يوميات ابوسفروووق بالسودان

[نزار حسن محمد]

بسم الله نبداء

الاحباب الاعزاء اعضاء البيت الكبير منتدى ودمدنى
السلام عليكم ورحمة الله تعالى وبركاته

اولا استاذن من اخى الحبيب ود الصول بان اطرح فكرة ودمدنى هذا الصباح بهذا البوست
وذلك لعودتى من ارض المحنه ومن قلب الجزيره قبل يومين وستجدون ما رايته بعينى لتقريب الصوره اكثر واكثر

ثانياً : اود ان اشكر كل من اتصل على وشاركنى زواج اخى د/ بكرى حسن فى مقدمتهم اخت الكل الاستاذه مدنيه
والاخوان خالد ابوقرجه والجنيد وعبد الرحمن مدثر لكم كل الود والتقدير

باذن الله منذا اليوم سوف اتفرغ لمنتدى ست المدائن وسنعيد سيرته الاولى وارحب بكل الاعضاء الجدد والسابقين
بعد استلام مفتاح القنبله الذريه لبيتنا الكبير وجدته داخل الخزنه سفروووقى القديم قاعد ذى ما يهو ...بس عمله
ليه صنفره وبقى سنين والله يستر على راسى

احبتى هذه بداية كتابتى وسوف اشرح لكم ما شاهدته فى زيارتى الخاطفه لود مدنى ..
كما اعدكم بعودة كل الموقفين فى القريب العاجل
ومن بعد العوده سوف ننطلق بالمنتدى الى ما نريد ونرضى
لكم خالص الود والاحترام
ونقول باسم الله نبداء
ابوسفروووق

[التيمان]

ههههههههههههههه

على الطلاق مافى زول عندو خبر بعرسكم ده

لكن مامشكله نجى فى عرسك التانى

اها يا به سفروقك جهز تب خليهو مع المشرفين الجدادا ديل ما محتاجه ..

ديل ناس البسكويته جرحتنى ..

كدى انت شنو براحه كده وتحت ورينا مقرك الدايم نعمل ليك كبثه سريه ..

[أبو جودي]

أخونا نزار حمداً لله على السلامة وألف مبروك مرة تانية
والله شوقتنا ومنتظرين نشوفه بعيونك
لك كل الود

[nehroo]

جاتكم الكوامر ..
وتعبت البرينسات ..
مبروك العمرة ..
أقصد المنصب الجديد يا اب سفروق
مشتاقين والله ومبروك لي العريس
إن شاء الله ربنا يجعله زواج مبارك ..
أها قعدنا وأوعك من الأخبار البتعمل الطمام ..
أبدا لينا بالأخبار الثاااااااارة لو في ..
واكان مافي خلينا نتجهز قبل ما تبدا ..
اها ... سريع عشان ورانا مشاغل

[انيس التوم]

بسم الله نبداء

الاحباب الاعزاء اعضاء البيت الكبير منتدى ودمدنى
السلام عليكم ورحمة الله تعالى وبركاته

اولا استاذن من اخى الحبيب ود الصول بان اطرح فكرة ودمدنى هذا الصباح بهذا البوست
وذلك لعودتى من ارض المحنه ومن قلب الجزيره قبل يومين وستجدون ما رايته بعينى لتقريب الصوره اكثر واكثر

ثانياً : اود ان اشكر كل من اتصل على وشاركنى زواج اخى د/ بكرى حسن فى مقدمتهم اخت الكل الاستاذه مدنيه
والاخوان خالد ابوقرجه والجنيد وعبد الرحمن مدثر لكم كل الود والتقدير

باذن الله منذا اليوم سوف اتفرغ لمنتدى ست المدائن وسنعيد سيرته الاولى وارحب بكل الاعضاء الجدد والسابقين
بعد استلام مفتاح القنبله الذريه لبيتنا الكبير وجدته داخل الخزنه سفروووقى القديم قاعد ذى ما يهو ...بس عمله
ليه صنفره وبقى سنين والله يستر على راسى

احبتى هذه بداية كتابتى وسوف اشرح لكم ما شاهدته فى زيارتى الخاطفه لود مدنى ..
كما اعدكم بعودة كل الموقفين فى القريب العاجل
ومن بعد العوده سوف ننطلق بالمنتدى الى ما نريد ونرضى
لكم خالص الود والاحترام
ونقول باسم الله نبداء
ابوسفروووق

حبيبنا نزار سلامات يا اخوي والله مشتاقين ياخي اخر مرة سمعنا صوتك لمن جئت عليك في الامارات وعملته مشكلة في المطار من ديك تقول ادوني عين بجي المنتدي بتابع رابت اخونا ود الصول ومرة مرة كده الزول بعمل ليه حركة . انشاء الله ياخي الناس الزمان ترجع على الاقل نعرف اخبارها الف مبروك زواج الدكتور
وانشاء الله يكون عندك خبر اخونا مختار بازي .......

[عوض صقير]

حبيبنا أبو سفروق

أولاً : مبروك الزواج وعقبال البنيات .

ثانياً : حمدلله على سلامة الوصول .


ثالثاً : أخبارك معانا بالحتة أعمل حسابك ما تلف كده ولا كده ..

[abomazeen]

حبيبنا أبوسفروق ود حسن ... ألف حمداً لله على سلامة عودتك من السفــر و للمنتدى

ودي فرصة جميلة نبارك لك فيها التكليف الكبير الذي أنت أهل له والله يكون في العون

اول حاجة : مبروك زواج أخونا الدكتور بكري ود حسن وربنا يجعله زواج مبارك ... آميين

ثاني حاجة : زي ما قال أخونا عوض صقير اخبارك معانا بالحتة وبالتفاصيل الدقيقة

تالت حاجة : ازيدك من الشعر بيت حكاية الزول بتاع السوق الكبير عارفنها ؟

وآخر حاجة : تعالى يا زول بجاي وخليك قريب ما تبتعد بس أعمل حسابك!

