اختارى يا سلمى العريس ولا الكديس

[تيسير]

اعرف ان العنوان مثير للضحك ..............لكن !
الحوار اكثر من جاد ...........
دار هذا الحديث فى جزيرة (لنكاوى ) فى شاليه على المحيط الهندى بماليزيا ............
كان حضورا فخيما جمع بين الاستاذة والطلبة بجامعة السودان كلية العمارة فى جلسة رائعة والرمل والليل والنجم والاامواج الغضبى تترك بصامتها على الشاطئ الشاسع وتعود منكسرة لتواصل بلا ملل ................
وابتدرت الحوار استاذة ( آلاء ) تلك الفتاة ذات الملامح الطفولية البرئيةوذات الابتسامة الساحرة والخضرة الندية .......والتى كانت فاكهة الرحلة باعتراف الجميع .............
قالت بصوتها الرخيم على خلفية ان (الهادئة جدا ( سلمى ) تحب القطط الى حد الوله .......
السؤال موجه ( لسلمى عبد الله ) يا جماعة ..........
اها يا سلمى لو جاء عريس وقال ليك يا انا يا الكديس حتاختارى يا تو ؟؟؟؟؟؟؟؟؟؟
تعالت الضحكات وكل تبنى الاجابة عن سلمى والتى بدت فى عينيها الحيرة ممزوجة بحياءها المعهود ............
والآن القضية المطروحة للنقاش .............
العريس الذى يفرض رأيه .........ويتشرط .............
مافى شغل ...........شريحتك تتغير اول ما اخطبك ..............مافى ماسنجر .ولا حتى انترنت .........مافى منتدى على خلفية موضوع الاخت ( الزونية ) ..........
المايك معاكم يا جماعة الخير وفى انتظار اراءكم النيرة

[ابوالنور]

تيسير الف حمد الله علي السلامة والبركة الشفناك طيبة
موضوع العريس ده بجيك ليه راجع تاني

[عبدالرحمن مدثر]

انت عارفة اول حاجة مطلوبة من الرجل شنو

انو يضبح الكديسة

عشان الامن يكون مستتب

برررة الموضوع

كنا فى انتظارك حتى نسافر مع خيالك الخصيب الى ماليزيا

وسحرها الجميل


دخلة غلط سااااااى

بجى راااجع للموضوع الاساسى

[telecom]

الكديس ................الكديس يا تيتا
عارفة ليه............ هو شنو الراجل الداخل شمال وعايز يتشرط الحياه دى ما بحر عميق فيهو تفاهم وعشرة والفة الناس لو ما احترمت حاجات بعض وراى بعض يبقى مافى داعى لاى حاجة ...........الحياة ما انت تفرض على وانا افرض عليك لازم يكون فى اقناع وتنازل......... الحياة يا سادة تبادل منافع بين الناس بقدر الاخذ العطاء بقدر الجهد والبذل النجاح بقدر الاقناع التنازل
لكن ما يجى عمك طاير من هناك ويقول ليك يا انا يا...................
ممكن زول راسو ناشف ذيى كدا يقول ليك مع السلامة...........وما تفرق معاهو
دمتى ياغالية

[مايسة]

هلا بكل الغلا

عاد دا بالغ الباديها بشروط زي دي

طيب النعكس الآية - هو بيقدر يعمل كدا :eek:

اصلا عامل الثقة اهم حاجة بين الطرفين -

همسة : انا غايتو لو كنت مكانها بختار الاسد ;):rolleyes:

[تيسير]

تيسير الف حمد الله علي السلامة والبركة الشفناك طيبة
موضوع العريس ده بجيك ليه راجع تاني


الله يسلمك و تسلم من كل شر ...........اسعدنى مرورك الراقى وفى انتظار رأيك الذى يهمنا كثيرا

[تيسير]

:d
انت عارفة اول حاجة مطلوبة من الرجل شنو

انو يضبح الكديسة

عشان الامن يكون مستتب

برررة الموضوع

كنا فى انتظارك حتى نسافر مع خيالك الخصيب الى ماليزيا

وسحرها الجميل


دخلة غلط سااااااى

بجى راااجع للموضوع الاساسى


المبدع (الخرباش )
اها ده الكلام ..............يعنى الكديسة تنضبح من البداية ..........ده رأيك ولا رأى جاركم ......
من تحت النضارة :
انت ضبحتها ولا ضبحوها ليك
خربشة تانى :
بالنسبة لذكريات ماليزيا اكيد باذن الله حتنزل لارض الواقع بس لسة شويةما اختمرت وخليك قريب

[فراس]

الاخت تيسير
كل عام وانتي بخير

مثل هذا الزوج لاينفع والحياة معه تكون شبة
مستحيلة لانه يحمل عقد كثيرة وكما زكرت الاخت
الفاضلة تيلكوم ان الحياة عشرة وتفاهم قبل
ان تكون امر ونهي الحياة الزوجية احترام ومودة
ومن لايستطيع توجيه دفة سفينة الحياة الزوجية
في الطريق الصحيح يتعرض لامواج قد تجعل الحياة
في القاع ....

للاسف الكثيرين ينظرون للحياة الزوجية وكانها معركة
ولابد ان يخرج منتصر منها بمثل هذه القرارات الفرضية

تيسير العريس الذي يشترط مثل هذه الشروط
الباب الذي دخل به اولي به ولااسف عليه

تسلمي

[أبو جودي]

أختنا سلمى ،،، ما يغشوك الجماعة ديل ،،، أحسن تختاري العريس
لأنه بعد فترة بسيطة بنقلب لي كديس وكديس وديع كمان

[الملكة اسماء ( ام محمد )]

العريس الذى يفرض رأيه .........ويتشرط .............
مافى شغل ...........شريحتك تتغير اول ما اخطبك ..............مافى ماسنجر .ولا حتى انترنت .........مافى منتدى على خلفية موضوع الاخت ( الزونية ) ..........





تحية غاليتي تيسير
موضوع مهم
بصراحة انا عندي وجهة نظر في الحتة دي
( كل شي بالسياسة ممكن )
يعني الراجل البقدم شروط زي دي ( عادة بكون سهل الترويض )
يعني المرة وشطارتها في الحتة دي

وكل شي بالنقاش والحوار الهادئ ممكن يتحل
بعدين في حاجات اصلا ممكن نقول عليها ( زيادة ) ومجرد (ملء فراغ) والمفروض انه الفراغ دا بتملي بمجرد دخول شريك الحياة

يعني الماسنجر - المنتدى ( الانترنت ) بغرض ملء وقت الفراغ بكون بعد الارتباط مافي داعي ليه اصلا
اما بالنسبة للشغل ( فنادرا نلاقي راجل في الايامات دي برفض فكرة عمل المراءة الهي اصبحت شي عادي جدا ومهم من اجل احساس المراءة بشخصيتها وانجازها واحيانا من اجل المساعدة في تاسيس لحياة افضل للابناء )

تقبلي مروري

[محمد النويري-الفقراء]

موضوع لزيز بالجد يا تيسير .. وانا لو سالتني حاختار ليها ( العريكديس ) الاتنين مع بعض .. ههههه
عارفة ليه : لانو العريس لابد منو بس اكون عريس فاهم وإعرف أنو الحياة مشاركة بين الاتنين ما حرب الواحد افرض رائه فيها لانو الزوجة دي انسانة ليها احاسيس ومشاعر وليها عقل وممكن تساعدك في كل امورك الحياتية .
والكديس مهم :لانو لو العريس داير اعمل فيها عضلات تجيب ليها الكديس اخربشوا عشان(إعرف حاجة )

[تغريد]

ذلك الشخص الذي يريد ان يضعني في قوقعة مغلقة ويعزلني عن كل ما حولي من بشر وتقنيات هو شخص عديم الثقة في نفسه ويفتقر حتما الي الطريقة المثلي لللتعامل فيلجأ الي عزلي عن كل ما قد يؤرق مضجعه

أذا وضعت في موقف اختيار فحتما سأختار الكديسة وعن رضا أيضا فمثل هذا الشخص قد يمنع عني يوما ما ان الهواء بحجة ان الهواء قد يدخل الي انفاس رجال فتخالط هذه الأنفاس انفاسي وحتما سيصيبه هذا بالجنون

ارجو الا اكون أبتعدت كثيرا عن الموضوع يا تيسير لكي كل الود




همسة خارج النص

غايتو لو زول زي دا جا بعد عشرة سنين كدا احتمال أفكر اختارو بدل الكيسة :d

[الملكة اسماء ( ام محمد )]

همسة خارج النص

غايتو لو زول زي دا جا بعد عشرة سنين كدا احتمال أفكر اختارو بدل الكيسة :d

:p:D:D:D:D:D:p

[تغريد]

:p:D:D:D:D:D:p


اي اي أضحكي كويس :mad:

بعد 15 سنة انتي زااااااااااااااتك حتشاركيني الكديس أقصد العريس :p

[الملكة اسماء ( ام محمد )]

اي اي أضحكي كويس :mad:

بعد 15 سنة انتي زااااااااااااااتك حتشاركيني الكديس أقصد العريس :p


:p:D:D:D:p

ونتشارك ( المطبخ ) زاتو وحياتك :)

[moh_alnour]

مرور من أجل الإطلاع
و لي عودة بمشيئة الله للمشاركة في الموضوع
عن تجربة واقعية عايشتها سأحكيها كما حدثت ربما تجعل الأخت منال تختار العريس
و ربما تجعل الأخت تغريد تختار العريس بي آثر رجعي يعني قبل عشرة سنة :p

[تيسير]

الكديس ................الكديس يا تيتا
عارفة ليه............ هو شنو الراجل الداخل شمال وعايز يتشرط الحياه دى ما بحر عميق فيهو تفاهم وعشرة والفة الناس لو ما احترمت حاجات بعض وراى بعض يبقى مافى داعى لاى حاجة ...........الحياة ما انت تفرض على وانا افرض عليك لازم يكون فى اقناع وتنازل......... الحياة يا سادة تبادل منافع بين الناس بقدر الاخذ العطاء بقدر الجهد والبذل النجاح بقدر الاقناع التنازل
لكن ما يجى عمك طاير من هناك ويقول ليك يا انا يا...................
ممكن زول راسو ناشف ذيى كدا يقول ليك مع السلامة...........وما تفرق معاهو
دمتى ياغالية

