تطفا حتى الان



لازم تبقى المشاريع بالكوم
ده العالم كلو بينظر لي دارفور


الظاهر ياخوي ما حنتقدم الا نعمل لينا تمرد ونتسلح بالسفروقات والسكاكين
ولازم يموتو مننا الاف ويتهجروا ويتشردو الباقين
والاهم من كده موضوعنا يطلع للامم المتحدة واوكامبو موجووووووود

وللا شنو . . . .! ! ! !




ابـوزيـد يافخـري

يعني لازم نجيب لينا رئيـس ننومه

ونسوي مطـار

عشان يعاينو لينا؟؟

[محمد حسين (المميز)]

المميز يا مميز سلامات
زي مال قال الجندي المجهول
البلد دي ما عندها وجيع



ابوحميـــــد ياراقي

اذا البلد دي ماليها وجيــع

يبقى لاااااااااااااازم نسوي ليها وجيـــع

[محمد حسين (المميز)]

حبيبنا المميز - تحياتي
كل ما ذكرته حقيقي ولا احد ينكر ذلك !!!
انه وقت الانتخابات وناس دارفور حملوا السلاح ومن قبلهم ناس الجنوب وناس الشرق

يعني بالواضح تشيل سلاح الناس بتجلس معاك وتتفاوض وما تشيل سلاح زول بيهبب ليك مافي بكل اسف (يعني بيحكم صوت العقل ) ويملأ المنابر ويخطب ووووو لن يجدي هذا نفعاً ولكن لو حملت السلاح ستجد مليون لجنة لتحقيق السلام معك .. بكل اسف انسان الجزيرة عاقل وصابر ومسامح لهذا يستهان به .. لكن كان شال بندقية زي اخوانو في ( الجنوب +الشرف+الغرب) ...دي الحقيقة ولا انا غلطان ..... عموما بكل اسف هذا هو الواقع المعاش ( ولا تفهم هذا دعوة مني لتحميش النيران وتحريض انسان الجزيرة لحمل السلاح ) ولكنها دعوة للحكومة( الرشيدة) لتلتفت لانسان الجزيرة المسالم ..... وتجلس معه بكل هدوء لانه ما رفع السلاح ولا ساوم ولا تمرد .... ( احسن تلحق تجلس بي خطرها ) قبل ما تجلس وهي مجبرة والله قادر على كل شئ ...




جندينـــــا

يعني انت رايك نشيــــل الســلاح((وش مستني منك اعتراف:p))

يلا انت اول مجند:D

[محمد حسين (المميز)]

[COLOR="Blue"]اخى الغالى المميز
اسئله مشروعه ظلت تطرح لفتره طويله دون ان تجد اذانا صاغيه
هنالك اسباب عديده ادت الى تدهور مدنى والجزيره بصفه عامه
اهمها انهيار مشروع الجزيره ... وانصراف الحكومه عن الزراعه وتكالبها على الاستثمار النفطى
والجزيره اساسا قامت معظم مدنها وقراها على فكره الاستثمار الزراعى
يبقى السؤال المطروح من المسئول عن كل هذا
هل هى الجكومه ام انسان الجزيره عامه ومدنى خاصه
ام ظهور النفط واستثمارات اخرى بعيده عن الزراعه
اخى المميز
كثير من المصانع الصغيره والكبيره بمدنى قد اقفلت ابوابها وصارت وكرا للبوم
اين اصحاب هذه المصانع ... ( وكلها قطاع خاص )
اين دور انسان مدنى والجزيره من التنميه
فعلا الحومه تتحمل الوزر الاكبر على هذا الانهيار فى مدنى والجزيره
ولكننى ايضا لا اعفى انسان مدنى الكبرى من هذا التدهور
( COLOR]



ياجزولي

ماممكن نقول مواطـن الولايه من ضمن الاسباب

لانه مافي حد بيحب يسيب الديار ويهاجر لبلد تاني

ولو جوه البلد

لانه الغربه صعبه

فلو المواطن لقى ارض خصبه للتطوير ماقفل ولا هاجر

تحياتي لك

[محمد عبد الله عبدالقادر]

جندينـــــا

يعني انت رايك نشيــــل الســلاح((وش مستني منك اعتراف:p))

يلا انت اول مجند:D

اول مجند بس ( الجندي المجهول)

[محمد حسين (المميز)]

اول مجند بس ( الجندي المجهول)



:rolleyes::rolleyes::rolleyes:

[الجندي المجهول]

جندينـــــا

يعني انت رايك نشيــــل الســلاح((وش مستني منك اعتراف:p))