[صلاح ودالطاهر]

اها دي صنقره وكل صغيره وكبيره والقطر الفيهو مفتش عرفن بيهو

[محمد حسين (المميز)]

الاستــاذ الرائــع نزار ود حســن

حمداللـه عالســلامه ومبــرووووك

مبروك العرس ومبروك التكليف الجديد ومبرووك العـوده

وفي اتظـارك بكـل شوق

لتقـص وتحكـي وتروي قصـة ودمـدني


واوع يكون لاقاك المجنـون

عااااارفك بتقـول المجنون ده منـو ... معليش اسال اخوانك ابومازن والجندي ومحمد عبدالله وابوزيد;)

[ام قبس]

الاخ العزيز نزار حسن
الف حمدلله علي الرجعه وعلي العرس وعلي المنصب وعلي العام الجيد ربنا يجعله عليك سعيد؟؟؟؟؟؟؟؟؟؟؟؟؟؟؟؟؟؟؟؟؟
في شنو تاني ماباركناه

اهم شي مبروك علينا انك هنا ولاجل مدني

تفاصيل دقيقه منتظرنها
وعكس مطلب نهرو المؤلم قبل المفرح

تحسس لنا مواضع الجرح لنعلم اين امسينا واين اصبحنا

كل مؤلم حسيا لنا قد يكون نقطه في بحار وجع من هم هناك

ابسطها نحنا ضاربين الهمبريب وبنتفلسف علي حسب نظرتهم لينا
التي تحمل ثلاثه ارباع الحقيقه الموجعه لينا

ودي قعده فرتق نقطه نقطه
وخلي العلاج برضه نقطه بي نقطه
منتظرين

خارج النص: ارد ليك علي مداخلتك البي هناك ديك بي جاي
لسبب ماعوزين نرجع وراء
ولي قدام دقري
فهمتني طبعا
اشكرك علي كلامك الجميل هناك
ولك تحياتي

[faqatar007]

قال تعالي:

وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ (21)

الحمد لله الذي بنعمته تتم الصالحات

ألف ألف مبروك زواج أخونا الغالي

د/ بكرى حسن

أدام الله عليكم نعمة الصحه والعافيه وبارك الله لكم فى عمركم

والــف حمدلله على سلامتك ياغالي وكيف أخبار الأهل بدون فرز

http://eoonbagh.com/up/uploads/58f8901049.gif (http://eoonbagh.com/up/)

مع خالص مودتي وأمنياتي القلبية

[روبش]

العزيز .. نزار
اولاً مبرووووووووووووووك المنصب
وثانياً مبرووووووووووووووووك للاخو وعقبالك
وثالثاً : اوعك تجيب سيرة الشوارع والحفر

[محمد الجزولى]

اخى نزار
الف حمدلله على السلامه
وفى انتظارك

[مايسة]

بسم الله نبداء



احبتى هذه بداية كتابتى وسوف اشرح لكم ما شاهدته فى زيارتى الخاطفه لود مدنى ..
كما اعدكم بعودة كل الموقفين فى القريب العاجل
ومن بعد العوده سوف ننطلق بالمنتدى الى ما نريد ونرضى
لكم خالص الود والاحترام
ونقول باسم الله نبداء
ابوسفروووق[/COLOR][/SIZE]


الاستاذ - نزار لك كل التحايا والاعوام السعيدة باذن الله

الف مبروك الزواج (ما ليك انت لاخوك طبعا)

والله هذا ما نتمناهو - دمت

[نزار حسن محمد]

ههههههههههههههه

على الطلاق مافى زول عندو خبر بعرسكم ده

لكن مامشكله نجى فى عرسك التانى

اها يا به سفروقك جهز تب خليهو مع المشرفين الجدادا ديل ما محتاجه ..

ديل ناس البسكويته جرحتنى ..

كدى انت شنو براحه كده وتحت ورينا مقرك الدايم نعمل ليك كبثه سريه ..


حبائبنا الحلوين تماكس
ازيكم كان هناك بوست بقسم المناسبات بخصوص الدعوه لكن ما عليكم بجيكم تانى
اها يالتيمان انتو من الاعضاء المخضرمين دايرين نعيد فى هذه الدوره الزمن الجميل وعارفكم ما بتقصروا

[نزار حسن محمد]

ياغالين والله داير ارد عليكم واحد واحد ولكن مازالت مثلكم انتظر اخر المستجدات من ابوزرد الادمن بخصوص هذه الاصداره التى لم نتعود عليها بعد وانا شخصياً اطالب بالاصداره السابقه ومن نسى قديمه تاه
الغالى ابوجدى
محبوبى الفنان نهرو
انيس التوم الكورى
استاذ المهذب عوض صقير
مولانا ابو مازن
استاذنا ود الطاهر
الحبيب المميز ابو منه
الغاليه اخت الكل ام قبس
فيكتورى 007 الانسان المرهف الجميل
الهلالابى العظيم روبش
ابن مرنجان البار ود الجزولى
بنت ابوظبى الرائعه مايسه
لكم الود والحب
وخلونى ادخل عليكم فى اليوميات مع مودتى

[نزار حسن محمد]

وصلت مطار الخرطوم فجر الاثنين يوم حنة العريس سافر معى فى هذه الرحله اثنين من زملائى بوزارة الاشغال
وهم الاخ وليد موسى حارب مدير مكتب وزير الاشغال والاخ عبيد ابوسمره رائد فى سلاح الطيران بعد الوصول
ذهبنا مع صديقى لحى المعموره حيث استاجرنا شقه هناك مع سياره كامرى وفى الظهيره تحركنا الى الحبيبه
الغاليه ودمـــــــــــــــدنى ..بعد غائب دام سنه ونصف
عند دخولنا الى مدخل المدينه استنشقت هوى المحبوبه ودمدنى نسمه رقيقه تداعب ما تبقى من شعر الراس
وجدته شرطى الحركه عند التقاطع مازال يعمل بيديه مع العلم بان اشارة المرور الضوئــــه تعمل ولكن تعمل ديسكو
احمر اصفر اخضر دج مقرون حواجب واصلت الطريق الى شارع النيل والمنظر هو نفس المنظر المطبوع مع احساس
لحديث الام ودمدنى وهى تخبر كل واحد من ابنائها باننى احتضر ..
وصلت الى حى المنيره حيث الحدث الاهل والاحباب اهل مدنى وبعد السلام والزغاريد جلسنا نتونس وخاصتا مع وجود
الاخوه الامارتيه معى كان الحديث حلو وضحكنا وقد وجدته الوالده الله اديها العافيه مجهز صنية غداء بها الاصناف السودانيه التى احبها
وقد اكلت الامارتيه الكسره والكبده النيه ويشهد الله حتى اليوم يتحدثون عن طعامة اكل اهل السودان والدليل اشترو معاهم ويكه
وجبنه وفسيخ وقصب سكر ومنجه وقريب ..
كانت حنة العرئس بالمادح عبدالله الحبر وذلك لوفاة خالنا عيدروس بحر.. فى المساء تحركت بالسياره الى القسم الاول ..
والبقيه تاتى

