باقي الصابون والمعجون ماتنسوه

[ام قبس]

دا مجرد سؤال
لو جيت لي ناس وقعدت معاهم استضافوك فترة طويله
واثناء تواجدك في بيتهم طبعا ذوقيا بتشارك في البيت كان صباع معجون
كان باكو صابون
كان علبه عصير
المهم البتجود بيه يدك

اها السؤال لمان تكون ماشي يعني راحل من ناس البيت ديل بتشيل باقي صابونك
وباقي صباع معجونك
وباقي علبه العصير من التلاجه
ولا بتمشي تشتري واحدات جداد
يمكن يكون الحاجات بسيطه وتقعد شويه وتكمل
لكن عمله تشيلهم
بتفضل كتيييييييييييييييييييييييييير

اها السعال بتشيل باقي حاجاتك
ولا بتخليها

[ملك الحلوة]

اكيد ماحشيلهم .......... اشيلهم اوديهم وين

[الجندي المجهول]

السلام عليكم ورحمة الله وبركاته ،،،
لو نازل في بيت اهلنا ( عمة خالة عم خال جيران نسايب) اي نوع من هذه النوعية طبعا وبكل تأكيد ما حا اشيل باقي حاجة انا جتها مهما كانت كبيرة او صغير شوية او كتيرة

ولكن ،،

لو نازل في داخلية أوفندق او معسكر بشيل معاي باقي حاجاتي مع تحفظي التام انه وفي بعض الاحيان حتى لو نزلت في داخلية وجيت تمشي والمجموعة المعاك في الداخلية فرد واصحاب وشلة ما اعتقد اني بشيل حاجة --- طبعا دي وجهة نظري ورأي الشخصي ولان السائد في العرف والتربية السودانية أن نعطي ونهب ونكرم ونستحي ان ننتظر كلمة شكراً


تخريمة : اتمنى ان يكون عام 2010م عام خير وسعادة وتأخي وسلام ومحبة ومودة للمسلمين والسودانين وناس مدني ومنتدى مدني واسرة ام قبس

[أبوحراز]

السلام عليكم ورحمة الله وبركاته ،،،
لو نازل في بيت اهلنا ( عمة خالة عم خال جيران نسايب) اي نوع من هذه النوعية طبعا وبكل تأكيد ما حا اشيل باقي حاجة انا جتها مهما كانت كبيرة او صغير شوية او كتيرة

ولكن ،،

لو نازل في داخلية أوفندق او معسكر بشيل معاي باقي حاجاتي مع تحفظي التام انه وفي بعض الاحيان حتى لو نزلت في داخلية وجيت تمشي والمجموعة المعاك في الداخلية فرد واصحاب وشلة ما اعتقد اني بشيل حاجة --- طبعا دي وجهة نظري ورأي الشخصي ولان السائد في العرف والتربية السودانية أن نعطي ونهب ونكرم ونستحي ان ننتظر كلمة شكراً


تخريمة : اتمنى ان يكون عام 2010م عام خير وسعادة وتأخي وسلام ومحبة ومودة للمسلمين والسودانين وناس مدني ومنتدى مدني واسرة ام قبس


أهلاً بكم 00 ومرحباً بعد غياب طويل

يديك العافية يا ام قيس
بالله إنتي من زمن الزول يشيل حاجاتو ؟؟؟
هو لو جيت ماشي بتلقاهن ؟؟؟

[esmat]

كدي انتي بتشيلي شنو !!


غايتو غير الذكريات ما قاعدين نشيل حاجة

[محمد عبد الله عبدالقادر]

دا مجرد سؤال
لو جيت لي ناس وقعدت معاهم استضافوك فترة طويله
واثناء تواجدك في بيتهم طبعا ذوقيا بتشارك في البيت كان صباع معجون
كان باكو صابون
كان علبه عصير
المهم البتجود بيه يدك

اها السؤال لمان تكون ماشي يعني راحل من ناس البيت ديل بتشيل باقي صابونك
وباقي صباع معجونك
وباقي علبه العصير من التلاجه
ولا بتمشي تشتري واحدات جداد
يمكن يكون الحاجات بسيطه وتقعد شويه وتكمل
لكن عمله تشيلهم
بتفضل كتيييييييييييييييييييييييييير

اها السعال بتشيل باقي حاجاتك
ولا بتخليها

ام قبس سلامات

في فرق بين استضافوك فترة طويله - يعني مهما قعدت انت ضيف
او قعدت معاهم فترة طويله لمن بقيت من ناس البيت واهله.
انت قصدك ياتو

