الموبايل & الونسة & السوق & النساء

[بت أم درمان]

بسم الله


والسلام عليكم ورحمة الله


والصلاة والسلام على اشرف الأنبياء سيدنا وحبيبنا محمد عليه الصلاة والسلام


دا أول موضوع لي سنة 2010 وكمان اول موضوع في العام بعد طول غياب دام شهور حرد



موضوعي عايزة اتناول فيهو الونسة بالموبايل
في السوق - المواصلات -
في الاماكن العامة وبصوت عالي
والزول ياخد راحته على الاخر في الونسة ( بلا مبالاة )
بدون مراعاة لخصوصية الكلام البقول فيهو
وبدون مراعاة للناس المتواجدين بالمكان بأنهم يسمعوا أو لا
وأخص بالموضوع النساء وونستهم بالموبايل ( حاجة تغيظ )
وعدم احترام من يتواجد معها بالمكان
وونستها بصوت عالي في الاماكن العامة

[تغريد]

بت ام درمان

أولا ويلكم باك يا غالية

وكل سنة وانتي طيبة

وموضوعك مهم شديد بجيك راجعة ليهو بي مزاج

وشكلوا ح يكون لينا معاهو صولات وجولات

فرحتا لما شفتا بوستيك جيت احجز مكاني

بجيك راجعة يا بت امدر مان

[بت أم درمان]

بت ام درمان

أولا ويلكم باك يا غالية

وكل سنة وانتي طيبة

وموضوعك مهم شديد بجيك راجعة ليهو بي مزاج

وشكلوا ح يكون لينا معاهو صولات وجولات

فرحتا لما شفتا بوستيك جيت احجز مكاني

بجيك راجعة يا بت امدر مان

وانتي طيب ان شاء الله يا تغريد
وربنا دايما يفرح اوقاتك ويسعد ايامك
ومستنية رجعتك

[بت أم درمان]

طبعا انا كتبت الموضوع دا من غيظي وحرقتي
من البشوفه عادة والبيحصل قدامي في السوق والاماكن العامة
وخاصة بعض تصرفات النساء وخصوصا السودانيات
والوحدة تكون ماشة في الشارع وماسكة موبايلها وتتونس
وبصوت عالي وشي ضحك وشي وصيف باليد
يعني تصرفات تخجل فعلا
والمصيبة انها ما بتكون براها
معاها زول ماشي جمبها
والزول دا ما بيقدر يقول ليها اجلي مكالمتك دي لامن ترجعي البيت ؟
سبحان الله

[بت أم درمان]

في مرة كدا مشينا السوق نشتري حاجات
ودخلتنا المحل مرتين دخلو ورانا
وبعد شوية
ترن ترن التلون ضرب
اختنا طوالي الو - اهلا - الله يسلمك - الله يبارك فيك
وهاااك يا ونسة
طبعا المحل فيهو ناس مليان
غير اصحاب المحل البياعين

بعد شوية اسمع المرا تضحك
بعد شوية :
والله امنة قالو وصلت الخرطوم
وكان شفتي مثلت معاي موقف اصلي ما انساهو ليها
التياب الطلبوهم اخواتي للعيد خلتن في جدة عند هناية
اسي انا لا قادرة اجيبن لا عارفة ارسلم مع منو
والله تلاتة تياب بي 1500
وانا محروقة من التصرف
والله زعلتني زعل

غايتو انا بكل زعل مني ومن المحادثة دي
اتلفت وعاينت ليها جووووا عيونا قلت امكن تخجل شوية

وهي ولا هاميها
امشي يمين القاها وراي
امشي شمال تجي وراي
ولسه محروقة على التياب الما وصلو
وتشيل وتحلف و الله بي 1500
انا شكيت غايتو قلت امكن المرا دي عارفاني
ما اشتريت توب العيد :mad:

غايتو سبحان الله
اسي في داعي لي جنس دا
اها انا حفظت المكالمة
وغيري بكون ما قصر
وهي ولا هاميها

[كمال احمد]

الاختا بت ام درمان تحيه طيبه محل شغلى مافيه اختلاط بسودانين كتير يعنى مره مره كده تقابل سودانى ومره مشيت مع واحد صاحبى مسافر السودان سوق البطحاء يشترى اقراضه وفى السوق كان بفتش عن دكان روائح معين قمنا سالنا بتاع دكان قام وصف لينا لكن ما بتقدرو تخشو الدكان ده من الزحمه زحمة الحريم وفجئه وصلنا الوصف والله انا احترت اول حاجه كل النسوان سودانيات الدكان مليان والله انا قلت الدكان فى مدنى وفعلا واحدات ماسكات الجوال وهاك يا نقه انا بره الدان سامع الكلام والشئ الحير واحد من الرجال قاعد فى الواطه وخاتى يديه فى حنكه والاخت تخش الدكان وتجى خارجه والجوال اظنه خط وصاحبنا سارح بره السوق

[حنونة.]