[نزار حسن محمد]

القسم الاول سنتر ودمدنى نعم اصبحت الشوارع جاهزه 100% ولكن لاتوجد اى اناره فى كل الطرق مع بداية زحف التراب والاوساخ الى الاسفلت
وصلت الى شارع سنكات جبرونا حيث سندوتشات الطعميه مع سلطة الاسود والشطه الملهلبه وكان مكان اقامتنا منزل صديقى حسن محمد عبد الرحيم
سهرنا حتى ساعه متاخره من الليل وبعد ان نام ضيوفى خرجت من المنزل واصبحت اتجول بالسياره فى ربوع ودمدنى رغم الاحساس بالانقباض عن شكل الحياه فى ودمدنى ولكن هناك احساس عجيب وسر من اسرار الحياه لايعرفه الا من عاش وترعرع بمدنى شارع النيل بعد منتصف الليل واضواء حنتوب من
بعيد تحيك وتناديك بانى مازالت اقاوم رغم كل الحاصل والبحصل ..
شارع الجمهوريه اصبح اطلال يحكى عن امجاد ودمدنى والان سجلت له شهادة الوفاه بدون توقيع طبيب امتياز تشعر بكابه المنظر وتتخيل الشارع بقريه
مر عليها جنود الحرب العالميه الثانيه .
شارع المستشفى حتى مقر شركة موباتيل اعمال صيانه لكن لافهمته اولى من اخره ..المهم متاريس فى كل مكان ...
لاوجود للبرد الا فى ساعات الصباح الاولى ...
والبقيه تاتى

[نزار حسن محمد]

صباح يوم الثلاثاء ذهبت الى ابو الدكتور حبيبنا خالد احمد ود الصول لمكتبه بجامعة الجزيره وتحدثنا عن المدينه وهموم المدينه وضعنا بعض الخطوط لعمل يصب فى صالح اهل المدينه تحركت الى ضيوفى من هناك الى مكتب المغتربين وكل العاده ادفع ادفع ادفع ثم تحركنا الى الخرطوم والكل الحباب الاعضاء يتواصلون معى عبر الهاتف تواعدنا على اللقاء بصالة كزام للفراح قرب مركز عفراء حيث حفل العريس دكتور بكرى وكان نعم اللقاء حيث وجدته اخت الكل الاستاذه مدنيه وقد اوقفت سيارتها الجديده عند مدخل الصاله ومن بعيد نستمع لصوت الفنان حسين شندى وجمع الضيوف يتقاطرون نحن صالة الحفل وكانت لليله من تلك الليالى برنامج اغانى واغانى النادى الالمانى ..
نواصل

[خالد أحمد الصول]

عندما حضر لي أخي نزار حسن كانت نتائج زيارته ما كتبت في منتدي الجمعية وهو:
ربح البيع
خالد أحمد الصول
مشرف منتديات ودمدني علي الانترنت

هي دائما أم المدائن لا تلد إلا الأبرار الأوفياء ... رحمها الولود يضم أحب الأبناء و أنبلهم و أعظمهم ... يبرونها و يبادلونها الحب و الشوق و الهيام ... يذوبون في حبها و يتنافسون فيه ... لا تلهيهم تجارة ولا متاع دنيا عنها ... ما أن يجدوا فيها ثغرة إلا يسارعون في سدها و يقدمون أنفسهم و أموالهم حماية و فداءا لها ... دراويش في حبها و مجاذيب ... مكانها في قلوبهم ثابتة ..
جمعية منتديات ودمدني للأعمال الثقافية والإنسانية تلك العين الثاقبة التي تطوف بأم المدائن كما يفعل سيدنا عمر بن الخطاب و تتفقد ثغورها و بيوتها و فقرائها و أماكنها لتري بأم عينيها حاجة المحتاج و فاقته فتسجلها ترصدها و تتدارسها فتكون هي أول اهتماماتها و أكبر ما يقلقها فتنحت الصخر و تركب الصعاب و تسهر الليالي لتجد لها الحل و تسد ما فتق من الجروح و تداوي ما جد من الأمراض فتستقطب الدعم من أبناء المدينة البررة من يتكالبون في حب المدينة ... فكانت هذه المرة و بعد أن تم فرش مسجد الحكومة بواسطة رابطة أبناء ودمدني الأوفياء الأعزاء بأبوظبي هؤلاء الشباب الذين لم يدنسوا عملهم بالزيف ولم يبطلوا أجرهم بالمن و الاذي ... هؤلاء الفتية الذي آمنوا بالله و أخلصوا لمدينتهم فقد تسلمنا من الأخ نزار حسن (أبوسفروق) نيابة عنهم فرش كامل خصصوه هذه المرة لمسجد قبة الشيخ العارف بالله محمد ود مدني السني و الفرش من أجود و أجمل و أغلي السجاد ...
أدعوا معي الله أن يجعل ما قاموا به في ميزان حسناتهم
سيتم التسليم للجنة مسجد جامعة قبة ودمدني السني بإذن الله بعد صلاة الجمعة 15/1/2010 بالمسجد نتشرف بحضور أعضاء منتدي ودمدني

[نزار حسن محمد]

