الغربة امتحان والنتيجة في السودان

[ABUZAID]

الغربة امتحان والنتيجة في السودان

الحاجة شامة متغربة عن بلدها لسنين عددا
ليست اقدم المتغربين ولكنها اكثرهم حكمة في نظري
كستها الغربة وشاحا من الهيبة والرزانة ورجاحة العقل
كانت الحاجة شامة تردد دوما كلما زرتها في بيت غربتها. . .


الغربة امتحان . . . . . النتيجة في السودان


فقد كانت تتحدث ان الغربة مثل الامتحان , , , نتعب ونجد ونجتهد لغرض سامي وهدف اساسي الا وهو النجاح وهو النتيجة التي تصفها بانها نتاج التعب والاجتهاد وهو لا محالة في الوطن ( السودان )


كنت افكر كثيرا وعلى مر عدد من السنوات في تحليلها لمقولتها هذه. . . .
استنجد بتجارب الكثير من المغتربين
استند الي مقولات الكثير ممن امتهنوا الغربة
استجمع مواقف وقصص كان ابطالها متغربين عن اوطانهم

ولعل ( ماساة الحاج عدلان ) لاكبر شاهد عايشته على ضرورة البحث في كوامن النفس والاستدراك والاتعاظ قبل فوات الاوان

ولعل الصدق في مراجعة النفس

ومن ثم القرار الصائب

والتطبيق الفعلي للقرار

لهو اكمل العقل



مع انقضاء كل يوم, أسبوع, شهر, عام لابد لكل متغرب عن وطنه الوقوف بصدق مع نفسه ومراجعتها وتدقيق ما انقضى من عمره, والسعى بجد في تقييم وتقويم فترة الاغتراب.
ولعلنا في حوجة الى التطرق لسؤال مهم جدا:-


1- ما هو الهدف الاساسي من الاغتراب ؟ ؟ ؟

ولكل متغرب هدف ادى به الى التغرب . . .
هدف قد يكون جبرا او طوعا, وفي كل لابد ان يكون لكل ظروفه ودوافعه التي هو الوحيد الذي يقدرها ويفسرها
تعددت الاهداف
والنتيجة واحدة

الغربة

وقد تطول بنا الى حد ( امتهان الغربة ) وهو الحد الذي لا نقدر بعده عن العدول او التراجع او محاولة تعديل الوضع, وقد ينتج عن ذلك تاثر بعض الجهات بهذا الوضع واولهم الابناء والاسرة, وقد ينشا الابناء على مجتمع مخالف لمجتمعهم الاصل, ويتشعبون من مجتمعهم هذا بمقدار رفضهم لاي دعوة للرجوع الى بلدهم الاصل, وقد يسوء الحال لدرجة انهم يرفضون تماما أي محاولة لتعديل هويتهم الجديدة, فيتغير الحال, وتنشب صراعات اسرية ثقافية اجتماعية قاهرة لا يهدأ الحال الا بتسليم احد الاطراف, اما الاباء او الابناء, ولعل الاب هو من يرضخ اخيرا لصراع الابناء.


وقد يتوارث المتغربين ثقافة مجتمعات جديدة, وبمرور السنين, يجدوا انفسهم وقد انغمسوا في هذه الثقافة التي طغت على ثقافتهم الام, فتتغير الكلمات ويتلعثم اللسان, ويواجهون اقسى انواع الترويض اللا مقصود.

ومنهم اميون يتقمصون ثقافة الغير, وهذه الفئة موجودة وبكثرة, وباختلاف الدول والثقافات, تتعدد اللهجات والاساليب, تجد ان بعضهم يغرق في بحور ثقافة غيره متناسيا ثقافته الام ودينه ولهجته, فتجده وقد غير ثيابه وتسريحة شعره واتى يتبختر ويتباهى بلسانه وملبسه وهيئته الجديدة على ابناء بلده والذين هم لازالوا يتمسكون بثقافتهم وعاداتهم وسط تيار جارف.


ومع هذه الصراعات يجد المتغرب نفسه وقد نسى الهدف الاساسي من تغربه . . . .
يجد المتغرب نفسه فاقدا لاساسيات, سيطرت عليها مظاهر خادعة, وسلوكيات كاذبة. . .


فكم من مغلوب على امره تغرب من وطنه بغية تحقيق هدف معين, واضعا حدا عمريا معينا وعددا من السنين لا يتجاوز الخمس سنوات, يجد نفسه وسط زحام الغفلة وقد قضى بقية عمره متغربا.


كم من معسر وجد نفسه غريبا, تسوقه سياط الغربة الى سنوات من الضياع وخيبة الامل, والتي كلما طالت, طال معها غيابه عن وطنه وحزنه على ما ال اليه حاله, فكم من خائب امله مشتاق الى وطنه وقد اخجله سوء وضعه عن زيارة بلده, ولعلها اسوا حالات الغربة, واسوأ شماعات التعليل.

تطول بنا الايام في غربتنا ناسين ومتناسين هدفنا, ولا يجرؤ الكثير منا على الوقوف بشجاعة, والتوقف بقوة لنسال انفسنا
هل تحقق الهدف الاساسي من الغربة ؟ ؟ ؟

امتهن بعضنا الغربة لدرجة انه تناسى ان . . . .


الغربة امتحان والنتيجة في السودان

[محمد عبد الله عبدالقادر]

ود ابو زيد سلامات
ياخي مالك علينا في اول يوم في السنه جايب لينا جنس الكلام ده
والله ده الكلام البيوجع زاااااتو
عليك الله حلينا مربوطين في الساقيه دي ومغطين عيونا ولافين سااااي

وكل سنه وانت طيب

تهنيئة: مبروك عليك الفخرية يا فخر المنتديات - الظاهر الشغل جاب شغل;)
جيش;);)

[ABUZAID]

ود ابو زيد سلامات
ياخي مالك علينا في اول يوم في السنه جايب لينا جنس الكلام ده
والله ده الكلام البيوجع زاااااتو
عليك الله حلينا مربوطين في الساقيه دي ومغطين عيونا ولافين سااااي

وكل سنه وانت طيب

تهنيئة: مبروك عليك الفخرية يا فخر المنتديات - الظاهر الشغل جاب شغل;)
جيش;);)



حبيبنا المغترب
محمد عبد الله عبد القادر

مشكووووور على المروووور



ياخي مالك علينا في اول يوم في السنه جايب لينا جنس الكلام ده
والله ده الكلام البيوجع زاااااتو
عليك الله حلينا مربوطين في الساقيه دي ومغطين عيونا ولافين سااااي

ما موجوع براك

الدنيا كلها موجووووووعة


بس ما رديت على السؤال . . . .


نتيجة غربتك كم ؟ ؟ ؟ ! ! ! !

[أبورهف]

مابراااااااااااااااااااااااااااااااااااااااااااااا ااااااااااااك

قولو لى النيل ضفة ضفة
والعشيات لما تصفى
والنسيمات البتاخد من عفاف ريدتنا عفة
انو شوق بيفيض بحر
شوقى شوق انسان معذب
ضيعو الليل والسفر
لاينابيع ريدى جفت
لا ولا اشواقى خفت
بالدموع الفى غربة زايدة بيها كل الدنيا عرفت


الدنيا ليل غربة ومطر
وطرب حزين وجع تقاسيم الوتر
شرب الزمن فرح السنين والباقى هداهو السفر

[محمد عبد الله عبدالقادر]

حبيبنا المغترب
محمد عبد الله عبد القادر

مشكووووور على المروووور




ما موجوع براك

الدنيا كلها موجووووووعة


بس ما رديت على السؤال . . . .


نتيجة غربتك كم ؟ ؟ ؟ ! ! ! !






الفخري ابو زيد سلامات

والله انت حكاك خلاص
النتيجه:confused:
النتيجه:confused::confused:
كدى النفكر واجيك راجع بمزااااااج

[ABUZAID]

مابراااااااااااااااااااااااااااااااااااااااااااااا ااااااااااااك

قولو لى النيل ضفة ضفة
والعشيات لما تصفى
والنسيمات البتاخد من عفاف ريدتنا عفة
انو شوق بيفيض بحر
شوقى شوق انسان معذب
ضيعو الليل والسفر
لاينابيع ريدى جفت
لا ولا اشواقى خفت
بالدموع الفى غربة زايدة بيها كل الدنيا عرفت


الدنيا ليل غربة ومطر
وطرب حزين وجع تقاسيم الوتر
شرب الزمن فرح السنين والباقى هداهو السفر



حبيبنا الغالي - أبورهف


كل سنة وانت طيب ياخ



قولو لى النيل ضفة ضفة
والعشيات لما تصفى
والنسيمات البتاخد من عفاف ريدتنا عفة



ويا حبذا تفتح اي قناة سودانية تلقى سيد خليفة بيغني . . .

يا وطني يا بلد احبابي - - في وجودي احبك وغيابي

بتذكر فيك عهد صباى - - على شاطي النييييييييييل

انا هنا شبيت يا وطني - - زيك ما لقيت يا وطني


اثار في شجونا كنت اكتمها
عفا واذكر وادي النيل هيمانا


ربنا يرد كل متغرب لبلده


برضك ضايرت الموضوع ونسيت السؤال الهام . . .


تحياتي

[الاميره]

كل عام والجميع بخير
سؤال فى كل عام بطرح نفسه وفى كل عيد ..وتنسرق السنين فى غفوة الزمن مع المشاغل التى لا حد لها ..
والحصاد حتى الان طفيف يكفى عملنا عيال وبدانا معاهم الطريق ..هذه النقطة الوحيده مما جنينا فى الغربه من الايجابيات
ولو نظرنا هناك فى السودان لا يوجد سكن خاص..وهذه اكبر مشكله..ونفتقد والعيال لاجدادهم وباقى الاهل...ودى من النتائج المفقوده ..
مع تقديرى واحترامى..

[محمد حسين (المميز)]

واللــه يابوزيـد مافي شي ينقـال غيـر

ربنـا يرد غربتنـا

[ABUZAID]

الفخري ابو زيد سلامات

والله انت حكاك خلاص
النتيجه:confused:
النتيجه:confused::confused:
كدى النفكر واجيك راجع بمزااااااج



الحبيب الغالي - محمد عبد الله عبد القادر

المراد واضح انك تجاوب على النتيجة بينك وبين نفسك

وتقيم وتقوم المسالة بنفسك


شكلك درجة اولى او امتياز

تحياتي

[ABUZAID]

كل عام والجميع بخير
سؤال فى كل عام بطرح نفسه وفى كل عيد ..وتنسرق السنين فى غفوة الزمن مع المشاغل التى لا حد لها ..
والحصاد حتى الان طفيف يكفى عملنا عيال وبدانا معاهم الطريق ..هذه النقطة الوحيده مما جنينا فى الغربه من الايجابيات
ولو نظرنا هناك فى السودان لا يوجد سكن خاص..وهذه اكبر مشكله..ونفتقد والعيال لاجدادهم وباقى الاهل...ودى من النتائج المفقوده ..
مع تقديرى واحترامى..


الاخت - الاميرة



يكفى عملنا عيال وبدانا معاهم الطريق ..هذه النقطة الوحيده مما جنينا فى الغربه من الايجابيات

وهذا اهم مافي الموضوع



غالبية المتغربين لا يملكون بيوتا في السودان
فالواقع المرير للاسعار الفلكية للاراضي والبنيان شجع الكثير من المتغربين الى السعى
للتملك بجمهورية مصر العربية, لانها ارخص اسعارا واكثر امانا واوفر ميزانا ( كما يقول بعضهم )


تحياتي

[محمد النصيح]

السلام عليكم اخي العزيز
والله نحنا يادوب متغربين
وزي مابتقول الغربه لاهداف معينه ولكن الشايفنو والحاصل قدامنا غربه وضياع الاهداف وربنا يرد غربة كل من تغرب وعاني الي الوطن الحبيب
بس اقول زي كل زول طلع من السودان واتغرب نرجع بدون حصاد نعمل شنو في السودان الواحد بتصل السودان للناس الطيبين العاشين في معاناة البلد الحبيب ويقول عايز ارجع تسمع منهم الاف الكلمات النافيه وحال البلد يزداد سوء (وجدنا في الغربه عم تحقيق لاهداف غربتنا واصبحت رجعتنا اكثر مشكله فما هو الحل)

[أبوريلان]

الأخ أبوزيد
سلام

موضوعك مكواة

لم يتحقق الهدف بعد ، وأكيد ده رأي الغالبية العظمي من المغتربين نسبة لغلاء الأسعار عامة بالسودان ودول المهجر ، أما جلوسنا رغم عدم تمكنا من تحقيق الهدف ومرور السنين علي غربتبنا هو من وجهة نظر خاصة وجود الحياة الكريمة بأرض المهجر والتي أفتقدها بوطني الأم .

[ABUZAID]

واللــه يابوزيـد مافي شي ينقـال غيـر

ربنـا يرد غربتنـا



حبيبنا الغالي - محمد حسين ( المميز )


اشواقي


وبنقول معاك


ربنـا يرد غربتنـا

اللهم امين

[ABUZAID]

السلام عليكم اخي العزيز
والله نحنا يادوب متغربين
وزي مابتقول الغربه لاهداف معينه ولكن الشايفنو والحاصل قدامنا غربه وضياع الاهداف وربنا يرد غربة كل من تغرب وعاني الي الوطن الحبيب
بس اقول زي كل زول طلع من السودان واتغرب نرجع بدون حصاد نعمل شنو في السودان الواحد بتصل السودان للناس الطيبين العاشين في معاناة البلد الحبيب ويقول عايز ارجع تسمع منهم الاف الكلمات النافيه وحال البلد يزداد سوء (وجدنا في الغربه عم تحقيق لاهداف غربتنا واصبحت رجعتنا اكثر مشكله فما هو الحل)



الاخ العزيز - محمد النصيح


المشكلة مش انك ترجع بدون حصاد

قول ربنا يكفي المتغربين شرور الامراض


يطلع الواحد من بلدو شباب وقوة وحيوية . . .
وتمتص الغربة وسنواتها العجاف شبابه وحيويته . . .
فيرجع الى بلده مهلك بالامراض والعلل . . .

ذكرتني بي كلامك ده نكتة ابكر مع الالزامية . . .

قالوا ابكر قاعد في ترتوار قدام دكانو في امان الله , , ,
جاهو ادم جاري قال ليهو ناس الالزامية في الشارع التاني , , ,
عض ابكر طرف جلابيتو وفك فردة سفنجة وهو جاري وبيقول ( نسال الله السلامة وسرعة الجري )



يا ود النصيح ربنا يردك لي بلدك معافي ونصيح


ونسأل الله السلامة وسرعة الجرى


تحياتي

[محمد النويري-الفقراء]

الاخ ابو زيد الغربة من وجهة نظري ممكن اختصرها للاسف في مثل بقول ( عايرة وادوها سوط )

[امال مالك]

اخي ابو زيد لك التحية
عند قرأتي لهذا الطرح الجميل ..
جلست مع نفسي وتأملت كلماته وكان لها عميق الاثر في نفسي ..........
تغربت لعدة سنوات وكل سنة كنت امتحن امتحان جديد لم انجح مرة واحده وانال الشهادة السودانية .......
اسفت كثيرا على نفسي وجرت دموعي حتى غرقت ملابسي من طول نحيبي وبكاءِ ..
ندمت وهل ينفع الندم بعد ان ضاعت سنيني ..

