إعادة التصميم القديم للمنتدى

[عبد المنعم فتحي]

مع كل إحترامي للجهود التي قام بها الإخوة لتحديث المنتدى
أقترح إعادة التصميم القديم

لأن التصميم الجديد عقيم جداً

مجرد إقتراح

[ابو عبد الرحمن]

والله يا اخ عبد المنعم قلت وقولك الحق ........... عقيم وكمان معها ( حاجة ) وممل جداً جداً . ما فهمنا ليه أي حاجة
مع كل تقديري وأحترامي للمجهود البذل من الأخوة الكرام
فلهم كل الدعوات المباركات على ما فعلوه ........... فجزاهم الله خيرا
ارجو الرجوع للتصميم القديم لانه متكامل وبسيط وغير معقد وشكرأ

[خالد حمد موسى]

كل عام وانتم بخير وان شاءالله عام سعيد للجميع
وربنا يحقق الأماني ونسال الله ان يعم السلام البلاد
بالنسبة للمنتدى الجديد نشكر الإدارة وكل من وقف في هذا العمل
وشيلوه الصبر ياشباب النسخة الجديدة دايرة صبر منكم شويه
وان شاءالله بكره تتعودو عليها وأكيد القديم ما احلي من الجديد
الشكر الجزيل للأستاذ ابوبكر وان شاءالله في ميزان حسناتك
ولكم فائق احترامي

[بت أم درمان]

دائما كدا لمن يتغير استايل المنتدى
بنقول على الجديد ما عجبنا
لاننا بنكون متعودين على شكل معين
بس زي ما قال الاخ خالد حمد
الصبر كويس
كم يوم وحا نتعود على الجديد
بس مشكلته مافي خيارات
لون واحد وشكل واحد
مشكورين على الجهود كتير والله
وكل سنة وكلكم طيبين

[عبد المنعم فتحي]

يا جماعة نحنا شاركنا في منتديات كثيرة
آخر سلاسة وجمال

المشكلة في هذا التصميم
لا تستطيع تلوين النص ولا تكبيره ولا تستطيع إدراج صورة أو فيديو

التطوير للأحسن
ولا أرى في هذا التصميم أي ميزة

[بت أم درمان]

يا جماعة نحنا شاركنا في منتديات كثيرة
آخر سلاسة وجمال

المشكلة في هذا التصميم
لا تستطيع تلوين النص ولا تكبيره ولا تستطيع إدراج صورة أو فيديو

التطوير للأحسن
ولا أرى في هذا التصميم أي ميزة


بالعكس كله موجود
تنسيق النص بالكامل
بس انت اعمل ( الانتقال للوضع المتطور ) وجرب

[محمد السني دفع الله]

كل المنى لكم بعام سعيد
وان نتطور في كل لحظة
جميل الأزرق
وبكرة نتعود عليه ونقول
ما احلى منتدانا
ولكم محبتي

[MASS77]

والله بي صراحة عقيم

[admin]

الاخواة والاخوات
تحيات وامنيات طيبات بالعام الجديد
تم تطوير المنتدي الى الجيل الاخير من اجيال المنتديات .. وهي نسخة جديدة وحديثة حتى بالنسبة لجهازنا الفني .. وهذا الاستايل الحالي هو الاستايل الافتراضي للنسخة .. نعدكم انه في المستقبل الفريب سيكون بالمنتدي عدة استايلات وقوالب تتناسب مع الجميع
وكل عام وانتم بخير

[التيمان]

راجنك يا زول





فى امان الله

[moh_alnour]

في أعتقادي الشخصي أن وضع المنتدى سابقا ً كان أفضل بكثير
شكرا ً لكل المجهودات التي تقومون بها لتطوير المنتدى
و صابرين معاكم لحدي ما تبلوا الآبري الأحمر و الأبيض و الفورة مليون يا أدمن :p
تفحيطة : يا كافي البلا و حايد المحن التصميم الجديد دا مالو ما فيهو اللون الأسود نحن الأزرق دا عندنا معاهو حساسية ما بنحب نكتب بيهو :mad:

[الملكة اسماء ( ام محمد )]

صباح الخير
سؤال : الى متى سيستمر هذا الوضع الافتراضي

علما باني جربت جميع الطرق لتلوين وتنسيق النص بدون فائدة

حتى الانتقال للوضع المتطور ماجاب فائدة

وعلى فكرة ادوات التنسيق والتلوين غير موجودة في الصندوق الظاهر امامي سواء عادي او متطور
وبصراحة
مامن السهل نعتاد التغير
احتراماتي

[محمد النويري-الفقراء]

صباح الخير للجميع واتمنى ان يكون الجميع بخير والتحية للاخ الادمن وللجميع الشكل الجديد للمنتدي محتاج مننا لتعود عليه ولكن اتمنى أن تسهلو عينا امكانية التعود فمثلا الالوان تحس بيها باهتة . فانا مع القائل نصبر شوية ونشوف اكيد حنتعود عليهو انشاء الله . ومزيدا من التطور والتقدم

[عبدالله محمد العقاد]