[عوض صقير]

دا مجرد سؤال
لو جيت لي ناس وقعدت معاهم استضافوك فترة طويله
واثناء تواجدك في بيتهم طبعا ذوقيا بتشارك في البيت كان صباع معجون
كان باكو صابون
كان علبه عصير
المهم البتجود بيه يدك

اها السؤال لمان تكون ماشي يعني راحل من ناس البيت ديل بتشيل باقي صابونك
وباقي صباع معجونك
وباقي علبه العصير من التلاجه
ولا بتمشي تشتري واحدات جداد
يمكن يكون الحاجات بسيطه وتقعد شويه وتكمل
لكن عمله تشيلهم
بتفضل كتيييييييييييييييييييييييييير

اها السعال بتشيل باقي حاجاتك
ولا بتخليها

أختنا أم قبس .... كثيرون من الناس لايعرفون وقع تصرفاتهم ... ولكن فى ظل الظروف الأقتصادية الطاحنة ممكن نتوقع أى حاجة ... لأن أخلاقيات الناس أصبحت تتشكل وفق هذه الظروف والضغوط ..

[ام قبس]

كل المتداخلين سلام

كان عنواني رمزيه
لماذا؟

لمواضيع فتحت هنا ونوقشت واثرت بالنقاش
ثم اخذها اصحابها
تمنيت ان تظل هنا فمولدها وبنات افكارها من هنا

والي هنا نحترم هنا وهناك

[ام قبس]

اكيد ماحشيلهم .......... اشيلهم اوديهم وين

ملك الحلوه تحياتي

اكيد انا طمان ماكنت حاشيلهم
ان شاء الله لو مافتحتهم وجبتهم جداد
شكرا علي مرورك
وخليك قريبه

[ام قبس]

السلام عليكم ورحمة الله وبركاته ،،،
لو نازل في بيت اهلنا ( عمة خالة عم خال جيران نسايب) اي نوع من هذه النوعية طبعا وبكل تأكيد ما حا اشيل باقي حاجة انا جتها مهما كانت كبيرة او صغير شوية او كتيرة

ولكن ،،

لو نازل في داخلية أوفندق او معسكر بشيل معاي باقي حاجاتي مع تحفظي التام انه وفي بعض الاحيان حتى لو نزلت في داخلية وجيت تمشي والمجموعة المعاك في الداخلية فرد واصحاب وشلة ما اعتقد اني بشيل حاجة --- طبعا دي وجهة نظري ورأي الشخصي ولان السائد في العرف والتربية السودانية أن نعطي ونهب ونكرم ونستحي ان ننتظر كلمة شكراً


تخريمة : اتمنى ان يكون عام 2010م عام خير وسعادة وتأخي وسلام ومحبة ومودة للمسلمين والسودانين وناس مدني ومنتدى مدني واسرة ام قبس


الجندي سلام
اكيد حتي لو نازل في فندق او معسكر
طول العشره مع المعاك حتخليك تخجل تشيلهم
وعشان السائد دا ذاااااااااااااااااااااتو ماممكن اشيل اي شيء من اي حته عشت فيها
مشكور ومنتظرين بوستاتك الجميله

رد تخريمه اشكرك علي امانيك الطيبه ولك مني مثلها

[ام قبس]

أهلاً بكم 00 ومرحباً بعد غياب طويل

يديك العافية يا ام قيس
بالله إنتي من زمن الزول يشيل حاجاتو ؟؟؟
هو لو جيت ماشي بتلقاهن ؟؟؟


ياسلااااااااااااااااااااااااام
وعليكم السلام ورحمه الله وبركاته ياخي
والله نورت بعد طول غياب
كيف نون وام نون
وجمع اهل الحصاحيصا

والله يا ابو حراز مادا ذاااااااتو المدهشني ليه نشيلها؟
ولو في كتيييييييييييييييير لسع ماتشاف وماستعمل
خارج النص : يلا يابطل ادخل علينا بالبوستات العميقه في انتظارك

[ام قبس]

كدي انتي بتشيلي شنو !!