عزيزتى بت ام درمان كل سنة وانت طيبة
موضوع جميل ومهم تعرف دى ناتج من قلة الحياء وعدم الفهم وخصوصاً من جانب النساء فهى لازم تعمل حسابها لتصرفاتها لانها محسوبة عليها ومابالك اذا كانت فى الاسواق وهى شر الامكنة ولها اداب وسلوك يجب مراعاتها عموماً ياستى احترام الاخرين يكون من احترام الشخص لنفسه

[الاميره]

الأخت/ بت ام در
كل سنة وانت بالف خير
المشكله للسلوك المكتسب بالتواتر يعنى اول واحده مسكت محمول واتكلمت بصوت عالى اكيد حب الاستطلاع يجعل البقيه متفرجه وحاسده ونفسياتها كلها وفكرها فى هذا المحمول..
وعند حمله تمارس لا شعوريا الفشخرة العاشتها قبل..
ويبقى هنالك عدم اكتراث للزوج اولا ..(والمفروض ينبه زوجته .هذا اذا كان منتبه اصلا) وثانية مراعاة الشارع العام والمارة ..المصيبه اصبح فى ايد كل فرد بإختلاف ثقافاتهم ومجتمعاتهم وبئاتهم..يعنى لا تستطيعى التحكم فى شئ..وحتى التلفزيون المليان بالذكريات القديمة والسياسه ..ماجعل له مساحة لتثقيف المجتمع الانسانى وتعليمه اصول النظام والرقى فى التعامل..
موضوع كبير ومهم..
ودمتى بخير

[amino]

بسم الله


والسلام عليكم ورحمة الله


والصلاة والسلام على اشرف الأنبياء سيدنا وحبيبنا محمد عليه الصلاة والسلام


دا أول موضوع لي سنة 2010 وكمان اول موضوع في العام بعد طول غياب دام شهور حرد



موضوعي عايزة اتناول فيهو الونسة بالموبايل
في السوق - المواصلات -
في الاماكن العامة وبصوت عالي
والزول ياخد راحته على الاخر في الونسة ( بلا مبالاة )
بدون مراعاة لخصوصية الكلام البقول فيهو
وبدون مراعاة للناس المتواجدين بالمكان بأنهم يسمعوا أو لا
وأخص بالموضوع النساء وونستهم بالموبايل ( حاجة تغيظ )
وعدم احترام من يتواجد معها بالمكان
وونستها بصوت عالي في الاماكن العامة




والله فعلا يابنت ام درمان كلام داير نقاش
وكمان حكاية النغمات والله جنس نغمات
تسد روح الزول من استخدام نغمة الرنين
ويخليهوا صامت ولا هزاز وعلى العليها فى
الاجهزة الجديدة الصوت تقولوا دكان مرطبات
ع الاخير مشغلنوا والله حاجة ناسف عليها
ونامل مراعاة شعور الغير وعدم الازعاج واستخدام
النغمات الهادئة الجميلة التى تروح بال الكل مش تقولوا
لى صولة والربع وسين باول وكمان الاكبر النغمات المصرية
الجديدة بتاعت الاسامى ينادى كل شخص باسموا يامازن
وياهديل وياعبير من اشخاص زوا اصوات حميرية حماكم الله منهم..

[عبدالرحمن مدثر]

بت ام درمان تحياتى

مع جوطة السوق ترتفع الاصوات وتظهر كل الخصوصيات

ايواااا قلت لى شنو

حليمة طلقوها تستاهل ياخ عشان تبطل الحوااااااامة

بعدين بينى وبينك عباس دا من زمااااان جابرونو عليها

والكلام مع الصوت المرتفع يتضح انه

لابينى وبينك ولاحاجة المابسمع بتفرج

وفى حاجة تانية سلوك الفتيات فى المواصلات والضحكات المستهجنة

فى مشكلة فى الذوق العام

فى مشكلة فى الموبايلات فى حد ذاتها كوسيلة للتواصل والتى تحولت

الى بوبار وفشخرة كدابة ولكل من هب ودب

عشان كدا كان لازم تظهر بعض الظواهر السالبة لسوء الاستعمال

[ابو الجيلى]

الأخت بت أم درمان

لك التحية

الموضوع مهم بس محتاج لمعالجات

فى الأسر وتوعية وسط الشباب

وخاصة البنات وعمل ندوات عن كيفية استعمال

الموبايلات .....