لك احترامي و تقديري ....

[محمد النصيح]

تسلم اخي ابوزيد وربنا يحفظكم ويحفظ كل المغتربين ويردهم بالسلامه انشاء الله

[ABUZAID]

الأخ أبوزيد
سلام

موضوعك مكواة

لم يتحقق الهدف بعد ، وأكيد ده رأي الغالبية العظمي من المغتربين نسبة لغلاء الأسعار عامة بالسودان ودول المهجر ، أما جلوسنا رغم عدم تمكنا من تحقيق الهدف ومرور السنين علي غربتبنا هو من وجهة نظر خاصة وجود الحياة الكريمة بأرض المهجر والتي أفتقدها بوطني الأم .


حبيبنا الغالي - ياسر عبد الرحمن

اهلا بيك
ومليون مرحب


نسبة لغلاء الأسعار عامة بالسودان
وهو ده غلاء عادي ! ! !

تسمع عن السودان
وضعف المرتبات
وغلاء المساكن
وزيادة السكر
وشوال العيش بقى بالمبلغ الفلاني

والناس ماقادرة

وتجي تقول تشتري ليك قطعة ارض . . .

تلقى الاسعار في السماء

طيب ياناس . . . .

مادام المعيشة غالية ! ! !
والمرتب يادوب بيكفي الشهر ! ! !

يبقى البيشتري الاراضي دي لما تطلع اسعارها وتبقى في السماء منو ؟ ؟ ؟ ؟

تحياتي

[الجندي المجهول]

حبيبنا ابو زيد

تحية صباحية بنكهة القرنفل

بس اعرف انو حتى لو نجحت في الغربة بتكون شايل معاك ( اقلاها ) مادة او مادتين نظام ملحق وكدا
تخريمة : بالمناسبة زولك (الرجل العنكبوت ما كان مغترب) آآآآآآآآآآي بالجد

[ABUZAID]

الاخ ابو زيد الغربة من وجهة نظري ممكن اختصرها للاسف في مثل بقول ( عايرة وادوها سوط )


الحبيب الغالي - محمد النويري-الفقراء

كل الود والشوق


حقيقة


عايرة وادوها سوط

وسوط لي سوط يفرق

[ABUZAID]

اخي ابو زيد لك التحية
عند قرأتي لهذا الطرح الجميل ..
جلست مع نفسي وتأملت كلماته وكان لها عميق الاثر في نفسي ..........
تغربت لعدة سنوات وكل سنة كنت امتحن امتحان جديد لم انجح مرة واحده وانال الشهادة السودانية .......
اسفت كثيرا على نفسي وجرت دموعي حتى غرقت ملابسي من طول نحيبي وبكاءِ ..
ندمت وهل ينفع الندم بعد ان ضاعت سنيني ..

لك احترامي و تقديري ....


اختي الكريمة - امال مالك

سلامي واطيب امنياتي لكل متغرب


أبيت في غربه لا النفس راضيه بها
ولا الملتقى من شيعتي كثب

فلا صديق تسر النفس طلعته
ولا رفيق يرى ما بى فيكتئب

ولعل لب الهدف من هذا الموضوع . . .
والغرض الاساسي منه . . .

ان يراجع كل متغرب منا نفسه . . .
ويرجع الى سنين غربته . . .
فيقيم تجربة تغربه ثم يقومها . . .
ومن بعدها يكون القرار . . .
والذي يصعب عن الكثيرين

فتقويم التجربة له من الابعاد مالا يجعلنا نفكر حتي في الاقدام على مراجعة التجربة اصلا
وينتج عن ذلك طول الغيبة . . . وزرف الدموع . . . والحزن الشديد

ولكن . . . .

[ABUZAID]

تسلم اخي ابوزيد وربنا يحفظكم ويحفظ كل المغتربين ويردهم بالسلامه انشاء الله



امييييييييييييييييييييييييييييين

[ABUZAID]

حبيبنا ابو زيد

تحية صباحية بنكهة القرنفل

بس اعرف انو حتى لو نجحت في الغربة بتكون شايل معاك ( اقلاها ) مادة او مادتين نظام ملحق وكدا
تخريمة : بالمناسبة زولك (الرجل العنكبوت ما كان مغترب) آآآآآآآآآآي بالجد


حبيبنا الغالي - الجندي المجهول

تحية مسائية بنكهة شباب جدة


كتير بيحصل


كلو كوم

بس الملاحق دي ماتكون على حساب الصحة

كتر من التمارين ياخوي وابعد من العنكبوت ده

بيوديك التوج

اشواقي

[ام قبس]

الاخ ابوزايد
سلام
اولا وقبل كل شيء دعني ازيل شيء من حتي في النفوس
في مداخله سابقه قدر اردت ان ابدع في استخدام التعبير
ولكن يظهر انني لم اوفق
برغم اجهاري انا علي دهشتي للجمال قد يجعلني فاغره فاهي
تقبل عذري عن جمال نقلته انت فاردت وصفه انا فلم توجد شفره بيننا

اما بعد
الغربه امتحان وامتحان عسير
قد نظنه ينتهي بانتهاء الزمن المقرر
ولكن النتيجه دائما ما تأتي طويله المدي
هذه الغربه المحددة
اما المفتوحه فلها ابعادها في النفس الانسانيه
التي تعشق المزيد وتتناسي متي نستمتع بهذا المزيد
فيضيع كله شمار في مرقه
خارج النص: قد يدهشني احدث موبايل اليوم وقد ابحث غدا عن من اقول له جمله عبر هذا الموبايل
فلا اجد اللغه المشتركه ولا الاحساس بما اقول او يقول
فلا تنفع حينها كل الاحداثيات في فك الشفرة او خلق شفرة جديدة
تقبل مروري

[أبو عبد الله]

الأخ أبو زيد نشكرك على طرح هذا الموضوع المميز

أخي كلنا نعلم بأن الغربة عبارة عن بئر عميق ليس له قرار إلا أن الظروف التي تيحيط بنا هي التي تؤدي بنا إلى بذل المزيد من التضحيات في سبيل الأخرين فالظروف التي تمر بها معظم الأسر السودانية هي التي دعت إلى هذه الغربة ............. ربما تقول لي بأنه توجد بعض الأسر قد تحسن وضعهم فلماذا لم يعودوا أدراجهم؟؟؟ أقول لك أخي الفاضل كلما نظرنا يوماً بعد يوم إلى الأوضاع التي يمر بها وطننا الحبيب فالواحد فينا يفضل البقاء خارجاً ويقول الأول نبني البيت ونخلي الأولاد يتعلموا افضل تعليم ثم بعدها نرجع وبعد أن يتعلم الأبناء يكون المسلسل في الحلقات الأولى له ويتواصل المشوار .................. أخي الفاضل أنا أحكي عن نفسي وربما يوجد الكثير من هم على شاكلتي ولقد كان السبب الأول هو الفقر وعدم العمل بالوطن وسعينا وسعينا وسعينا إلا أنه لم نتوفق ولم نجد ملاذاً سوى الغربة في سبيل تأسيس أسرة وتوفير إحتياجاتنا وفي كل سنة والتي تليها نقول متى الرجوع إلى أرض الوطن إلا أن السنين تمر بنا وتمر معها ساعة الزمن ......... فنسأل الله ان يسود وطننا السلام وتزول المحسوبية ويلقي كل فرد نصيبه في التوظيف وكل خريج ينال حظه وفرصته في العمل................................ ومهما تغربنا وطالت السنين فلابد من الرجوع إلى الوطن
وفي الختام أقول اللهم رد غربتنا اللهم رد غربتنا وأجمع شملنا مع أهلنا وأبنائنا...............
تقبل مروري ولك فائق التقدير

[اسامة السيد ال السيد]

الاخ ابوزيد تحية طيبة مباركة كلنا نكتوى بنار الغربة الحارفة التى لانعرف لها نهاية واتمثل بقول شاعرة حرقتها نيران الغربة فقالت ..ياغربة اديناك كتير ادينا خاطرك يسهلة
خلينا نرجع بالفضل نلحق حياتنا نعدلة
امالنا فيك بدرى اتنست وبقينا زى اهل القبور لا البره عارف يدخلها
ولا الجوة يرجع لى وراء يحكى الحقيقة يوصلة
لكن خلاص هان الخلاص عدك نزل مهما علا
وانشاء الله نحيا نودعك وتكونى زكره نفارقة
فلكم التحايا اخوة درب الاغتراب وتاب الله علينا واياكم من عزاب الاغتراب ويرجعنا الى بلدنا بالصحة والعافية ولك التحية اخى ابوزيد ورد الله غربتك وايانا ........

[ABUZAID]

الاخ ابوزايد
سلام
اولا وقبل كل شيء دعني ازيل شيء من حتي في النفوس
في مداخله سابقه قدر اردت ان ابدع في استخدام التعبير
ولكن يظهر انني لم اوفق
برغم اجهاري انا علي دهشتي للجمال قد يجعلني فاغره فاهي
تقبل عذري عن جمال نقلته انت فاردت وصفه انا فلم توجد شفره بيننا

اما بعد
الغربه امتحان وامتحان عسير
قد نظنه ينتهي بانتهاء الزمن المقرر
ولكن النتيجه دائما ما تأتي طويله المدي
هذه الغربه المحددة
اما المفتوحه فلها ابعادها في النفس الانسانيه
التي تعشق المزيد وتتناسي متي نستمتع بهذا المزيد
فيضيع كله شمار في مرقه
خارج النص: قد يدهشني احدث موبايل اليوم وقد ابحث غدا عن من اقول له جمله عبر هذا الموبايل
فلا اجد اللغه المشتركه ولا الاحساس بما اقول او يقول
فلا تنفع حينها كل الاحداثيات في فك الشفرة او خلق شفرة جديدة
تقبل مروري

الاخت الكريمة - ام قبس

سلامي يعم ليشمل الجميع

وكلمة سلام ذات الاربعة احرف
تمتد بالمعنى الى حيث اللا منتهى واللا محدودية

وقبل كل شئ . . .
اهلا وسهلا
والف مليون مرحبا
و 3 خرفان بدل واحد

لا ترسبات في نفسي لتزال . . .
كان ردي في نفس الموضوع . . .
واعتبرته شافيا وكافيا

لكل منا . . .
ثوابت ومبادئ ومفاهيم
تختلف وتتفق

وذلك لا يفسد للود قضية

كذلك لكل منا راي . . .

ومادام كل منا يحترم راي الاخر, بمقدار احترامه لرايه . . .
فلا اظن ان نفوسنا قد يترسب فيها شئ من حتى


اهلا بيك ياست الناس

والف مليوووووون مرحب

غريب والغربة اقسى نضال
غريب والغربة سترة حال

نحن بنحكي عن تجربة غربتنا القريبة
ساعة الواحد بيكون جوة البلد

فهل يستوي مفهوم الغربة للقريب من بلده والبعيد ؟ ؟ ؟

وهل شعور الغربة هو نفس الشعور ؟ ؟ ؟

اجزم ان الغربة درجات . . .


فلماذا يستوي الجميع في كلمة الغربة ؟ ؟ ؟

تحياتي

[محمد عبد الله عبدالقادر]

حبيبنا ابو زيد

تحية صباحية بنكهة القرنفل

بس اعرف انو حتى لو نجحت في الغربة بتكون شايل معاك ( اقلاها ) مادة او مادتين نظام ملحق وكدا
تخريمة : بالمناسبة زولك (الرجل العنكبوت ما كان مغترب) آآآآآآآآآآي بالجد


يا رااااااااجل ......
يعني الواحد يعمل حسابو ولا كيف

هو غير العنكبوت في شنو تاني من نفس الفصيله؟

[ABUZAID]

الأخ أبو زيد نشكرك على طرح هذا الموضوع المميز

أخي كلنا نعلم بأن الغربة عبارة عن بئر عميق ليس له قرار إلا أن الظروف التي تيحيط بنا هي التي تؤدي بنا إلى بذل المزيد من التضحيات في سبيل الأخرين فالظروف التي تمر بها معظم الأسر السودانية هي التي دعت إلى هذه الغربة ............. ربما تقول لي بأنه توجد بعض الأسر قد تحسن وضعهم فلماذا لم يعودوا أدراجهم؟؟؟ أقول لك أخي الفاضل كلما نظرنا يوماً بعد يوم إلى الأوضاع التي يمر بها وطننا الحبيب فالواحد فينا يفضل البقاء خارجاً ويقول الأول نبني البيت ونخلي الأولاد يتعلموا افضل تعليم ثم بعدها نرجع وبعد أن يتعلم الأبناء يكون المسلسل في الحلقات الأولى له ويتواصل المشوار .................. أخي الفاضل أنا أحكي عن نفسي وربما يوجد الكثير من هم على شاكلتي ولقد كان السبب الأول هو الفقر وعدم العمل بالوطن وسعينا وسعينا وسعينا إلا أنه لم نتوفق ولم نجد ملاذاً سوى الغربة في سبيل تأسيس أسرة وتوفير إحتياجاتنا وفي كل سنة والتي تليها نقول متى الرجوع إلى أرض الوطن إلا أن السنين تمر بنا وتمر معها ساعة الزمن ......... فنسأل الله ان يسود وطننا السلام وتزول المحسوبية ويلقي كل فرد نصيبه في التوظيف وكل خريج ينال حظه وفرصته في العمل................................ ومهما تغربنا وطالت السنين فلابد من الرجوع إلى الوطن
وفي الختام أقول اللهم رد غربتنا اللهم رد غربتنا وأجمع شملنا مع أهلنا وأبنائنا...............
تقبل مروري ولك فائق التقدير

الاخ الحبيب - أبو عبد الله

مشكور اولا على المرور


فنسأل الله ان يسود وطننا السلام وتزول المحسوبية ويلقي كل فرد نصيبه في التوظيف وكل خريج ينال حظه وفرصته في العمل

يذخر السودان بالكثير من الموارد التي تؤهله ليكون من اغنى دول العالم
وهذا قبل البترول

ولكن . . . .

تعاقبت الحكومات . . .
وتناوبت الشخصيات على حكمه . . .
وتعددت الاحزاب . . .
وتكالبت الانقلابات. . .

