المساعد الشخصي الرقمي

مشاهدة النسخة كاملة : حجار بطارية بتواصل آخر غريب ....!!


عبدالرحمن مدثر
23-12-2009, 03:08 AM
قبل مانبدا لازم اقول ليكم انا مندهش لدرجة ماقادر اوصفها ليكم
فى المساحة الصغيرة دى المهم (اتخيلوها ) براااكم

كلنا فى طفولتنا لعبنا (بحجارة البطارية ) المنتهية الصلاحية واحلى حاجة
تلعب كورة قدم بالحجارة وترصها ويكون اللعب بواسطة الاصابع وكرة البينغ بونغ
ديك الخفيفة ديك (بتتذكروها ياااخ )

واحلى حاجة لما تسخن المبارة وتحقد على اللاعبين (الحجارة ) وتمط اصابيعك
وتمطططهم هم لحدى مايقعوا .. وبعد داك (ندكها ) ونمشى بيوتنا فرحانين

جاءت بعد داك فترة التواصل الاذاعى الجميل .. خاصة فى امسية رمضان بعد الافطار
ياسلاام لمن تجى المسلسل والفترة المفتوحة ونغنى مع شاويش

ونتذكرنعومة

مبروووك عليك الليلة يانعومة

ياحليل ناس ديل الوماااان بجونا

احلى حاجة بتذكرها بالرغم من ارتباطها (بالفلس ) هى انك تعضى (حجر بطارية )

العضة ياجمااااعة بتزيد فى عمرو

عكس الشافع البهناك لانو كلم كل الحلة بسبب عضة خفيفة وماحااااارة كمان

لاتنتبهوا لبعض التختخة (عضة واحدة تكفى وبالجنبة كمان )

معليش ياحبايبنا

انا جايكم كدا سااااى اغبش بدون ترتيب

فى الافكار والدخلات والاستوبات

عشان كدا طولوا بالكم ساااااااى

بجى تاااااااانى
حمدالنيل دفع الله
23-12-2009, 03:17 AM
سلاااااام ياعبدالرحمن وكن بخير ، ما اجملها من ذكريات، ياليت الزمان يعود بنا يوما الي تلك الايام، وماجمل الانس بها...
عبدالرحمن مدثر
23-12-2009, 03:18 AM
اليوم وبعد صلاة الظهر بالمسجد الذى فى السطوح فوقنا

قعدنا انا وشيخ (ودالامين ) نتونس شوية طبعا السوق مافيهو حركة

والقروش قالوا لموها للانتخابات والتسجيلات

قلنا احسن نطق الحنك

طبعا انا قلت استعين بودالامين لانه له تاريخ حافل بالبطولات القديمة

ايام سنار القديمة وايام (كبنى فى الخزان )

جميلة حتة انو تبقى الايام السوداء مجرد ذكريات لرجل اهتدى واصبح

مربوط بالصلاح

طبعا الدهشة القلت ليكم عليها ماجااتنى من فراغ

جاتنى من الالم الجاااااى دا

قالوا ناس الشرطة عندنا هنا قبضوا على شبكة منظمة

تقوم باستخدام (حجارة البطارية ) فى تصنيع الخمر

اقول ليكم حاجة

اندهشوا شوية

ودالامين دا قال داير فول للشاى السادة القدامو

بجيبو وبجيكم
حمدالنيل دفع الله
23-12-2009, 03:22 AM
حيرتنا قولنا ذكريات وبس وبدينا نعقب
أبوريلان
23-12-2009, 03:23 AM
أبو مزن فووول شنو الساعة 3:30 م
أنتو قدامكم شاي !!!
عبدالرحمن مدثر
23-12-2009, 03:27 AM
ياابنى انا كنت بشرب فى (العرقى ) دا عشرين سنة

لكن عرقى زمان مازى عرقى الليلة

طبعا دا ودالامين بتكلم باريحية وانا قلت ليهو ننقل تجربتك دى لناس المنتدى

ضحك وكرطع شوية من كباية الشاااااى (واندفق )