الحبيبة ( منال ) طبعا من الوهلة الاولى..... .فعلا كلامك مية ميه وانا ذاتى من انصار انو البجئ بشروطوا ده ما نافع ...........
واتفق معك جدا فى ان الحياة تفاهم واحساس وعطاء متبادل واحترام حاجات الآخر لكن بالرجوع لخلفية ان الرجل السوادنى سميع ّ جدا وكمان ممكن يكون شاف بعينو ومعقد الى حد كبير وديمقراطى فى الشارع وديكتاتور فى البيت ........بهذه الخلفية التاريخية يمكنك التريث قليلا قبل ان نقول الكديس......... بفهم ودبلوماسية الا اذا اثبت فعلا انه معقد تماما وغير مرن بعد محاولات منك واستخدام ذكائك اذا كانت شخصيته تستحق الصبر فلا بأس من شرف المحاولة يا صديقتى فلربما كانت مجرد اختبارات للوصول لمدى تعلقك به وسماعك لكلامه ..........من يدرى دى غايتو تنظيرات تيسيرية ممكن تكون خطأ او صاح .........
همسة :
يا ختى طبع الجعليين ده ما جربنا كدى تعالى نجرب طبع ...............ولا فى ناس حتزعل ما فى داعى

[تيسير]

هلا بكل الغلا

عاد دا بالغ الباديها بشروط زي دي

طيب النعكس الآية - هو بيقدر يعمل كدا :eek:

اصلا عامل الثقة اهم حاجة بين الطرفين -

همسة : انا غايتو لو كنت مكانها بختار الاسد ;):rolleyes:

الغالية ( ميسو )
مش كدة عاد بالغ مبالغة شديدة خلاص يا بت امى ....نقول شنو عاد
اما بالنسبة ليهو فعقدة الرجل مع المرأة زى العقدة الفاكينها فى الرجل الافريقى الاقل ذكاء من الرجل الابيض (حلال عليكم حرام علينا )
همسة تانى :
انا غايتو بحب السنا جب بجيب واحد اربيه احسن ولا شنو على الاقل اليف اخير من الاسد بتاعك ده

[تيسير]

الاخت تيسير
كل عام وانتي بخير

مثل هذا الزوج لاينفع والحياة معه تكون شبة
مستحيلة لانه يحمل عقد كثيرة وكما زكرت الاخت
الفاضلة تيلكوم ان الحياة عشرة وتفاهم قبل
ان تكون امر ونهي الحياة الزوجية احترام ومودة
ومن لايستطيع توجيه دفة سفينة الحياة الزوجية
في الطريق الصحيح يتعرض لامواج قد تجعل الحياة
في القاع ....

للاسف الكثيرين ينظرون للحياة الزوجية وكانها معركة
ولابد ان يخرج منتصر منها بمثل هذه القرارات الفرضية

تيسير العريس الذي يشترط مثل هذه الشروط
الباب الذي دخل به اولي به ولااسف عليه

تسلمي

الاخ ( فراس ) الست معى ان اغلب الشباب يحمل عقدا رهيبة وافكارا هدامة كما قلت عن المرأة وعن الزواج انا سعيدة برأيك وجميل ان تكون مواقفنا ثابتة تجاه الآخر منذ البداية ..........شرفنى مرورك

[تيسير]

أختنا سلمى ،،، ما يغشوك الجماعة ديل ،،، أحسن تختاري العريس
لأنه بعد فترة بسيطة بنقلب لي كديس وكديس وديع كمان

الاخ ( ابو جودى ) ياريت والله كلامك ده يطلع صاح بس ده لو ما انقلب الى اسد ولا نمر بمخالب وروح غادرة وشريرة .............
همسة :
كدى نشوف راى سلمى يمكن توافق على كلامك ده ويادار مادخلك شر وتعرس الكديس اقصد العريس وتربى الكديس ...........

شكرا لك يا اخى ونورت البوست

[أبو جودي]

الاخ ( ابو جودى ) ياريت والله كلامك ده يطلع صاح بس ده لو ما انقلب الى اسد ولا نمر بمخالب وروح غادرة وشريرة .............
همسة :
كدى نشوف راى سلمى يمكن توافق على كلامك ده ويادار مادخلك شر وتعرس الكديس اقصد العريس وتربى الكديس ...........

شكرا لك يا اخى ونورت البوست


الأخت تيسير لك التحية والود
نجي للعريس والكديس ،،، يعني يا أختي لو سلمى دي طلعت شاطرة وشربت الكديس اللبن وعاملته معاملة كويسة وما شالت ليه المفراكة وشبعتو أكيد بكون وديع وهادي لكن أكان عاملته بقسوة وشدة ممكن يكون أسد كما تفضلتي ،،، يعني راجعة للمعاملة هي الأساس ,,,
وتقبلي تحياتي

[تيسير]

تحية غاليتي تيسير
موضوع مهم
بصراحة انا عندي وجهة نظر في الحتة دي
( كل شي بالسياسة ممكن )
يعني الراجل البقدم شروط زي دي ( عادة بكون سهل الترويض )
يعني المرة وشطارتها في الحتة دي

وكل شي بالنقاش والحوار الهادئ ممكن يتحل
بعدين في حاجات اصلا ممكن نقول عليها ( زيادة ) ومجرد (ملء فراغ) والمفروض انه الفراغ دا بتملي بمجرد دخول شريك الحياة

يعني الماسنجر - المنتدى ( الانترنت ) بغرض ملء وقت الفراغ بكون بعد الارتباط مافي داعي ليه اصلا
اما بالنسبة للشغل ( فنادرا نلاقي راجل في الايامات دي برفض فكرة عمل المراءة الهي اصبحت شي عادي جدا ومهم من اجل احساس المراءة بشخصيتها وانجازها واحيانا من اجل المساعدة في تاسيس لحياة افضل للابناء )

تقبلي مروري


عارفة يا (رائعتى الغالية ) ذكرتينى قصة كلما اتذكرها اضحك فى سرى .........بعبارتك اى شئ بالسياسة ممكن ............يحكى انو فى واحدة زوجها دخل من الشغل زهجان وما طايق نفسو وشطح فيها كلام فاضى ورزع باب الغرفة وقال ما داير زول يتكلم معاهو ماكان من صاحبتنا الا تجملت بالصبر والصمت ولم تبث ببنث شفة ........وبعد شوية عملت عصير ليمون ودخلتو فى صمت ايضا ..........وصا حبنا قطع الليمون ولسة صارى وشو وقال ليها ( انعل ابوكى ) فقالت ليهو بهدؤ تحسد عليه :
اسوى ليك الغدا
ياولية انا بقول ليك انعل ابوك تقول لى اسوى ليك الغدا
وماكان الا برهة وصا حبنا اتأسف اشد الاسف على عمايلو السودا واعتذر ..... اها دى السياسية يا ستى .............
عارفة يا ستهم الدبلوماسية والحكمة دى هبة عظيمة من ربنا (ومن اؤتى الحكمة فقد اؤتى خيرا كثيرا )
سلم عقلك الراجح ويراعك المبدع ...........وافرحنى جدا مرورك

[تيسير]

موضوع لزيز بالجد يا تيسير .. وانا لو سالتني حاختار ليها ( العريكديس ) الاتنين مع بعض .. ههههه
عارفة ليه : لانو العريس لابد منو بس اكون عريس فاهم وإعرف أنو الحياة مشاركة بين الاتنين ما حرب الواحد افرض رائه فيها لانو الزوجة دي انسانة ليها احاسيس ومشاعر وليها عقل وممكن تساعدك في كل امورك الحياتية .
والكديس مهم :لانو لو العريس داير اعمل فيها عضلات تجيب ليها الكديس اخربشوا عشان(إعرف حاجة )


مش كدة انا ذاتى قلت كدة ............الكديس البخربش العريس ده كويس ..رايك شنو نقترح يجيبو كديس مروض على الخربشة اول ما يسمع كواريك من الزوج فى الزوجة وليس العكس ( على خلفية اتفاقية سيدوا واللا عنف ضد المرأة) من ضمن متطلبات الشيلة .............
مرحب بيك اخى ( محمد ) واكيد الحياة الزوجية عايز واحد يفهم ويقدر ويحس انو متزوج انسانة ما قطعة اثاث .............سلمت روحك الخفيفة وعقلك النير

[تيسير]

ذلك الشخص الذي يريد ان يضعني في قوقعة مغلقة ويعزلني عن كل ما حولي من بشر وتقنيات هو شخص عديم الثقة في نفسه ويفتقر حتما الي الطريقة المثلي لللتعامل فيلجأ الي عزلي عن كل ما قد يؤرق مضجعه

الرائعة ( دكتورتنا تغريد ).........يا آنستى الجميلة لا تحلمى بالمثاليات فى التعامل كان غيرك اشطر ..........
اما ذاك الشخص الذى يريد عزلك فى قبة زجاجية ويتحكم فى مناخاتك فهو شخص معقد قد يكون قابل للترويض ..........انا بقول قد .وده بعتمد على شخصية الاخر حتما .........
أذا وضعت في موقف اختيار فحتما سأختار الكديسة وعن رضا أيضا فمثل هذا الشخص قد يمنع عني يوما ما ان الهواء بحجة ان الهواء قد يدخل الي انفاس رجال فتخالط هذه الأنفاس انفاسي وحتما سيصيبه هذا بالجنون


الغيرة المرضية مشكلة حقيقة يعانى منها الكثيرون ........اللهم اكفنا شرهم ..........
ارجو الا اكون أبتعدت كثيرا عن الموضوع يا تيسير لكي كل الود


دى انتى اثريت الموضوع بعقلك المتفتح وفهمك الراقى ابتعدتى وين يا ختى انتى فى النص
همسة خارج النص

غايتو لو زول زي دا جا بعد عشرة سنين كدا احتمال أفكر اختارو بدل الكيسة :d

انتى لسة عندك عشرة سنة يا ختى اكان كدى فترة سماحك كبيرة ... ولا شنو يا سومة .....( انا غايتو شايفة اخير تكسبى زمنك الكديس والعريس واحد على عملات اخونا ابو جودى )

[عثمان جلالة]

ههههههههه .. والله قصة يا تيسير

لكن .. رأي في الموضوع .. ولو كنت في مكان سلمى

بقول ليهو "ما دام .. ختيت راسك بـ راس الكديسه :eek: بختار الكديسه :)

[تيسير]

:p:d:d:d:p

ونتشارك ( المطبخ ) زاتو وحياتك :)


ايواااااااااااا خلاص اتفقتوا يعنى! خلاص انا جاية ونبقى تلاتة على عملات ( نسوان الحاج متولى ) تلات على واحد ايه ................
على الاقل المطبخ يبقى كل يوم على واحدة ولا شنو

[تيسير]

مرور من أجل الإطلاع
و لي عودة بمشيئة الله للمشاركة في الموضوع
عن تجربة واقعية عايشتها سأحكيها كما حدثت ربما تجعل الأخت منال تختار العريس
و ربما تجعل الأخت تغريد تختار العريس بي آثر رجعي يعني قبل عشرة سنة :p


الرائع ( ود النور ) يا مراحب .............يا خوى بس ما طول الغيبة شحتفتنى اسع انا ذاتنى امكن اغير رائى ............
فى انتظارك...........على احر من الجمر ............