ولم يكن فيها من يدرك مفهوم الوطنية

مفهوم التربية الوطنية من الابتدائي سابقا والاساس حاليا
وشعور حب الوطن وايثاره على النفس
منعدمة عند الغالبية

وعلى هذا المنوال يجري القياس لكل ما يحدث في السودان منذ عشرات السنين

الديمقراطية تعني الهمجية
العسكرية تعني الموت والخوف والجبن

تاهت المفاهيم
وانعدمت الضمائر

فسادت المحسوبية
وعظمت القبلية
وطغت الحزبية وانحيازها

فأفقنا وصحونا على
واقع مرير
ودمع غزير


هو الغربة

تحياتي

[ABUZAID]

الاخ ابوزيد تحية طيبة مباركة كلنا نكتوى بنار الغربة الحارفة التى لانعرف لها نهاية واتمثل بقول شاعرة حرقتها نيران الغربة فقالت ..ياغربة اديناك كتير ادينا خاطرك يسهلة
خلينا نرجع بالفضل نلحق حياتنا نعدلة
امالنا فيك بدرى اتنست وبقينا زى اهل القبور لا البره عارف يدخلها
ولا الجوة يرجع لى وراء يحكى الحقيقة يوصلة
لكن خلاص هان الخلاص عدك نزل مهما علا
وانشاء الله نحيا نودعك وتكونى زكره نفارقة
فلكم التحايا اخوة درب الاغتراب وتاب الله علينا واياكم من عزاب الاغتراب ويرجعنا الى بلدنا بالصحة والعافية ولك التحية اخى ابوزيد ورد الله غربتك وايانا ........


الاخ العزيز - اسامة السيد ال السيد

شكرا على مرورك


وتاب الله علينا واياكم من عزاب الاغتراب

حقيقة اسال الله عز وجل . . .

ان يتقبل توبتنا

وان يتوب الله علينا


تحياتي

[ABUZAID]

يا رااااااااجل ......
يعني الواحد يعمل حسابو ولا كيف

هو غير العنكبوت في شنو تاني من نفس الفصيله؟


الاخ الحبيب - محمد عبد الله عبدالقادر

اشواقي


كان فهمتونا قصة العنكبوت دي . . .

كان الواحد ارتاح في غربتو


وللا شنو يا حاج عنكبة ! ! !

[محمد عبد الله عبدالقادر]

الاخ الحبيب - محمد عبد الله عبدالقادر

اشواقي


كان فهمتونا قصة العنكبوت دي . . .

كان الواحد ارتاح في غربتو


وللا شنو يا حاج عنكبة ! ! !


محمد عبد الله ابو زيد سلامات يا رائع

راحة في الغربه دي مافي يا اخوي

وقصة العنكبوت دي اسال منها المميز ولا الجندي المجهول ياهم هم البجيبو المحن دي

[ABUZAID]

محمد عبد الله ابو زيد سلامات يا رائع

راحة في الغربه دي مافي يا اخوي

وقصة العنكبوت دي اسال منها المميز ولا الجندي المجهول ياهم هم البجيبو المحن دي


حبيبنا الغالي - محمد عبد الله عبد القادر

اشواقي فائضة

وحنين غربة للبلد


راحة في الغربه دي مافي يا اخوي


صدقت والله

تحياتي

[محمد عبد الله عبدالقادر]

حبيبنا الغالي - محمد عبد الله عبد القادر

اشواقي فائضة

وحنين غربة للبلد



صدقت والله

تحياتي



"4"]الرائع محمد عبد الله ابو زيد سلامات

عارف بحكايه الراحة دي
الواحد زمان كان بفتكر انو الراحه في بيت مريح كبيير ومؤثث فرش ناعم وهواء بارد واجهزة كهربائية تريحك من كل شي وخدم يقوموا باي عمل طبيخ نظافه وتربيه الاولاد والسواقه وما الى ذلك ولمن جينا هنا حاولنا نعمل اغلب الحاجات دي وتشاء الصدف انو الواحد يخش في قصور فارهة وحاجات اكتر من الكان بتخيلها في يوم من الايام، لكن لقيت الناس الساكنين جواها ما عندهم اي استمتاع بالحاجت العندهم ياخدوها كانها حاجات عادية مسلم بيها
الغرف الكبيرة المتفرقه جوه القصر تخلي كل واحد فيهم عايش في دنيا منفصله عن الناس التانية
القصر الكبير ما اهله ما عارفين الفي منو والبره منو والفي قاعد وين ما عارفين ولو عرفوه قاعد وين بعمل في شنو ما جايبين خبر
الناس قاعده مع بعض وما قاعده تتلاقى مع بعض زي ناس الداخليه كل واحد في غرفته - ويمكن ناس الداخليات احسن-
علاقات ااسريه تقدر تقول مفككة وهي اصلاً ما مربوطه عشان تتفكفك
الواحد يعرف المربيه بتاعته اكتر من امه
القصر ده جميل من بره وتتمنى تخش فيهو وتعيش فيهو لكن جمال خارجي بارد بدون مشاعر واحساس الاسرة الدافي

تعرف يا ابو زيد من اكبر فوائد الغربه تعلم الواحد انه يقدس و يحرص على العلاقات الاسريه الموجوده عندنا في السودان
عشان كده الواحد لمن يمشي اجازة تلقاهو عاوز يعيش اللحظات دي مع اي واحد بعرفوا وداير يلم الناس حاولينو

بجيك تاني عشان اكمل[/size]

[رمــوز]

والله مافي كلام يتقال الا ربنا يرد غربتكم

الحمدلله اننا لم نتغرب ونسال الله ان يبعد عنا الغربة

ويردكم ويحقق المقاصد

مشكور اخي علي الطرح الجميل

دمـــــــــــت بعــــــــــــــــز

[مايسة]

الاخ الكريم ابو زيد - متعك الله بالصحة والعافية - وكل عام وانت في خير ونعمة -
اولا مبروك الفخرية -

موضوع الغربة موضوع بيضرب في العظم على طول كدا - وكثير منا - تارة يتلذذ بنارها - وتارة اخري يحترق منها

تصدق مع كل سنة اقف مع نفسي هذه الوقفة - وانا ارتجف من الخوف - ماذا سنفعل - اسنظل هكذا طول حياتنا - متغربين

- مفهوم الغربة واسع جدا - الغربة عن الوطن وانت داخل الوطن - وهذه اصعب منها لا يوجد - فمعظمنا غادرنا وطننا لاننا شعرنا بالغربة داخله - (لأسباب عدة واولها الوضع الاقتصادي للدولة - وما يتبعه من اشياء الجميع يعلمها ) ..

كما اسلفت سيادتك فان الغربة تختلف من شخص لآخر -
هناك من تغرب بأسرته - وهذا ارتاح من جهة ان ابناءة بعاد عنه وسيتعب من جهة كيف سيؤمن لهم مستقبلهم وكيف سيرجع بهم الي بلدهم بعد ما تعودو على العيشة المترفه والرفاهية ورغد العيش - حتي وان كانت بسيطة - فهي عندما تقارنها بدولتنا العظمي - فهي تعتبر عيشة ناعمة ورغدة -
فأبسط الامور متوفرة وبسهولة - العلاج - التعليم - واهم ما في الموضوع الأمن اخي الكريم - والذي اصبح معدوم في بلادنا -

وهناك ايضا من تغرب لحاله اي لوحده تاركا اسرته وراءه وهي اصعب اغتراب في رائ الشخصي -
ومنهم من تغرب لتكوين نفسه لبداية حياة مستقبلية -

لا نستطيع الغاء اللوم على لغربة ولعنها - فهي كما تأخذ مننا - فهي تعطينا ايضا - والشاطر فينا من يستثمر الوقت - ويقتنع بما قسمه الله له

لا اريد الاكثار والاطالة في الحديث -فمهما تحدثنا فالحديث عن الغربة لا ينتهي ابدا

فهما اكيد امران احلاهما مرا - اذا خيرت بين هنا وهناك

ولكن على المغترب ان يفكر بعقلانية ويحسبها جيدا - (فالانسان يعيش مرة واحدة في هذه الحياة - وبتخيل طالما اتيحت له الفرصة لعيشها في رااحة تامة فلماذا لا يستغلها ويغتنم هذه الفرصة) - والا فليرجع غير آسف . دمت

[ABUZAID]

"4"]الرائع محمد عبد الله ابو زيد سلامات

عارف بحكايه الراحة دي
الواحد زمان كان بفتكر انو الراحه في بيت مريح كبيير ومؤثث فرش ناعم وهواء بارد واجهزة كهربائية تريحك من كل شي وخدم يقوموا باي عمل طبيخ نظافه وتربيه الاولاد والسواقه وما الى ذلك ولمن جينا هنا حاولنا نعمل اغلب الحاجات دي وتشاء الصدف انو الواحد يخش في قصور فارهة وحاجات اكتر من الكان بتخيلها في يوم من الايام، لكن لقيت الناس الساكنين جواها ما عندهم اي استمتاع بالحاجت العندهم ياخدوها كانها حاجات عادية مسلم بيها
الغرف الكبيرة المتفرقه جوه القصر تخلي كل واحد فيهم عايش في دنيا منفصله عن الناس التانية
القصر الكبير ما اهله ما عارفين الفي منو والبره منو والفي قاعد وين ما عارفين ولو عرفوه قاعد وين بعمل في شنو ما جايبين خبر
الناس قاعده مع بعض وما قاعده تتلاقى مع بعض زي ناس الداخليه كل واحد في غرفته - ويمكن ناس الداخليات احسن-
علاقات ااسريه تقدر تقول مفككة وهي اصلاً ما مربوطه عشان تتفكفك
الواحد يعرف المربيه بتاعته اكتر من امه
القصر ده جميل من بره وتتمنى تخش فيهو وتعيش فيهو لكن جمال خارجي بارد بدون مشاعر واحساس الاسرة الدافي

تعرف يا ابو زيد من اكبر فوائد الغربه تعلم الواحد انه يقدس و يحرص على العلاقات الاسريه الموجوده عندنا في السودان
عشان كده الواحد لمن يمشي اجازة تلقاهو عاوز يعيش اللحظات دي مع اي واحد بعرفوا وداير يلم الناس حاولينو

بجيك تاني عشان اكمل[/size]



اشواقي


وهي اصلاً ما مربوطه عشان تتفكفك

المال ما يبعني كل شئ في الحياة

قد يتوفر المال عند بعضهم
ولكن تجده يبحث عن السعادة حتى بعد دفنه




تعرف يا ابو زيد من اكبر فوائد الغربه تعلم الواحد انه يقدس و يحرص على العلاقات الاسريه الموجوده عندنا في السودان


واكبر فوائد الغربة في نظري انك بتلقى وبتربي علاقات اقوى من الاسرية بين ابناء بلدك

نعم . . .
الغربة فيها الكثير من الطالحين ان صح التعبير. . .
وكثير من المتغربين ممكن يعتبر لقاءه بابناء بلده مصالح وكاش


ولكن . . .
في الغربة ممكن تلقى. . .

الكنوز من الرجال

المعتق من الاخوان

المصهور من الاصدقاء

المعروش نبلا وثقة وهمة

ورب اخ لك لم تلده امك


تحياتي

[ABUZAID]

والله مافي كلام يتقال الا ربنا يرد غربتكم

الحمدلله اننا لم نتغرب ونسال الله ان يبعد عنا الغربة

ويردكم ويحقق المقاصد

مشكور اخي علي الطرح الجميل

دمـــــــــــت بعــــــــــــــــز


الاخت الكريمة - رمــوز

شكرا على مرورك

ونسال الله ما تشوفي غربة ولا تقاسي مرارتها

تحياتي

[ABUZAID]

الاخ الكريم ابو زيد - متعك الله بالصحة والعافية - وكل عام وانت في خير ونعمة -
اولا مبروك الفخرية -

موضوع الغربة موضوع بيضرب في العظم على طول كدا - وكثير منا - تارة يتلذذ بنارها - وتارة اخري يحترق منها

تصدق مع كل سنة اقف مع نفسي هذه الوقفة - وانا ارتجف من الخوف - ماذا سنفعل - اسنظل هكذا طول حياتنا - متغربين

- مفهوم الغربة واسع جدا - الغربة عن الوطن وانت داخل الوطن - وهذه اصعب منها لا يوجد - فمعظمنا غادرنا وطننا لاننا شعرنا بالغربة داخله - (لأسباب عدة واولها الوضع الاقتصادي للدولة - وما يتبعه من اشياء الجميع يعلمها ) ..

كما اسلفت سيادتك فان الغربة تختلف من شخص لآخر -
هناك من تغرب بأسرته - وهذا ارتاح من جهة ان ابناءة بعاد عنه وسيتعب من جهة كيف سيؤمن لهم مستقبلهم وكيف سيرجع بهم الي بلدهم بعد ما تعودو على العيشة المترفه والرفاهية ورغد العيش - حتي وان كانت بسيطة - فهي عندما تقارنها بدولتنا العظمي - فهي تعتبر عيشة ناعمة ورغدة -
فأبسط الامور متوفرة وبسهولة - العلاج - التعليم - واهم ما في الموضوع الأمن اخي الكريم - والذي اصبح معدوم في بلادنا -

وهناك ايضا من تغرب لحاله اي لوحده تاركا اسرته وراءه وهي اصعب اغتراب في رائ الشخصي -
ومنهم من تغرب لتكوين نفسه لبداية حياة مستقبلية -

لا نستطيع الغاء اللوم على لغربة ولعنها - فهي كما تأخذ مننا - فهي تعطينا ايضا - والشاطر فينا من يستثمر الوقت - ويقتنع بما قسمه الله له

لا اريد الاكثار والاطالة في الحديث -فمهما تحدثنا فالحديث عن الغربة لا ينتهي ابدا

فهما اكيد امران احلاهما مرا - اذا خيرت بين هنا وهناك

ولكن على المغترب ان يفكر بعقلانية ويحسبها جيدا - (فالانسان يعيش مرة واحدة في هذه الحياة - وبتخيل طالما اتيحت له الفرصة لعيشها في رااحة تامة فلماذا لا يستغلها ويغتنم هذه الفرصة) - والا فليرجع غير آسف . دمت




الاخت الكريمة - مايسة

كل سنة وانت بالف خير


احد المشاركين( اسامة السيد ال السيد ) قال في مشاركة


وتاب الله علينا واياكم من عزاب الاغتراب

وهو بيعتبر الغربة اثم وسال الله ان يتوب على المتغربين من الاثم

هو ما قصد اثم بمعنى الاثم
ولكنه شبه الغربة بالاثم

واثم كبير في نظري

عموما


لا نستطيع الغاء اللوم على لغربة ولعنها - فهي كما تأخذ مننا - فهي تعطينا ايضا - والشاطر فينا من يستثمر الوقت - ويقتنع بما قسمه الله له


فهي كما تأخذ مننا - فهي تعطينا ايضا

زمان كانت بتاخد وتعطي

حسه يا اختي بقت تاخد بس ( الا من رحم ربي )

والكتير من المغتربين حار بيهم الدليل . . .
بقوا لا قادرين يرجعوا . . .
ولا قادرين يستمروا . . .

وزي ماقال احدهم ( اقلاها الحياة ساهلة وميسرة )


نسال الله ان يسهل الامور في بلدنا

تحياتي

[ABUZAID]

هى الغربة اصلا نار


وياحبذا تتعرض فيها لبعض المشاكل . . .

بتذكر عمي كان بيقول دائما :
كلو في الغربة ساهل . . .
تتغرب . . .
تشقى . . .
تساهر الليالي . . .
كلو ساهل . . .