ولكن يا أختاه نسوان الزمن ديل صعبات

وما بسمعن الكلام ...

الله يهديهم ....

ولك التقدير

[بت أم درمان]

الاختا بت ام درمان تحيه طيبه محل شغلى مافيه اختلاط بسودانين كتير يعنى مره مره كده تقابل سودانى ومره مشيت مع واحد صاحبى مسافر السودان سوق البطحاء يشترى اقراضه وفى السوق كان بفتش عن دكان روائح معين قمنا سالنا بتاع دكان قام وصف لينا لكن ما بتقدرو تخشو الدكان ده من الزحمه زحمة الحريم وفجئه وصلنا الوصف والله انا احترت اول حاجه كل النسوان سودانيات الدكان مليان والله انا قلت الدكان فى مدنى وفعلا واحدات ماسكات الجوال وهاك يا نقه انا بره الدان سامع الكلام والشئ الحير واحد من الرجال قاعد فى الواطه وخاتى يديه فى حنكه والاخت تخش الدكان وتجى خارجه والجوال اظنه خط وصاحبنا سارح بره السوق



مرحب بيك اخوي كمال احمد
الحمدلله ان الحاجة دي ما انا بس لاحظتها
جد الموقف بكون محرج شديد انا جد بنحرج لي الناس الكدا
بس سؤالي هم ليه كدا
بكون في عدم احساس بالعالم من حولهم
او بكون في عدم اهتمام وعدم مبالاة
في الغالب
عدم المبالاة هو الارجح
ربنا يهدي
تسلم على الحضور كمال احمد

[بت أم درمان]

عزيزتى بت ام درمان كل سنة وانت طيبة
موضوع جميل ومهم تعرف دى ناتج من قلة الحياء وعدم الفهم وخصوصاً من جانب النساء فهى لازم تعمل حسابها لتصرفاتها لانها محسوبة عليها ومابالك اذا كانت فى الاسواق وهى شر الامكنة ولها اداب وسلوك يجب مراعاتها عموماً ياستى احترام الاخرين يكون من احترام الشخص لنفسه


حنونة وانتي طيبة يا رب وربنا يسعد ايامك
ويحلي كل اوقاتك
و حضورك هو الاجمل والله

طيب قلة الحياء دي هي الكارثة وخاصة بالنسبة للنساء
في الاماكن العامة
يعني ما شافوني يسمعوا صوتي احسن ؟ ولا الفهم شنو ؟
يعني كان دايرة اطلع لي السوق ولا اي مشوار
اعمل لي لافتة اكتب فيها ( حافظوا على شعور الغير بالاماكن العامة ؟ )
المكان العام للجميع
والحرية مكفولة
بس الاحترام اهم وواجب كمان

[محمد الجزولى]

الاخت بنت ام درمان
يختلف الاشخاص لحد كبير في استخدام الموبايل الذى يعد وسيلة اتصال شخصي، ولكن البعض يريد أقحام الجميع عنوة في خصوصياته
حتى انو يمكنك ان تحدد عمل المتكلم هل هو موظف او تاجر او طالب او حتى عاطل عن العمل
واستعمال الموبايل فى المركبات العامة له سلبيات كثيرة أهمها اقحام الناس في مواضيع خاصة وإجبارهم على الاستماع لها، بالإضافة لطرح مواضيع تتميز بالحساسيه
وانا ارى انه اذا اتصل عليك شخص فى الموصلات العامه لا ترد عليه وانتظر حتى تنزل لأعتبارات ان الحديث في المواصلات يقحم الاخرين في شؤونك الخاصة دون رغبتهم .
وفي الحالات الضرورية يجب الرد عليه باختصار ..وليس الامر مقصورا على النساء فقط فهنالك كثير من الرجال يتكلمون بصوت عالى جدا ولكن يبقى المطلوب من المراءه ان تخفض صوتها قدر الامكان لخصوصيتها وخصوصيه حديثها غالبا ...
الموضوع طبعا شائك ويعتبر من المواضيع المسكوت عنها لذلك لابد من توعيه اعلاميه مكثفه لمحاربه هذه الظاهره
طبعا الهنود مشهورين بالصوت العالى اثاء حديثهم بالموبايل واحد هندى ساكن جارنا جاتو مكالمه من الهند الساعه 2 صباحا
وبالرغم من انو جوه شقتو الا انو ناس البنايه كلهم صحو واتصل البعض بالشرطه خوفا من ان تكون هناك مشكله ما
وعندما حضر افراد الشرطه وجدوه يضحك وهو يتكلم مع اهله فى الهند النكته فى انو جميع افراد اسرته كانو يغطون فى نوم عميق