يلا انت اول مجند:D

حبيبنا العنكبوت اقصد المميز ( انا بشيل قلمي بس) ما لي في الجندية ولا في البندقية ( واصلا ما بحب العسكرية ) فقط وانا صغير استهويتها ايام الراجل (اب عاج ) الله يرحمه وخط نقطة --- وانت قول دا الفي نفسك -- عموماً دائما عندما نرجع لقصص القرآن الكريم نجد العبرة ونجد الفائدة ... والكتاب الكريم والحمد لله لم يترك شاردة ولا واردة وهنالك كثير من الايات تشير إلى ان لكل بداية نهاية وليس هنالك خلود لحكم او ملك معين فكله إلى زوال باذن الله ..... والدهر يومان يوم لك (20 سنة ) ويوم عليك ودي جاية باذن الله واعتقد انها الاحلى خاصة لجيل ( منة ومازن وميزو - ميزو دي بنت ابو زيد ) وهكذا ،،


تخريمة : كدا عرفت سرالعنكبوت -- طيب قول لينا يا .... مميز شايف خيوطك بدت تظهر

[المكاشفى]

هوي ياناس هوى بطلو الونسه فى بوست المميز
ومن حركات نسوان الجبنه دى
فى ستين بوست اتفتحن هنا فى الموضوع ده
والمواضيع المشابهه من دمار المشروع
المعاه طوالى دمار المنطقه من صحه وتعليم والخ
بقينا منطشه خلو لى الكلام المافيهو نفاع ده ونبقى عمليين
قبل كدى اتفتح بوست بواسطه العاقب مصباح وعوض الله
فاكتورى وجلاله وانا ونجيب عبد الرحيم ونقل من ابو نبيل
من الصحافه واسى انا عندى بوست فى العام بالرغبه فى التمرد
اها وصلنا مرحله ما اخذ بالقوه لايسترد الا بالقوه اها قاموا دخلوا
فى النص بعض الاخوان والله ما اذكرهم لكن محسوبين على الحكومه
منهم الكمندان على النعيم وقال فى وفد بقياده الفريق منو؟؟ واللواء منو؟؟
والدكتور منو؟؟ قائد تفاوض سلمى فيما يخص انسان الجزيره
ولى يوم الليله الوفد زبلوه وسكتوه نحنا دايرين نفصل الجزيره
موارديا اكتفاء زاتى يمين بالله فى ظرف سنتين الكهربا تصل
ودالحليو وسعد الله والظلت اوصلو ود ابآمنه والصحه تجيك فى البيت
لاكن ديل معفنين تافهين دمرونا وعزبونا وجننونا وكابسونا فى قوت يومنا

تقولوا شنو؟؟؟؟؟؟؟؟
وبحكى ليكم انسان الجزيره زمان واسى بس الصبر

[المكاشفى]

. والدهر يومان يوم لك (20 سنة ) ويوم عليك ودي جاية باذن الله


لكن لى متين يالجندى اخوى ؟؟
تانى عشرين ولاشنو؟؟؟
وزى ماقال بلوتو اخوى ديل لحقونا غنم زهره

[رمــوز]

الاح محمد الفاضل

سمعت انا من الحكومة انو ناس مدني طابور خامس

راسهم قوي ومابسمعوا الكلام عشان كدا اتبعوا معاهم

اسلوب جوع كلبك يتبعك

ناسف للتعبير

[المكاشفى]

الاح محمد الفاضل

سمعت انا من الحكومة انو ناس مدني طابور خامس

راسهم قوي ومابسمعوا الكلام عشان كدا اتبعوا معاهم

اسلوب جوع كلبك يتبعك

ناسف للتعبير

دا حنك قديم ياخ
السودان كلوا معناه طابور
القطينه قالوا كدى
الدويم حضيض قالو كدى
كوستى قالوا كدى
الهدى المغاربه قالو انصار
وعييييييييييييييييييييك
دايرين نكون طابور بالجد رأيك شنو يارموز

[محمد حسين (المميز)]

خاصة لجيل ( منة ومازن وميزو - ميزو دي بنت ابو زيد ) وهكذا ،،




وحمــزه يابوحمـزه

[محمد حسين (المميز)]

منهم الكمندان على النعيم وقال فى وفد بقياده الفريق منو؟؟ واللواء منو؟؟
والدكتور منو؟؟ قائد تفاوض سلمى فيما يخص انسان الجزيره
ولى يوم الليله الوفد زبلوه وسكتوه

وانا اقول الكمنــدان اختفـى مالـه

يكون ماشي لغاية هسه ما وصل

[المكاشفى]

وانا اقول الكمنــدان اختفـى مالـه

يكون ماشي لغاية هسه ما وصل

جايز ... برضو فهم؟؟؟؟؟

[صداح سنهوري]

الله يكون في العون

[صداح سنهوري]

ناس مدني ما بتجوعهم اي حكومة لأنهم كلهم حاجة واحدة
العندو بيدي الماعندي ..
ومهما ضاقت الأحوال أكيد قلم الظلم مكسوووووووووووووووووووووور

[ahmed algam]

ناس مدني ما بتجوعهم اي حكومة لأنهم كلهم حاجة واحدة
العندو بيدي الماعندي ..
ومهما ضاقت الأحوال أكيد قلم الظلم مكسوووووووووووووووووووووور





طبعا ياصداح اكيد قلم الضلم مكسووووووور