- كيف الكلام دا ياعمك كدى وقع لى المسالة دى شوية

ضحك ضحكة جميلة وواصل

- زمان كان لما تشرب الخمرة بتحس بطعم البلح وجمالوا حتى تاثيروا كان

فيهو لذه زائدة .. ياخ اقول ليك قبل يومين عندنا واحد من اصحابنا ماتاب لسه

شرب من عرقى الليلة دا ليهو يومين فاقد الوعى

- لازم يفقد الوعى ياودالامين طالما بدخل فى بطنو سم حجارة البطارية

وحاجات تانية مامعروفة .. لكن للفائدة .. وعشان الناس تعتبر شوية

كدى اتذكر لينا شوية من ايام زمان واربطا لينا بهسة
عبدالرحمن مدثر
23-12-2009, 03:31 AM
حيرتنا قولنا ذكريات وبس وبدينا نعقب

حبيبنا حمدالنيل حبابك
ووينك ياخ من ديك وعيييك
مشتاقين لينا لجلسة مامنظور مثيلا

شكلها حتكون قريب

خليك قريب

انت عارف لما شفت الخبر

رجعت للايام الجميلة

حتى الايام الجميلة فى زمنا دا

بقت تتخرب
عبدالرحمن مدثر
23-12-2009, 03:32 AM
أبو مزن فووول شنو الساعة 3:30 م
أنتو قدامكم شاي !!!


فول مدمس ياابوريلان
ودالامين دا سرو باااااتع
وشجنوا اليم

منور والله
عبدالرحمن مدثر
23-12-2009, 03:42 AM
من بعض افادات (ودالامين )

زيادة على حجارة البطارية القال عليها دى موضة قديمة شديد

فى حاجات اخطر منها

- بنج الحصين

- صفق النيم

- السفنجات الجديدة (والقديمة برضو )

الحاجات دى كلها بدوها النار وبتعمل مزاج غريب










تنهيدة


مشكلة ياجماعة

غالبنى البقولوا والله
ميادة
23-12-2009, 03:54 AM
والله انا وبقرا ومخلوعة ,,,, لكن تعرف ما غريبة تحصل هو بيحصل اكتر من كده

بقت على حجار البطارية والسفنجات ..

غايتو ربك يستر بث ..

واصل يا عبدو واحنا ح نندهش
عبدالرحمن مدثر
23-12-2009, 05:57 AM
والله انا وبقرا ومخلوعة ,,,, لكن تعرف ما غريبة تحصل هو بيحصل اكتر من كده

بقت على حجار البطارية والسفنجات ..

غايتو ربك يستر بث ..

واصل يا عبدو واحنا ح نندهش


تعرفى ياميادة

انا سمعت بفنانة اسمها عوضية سفنجااات

قلت عادى فى تنوع فى الاذواق وكدا

لكن قدر ماحاولت استوعب حتة انو سفنجة

يظبطوا بيها سبكة هذا المنكر غلبتنى


اقول ليك حاجة كدى خلينا نطلع شوية لكن نشيل سفنجاتنا معانا

عندنا فى سوق السجانة توصيلات المياه للشرب والصرف الصحى

هناك خراطيش تصنعها مصانعنا هنا من مادة (البولى ايثلين ) سوداء اللون

تدفن داخل الارض ويعمل بيها لتوصيل شبكات المياه للمدن والقرى والحلال والبيوت

فى عطاء كدا بتاع توصيل شبكة لقرية كاملة من قرى الجزيرة وقع لينا

مشيت لمصنع من المصانع لتوفير الكمية المطلوبة من لفات الخراطيش

طبعا اندهشت شديد

لقيت ليك جبل بتاع (سفنجات )

اكتشفت اخيرا انو ناس المصنع بلعبوا فى تقديرات المادة الخاصة بالتصنيع

وبيتموها (سفنجات ) عشان كدا لو دايرين نعرف السبب الحقيقى

لمشاكل المياه عندنا

وخطوط الشبكات الضاربة

والموية المكسورة فى الشوارع سااااااااااى

والبرك الساكنة والملاريات





دا كلوا من السفنجاااااااااااااااااااااااات
العاقب مصباح
23-12-2009, 10:05 AM
لا حول ولا قوة الا بالله