[تيسير]

الأخت تيسير لك التحية والود
نجي للعريس والكديس ،،، يعني يا أختي لو سلمى دي طلعت شاطرة وشربت الكديس اللبن وعاملته معاملة كويسة وما شالت ليه المفراكة وشبعتو أكيد بكون وديع وهادي لكن أكان عاملته بقسوة وشدة ممكن يكون أسد كما تفضلتي ،،، يعني راجعة للمعاملة هي الأساس ,,,
وتقبلي تحياتي


طيب كدى مافى كورسات لتعليم الشطارة الكلام ده لناس منال ...........

الاخ ( ابو جودى ) قالوا الحسنة قطعت شوارب الكديس اقصد الاسد .........
دمت بود صافى وشكرا لرأيك الحكيم .............وشرفنا دوما واشرق ............

[telecom]

طيب كدى مافى كورسات لتعليم الشطارة الكلام ده لناس منال ...........

الاخ ( ابو جودى ) قالوا الحسنة قطعت شوارب الكديس اقصد الاسد .........
دمت بود صافى وشكرا لرأيك الحكيم .............وشرفنا دوما واشرق ............

تسلم الغالى ابو جودى ولو فى كورسات بندخل انا والبت تيسير وبقية العقد الفريد رايكم شنو ا بنات
اسماء ...تغريد

[telecom]

[QUOTE=أسماء;458053][center]تحية غاليتي تيسير
موضوع مهم
بصراحة انا عندي وجهة نظر في الحتة دي
( كل شي بالسياسة ممكن )
يعني الراجل البقدم شروط زي دي ( عادة بكون سهل الترويض )
يعني المرة وشطارتها في الحتة دي

[SIZE="5"][COLOR="DarkSlateBlue"][FONT="Fixedsys"]يا حبيبة مافى حاجة اسمها شطارة ومافى حاجة اسمها اخدى كدا وبعدين بتغيير دى حالات شاذة والطبيعة جبل ومافى زول بتغير لانو فى حاجات ثوابت فى تربسية الواحد عشان كدا ما تدقسى ساكت واخير ليك الكديس

[تيسير]

ههههههههه .. والله قصة يا تيسير

لكن .. رأي في الموضوع .. ولو كنت في مكان سلمى

بقول ليهو "ما دام .. ختيت راسك بـ راس الكديسه :eek: بختار الكديسه :)


هلا بالجعلى ود القبائل المتألق اخونا صاحب السمو والجلالة ...............اها ده الكلام ذاتو .............البخت راسو مع الكديس ابقى اخير منو الكديس .........
همسة :
ده كلام ناس فكوا بورتهم وبقوا مسعولين من اسرة ربنا يخليها ليهم ويسعدهم

اسعدتنى مشاركتك جدا دمت بود خالص

[الملكة اسماء ( ام محمد )]

انتى لسة عندك عشرة سنة يا ختى اكان كدى فترة سماحك كبيرة ... ولا شنو يا سومة



يااختي دي لسه دربها طويل
ننزل نحن في محطة طموحاتنا البسيطة بعد كدا :o

[الملكة اسماء ( ام محمد )]

على الاقل المطبخ يبقى كل يوم على واحدة ولا شنو



والله دي اهم جزئية
انا موافقة غايتو بشرط ... اكون الثالثة :rolleyes:

والتالتة ..ثابتة
والله اعلم

[تيسير]

[/center]



يااختي دي لسه دربها طويل
ننزل نحن في محطة طموحاتنا البسيطة بعد كدا :o

ايدى على كتفك يا ختى ومن اسع البتقولى انا موافقة عليهو ................

[الملكة اسماء ( ام محمد )]

تسلم الغالى ابو جودى ولو فى كورسات بندخل انا والبت تيسير وبقية العقد الفريد رايكم شنو ا بنات
اسماء ...تغريد

موااااااااااافقون

[تيسير]

[QUOTE=أسماء;458053][center]تحية غاليتي تيسير
موضوع مهم
بصراحة انا عندي وجهة نظر في الحتة دي
( كل شي بالسياسة ممكن )
يعني الراجل البقدم شروط زي دي ( عادة بكون سهل الترويض )
يعني المرة وشطارتها في الحتة دي

[SIZE="5"][COLOR="DarkSlateBlue"][FONT="Fixedsys"]يا حبيبة مافى حاجة اسمها شطارة ومافى حاجة اسمها اخدى كدا وبعدين بتغيير دى حالات شاذة والطبيعة جبل ومافى زول بتغير لانو فى حاجات ثوابت فى تربسية الواحد عشان كدا ما تدقسى ساكت واخير ليك الكديس

لكل قا عدة شواذ يا غالية ............والحياة شد وجذب واخد وعطاء............وبرضو الفهم بختصر المسااااااااااااافات ...............والماء بفتت الصخر ...........ولا شنو ................بس دايرة صبر يا بت امى

[الملكة اسماء ( ام محمد )]

[QUOTE=أسماء;458053][
عشان كدا ما تدقسى ساكت واخير ليك الكديس


وبكرة نشغل اسطوانة( كان مجنون بس هو يجي :confused:)
:p:D:D:p

[تيسير]

والله دي اهم جزئية
انا موافقة غايتو بشرط ... اكون الثالثة :rolleyes:

والتالتة ..ثابتة
والله اعلم




لا والله طلعتى ناصحة انا الجيت الطيش والطيش عند الله بعيش خليكم انتو الاتنين فى الاول عافيهو ليكم والله .............

[تغريد]

مرور من أجل الإطلاع
و لي عودة بمشيئة الله للمشاركة في الموضوع
عن تجربة واقعية عايشتها سأحكيها كما حدثت ربما تجعل الأخت منال تختار العريس
و ربما تجعل الأخت تغريد تختار العريس بي آثر رجعي يعني قبل عشرة سنة :p

في انتظار القصة يا محمد النور عشان الكديس مستعجل


قصدي العريس مستعجل :D

يالله

قصدي أنا المستعجلة ياخ
:o

[مدنيّة]

..........شريحتك تتغير اول ما اخطبك ..............مافى ماسنجر .ولا حتى انترنت .........مافى منتدى


ممكن اعمل الحاجات دي ومن وراه
ومايكون عارف حاجة
لانه ماعنده ثقة فيني
فممكن اعملها بث عشان اثبت لروحي اني ممكن اعمل اي حاجة وهو ما يشوفني
مادام مافي نقاش وماحوار بين الطرفين

وعلي فكرة بعرف امثلة لنسوان فعلا بيعملوا كدا

اها الافضل ياتو
نكون علي النور مع بعض
ولا امشي براااااااااااااااااااي محل ماشة

اها ح يعرف من وين ؟؟
والنت اهو ماشاء الله تبارك الله
متاح بارخص الاثمان
وشرائح الموبايلات علي قفا مين يشيل

الناس لو وثقت في بعض
وبتتكلم مع بعض
وبتتناقش مع بعض
وبتتحاور مع بعض

بيصلوا لنتائج مريحة جدا في مشوار حياتهم


همسة : بوست لذيذ زي سته :)

[تغريد]

انتى لسة عندك عشرة سنة يا ختى اكان كدى فترة سماحك كبيرة ... ولا شنو يا سومة .....( انا غايتو شايفة اخير تكسبى زمنك الكديس والعريس واحد على عملات اخونا ابو جودى )

قلتي كدي ياختي خلاص من دربي دا ماشة
اشوف عريس كديسي وكدا :d

[الملكة اسماء ( ام محمد )]

عافياهو ليكم والله .............



:mad::mad::mad::mad:

لا يااختي ماعايزة اااااااااااااااي شراكة معاكم والله

قال ( صاحبات ) قال
مابعرفكم من هسي



في دي بالذااااااات انا ارفض ( الشرااااااااكة )
شاركوني في ( كتاب - حوار - مشاهدة فيلم - اااااااي شي ) الا الكديس :eek: اقصد العريس :o

في داعي تحسسوني بان ( استقراري العاطفي ) مهدد :o

[تغريد]

ايواااااااااااا خلاص اتفقتوا يعنى! خلاص انا جاية ونبقى تلاتة على عملات ( نسوان الحاج متولى ) تلات على واحد ايه ................
على الاقل المطبخ يبقى كل يوم على واحدة ولا شنو

تلاتة علي واحد أيه

يادووووووووووووب

غايتو انا موافقة وبشدة كمان

بس الله يكون في عون الكديس :d

[تغريد]

تسلم الغالى ابو جودى ولو فى كورسات بندخل انا والبت تيسير وبقية العقد الفريد رايكم شنو ا بنات
اسماء ...تغريد


بس انت ورينا كورسات الشطارة دي وين وخلي الباقي علينا ;)

يا بت موافقيين طبعا

[تيسير]

ممكن اعمل الحاجات دي ومن وراه
ومايكون عارف حاجة
لانه ماعنده ثقة فيني
فممكن اعملها بث عشان اثبت لروحي اني ممكن اعمل اي حاجة وهو ما يشوفني
مادام مافي نقاش وماحوار بين الطرفين

وعلي فكرة بعرف امثلة لنسوان فعلا بيعملوا كدا

اها الافضل ياتو
نكون علي النور مع بعض
ولا امشي براااااااااااااااااااي محل ماشة

اها ح يعرف من وين ؟؟
والنت اهو ماشاء الله تبارك الله
متاح بارخص الاثمان
وشرائح الموبايلات علي قفا مين يشيل

الناس لو وثقت في بعض
وبتتكلم مع بعض
وبتتناقش مع بعض
وبتتحاور مع بعض

بيصلوا لنتائج مريحة جدا في مشوار حياتهم


همسة : بوست لذيذ زي سته :)

ام جمال شخصيا ...............كدى دقيقة ..............النجيب البارد والشاى .........والجاتوة .........والبيتزا ..........يا اخ اقول ليك تستاهلى الضبيحة عدييييييييييييل كدة ...........
نورتى بالجد والله .................
وكلامك مية مية مافى اى تعقيب لانو حيخربو .............وجد ما ولد فى الظلام سيظل الى الابد فى الظلام ..........واكيد مافى احلى من النور وشعاع شمس الصدق ودفء الثقة ..........
احنا جد محتاجين ...لكلام الناس الخبرة الرائعة يارايعة ...........
سلمتى يا غالية وشرفتينى كثيرا ..................شكرا لطلتك البهية .....ونورتى يا ستى

[تغريد]

:mad::mad::mad::mad:

لا يااختي ماعايزة اااااااااااااااي شراكة معاكم والله

قال ( صاحبات ) قال
مابعرفكم من هسي



في دي بالذااااااات انا ارفض ( الشرااااااااكة )
شاركوني في ( كتاب - حوار - مشاهدة فيلم - اااااااي شي ) الا الكديس :eek: اقصد العريس :o

في داعي تحسسوني بان ( استقراري العاطفي ) مهدد :o


هههههههههههههه

خلاص قمنا علي النطيط

دا زاااااااااااااتو الكنت خايفة منو :mad:

هسة يا اخواتي ما كنتوا متفقين

غايتو جنس غايتو :D

[تيسير]