وكنا بنسالو . . .

طيب الماساهل والصعب شنو في الغربة ؟ ؟ ؟

وكان بيرد وكانو منتظر سؤالنا ده . . .

كلو ساهل الا اتنين . . .
تدخل في مشكلة مع البوليس . . .
او تدخل مع المستشفيات في مرض . . .

كتير بتذكر ماساة الحاج عدلان . . .

الراجل ده فجأة لقى نفسو في المستشفى . . .
ومتهم في قضية مع البوليس . . .

الاتنين اتلمو عليه في وقت واحد

وهااااااااك يا بهدلة


وغربة لى غربة تفرق


تحياتي

[الجندي المجهول]

هى الغربة اصلا نار


وياحبذا تتعرض فيها لبعض المشاكل . . .

بتذكر عمي كان بيقول دائما :
كلو في الغربة ساهل . . .
تتغرب . . .
تشقى . . .
تساهر الليالي . . .
كلو ساهل . . .

وكنا بنسالو . . .

طيب الماساهل والصعب شنو في الغربة ؟ ؟ ؟

وكان بيرد وكانو منتظر سؤالنا ده . . .

كلو ساهل الا اتنين . . .
تدخل في مشكلة مع البوليس . . .
او تدخل مع المستشفيات في مرض . . .

كتير بتذكر ماساة الحاج عدلان . . .

الراجل ده فجأة لقى نفسو في المستشفى . . .
ومتهم في قضية مع البوليس . . .

الاتنين اتلمو عليه في وقت واحد

وهااااااااك يا بهدلة


وغربة لى غربة تفرق


تحياتي

حبيبنا نهارك سعيد كانه عيد

اقول ليك سر ما في زول يسمعوا ..... مهما جنيت من اموال في الغربة لن تعوضك ما فات من سنين ( لكن ماذا نفعل) وهكذا اكل العيش نرحل نسافر نشقى ليس بادينا ولكن الظروف هي التي ابت إلا ان تجلعنا نسافر ..... ولكن ---- أجمل ما فيها جمعتنا بك وبــ مجموعة الاخوان الطيبيب الذي اصبحوا لنا ( اهل - اخوان - حبان) ودي في حد زاتها نتيجة وانا قبلان بيها ( تكسب مزيد من الاخوان)

يمضي اخوك فلا تلقى له خلفاً والمال بعد ذهاب المال مكتسب ،،،،

تخريمة :: اها هسع كان مشيت السودان وقلت تمشي السوق العربي وانتظرت المواصلات وركبت في الحافلة وقعدت جنب الشباك ....... الباقي تموا خيال .......

[هاشم جاد]

لك التحية ابوزيد

الرجوع الى السودان فكرة جميلة .. لكن على ارض الواقع صعبه

[ABUZAID]

حبيبنا نهارك سعيد كانه عيد

اقول ليك سر ما في زول يسمعوا ..... مهما جنيت من اموال في الغربة لن تعوضك ما فات من سنين ( لكن ماذا نفعل) وهكذا اكل العيش نرحل نسافر نشقى ليس بادينا ولكن الظروف هي التي ابت إلا ان تجلعنا نسافر ..... ولكن ---- أجمل ما فيها جمعتنا بك وبــ مجموعة الاخوان الطيبيب الذي اصبحوا لنا ( اهل - اخوان - حبان) ودي في حد زاتها نتيجة وانا قبلان بيها ( تكسب مزيد من الاخوان)

يمضي اخوك فلا تلقى له خلفاً والمال بعد ذهاب المال مكتسب ،،،،

تخريمة :: اها هسع كان مشيت السودان وقلت تمشي السوق العربي وانتظرت المواصلات وركبت في الحافلة وقعدت جنب الشباك ....... الباقي تموا خيال .......


الاخ العزيز - الجندي المجهول

ارق سلام


حقيقة الغربة تاخذ اجمل سنين العمر . . .
فتشعل الراس شيبا . . .
وتغذي الجسد فتورا . . .

ولعمري فان الباقيات في الغربة . . .

العلاقات الاخوية المعتقة


ولكن . . .
في الغربة ممكن تلقى. . .

الكنوز من الرجال

المعتق من الاخوان

المصهور من الاصدقاء

المعروش نبلا وثقة وهمة

ورب اخ لك لم تلده امك



عهدناك دوما اخا وصديقا ورفيقا وفيا مخلصا

ولا كلمات اجدها تعبر عن الحال

فالسكوت خير

تحياتي

[محمد الجزولى]

استاذى ابو زيد
تحياتى واشواقى
معنا واحد مصرى شغال فراش
لم يمضى على تعيينه بالشركه اكثر من خمس سنوات
اول سنتان استطاع ان يوفر له مبلغا اشترى به شقه
تانى سنه استطاع ان يوفر مصاريف زواجه
الان يعمل على توفير مبلغ يستطيع ان يستثمره فى مصر والرجوع اليها نهائيا

قريبى له حوالى 18 سنه فى هذه البلاد ( الامارات )
عندما تم قبول بنته الكبرى فى احدى الجامعات السودانيه قرر الرجوع نهائيا للسودان حتى يكون قريبا من بنته ويستثمر شقا عمره بوطنه
انفق نصف مدخراته رسوم وتصاديق ( ورشاوى)
وبعديييييييييييييييين ... بقى فى امشى وتعال .. وامشى تعال لغاية ما مدخراته كلها كملت
وقرر الرجوع مره اخرى للغربه ليبدأ من جديد
شفته يا اخى ابو زيد الفرق بينه وبينهم
الغربه امتحان لغير السودانى وغالبا ما يجتازون هذا الامتحان وعن جداره
اما السودانى فغربته راس مالها فى تعليم اولاده واعانة اهلة بالسودان
ثم توفير عمل لاولاده بعد ان يكبرو فى نفس مكان غربته لتكون الساقيه لسه مدوره

[ABUZAID]

استاذى ابو زيد
تحياتى واشواقى
معنا واحد مصرى شغال فراش
لم يمضى على تعيينه بالشركه اكثر من خمس سنوات
اول سنتان استطاع ان يوفر له مبلغا اشترى به شقه
تانى سنه استطاع ان يوفر مصاريف زواجه
الان يعمل على توفير مبلغ يستطيع ان يستثمره فى مصر والرجوع اليها نهائيا

قريبى له حوالى 18 سنه فى هذه البلاد ( الامارات )
عندما تم قبول بنته الكبرى فى احدى الجامعات السودانيه قرر الرجوع نهائيا للسودان حتى يكون قريبا من بنته ويستثمر شقا عمره بوطنه
انفق نصف مدخراته رسوم وتصاديق ( ورشاوى)
وبعديييييييييييييييين ... بقى فى امشى وتعال .. وامشى تعال لغاية ما مدخراته كلها كملت
وقرر الرجوع مره اخرى للغربه ليبدأ من جديد
شفته يا اخى ابو زيد الفرق بينه وبينهم
الغربه امتحان لغير السودانى وغالبا ما يجتازون هذا الامتحان وعن جداره
اما السودانى فغربته راس مالها فى تعليم اولاده واعانة اهلة بالسودان
ثم توفير عمل لاولاده بعد ان يكبرو فى نفس مكان غربته لتكون الساقيه لسه مدوره



الاخ الغالي - محمد الجزولى


تحية ود وشوق

وللغربة تغييرات في النفس كثيرة

وللغربة شجون يحلو بعذب الكلمات

قد نتبت فينا الهاما للابداع
وقد تغرس فينا حبا للوطن يندر
وقد تبث فينا املا بمستقبل واعد
وقد تنفث فينا ما لا نطيق


شكرا كتير اخي الحبيب على مرورك


تحياتي

[ABUZAID]

لك التحية ابوزيد

الرجوع الى السودان فكرة جميلة .. لكن على ارض الواقع صعبه



الاخ الغالي - هاشم جاد

اهلا وسهلا بالرائعين


الرجوع الى السودان فكرة جميلة

وهذا هو المطلوب اثباته . . .
وهو لب الموضوع . . .

يبقى وجب الجانب العملي والتنفيذ يااخوى


لكن على ارض الواقع صعبه

وهنا انتفى التنفيذ . . .

وهنا انطبق عليك القال . . .

لا بريدك . . .
ولا بحمل بلاك .


ونسال الله السلامة وسرعة الجرى


اشواااااااااااااااقي

[ABUZAID]

الغربة لسه مسيطرة

خيبة امل ممكن تكون
ويبقى الرجوع زي مقبرة

يمكن يكون خوف الفشل
خوف من ضياع من مسخرة

يمكن كمان قلة وجيع
من رجعة يوم متعثرة

الغربة لسة مسيطرة

[monim]

أخي ابو زياد
السبب الذي يجعل السوداني يضع سقف زمني لغربته هو الاحباطات المتكررة في السودان اقتصاديا وسياسيا واجتماعيا ... بقول يرجع لي شنو ... اولاده يقروا الجامعات ثم يعودوا لتكملة حياتهم هنا ... ليس هناك مال كافي لمجابهة حياة الغلاء في السودان التي تمكن معظم المغتربين من عمل اي مشروع يكملون به بقية حياتهم بعد العودة ... لذلك يستمر مسلسل الاحباط من خلال مشاهدات الاجازات الى ان تتعتم الصورة وتصل الى ما تراه الآن .
مع تحياتي

[ABUZAID]

أخي ابو زياد
السبب الذي يجعل السوداني يضع سقف زمني لغربته هو الاحباطات المتكررة في السودان اقتصاديا وسياسيا واجتماعيا ... بقول يرجع لي شنو ... اولاده يقروا الجامعات ثم يعودوا لتكملة حياتهم هنا ... ليس هناك مال كافي لمجابهة حياة الغلاء في السودان التي تمكن معظم المغتربين من عمل اي مشروع يكملون به بقية حياتهم بعد العودة ... لذلك يستمر مسلسل الاحباط من خلال مشاهدات الاجازات الى ان تتعتم الصورة وتصل الى ما تراه الآن .
مع تحياتي


الحبيب الغالي - monim


شكرا اولا على المرور


تتعدد الاسباب وتختلف . . .
ولكن الغالبية ممكن يكون
التزامات الابناء وتربيتهم


ولازال البحث جاريا . . .


تحياتي

[بدر الدين احمد الطائف]

حبيبنا ابوزيد كيف حالك
تعرف انا زمان كان عندى راى فى الناس البتغترب بالسنين الطويله ويضيعوا عمرهم كله فى الغربه .
ولما ربنا قسم لى السفر الى السعوديه سافرت وفى حساباتى ان لاتزيد فترة اغترابى عن السنتين لاننى كنت محتاج الى اشياء محدده .لا اطمع فى زيادتها .
المهم تفاجات باشياء كثيره لم تكن فى الحساب كما حدث للكثيرين.ولكن قل لى ماذا كانت النتيجه فى السودان .

[adola72]

أخي ود ابوزيد
لك التحية ولك أعضاء المنتدى والمنتسبين والمتابعين وكل المهاجرين عن الديار وعينهم علي الوطن الذي طال ما احضنهم منذ النشأة .
من منا بدون طموح أو تحقيق اقل سبل الراحة والاستقرار حيث ينعم بمنزل صغير مع أسرة في ابسط مقومات الحياة وكل يختار طريقه إن كان بالداخل أو الخارج وربما للظروف هذا الوطن والضغوط اختار البعض أن يهاجر ويترك كل الأيام الجملية الذكريات الحلوة والأصحاب والإخوة والعائلة وقلبه يتقطع وما باليد حيله ، ربما لم أفكر في أن أغادر الوطن ليس لأنني أحبه أكثر منكم فالجميع يعشق من ابن أتي ولكن وجودي قريب من الكل يجعلني أكثر سعادة وكم احلم بان أري السودانيين في الخارج في أرضهم ووسط أهلهم وأحبابهم ، قد يسأل البعض لماذا يكتب هذا وعن ماذا يتحدث وحقيقة ربما لم أعيش أي تجربة خارجية ولكن لا أتحمل أن اتاقلم إلا علي طبيعة هذا الوطن وبرضو كما قال المثل (اليدو في المويه ما زى اليدو في النار) أتمني للجميع حياة سعيدة ملئ بالتفاؤل وتحقيق الأحلام لحين العودة إلي الديار بالصحة والعافية والمال الكثير

[ABUZAID]

حبيبنا ابوزيد كيف حالك
تعرف انا زمان كان عندى راى فى الناس البتغترب بالسنين الطويله ويضيعوا عمرهم كله فى الغربه .
ولما ربنا قسم لى السفر الى السعوديه سافرت وفى حساباتى ان لاتزيد فترة اغترابى عن السنتين لاننى كنت محتاج الى اشياء محدده .لا اطمع فى زيادتها .
المهم تفاجات باشياء كثيره لم تكن فى الحساب كما حدث للكثيرين.ولكن قل لى ماذا كانت النتيجه فى السودان .




اخونا الغالي - بدر الدين احمد الطائف

اشواق فائضة


تعرف انا زمان كان عندى راى فى الناس البتغترب بالسنين الطويله ويضيعوا عمرهم كله فى الغربه .


قالوا اليدو في الموية مازي اليدو في الغربة


وهى قاعدة الغربة مابين النظرية والتطبيق


وما لم يكن في الحسبان كميات من الاهات والحنين واشياء اخرى


نسال الله يكفينا شر المحن

ماظهر منها ومابطن


ولنا عودة

تحياتي

[ABUZAID]

أخي ود ابوزيد
لك التحية ولك أعضاء المنتدى والمنتسبين والمتابعين وكل المهاجرين عن الديار وعينهم علي الوطن الذي طال ما احضنهم منذ النشأة .
من منا بدون طموح أو تحقيق اقل سبل الراحة والاستقرار حيث ينعم بمنزل صغير مع أسرة في ابسط مقومات الحياة وكل يختار طريقه إن كان بالداخل أو الخارج وربما للظروف هذا الوطن والضغوط اختار البعض أن يهاجر ويترك كل الأيام الجملية الذكريات الحلوة والأصحاب والإخوة والعائلة وقلبه يتقطع وما باليد حيله ، ربما لم أفكر في أن أغادر الوطن ليس لأنني أحبه أكثر منكم فالجميع يعشق من ابن أتي ولكن وجودي قريب من الكل يجعلني أكثر سعادة وكم احلم بان أري السودانيين في الخارج في أرضهم ووسط أهلهم وأحبابهم ، قد يسأل البعض لماذا يكتب هذا وعن ماذا يتحدث وحقيقة ربما لم أعيش أي تجربة خارجية ولكن لا أتحمل أن اتاقلم إلا علي طبيعة هذا الوطن وبرضو كما قال المثل (اليدو في المويه ما زى اليدو في النار) أتمني للجميع حياة سعيدة ملئ بالتفاؤل وتحقيق الأحلام لحين العودة إلي الديار بالصحة والعافية والمال الكثير



الف مليووووون مرحب بيك


الاخ الحبيب - adola72


بختك ياعم
في بلدك مين زيك . . .