دا شنو يا خرباش

اول مرة اعرف انه فى تدوير مخلفات فى السودان

ومخلفات من مخلفات اصلاً

سفنجة

بتذكر من الاستخدامات للسفنجة الجلبة لأنبوبة الغاز

كم مرة كدا عملتها لما ما القى جلبة

وشاهدت فى قديم الاثر انه السفنجة تُستخدم فى العواسة قرقريبة وكدا

انا بستغرب فى زولك البيسكر بالسفنجة دا

بتخيلو يشعر بإنه حفيان ياخ
كمال احمد
23-12-2009, 01:14 PM
مواطن سعودى اكتشف بعد تمزق قماش التنجيد الخاص بالمجلس ان الحشوه الداخليه للمخدات عباره عن حفائز اطفال مستعمله بمبز يعنى اتخبل الوضع ده كيف راقد على مخده الحشوه الداخليه فوط مستعمله الاخ / عبد الرحمن رايك شنو
ابو الجيلى
23-12-2009, 02:25 PM
والله يا ود مدثر

حكاية الحجارة دى سمعنا بيها قبال ده

لكن السفنجات دى جدية لنج .....

عشان كدة سرقة السفنجات كترت ..

واقول حاجة يازول هم زاتم يستاهلو

البيشربو حاجات زى دى ...

ولك التحايا ....
moh_alnour
23-12-2009, 04:17 PM
الإندهاش في عالم الخرباش
سمك ، لبن ، تمر هندي ، سفنجات
النتيجة لط إلا خط ;)
واصل يا أبو البنية خلينا نشوف أخر التوليفة دي شنو ؟
محمد الجزولى
23-12-2009, 10:07 PM
ابو مزن
تحياتى واشواقى لك
اسعدنى الخبر جدا ( وما تندهش) لانو زى الاختراعات دى تساهم قطعا فى النهوض بالصناعه فى وطنى .... وتسخير الامكانيات المحليه والفائضه عن الحاجه فى مدخلات انتاج هى اصلا غير موجوده
يعنى بدل ما نستورد مدخلات انتاج ليه ما نستفيد من العندنا
سفنجه مقطوعه .. فردة شبشب تموت تخلى .. حجر بطاريه
الذ حاجه يا صاحبى انو سافرت عيدته الضحيه فى السودان
وكنته امنى النفس بى شربوت كارب بعد الشيه واللحمه ...
لقيت فى اختراع اسمو شامبيون .... طبعا اول مره اشوفو ...
قالوا بدل الشربوت ...
النكته ما هنا ... النكته فى انو جانى صاحبى بعد المغرب كده
بعد السلام والضيافه ( من لحمة صاج وخلافه ) جبته ليهو شامبيون
ختاها على جنبه كده وقال بشيلها معاى بشربه فى البيت ...
قلته ليهو بتسخن ياخى!!!! ( اخوك غبيان )
قال لى يا اخوى دى بعد الناس تنوم ... ترمى فيها حبة اسبرين وتسيبها ساعتين ثلاثه
تطلع احلى خمره يمكن تشربها فى حياتك ....
شفته يا اخوى نحن اطورنا كيف ... امكانيات محليه
وناكل مما نصتع
اوعك تندهش ياخى
تحياتى الحبيب ابو مزن
عوض الكريم الخواض
24-12-2009, 12:26 AM
أبو مزن ...

يا سلااااااااااااااام على التطور ... :mad:
عرقى بى نكهة السفنجات ...
وآخر بى نكهة حجارة البطارية والنوع دا بخلى ( كهربتك ذايدة ) :p:p
وعرقى بى نكهة الدربات القديمة ...
عرقى بى نكهة بنج الحصين ...
عرقى بى نكهة المولاص ...
وروث البهائم ...
وحاجات تانية حاميانى ...

كثير من الذين يتعاطون العرقى ( غير النظيف ) يصابون بالعمى .
البركة فى الشامبيون .
بنت الرفاعي
24-12-2009, 02:08 AM
أول أمس جانا مريض آسيوي ومن لبسو باين إنو عامل لكن عامل تبع شنو ماعارفة , طبعا حيرني , تصرفاتو كانت غريبة ما حقت زول صاحي وعاقل , أول شيء لابس 3 أو 4 قمصان تحت لبسة الشغل , ولما جو يفحصو ليه كان بيقاوم لييه ما عرفت !! وبعد شوية جو يطلعوا منو لبس الشغل اللابسو , غايتو المعاون اللي كان عايز يطلع ليهو الجزمة إتعذب عذاب , لأنو ده كان بيرفِّس ويضحك والمعاون كان بيحاول يطلع ليهو في الجزمة , وده يرفِّس !!!!
المهم بعد معاناة معاهو ومرّة المرافقو يهددو بالشرطة , عملو ليهو الفحص !
قلت للمعاون ده شكلو ما مجنون , قال ده من ( والله المادة القالها لي ما حفظتها ) لأنو ريحتو ريحة المادة دي !! قلت ليهو ودي ( المادة ) شنو ؟؟ قال لي بيستخدموها في الصبغ !!!
قلت سبحان الله , بقوا ما بيتلفتوا للحاجات دي !!!