هههههههههههههه

خلاص قمنا علي النطيط

دا زاااااااااااااتو الكنت خايفة منو :mad:

هسة يا اخواتي ما كنتوا متفقين

غايتو جنس غايتو :d

شفت البت با عتنا بسرعة كيف ...........حالة سعبة على عملات الحبشى .......عاد دة كلام يا دكتورة .........البت خوتا طلعت صفق نيم يا بت امى :eek:

[الملكة اسماء ( ام محمد )]

ممكن اعمل الحاجات دي ومن وراه
ومايكون عارف حاجة
لانه ماعنده ثقة فيني
فممكن اعملها بث عشان اثبت لروحي اني ممكن اعمل اي حاجة وهو ما يشوفني
مادام مافي نقاش وماحوار بين الطرفين




كلاااااااام زي الورد

[الملكة اسماء ( ام محمد )]

هههههههههههههه

خلاص قمنا علي النطيط

:D




شفت البت با عتنا بسرعة كيف ...........
k:


اُمااااااااااال
دي فيها لعب كمان :cool:

[telecom]

[QUOT


وبكرة نشغل اسطوانة( كان مجنون بس هو يجي :confused:)
:p:D:D:p

هو لسة ما اشتغلت طيب الشغالة دى شنو:p::eek::p

[محمد النويري-الفقراء]

مش كدة انا ذاتى قلت كدة ............الكديس البخربش العريس ده كويس ..رايك شنو نقترح يجيبو كديس مروض على الخربشة اول ما يسمع كواريك من الزوج فى الزوجة وليس العكس ( على خلفية اتفاقية سيدوا واللا عنف ضد المرأة) من ضمن متطلبات الشيلة .............
مرحب بيك اخى ( محمد ) واكيد الحياة الزوجية عايز واحد يفهم ويقدر ويحس انو متزوج انسانة ما قطعة اثاث .............سلمت روحك الخفيفة وعقلك النير

تسلمي انتي يا ذوق . وزي ما قلتي ( رايك شنو نقترح يجيبو كديس مروض على الخربشة اول ما يسمع كواريك من الزوج فى الزوجة وليس العكس ( على خلفية اتفاقية سيدوا واللا عنف ضد المرأة) من ضمن متطلبات الشيلة ............. ) بس المشكلة ياتيسير اكون العرس مفتح واروض الكديس قبل الزوجة واقوم اتفقوا الاتنين ( الكديس والعريس ) اها الزوجة تمشي وين ؟

[telecom]

[

لكل قا عدة شواذ يا غالية ............والحياة شد وجذب واخد وعطاء............وبرضو الفهم بختصر المسااااااااااااافات ...............والماء بفتت الصخر ...........ولا شنو ................بس دايرة صبر يا بت امى

شواذ يعنى اتين تلاتة نحنا بنتكلم عن مجتمع
الباقيين يمشوا البحر ونتلاقى هناك:d:d:d

[محمد النويري-الفقراء]

[QUOTE=أسماء;458053][center]تحية غاليتي تيسير
موضوع مهم
بصراحة انا عندي وجهة نظر في الحتة دي
( كل شي بالسياسة ممكن )
يعني الراجل البقدم شروط زي دي ( عادة بكون سهل الترويض )
يعني المرة وشطارتها في الحتة دي

[SIZE="5"][COLOR="DarkSlateBlue"][FONT="Fixedsys"]يا حبيبة مافى حاجة اسمها شطارة ومافى حاجة اسمها اخدى كدا وبعدين بتغيير دى حالات شاذة والطبيعة جبل ومافى زول بتغير لانو فى حاجات ثوابت فى تربسية الواحد عشان كدا ما تدقسى ساكت واخير ليك الكديس

ياتلكوم الكديس لو قفلت معاهو ما بتفاهم اخير ليك العريس لانو عندو راس وبتفاهم وممكن تروضيه زي ماشايفين ناس كتار مروضنهم زوجاتم اخر ترويضة . هههه

[صلاح الدين سوار]

اعرف ان العنوان مثير للضحك ..............لكن !
الحوار اكثر من جاد ...........
السؤال موجه ( لسلمى عبد الله ) يا جماعة ..........
اها يا سلمى لو جاء عريس وقال ليك يا انا يا الكديس حتاختارى يا تو ؟؟؟؟؟؟؟؟؟؟

والآن القضية المطروحة للنقاش .............
العريس الذى يفرض رأيه .........ويتشرط .............
مافى شغل ...........شريحتك تتغير اول ما اخطبك ..............مافى ماسنجر .ولا حتى انترنت .........مافى منتدى على خلفية موضوع الاخت ( الزونية ) ..........
المايك معاكم يا جماعة الخير وفى انتظار اراءكم النيرة

دقيقة يا جماعة .. أولا السلام عليكم ، أنا جاااي من دنقلا بالباص ونفسي قائم بس لقيت الطرح ده جميل عشان كدة قلت أدلو بدلوي .. أولا اخت تيسير لميتي الكديس مع العريس المتعصب ده ليه دي الكديسة حنينة وولوفة والعريس ده شرس وشتان ما بين بين ، المهم أن العريس من هذا النوع معناه يحتاج دكتور نفسي مش عروس ولو هناك سلبيات بوجهة نظره في الشغل والشريحة والماسنجر لايمكن تصحيحه من أول وهلة بفرض الراي وإنما بالمنطق والاقتناع بتداول الأحاديث بعد الزواج وقرب الزوجين وأنا متأكد إذا الرجل متعلم بمعني يعطي ويأخذ سوف يصر هو على عمل المرأة ودخولها في الماسنجر والنت لأنهما مثل كاسة الشاي نستعملها في شرب العصير والمشروبات الحميدة كما نستعملها في شرب الخمر والممنوعات الغير حميدة .. أهه حتحرمه هي كمان من كباية الشاي . هل هو يرضى حتما لا وكل الأمور بها الصالح والطالح يبقى على الزوج والزوج تصحيح المفاهيم كل على الآخر وهذا لا يأتي برهة وفي لحظات لأننا كبشر تعلمناها على فترات من الزمن يبقي التصحيح يكون على فترة من الزمن كذلك ، أما الرجل الذي يأتي من هذا المفهوم وبهذه الطريقة والله يا اختي خدي الكديسة وخلي العريس والكلام ده على مسئولية قارئه وليس كاتبه ...
أهه أسمحوا لي أشوف الجيران التااانين بعدين برجع ليكم تاااني بس بشوفكم بالنافذة من عند الجيران ، يعني قلبي معاكم وودني في الشباك ... أبوجارة

[telecom]

[QUOTE=telecom;458520]

ياتلكوم الكديس لو قفلت معاهو ما بتفاهم اخير ليك العريس لانو عندو راس وبتفاهم وممكن تروضيه زي ماشايفين ناس كتار مروضنهم زوجاتم اخر ترويضة . هههه

:p:p:p:p:p

[تغريد]

شفت البت با عتنا بسرعة كيف ...........حالة سعبة على عملات الحبشى .......عاد دة كلام يا دكتورة .........البت خوتا طلعت صفق نيم يا بت امى :eek:

يا بت النيم صفقوا ثاااااااااااااااابت

خوتها صفق تبش و حياتك

بس ما يطلع التبش ما عندو صفق بس :eek::eek:

[telecom]

مرور من أجل الإطلاع
و لي عودة بمشيئة الله للمشاركة في الموضوع
عن تجربة واقعية عايشتها سأحكيها كما حدثت ربما تجعل الأخت منال تختار العريس
و ربما تجعل الأخت تغريد تختار العريس بي آثر رجعي يعني قبل عشرة سنة :p
يا اخوى شحتفتا روحنا ما ممكن الجكس دا كلو مستنيك
همسة : بينى وبينك هم كلهم مقتنعين بالعريس اقصد الكديس بس دايرين دفعة وكدا عشان يقولا اقنعونا وكدا
اها حسى البنيات ديل كلهم واقفات على بابك وراجين قصتك

[telecom]

يا بت النيم صفقوا ثاااااااااااااااابت

خوتها صفق تبش و حياتك

بس ما يطلع التبش: ما عندو صفق بس :eek::eek:




[color="darkslateblue"]تغريد يا ختى انتى مش قلتى خطوبتك يوم الجمعة ولا شنو مالك ومال حبل الصبر والعشرة سنين والاشتراكية والكديس::[/color
:D:D:D

[تيسير]

اُمااااااااااال
دي فيها لعب كمان :cool:

ايواااااااااا اظهر وبان عليك الامان ................(وش زول مصدوم وصارى زى العصيدة البايتة) .............
على كل ما فات شئ انا والبت تغريد متفقين اها خسرتى الكديس هئ قصدى العريس ...........بس بعدين اوع تغنى راجل المرتين حلو حلا مافى ليك :p

[مايسة]

اها يا بنات كديس ولا عريس في النهاية

اتفقوا بلاي :rolleyes:;):p

[تيسير]

تسلمي انتي يا ذوق . وزي ما قلتي ( رايك شنو نقترح يجيبو كديس مروض على الخربشة اول ما يسمع كواريك من الزوج فى الزوجة وليس العكس ( على خلفية اتفاقية سيدوا واللا عنف ضد المرأة) من ضمن متطلبات الشيلة ............. ) بس المشكلة ياتيسير اكون العرس مفتح واروض الكديس قبل الزوجة واقوم اتفقوا الاتنين ( الكديس والعريس ) اها الزوجة تمشي وين ؟

فى الحالة بستعين بصديق وبرشح (منولة ):p:p

[تيسير]

دقيقة يا جماعة .. أولا السلام عليكم ، أنا جاااي من دنقلا بالباص ونفسي قائم بس لقيت الطرح ده جميل عشان كدة قلت أدلو بدلوي .. أولا اخت تيسير لميتي الكديس مع العريس المتعصب ده ليه دي الكديسة حنينة وولوفة والعريس ده شرس وشتان ما بين بين ، المهم أن العريس من هذا النوع معناه يحتاج دكتور نفسي مش عروس ولو هناك سلبيات بوجهة نظره في الشغل والشريحة والماسنجر لايمكن تصحيحه من أول وهلة بفرض الراي وإنما بالمنطق والاقتناع بتداول الأحاديث بعد الزواج وقرب الزوجين وأنا متأكد إذا الرجل متعلم بمعني يعطي ويأخذ سوف يصر هو على عمل المرأة ودخولها في الماسنجر والنت لأنهما مثل كاسة الشاي نستعملها في شرب العصير والمشروبات الحميدة كما نستعملها في شرب الخمر والممنوعات الغير حميدة .. أهه حتحرمه هي كمان من كباية الشاي . هل هو يرضى حتما لا وكل الأمور بها الصالح والطالح يبقى على الزوج والزوج تصحيح المفاهيم كل على الآخر وهذا لا يأتي برهة وفي لحظات لأننا كبشر تعلمناها على فترات من الزمن يبقي التصحيح يكون على فترة من الزمن كذلك ، أما الرجل الذي يأتي من هذا المفهوم وبهذه الطريقة والله يا اختي خدي الكديسة وخلي العريس والكلام ده على مسئولية قارئه وليس كاتبه ...
أهه أسمحوا لي أشوف الجيران التااانين بعدين برجع ليكم تاااني بس بشوفكم بالنافذة من عند الجيران ، يعني قلبي معاكم وودني في الشباك ... أبوجارة

الاخ ( الدنقلاوى ) اقصد صلاح ود سوار الدهب هلا ومرحبا ........ونورت والله( كدى اتفضل اشربلك بيبسى ولا نفتحلك النور ):p
اخى كلامك عين العقل ......وفعلا الحياة تطورت بالمقابل من المفترض انوالناس فهمها للحياة يتطور ويرقى للافضل ..الثقة والدين والادب والاصل الكريم اسس قوية لاسرة ما بنخاف عليها من سلبيات العولمة ............