لا تجديد جواز وفوايل وملفات وتصوير ورسوم في الفاضي

لا رسوم خروج وعودة وتاشيرة . . .
وضرائب ورسوم خدمات

خدمات شنو ! ! !
ده المحيرني لي حسه

بختك

[نزار حسن محمد]

الاستاذ الرائع ابوزيد فخرنا
تجدنى من اكثر المعجبين لكل بوست تكتبه
اتمنى ان تجمعنا الصدف ونجلس مع بعض
فالجلسه معاك بتساوى سنين وسنين
وتعطى الانسان احساس ويقين لك ودى
ايها المعتق بحب الوطن وهمومه.
نعود لمشوار الغربه ...
فانا ممكن تقول على مستودع اغتراب
لانى جربت الغربه بجميع اشكالا
غربة الطالب فى بلاد الجليد
بدات قصتى مع الغربه فى دولة الاتحاد السوفيتى
ولانكر برغم مرارة الغربه ولكن كانت النتيجه امتياز
تعلمت الكثير والمثير الخطر وتواصلت الغربه من الدراسه
للعمل بدول اجنبيه الى ان وصلت الى محطة الدول العربيه وكانت
بداية غربة بمعنى اخر بداية المشوار الحقيقى بعد ان اكملت
نصف دينى ورزقت بنعمة الابناء او تحديداً بنعمة البنات
كان قرارى بان لاتتجاوز غربتى الخمس سنوات ثم العوده
لارض الوطن الان الحسبه 5×3 = 15 سنه والساقيه
مدوره لااخفى عليك سراً فقد حققت ما اغتربت من
اجله ببناء بيت للابناء وقدمت لوطنى ما استطعت
وقررت الرجوع النهائى للوطن بل نفذة الخطه بارسال
اسرتى للوطن للاستقرار على ان الحق بهم وبعد
مرور شهر من الاستقرار كان القرار من بناتى نصف
يريد الاستقرار بالوطن والنصف الاخر يرفض الاستقرار
والاسباب ذكرة فى مداخلات الاخوان ..
لااطيل عليك اخى ابوزيد...
مهما طال الغتراب لابد من الرجوع
رغم الحاصل والبحصل يوماتى ..
وبلادى وان جارت على عزيزةً
واهلى وان ضنوا على كرام..
وبجيك راجع يافنان

[رضا حسن محمد]

ابو زيد يا فردة
كيفك ياخ
فى مشكلة اساسية
قراية الاولاد
انا بقريهم بمبلغ وقدرو
وامهم ما بتقدر تذاكر معاهم كلهم ماشا الله
وانا بجى تعبان ما بقدر اساعدا
اسوى شنو اتقطع ؟
وفى واحدين كان ما ذاكرت معاهم ما بذاكرو
تانى نفسى اسكن فى مدنى وادخل الاستاد واشجع اتحاد مدنى واجى اتونس مع الحاج والحاجة
بالله دى مش حاجة بسيطة وسعبة على قول مدنية
حلات بتك الفى الصورة ماشا الله ممكن اخطبا لى حازم لكن حازم مشكلتو مريخابى
سلام يا لذيذ

[معتز الريح]

أتمنى أن لا يجعلنا هذا الكلام كانزين للمال
على حساب الكرم .. وعلى حساب
إسعاد النفس في الحدود المقبولة ..
وعدم الحرمان ..
والموازنة جميلة في كل شي
فلا تجعل يدك مغلولة إلى عنقك ولا تبسطها كل البسط ..
فهذه الحياة تعاش لمرة واحده ..
والسنوات التي تمر لن ترجع ..
فلنستمتع بها للحد المعقول ..
-------------------------------
موضوع جميل جداً يا حبيب

[ABUZAID]

الاستاذ الرائع ابوزيد فخرنا
تجدنى من اكثر المعجبين لكل بوست تكتبه
اتمنى ان تجمعنا الصدف ونجلس مع بعض
فالجلسه معاك بتساوى سنين وسنين
وتعطى الانسان احساس ويقين لك ودى
ايها المعتق بحب الوطن وهمومه.
نعود لمشوار الغربه ...
فانا ممكن تقول على مستودع اغتراب
لانى جربت الغربه بجميع اشكالا
غربة الطالب فى بلاد الجليد
بدات قصتى مع الغربه فى دولة الاتحاد السوفيتى
ولانكر برغم مرارة الغربه ولكن كانت النتيجه امتياز
تعلمت الكثير والمثير الخطر وتواصلت الغربه من الدراسه
للعمل بدول اجنبيه الى ان وصلت الى محطة الدول العربيه وكانت
بداية غربة بمعنى اخر بداية المشوار الحقيقى بعد ان اكملت
نصف دينى ورزقت بنعمة الابناء او تحديداً بنعمة البنات
كان قرارى بان لاتتجاوز غربتى الخمس سنوات ثم العوده
لارض الوطن الان الحسبه 5×3 = 15 سنه والساقيه
مدوره لااخفى عليك سراً فقد حققت ما اغتربت من
اجله ببناء بيت للابناء وقدمت لوطنى ما استطعت
وقررت الرجوع النهائى للوطن بل نفذة الخطه بارسال
اسرتى للوطن للاستقرار على ان الحق بهم وبعد
مرور شهر من الاستقرار كان القرار من بناتى نصف
يريد الاستقرار بالوطن والنصف الاخر يرفض الاستقرار
والاسباب ذكرة فى مداخلات الاخوان ..
لااطيل عليك اخى ابوزيد...
مهما طال الغتراب لابد من الرجوع
رغم الحاصل والبحصل يوماتى ..
وبلادى وان جارت على عزيزةً
واهلى وان ضنوا على كرام..
وبجيك راجع يافنان


حبيبنا الغالي - نزار حسن محمد

اشرقت الانوار

اهلا وسهلا ومليون مراحب



ولا أنكر برغم مرارة الغربه ولكن كانت النتيجه امتياز
ده الكلام

حقيقة كل من يلجأ الى الغربة يكون في رحمة الغربة
وهناك الكثير من المغتربين جدولوا غربتهم ان لا تتعدى الثلاث او الخمس سنوات
ولكن ولانهم في رحمة الغربة . . . تتمادى السنين وتتطاول عليهم الظروف

والظروف هذه يمكن ان تكون مادية او معنوية

اجمل مافيك انك قررت وبدأت التنفيذ

ولكن الكثير ممن قررو

فشلوا في تطبيق الية القرار

مشكور كتير اخي على المرور

واسعد كثيرا بلقائك

تحياتي

[ABUZAID]

ابو زيد يا فردة
كيفك ياخ
فى مشكلة اساسية
قراية الاولاد
انا بقريهم بمبلغ وقدرو
وامهم ما بتقدر تذاكر معاهم كلهم ماشا الله
وانا بجى تعبان ما بقدر اساعدا
اسوى شنو اتقطع ؟
وفى واحدين كان ما ذاكرت معاهم ما بذاكرو
تانى نفسى اسكن فى مدنى وادخل الاستاد واشجع اتحاد مدنى واجى اتونس مع الحاج والحاجة
بالله دى مش حاجة بسيطة وسعبة على قول مدنية
حلات بتك الفى الصورة ماشا الله ممكن اخطبا لى حازم لكن حازم مشكلتو مريخابى
سلام يا لذيذ




اهلا اهلا اهلا
سعادتو - رضا حسن محمد شخشيا ؟ ؟ ؟
الف مليون مرحبا


المشكلة الاساسية دي لو قدرت نجحت فيها . . .
فده هو اجتياز الامتحان بعينه

وارجع السودان خد النتيجة ( بامتياز )

وامشي مدني وادخل الاستاد واشجع اتحاد مدنى وارجع اتونس مع الحاج والحاجة
بي مزااااااااااج


تفحيطة:

عليك الله بتي بعد حلاتة دي
تقول لي عايز تخطبها لواحد مريخابي ! ! ! ( محمد معانا ما تغشانا )

لو عندك واحد هلالابي اجرها من اضنيها واجبيها ليهو


تحياتي

[ABUZAID]

أتمنى أن لا يجعلنا هذا الكلام كانزين للمال
على حساب الكرم .. وعلى حساب
إسعاد النفس في الحدود المقبولة ..
وعدم الحرمان ..
والموازنة جميلة في كل شي
فلا تجعل يدك مغلولة إلى عنقك ولا تبسطها كل البسط ..
فهذه الحياة تعاش لمرة واحده ..
والسنوات التي تمر لن ترجع ..
فلنستمتع بها للحد المعقول ..
-------------------------------
موضوع جميل جداً يا حبيب


الاخ الغالي - معتز الريح

لم يكن المال يوما مقياسا لنجاح ابدا

ولم يكن يوما كرم شعبنا يقاس بالمال

وحليل ناس البتمشي عندو معدم حتى من كباية الشاي
وفجأة تلقى الصينية مليانة باشكال اللحوم
وانواع الخضروات واخرى

وتلقى الراجل في سبيل يضيفك
ضبح غنماية البيت
البيحلب منها كل يوم عشان يسقي وينوم اطفالو

مقياسنا هنا انك تغربت لهدف معين
ولو طال اغترابك
ولو بعدت المسافات
وقد تتزايد الضغوطات
وقد تتلاشى الامال
وقد يزداد الهدف

تربية اطفال
تعليم اولاد
بنيان
تكوين ذات
تحضير اكاديمي
نوتة موسيقية
فلوت
جيتار

دي كلها اهداف

ان لم يجد احدنا مالا يرجع به الى بلده
فلابد ان يكون قد حقق ماهو اغلى من المال



فهل حققت شيئا ! ! !
هل انجزت عزيزي القارئ بعضا من فيض ! ! !


تحياتي

[ABUZAID]

وقد تطول بنا الى حد ( امتهان الغربة ) وهو الحد الذي لا نقدر بعده عن العدول او التراجع او محاولة تعديل الوضع, وقد ينتج عن ذلك تاثر بعض الجهات بهذا الوضع واولهم الابناء والاسرة, وقد ينشا الابناء على مجتمع مخالف لمجتمعهم الاصل, ويتشعبون من مجتمعهم هذا بمقدار رفضهم لاي دعوة للرجوع الى بلدهم الاصل, وقد يسوء الحال لدرجة انهم يرفضون تماما أي محاولة لتعديل هويتهم الجديدة, فيتغير الحال, وتنشب صراعات اسرية ثقافية اجتماعية قاهرة لا يهدأ الحال الا بتسليم احد الاطراف, اما الاباء او الابناء, ولعل الاب هو من يرضخ اخيرا لصراع الابناء
.




عمنا الغالي الحاج عدلان


والذي تغرب عن بلده في نهاية الستينات

ايامها كانت بلدنا تنعم بالخيرات الوفيرة


ولم يكن احد يفكر حتى في التغرب عنها
كان المسافر حينها خارج بلدنا .. .
اما للحج والعمرة
او مبعوثا دبلوماسيا
او متطلعا ومبتعثا لتعليم ونيل درجة في اوروبا
او . . .


لملم عمنا الحاج عدلان اطرافه وتغرب عن بلده
قاصدا الاقامة قرب الحرمين الشريفين

يمتطي قلبه المتشوق لرسول الله صلى الله عليه وسلم
ويرتدي احرامه للطواف والسعى بالحرم المكي الشريف


لم يكن الحاج عدلان ناظرا للغربة بمفهومها الحالي . . .
ولا متطلعا الى نتيجة الغربة بعد امتحانها
ولم يكن يدرك انه يمتهن الغربة بمرور الزمن

رفض مفهوم التجنس المعروض له بأبخس الاثمان
وقال انا سوداني
ولن احيد عن اصلي ابدا


وبمرور السنوات . . .
وتقلبات الدهر . . .
وتبدل الاحوال . . .

وجد نفسه لاهثا وراء كسب العيش لتربية اطفال خلفهم وراءه
وجد نفسه مرتميا في احضان الغربة
مسلما ورافعا الراية

ومضى الدهر
وتوالت السنوات



وبعد مرور 40 عاما على تغربه
كان رجوعه اخيرا لبلده بعد صراع مرير


كان يقول انه الف هذا البلد
كل علاقاته وصلاته وصداقاته
اصبحت هنا في بلد الغربة

تجارته ومصالحه وحياته موجودة هنا


كيف سيرجع الى السودان ! ! !
لا يعرف في السودان شيئا
لن يجازف بخوض تجربة قد تكون فاشلة
كيف سيواكب مجتمعه الجديد ! ! !
وكيف سيندمج في هذا المجتمع بعد 40 عاما ! ! !

كان يسمع في الفترة الاخيرة عن السودان الكثير
وينقل له من الاخبار ما جعله يتوجس حتى من مجرد فكرة الرجوع
كيف سيتأقلم مع تجار اجاد كل منهم اسلوب . . .
الشيكات المضروبة
والبضاعة الملعوبة والمنتهية الصلاحية

كيف سيتجاوز محنة الضرائب والعوائد وال . . . .


بعد صراع مع ابنائه الذين طالبوه واصروا على عودته فورا
كبروا وتخرجوا من الجامعات وتقلدوا الوظائف
لم يكن همهم الا عودة ابيهم ( ممتهن الغربة )

وعاد الحاج عدلان الى السودان


فهل انصهر في مجتمعه الاصلي
وصحح مفاهيمه ! ! !

ام انه مغلوب على امره
رجع بناء على رغبة ابنائه ! ! !


حمانا الله واياكم ( امتهان الغربة )


وللحديث بقية . . .


تحياتي

[abomazeen]

عمنا الغالي الحاج عدلان


والذي تغرب عن بلده في نهاية الستينات

ايامها كانت بلدنا تنعم بالخيرات الوفيرة


ولم يكن احد يفكر حتى في التغرب عنها
كان المسافر حينها خارج بلدنا .. .
اما للحج والعمرة
او مبعوثا دبلوماسيا
او متطلعا ومبتعثا لتعليم ونيل درجة في اوروبا
او . . .


لملم عمنا الحاج عدلان اطرافه وتغرب عن بلده
قاصدا الاقامة قرب الحرمين الشريفين

يمتطي قلبه المتشوق لرسول الله صلى الله عليه وسلم
ويرتدي احرامه للطواف والسعى بالحرم المكي الشريف


لم يكن الحاج عدلان ناظرا للغربة بمفهومها الحالي . . .
ولا متطلعا الى نتيجة الغربة بعد امتحانها
ولم يكن يدرك انه يمتهن الغربة بمرور الزمن

رفض مفهوم التجنس المعروض له بأبخس الاثمان
وقال انا سوداني
ولن احيد عن اصلي ابدا


وبمرور السنوات . . .
وتقلبات الدهر . . .
وتبدل الاحوال . . .

وجد نفسه لاهثا وراء كسب العيش لتربية اطفال خلفهم وراءه
وجد نفسه مرتميا في احضان الغربة
مسلما ورافعا الراية

ومضى الدهر
وتوالت السنوات



وبعد مرور 40 عاما على تغربه
كان رجوعه اخيرا لبلده بعد صراع مرير


كان يقول انه الف هذا البلد
كل علاقاته وصلاته وصداقاته
اصبحت هنا في بلد الغربة

تجارته ومصالحه وحياته موجودة هنا


كيف سيرجع الى السودان ! ! !
لا يعرف في السودان شيئا
لن يجازف بخوض تجربة قد تكون فاشلة
كيف سيواكب مجتمعه الجديد ! ! !
وكيف سيندمج في هذا المجتمع بعد 40 عاما ! ! !