أخونا نزار حمداً لله على السلامة وألف مبروك مرة تانية
والله شوقتنا ومنتظرين نشوفه بعيونك
لك كل الود

الاحباب سلام
بعد ان انزلت اكسبلور 8 اشتغل معى المنتدى واستطعت ان اراء خانة رد مع اقتباس
اتمنى من الجميع ان ينزل هذا البرنامج وسوف يترون المنتدى كما تحبون
اخى العزيز ابوجدى لك الود ايهما العضوء المخضرم ..
ماتمشى بعيد سوف نواصل بدون فواصل ..
لك الود والتقدير

[نزار حسن محمد]

جاتكم الكوامر ..
وتعبت البرينسات ..
مبروك العمرة ..
أقصد المنصب الجديد يا اب سفروق
مشتاقين والله ومبروك لي العريس
إن شاء الله ربنا يجعله زواج مبارك ..
أها قعدنا وأوعك من الأخبار البتعمل الطمام ..
أبدا لينا بالأخبار الثاااااااارة لو في ..
واكان مافي خلينا نتجهز قبل ما تبدا ..
اها ... سريع عشان ورانا مشاغل

محبوبى الفنان نهـــــــــرو ذلك النهر الذى يتدفق حسنا
آها يانهرو من ناحية الكوامر صدقته تب ومدعومه بدبابات صلاح الدين
لكى يعود البيت الكبير منتدى ودمدنى كما كان وكما نتمنى وانت تحمل
راية الحق وتقاتل فى جميع الاتجاهات
يالله ياحبيب خليك قريب وما تغيب

[نزار حسن محمد]

حبيبنا نزار سلامات يا اخوي والله مشتاقين ياخي اخر مرة سمعنا صوتك لمن جئت عليك في الامارات وعملته مشكلة في المطار من ديك تقول ادوني عين بجي المنتدي بتابع رابت اخونا ود الصول ومرة مرة كده الزول بعمل ليه حركة . انشاء الله ياخي الناس الزمان ترجع على الاقل نعرف اخبارها الف مبروك زواج الدكتور
وانشاء الله يكون عندك خبر اخونا مختار بازي .......


الكورى انس التوم عاشق مدنى
طولت الغيبه ياحبيب
اتمنى ان اراك على الدوام فى هذه الدوره
ونعيد للمنتدى بريقه بجهودكم
منتظرنك فى قيفة البحر

[نزار حسن محمد]

حبيبنا أبو سفروق

أولاً : مبروك الزواج وعقبال البنيات .

ثانياً : حمدلله على سلامة الوصول .


ثالثاً : أخبارك معانا بالحتة أعمل حسابك ما تلف كده ولا كده ..

استاذنا عوض الحب والود لك
اهم شى ولدك محمد اكون جاهز ..غايتو نحن جاهزين مويه ونور
يشهدالله ياعوض كل ما اجدك فى بوست اقرب اجدع ليك بص كرة اليد
عشان تجيب قووون ..حليلنا منها الزائلة ياعوض
تعرف لو اخبارك من مصدر ذى قوقل..بتكون ما معتمده عشان شماره
كتير ... لك الود ياراقى

[المكاشفى]

الحبيب ابسفرووق سلامات ياخوى والله ليك وحشه
ويطرشنا ويعمى جيرانا ماسمعنا بخبر العرس
ولا الموت الا عندما رجعنا المنتدى بعد انشقاق رمضان الشهير
اها ياخوى احر التعازى فى الخال وربنا يتقبله
واجمل التهانى وانبلها للدكتور بكرى جعله الله زواجا مباركا

والتصبر لى مدنيه هى خاته فى محلنا صفر كبير
هى مدنيه دى المعنى مالها مهمشانى كدى
كدى النعمل لى رف ريش كدى بى عمره ولا سفره
القاهره استنكاح سااااااااى يامدنيه عشان تدقى فى نمرنا
ايميلاتنا ماقاعده تردى عليها والله كدى اصبرى لى انا مازاتى
مرطب يامدنيه وعمارتنا اطول واكبر من عمارتكم واقدم منها
ولا تبقى عقده اوديب وبنات البلد مغترب ولا تاجر غرب ياناس
والله زعلان يا ام جمال دى المره المليون منك تجى والله يسامحك
والله يا ابسفروج حمدا لله على سلامتك ذهابا وايابا لكن انا من الليله
بلعب بى خطه واحد عشره وتنقد الرهيفه

واصل برى فواصل اها لقيت الوالى القديم غتس حجر المدينه
والجديد واقف متمحن يبدأ من وين؟؟؟ وسمعت بى تحت تحت قال
الروووووووووووووووب فكونى من الولايه المنتهيه دى

[انيس التوم]

والتصبر لى مدنيه هى خاته فى محلنا صفر كبير



سلامات ولدنا مكاشفي يادفعه وقالوا دفعه لي دفعه رحمه
عليك الله كلوا شيء الا مدينه دي

[انيس التوم]

الكورى انس التوم عاشق مدنى
طولت الغيبه ياحبيب
اتمنى ان اراك على الدوام فى هذه الدوره
ونعيد للمنتدى بريقه بجهودكم
منتظرنك فى قيفة البحر

والله يا نزار الغيبه طالت صراحه لكن انت
عارف جري الدنيا الما بخلص ده
لكن دائما في القلوب والله
وانشاء الله تكون عندي جيه
خاصه لي الامارات واتمنى
تكون في منتصف او اواخر هذا العام
والمرة دي بجي بتاشيره عديل من كوريا
عشان نخش في مشاكل تاني
تخريمه كده
الجليد وقف قلبنا يانزار والله حاله صعبه خلاص

[المكاشفى]

سلامات ولدنا مكاشفي يادفعه وقالوا دفعه لي دفعه رحمه
عليك الله كلوا شيء الا مدينه دي


مالك داير تناسبها

وينك يادفعه مشتاقين والله
شنو يالحبيب فى البال وفى الخاطر
وين ماشايفنك لا فى مسنجر ولا اسكاى بى
اظهر يافرده

[انيس التوم]