لاحبة الكرام
السلام عليكم ورحمة الله وبركاته

والله انا بافتش في طريقة اكتب بيها اقتراح اعادة المنتدى القديم و لقيت البوتست دا
اولا زي ما قال عبده حقيقة الواحد ما عارف يكتب و لا يقرأ و حاسي انه الشكل الجديد بيضيع في زمننا
الصفحات تجيك اكبر من الشاشة و ما تعرف تمشي يمين و لا شمال و ما تعرف تطلع من البوست او الرجوع للمنتدى العام
اخشي ان يكون المنتدى بشكله الجديد منفر و غير مشجع للتصفح
فياريت اخي ابوبكر المبارك تضعوا لينا خيار و هو امكانية العودة للشكل القديم

[محمد عبد الله عبدالقادر]

الاخواة والاخوات
تحيات وامنيات طيبات بالعام الجديد
تم تطوير المنتدي الى الجيل الاخير من اجيال المنتديات .. وهي نسخة جديدة وحديثة حتى بالنسبة لجهازنا الفني .. وهذا الاستايل الحالي هو الاستايل الافتراضي للنسخة .. نعدكم انه في المستقبل الفريب سيكون بالمنتدي عدة استايلات وقوالب تتناسب مع الجميع
وكل عام وانتم بخير

الادمن
كل سنه وانت طيب وسنه سعيدة عليكم
الجهد واضح ومشكورين عليهو كتير
لكن....
والله زي ما قال ود العقاد الموقع بقى كيف كيف كده ما عارف
لكن طالما في تحديثات زي ما بتقول اها قاعدين ومنتظرين

[ABUZAID]

الاخوة الكرام

السلام عليكم ورحمة الله وبركاته

وكل عام وانتم بخير


اتحدث عن تجربة للتصميم الجديد بين امس ( 1/1/2010 ) واليوم ( 2/1/2010م )

فقد انشات يوم امس موضوعا في المنتدى العام ( الغربة امتحان والنتيجة في السودان )

http://wadmadani.com/vb/showthread.php?31745

ولم تواجهني اي صعوبة في تنسيقه ( فقد كانت قائمة التنسيق ظاهرة في الاعلى )


رجعت اليوم من جهاز اخر وانشات مشاركة اكتشفت معها انني لا استطيع التنسيق لان قائمة التنسيق غير موجودة في الاعلى

فلاشك ان هناك خلل في التصميم الجديد لمواكبته لبعض انواع الويندوز (نتمنى ان يتنبه القائمون على الامر اليه )

عموما

لابد لاي تجربة في بدايتها ان تثير التحفظ والخوف والقلق


اقتحم علينا الويندوز فيستا windows vista ونحن له رافضون ومتخوفون من العمل عليه

وبعد مضى فترة من الزمن اقتنعنا انه افضل من سابقه windows xp

وكذلك كان الحال مع microsoft office 2007
فهو افضل من ال microsoft office 2003


تحياتي

[عبد المنعم فتحي]

التصميم ده لو استمر كده كتير بطفش الناس
عشان كده يا جماعة صلو علي النبي وما تركبوا راسكم
رجعوا لينا التصميم القديم

أنا ما زول رجعي لكن التصميم القديم أفضل بمليون مرة من ده

[admin]

نعمل الان على عدد من الاستايلات .. وهي متاحة الان للاختيار منها من قائمة الاستايلات (في الاسفل الى اليمين) وان لم تجهز بعد نهائيا
الاستايلات المتاحة حتى الان غير متوافقة مع الاكسبلور 6 .. ولكنها متوافقة مع المتصفحات الاخرى.. لهذا لا تظهر قوائم التنسيق لدي البعض
تم ترقية نظام المنتدى كليا .. فكل الاستايلات القديمة لا تصلح للعمل في هذا الاصدار .. ولايمكن الرجوع اليها

كما قال محمد ابوزيد اعلاه نحن مجبرون على مواكبة التطور .. ويجب ان نتعلم كل يوم شئ جديد .. لان الشركات تتابع الاحدث دائما .. فحتى الفيزتا انتهي الان وجاء ويندوز 7

[ابو الجيلى]

السلام عليكم

غايتو الكلام دة انا شخصيا ما مقتنع بيهو

وانا من انصار التصميم القديم

وانتو ما ملاحظين قلة المشاركات بعد التحديث

وخوفنا من الذهاب لمنتديات اخرى

يا أخوانا الأغلبية مع العودة للتصميم القديم

ارجو الأستجابة ولكم ودنا وتقديرنا ....

[خالد أحمد الصول]

أعتقد أن الاستايل القديم عملي و أكثر وضوحا من الجديد وهذه ملاحظاتي عليه
1. صعوبة التحول من منتدي لاخر حيث أن الأستايل القديم توجد فيه خيارات الانتقال من منتدي لاخر أسفل كل صفحة
2.تحتل الصفحة مساحة عرضية كبيرة يصعب معها التمازج بين المشاركات و إضافة رد
3.

[محمد النصيح]

والله ياجماعه البتاع الجديد جننا جن شديد مره احمر ومره رمادي والعنوان باليمين وباقي الصفحه بالشمال ومافي تنسيق للكتابه بس بنكتب في محايه