كان يسمع في الفترة الاخيرة عن السودان الكثير
وينقل له من الاخبار ما جعله يتوجس حتى من مجرد فكرة الرجوع
كيف سيتأقلم مع تجار اجاد كل منهم اسلوب . . .
الشيكات المضروبة
والبضاعة الملعوبة والمنتهية الصلاحية

كيف سيتجاوز محنة الضرائب والعوائد وال . . . .


بعد صراع مع ابنائه الذين طالبوه واصروا على عودته فورا
كبروا وتخرجوا من الجامعات وتقلدوا الوظائف
لم يكن همهم الا عودة ابيهم ( ممتهن الغربة )

وعاد الحاج عدلان الى السودان


فهل انصهر في مجتمعه الاصلي
وصحح مفاهيمه ! ! !

ام انه مغلوب على امره
رجع بناء على رغبة ابنائه ! ! !


حمانا الله واياكم ( امتهان الغربة )


وللحديث بقية . . .


تحياتي






حِـكــم ودروس يسشهــد بهما

كلام زي الدهب والله

[محمد علي شقدي]

سلام عليكم
افخر جدا اني اجلس بالقرب من سراج تحمله بيمناك ياود ابزيد
ياتي بضوء يكشف عنا ظلمات الاغتراب و ينساب من غير استأذان الي دواجلنا ليكشف ما بذوانتا من تناقضات ما بين
النفس المغتربه الامارة بالخوف مما يسمى مجازا العوده النهائيه والطمع في ايام او سنين تاتي بخير حتى لو تيقن البعض
انه سراب لان معادلة الاستكانه الي رغد من العيش مسيخ وعشم الاقربين يجعلون من هذا السراب وطن اخر لايقنع
النفس المفعمه بذكريات التكوين المكان وملامح تشبهك ورائحةالاحباب
هل نحن من نختار ام خطى سبقة ميلادنا نحلم ونفكر ونعمل ولا نتعداها روح صوفيه تسوق الي مالآت تنهي بنا دوما الى
الله غالب

[ABUZAID]

حِـكــم ودروس يسشهــد بهما

كلام زي الدهب والله






حبيبنا الغالي - abomazeen

الف مليون مرحبا

كل تجارب الحياة ( حلوها ومرها ) لابد للانسان ان لا تمر عليه مرور الكرام

فلابد من اخذ العبر والدروس والتحديات حتى من الفشل

افكر في ان اجمع كميات القصص التي اعرفها والتي سمعت بها
في موسوعة اسميها ( سلسلة الحاج عدلان )

مرورك يسعد الروح
ويزكي الفؤاد


تحياتي

[abomazeen]

حبيبنا الغالي - abomazeen

الف مليون مرحبا

كل تجارب الحياة ( حلوها ومرها ) لابد للانسان ان لا تمر عليه مرور الكرام

فلابد من اخذ العبر والدروس والتحديات حتى من الفشل

افكر في ان اجمع كميات القصص التي اعرفها والتي سمعت بها
في موسوعة اسميها ( سلسلة الحاج عدلان )

مرورك يسعد الروح
ويزكي الفؤاد


تحياتي




الغالي أبوريماس
مشكلتنا نحن كعرب بصورة عامة
وسودانيين على وجه التخصيص
نفتقر إلى فهم فلسفة التوثيق
فأنظر إلى دار الوثائق عندنا ؟؟
كيف هي الصــورة هناك
وعلى ذلك قس يا حبيب

[الجندي المجهول]

طيب يا فخرينا الحل شنو


تخريمة : ما في كورسات خاصة او بخرات او اسبوتن كدا ابن كلب يخلينا ننجح

[الجندي المجهول]

اهلا اهلا اهلا
سعادتو - رضا حسن محمد شخشيا ؟ ؟ ؟
الف مليون مرحبا


المشكلة الاساسية دي لو قدرت نجحت فيها . . .
فده هو اجتياز الامتحان بعينه

وارجع السودان خد النتيجة ( بامتياز )

وامشي مدني وادخل الاستاد واشجع اتحاد مدنى وارجع اتونس مع الحاج والحاجة
بي مزااااااااااج


تفحيطة:

عليك الله بتي بعد حلاتة دي
تقول لي عايز تخطبها لواحد مريخابي ! ! ! ( محمد معانا ما تغشانا )

لو عندك واحد هلالابي اجرها من اضنيها واجبيها ليهو


تحياتي




كان ختيت ( حازم رضا حسن ) ياكتا الدقسته دا ولد بي عشرة رجال ( من زمن الرجال الجد جد)

تخريمة : دا الكلس يا زول اعقد ساكت واسالني انا من الباقي

[ABUZAID]

سلام عليكم
افخر جدا اني اجلس بالقرب من سراج تحمله بيمناك ياود ابزيد
ياتي بضوء يكشف عنا ظلمات الاغتراب و ينساب من غير استأذان الي دواجلنا ليكشف ما بذوانتا من تناقضات ما بين
النفس المغتربه الامارة بالخوف مما يسمى مجازا العوده النهائيه والطمع في ايام او سنين تاتي بخير حتى لو تيقن البعض
انه سراب لان معادلة الاستكانه الي رغد من العيش مسيخ وعشم الاقربين يجعلون من هذا السراب وطن اخر لايقنع
النفس المفعمه بذكريات التكوين المكان وملامح تشبهك ورائحةالاحباب
هل نحن من نختار ام خطى سبقة ميلادنا نحلم ونفكر ونعمل ولا نتعداها روح صوفيه تسوق الي مالآت تنهي بنا دوما الى
الله غالب


اهلا بالغالي - محمد علي شقدي


ومشكوووور على المرور

صار لزاما علينا ان نمضي في غياهب الغربة وتبعاتها
مَشَيْناها خُطَـــاً كُتِبَتْ عَلَيْنا
ومنْ كُتِبَتْ عَليهِ خُطاً مَشاها


نتمنى من الله ان يحفظ الجميع

تحياتي

[ABUZAID]

الغالي أبوريماس
مشكلتنا نحن كعرب بصورة عامة
وسودانيين على وجه التخصيص
نفتقر إلى فهم فلسفة التوثيق
فأنظر إلى دار الوثائق عندنا ؟؟
كيف هي الصــورة هناك
وعلى ذلك قس يا حبيب



حبيبنا - abomazeen


مشكلتنا نحن . . .

أننا ندعي أننا عرب
ناكرين لأفريقيتنا

فلا رضينا بأفرقتنا
ولا العروبة رضيت بنا

نحن فعلا نفتقر الى فهم فلسفة التوثيق

لنا من المتاحف والاثار ما يمكن ان يكون
نواة لحضارات قادمة
ومجدا لحضارات قديمة

ولكن . . .

هنالك اهمال شديد في الاثار
ادى الى سرقتها وسلبها . . .
واللعب بها
وما تبقى منها . . .
دفنته الرمال


تحياتي

[ABUZAID]

طيب يا فخرينا الحل شنو


تخريمة : ما في كورسات خاصة او بخرات او اسبوتن كدا ابن كلب يخلينا ننجح


جندينا الهمام

الف مرحبا
الحل طويل ومعقد . . .
لو التزمنا بيه . . .
وحرصنا عليه . . .

صدقني لن تلسعنا الغربة ابدا



ما في كورسات خاصة او بخرات او اسبوتن كدا


متوفرة . . .
واولها تقفل القزاز . . .


وخليك دايما في النص



تحياتي

[محمد علي شقدي]

اخونا ود ابزيد شعبنا بغترب ولا ببحث عن وطن بديل

[ABUZAID]

كان ختيت ( حازم رضا حسن ) ياكتا الدقسته دا ولد بي عشرة رجال ( من زمن الرجال الجد جد)

تخريمة : دا الكلس يا زول اعقد ساكت واسالني انا من الباقي



حبيبنا الغالي - الجندي المجهول

اهلا بيك مرتين . . .




مرة . . .
لانو قلبك على الرياضة عموما




ومرة . . .
لانك مريخابي




رضا ده خليه لي انا بعرف اقنعو كيف . . .


اشواقي

[مسلماني]

पुالموضوع مهم جدا لكنه في نفس الوقت معقد و متشعب ..
البداية تكون بتحسين الوضع المادي والذي منه..
وبعدين تبدأ في تكوين عائلتك..ومن ثم يأتي الأولاد زينة الحياة الدنيا..
وبعد شويتين , العيال تكبر وتدخل المدارس..
ونحن ننشغل في متابعة دراستهم وتحصيلهم العلمي ..
وفجأة يدخل الجامعة الأبناء الكبار ..
وتبدأ في توفير وتدبير مصاريف دراستهم الجامعية بالسودان..
وهنا تبدأ الغربة الحقيقية للمغترب الذي صار ليهو 18 سنة متغرب ,,,,,
طبعا ممكن تسأل عن حصاد ال 18 سنة التي مضت !!!!
في بداية حياتك الزوجية وخصوصا في الغربة لا بد و أن تكون باسط نفسك شوية ,,
يعني بت الناس والتي أتت لك في بلاد الغربة , يجب أن تتبسط معك وتكون كريم معاها..
وذلك لسبب أن تنسيها فراق الأهل وتساعدها في تحمل وحشة الغربة ..
بمعنى أدف و بلغة الأرقام .. رصيدك من الإدخار في تلك الفترة = صفر ( صفر كبير )
بعد مجىء الأولاد ودخولهم للمدارس ..بيكون بدأت في إدخار بعض المال ..
لكن ما تدخهر في تلك الفترة راح ينصرف على تحويلات للأهل بالسودان
وراح ينصرف على الإجازات التي تسافره كل سنتين للبلد ..
وراح ينصرف على دلع بعض الحريم الذين استمروا على مجاراة حياة الغربة والحنكشة ..
وعندما ينتبه الواحد لنفسه عشان يشوف النتيجة ,,تكون العيال وبالذات الكبار دخلوا الجامعة..
طبعا إنتو عارفين مصاريف الدراسة الجامعية بالسودان .. حــدث و لا حــرج !!!!!
يعني الواحد مننا يضطر للســلف من الغير عشان يمشي الأمــور !!
وصراحة الواحد لو ما عمل شىء قبل دخول عيالو الجامعة , مش رايح يعمل شىء آخر في غربته ..
يعني الآن الواحد اصبح ليهو متغرب 20 سنة !! تفتكروا بعد كده حا يقدر يستقر بالسودان !!
يا جماعة الغربة أتت في أولها عشان تحسين الوضع المادي ,,,
لكن الغربة بعد عشرين سنة متواصلة , أصبحت مرض يسمى إدمان الغربة !!!
أمان الغربة ليهو أسباب , من أهم أسبابه : -
الفشل الذريع الذي أصبح متلبسا بالسودان , في جميع المجالات ومنها
المجال السياسي ,, حتى الآن لم نستطع أن نتفق على نظام سياسي محدد يحكم البلد
المجال الإقتصادي وتردي الأحوال المعيشية , والأسعار ( المواد الأساسية ) بالسودان أغل من معظم دول العالم
لا أريد أن أدخل في جودة المواد و ملائمتها و مطابقتها للمعايير الصحية (ليست المعايير الدولية)
المجال الطبي والإهمال وعدم المبالاة والأخطاء الطبية التي صارت على قفا ما يشيل !!
المجال الإجتماعي والذي يحد من تقدم الفرد للأمام وخصوصا موضوع الأسرة الممتدة
سياسة بعض المتنفذين في الدولة وتعاملهم مع المغترب على أنه بقرة حلوب وهم لا يدرون أننا صرنا ضامرين عجفاء ..
هل يعقل أن المغترب في كل سفراته للسودان يطالب بالإعفاء من الخدمة الإلزامية !! كما يطالب إبنه الطالب الجامعي !!!!
يعني لو سافرت للسودان 4 مرات في العام ,, لظروف معينة ,, يستوجب عليك استخراج 4 خطابات إعفاء خدمة إلزامية !!
أي بلد تتحدثون عنه !! وهل السودان هو ذاك البلد الحنون الذي يتشوق لضم أبنائه !!
وهل السودان هو ذاك البلد الذي يفرد جناحيه لحضن بنيه ويدهم بالدفء الذي طالما إفتقدوه لفترة طويلة !!
هل السودان هو ذاك البلد الذي كنا نعرفه مذ عشرون عاما !! أم إختلف الحال وتبدل الفل !!
هل تدري أن بلدنا السودان صار من ضمن أسوأ خمس دول في العالم تتصدر الفساد المالي ولإداري في العالم
لا أظن أن الإنسان العادي , العاقل سوف يقدم ويرمي بنفسه في ليل تهاوى كواكبه !!
حتى لو أقتنعت أنت ايها المغترب بالعودة النهائية , سوف تجد معارضة شديدة من داخل بيتك !!
وهل يعقل أن الأسرة التي عاشت معك في بيئة نظيفة ومحترمة أن توافق على هذا القرار بكل سهولة !!
لا .. وألف لا !! لن توافق .. سوف تقول إذهب أنت لوحدك , إنا ها هنا قـــاعدون !!
السودان أصبح ذلك البلد الذي لا يمكن أن تتنبأ بما يحصل فيه غدا ؟؟؟؟
هل نرى بلدنا كما كان !! صاغ سليم كاملا متكاملا !! أم نجده قد تبدل وتقزم وتجزأ ؟؟
لا أريد أن أطيل عليكم , فالموضوع ذو شجون ,, لكن النتيجة هي كالتالي :
الغربة للسودانيين عامة , في جميع المهاجر , أصبحت نمط حياة .. من الصعب تغييره ..
ولكم تحياي وتقديري .... مسلماني - الرياض



اا

[ABUZAID]