[روبش]

والله يا بت ام درمان الشمار لمن يكون حااااار صعب التحدث فيه بصوت منخفض خاصة عند النسوان

اديك العافيه والموضوع هادف يستحق النقاش

[بت أم درمان]

الأخت/ بت ام در
كل سنة وانت بالف خير
المشكله للسلوك المكتسب بالتواتر يعنى اول واحده مسكت محمول واتكلمت بصوت عالى اكيد حب الاستطلاع يجعل البقيه متفرجه وحاسده ونفسياتها كلها وفكرها فى هذا المحمول..
وعند حمله تمارس لا شعوريا الفشخرة العاشتها قبل..
ويبقى هنالك عدم اكتراث للزوج اولا ..(والمفروض ينبه زوجته .هذا اذا كان منتبه اصلا) وثانية مراعاة الشارع العام والمارة ..المصيبه اصبح فى ايد كل فرد بإختلاف ثقافاتهم ومجتمعاتهم وبئاتهم..يعنى لا تستطيعى التحكم فى شئ..وحتى التلفزيون المليان بالذكريات القديمة والسياسه ..ماجعل له مساحة لتثقيف المجتمع الانسانى وتعليمه اصول النظام والرقى فى التعامل..
موضوع كبير ومهم..
ودمتى بخير

ايوااا حب الاستطلاع
الفضول

يعني الزول و الزولة لمن تجيها مكالمة
نحن ما قلننا ما يردو
اردو بس يدارو على حديثهم
الصوت ليه ما يكون خافت
حفاظا على الخصوصية اكثر من اي شي تاني
وتاني شي
حفاظا على الموبايل
زي ما قلتي ممارسة الفشخرة لا شعوريا خاصة ان كان في حرامية موبايلات
في الشارع
الزول يكون بتكلم في موبايله فجأتا يلقى شي بسرعة البرق
شال الموبايل وجرا
مشكورة على المرور
وعلى الاضافة يا برنسيسة

[بت أم درمان]

وكمان حكاية النغمات والله جنس نغمات
صولة والربع وسين باول وكمان الاكبر النغمات المصرية
الجديدة بتاعت الاسامى ينادى كل شخص باسموا يامازن
وياهديل وياعبير من اشخاص زوا اصوات حميرية حماكم الله منهم..



دي ملاحظة برضو بالنسبة للنغمات
شعبنا السوداني ربنا يديهو العافية
عاملين سسسبق على النغمات
المشكلة انها بتكون منزعجة اكتر من تكون مستحبة من قبل المستمع ليهاا

امينو سعيدة جدا بمرورك واضافتك
يديك العافية ربي

[بت أم درمان]

بت ام درمان تحياتى

مع جوطة السوق ترتفع الاصوات وتظهر كل الخصوصيات

ايواااا قلت لى شنو

حليمة طلقوها تستاهل ياخ عشان تبطل الحوااااااامة

بعدين بينى وبينك عباس دا من زمااااان جابرونو عليها

والكلام مع الصوت المرتفع يتضح انه

لابينى وبينك ولاحاجة المابسمع بتفرج

وفى حاجة تانية سلوك الفتيات فى المواصلات والضحكات المستهجنة

فى مشكلة فى الذوق العام

فى مشكلة فى الموبايلات فى حد ذاتها كوسيلة للتواصل والتى تحولت

الى بوبار وفشخرة كدابة ولكل من هب ودب

عشان كدا كان لازم تظهر بعض الظواهر السالبة لسوء الاستعمال





طبعا اي شي شاذ في المكان العام
حا يكون ملفت للنظر
وخاصة الصوت العالي
حا يرفع نسبة الفضول عند الناس
يعني الزول غصب عنه يبقى فضولي
ويسمع
خاصة اذا بقيت في مواصلات
يعني بدل ما تسرح ليك في حاجة بتخصك
تقعد تسمع في ونسة زول قاعد جمبك
وحتى وانت قاعد في مكان عملك
يجي زول ماري جمب الشباك او الباب
وماسك موبايله ويتكلم
في الحالة دي حا تقفل اضنينك ؟
اما بنات الجامعة ديل في المواصلات
والشوارع دايرين ليهم حديث براهم
ربنا يهديهم