مالك داير تناسبها

وينك يادفعه مشتاقين والله
شنو يالحبيب فى البال وفى الخاطر
وين ماشايفنك لا فى مسنجر ولا اسكاى بى
اظهر يافرده

والله يا مكاشفي جليد عليك امان الله خلي ساكت

انا لي يومين عربيتي مدفونه تحت الجليد
ده كلوا كوم والمشي في الشارع كوم تاني

والشي الغريب كل يوم نازل بالزياده كمان

[ودالعمدة]

الحبيب أبسفروق
مبروك زواج د بكرى
وحمدا لله على سلامة العودة
ومبروك التكليف الجديد
وبالتوفبق لاعادة المنتدى للزمن الجميل
وطمئنا على أخبار شيكو

[رضا حسن محمد]

ابو النيز
ياخ والله حتينا حت
ياخ حسين الصادق د بذكرنى شبابى
جميل السودان وشاى المغرب
وطعمية الحاجة
والقعدة مع حاجة عزيزة
كل الناس زينين كل الناس سمحين
نفسى فى قعدة مع ستات الشاى الفى مدنى

[محمد حسين (المميز)]

نفسى فى قعدة مع ستات الشاى الفى مدنى


تشــرب جبنـه ولا شـاي لكــن؟؟

[نزار حسن محمد]

الحبيب ابسفرووق سلامات ياخوى والله ليك وحشه
ويطرشنا ويعمى جيرانا ماسمعنا بخبر العرس
ولا الموت الا عندما رجعنا المنتدى بعد انشقاق رمضان الشهير
اها ياخوى احر التعازى فى الخال وربنا يتقبله
واجمل التهانى وانبلها للدكتور بكرى جعله الله زواجا مباركا

والتصبر لى مدنيه هى خاته فى محلنا صفر كبير
هى مدنيه دى المعنى مالها مهمشانى كدى
كدى النعمل لى رف ريش كدى بى عمره ولا سفره
القاهره استنكاح سااااااااى يامدنيه عشان تدقى فى نمرنا
ايميلاتنا ماقاعده تردى عليها والله كدى اصبرى لى انا مازاتى
مرطب يامدنيه وعمارتنا اطول واكبر من عمارتكم واقدم منها
ولا تبقى عقده اوديب وبنات البلد مغترب ولا تاجر غرب ياناس
والله زعلان يا ام جمال دى المره المليون منك تجى والله يسامحك
والله يا ابسفروج حمدا لله على سلامتك ذهابا وايابا لكن انا من الليله
بلعب بى خطه واحد عشره وتنقد الرهيفه

واصل برى فواصل اها لقيت الوالى القديم غتس حجر المدينه
والجديد واقف متمحن يبدأ من وين؟؟؟ وسمعت بى تحت تحت قال
الروووووووووووووووب فكونى من الولايه المنتهيه دى



المكاشفى عشا البيتات الرجل الدغرى
اخوه الاخوان كشه حبيب الكل
وحاة الله يالمكاشفى ونستك مع انس التوم بالبوست كله
ومدنيه اصبر ليها بشاكله ببعدين بس يالزين وجودك الدائم بهمنا وانت واحد مننا

[نزار حسن محمد]

والله يا نزار الغيبه طالت صراحه لكن انت
عارف جري الدنيا الما بخلص ده
لكن دائما في القلوب والله
وانشاء الله تكون عندي جيه
خاصه لي الامارات واتمنى
تكون في منتصف او اواخر هذا العام
والمرة دي بجي بتاشيره عديل من كوريا
عشان نخش في مشاكل تاني
تخريمه كده
الجليد وقف قلبنا يانزار والله حاله صعبه خلاص

انس ياحبيب
اؤصيك باكل العدس الساخن فهو علاج البرد القارس
اخوك خبر خمس سنوات الاتحاد السوفيتى
وساكون فى انتظارك هذا المره بس ما تبقى ذى المره السابقه

[نزار حسن محمد]

الحبيب أبسفروق
مبروك زواج د بكرى
وحمدا لله على سلامة العودة
ومبروك التكليف الجديد
وبالتوفبق لاعادة المنتدى للزمن الجميل
وطمئنا على أخبار شيكو

العزيز جدا ودالعمده
لك الود ايها الاصيل
جلست مع عمى واستاذى شيكو
وهو عائد وبقوه
خليك قريب الحكاوى جايه

[نزار حسن محمد]

ابو النيز
ياخ والله حتينا حت
ياخ حسين الصادق د بذكرنى شبابى
جميل السودان وشاى المغرب
وطعمية الحاجة
والقعدة مع حاجة عزيزة
كل الناس زينين كل الناس سمحين
نفسى فى قعدة مع ستات الشاى الفى مدنى

ععبد الرضى النصيحه لى الله من ناحية حتينا حتينا
لكن انت رقيصك اشتر يايابا
غايتو ضحكته لمن اتكيفته
لكن انت ما شفته مدنيه بعد شراء السياره الجديده وهى نازله وحسين شندى يشدو بى نخبة عرب اجلا
انا قائله وزيره فى الحكومه وحاة الله وتظل الاصيله اصيله برغم انها ماكلمة المكاشفى حبيب الكل

[نزار حسن محمد]

تشــرب جبنـه ولا شـاي لكــن؟؟

المميز عبد الرضى ده بآ ذى ما بقوله المصريين
كدى خليه احكى لنا مقتطفات من العرس والاحباب

[nehroo]

ععبد الرضى النصيحه لى الله من ناحية حتينا حتينا
لكن انت رقيصك اشتر يايابا
غايتو ضحكته لمن اتكيفته
لكن انت ما شفته مدنيه بعد شراء السياره الجديده وهى نازله وحسين شندى يشدو بى نخبة عرب اجلا
انا قائله وزيره فى الحكومه وحاة الله وتظل الاصيله اصيله برغم انها ماكلمة المكاشفى حبيب الكل



قلت لي مدنية
إشترت عربية جديدة بي قروش المنتدى ..
ههههههه
نحن نقول القروش دي بتمشي وين ؟؟

[نزار حسن محمد]