غايتو يا عبدالرحمن أخوي تعيش كتير تشوف كتير تسمع كتير !!!
عبدالرحمن مدثر
24-12-2009, 02:21 AM
لا حول ولا قوة الا بالله

دا شنو يا خرباش

اول مرة اعرف انه فى تدوير مخلفات فى السودان

ومخلفات من مخلفات اصلاً

سفنجة

بتذكر من الاستخدامات للسفنجة الجلبة لأنبوبة الغاز

كم مرة كدا عملتها لما ما القى جلبة

وشاهدت فى قديم الاثر انه السفنجة تُستخدم فى العواسة قرقريبة وكدا

انا بستغرب فى زولك البيسكر بالسفنجة دا

بتخيلو يشعر بإنه حفيان ياخ






ياصبحى ماحصل ركبت السفنجة

والسفنجة للجماعة الخارج الشبكة هى عبارة

عن لورى لكن كبوتو (ظهرى ):p

وماحصل عملت ليك عجلات لكارو القصب البنصنعها زمان ديك

ايام الطفولة

وماحصل مشيت البيارة وعملت ليك قفل للبرميل من سفنجة زائدة

وحمارك عار والقفل انفتح

ودفقت مويتك على الرهاااااااب

شوف ذاكرتنا جميلة كيف ونحن نحتفى بالسفنجة

ونجعل منها رمزية جميلة لسد النقص

وفك الحيرة
عبدالرحمن مدثر
24-12-2009, 02:24 AM
مواطن سعودى اكتشف بعد تمزق قماش التنجيد الخاص بالمجلس ان الحشوه الداخليه للمخدات عباره عن حفائز اطفال مستعمله بمبز يعنى اتخبل الوضع ده كيف راقد على مخده الحشوه الداخليه فوط مستعمله الاخ / عبد الرحمن رايك شنو


كمال احمد

حضورك جميل ياصديقى

انت عارف ياكيمو فى زمنا دا اى حاجة واردة

لانو الناس دى دفنت ذمتها من زمان

وفارقو درب الاخلاص والاتقان فى الصنعة

لكن ياصاحبى البمبرز دا مع الايام

مابديك ريحة كدا غريبة :p
عبدالرحمن مدثر
24-12-2009, 02:27 AM
والله يا ود مدثر

حكاية الحجارة دى سمعنا بيها قبال ده

لكن السفنجات دى جدية لنج .....

عشان كدة سرقة السفنجات كترت ..

واقول حاجة يازول هم زاتم يستاهلو

البيشربو حاجات زى دى ...

ولك التحايا ....


ابو الجيلى صاحبى كيفك

انت عارف مشكلة جيلنا الحالية دى

انو ببحث عن الخروج من ضيااااع الى ضيااع اخر

عواقبه وخيمة

انا زيك ماصدقت لكن محدثى ركز على شوف العين

وان المشهد كان امامه

عشان كدا مشكلتنا كبيرة

تحياتى
عبدالرحمن مدثر
24-12-2009, 02:31 AM
الإندهاش في عالم الخرباش
سمك ، لبن ، تمر هندي ، سفنجات
النتيجة لط إلا خط ;)
واصل يا أبو البنية خلينا نشوف أخر التوليفة دي شنو ؟