पुالموضوع مهم جدا لكنه في نفس الوقت معقد و متشعب ..
البداية تكون بتحسين الوضع المادي والذي منه..
وبعدين تبدأ في تكوين عائلتك..ومن ثم يأتي الأولاد زينة الحياة الدنيا..
وبعد شويتين , العيال تكبر وتدخل المدارس..
ونحن ننشغل في متابعة دراستهم وتحصيلهم العلمي ..
وفجأة يدخل الجامعة الأبناء الكبار ..
وتبدأ في توفير وتدبير مصاريف دراستهم الجامعية بالسودان..
وهنا تبدأ الغربة الحقيقية للمغترب الذي صار ليهو 18 سنة متغرب ,,,,,
طبعا ممكن تسأل عن حصاد ال 18 سنة التي مضت !!!!
في بداية حياتك الزوجية وخصوصا في الغربة لا بد و أن تكون باسط نفسك شوية ,,
يعني بت الناس والتي أتت لك في بلاد الغربة , يجب أن تتبسط معك وتكون كريم معاها..
وذلك لسبب أن تنسيها فراق الأهل وتساعدها في تحمل وحشة الغربة ..
بمعنى أدف و بلغة الأرقام .. رصيدك من الإدخار في تلك الفترة = صفر ( صفر كبير )
بعد مجىء الأولاد ودخولهم للمدارس ..بيكون بدأت في إدخار بعض المال ..
لكن ما تدخهر في تلك الفترة راح ينصرف على تحويلات للأهل بالسودان
وراح ينصرف على الإجازات التي تسافره كل سنتين للبلد ..
وراح ينصرف على دلع بعض الحريم الذين استمروا على مجاراة حياة الغربة والحنكشة ..
وعندما ينتبه الواحد لنفسه عشان يشوف النتيجة ,,تكون العيال وبالذات الكبار دخلوا الجامعة..
طبعا إنتو عارفين مصاريف الدراسة الجامعية بالسودان .. حــدث و لا حــرج !!!!!
يعني الواحد مننا يضطر للســلف من الغير عشان يمشي الأمــور !!
وصراحة الواحد لو ما عمل شىء قبل دخول عيالو الجامعة , مش رايح يعمل شىء آخر في غربته ..
يعني الآن الواحد اصبح ليهو متغرب 20 سنة !! تفتكروا بعد كده حا يقدر يستقر بالسودان !!
يا جماعة الغربة أتت في أولها عشان تحسين الوضع المادي ,,,
لكن الغربة بعد عشرين سنة متواصلة , أصبحت مرض يسمى إدمان الغربة !!!
أمان الغربة ليهو أسباب , من أهم أسبابه : -
الفشل الذريع الذي أصبح متلبسا بالسودان , في جميع المجالات ومنها
المجال السياسي ,, حتى الآن لم نستطع أن نتفق على نظام سياسي محدد يحكم البلد
المجال الإقتصادي وتردي الأحوال المعيشية , والأسعار ( المواد الأساسية ) بالسودان أغل من معظم دول العالم
لا أريد أن أدخل في جودة المواد و ملائمتها و مطابقتها للمعايير الصحية (ليست المعايير الدولية)
المجال الطبي والإهمال وعدم المبالاة والأخطاء الطبية التي صارت على قفا ما يشيل !!
المجال الإجتماعي والذي يحد من تقدم الفرد للأمام وخصوصا موضوع الأسرة الممتدة
سياسة بعض المتنفذين في الدولة وتعاملهم مع المغترب على أنه بقرة حلوب وهم لا يدرون أننا صرنا ضامرين عجفاء ..
هل يعقل أن المغترب في كل سفراته للسودان يطالب بالإعفاء من الخدمة الإلزامية !! كما يطالب إبنه الطالب الجامعي !!!!
يعني لو سافرت للسودان 4 مرات في العام ,, لظروف معينة ,, يستوجب عليك استخراج 4 خطابات إعفاء خدمة إلزامية !!
أي بلد تتحدثون عنه !! وهل السودان هو ذاك البلد الحنون الذي يتشوق لضم أبنائه !!
وهل السودان هو ذاك البلد الذي يفرد جناحيه لحضن بنيه ويدهم بالدفء الذي طالما إفتقدوه لفترة طويلة !!
هل السودان هو ذاك البلد الذي كنا نعرفه مذ عشرون عاما !! أم إختلف الحال وتبدل الفل !!
هل تدري أن بلدنا السودان صار من ضمن أسوأ خمس دول في العالم تتصدر الفساد المالي ولإداري في العالم
لا أظن أن الإنسان العادي , العاقل سوف يقدم ويرمي بنفسه في ليل تهاوى كواكبه !!
حتى لو أقتنعت أنت ايها المغترب بالعودة النهائية , سوف تجد معارضة شديدة من داخل بيتك !!
وهل يعقل أن الأسرة التي عاشت معك في بيئة نظيفة ومحترمة أن توافق على هذا القرار بكل سهولة !!
لا .. وألف لا !! لن توافق .. سوف تقول إذهب أنت لوحدك , إنا ها هنا قـــاعدون !!
السودان أصبح ذلك البلد الذي لا يمكن أن تتنبأ بما يحصل فيه غدا ؟؟؟؟
هل نرى بلدنا كما كان !! صاغ سليم كاملا متكاملا !! أم نجده قد تبدل وتقزم وتجزأ ؟؟
لا أريد أن أطيل عليكم , فالموضوع ذو شجون ,, لكن النتيجة هي كالتالي :
الغربة للسودانيين عامة , في جميع المهاجر , أصبحت نمط حياة .. من الصعب تغييره ..
ولكم تحياي وتقديري .... مسلماني - الرياض



اا



الاخ الغالي - مسلماني


اهلا وسهلا يا حبيب

مشكور كتير على التحليل الدقيق لفترة الغربة

والتحليل الرائع لمراحل المغترب . . .
منذ تغربة
مرورا بالزواج
وتكوين الاسرة

اسمح لي بمداخلتي هذه

على امل ان ارجع اليك في وقت اطول
لنقاش مستفيض


تحياتي

[ABUZAID]

اخونا ود ابزيد شعبنا بغترب ولا ببحث عن وطن بديل


الاخ الحبيب - محمد علي شقدي


مشكور على المرور

حقيقة سؤال متشعب . . .

وقبل الاجابة عليه . . . .

خلينا نفرق بين . . .

الغربة

والهجرة . . .

فمعنى الغربة
يختلف عن . . .
معنى الهجرة


واليك التفسير اللغوي للكلمتين :


الاغتراب :-

من تغرب يتَغَرَّبُ تغَرُّبًا .- الشخصُ: نزح عن الوطن؛ تغرب طَلَبًا للرزق.

تَغَرَّبَ : صَارَ غَرِيباً بِلاَ أَقَارِبَ، نَزَحَ عَنْ وَطَنِهِ، بَعُدَ عَنْهُ

غُرْبَةُ . مفارقة الوطن.-: النَّوى والبعد؛ عاشر الرّجل في بلاد الغربة.

- مع ملاحظة ان المعنى لا يقود الى ترك المكان الاصلي نهائيا
بمعنى انك تتغرب ويكون لك اتصال بموطنك الاصلي


الهجرة :-

هَاجَرَ مِنْ بَلَدِهِ" : غَادَرَهُ إِلَى بَلَدٍ آخَرَ وانْقَطَعَ عَنْهُ

هِجْرة : الخروج من أرض إلى أخرى
تكثر الهجرة من البلد حين تشتدّ أزمته الاقتصادية.


الاجابة على سؤالك تتطلب معرفة الغرض الاساسي . . .

هل . . .

هي هجرة وانقطاع عن الاهل والوطن ؟ ؟ ؟

ام انها ظروف دعت للغربة ؟ ؟ ؟

اذن . . .

يمكن الجزم . . .

بان الغالبية العظمى من شعبنا . . .
تغرّب

ولا يبحث عن . . .
وطن بديل

وللا رايك شنو ؟ ؟ ؟


تحياتي

[مسلماني]

ماذا كان قرارك في هذه الحالة ..
هل إستجبت للذين ينادون بالإستقرار في السودان 00
أم نزلت على رغبة اللائي يردن العودة للخليج ومواصلة الغربة ..
أرجو التوضيح .. إن مشاركة التجارب مع الآخرين مفيدة جدا ..
مع العلم أن الظروف الخاصة لكل مغترب تختلف عن الآخر ..
نحن بلإنتظار .. مسلماني - الرياض

[الجزراوي]

الشكر لك اخي على الموضوع الحساس والمهم

ولابد لكل مغترب حقاً ان يعي مراده من الاغتراب , وفي اعتقادي البسيط هناك فرق بين اغتراب و اغتراب , مثلا من اغترب لدولة تقدره وتعطيه بقدر ما تأخذ او اكثر عكس من يغترب لدول تمصه مصاً ثم ترميه كالجيفة منتهياً يصارع كل اشكال الجفاء والنكران , ان تكون الغربة من اجل الحرية والعيش الكريم والراحة النفسية والمستقبل المشرق لك ولمن معك ولمن سوف يأتون بعدك تلك هي الغربة بل اسميها فرار من قدر الله الى قدر الله , أما ان تغترب لمدة طويلة او غير محددة في بلد عندما يحصل اي شي بسيط لك تشعر بانك مهدد بالترحيل , لاتستطيع اخذ حقك , خوفاً من الترحيل , تهان وتظلم ولا تسطيع المطالبة بحقك لان خصمك مواطن وانت اجنبي , أن تردد شعارات الفاشلين مستعيناً بها على جراحك . تلك حقاً غربة فاشلة ضائعة مضيعة . يا ابن ادم انما انت شهور وايام كلما ذهب يوم ذهب بعضك كما يقول الشافعي اعتقد . يقول ديفيد فيسكوت : ان التفكير القائم على الأماني ليس سوى وسيلة حمقاء لإكتساب الشجاعة . ويقول احدهم عندما سئل عن اكثر ما يدهشه في الناس قال : ارى الناس يصرفون صحتهم في جلب المال ثم يصرفون المال في محاولة إعادة صحتهم حين لايمكن ذلك .
والحياة عبارة عن مقايضات فأنظر ماذا تقايض مقابل ماذا ؟؟؟؟
ولكل منا حرية اختيار مايريد مقايضة صحته وحياته وعزته وكرامته من اجله ؟

اسف جدا على الاطالة
وشكري وتقديري للجميع

[ABUZAID]

الشكر لك اخي على الموضوع الحساس والمهم

ولابد لكل مغترب حقاً ان يعي مراده من الاغتراب , وفي اعتقادي البسيط هناك فرق بين اغتراب و اغتراب , مثلا من اغترب لدولة تقدره وتعطيه بقدر ما تأخذ او اكثر عكس من يغترب لدول تمصه مصاً ثم ترميه كالجيفة منتهياً يصارع كل اشكال الجفاء والنكران , ان تكون الغربة من اجل الحرية والعيش الكريم والراحة النفسية والمستقبل المشرق لك ولمن معك ولمن سوف يأتون بعدك تلك هي الغربة بل اسميها فرار من قدر الله الى قدر الله , أما ان تغترب لمدة طويلة او غير محددة في بلد عندما يحصل اي شي بسيط لك تشعر بانك مهدد بالترحيل , لاتستطيع اخذ حقك , خوفاً من الترحيل , تهان وتظلم ولا تسطيع المطالبة بحقك لان خصمك مواطن وانت اجنبي , أن تردد شعارات الفاشلين مستعيناً بها على جراحك . تلك حقاً غربة فاشلة ضائعة مضيعة . يا ابن ادم انما انت شهور وايام كلما ذهب يوم ذهب بعضك كما يقول الشافعي اعتقد . يقول ديفيد فيسكوت : ان التفكير القائم على الأماني ليس سوى وسيلة حمقاء لإكتساب الشجاعة . ويقول احدهم عندما سئل عن اكثر ما يدهشه في الناس قال : ارى الناس يصرفون صحتهم في جلب المال ثم يصرفون المال في محاولة إعادة صحتهم حين لايمكن ذلك .
والحياة عبارة عن مقايضات فأنظر ماذا تقايض مقابل ماذا ؟؟؟؟
ولكل منا حرية اختيار مايريد مقايضة صحته وحياته وعزته وكرامته من اجله ؟

اسف جدا على الاطالة
وشكري وتقديري للجميع


الاخ الغالي - الجزراوي

تحية قلبية

امدك الله بالصحة والعافية

ضريبة الغربة ( كل انواع الغربة ) . . .
انها تاخذ اجمل ايام العمر . . .
حققت ما اردته ام لم تحققه

في النهاية شالت منك احلى سنوات عمرك


أما ان تغترب لمدة طويلة او غير محددة في بلد عندما يحصل اي شي بسيط لك تشعر بانك مهدد بالترحيل



لاتستطيع اخذ حقك , خوفاً من الترحيل , تهان وتظلم ولا تسطيع المطالبة بحقك لان خصمك مواطن وانت اجنبي

ودي ضريبة اخرى للاغتراب



مهما بلغ بالمغترب الامر . . .


فلا اظن انه يرضى ان تدوس الغربة على عزته كرامته


مشكور على المرور
والمشاركة الرائعة

تقبل تحياتي

[مسلماني]

أخي العزيز / أبوزيــد .. متعك الله بالصحة و العافية
لقد أرسلت لي رسالة في بريدي الخاص لكنها لم تصلني
او بالأحرى لم أتمكن من قراءتها وذلك بسبب مشكلة برمجة جهازي
أرجو التكرم بإعادة إرسالها .. ولك جزيل شكري و إمتناني
أخوكم مسلماني - الرياض

[ABUZAID]

أخي العزيز / أبوزيــد .. متعك الله بالصحة و العافية
لقد أرسلت لي رسالة في بريدي الخاص لكنها لم تصلني
او بالأحرى لم أتمكن من قراءتها وذلك بسبب مشكلة برمجة جهازي
أرجو التكرم بإعادة إرسالها .. ولك جزيل شكري و إمتناني
أخوكم مسلماني - الرياض

الاخ الحبيب - مسلماني

تحياتي واشواقي

رسالتي في الخاص كانت . . .
للسلام عليك والاطمئنان على صحتك واحوالك


صندوق رسايلك شكلو مليان

فرغ من الرسائل شوية عشان تقدر تستقبل رسائل جديدة


تسلم يا غالي


تحياتي

[ABUZAID]

ياطير يا ماشي لي اهلنا
بسراع وصل رسايلنا

والشوق ما تنسى ياطاير
لكل البسألك عنا

قوليهم على العهد ما زلنا ومازلنا
ذكراهم أنفاسنا ومشاغلنا

كيف حال بستانا وخمايلنا
روضتنا مجمع شمايلنا

أنا في انتظارك يا طاير
على نار

وصل رسايلك ياطاير
أطرى المشاغل

وافرد جناحك ياطاير
على داري

قبال تعود . . .
لازم تروح من تاني مره

ماتنسى زول . . .
في الحله إلا . . .
تسلم عليهو . . .
وتبوس ايديه

او كما قيل

[ABUZAID]

جاب أمه وأبوه وهو في بلاد الغربة علشان يعالج أبوه, زوجته ما إستحملتهم يومين, وخلَت زوجها يطلع شغلو الصباح وطردت أمه وأبوه في الشارع وكمان رمت ليهم شنطهم برة!!! (إتخيلوا ناس في غربة وجديدين وكمان كبار في السن, ينطردوا ومن منو؟؟؟!! لا حول ولاقوة إلا بالله العلي العظيم)
لحسن الحظ جاء واحد قريبهم يسلم عليهم, ولقاهم برة الشارع, سألهم ماشين وين؟ قالوا ليهو مستنين فلان (اللي هو ولدهم) جايينا ( سبحان الله من طيبتهم بعد ده كلو خايفين عليها!!), قام قال ليهم إلا تمشوا معاي بيتنا تقعدوا معانا كم يوم , وإتصل لولدهم وكلمو إنو حيسوقهم بيته, طبعا ده كلو ومافي زول عارف بالحاصل, المهم قعدوا كم يوم مع قريبهم ده, ولدهم إتحسس من موضوع القعاد ده, وقال ماظريفة الراجل شغال ومرتو تخدم فيهم وهو بي بيتو, الأم رفضت قالت ليهو بما معناه تطلع من البيت ده وعلى المطار طوالي,
لما شاف إصرارها على كدة أصر هو برضو على إنو يعرف الحكاية شنو, وحكت ليهو, طوالي مشى طلق زوجته وحجز ليها علشان ترجع أهلها.
القصة دي حقيقية, وحصلت قبل سنوات عديدة.