تخريمة :
والله يا اختي خدي الكديسة وخلي العريس والكلام ده على مسئولية قارئه وليس كاتبه ... اها الكلام ده بس ابقى قدروا .................اوع تزوغ بعدين بس بقنعها ليك تب :D

[تيسير]

اها يا بنات كديس ولا عريس في النهاية

اتفقوا بلاي :rolleyes:;):p


يا بت امى نحن انتظار محمد النور عاد وقف حالنا عديل كدة .................

[مايسة]

يا بت امى نحن انتظار محمد النور عاد وقف حالنا عديل كدة .................


دا بعدين بجي ما هسه يختي :rolleyes:

اها والباقييين وين - اها يا شباب المنتدي الباقيين ما وريتو البنات ديل - يختارو شنو الكديس ولا العريس -

[أبو جودي]

موااااااااااافقون



الأخوات تيسير وتغريد وأسماء ،،، ما دام الموافقة حصلت
أهه أول كورس المفروض تأخذوه مشاهدة مسلسل "الحاج متولي"
وبعدين نجي للكورس التاني بس شكلو الحاج عملهم أربعة كدي شوفوا الرابعة منو وتعالوا

[تيسير]

الأخوات تيسير وتغريد وأسماء ،،، ما دام الموافقة حصلت
أهه أول كورس المفروض تأخذوه مشاهدة مسلسل "الحاج متولي"
وبعدين نجي للكورس التاني بس شكلو الحاج عملهم أربعة كدي شوفوا الرابعة منو وتعالوا


الاخ الحبوب ( ابو جودى ) .............. طيب ما مشكلة...........نعيدو تانى .............
بتبقى القضية انو البت (سومة ) باعتنا وقالت مادايرة شركاء وبكدة دايرين اتنين .........
غايتو انا برشح تيلكوم ..............والبت ( مارنجو ..........او الزونية .............او الليتل ..........
او عثل المنتدى (ميدو )
اها على كيفك اختار انت بعد ده
اها خلينا فى المهم الكورس بيكلف كم ؟؟؟؟؟؟؟؟؟؟؟

[الملكة اسماء ( ام محمد )]

الأخوات تيسير وتغريد وأسماء ،،، ما دام الموافقة حصلت



أهه أول كورس المفروض تأخذوه مشاهدة مسلسل "الحاج متولي"




حضرنااااااااااه



برضو لاازال ارفض واشجب واندد بفكرة ( التعددية )





بالله شوفوا الكلام دا مشى وين ؟
الغريبة لسه ماانتهينا من موضوع العريس والكديس بدينا نفكر في التعددية !!
الظاهرة ( الهايبربايركسيا ) اعراضها ظهرت يابنات:o

[الملكة اسماء ( ام محمد )]

الاخ الحبوب ( ابو جودى ) .............. طيب ما مشكلة...........نعيدو تانى .............

بتقبى القضية انو البت ( اسماااااااااااء ) اباعتنا وقالت مادايرة شركاء وبكدة دايرين اتنين .........


:o:o:o:o:o

[مدناوية]

من غير نقاش ..

طبعاً الكديس ..

:p:p:p

[ياسر الصديق]

اذا كان العريس يشترط كل هذه الشروط فالكديس وفي وهو الحبيب الاول

[أبو جودي]

الاخ الحبوب ( ابو جودى ) .............. طيب ما مشكلة...........نعيدو تانى .............
بتبقى القضية انو البت (سومة ) باعتنا وقالت مادايرة شركاء وبكدة دايرين اتنين .........
غايتو انا برشح تيلكوم ..............والبت ( مارنجو ..........او الزونية .............او الليتل ..........
او عثل المنتدى (ميدو )
اها على كيفك اختار انت بعد ده
اها خلينا فى المهم الكورس بيكلف كم ؟؟؟؟؟؟؟؟؟؟؟



ما دام الشغل جاب ليه بيع ،،، ما في أي مشكلة "سومة" دي تاباها مملحة بكرة تفتش عليها ناشفة ،،،
وغايتو ختيتني في حته ضيقة لكن بساعدك في الاختيار أحسن ليكم العندهم خبرة يعني بت مارنجو والزونية اختيار موفق ،،،
بعدين لمن يكون في خبرة الأمور بتمشي
الكورس الأول ده مجاني "بس فتشي في القنوات أكيد حتلقي الحج متولي ونسوانه الأربعة "
وحته ما تطرقتي لها أهه الترتيب بكون كيف بخلي ليك ،،،،
وسعال واحد بس بعد الكورس الأول عاوز إجابة الحج متولي ده طلع عريس ولا كديس ؟؟؟

[telecom]

تسلم الغالى ابو جودى ولو فى كورسات بندخل انا والبت تيسير وبقية العقد الفريد رايكم شنو ا بنات
اسماء ...تغريد

شنو يا عمنا ابوجودى انا ما اول زول ثنيت على الموضوع دا بتفطنى وتمشى للناس التانيين يعنى انا صاحبة الاقتراح

[تيسير]

حضرنااااااااااه



برضو لاازال ارفض واشجب واندد بفكرة ( التعددية )





بالله شوفوا الكلام دا مشى وين ؟
الغريبة لسه ماانتهينا من موضوع العريس والكديس بدينا نفكر في التعددية !!
الظاهرة ( الهايبربايركسيا ) اعراضها ظهرت يابنات:o

كدة يا سومة يعنى ما غيرت رايك لسة ومادايرة تشاركينا ياحبيبة القسا ......براحتك ..بس خايفك تندمى يا بت امى اخير انحنا مما يجيب ليك جن مصرم ما تعرفى تتعاملى معاه بعد يكون داير يتنى ويتلت ...انا غايتو وريتك وانتى على كيفك :rolleyes:

وزى ماقلتى الناس نست الكديس وبقت فى العريس من حكاية ( الفوبيا هايبر بايركس )دى مصيبة كبيرة والله ياربى الحل شنو :eek:

[تيسير]

من غير نقاش ..

طبعاً الكديس ..

:p:p:p



هلا (مدناوية ) انتى شكلك عندك فترة سماح عشرين سنة ...............:p:p:p


طبعا يا غالية الناس بتختلف فى شخصياتها وفى تقبلها للامور ...........واحيانا اختيار القرار السريع بيوفر مسافات طويلة من المعاناة والالم خاصة لو قدم الزول تنازلات ولقى الشخص اللى اتقدمت التنازلات عشانو ما بستاهل ابدا .............
اختى مدناوية ( اسمحى بسؤال ........لو خطيبك بشيل تلفونك ويبيتو معاه فى البيت عشان يكتشف مين بتصل بيك رايك شنو علما بانو ان بتحبيه موووووت ؟؟؟؟؟؟؟؟؟؟

[أبو جودي]

شنو يا عمنا ابوجودى انا ما اول زول ثنيت على الموضوع دا بتفطنى وتمشى للناس التانيين يعنى انا صاحبة الاقتراح


والله يا بتي telecom أنا عارفك التلتلة دي ما بتقدري عليها عشان كدي خليتها للخبرة
وتاني رجعتنا الأخت أسماء للتعددية ،،، أهه في ناس كدى ما عندهم مانع للتعددية لكن من ما قال لزوجته وصرح ليها عارفه قالت ليه شنو ...
أهه تعال بي جاي ما عندي مانع بس أول حاجة أشيل منك أولادي الخمسة وأشيل العربية وأشيل البيت وبعد داك أفكك ليهم زي ما جيتني في الأول ...
أهه كلام زي ده بشجع على التعددية ،،، الله يكون في عون البايركس
ولكي تحياتي telecom

[تيسير]

اذا كان العريس يشترط كل هذه الشروط فالكديس وفي وهو الحبيب الاول

الاخ ( ياسر ) ........... هلا ومرحبا ..............واكيد رايك يقدر تماما ..........لكن برضو عندى ليك سؤال ...........
لو عندك اختك عمرها قول 35 سنة وجاها عريس بالشكل ده يا ترى برضو اخير الكديس !!!!!!!!!
مرحب بيك تانى وشرفنا واشرق

[بت مارنجان]

الأخوات تيسير وتغريد وأسماء ،،، ما دام الموافقة حصلت
أهه أول كورس المفروض تأخذوه مشاهدة مسلسل "الحاج متولي"
وبعدين نجي للكورس التاني بس شكلو الحاج عملهم أربعة كدي شوفوا الرابعة منو وتعالوا



الاخ الحبوب ( ابو جودى ) .............. طيب ما مشكلة...........نعيدو تانى .............
بتبقى القضية انو البت (سومة ) باعتنا وقالت مادايرة شركاء وبكدة دايرين اتنين .........
غايتو انا برشح تيلكوم ..............والبت ( مارنجو ..........او الزونية .............او الليتل ..........
او عثل المنتدى (ميدو )
اها على كيفك اختار انت بعد ده
اها خلينا فى المهم الكورس بيكلف كم ؟؟؟؟؟؟؟؟؟؟؟


قفلت ولا محتاجين نفر تاني :p

[تيسير]

ما دام الشغل جاب ليه بيع ،،، ما في أي مشكلة "سومة" دي تاباها مملحة بكرة تفتش عليها ناشفة ،،،
وغايتو ختيتني في حته ضيقة لكن بساعدك في الاختيار أحسن ليكم العندهم خبرة يعني بت مارنجو والزونية اختيار موفق ،،،

بثنى مافى عوجة كلامك سمح بالحيل يالاخو ............
بعدين لمن يكون في خبرة الأمور بتمشي
الكورس الأول ده مجاني "بس فتشي في القنوات أكيد حتلقي الحج متولي ونسوانه الأربعة "


تماااااااااام عشان قروش الكورس ادخل بيها فى قسط ملايات يا اخوى باقى رجال الزمن ده دايرين مشاركة فى اى شئ حليل زمن ابوى يا يمة .............شكرا يا خوى ما بنجاملك فى شينة وحته ما تطرقتي لها أهه الترتيب بكون كيف بخلي ليك ،،،،