غايتو غير الذكريات ما قاعدين نشيل حاجة

اسمت سلامات

بشيل في خاطري :cool:

اشيل معقول ابدا
لو عندي طريقه اشتري استوك
واخت ليهم حق شهر
لو عشان خاطر نفر وووووووووووووووواحد في البيت
عشان خاطر عين تكرم الف عين
والذكريات دي خليها ساي:mad:
شكرا كتير علي المرور

[ام قبس]

ام قبس سلامات

في فرق بين استضافوك فترة طويله - يعني مهما قعدت انت ضيف
او قعدت معاهم فترة طويله لمن بقيت من ناس البيت واهله.
انت قصدك ياتو

ابو عمر سلام
استضافوك او بقيت من ناس البيت ((ودي مستحيله))
انا سؤالي عنك انت عن تصرفك مش عن ماقدم لك
وفي النهايه استضافوك ولا بقيت عاوز اكتر من الاستضافه وعاوز تبقي مواطن (( مواطن دي حلوه مش كدا)) في الحالتين لابد من حفظ الجميل والود معا
ولا شنو يا ابو الكرم

تقبل تقديري وتحياتي

[ام قبس]

أختنا أم قبس .... كثيرون من الناس لايعرفون وقع تصرفاتهم ... ولكن فى ظل الظروف الأقتصادية الطاحنة ممكن نتوقع أى حاجة ... لأن أخلاقيات الناس أصبحت تتشكل وفق هذه الظروف والضغوط ..

الاخ المستشار عوض
سلامات
اتن علي حق في وقع التصرفات دي
والظروف قد تجبر الانسان علي اشياء كثيره
وربنا يهون علينا يارب

اشكرك جدا علي مداخلتك

[صلاح ودالطاهر]

اختي الغالية تعرفي زمان جدي في ودزرق كان عندو حاجه اسمها السحاره بتلقي فيها كل شي اها البيت فاتح مع الجيران والدخول للبيت من كل حته وكل الجيران بتتسابق عشان يملوء السحاره عشان تكفي الحبان الغالية متابع جيد لكل ما تكتبين ولجمال كتاباتك افضل التمعن والنظر اليها بدون ان اشرك ظناً مني ابعثر ذلك العقد الجميل لك التحية اختي وربنا يخلي ليك قبس والصغير وابوهم ويرد غربتكم امين وتقبلي مروري حيث كنت اتوجس ان افرط ذاك الابداع الله يرحم الوالده حيث كانت كثير ما تردد هذا الدعاء تبقو غابه والناس حطابه والاصاله تبقي والهدف واحد

[محمد عبد الله عبدالقادر]

ابو عمر سلام
استضافوك او بقيت من ناس البيت ((ودي مستحيله))
انا سؤالي عنك انت عن تصرفك مش عن ماقدم لك
وفي النهايه استضافوك ولا بقيت عاوز اكتر من الاستضافه وعاوز تبقي مواطن (( مواطن دي حلوه مش كدا)) في الحالتين لابد من حفظ الجميل والود معا
ولا شنو يا ابو الكرم

تقبل تقديري وتحياتي

ام قبس سلامات تاني
- ليه من المستحيل تكون من البيت مكن جدا وعندنا في السودان ومدني بالذات حالات كتيييييره

- انا تصرفي بيرجع لسؤالي القلتو ليك يعني ممكن يكون تصرفي رد فعل مني لاي من الانواع تلك
يعني ممكن يستضيفوك لكن يعملوا ليك ( البجي بجي بالقلي قلي) وتكون عاوز متين تتخارج منهم
وفي الحالة دي والله اشيل اي معاي اي حاجه حقتي كان معجون ولا بروة صابونه
والعكس صحيح

والله بالجد بالجد عجبتني ( مواطن) دي

- ولا شنو!!!

[محمد عبد الله عبدالقادر]

ام قبس سلام

قريت بوست عباس الدسيس ومداخلتك معاهو
( جايبين سيرتي ليه)........................

يا سيدتي الفاضله انا واثق تماماً انو كلامك ده غيره على المنتدى ومحاوله في لم الشمل
لكن..
الكتابه ذي ماقال الدسيس ملك للكاتب
ممكن يشارك بيها في اي محل يعجبو
يعني في مواقع تانيه زي سودانيزاونلاين كتاب وصحفين
بنزلوا نفس المواضيع البنزلوها ا في الجرايد في الموقع
ده طيب ما كان الجرايد بتاعتهم المشغلاهم وبتديهم قروش
على كده تقول ليهم لا الكتابات دي ما تنشر الا هنا بس