غايتو في جنس من البشر, فيهم قسوة ما عادية حتى على الضعيف والكبير بيقسو!!!!



ومع كل الشكر للاخت الكريمة - moram

فالقصة حقيقة مؤلمة ومفرحة

اولا:-
عدم التوفيق في اختيار الزوجة . . .
- اعظم ضريبة للغربة مفارقة الحبيبة - الخطيبة
والاتجاه نحو اختيار الاهل والاقارب
والخلاصة سلوك زي ده يبدر من الزوجة . . .
ومع منو ! ! !
مع ابوه وامو ؟ ؟ ؟


ثانيا :-
عدم الانتباه لرعاية الآباء والاشراف التام عليهم
في كل ثانية من اليوم
وخلاف المغتربين . . .
اصبح البر بالوالدين في المجتمع . . .
زهرة مفقودة

بالعكس . . .
تلقى الواحد فيهم ماخد اعلى الدرجات
وارقى المناصب
لكن للاسف . . .

ولا حتى سؤال عن والديه ما بيسأل وبالشهور


ثالثا :-
حصلت في غربة

دي لو حصلت في الوطن صعبة
خليك من وضع غربة


اخيرا :

لا غربة
ولا زوجة
ولا مال
ولا عيال
ولا كل الدنيا

ممكن تساوي دمعة لاحد الوالدين




تحياتي

[ABUZAID]

والله لو ما لمة . . .

الاصحاب

الاصدقاء

والسؤال المتواصل . . .

وانشراح النفس في الغربة. . .

كان انطبق علينا قول بت عمي ( ذات الاربع سنوات ) . . .

( ده عندو النفسيات )

ولغير المجربين . . .

ما تتخيل او 3 شهور في الغربة لونها كيف


تحياتي

[abomazeen]

يا وطني يا بلد احبابي - - في وجودي احبك وغيابي

بتذكر فيك عهد صباى - - على شاطي النييييييييييل

انا هنا شبيت يا وطني - - زيك ما لقيت يا وطني




اثار في شجونا كنت اكتمها

عفا واذكر وادي النيل هيمانا

[ABUZAID]

علي الغلبان . . .

اغترب في التمانينات . . .

جاى من بلدو بيحلم بي. . .
دولارات مرمية في الواطة
ودهب يلقاه في القمامة

لملم عفشو وهاك يا غربة

وبعد سنتين . . .
بقى يلعن ويسب في الغربة
ويتراجع احيانا بينو ما بين نفسو . . .
لا يا علي . . .
لان الغربة بتستر برضك
بتدفن بعض الما مكشوف

وما بين حلم الدولارات . . .
وصعوبة الواقع المرير

فعلا الغربة مدرسة

وبعد كم من السنوات . . .

اتزوج علي في غربتو

لا زغرودة ولا شبال
ولا حريرة ولا قدال
تبكي البسمة الجوات قلبو
وقوف للفرحة بلا اطلال

فلا صديق تسر النفس طلعته
ولا رفيق يرى ما بي فيكتئب

ده علي مقطوع من غربةمش من شجرة

لقى نفسو في واقع جديد . . .
التزام اسرة
ومسئولية بيت
ايجار
قفة
والقائمة تطول

انا كان مالي ومال الهم ! ! !
زمان كنت برااااااااااااااااي

وفجأة يتدارك نفسه . . .
استغفر الله العظيم
بكرة باذن الله احلى

وتمر السنين . . .
بطول السنين
ومر السنين
وبؤس السنين
وعلي صابر عند الله محتسب
ويتوالي العيال
الاول والتاني . . .

اتفقوا ينظموا الولادة . . .
وكان شماعتهم حسن التربية والاهتمام

كانت مقدرة ظرفو لدرجة انها بتاكل في اليوم وجبه
وقيل بح

اربعة سنين ما عندها الا الدخلت بيه البيت
ما شافت الدهب الا عند اخواتها وجاراتها

وعشة صغيرة كفاية علينا


المهم . . .
قرروا تنظيم الولادة
وكأنهم ما قرروا

بعد سبعة سنين كان البيت مليان

جيش

دي شنو الارنب دي ! ! !
كل يومين جايبة ليها واحد ! ! !
استغفر الله العظيم

ومرت السنين . . .
وعلي زايده عليه الزنقة
حتى شغلو ما بيقدروا ظرفو
ولا حتى سلفية على الراتب
وهو كم الراتب اصلا ؟ ؟ ؟
يادوب يمشي الحال . . .
واخر الشهر دفاتر البقالات مليانة باسمو

المدارس . . .
الاولاد بقوا عمر مدارس
كيف العمل ! ! !

ياربي اسوي شنو ! ! !
يا الله
آآآآآآآآآآآآآآآآآآآآه

استغفر الله
بكرة بتفرج

مع كل الهم الكامن فيهو
وكل البؤس الهادي كيانو

لا يبدو عليه من واقعه وظرفه
الا هيئته التعبة

كان دائما . . .
مبتسم
هادي
مؤدب
مهذب
وبرغم كثافة عمله
وكثرة عملائه
وازدحام الصالة بمن يقصدونه
لكنه جبل لا يهتز
قمة لا ترام

احجز لي يا علي تذكرتين للخرطوم
حاضر يا سيدي

وينك يا ابا ريماس ؟ ؟
لينا طولة من شوفتك

. . .

يا علي . . .
ابقى حجز لندن يا علي
اهلا سيد حسن
عيوني ليك
كيفك حبيبي


وكل واحد في الصالة وبعلو صوته كان بيقول ليه


انشاء الله يوم شكرك ما يجي يا علي
انشاء الله يوم شكرك ما يجي يا علي

انشاء الله يوم شكرك ما يجي يا علي

كان طيب القلب

من كتر طيبة قلبه . . .
سمح للمرض ان يقتحم قلبه


وبلا انذار

وهكذا حال الدنيا



وانشاء الله يوم شكرك ما يجي يا علي


علي يوم شكرو جا



علي مات يا ناس



انا لله وانا اليه راجعون


اللهم أغفر له وارحمه واعف عنه وأكرم نزله
اللهم ابدله دارا خيرا من داره
واهلا خيرا من اهله ,
وذرية خيرا من ذريته ,
وزوجا خيرا من زوجه
وادخله الجنة بغير حساب ,
برحمتك يا ارحم الراحمين
اللهم إن كان مُحسنا ً فزد في إحسانه
و إن كان مُسيئا ً فتجاوز عن سيئاته
اللهم أرحمه في الأرض . . .
وتحت الأرض
ويوم العرض
اللهم انقله من ضيق اللحود
ومن مراتع الدود الى جناتك جنات الخلود
لا اله الا انت يا حنان يا منان يا بديع السموات والارض
تغمده برحمتك
يا ارحم الراحمين
اللهم انه في ذمتك وحبل جوارك
فقه من فتنة القبر
وعذاب النار
وانت اهل الوفاء والحق
فاغفر له
وارحمه
انك انت الغفور الرحيم
اللهم آمين


الغربة امتحان . . .

والنتيجة . . .نسال الله ان تكون . . .

عفو وغفران

[abomazeen]

الحبيب أبوريماس ... والله بوست ملييييان مواقف تجهز جبال ...!

شكراً كثيراً على مساحة الامل التي ننتزعها عنوتاً من اسنان الغربة

[منى ليبيا]

مرحبا اخي اتفق معك أن الغربة إمتحان
واختلف معك معك حول فقدان الهوية ان ا سودانية ولدت ولازلت في بلاد الغربة عشت فيها لمدة 26 قبل اول زيارة لي لبلدي لم افقد هوية كسودانية كذلك اخوتي الذكور تدري لماذا نشأنا في بيت يمنع منعا باتا التحدث بغير اللهجة السودانية داخل البيت بر البيت انشاالله ترطن تمسكنا بعادتنا السودانية البحتة بل توارثنا هذا المفهوم الان انا ام لاربعة ابناء 3اولاد وبنتا واحدة نفس الشي ممنوع التحدث بغير لهجتك الام لدرجة انني احيانا عندما انفعل تخرج مني بعض الكلمات بغير السودانية صدقني ينبهني اصغر ابنائي قائلا مش ممنوع نتكلم بغير كلامنا السوداني هكذا نشأنا علمنا اهلنا ان نعتز بكوننا سودانين اينما كنا وكذا ربينا اولادنا ودوما اقول لهم تمسكوواعتزو كونكم سودانين والاسوف تعيشون قضية عدم إنتماء سوف ينفر منك بني جنسك وسوف يحتقرك الغريب والحمد
لله داخل جدران بيتنا الصغير لانعاني من مثل هذه المشاكل
وكما قال اخي ابو عبدلله السعي لتوفير افضل سبل العيش ودراسة الاولاد اكبر ما دفعنا للغربة ونسأل الله لنا ولهم التوفيق

[ABUZAID]

الحبيب أبوريماس ... والله بوست ملييييان مواقف تجهز جبال ...!

شكراً كثيراً على مساحة الامل التي ننتزعها عنوتاً من اسنان الغربة





الاخ الغالي - abomazeen

مشكور كتير على المرور


والغربة امتحان

[ABUZAID]

مرحبا اخي اتفق معك أن الغربة إمتحان
واختلف معك معك حول فقدان الهوية ان ا سودانية ولدت ولازلت في بلاد الغربة عشت فيها لمدة 26 قبل اول زيارة لي لبلدي لم افقد هوية كسودانية كذلك اخوتي الذكور تدري لماذا نشأنا في بيت يمنع منعا باتا التحدث بغير اللهجة السودانية داخل البيت بر البيت انشاالله ترطن تمسكنا بعادتنا السودانية البحتة بل توارثنا هذا المفهوم الان انا ام لاربعة ابناء 3اولاد وبنتا واحدة نفس الشي ممنوع التحدث بغير لهجتك الام لدرجة انني احيانا عندما انفعل تخرج مني بعض الكلمات بغير السودانية صدقني ينبهني اصغر ابنائي قائلا مش ممنوع نتكلم بغير كلامنا السوداني هكذا نشأنا علمنا اهلنا ان نعتز بكوننا سودانين اينما كنا وكذا ربينا اولادنا ودوما اقول لهم تمسكوواعتزو كونكم سودانين والاسوف تعيشون قضية عدم إنتماء سوف ينفر منك بني جنسك وسوف يحتقرك الغريب والحمد
لله داخل جدران بيتنا الصغير لانعاني من مثل هذه المشاكل
وكما قال اخي ابو عبدلله السعي لتوفير افضل سبل العيش ودراسة الاولاد اكبر ما دفعنا للغربة ونسأل الله لنا ولهم التوفيق


الاخت الكريمة
منى ليبيا


الف مليون مرحبا باهلنا في ليبيا

وكل الشكر على المرور

تلعب اصالة السوداني دورا كبيرا في تنشئة اسرته
ليس بالضرورة في الغربة فقط وانما في السودان ايضا

احيي كل اب وام حرصوا برغم مشاغل الحياة
على تربية ابنائهم والاشراف التام على نشأتهم

ليبيا وما ادراك ما ليبيا

غربة وانقطاع عن الاهل حتى في الاتصال

26 سنة عمر

كان يمكن ان يؤثر تماما عليكم

فالتحية للاب العظيم
والام الحنون

الذين حرصا على عدم نقل ثقافات اخرى اليكم
قد يكون تأثيرها ضارا

ولكن اختي الكريمة

قد لا تنطبق حالتكم هذه . . .
على الكثير من الاسر في ليبيا

انا شخصيا اعرف 5 حالات مماثلة
مختفية ولمدة تجازت ال 30 عاما

لا حس

ولا خبر

ولا اثر

ولا حد يرجع من ليبيا
يطمئن اسرهم عليهم

قبل نحو يومين . . .
شاهدت برنامجا في قناة سودانية
لا اذكرها بالضبط

تناول قضايا المغتربين في ليبيا
حتى الاتصال مع مسئولين في . . .
السفارة السودانية ورؤساء الجالية بليبيا
كان غير مسموعا
واذكر انني ضحكت حين رأيت المذيعة
وهى تبدي استياءها الواضح للعيان
من سوء الصوت
مما اضطر المذيعة للاعتذار وعدم تكملة المكالمة



لعلك استرشدت بالمشاركة الاولى



وقد تطول بنا الى حد ( امتهان الغربة ) وهو الحد الذي لا نقدر بعده عن العدول او التراجع او محاولة تعديل الوضع, وقد ينتج عن ذلك تاثر بعض الجهات بهذا الوضع واولهم الابناء والاسرة, وقد ينشا الابناء على مجتمع مخالف لمجتمعهم الاصل, ويتشعبون من مجتمعهم هذا بمقدار رفضهم لاي دعوة للرجوع الى بلدهم الاصل, وقد يسوء الحال لدرجة انهم يرفضون تماما أي محاولة لتعديل هويتهم الجديدة, فيتغير الحال, وتنشب صراعات اسرية ثقافية اجتماعية قاهرة لا يهدأ الحال الا بتسليم احد الاطراف, اما الاباء او الابناء, ولعل الاب هو من يرضخ اخيرا لصراع الابناء.

وقد يتوارث المتغربين ثقافة مجتمعات جديدة, وبمرور السنين, يجدوا انفسهم وقد انغمسوا في هذه الثقافة التي طغت على ثقافتهم الام, فتتغير الكلمات ويتلعثم اللسان, ويواجهون اقسى انواع الترويض اللا مقصود.


حمى الله جميع الاباء والامهات



واركز تماما على القول. . .


ومنهم اميون يتقمصون ثقافة الغير, وهذه الفئة موجودة وبكثرة, وباختلاف الدول والثقافات, تتعدد اللهجات والاساليب, تجد ان بعضهم يغرق في بحور ثقافة غيره متناسيا ثقافته الام ودينه ولهجته, فتجده وقد غير ثيابه وتسريحة شعره واتى يتبختر ويتباهى بلسانه وملبسه وهيئته الجديدة على ابناء بلده والذين هم لازالوا يتمسكون بثقافتهم وعاداتهم وسط تيار جارف.


عايشت بعض هذه الحالات

وللاسف . . .
لو اتربى في السودان في مدينة نقول ممكن
ولكنه نشأ وترعرع في الريف او البادية او البلد

اصل القيم والاخلاق


وجاء الى الغربة وهو في عقده الثالث
القترة والعقال قلنا يمكن لزوم العمل
وما قدر يغير ملابسو وجانا على طول

بس يصل الامر لتغيير اللسان ! ! !
واللهجة والتعامل ! !!
نسأل الله السلامة وسرعة الجرى