وفاة مواطنة و حجز أخرى بمستشفى ود مدني بعد إصابتهما بأنفلونزا الخنازير [الأرشيف]

مشاهدة النسخة كاملة : وفاة مواطنة و حجز أخرى بمستشفى ود مدني بعد إصابتهما بأنفلونزا الخنازير

moh_alnour

22-12-2009, 03:09 AM

حافظ شعبان

22-12-2009, 03:18 AM

لها الرحمه والمغفره
جعلها الله من اصحاب اليمن

انا لله وانا اليه راجعون

وشفاء الاخرى
وسلمها من كل مكروه
انه القادر على ذلك

أبوريلان

22-12-2009, 03:24 AM

العريس محمد نور
كل عام وأنت بخير

الله يستر ، لو دخلت السودان منو العوض وليه العوض ، مستشفي مدني تفتقر لأبسط الأشياء كيف تقابل مثل هذه الأوبئة .

nehroo

22-12-2009, 03:27 AM

يا محمد ..
انفلونزا الخنازير
في مستشفى مدني يقدروا يشخصوها ؟؟

عاطف عولي

22-12-2009, 03:29 AM

يا لطيف الطف باهل مدني خاصة والسودان عامة

Osama Alrasheed

22-12-2009, 04:04 AM

أخي العزيز ود الجاك سوف اوفر لك صحة المعلومة من عدمها بعد الاتصال الهاتفي بالدكتورة سمية خلف الله ونسأل الله السلامة وان تكون مجرد اشاعة واخبار جرائد.

esmat

22-12-2009, 04:21 AM

http://www.wadmadani.com/vb/image.php?u=3271&type=sigpic&dateline=1249932701

يا اسامة الرشيد في انتظارك لو تعلم على احر من الجمر نفسه

Osama Alrasheed

22-12-2009, 06:28 AM

الاخوان الاعزاء حاولت الاتصال اكثر من مرة بالدكتورة سمية خلف الله و(هذا المشترك لايمكن الوصول إليه حالياً) .

عباس الدسيس

22-12-2009, 10:08 PM

محمد النور يا الحبيب كان ناس جريدة التيار مجانيين انت ما عاقل ده كلام لبيع الجرايد فقط مستشقي مدني دي تموت بي سكته قلبيه حمانا ومحاك الله اقولوا ليك ملاريا الموت عندهم كلوا ملاريا وينو اجهزة التشخيص وينو الدكتور الفاضي البقعد احدد ليك سبب الوفاة الاخصائين بي قلتم مشغولين في العيادات الخاصه بتاعتم بعد ده كان مشيت ليك لي واحد بي مرض اجيب اجلك والله يا محمد نور في اخصائي بتاع اطفال في مدني وديت ليهو ولدي عيان قال لي عندو ربوا ده احسن اخصائي في مدني اداني بخاخه فيها كرتوزن المدام حلفت بي التقطعا ما تديهوا البخاخه دي وانا يا استاذه استهدي بي الله قدر ما حاولت ما قدرته معاها بعد ما جينا راجعين السعودية مشينا للطبيب الاخصائي البنتابع معاهوا سوري الجنسيه شايلين معانا البخاخ لاستشارته والله قبل ما نتم كلامنا الراجل شال البخاخ ورماهو في الزبالة قال ما عايز اسمع باقي الكلام عايزين تضيعوا الولد .... بعدين يا حبيبنا افلونزا الخنازير دي جنت تمشي مدني خلاس ما لقت في العالم كلوا غير مدني والله الفايروسات الحايمه هناك ما تخليها تاكل عيش تلتهما ليك قبل ما تصيب واحد ديل هناك الملاريا وصلوا مرحله علاج اسموا الراجمات يا خوي امشي عرس عرسك وتعال بي سرعه

ابوالنور

22-12-2009, 11:01 PM

الأخوة الأعزاء أعضاء المنتدى بمدنية ود مدني ما مدى صِحة هذا الخبر ؟ أرجو أفادتنا
صحيح 100%
نسأل الله السلامة و العافية للجميع

تُوفيت الأسبوع الماضي مريضةٌ من منطقة شرق سنار نتيجة إصابتها بأنفلونزا الخنازير بمستشفى ود مدني للنساء والتوليد
والجدير بالذكر أنَّ هذه المريضة تعمل في الحقل الصحي في وظيفة ستتر بسنار ، وتمَّ تحويلها لمستشفى ود مدني بعد الإشتباه بإصابتها بالمرض
وتُوفت بعد أن وضعت تؤام بالعناية المكثَّفة بالمستشفى وحدة دكتورة سمية خلف الله
والى ذلك تمَّ حجز مريضة أخرى وهي حاملٌ أيضاً للإشتباه بإصابتها بنفس المرض في المستشفى
حيث تمَّ حجزها بتاريخ 19/11 بوحدة دكتور السنوسي محمد السنوسي
وتشير متابعات التيَّار أن هذه المريضة تسكن في نفس منطقة المريضة الأولى التي تُوفيت

المصدر : صحيفة التيار

نسأل الله السلامة

muhi omer

22-12-2009, 11:34 PM

نسأل الله السلامة لكل أهلنا بالسودان والجزيرة ومدني خاصة، كما نسأله اللطف بهم إذا كان الأمر حقيقة

خالد أحمد الصول

23-12-2009, 12:23 AM

الأخوة الأعزاء أعضاء المنتدى بمدنية ود مدني ما مدى صِحة هذا الخبر ؟ أرجو أفادتنا
نسأل الله السلامة و العافية للجميع

تُوفيت الأسبوع الماضي مريضةٌ من منطقة شرق سنار نتيجة إصابتها بأنفلونزا الخنازير بمستشفى ود مدني للنساء والتوليد
والجدير بالذكر أنَّ هذه المريضة تعمل في الحقل الصحي في وظيفة ستتر بسنار ، وتمَّ تحويلها لمستشفى ود مدني بعد الإشتباه بإصابتها بالمرض
وتُوفت بعد أن وضعت تؤام بالعناية المكثَّفة بالمستشفى وحدة دكتورة سمية خلف الله
والى ذلك تمَّ حجز مريضة أخرى وهي حاملٌ أيضاً للإشتباه بإصابتها بنفس المرض في المستشفى
حيث تمَّ حجزها بتاريخ 19/11 بوحدة دكتور السنوسي محمد السنوسي
وتشير متابعات التيَّار أن هذه المريضة تسكن في نفس منطقة المريضة الأولى التي تُوفيت

المصدر : صحيفة التيار

مجرد أن طالعت هذا الخبر قمت بالاتصال بالدكتورة سمية خلف الله عبد الرحيم إختصاصي النساء و التوليد و رئيس قسم النساء و التوليد بكلية طب الجزيرة و قد أفادتني بالاتي: حولت هذه المريضة من مستشفي سنار و قد حضرت الي ودمدني في حالة متأخرة و توفيت الي رحمة مولاها قبل أن تتمكن المستشفي من تحليل الدم لمعرفة إصابتها بفيروس أنفلونزا الخنازير من غيرة .
أما الاخري فقد تم حجزها فعلا وهي تعاني من إلتهاب حاد جدا و بتحليل الدم إتضح أنها تعاني من إلتهاب عادي و ليست إنفلونزا الخنازير و تم إعطاؤها الدواء اللازم و قد تماثلت للشفاء بعون الله.

هذا ما لزم توضيحة

نخيل طيبة

23-12-2009, 12:51 AM

الله يستر يارب ...........ومايكونوا الجماعة متسترين ومتكتمين
وفي كل الاحوال يارب انت عالم بحالنا وحال اهلنا وحال بلدنا
منك الدواء ومنك الشفاء ..

moh_alnour

23-12-2009, 05:07 PM

محمد النور يا الحبيب كان ناس جريدة التيار مجانيين انت ما عاقل

الحبيب عباس الدسيس قالوا مجنون يحكي و عاقل يسمع

ديل هناك الملاريا وصلوا مرحله علاج اسموا الراجمات يا خوي امشي عرس عرسك وتعال بي سرعه

أنا زاتي قلتا أنفلونزا الخنازير دي الوادها السودان شنو ؟ إلا تكون دخلت عن طريق المسلسلات المكسيكية :p

الأخوة : أسامة الرشيد ، أبو النور ، أستاذنا خالد الصول ، شكرا ً للأهتمام و التفاعل الطيب مع الحدث
نسأل الله السلامة و العافية للجميع

إيهاب الأمين

24-12-2009, 09:20 AM

الأخوة المتداخلون
السلام عليكم ورحمة الله
أولاً انفلونزا الخنازير دخلت إلى السودان وثبت وجود تسع حالات بالخرطوم (وهذا ما اعترفت به فقط وزارة الصحة)...
ثانياً ومع تقديري للصديق الصول وللطبيبة التي نفت أن تكون الحالة انفونزا خنازير بالنسبة للمصابة والتي نتمنى لها الشفاء العاجل نقول إن ما قالته الطبيبة يعد من باب نشر شئ من الاطمئنان ليس إلا لأن الطبيبة المذكورة وغيرها من الأطباء لا يمكنهم تشخيص المرض ولا معرفة المعلومة الحقيقية لأن المستشفى يفتقر لأبسط أدوات التشخيص...
لكم تحياتي

faqatar007

24-12-2009, 10:03 AM

نسأل الله السلامة و العافية للجميع

ميزو

24-12-2009, 11:13 AM

والله يا اخوانا خوفتونا نحن قاعدين فى السودان ومدنى الحلوه

ابو الجيلى

24-12-2009, 02:51 PM

الله يستر على أهلنا

والله الواحد بقى قلبو فى يدو

تغريد

26-12-2009, 12:55 AM

نسأل الله الشفاء والمعافاة دينا ودنيا

تواردت الاحاديث عن هذا الخبر كثيرا أبان تواجدي مع اختي في مستشفي مدني للنساء والتوليد والي الان ليس هناك مصدر رسمي لتاكيد او نفي الخبر فالسلطات دوما تموه الحقيقة وقد فقدنا مصداقية الخبر ولكنا نسأل الله السلامة من كل شر

amino

26-12-2009, 02:03 AM

اللهم انا نسالك الصحة والعمل الصالح
اللهم انا نسالك الصحة والعمل الصالح
اللهم انا نسالك الصحة والعمل الصالح
اللهم انا نسالك الصحة والعمل الصالح
اللهم انا نسالك الصحة والعمل الصالح
اللهم انا نسالك الصحة والعمل الصالح
اللهم انا نسالك الصحة والعمل الصالح

فكرة:
ناس مدنى هوووى تعالوا الشرق هواهوا طرى
وكمان العلاج عندنا وهو.......
ولا اقول ليكم لمن تجوا,