قلت لي مدنية
إشترت عربية جديدة بي قروش المنتدى ..
ههههههه
نحن نقول القروش دي بتمشي وين ؟؟

يازول قلت لى بديك الاسبيرا
بس خلى الموضوع سر
وانا حفظة السر ..تب:cool:

[رضا حسن محمد]

مدنى تتبسم خجلا كما العزراء التى هجرجا حبيبها
خليناها ومشينا بعيد
شايلين العيد
وين حاجة زهرة الطيبة
وين السر عواض
المريخابى اب قلبا حار
وين حى المنيرة
وين حسن عبد الرحيم
احسن ثيردباك
وينا نقابة السجمة رماد
وين ناس شيكو وود الصول
تتذكر حسين الصادق لمن غنى
ما كنت عارف يا ريت ريتنى كنت عارف
يا ابو النيز انت لمن غنيت معاهو خرتو عديل والله
والله كان سكيت الغناء
كان خلينا الاغتراب وانا ابقى مدير اعمالك
لكن بخمش تلتين القروش
يا اخوانا بمناسبة القروش
طولت مارسلت لينا حاجة
اهدى لى تفاحة بث او برتكانة

[المكاشفى]

قلت لي مدنية
إشترت عربية جديدة بي قروش المنتدى ..
ههههههه
نحن نقول القروش دي بتمشي وين ؟؟

ههههههههههههههههههههههه
قروش شنو يانهرو يمين ضحكتنى ضحك
والله مغرزه فى محلها لكن العارف مدنيه يايابا
بطلعنا شمتانين ماهى قروش المنتدى دى فطور
فى محل الشغل مابكملن ليها الاسبوع
هيع يمين جنس... هى ات ماشفت بوست فطومه بت مارنجان
والغزل المباح فى عماره ناس هنايه
يا ابو التايه لى هنايه العلت اسكورها

[المكاشفى]

ع
برغم انها ماكلمة المكاشفى حبيب الكل

ما خايفه آكل نمرها يانزار ما كلو (اويل كمبنى) بالانجليزى
ماشفت اللقزيز بتاعى الماخمج هيع تحلف
تقول فصلوه لى خالك بالمقاس

[المكاشفى]

اهم حاجه يارضا ياود حسن
بت دبلوك كانت حاضره؟؟؟؟؟
وبعداك نقرر حجم الحت والاندياح
جاوب بس؟؟؟

لكن من ناحيه اشتر اشتر من كنكيشتك فى الفلاتيه ديك
بتاعه الفرنساوى يارضى عرفت شتارتك
النبق النبق النبق النبق

[المكاشفى]

ع
حسين شندى يشدو بى نخبة عرب اجلا


رضا حسن محمد;466430]
تتذكر حسين الصادق لمن غنى
ما كنت عارف يا ريت ريتنى كنت عارف
اهدى لى تفاحة بث او برتكانة


اها يا اولادنا رسونا على بر
ياتو فى الحسينين ود شندى ولا ود الصادق
الطاشى شبكه منو فيكم؟؟

[رضا حسن محمد]

رضا حسن محمد;466430]
تتذكر حسين الصادق لمن غنى
ما كنت عارف يا ريت ريتنى كنت عارف
اهدى لى تفاحة بث او برتكانة


اها يا اولادنا رسونا على بر
ياتو فى الحسينين ود شندى ولا ود الصادق
الطاشى شبكه منو فيكم؟؟

حبيبنا حبيب الكل
حرم مافى واحد طاشى شبكة
حسين شندى فى يوم الدخلة
وحسين الصادق فى الصبحية
كيف لقيتنا
وبعدين بت دبلوك شنو الجبيبا معاى
ما بلقى طريقة اتجدع واحتو النبق فى حضرت جنابك
وعشان تعرف انا جدى كاتل اسد وهارش المرة

[رضا حسن محمد]

يا حبيبنا حبيب الكل
حرم مافينا واحد طاشى شبكة
حسين شندى فى الدخلة وحسين الصادق فى الصبحية
كيف لقيتنا
بعدين بت دبلوك شنو البجيبا معاى
وكيف احت النبق وتداح فى حضرت جنابا
نحنا جدنا كاتل اسد بتخلى المرة فى السعودية
ونجى نرقص ونشرب شاى بى لبن

[عوض صقير]

رضا

من ناحية نزار فنان دى بشهد عليها أنا

لأننا فى الثانوى أستمتعنا بفنه الراقى .. والراجل كان بجضم غناء الحقيبة


ولو كان واصل الغناء كان كلنا روقنا معاهو !


لكن الظاهر أنت قلت ليهو زول جده كاتل أسد .. مالو ومال الغناء !



رضا ... نزار فنان .. وأجتماعى من الدرجة الممتازة ..

[نزار حسن محمد]

رضا

من ناحية نزار فنان دى بشهد عليها أنا

لأننا فى الثانوى أستمتعنا بفنه الراقى .. والراجل كان بجضم غناء الحقيبة


ولو كان واصل الغناء كان كلنا روقنا معاهو !


لكن الظاهر أنت قلت ليهو زول جده كاتل أسد .. مالو ومال الغناء !



رضا ... نزار فنان .. وأجتماعى من الدرجة الممتازة ..


الحبيب الغالى عوض
يشهد الله ياعوض اليومين الفاتت دى لمن اجيبوا الدوره المدرسيه الكانت فى دارفور
اتذكر ذلك الزمن الجميل .. دورة الابيض واتذكر الشهيد / طه يوسف عبيد ..الفقيد حوريه ..الاحباب شريف
وعلاء قرضه وممدوح .. وخالد كودى ..والقائمه تطول
واترنم بينى وبين نفسى .. حليل زمن الصبا الماضى وحليل زهر الحياه
هيجتنى الذكرى ياعوض ياراقى يافنان

[رضا حسن محمد]

رضا

من ناحية نزار فنان دى بشهد عليها أنا

لأننا فى الثانوى أستمتعنا بفنه الراقى .. والراجل كان بجضم غناء الحقيبة


ولو كان واصل الغناء كان كلنا روقنا معاهو !