الترتيب بعدين .......لكن غايتو انا حاجزة التالتة والتالتة راكزة ...........عشان الاولى حارة على لمن يجيبوا فينى تانية وانا والاولى بنتفق على التانية والرابعة ..........شفت كيف
وسعال واحد بس بعد الكورس الأول عاوز إجابة الحج متولي ده طلع عريس ولا كديس ؟؟؟

اها دى خليتها لسومة وتغريد سعال تعثفى خالث خالث

[بت مارنجان]

شوفي ياسلمي هي قصدي ياتيسير :p

الراجل البجي نافش ريشو ومتحنفش كدة وعامل ليك فيها طرزان ويبداها ليك ياانا
يالكديس .... دة طوالي تعرفيه كيسو فاضي وجعجعا سااااااااااااااااااااااي ومع اول
نقاش ظريف هادئ بينخ ويرفع الراية البيضاء ويستسلم ....
اصلآ دي حركات نظام هووووووووووووي فتحي عينك قدر الريال اب عشرة ....
وبعد فترة من الزمن تلاقيه بقي حمل وديع :p

والله اعلم :)

[telecom]

والله يا بتي telecom أنا عارفك التلتلة دي ما بتقدري عليها عشان كدي خليتها للخبرة
وتاني رجعتنا الأخت أسماء للتعددية ،،، أهه في ناس كدى ما عندهم مانع للتعددية لكن من ما قال لزوجته وصرح ليها عارفه قالت ليه شنو ...
أهه تعال بي جاي ما عندي مانع بس أول حاجة أشيل منك أولادي الخمسة وأشيل العربية وأشيل البيت وبعد داك أفكك ليهم زي ما جيتني في الأول ...
أهه كلام زي ده بشجع على التعددية ،،، الله يكون في عون البايركس
ولكي تحياتي telecom

اها يا عمنا ابو جودى شفتا البنات ديل حالتن صعبة كيف وخلوا الكديس والعريس وبقوا فى التعددية معناها فى حالة ذى دى لو الاولى فكتو بهدومو كويس شديد البيت والعربية فى والعيال بيجيبوا واحدين تانين اها رايك شنو سمعتا غنيت سيد الكارو

[تيسير]

قفلت ولا محتاجين نفر تاني :p


تعالى بالعندك تعالى وانحنا بنسندك ...........
دى دايرة زغرودة منك يا مارنجو ............شفتى انا بتجوعل كيف:eek]

[تيسير]

شوفي ياسلمي هي قصدي ياتيسير :p

الراجل البجي نافش ريشو ومتحنفش كدة وعامل ليك فيها طرزان ويبداها ليك ياانا
يالكديس .... دة طوالي تعرفيه كيسو فاضي وجعجعا سااااااااااااااااااااااي ومع اول
نقاش ظريف هادئ بينخ ويرفع الراية البيضاء ويستسلم ....
اصلآ دي حركات نظام هووووووووووووي فتحي عينك قدر الريال اب عشرة ....
وبعد فترة من الزمن تلاقيه بقي حمل وديع :p

والله اعلم :)


ايوااااااااااااااااا والله فهم برضو ............صحى والله الما عندو كبير يكوسو ..........ويا ( ابو جودى ) والله طلعت (تفتيخة يا خى وعرفت الناس البشاركونا .............ويامارنجو لقيتك خبرة ونستبرى .........غايتو برسل ليك تانى فى الخاس عشان استشيرك فى امور وكدة ................
سلمتى يا عسل ........وشرفتينا كتييييير

[بت مارنجان]

تعالى بالعندك تعالى وانحنا بنسندك ...........
دى دايرة زغرودة منك يا مارنجو ............شفتى انا بتجوعل كيف:eek]


ايووووووووووووووووويييييوووووووووووووووي

هي ياهناية ماتخليني انفعل ياخ نحن الايام دي عاملين زي علوب بتاع الصحافة من
صيوان عرس لي صيوان سماية :o

كملو لينا هدومنا ونفسياتنا بالاعراس :o

[أبو جودي]

شوفي ياسلمي هي قصدي ياتيسير :p

الراجل البجي نافش ريشو ومتحنفش كدة وعامل ليك فيها طرزان ويبداها ليك ياانا
يالكديس .... دة طوالي تعرفيه كيسو فاضي وجعجعا سااااااااااااااااااااااي ومع اول
نقاش ظريف هادئ بينخ ويرفع الراية البيضاء ويستسلم ....
اصلآ دي حركات نظام هووووووووووووي فتحي عينك قدر الريال اب عشرة ....
وبعد فترة من الزمن تلاقيه بقي حمل وديع :p

والله اعلم :)



شفتوا ناس الخبرة ما قلت ليكم ،،،، ده كلامي في أول مشاركة
أحسن تأخدوا العريس وبعدين الكديس ببقى زي الحمل الوديع
تسلمي مارنجو نظرتنا فيك ما وقعت الواطة

[telecom]

ايووووووووووووووووويييييوووووووووووووووي

هي ياهناية ماتخليني انفعل ياخ نحن الايام دي عاملين زي علوب بتاع الصحافة من
صيوان عرس لي صيوان سماية :o

كملو لينا هدومنا ونفسياتنا بالاعراس :o


والله يا مانجو صدقتى خلاس الواحد بقى ما عندو نفسيات امشى اى حاجة تانى اخير يخلونا قاعدين فى بيوتنا وكافيين خيرنا شرنا ............ ولا شنو:mad::mad::mad:

[تيسير]

والله يا مانجو صدقتى خلاس الواحد بقى ما عندو نفسيات امشى اى حاجة تانى اخير يخلونا قاعدين فى بيوتنا وكافيين خيرنا شرنا ............ ولا شنو:mad::mad::mad:

انا ذاتى قلت كدة ...كدى نادوا لى تغريد تقيس لى الضغط يا بت امى ................:(

[أبو جودي]

اها يا عمنا ابو جودى شفتا البنات ديل حالتن صعبة كيف وخلوا الكديس والعريس وبقوا فى التعددية معناها فى حالة ذى دى لو الاولى فكتو بهدومو كويس شديد البيت والعربية فى والعيال بيجيبوا واحدين تانين اها رايك شنو سمعتا غنيت سيد الكارو


هوي يا بتي أنا قلت ليك أنتي ما بتقدري على ناس الخبرة ،،،، ما شفتي كتبت شنو
يعني بالواضح كدى بختوك في النص يا الأولى يا الرابعة
وديل عندهم أسلحة كثيرة تبدأ من الضفور وأنتي طالعة
أهه أكان فكوهو ليك بهدومو ما تأخديه
بعدين يا بتي كارو الشنو البتقولي عنه ده أن آخر أغنية سمعتها للمرحوم حسن عطية أخير خلينا في جيلنا ده بس حبينا نشارككم

[بت مارنجان]

ايوااااااااااااااااا والله فهم برضو ............صحى والله الما عندو كبير يكوسو ..........ويا ( ابو جودى ) والله طلعت (تفتيخة يا خى وعرفت الناس البشاركونا .............ويامارنجو لقيتك خبرة ونستبرى .........غايتو برسل ليك تانى فى الخاس عشان استشيرك فى امور وكدة ................
سلمتى يا عسل ........وشرفتينا كتييييير


آآآآآآآآآآآآآآآآخ شفتي الزمن يايمي ساقني بعيد خلاس .... الدنيا يابت امي لعبت بينا
طرة وكتابة وخلتنا تفتيحة وشايلين مفاتيحها .... لكن بعد دة معولقين وطيبين :o

رسلي لي وارسل ليك :p

شرف الله قدرك ياهناية .... زيارة بسيطة بنجيكم تاني ان شاء الله مابنستغني :p

[تيسير]

آآآآآآآآآآآآآآآآخ شفتي الزمن يايمي ساقني بعيد خلاس .... الدنيا يابت امي لعبت بينا

آه يازمن قربنا نمشى المريخ من البعد والشقاوة ...ما دايم الا وجهه .............:(طرة وكتابة وخلتنا تفتيحة وشايلين مفاتيحها .... لكن بعد دة معولقين وطيبين :o


ماهى الطيبة دى ذاتها مربط الفرس يا بت امى وموديانا ورا ...........
رسلي لي وارسل ليك :p

شرف الله قدرك ياهناية .... زيارة بسيطة بنجيكم تاني ان شاء الله مابنستغني
:p


كتر خيرك يا هناية و فى انتظارك يا ختى وما طولى الغيبة ...............

[aka_abdallh]

الاخت تيسير
قطعا الرجال يختلفون
والزى يطلب ان تتغير الشريحة وتنقطع العلاقات السابقة
يعتبر هو العريس المناسب وكلما كانت غيرته كبيرة يعنى حب اكتر
مش يعنى متخلف وتقليدى
تقبلى مرورى مع فائق احترامى

[مايسة]

على حسب الخطة الموضوعة اقصد ترتيب الكديس :cool:

أسماء

تغريد

تيسير

تيليكوم

ما عايزين تخمسوها :p;):cool:

[مايسة]

احتياطي مركزي - بتو (المنقة) :p

[تيسير]

الاخت تيسير
قطعا الرجال يختلفون
والزى يطلب ان تتغير الشريحة وتنقطع العلاقات السابقة
يعتبر هو العريس المناسب وكلما كانت غيرته كبيرة يعنى حب اكتر
مش يعنى متخلف وتقليدى
تقبلى مرورى مع فائق احترامى


لولا اختلاف الاراء لبارت السلع .........واختلاف الرأى لايفسد للود قضية باى حال ولكن احياناقد تكون غيرة مثل هذه مرضية ومدمرة جدا ..........لكل علاقة حميمية وقوية ......