بعدين الداير يقعد ويكتب حبابو الف وفي الراس
والمادايرنا حنقعدوا بالعافيه؟ شتااااااات خالي محطات

والله عاجباني الفورة بتاعتك دي;)

[نزار حسن محمد]

الغاليه جداً ام قبس
اولا كل عام وانتى والاسره الكريمه بالف خير وسعاده
هذه اول حروفى بالمنتدى مع بداية العام الجديد
واول حروفى عبر هذا البوست..
وقد حضرت من ارض الجزيره قبل يومين
وخليت معجونى وصابونى وحاجات تانيه حميانى كلها فى السودان
اتمنى ان نرتقى بالمنتدى بهذه الدوره
وانتظر منك الكثير والكثير
كونى بخير
اخوك/
نزار حسن " ابوسفروووق"

[الاميره]

العزيزة/ ام قبس
كناياتنا دائما حلوة ولها وقع بدواخلنا (ام قبس ام احمد)
قرأت من فترة يوميت الموضوع وما دخلت !....
والان اتضح المفهوم بعد ان كان له معنى قريب وآخر بعيد
كل منا يكتب ما يجول بخاطره وما بداخلة هذه لها فوائد ومردودات مفيده كتير
ونحزن عندما نعامل بلا أهميه او تقيد اشياؤنا
ولكن يبقى الاصل.. وتظل الكلمات محفورة بدواخلنا
لو توقفنا كثيرا بما يفعله الغير لهلكنا وتكون زى ما قال اخونا عاطف عولى (عايز تموت بشنو)
ودمتى بخير..

[ام قبس]

العزيزة/ ام قبس
كناياتنا دائما حلوة ولها وقع بدواخلنا (ام قبس ام احمد)
قرأت من فترة يوميت الموضوع وما دخلت !....
والان اتضح المفهوم بعد ان كان له معنى قريب وآخر بعيد
كل منا يكتب ما يجول بخاطره وما بداخلة هذه لها فوائد ومردودات مفيده كتير
ونحزن عندما نعامل بلا أهميه او تقيد اشياؤنا
ولكن يبقى الاصل.. وتظل الكلمات محفورة بدواخلنا
لو توقفنا كثيرا بما يفعله الغير لهلكنا وتكون زى ما قال اخونا عاطف عولى (عايز تموت بشنو)
ودمتى بخير..

الاميرة سلامات
دائما ماتأثرني كتاباتك
ولكن تجديني نختلف في طريقه السرد
فانا اكون اقرب للونسه وانت كتاباتك جاده ومرتبه جدا
عكس تماما
ولكني اعترف ان حروفك تدهشني وتجعلني اتمناها قوالب لي
اختي لا تيأسي من الكتابه واذا لم تجدي مشاركه راجعي المشاهدات
فانا دائما ازيل احباطي بها
فعدم المشاركه لاتعني تقليل من قيمه الموضوع
بل قد تعني جودته العاليه التي تجعل من يشارك يجب ان يكون واسع المدارك بقدر المتحاور معه
وله ذخيرة من المعلومات في نفس المجال
وهذا يحتاج ايضا مرجع وخلفيه من الاطلاع الذي اصبح قليل مع مطاحن الحياه
اشكرك بشده
وواصلي وانا من متابعي كتاباتك

[قمرالانبياء]

المهم باقى صابون وباقى معجون
انا بفتكر انو مما من اللياقة
انو اطالب بيهن او حتى اشيلن
لكن لو كنتى حاجة حريصة
ومن زمن حفروا البحر
ونعلاتك تحت سريرك
او مطبولات بطوق
الزول بعد داك بعملا





وانا مقياس رسم للتواصل والرحيل

[esmat]

فعدم المشاركه لاتعني تقليل من قيمه الموضوع
بل قد تعني جودته العاليه التي تجعل من يشارك يجب ان يكون واسع المدارك بقدر المتحاور معه
وله ذخيرة من المعلومات في نفس المجال

دي حكمة ونصحية غالية جداً يا اريتنا نعمل بيه عشان نبدع ونطلع العندنا

اها ...
بالنسبة للصابون وباقي المعجون بعد مراجعات وشوية فهم كدا
ممكن في ناس اشيلوهم خاصة لو المعجون وباقي الصابون بتاعهم خلص
يعني حا اجيبوه من وين إلا امشي استلف من بقالة عمنا (قوقل)

[الاميره]