وينك ياودالنور ياخ

بقيت جافى نسيت الخووه

فاقدنك والله

ولطلاتك الحلوة

ان شاء الله يكون غيابك بسبب الفى بالنا

بعد داك اى حاجة بتهون

انت عارف سبكة السفنجات دى قيل انها

بتوديك بهناك للط

والدليل قريب ودالامين الكان فى غيبوبة لمدة يومين

تحياتى ياعريس

عجل ياعمك
عبدالرحمن مدثر
24-12-2009, 02:41 AM
ابو مزن
تحياتى واشواقى لك
اسعدنى الخبر جدا ( وما تندهش) لانو زى الاختراعات دى تساهم قطعا فى النهوض بالصناعه فى وطنى .... وتسخير الامكانيات المحليه والفائضه عن الحاجه فى مدخلات انتاج هى اصلا غير موجوده
يعنى بدل ما نستورد مدخلات انتاج ليه ما نستفيد من العندنا
سفنجه مقطوعه .. فردة شبشب تموت تخلى .. حجر بطاريه
الذ حاجه يا صاحبى انو سافرت عيدته الضحيه فى السودان
وكنته امنى النفس بى شربوت كارب بعد الشيه واللحمه ...
لقيت فى اختراع اسمو شامبيون .... طبعا اول مره اشوفو ...
قالوا بدل الشربوت ...
النكته ما هنا ... النكته فى انو جانى صاحبى بعد المغرب كده
بعد السلام والضيافه ( من لحمة صاج وخلافه ) جبته ليهو شامبيون
ختاها على جنبه كده وقال بشيلها معاى بشربه فى البيت ...
قلته ليهو بتسخن ياخى!!!! ( اخوك غبيان )
قال لى يا اخوى دى بعد الناس تنوم ... ترمى فيها حبة اسبرين وتسيبها ساعتين ثلاثه
تطلع احلى خمره يمكن تشربها فى حياتك ....
شفته يا اخوى نحن اطورنا كيف ... امكانيات محليه
وناكل مما نصتع
اوعك تندهش ياخى
تحياتى الحبيب ابو مزن



هاهاهااااااااااااااى

سيد الهضربات الجميل جزولى

اسعدنى قراءتك للواقع المعاش بتسخير المنتجات الداخلية

بدلا من البحث عن المستورد

والمستورد موجود ياصديقى وله رواده

اقول ليك حاجة دهشتى زادت شوية

لانو طولت منك

وشوقنا يسبق فى خطانا يعلم الله

خليك قريب

عشان حروفك بتسكرنا

ومعاك اصلوا مابنفتش بديل:p
عبدالرحمن مدثر
24-12-2009, 02:45 AM
أبو مزن ...

يا سلااااااااااااااام على التطور ... :mad:
عرقى بى نكهة السفنجات ...
وآخر بى نكهة حجارة البطارية والنوع دا بخلى ( كهربتك ذايدة ) :p:p
وعرقى بى نكهة الدربات القديمة ...
عرقى بى نكهة بنج الحصين ...
عرقى بى نكهة المولاص ...
وروث البهائم ...
وحاجات تانية حاميانى ...

كثير من الذين يتعاطون العرقى ( غير النظيف ) يصابون بالعمى .
البركة فى الشامبيون .



ياابو كريم ديل اساسا عندهم (عمى دائم )

وعدم تمييز .. ووعى بالسالب

قلت لى مولااااااااص

يعنى لمن تشيلوا السكرة وبيحث عن حاجة للتعبير

يستعين بصوت بقرة ولاشنو

ولايقول مااااااااااااااع

ربنا يستر
عبدالرحمن مدثر
24-12-2009, 02:51 AM
أول أمس جانا مريض آسيوي ومن لبسو باين إنو عامل لكن عامل تبع شنو ماعارفة , طبعا حيرني , تصرفاتو كانت غريبة ما حقت زول صاحي وعاقل , أول شيء لابس 3 أو 4 قمصان تحت لبسة الشغل , ولما جو يفحصو ليه كان بيقاوم لييه ما عرفت !! وبعد شوية جو يطلعوا منو لبس الشغل اللابسو , غايتو المعاون اللي كان عايز يطلع ليهو الجزمة إتعذب عذاب , لأنو ده كان بيرفِّس ويضحك والمعاون كان بيحاول يطلع ليهو في الجزمة , وده يرفِّس !!!!
المهم بعد معاناة معاهو ومرّة المرافقو يهددو بالشرطة , عملو ليهو الفحص !
قلت للمعاون ده شكلو ما مجنون , قال ده من ( والله المادة القالها لي ما حفظتها ) لأنو ريحتو ريحة المادة دي !! قلت ليهو ودي ( المادة ) شنو ؟؟ قال لي بيستخدموها في الصبغ !!!
قلت سبحان الله , بقوا ما بيتلفتوا للحاجات دي !!!