لكن الظاهر أنت قلت ليهو زول جده كاتل أسد .. مالو ومال الغناء !



رضا ... نزار فنان .. وأجتماعى من الدرجة الممتازة ..

لازم يكون راقى وفنان لانك صديقو
وانت صراحة قمة الروعة
بث حكاية المريخ دى خاربا ليك البوكسنق

[نزار حسن محمد]

مدنى تتبسم خجلا كما العزراء التى هجرجا حبيبها
خليناها ومشينا بعيد
شايلين العيد
وين حاجة زهرة الطيبة
وين السر عواض
المريخابى اب قلبا حار
وين حى المنيرة
وين حسن عبد الرحيم
احسن ثيردباك
وينا نقابة السجمة رماد
وين ناس شيكو وود الصول
تتذكر حسين الصادق لمن غنى
ما كنت عارف يا ريت ريتنى كنت عارف
يا ابو النيز انت لمن غنيت معاهو خرتو عديل والله
والله كان سكيت الغناء
كان خلينا الاغتراب وانا ابقى مدير اعمالك
لكن بخمش تلتين القروش
يا اخوانا بمناسبة القروش
طولت مارسلت لينا حاجة
اهدى لى تفاحة بث او برتكانة

رضا اسمعنى كويس من غير غناء سوف نعود لارض الوطن
انتظر المفاجاه ..والحلم الجميل ..فقد دنت مواعيد لم الشمل
بس ثيب الجلدنه وخلى مبايلك مليان

[نزار حسن محمد]

ما خايفه آكل نمرها يانزار ما كلو (اويل كمبنى) بالانجليزى
ماشفت اللقزيز بتاعى الماخمج هيع تحلف
تقول فصلوه لى خالك بالمقاس


حبيب الكل الاسد النتر المكاشفى
الله يجازى محنك قلت كيف خائفه تاكل الارقام ..
خليك قريب يالحبيب
بس اخد نفس شويه والتقيل وراء

[عثمان جلالة]

مبروك نزار .. وعقبال البنيات .. حمد لله على السلامة

ومنتظرين التفاصيل على أحر من الجمر

بالله يا نزار .. ما دام كنت في السودان .. في وقت سحب الأرانيك والترشيحات ده .. لييييييييه ما سحبت أورنيك ورشحت نفسك لـ أي منصب .. لأنك عارف محل الوجع .. والجمره بتحرق الـ واطيها.. وأكيد ح تقدم للبلد أكتر

لك الود محل ما تقبل

[عوض صقير]

الحبيب الغالى عوض
يشهد الله ياعوض اليومين الفاتت دى لمن اجيبوا الدوره المدرسيه الكانت فى دارفور
اتذكر ذلك الزمن الجميل .. دورة الابيض واتذكر الشهيد / طه يوسف عبيد ..الفقيد حوريه ..الاحباب شريف
وعلاء قرضه وممدوح .. وخالد كودى ..والقائمه تطول
واترنم بينى وبين نفسى .. حليل زمن الصبا الماضى وحليل زهر الحياه
هيجتنى الذكرى ياعوض ياراقى يافنان

وماتنسى عندما كنت أنت تشكل ثنائى مع الحريف / عواض عابدين جلد فى أغنية حقيبة لكن الذاكرة لم تسعفنى لذكرها .... وأضف إلى الشباب .... شهاب محمد أبوبكر .... وطلعت عباس ... وماهر مندلى ..

ذكريات عبرت أُفق خيالي
بارِقٌ يلمعُ في جُنحِ الليالي
نبّهتْ قلبيَ من غفوتِهِ
وجلت لي سِتر أيامي الخوالي
كيف أنساها وقلبي
لم يزل يسكن جنبي

[رضا حسن محمد]

رضا اسمعنى كويس من غير غناء سوف نعود لارض الوطن
انتظر المفاجاه ..والحلم الجميل ..فقد دنت مواعيد لم الشمل
بس ثيب الجلدنه وخلى مبايلك مليان
اخ يا ابو النيز لو رجعتونا مدنى تانى
ومتين العودة تانى
قف تامل
فى مدنى فى الخرتوم
مشكل نهى
بث نرجع
اهلى اتحاد فى استاد مدنى وووووب علينا
وليد التاج فى حى المزاد الله الله
وتحضر حفلة بى محمود عبد العزيز ويغنى القطار المر فيهو مر حبييى
وووب علينا
وهلا الملايين
ناس ساسا دومبا
مريخاب شينين
ناس اكرم
ومدنية وعربيتا الجديدة
والفرع الكندابة
وفلانة بت المنتدى الساكنة مدنى
نار الله الله يسالنى
عيونا يبلعو الف زى ود الطاهر
النبى لمن تشترى دهب لى مرتك رسل لى انشا الله 3 الف

[نزار حسن محمد]

وعن حبيبتى انا بحكى ليكم ..مدنى .. وما ادراك ما مدنى

لفت نظرى حديث اهل المدينه عن عرض العاملين لبيع منازلهم التى ملكت من ورثة المرحوم /طيب الذكر مشروع الجزيره
وهذا قد جذب مصاصى الدماء لشراء اكبر عدد من المنازل المعروضه للبيع وجعل هناك حركه واضحه فى سوق العقارات بمدنى
ولكن !!! عرض مع وقف التنفيذ وذلك لعدم استلام شهادات بحث تلك المنازل ...

القيت نظره خاطفه على دار اتحاد الفنانين من الخارج ..وكان الجواب يكفيك عنوانه ... منظر كئيب للغايه
شارع الدكاتره والعيادات ...يحكى عن حال اهل المدينه والجزيره عموم وما وصلت اليه من دمار شامل
حتى فى الانسان..