على كل اسعدنى مرورك جدا ............. ودمت بود جميل

[تيسير]

احتياطي مركزي - بتو (المنقة) :p

خليها احتياطى يااااخ.........
ولا اقول ليك البت صغيرة ولسة راجيها مستقبل ماقدر خالاتها ديل البتشاركوا فى الكديس قصدى العريس

[امال مالك]

انالو سالونى بختار الكديس على الاقل ماعند شروط
لكن اعييش مع واحد حياة كلها شروط ماممكن نهائى
طيب ما اعيش فى صندوق
والله بين وبينكم اخير الكديس حتى لو بشروط
لك منى التحيه

[تغريد]

اها دى خليتها لسومة وتغريد سعال تعثفى خالث خالث


عريس ولقطة كمان ;)


دا المعرس تيسير وسومة وتغريد

يا حليلوا الكان طيب :d

[ام قبس]

تيتو
سلامات
والله ماتميته كله لكن بتابع حته حته
عارفه اليومين ديل التقسيمه صعبه شويه;)




موضوع خطيييييييييييييير جدا

وجاياك ليه
بس بدايه شوته

بالذات للعزابيات

الراجل طفل له ملمس الكديسه
ومخالبها
اذا كنتي امراة ام طفله معلمه
قد تصير الكديسه اسد كما نتمناه نحن النساء
ولكن شوفي كيف يتعامل الاسد مع اللبوه

ماتطفشوه لو قال يا انا يالكدسيه
قولي ليه
تغور الف كديسه وتبقي انت ومعاك لستتك:)

[تغريد]

[color="darkslateblue"]تغريد يا ختى انتى مش قلتى خطوبتك يوم الجمعة ولا شنو مالك ومال حبل الصبر والعشرة سنين والاشتراكية والكديس::[/color
:D:D:D

منولة العشرة سنين دي أحتياطي وكدا ;)

ولا الخطوبة هي الاحتياطي ما عارفة :confused:

بس يا بتي اشتراكية مع سومة وتيتا دي ابدا ما بتتفوت

حتي لو كان في كدييييس :D

[تغريد]

الأخوات تيسير وتغريد وأسماء ،،، ما دام الموافقة حصلت
أهه أول كورس المفروض تأخذوه مشاهدة مسلسل "الحاج متولي"
وبعدين نجي للكورس التاني بس شكلو الحاج عملهم أربعة كدي شوفوا الرابعة منو وتعالوا


جاااااااري طباعة تلاتة نسخ أصلية من مسلسل الحاج متولي في سي دي

وسيتم أرسال النسخ لكل من سومة وتيتا

بس ما ح أعمل نسخة رابعة ياخ :mad:

عشان تلاتة علي واحد اية .......

وأربعة علي واحد أيه .....


:D:p:p:D

[تغريد]

حضرنااااااااااه



برضو لاازال ارفض واشجب واندد بفكرة ( التعددية )





بالله شوفوا الكلام دا مشى وين ؟
الغريبة لسه ماانتهينا من موضوع العريس والكديس بدينا نفكر في التعددية !!
الظاهرة ( الهايبربايركسيا ) اعراضها ظهرت يابنات:o

سومة :eek::eek:

يا بتي انتي قبييييييييل ما وافقتي

الجدَّ شنو يا ختي

عايني انتي ما وراء التعددية

يعني خلف الاسوار وكدا

سومة وتيتا وتغريد

ممكن عااااااااادي نقبل الحكومة


انا هسة قلتا تقلبوها انتو وانا اتفرج عليكم ساااااكت:mad::eek:

[مايسة]

انالو سالونى بختار الكديس على الاقل ماعند شروط
لكن اعييش مع واحد حياة كلها شروط ماممكن نهائى
طيب ما اعيش فى صندوق
والله بين وبينكم اخير الكديس حتى لو بشروط
لك منى التحيه

ما كنا كويسين ما لو تاني قلب الكلام

ههههههههه- لا بريدك ولا ----------

عريس ولقطة كمان ;)


دا المعرس تيسير وسومة وتغريد

يا حليلوا الكان طيب :d


الفـــــــــاتحة :D:D:D

منولة العشرة سنين دي أحتياطي وكدا ;)

ولا الخطوبة هي الاحتياطي ما عارفة :confused:

بس يا بتي اشتراكية مع سومة وتيتا دي ابدا ما بتتفوت

حتي لو كان في كدييييس :D


دا بعدين كلو بتغير - كلام ساااااااااااااي :D:):rolleyes:

[تيسير]

انالو سالونى بختار الكديس على الاقل ماعند شروط
لكن اعييش مع واحد حياة كلها شروط ماممكن نهائى
طيب ما اعيش فى صندوق
والله بين وبينكم اخير الكديس حتى لو بشروط
لك منى التحيه


قلبها يمين قلبها شمال شنو يا امولة ماترسى وترسينا معاك- كدى انا بشوف الجماعة ديل ونحاول نضمك لحزب الكديس ده ولا رايك شنو

[تيسير]

عريس ولقطة كمان ;)


دا المعرس تيسير وسومة وتغريد

يا حليلوا الكان طيب :d

انا ذاتى قلت كدة مالك انتى يا ميسا ..وحاتك يا تغريد نجيهو جيهة يحسد عليها بس الله يكفينا شر الحاسدين هو يا ياما كان بحلم بينا ساى والله حكم ..............:d:d:d

[تيسير]

تيتو
سلامات
والله ماتميته كله لكن بتابع حته حته
عارفه اليومين ديل التقسيمه صعبه شويه;)




موضوع خطيييييييييييييير جدا

وجاياك ليه
بس بدايه شوته

بالذات للعزابيات

الراجل طفل له ملمس الكديسه
ومخالبها
اذا كنتي امراة ام طفله معلمه
قد تصير الكديسه اسد كما نتمناه نحن النساء
ولكن شوفي كيف يتعامل الاسد مع اللبوه

ماتطفشوه لو قال يا انا يالكدسيه
قولي ليه
تغور الف كديسه وتبقي انت ومعاك لستتك:)

هى الضيفة العزيزة بجلالة قدرها اها تغريد وسومة عاد الليلة الغداء عليكن يا حريم انا بسوى العصير والشاى ( شفتى الشراكة دى كيف )
تغريد ام قبس بنتحب البيتزا ..........اها يا سومة انا بحب البروست والجبس كترى منو .........
اها جيتك بعد العصير يا ختى
شرفتينا كتتتتتتتتتير
والله كلامك كلو حكم يا اختنا وطلعتى خبرة زى مارنجو وده الكلام يا خ انتى من زماااااااااااااان وين كان عرست لى اسه لو قلتى الكلام ده من زمان ........
غاليتى اسعدنى جدا مرورك يا حبيبة .............وياريت ما تحرمينا من طلااتك الحلوة

[بت مارنجان]

اها يابنوت البوست دة عدادو ماشي كويس دة ان دل انما يدل علي انو الموضوع دة
ضرب في الوتر الحساس وكدي ....

اها تشكيلة اللعيبة هي قصدي " العروسات :p " ...
انا والعياذ بالله من كلمة انا :p
وتغريد البايرة :p
وتيسير دي حالتها بقت تحنن لمن عملت بوست :p
وتيليكوم دي بقت شغالة صامت :p
سوما انسحبت ;)

اها انا شايفة انو البوست دة لامي المتزوجين :p:p


وقالو راجل المرا حلو حلا :eek:

تبقي المشكلة التشكيلا خمسة وكدة لازمن وحدة فينا تضحي وتتنازل لي اختها
ونحن اخوات والاخوات مابيقصو لي بعض ;) :p :p







انا غايتو مامنسحبة :mad:

[محمد حسين (المميز)]

واللــه يا بنــات حــواء منكـم خووووووف
:D:p:D:p:D

[العاقب مصباح]

سلامات تيسير والحضور الجميل

القصة ما قصة كديس

القصة قصة إهتمامات

إهتمامات قد تتجاوز الزوج بمراحل

قد يأتى تفضيل الهواية فى الأولويات

ويكون مقدار الزوج إهتمام ضئيل وهو الساعى ليكون الأول ولا أود أن أقول سى السيد

ليس عنصرية منى ولا تحامل ولكن هنالك بعض الإهتمامات تؤدى لتدمير الإسرة

الزوجة ليست الوحيدة صاحبة الإهتمامات من هذا النوع الأزواج أيضاً لديهم ما يعوق سلامة أسرتهم

إن إلتفتنا إلى الأولويات السطحية نكون قد سعينا بيدنا لخراب بيوتنا

ونأتى بعدها لنبحث عن من الملام فى الأمر

هل الزوجة لصب جل إهتمامها فى شئ تافه لا يستحق

أم الزوج الذى أرتضى بمسلك مثل هذا

فى رأيى الشخصى لا ولن أسمح بأن تكون لزوجتى إهتمامات أكثر من إهتمامها بى

سأسمح لها بالإنترنت وبالتلفون والوظيفة بأشياء ضرورية لها وتعتبرها جزء من كينونتها

ولكن لن أسمح بقطة ((ثقيلة)) لم تُسمى سميرة بالوجود وملء فراغ أستطيع ملءه أنا

كثير جداً من حوداث الطلاق سببها إهتمامات أخرى

تكون الأسرة خارج النطاق الإهتمامى للطرفين


بُرُة :-

هل الإهتمام بهكذا هويات يعبر عن شئ نفسى له علاقة بعدم الثقة ؟؟؟

خارج النص :- لا ولن أقبل بوجود كديسة تشاركنى بيتى

ويا أنا يا الكديسة وبدون نقاش كمان


شكراً تيسير

[moh_alnour]

شوفي يا سلمي هي قصدي ياتيسير :p
الراجل البجي نافش ريشو ومتحنفش كدة وعامل ليك فيها طرزان ويبداها ليك ياانا
يالكديس .... دة طوالي تعرفيه كيسو فاضي وجعجعا سااااااااااااااااااااااي ومع اول نقاش ظريف هادئ بينخ ويرفع الراية البيضاء ويستسلم ....
اصلآ دي حركات نظام هووووووووووووي فتحي عينك قدر الريال اب عشرة .... وبعد فترة من الزمن تلاقيه بقي حمل وديع :p

كلام يا عوض دكام
ديل ناس الأحياء الراقية يا ربي ناس الديم كيف ;) أكييييد مولودين في مستشفى العيون :cool:
تفحيطة : أها يا فطومة بما أنو العاقب دا دفعتك فكدي ورينا الزول دا كيسو فاضي و جعجاع ولا دا كلام زول في البر :eek:



الراجل طفل له ملمس الكديسه و مخالبها
اذا كنتي امراة ام طفله معلمه
قد تصير الكديسه اسد كما نتمناه نحن النساء و لكن شوفي كيف يتعامل الاسد مع اللبوه
ما تطفشوه لو قال يا انا يالكدسيه قولي ليه تغور الف كديسه و تبقي انت و معاك لستتك:)

خبرة و قد إبرة ، خُذوا الحكمة من أفواه الأوربيين ، أقصد خذوا الخبرة من تلك الحميراء ;)

[تيسير]

اها يابنوت البوست دة عدادو ماشي كويس دة ان دل انما يدل علي انو الموضوع دة
ضرب في الوتر الحساس وكدي ....