الاميرة سلامات
دائما ماتأثرني كتاباتك
ولكن تجديني نختلف في طريقه السرد
فانا اكون اقرب للونسه وانت كتاباتك جاده ومرتبه جدا
عكس تماما
ولكني اعترف ان حروفك تدهشني وتجعلني اتمناها قوالب لي
اختي لا تيأسي من الكتابه واذا لم تجدي مشاركه راجعي المشاهدات
فانا دائما ازيل احباطي بها
فعدم المشاركه لاتعني تقليل من قيمه الموضوع
بل قد تعني جودته العاليه التي تجعل من يشارك يجب ان يكون واسع المدارك بقدر المتحاور معه
وله ذخيرة من المعلومات في نفس المجال
وهذا يحتاج ايضا مرجع وخلفيه من الاطلاع الذي اصبح قليل مع مطاحن الحياه
اشكرك بشده
وواصلي وانا من متابعي كتاباتك
الاخت / ام قبس
ممكن تسمينى ام أيمن او ام لينة..او او
تعرفى ..ماقلتيه فى شكل كتاباتى هو نفسه طبعى وواقعى ..وللأسف ما قدرت اغيرو
ودى حالتى حتى فى المجتمع المحيط..
مشكله؟...........

[المكاشفى]

العزيزه ام قبس والله الموضوع لو مجازا اوخيال
اوحقيقه فكونك تشيل دى ماحبابها اللهم الا تكون من بنى شايق
مع الاعتزار للأغنيه وياخى من زمان وزمان شديد فى الواقع يعنى
لمات تخلى حاجه لى اهلك الكنت قاعد معاهم بتزكروك بيها اي والله
انا بزكر كنت زو العامين او اكثر وكان معانا طالب بدرس فى المدرسه
المتوسطه فى الحله اها جا وما من العاده جاب معاه عنقريب هباب
ينوم فوقو وهو كان قاصد الداخليه لكن الوالد ربنايديه الصحه جابو البيت
اها الطالب اسمو حسن ربنا يرحمو ويحسن اليه اتخرج وفات وسنين
نحن جيب عنقريب حسن طلع عنقريب حسن نايم فى عنقريب حسن
عنقريب حسن مابشيل اتنين اها لمات العنقريب لحق صاحبو
ودى من الموروثات يا ام قبس ماتشيل حاجاتك الا تكون مشاكل الجماعه
همسه :-
انت البوديك تتاوقى بيغادى شنو؟؟؟؟؟؟؟
معليش ماجبت معاى صور المره دى

[محمد الجزولى]

ا اللهم الا تكون من بنى شايق



لييييه كــــده ؟؟؟

[ام قبس]

والله ياجماعه شده ماعجبني البوست دا
ضحكت لمان ضحكت
قبل ما ارد للمتداخلين بالترتيب
خلوني اسلم علي اخونا الكبير ((مابعد دا اتكشفت مافي داعي نعمل اكبر منك ساي))
درديري كباشي
والله يادرديري ياخوي
كله منكم سمح حرف حرفين ان شاء الله كان نقطه
بس باقي المعجون والصابون كان تحديدا للاتغفل هنا قبل يتقفل وتفتح والناس فاتحه خشومها بي جاي
فهمتني
لكن لي ثقتي ان البيجود بي صابون ومعجون وهو اساس ما مجبور
اولا بيكون ماشاء الله مخزونه كتيييييييييييييييييييييير ومابينضب
والبيجيب دي في حد ذاتها تدل علي الكرم والذوق علي الزول المابيجي ويده فاضيه
وسيد فهم وحساس
في شان دا كله
بس دا كله مانساني القال حقي غلب
الله يديك العافيه
ويكفينا منك فكر ثاقب
اما انا
اهديك البيت دا
سندق الصخرة حتي تخرج الصخر لنا ماء وخضرة

[ام قبس]

اختي الغالية تعرفي زمان جدي في ودزرق كان عندو حاجه اسمها السحاره بتلقي فيها كل شي اها البيت فاتح مع الجيران والدخول للبيت من كل حته وكل الجيران بتتسابق عشان يملوء السحاره عشان تكفي الحبان الغالية متابع جيد لكل ما تكتبين ولجمال كتاباتك افضل التمعن والنظر اليها بدون ان اشرك ظناً مني ابعثر ذلك العقد الجميل لك التحية اختي وربنا يخلي ليك قبس والصغير وابوهم ويرد غربتكم امين وتقبلي مروري حيث كنت اتوجس ان افرط ذاك الابداع الله يرحم الوالده حيث كانت كثير ما تردد هذا الدعاء تبقو غابه والناس حطابه والاصاله تبقي والهدف واحد

