المساعد الشخصي الرقمي

مشاهدة النسخة كاملة : ياااااااا ناااااااااااااس شنو يعني ما نغيب .. ؟


أحمد عمر ( MOODY )
09-01-2010, 10:15 PM
يا أخوانا .. و أخواتنا
الحكاية شنو .. ؟
ما تقدر تعرف أيّ حاجة ..!!

***
من شهر تسعة الفات إنشغلت شوية كده من المنتدى
كان عندي برنامج دراسة لشهادات ( iosh و nebosh )
و الحمد لله إنتهيت و إتحصلت على الشهادات

***

لما جيت أدخل المنتدى لقيت الرسالة بتاعت التوقف للتحديث قلنا خيييييييييير و بركة
بعد داك لما جا المنتدى بالشكل الجديد .. طشت مني كلمة المرور
رسلت لي ناس الإدارة ... مشكورين رسلو لي كلمة مرور
أها كلما أحاول أدخل تجيني رسالة خطأ في كلمة المرور
لغاية ما قبل يومين .. براهو الله هداهو

***

أها قعدت أقلّب في البوستات .. شكلو كده كان في
شدّ و جذب و إختلافات ( أتمنى أن تكون في وجهات النظر فقط )
و ناس جديدة .. و ناس قديمة متجددة زي الرائع جداً د. طارق جبريل ( ود جبرين )
المهم إن شاء الله تكون آخر الغيبات الطويلة

***

و بجيكم راجع إن شاء الله .. و إن بقى في العمر بقية

تخريمة بالخليج العربي : يااااا ناااااس فيكم زول في مملكة البحرين
صلاح ودالطاهر
09-01-2010, 10:29 PM
اولا الف حمداً علي السلامه
ثانياً الف مبروك النجاح ومنتظرين الكرامه

في مملكة البحرين موجود اخونا ابوبكر حامد ودالماذون
أبوريلان
09-01-2010, 10:49 PM
حمداً علي السلامة يا باشمهندس
ومبرووووك الشهادة .
بورتبيل
10-01-2010, 12:47 AM
الوجيه الصديق الزميل الزماااااااااااااااان احمد عمر

الف الف مبروك الشهادات الجديدة دي . .. وربنا يدوقك جديدك قول امين

بمناسبة ناس انت بتسال من ناس البحرين مالك عندك ذوقة هناك ولا شنو

على العموم اخونا الدكتور / ابوبكر قسم الله بابكر - بورتبيل متواجد بهناك

تلفونو في رسالة خاصة حا يجيك امسك

يا حليل ايام سنار والبنيان واشياء واشياء ( بسالك من عصام موسى عارف ليهو جيهة)
محمد أحمد الشيخ
10-01-2010, 11:35 PM
الحبيب أحمد عمر

أولا حمدا لله علي السلامة علي الحادث العملتو في شارع الأمارات وأنتي ماشي دبي .
ثانيا : حمدا لله علي سلامة العوده للمنتدي وأنشاء الله عقبالي .

عندك العب أنور خالد في البحرين وأعمل حسابك ما حتعرفو لانو اللسان بقي بحريني والكندوره والقطره والعقال طوالي خاشي فيهم قايل نفسو حمد بن جاسم
برسل ليك تلفونو وأول ما تصل أتصل عليهو .