غايتو يا عبدالرحمن أخوي تعيش كتير تشوف كتير تسمع كتير !!!



يادكتورة مرام

سمعتى بحاجة اسمها (السكيرااااانا ) دا نبات بينمو

فى الكنارات والترع عندنا .. بينمو بروووس ساااااى

وبتعمل سكرة كدا غريبة وهو فى متناول اليد

انا سمعت بواحد قام مدغ ليك السكيرانا دى

وودتو التوووج

قام فى لحظة تجلى حرق حووش القصب كلوا

بتاع البقراااااات

واهل الحلة كلهم ماقدروا عليهو

وواحد تاااانى كسر دولاب العدة بتاع ناس بيتهم

وعيييييييييك

وبرضو نحكى عن شفع السلس

وقائمة الالم تطول
بنت الرفاعي
24-12-2009, 03:03 AM
النكته فى انو جانى صاحبى بعد المغرب كده
بعد السلام والضيافه ( من لحمة صاج وخلافه ) جبته ليهو شامبيون
ختاها على جنبه كده وقال بشيلها معاى بشربه فى البيت ...
قلته ليهو بتسخن ياخى!!!! ( اخوك غبيان )
قال لى يا اخوى دى بعد الناس تنوم ... ترمى فيها حبة اسبرين وتسيبها ساعتين ثلاثه
تطلع احلى خمره يمكن تشربها فى حياتك ....
شفته يا اخوى نحن اطورنا كيف ... امكانيات محليه
وناكل مما نصتع
اوعك تندهش ياخى


ذكرتني يا أخوي محمد قصة قريبتنا لما رسلت ولد أختها ( مشاغب في مرحلة الأساس ) الدكان علشان يشتري ليها ستيم , وجابو ليها وشربتو , ونامت اليوم كلو , وكل ما يصحوها ما بتصحى , في نهاية اليوم و بعد ما صحت إكتشفت إنو الولد بعد ما إشترى ليها الإستيم رمى فيهو بندول ( مقلب يعني ) !!!:p:p:p
شفت الكلام ده كيف يا أخوي !!!
يوسف كيكل
24-12-2009, 03:47 AM
قبل مانبدا لازم اقول ليكم انا مندهش لدرجة ماقادر اوصفها ليكم
فى المساحة الصغيرة دى المهم (اتخيلوها ) براااكم

كلنا فى طفولتنا لعبنا (بحجارة البطارية ) المنتهية الصلاحية واحلى حاجة
تلعب كورة قدم بالحجارة وترصها ويكون اللعب بواسطة الاصابع وكرة البينغ بونغ
ديك الخفيفة ديك (بتتذكروها ياااخ )

واحلى حاجة لما تسخن المبارة وتحقد على اللاعبين (الحجارة ) وتمط اصابيعك
وتمطططهم هم لحدى مايقعوا .. وبعد داك (ندكها ) ونمشى بيوتنا فرحانين

جاءت بعد داك فترة التواصل الاذاعى الجميل .. خاصة فى امسية رمضان بعد الافطار
ياسلاام لمن تجى المسلسل والفترة المفتوحة ونغنى مع شاويش

ونتذكرنعومة

مبروووك عليك الليلة يانعومة

ياحليل ناس ديل الوماااان بجونا

احلى حاجة بتذكرها بالرغم من ارتباطها (بالفلس ) هى انك تعضى (حجر بطارية )

العضة ياجمااااعة بتزيد فى عمرو

عكس الشافع البهناك لانو كلم كل الحلة بسبب عضة خفيفة وماحااااارة كمان

لاتنتبهوا لبعض التختخة (عضة واحدة تكفى وبالجنبة كمان )

معليش ياحبايبنا

انا جايكم كدا سااااى اغبش بدون ترتيب

فى الافكار والدخلات والاستوبات

عشان كدا طولوا بالكم ساااااااى

بجى تاااااااانى



هيق هيق هيق دا حجار ولا سفنجه

كنا بعد نعضيها كان وقفت بنختها تحت الزيير
عشان نسمعبها عالم الرياضه

ابو مزن رجل يلازمه الابداع اينما حلا
لك مني باقات من الود
بل انهار من الشوق
واسألك صحيح الحب بقو يبيعوه بالتقسيط
بنت الرفاعي
24-12-2009, 03:56 AM
يادكتورة مرام