اخي ودالطاهر
اولا ربنا يشفي مريضكم
واجر عافيه ليه يارب


شكرا كتيير علي كلماتك الطيبه
وانا في العاده الكلام الذي دا مابعرف ارد عليه
الا الفيك اتعرفت:cool:
ماقلت ليك مابعرف ارد
طيب رد تاني ممكن
الخيل ماشه ذي الشره في الدلقون:rolleyes:

اسعدني مرورك وكلامك

[خالد علونى]

ام قبس صباح الخير عليك وعلي كل الأعضاء وان شاء الله دايما ود مدني عامرة بي ناسا وروادا واحبابا
الموضوع في البداية شكلوا كان مساحة نقاش عادية
لكين بعد توضيحك الأخير ظهر المعني الحقيقي
الغريبة انا كنت بتكلم مع اخونا المكاشفي امبارح عن المنتدي والحاصل فيه
وجاب لي سيرة البوست دا فنويت أشوف الحاصل فيه شنو
لقيت إنو الناس كلها والحمد لله او اغلبا متفقة علي فهم واحد انو ما تشيل حاجتك معاك
وانت ما عارف الدنيا دي فيها المشاكل والزعل ومرات الزول بحرد سااااااااااااااااااااااي برا سبب يقوم من ناس البيت يقول ليهم انا فايت نمكم
اها يا العشا اب لبن وداعة الله عند الرسول
لكين الشي سفنجة قديمة ساي يقولوا دي حقت فلان ما تخلبها


ام قبس خالص تحياتي وودي ودمت















تخريمة!!! يا ربي الناس الفاتو ديل قاعدين يتاوقوا لي المنتدي!!!!!!!!!!!!!!!!!!!!!!!!!!!!!!!!

[المكاشفى]

لييييه كــــده ؟؟؟

ودالجزولى هبشك طرف السوط
معليش تاخد غيرها اياهو حال المعجون هى الدنيا

[أشرف صلاح السعيد]

سلام ام قبس والجميع..
والله لو عندى باقى معجون وصابون ما بشيلو تب حرم..تثبيت نقطة..
بس لو عندى تحف مصنوعة بعرقى ووقتى وبنات افكارى وعملت متحف بيها بمكان ما وناس المكان "ملاكو" مهتمين بالحيط أكتر من اللوح والتحف حرم وطلق بشيلا معاى وبشوف مكان أحس فيهو الأمان ولتحفى..دى بنفس الرمزية الإبتديتى بيها البوست..
بالواضح:
بنات الأفكار للإنسان وليس للمكان ولا للمنتديات..تصدقى وتآمنى يا مؤمنة أنا بكتب فى اربعة مواقع والركشة ابتدت ما هنا بالمنتديات ولكنها استمرت هنا وكبرت وترعرت حقبة من الزمان هنا..سألتنى مرة : إنتا يا ولد يا أشرف بعتا ناسك الأوائل "المنتديات السابقة لمنتديات ودمدنى"؟..جاوبتنى : إنتا يا زول مالك ما نصيح ..إنتا بتكتب وبتدعو لفكر معين وعايز الناس تشوفو يمكن تستفيد منو..هنا هناك المهم تصل الفكرة..وبقيت باكتب هناك وهناك وهنا ومؤخرا هناك وكتاباتى ما هى بصابون ولا معجون ولا طحنية لا بتكمل لا بتنبرى ولا بتخلص..أنا وحدى من أقرر أين أضع حروفى أينما أرتاح وترتاح..ولم أمسح مشاركاتى لا هناك ولا هناك ولا هنا ولن أمسحها هناك إن قررت أن أذهب إلى متكأ جديد وعالم جديد ورحيب..كل الأماكن أماكنى ودفاترى أتركها أينما كنت وحيثما أشاء..
هنا مدنى وهناك مدنى ومرحب بينا هنا وهناك..

[المكاشفى]

والله يا ابو الشوش لو كان كدى كلامك فى محلو؟؟؟؟؟؟
وتبقى عقده اوديب عندى الرحلكم شنو؟؟؟؟؟
ولسه مافاهم حاجه

[رمــوز]

معقول بس دا لوكان صهيوني ما بشيلهم

طبعا لا