اسعدتني مداخلتك
ابو مزن ومنيب
شكرا كتير

[بت أم درمان]

خارج الموضوع

نصيحة

الاجهزة الكهربائية سلاح ذو حدين فبقدر ما هي تخدمك هناك امكانية انها ستضرك
فقط احترس واستخدمها صح

نتيجة استعمال جهاز الموبايل بطريق غير سليمة قد تؤدي بحياتك
فلا تستعملها وهي موصلة في الكهرباء بتشحن
فقد تنفجر مع استعمالها بهذه الطريقة
وفي اي لجظة

[بت أم درمان]

فرقة الهيلاهوب
تمثل اسكيتش
نوع من استهتار سائق الحافلة
يتكلم بالموبايل والحافلة مليانة ركاب
ولا يهتم للحا يحصل
وفاتح الاسبيكر ومشاركة كل الركاب
في المحادثة
والاسكيتش يحكي لحاله




<object width="425" height="344"><param name="movie" value="http://<object width="425" height="344"><param name="movie" value="http://www.youtube.com/v/SgrGat3010c&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/SgrGat3010c&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>/v/K7HSzQWL9tA&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

[بت أم درمان]

الاخت بنت ام درمان
يختلف الاشخاص لحد كبير في استخدام الموبايل الذى يعد وسيلة اتصال شخصي، ولكن البعض يريد أقحام الجميع عنوة في خصوصياته
حتى انو يمكنك ان تحدد عمل المتكلم هل هو موظف او تاجر او طالب او حتى عاطل عن العمل
واستعمال الموبايل فى المركبات العامة له سلبيات كثيرة أهمها اقحام الناس في مواضيع خاصة وإجبارهم على الاستماع لها، بالإضافة لطرح مواضيع تتميز بالحساسيه
وانا ارى انه اذا اتصل عليك شخص فى الموصلات العامه لا ترد عليه وانتظر حتى تنزل لأعتبارات ان الحديث في المواصلات يقحم الاخرين في شؤونك الخاصة دون رغبتهم .
وفي الحالات الضرورية يجب الرد عليه باختصار ..وليس الامر مقصورا على النساء فقط فهنالك كثير من الرجال يتكلمون بصوت عالى جدا ولكن يبقى المطلوب من المراءه ان تخفض صوتها قدر الامكان لخصوصيتها وخصوصيه حديثها غالبا ...
الموضوع طبعا شائك ويعتبر من المواضيع المسكوت عنها لذلك لابد من توعيه اعلاميه مكثفه لمحاربه هذه الظاهره
طبعا الهنود مشهورين بالصوت العالى اثاء حديثهم بالموبايل واحد هندى ساكن جارنا جاتو مكالمه من الهند الساعه 2 صباحا
وبالرغم من انو جوه شقتو الا انو ناس البنايه كلهم صحو واتصل البعض بالشرطه خوفا من ان تكون هناك مشكله ما
وعندما حضر افراد الشرطه وجدوه يضحك وهو يتكلم مع اهله فى الهند النكته فى انو جميع افراد اسرته كانو يغطون فى نوم عميق



اشكرك اخي محمد الجزولي على اضافتك
وجاركم دا كان تقدموا فيهو شكوى ازعاج الجيران

طبعا ناس شرق اسيا ديل عموما بيتكلمو بصوت عالي
قايلين الشارع دا ملكهم
اعتقد ان حداثة استعمال الموبايل تخلي الشخص يتكلم بصوت عالي
على اساس ان ما شايفه قدامه فلازم يعلي صوته
عشان يقدر الطرف التاني يسمعه

[بت أم درمان]

والله يا بت ام درمان الشمار لمن يكون حااااار صعب التحدث فيه بصوت منخفض خاصة عند النسوان

اديك العافيه والموضوع هادف يستحق النقاش


في شمار يستدعي الخصوصية
والكلام بصوت منخفض
بس عموما كدا انا استهجن
رفع الصوت لدى النساء
اثناء الحديث

تحياتي اخي روبش