يجلس اهل مدنى القدماء ببعض الدكاكين العتيقه والتى مازالت تعمل برغم كل الحاصل يتناقشون بمستوى راقى للغايه عن حال المدينه
.
وبمشى وبجيكم

[عوض صقير]

لازم يكون راقى وفنان لانك صديقو
وانت صراحة قمة الروعة
بث حكاية المريخ دى خاربا ليك البوكسنق

من ذوقك ياحبيب ... كان جينا للجد الروعة حقتكم يا أولاد حسن , وزى ما بقول أخوى عصام حسين ( الروعة تفوتكم تتكسر )

بالطول بالعرض مريخنا يهز الأرض ... ( ولا ما كده يا مدنية )

[نزار حسن محمد]

مبروك نزار .. وعقبال البنيات .. حمد لله على السلامة

ومنتظرين التفاصيل على أحر من الجمر

بالله يا نزار .. ما دام كنت في السودان .. في وقت سحب الأرانيك والترشيحات ده .. لييييييييه ما سحبت أورنيك ورشحت نفسك لـ أي منصب .. لأنك عارف محل الوجع .. والجمره بتحرق الـ واطيها.. وأكيد ح تقدم للبلد أكتر

لك الود محل ما تقبل

ودجلاله تاجر الفتريته ازيك يارزين ياشفيف
بركة الله ربنا افتحه عليك محل ما تقبل على قول حبوبتى
والله ليك وحشه ياود جلاله ..
تعرف ياحبيب انا وهبت عمرى لهذا البيت الكبير الذى جمعنى
بك وبكل الاحباب ..وصدقنى سوف نبزل الغالى والنفيس من اجل
الجزيره واهل الجزيره ..
وايدك وايدينا الخضراء فوق ارض الطيبين ..ويا بنوت الحله العامره
ابشرن بينا عديلا وزين ..

[نزار حسن محمد]

وماتنسى عندما كنت أنت تشكل ثنائى مع الحريف / عواض عابدين جلد فى أغنية حقيبة لكن الذاكرة لم تسعفنى لذكرها .... وأضف إلى الشباب .... شهاب محمد أبوبكر .... وطلعت عباس ... وماهر مندلى ..

ذكريات عبرت أُفق خيالي
بارِقٌ يلمعُ في جُنحِ الليالي
نبّهتْ قلبيَ من غفوتِهِ
وجلت لي سِتر أيامي الخوالي
كيف أنساها وقلبي
لم يزل يسكن جنبي

سبحان الله ياعوض ياخى انت
ابن حلال مصفى
اليوم الصباح وانا فى طريقى للوزاره
شغلت جهاز pm3
وكانت اول اغنيه للرائع ابراهيم الكاشف
تلك الاغنيه التى كنا نردده مع المتصوف الان
كابتين عواض عابدين
باسم الحب اقدم ليك حياتى
وتذكرة عواض عابدين ..
الذى اصبح متصوف وزهد فى هذه الفانيه

[عوض صقير]

جات قُراصه بي دمعه
واتراجف صحن لقمه
عليهو ملاح نعيميه
واترصت صحون الفول
تقول لمه
وبالفرحه ضحك سرويس
وكت رَدَمَن
إيدين الشامه
بت كلتوم
تلات مرات
تل من نارو
طعميه

بس إن شاء الله يارضا تشبه طعمية عزيزة

[المكاشفى]

الجزيره واهل الجزيره ....

كضاب آنزار ودحسن
كضاب كضاب
كدى زح آجلاله النتخرت فى ود حسن
بندقيتك وينى؟؟؟؟؟؟؟؟؟
ده مربط الفرس؟؟؟؟
بى شنو الجزيره واهل الجزيره
بى عطيه المزين آود حسن ؟؟
ولا بى فتحه مطمورتك ومخازنك والكل يرد وكت الجوع
كضاب ياود حسن وقبالك كضب ود النعيم
وغيروا وغيرو
الجزيره واهل الجزيره بقت ونسه بس
فوق خشومكم لكن حركه لى قدام ماف
اسمع النحدسك انا يا ود حسن السووهو فينا
لابد ندبلوا ليهم دبل
تش ترارم رم

ستار

مسرحيه المديده حرقتنى من وحى الجزيره

والله ياود حسن وكت اتذكر الحصل ليها اللقمه يغلبنى
ابلعها والنوم بجافينى
ياحليلنا الكانوا الناس بعاينوا لى انسان الجزيره
بعين العظمه والمفخره وناس القروش
يمين بالله اسى كما الدربات ياود حسن
ناس الجزيره كلهم يلحقو غنم زهره
(الدربات دى المغتربين فى كل بيت مغترب)

[المكاشفى]

حبيبنا حبيب الكل
حرم مافى واحد طاشى شبكة
حسين شندى فى يوم الدخلة
وحسين الصادق فى الصبحية
كيف لقيتنا
وبعدين بت دبلوك شنو الجبيبا معاى
ما بلقى طريقة اتجدع واحتو النبق فى حضرت جنابك
وعشان تعرف انا جدى كاتل اسد وهارش المرة

والله دا جديع الجمع بين الحسينين
انشاء الله الجديع ماينفعكم يارضا تحتو براااااكم

وبت دبلوك حرستها الشفع كويس
انا كما جربتك بى اسد كدى انت اصل بس
وهى الترفع تلفونها ده جادعاهو بعيد منها
مافتان ولاحاجه بس داير اجرب كتل الاسد فى رضا ود حسن

[نزار حسن محمد]

المكاشفى ياخوى كدى قول خير
هى لكن الجزيره ترجع تانى الجزيره
كيف وكل واحد لبس بنطلون واتشنط
وقعد فى مكتب مكيف خلاف الها جرو
كدى انت ادينى صوتك
بجيب لكم الايسكريم..تب
فى الحله ..آها شن قولك

[انيس التوم]

[COLOR="purple"]
واترنم بينى وبين نفسى .. حليل زمن الصبا الماضى وحليل زهر الحياه/COLOR]

والله ما شاء الله يا نزار متعدد المواهب
الشيء المعروف عنك راجل إداري محنك ماشاء الله عليك لكن فنان دي عرفنا الكلام ده اليوم
وهسه يانزار الفات شنو نحن قاعدين وانت قاعد نعمل لينا شركة كبيرة بتاعت انتاج فني
وليك علي انا الدعاية والانتاج واخونا عوض مستشار عشان زاتوا الواحد يرتاح من الغربة
فراق الاهل ومدني بالتحديد.