سمعتى بحاجة اسمها (السكيرااااانا ) دا نبات بينمو


فى الكنارات والترع عندنا ..
ال (نا) دي تبع شنو ؟؟
حسستني وكأني بحمل جنسية تانية :rolleyes::confused::eek::p:p:p

بينمو بروووس ساااااى


وبتعمل سكرة كدا غريبة وهو فى متناول اليد


انا سمعت بواحد قام مدغ ليك السكيرانا دى


وودتو التوووج


قام فى لحظة تجلى حرق حووش القصب كلوا


بتاع البقراااااات


واهل الحلة كلهم ماقدروا عليهو


وواحد تاااانى كسر دولاب العدة بتاع ناس بيتهم


وعيييييييييك
المأساة إنو في كل مكان بتلقى قصص عن هؤلاء يشيب لها الرأس , وتتعدد الطرق والفكرة والنتيجة واحدة .


وبرضو نحكى عن شفع السلس



وقائمة الالم تطول

شفع السلس ما زلت مستغربة من قصصهم , وأول مرة أعرف عنهم لما بنت عمي حكت لي عنهم وتواجدهم جنب جامعتهم , حكت لي عنهم وأدهشتني بوجودهم و جزء من طريقتهم في العيش والتعامل مع هذه المادة , وهم أطفال بدلا من تواجدهم في المدارس ويتعلموا فيها , بيتواجدوا ويتعلموا في الشوارع , بصحبة صديقهم المفضل السلِسيون !!!
الله يعين !!!
عبدالرحمن مدثر
24-12-2009, 04:15 AM
هيق هيق هيق دا حجار ولا سفنجه

كنا بعد نعضيها كان وقفت بنختها تحت الزيير
عشان نسمعبها عالم الرياضه

ابو مزن رجل يلازمه الابداع اينما حلا
لك مني باقات من الود
بل انهار من الشوق
واسألك صحيح الحب بقو يبيعوه بالتقسيط






سيد النماااااات ودكيكل

حبابك يابا

ولك منى حب لايتبدل

وعشق يدوم بحميمية التواصل

والفة الحروف والجروف

اما عن سؤالك فعلى حسب علمى انه وصل

الى مرحلة اختر ..

الحب اصبح يبدل بطقم جوكاكا (عادى جدا )

لذلك كان لابد من الجكة الطويلة خلفه

لو كنت ابوبكر كاكى يمكن تلحق بركبه

او

نرجع لبوست مايسة ونقعد نكاكى خارج القفص
أشرف صلاح السعيد
24-12-2009, 05:07 AM
الخرباش صاحب الإدهاش سلام..
حجارة البطارية دى مفروض يدوها جائزة نوبل للإستحمال يااخ..نشغل بيها الرادى..بعدا نعضعض فيها لمان تشتغل تانى ومنها نتفشى فيها..بعدا يشيلوها الشفع يلعبو بيها وبعدا تبقى عصير حرام حرام..يااخى معقول!!! الكديس لكن ما جنناو جن ..
تسجيل حضور وبجيك تكس يرجع وبشق اللين لو تكست ليا ذرة رمل "جنس خرخرة هى" ..
العاقب مصباح
25-12-2009, 11:42 AM
خرباش مساء الخيرات

ومبروك المولود من هنا

ربنا يجعله صالحاً كأبيه


قرأت قصة قصيرة جداً للكاتب الأوزبكى ربغوزى

عنوانها العنب

يتحدث عن إختفاء العنب

فيسأل الملك الحيوانات عنه

لم يجبه حيوان عن أين ذهب

ولكن فى ألآخر يأتى إبليس فيقول إنه عندى ولكن لدى شرط بأن أسقيه ثلاث مرات

فيوافق الملك

يأتى إبليس

فى أول سقية له يسقيه بدم الثعلب

والأخرى بدم الأسد

والثالثة بدم الخنزير

فتكون العنب

أخذ السكير من الثعلب خصلة غريبة الثعلب يكون صديقاً لمن لم يره من قبل

ومن الأسد الشجاعة و الكرم وتوزيع عطاياه على الناس

ومن الخنزير اللا مبالاة وعدم الخوف والذهاب لأى مكان قذر ويكون سيئاً

دا العنب يا خرباش

(( النعلات )) والبطارية حتكون سقوها بى شنو :confused::confused::confused: