المساعد الشخصي الرقمي

مشاهدة النسخة كاملة : شخابيييييييييييت


وليد عمر سعيد
19-12-2009, 05:59 AM
قصه الريد القديمه بسألوني عليها ديمه ...

و كل ما حاولت انسى ... صحوا ذكراها الأليمه ...

غنيه حلوه و معبره ...

زي ما عارفين انو الحصل لي المنتدى شلت الشخابيت بره و قال ليها الله مع حنانك ...

لكن هي في النهايه شخابيت ... يعني لو اتمسحت حا نجي و نشخبت من اول و جديد ...

عايز ابدأ الشخابيت المره دي بموضوع ماجديد ... و هو حاله عدم الرضى على المنتدى ...
انا عارف و متأكد انو معظمكم زعلان من البحصل لي المنتدى و متأكد اكتر انو في كتير منكم بدو يفكرو يخلو المنتدى نهائي ...

لكن قبل ما اكمل كلامي حا اقول ليهم حاجه ... العايز يخلي المنتدى حاليا ربنا يسهل ليهو لكن لو خليت المنتدى في الوقت ده رجاء خاص لما المنتدى يرجع بشكلو الطبيعي و اللي اتعودنا عليهو تاني ما تجينا ... لأنو البخلينا في زنقه ما زولنا و البقيف معانا في زمن زي ده فهو فعلا خايف على المنتدى ...

عارف كويس انو الزهج حصل من تكرار الكفاوي و البلاوي ... لكن في مثل لايمكن انو انساهو (( القمه مستهدفه ... و أن كنت في القمه فعلم انه من الصعب المحافظه عليها )) ...

اي انو مثل و حكمه عبر الزمن ... لكن لو رجع الوضع زي ما كان فأنا حا اقول لصاحب المثل (( القمه مستهدفه ... و إن كنت في القمه فإعلم انك في منتديات ودمدني )) ... و مصيرو يرجع زي ما كان اذا وقفنا مع بعض ...

لكن بالمنظر الحالي ده ما اظن انو حا نكون مع بعض ... اذا واحد زعلان عشان مشاركتين اتمسحو ياخ قوول 100000 اتمسحو يعني شنو ؟!! ...

قصاد المشاركات ديل انت عرفته كم واحد في المنتدى ؟؟!!! ... طلعته بكم اخ من المنتدى ؟؟!!! ... طلعته بكم مكاسب ؟؟!!!! ... هل ديل بتقدرهم بي مشاركة ولو مليون مشاركه ؟!!! ...

المنتدى اداك ... فهل انت حا تديهو ولا لما احتاج ليك حا تخليهو ؟!!! ... كلو واحد يسأل نفسو السؤال ده ... و يشوف الجواب شنو ...

اذا كان الجواب هو معليش يا منتديات ودمدني انا ما قاعد ... فنحن بنقول ليهو الله يرعاك و يديك الف عافيه ... ما ح نقعد نغني (( ماهو عارف قدمو المفارق )) كتير ... لكن سبحان الله فعلا (( يا مولاي حافي حالي )) ...

اما اذا كان الجواب هو انا قاعد يا منتديات ودمدني ... فنحن بنقول ليهو المنتدى بيك و براك ما ببقى ...

زمان كنتو بتقولو منتديات ودمدني بيتنا ... لكن هسه حالكم بقول انو منتديات ودمدني مظلتكم ... جيتو وقفتو من الشمس و ماشين ...

عرفتو قصه الريد القديمه ؟؟!!! ... ارجعو بالذاكره كم شهر و شويه لي ورا ... و اتذكروا حال المنتدى كان كيف ؟؟!!! ...

انا ابصم ليكم بالعشره اي واحد فيكم كان بفتح المنتدى قبل ما يفتح الماسنجر بتاعو ... لكن هسه عااااااااادي تشغل النت و تطلع و انت ما فتحته المنتدى ...

فعلا الدنيا دواره و الأيام دول ...

الكلام كتيييييييييييييير و الله ... اعتقد انو الرساله وصلت ... نحن برضو زعلانين زيكم ... ولا تفتكرو انو نحن ما عايشين الموقف ؟؟!!!! ...

لكن صابرين ... و في نفس الوقت شغالين ...

قوائم و عوامد منتديات ودمدني الثابته ... لكم مني كل التحيه و الإحترام ... لكم مني كل ود و ورد وحب ... كنا بكم و سنظل ...

الحا يمسك معانا الطبشور يقول انا معاكم و يشخبت لينا ... و الما داير يمسك معانا يتفرج و ينسحب ...

و لسه الشخابيت مستمره ...
الملكة اسماء ( ام محمد )
19-12-2009, 06:09 AM
لكن قبل ما اكمل كلامي حا اقول ليهم حاجه ... العايز يخلي المنتدى حاليا ربنا يسهل ليهو لكن لو خليت المنتدى في الوقت ده رجاء خاص لما المنتدى يرجع بشكلو الطبيعي و اللي اتعودنا عليهو تاني ما تجينا ... لأنو البخلينا في زنقه ما زولنا و البقيف معانا في زمن زي ده فهو فعلا خايف على المنتدى ...


الحا يمسك معانا الطبشور يقول انا معاكم و يشخبت لينا ... و الما داير يمسك معانا يتفرج و ينسحب ...

و لسه الشخابيت مستمره ...


اسمح لي اخي ان اختار اللون الاحمر لاضع خطوط عريضة تحت بعض الملاحظات

وسااختار لون اخر لاقول :



كان ولايزال هذا المكان يضم اشخاص ( عرفناهم اقلام تتفاكر وكلمات تتذاكر بالخير ), هم عائلة كبيرة اصبحنا منها افراد ..رغم اننا لم نلتقي معظمهم

فارجو ان يعود هذا المكان لسابق عهده
فبكم ومعكم فقط اخوتي يعود للمنتدى رونقه وتعود طيور هاجرت اعشاشها لاغصان الفكرة
ونعود معا لنسجل للزمان اننا لانزال اهلا بهذا المكان على اسطر التاريخ و الذكرى
وليد عمر سعيد
19-12-2009, 09:58 AM
اسماء ..

لقيتك شخبااااااااته ..

وكلامك عين العقل ..

ودا الدايرنو ..

وواصلي شخبته ..
وليد عمر سعيد
19-12-2009, 10:05 AM
عايز اقول ليكم حاجه ..

الشخبته هنا مابس للحاصل في المنتدى والوصل ليو .. لا .. اي شخبته دايرنها .. بالدارجي والفصحى ( والراندوق ) .. وكلو .. هي دعوة للشخبته ..

والطبشير بتلقوا فوووق .. وكل الاوان متوفرة .. عدا الابيض .. عشان تظهر الشخبته ..;)

وقولوا يا شخبته بس ..:p
ابوالنور
20-12-2009, 04:57 AM
والله يا وليد طباشيرة زاتا الواحد بقي ما لامي فيها
عندي ورقة مكرفسة ومجدوعة في السلة افرتقا واجيك
جاري جري
وليد عمر سعيد
20-12-2009, 07:12 AM
والله يا وليد طباشيرة زاتا الواحد بقي ما لامي فيها
عندي ورقة مكرفسة ومجدوعة في السلة افرتقا واجيك
جاري جري


انور.. صحبي الزماااااان .. :cool:

يازول الطبشير راااااقد .. انا مصبن ليك وااحده قدر الضرربه ..;)

لكن شمار الورقه المكرفسه حرقني شدييييد .. ( ماتقولي سله .. وتنس طاولة ) ..:D

ماتتاخر يافرده في انتظارك ..
الملكة اسماء ( ام محمد )
20-12-2009, 07:19 AM
روتين
روووووتين

قاااااااااااااتل

وملل حاااااااااااااااااصل


والسبب انت

ايوا انت


ياصمت بدون ......... فواصل
الملكة اسماء ( ام محمد )
20-12-2009, 07:22 AM
.. وكلو .. هي دعوة للشخبته ..

:p

خايفة عمك الadmin
يجينا شايل ( جردل ) جير
ويقول نضفوا لينا ( الشخبتة ) الوسختوا بيها حيط المنتدى دي :)
وليد عمر سعيد
20-12-2009, 07:25 AM
شخبته صغيرووووونه : انا شايف ليك ودعولي دا بي فووووق .. في كلمات عميقه .. وحوارات عمالقه ( لهم مني جميعا كل احترام ) ..

والصراحه .. خاتي كرسيني قدااااام .. وبتفرج بي عيني .. وما اكضب عليكم .. مابقدر زاتي اكتب كلمة ( غير اني قلت انا متابع ) في مكان يضم هذا الزخم من العمالقه .. عشان كدا فكرت في البوست دا ..
بوست يضم عمالقه ( والحقيقه اغلب اعضاءالمنتدى هم عمالقه ) .. يكونوا بكتبوا .. من غير اهتمام بتناسق كلمات .. المهم يوصلوا لينا احساسهم .. بس ..

شخبتووووووو دي ماواضحه :D:p:)
وليد عمر سعيد
20-12-2009, 07:39 AM
خايفة عمك الadmin
يجينا شايل ( جردل ) جير
ويقول نضفوا لينا ( الشخبتة ) الوسختوا بيها حيط المنتدى دي :)

مساك سوداني .. اسماء

اقتبست ليك كلامي القلتو انا في اول البوست ..


والادمن وكل المشرفين .. وجميع الاعضاء .. على عينا .. وفووووق راسنا ..



[color="magenta"]

لكن هي في النهايه شخابيت ... يعني لو اتمسحت حا نجي و نشخبت من اول و جديد ...





انتي بس .. شخبتي والباقي الله بسوي ..
وليد عمر سعيد
20-12-2009, 07:43 AM
color][/size][/font]
ياصمت بدون ......... فواصل
[/center]

عجييييب لكن .. ;)

والشخبته هنا برضو من غير فواصل :p
الملكة اسماء ( ام محمد )
20-12-2009, 07:49 AM
انتي بس .. شخبتي والباقي الله بسوي ..




انت ماشفت الكلام دا؟:confused:

http://al-qatarya.org/qtr/qatarya_xqKAa7b4Vn.jpg
وليد عمر سعيد
20-12-2009, 08:02 AM
انت ماشفت الكلام دا؟:confused:

http://al-qatarya.org/qtr/qatarya_xqKAa7b4Vn.jpg


والله شفت شوووف ..
وسمعت ليك بت عجرم .. بتوعي في جناها حماده .. ( شخبت شخابيت مسك الالوان ورسم على الحيط ) ..:p

لكن تقولي شنو .. ملينا دفاتر بالشخبته .. والمدرسة .. وييييييييييك .. والجامعه .. حرقه على القروش البتندفع ليهم دي ..

لكن جاء زمن نشخبت بي فهم ..;)
محمد الواثق
21-12-2009, 08:43 PM
لكن جاء زمن نشخبت بي فهم ..;)



نشخبت يا وليد مدام مافي داعي للشطب زمان كان البشخبط بتفصل اسي بقي العكس وزي ما قلتة شخبطة بي فهم
بقت اعلام وبدل نقول ارفع راسك انت سوداني بقينا نقول ارفع راسك انت ........
أبوريلان
21-12-2009, 09:28 PM
وبدل نقول ارفع راسك انت سوداني بقينا نقول ارفع راسك انت مدناوي.





بوست بطعم الحلو مُر ياوليد
شخبط يا وليد
يمكن الشخابييييط تعيد ناس واقفة بعيد
ما داير أشكرك علي هذه الغيرة
أضم صوتي لصوتك
ليعود الأبناء
لبيتهم .
الزونية
21-12-2009, 10:03 PM
وليد لك التحية
والبوست رائع


وياريت الناس تدخل وتشخبت لأنو إمكن الشخبتة برضو عايزة مشاورة راس..
وبمناسبة الراس دي خلاها الواثق الملك نقاط وتماها ليهو الأخ ياسر بكلمة..
بكلمة نعتز أن نصنف ضمن من ينتمون لها..
أرفع راسك انت مدناوي..
كنا أول أمس في تخريج طلبة إقتصاد جامعة الرباط..
وفجاة جاء صوت المذيع ليعلن عن طالب من مدني وكان المذيع يقول بإسم الطالب:
مدني إنتمائي وعشقي..
وقفنا جميعاً من كنا على طاولتنا..
صفقنا له ورقص الشباب والفتيات معه وهللنا له..
فسألنا من كانو حولنا هل الخريج هو إبنكم ؟؟
قلنا لا والله..
فقالو كيف ذلك؟؟


قنا لهم هو فقط من مدني..
فقالو ..جد؟؟
قلت لهم نعم..
فقالو ياناس مدني والله إنتو أروع ناس..
وماكذبو ولم يأتو بشي جديد...


وجاياك راجعة تاني ياوليد..
محمد الواثق
22-12-2009, 09:33 PM
وليد لك التحية
والبوست رائع

وياريت الناس تدخل وتشخبت لأنو إمكن الشخبتة برضو عايزة مشاورة راس..
وبمناسبة الراس دي خلاها الواثق الملك نقاط وتماها ليهو الأخ ياسر بكلمة..
بكلمة نعتز أن نصنف ضمن من يتمون لها..
أرفع راسك انت مدناوي..
كنا أول أمس في تخريج طلبة إقتصاد جامعة الرباط..
وفجاة جاء صوت المذيع ليعلن عن طالب من مدني وكان المذيع يقول بإسم الطالب:
مدني إنتمائي وعشقي..
وقفنا جميعاً من كنا على طاولتنا..
صفقنا له ورقص الشباب والفتيات معه وهللنا له..
فسألنا من كانو حولنا هل الخريج هو إبنكم ؟؟
قلنا لا والله..
فقالو كيف ذلك؟؟

قنا لهم هو فقط من مدني..
فقالو ..جد؟؟
قلت لهم نعم..
فقالو ياناس مدني والله إنو أروع ناس..
وماكذبو ولم يأتو بشي جديد...

وجاياك راجعة تاني ياوليد..



للعشق بنان وللفنون جمال
اعطت فهلا نعطيها

فرحت بك يا موطني وملازي
استوفتني كلماتكم ايها العشاق
مانزال في انتظار عودتكم اخواني
الزونية
23-12-2009, 03:31 AM
الشللية ياأخوي وليد الشللية
حتقتل المنتدى وحتهد أركانه..

من أجل المنتدى كيلو بمكيال
واحد ياناس