[size="5"][color="darkred"]انا حتّى قلت كدى
اها تشكيلة اللعيبة هي قصدي " العروسات :p " ...
انا والعياذ بالله من كلمة انا :p
وتغريد البايرة :p

وتيسير دي حالتها بقت تحنن لمن عملت بوست

تقولى شنويا بت امى حالة انعاش عديل كدى ................ننادى دكتور فيل وجماعة الطوارئ الفى (the doctors لكن يا ختى العزاء الوحيد ان مابراى .......:dوتيليكوم دي بقت شغالة صامت

سوما انسحبت ;)

اها انا شايفة انو البوست دة لامي المتزوجين :p:p


وقالو راجل المرا حلو حلا :eek:

تبقي المشكلة التشكيلا خمسة وكدة لازمن وحدة فينا تضحي وتتنازل لي اختها
ونحن اخوات والاخوات مابيقصو لي بعض ;) :p :p



[center]معقولة بس انا انسحب ..............انا ذاتى ما منسحبة كدى اعملى اتفاقية سلام مع البنات ديلك غايتو انا برة

انا غايتو مامنسحبة :mad:

خليك جنبى عشان الخبرة وكدة

[تيسير]

واللــه يا بنــات حــواء منكـم خووووووف
:D:p:D:p:D


انحنا مننا خوف ............كلام غريب والله .............طيب انتو البتقولوا يا انا ياالكديس ارهاب ولا شنو .....................:eek::eek::eek:

[تيسير]

[


المبدع حتى النخاع ( عقبة ) شرفت والله القصة قصة إهتمامات

إهتمامات قد تتجاوز الزوج بمراحل

قد يأتى تفضيل الهواية فى الأولويات


يا سيدى الرائع ...........ايضا للزوج احيانا اهتمامات قد تتجاوز الاولويات والتى فى مقدمتها الزوجة ...........الكورة - الاصدقاء -الشلة - الماسنجر - الانترنت .........هناك اشياء تصمت عنها الزوجة على مضض ولكنها فعلا تضايقها وتثير حنقها بشدة ...........فالقضية الاساسية هنا صنع التوازن واعطاء كل ذى حق حقه ................على حد ماتفضلت بقوله المشكلة مشتركة وقد تكون لدى الرجال اكثر بحكم المفهوم الخاطئ عن القوامة والانانية التى يرزح تحت وطئتها الرجل -كما ان الزوج احيانا يكون فى عالمه مما يضطر الزوجة للهروب لعالم تنفس فيه عن مصابها من خلال تلك الهوايات
رأيى الشخصى لا ولن أسمح بأن تكون لزوجتى إهتمامات أكثر من إهتمامها بى

سأسمح لها بالإنترنت وبالتلفون والوظيفة بأشياء ضرورية لها وتعتبرها جزء من كينونتها

ولكن لن أسمح بقطة ((ثقيلة)) لم تُسمى سميرة بالوجود وملء فراغ أستطيع ملءه أنا

كثير جداً من حوداث الطلاق سببها إهتمامات أخرى

التصالح مع النفس وقراءة ابجديات ومتطلبات الواقع هو المطلوب ...........الزوج المتفهم والمتفاهم مريح جدا ويجعل من الحياة لوحة جيوكندا رائعة الابتسامة ..........ولا شئ يجعل زوجة يهتم زوجها بها ويحبها ويحترم كينونتها واحتياجاتها الى الهروب يا سيدى الفاضل

هل الإهتمام بهكذا هويات يعبر عن شئ نفسى له علاقة بعدم الثقة ؟؟؟

بالنسبة للزوج الذى يحرم زوجته من بعض الاشياء التى تعتبر عادية اجل وربما يعبر عن خلفية لا اخلاقية وماضى ملوث جدا ايضا لشخصية هذا الزوج ..........بالنسبة للزوجة والتى تفضل اهتمامتها على زوجها فلقصور فى شخصية الزوج او لرد اعتبارها لانها تشعر بالفراغ القاتل فى وجود كائن ابعد مايكون عنها هو المدعو زوجها والله اعلم ..............
سلمت يا صديقى ودمت بود جميل

[تيسير]

كلام يا عوض دكام
ديل ناس الأحياء الراقية يا ربي ناس الديم كيف ;) أكييييد مولودين في مستشفى العيون :cool:
تفحيطة : أها يا فطومة بما أنو العاقب دا دفعتك فكدي ورينا الزول دا كيسو فاضي و جعجاع ولا دا كلام زول في البر :eek:



خبرة و قد إبرة ، خُذوا الحكمة من أفواه الأوربيين ، أقصد خذوا الخبرة من تلك الحميراء ;)

غايتو ( يايابا ) الله اشر اليباك على عملات حبوبتى الله يرحمها ..........
يا خوى قصتك دى ما انحنا فى انتظارها لمن نشفنا عديييييييييييييييييل كدة

[moh_alnour]

يا خوى قصتك دى ما انحنا فى انتظارها لمن نشفنا عديييييييييييييييييل كدة

لوكي الصبر يا بت يا تيتا على عملات حبوبتي الله يرحما ، جاييك قريب

[نزار حسن محمد]

سلام جاكم بنوت ورياااايل على قول اهل الخليج
كـــــــــــدى اول شى خلونى اتوهط فى الدائمه
وبدور لى عروس ..اقصد فنجان جبنه بشمالى
وندخل تووووش فى الموضوع ياحليل ايامنا فى الجزيره العائمه
وماكن طالبنى حليفه الموضوع فى غاية البساطه
اى عريس لمن اختار شريكة العمر بكون عنده اخت
وام وخاله وعمه وحبوبه وديل كلهم من حزب الشريك
الحاكم آها بقومه يوسوسه ليه فى راسه لازم تضبح ليها
الكديسه ولازم تبقى سيد الكلمه المسموعه ولازم ولازم
وهو يشيل وينتفخ واتخيل نفسه اسد الفريق
ونفس الشى العروسه عندها ابوها واخوها ودخالته ود عمته
وكلهم اقومه كدىبصمت خشمم ..وانقه ليها هوى يابت انت عندنا غاليه الرجال
ديل نحن عاجننهم وخابزنهم ما يعمل ليك ابو عرام لو فى اى شى
بس قولى عوووك ..وهى تتكشم ساكت
اها بعد شهر العثل تبداء جهنم الحمراء
وهنا مربط الفرس من الجانبين ..
البحصل فى اغلب الاحيان اتفاقية
نفاشا وتبداء قائمة التنازلات لغاية
مايجى المولود الاول وتبداء مرحلة البامبرس
وحاتكن لا هو بتذكر الكديسه لاهيه بتتذكر نفيسه..
وتمشى دوامة الحياه
ودعتكم الله

[مدناوية]

هلا (مدناوية ) انتى شكلك عندك فترة سماح عشرين سنة ...............:p:p:p


طبعا يا غالية الناس بتختلف فى شخصياتها وفى تقبلها للامور ...........واحيانا اختيار القرار السريع بيوفر مسافات طويلة من المعاناة والالم خاصة لو قدم الزول تنازلات ولقى الشخص اللى اتقدمت التنازلات عشانو ما بستاهل ابدا .............
اختى مدناوية ( اسمحى بسؤال ........لو خطيبك بشيل تلفونك ويبيتو معاه فى البيت عشان يكتشف مين بتصل بيك رايك شنو علما بانو ان بتحبيه موووووت ؟؟؟؟؟؟؟؟؟؟





من غير نقاش يا عزيزتي حأقول ليهو كل واحد فينا من سكة ..

وإنو مافي بينا قسمة ..


لأنو الثقة أساس الحياة .. لو إنعدمت الثقة .. إنعدم الإحترام

فالبتالي إنعدمت الحياة ..

[telecom]

سلام جاكم بنوت ورياااايل على قول اهل الخليج
كـــــــــــدى اول شى خلونى اتوهط فى الدائمه
وبدور لى عروس ..اقصد فنجان جبنه بشمالى
وندخل تووووش فى الموضوع ياحليل ايامنا فى الجزيره العائمه
وماكن طالبنى حليفه الموضوع فى غاية البساطه
اى عريس لمن اختار شريكة العمر بكون عنده اخت
وام وخاله وعمه وحبوبه وديل كلهم من حزب الشريك
الحاكم آها بقومه يوسوسه ليه فى راسه لازم تضبح ليها
الكديسه ولازم تبقى سيد الكلمه المسموعه ولازم ولازم
وهو يشيل وينتفخ واتخيل نفسه اسد الفريق
ونفس الشى العروسه عندها ابوها واخوها ودخالته ود عمته
وكلهم اقومه كدىبصمت خشمم ..وانقه ليها هوى يابت انت عندنا غاليه الرجال
ديل نحن عاجننهم وخابزنهم ما يعمل ليك ابو عرام لو فى اى شى
بس قولى عوووك ..وهى تتكشم ساكت
اها بعد شهر العثل تبداء جهنم الحمراء
وهنا مربط الفرس من الجانبين ..
البحصل فى اغلب الاحيان اتفاقية
نفاشا وتبداء قائمة التنازلات لغاية
مايجى المولود الاول وتبداء مرحلة البامبرس
وحاتكن لا هو بتذكر الكديسه لاهيه بتتذكر نفيسه..
وتمشى دوامة الحياه
ودعتكم الله

والله صدقتا يا اخ نذار الحياة اكبر من كل كلام بعدين فى حاجة اسما عشرة وما ننسى برضو كلام الله سبحانه وتعالى ( وجعلنا بينهما مودة ورحمة) بث ساى الناس جارية تضبح فى الكدايس .
هووووووى يا بنوت هو وينو الكديس قصدى العريس :::p:p:p
محمد نور والله لوكنا الصبر حلاوة لبان ولا صوت لمن تنادى الحكايةشنو

[تيسير]

سلام جاكم بنوت ورياااايل على قول اهل الخليج
كـــــــــــدى اول شى خلونى اتوهط فى الدائمه
وبدور لى عروس ..اقصد فنجان جبنه بشمالى
وندخل تووووش فى الموضوع ياحليل ايامنا فى الجزيره العائمه
وماكن طالبنى حليفه الموضوع فى غاية البساطه
اى عريس لمن اختار شريكة العمر بكون عنده اخت
وام وخاله وعمه وحبوبه وديل كلهم من حزب الشريك
الحاكم آها بقومه يوسوسه ليه فى راسه لازم تضبح ليها
الكديسه ولازم تبقى سيد الكلمه المسموعه ولازم ولازم
وهو يشيل وينتفخ واتخيل نفسه اسد الفريق
ونفس الشى العروسه عندها ابوها واخوها ودخالته ود عمته
وكلهم اقومه كدىبصمت خشمم ..وانقه ليها هوى يابت انت عندنا غاليه الرجال
ديل نحن عاجننهم وخابزنهم ما يعمل ليك ابو عرام لو فى اى شى
بس قولى عوووك ..وهى تتكشم ساكت
اها بعد شهر العثل تبداء جهنم الحمراء
وهنا مربط الفرس من الجانبين ..
البحصل فى اغلب الاحيان اتفاقية
نفاشا وتبداء قائمة التنازلات لغاية
مايجى المولود الاول وتبداء مرحلة البامبرس
وحاتكن لا هو بتذكر الكديسه لاهيه بتتذكر نفيسه..
وتمشى دوامة الحياه
ودعتكم الله


الرائع نزار مصداقا لما قلت لدى ابن عمى ..........دكتور بالمملكة الآن كان بتاع جكس شديد الاسلامية والاحفاد والخرطوم وفى كل جامعة عندو اتنين تلاتة ......المهم انحنا بنعاين ساااااااااى ولانولسانو طويل والود عامل فيها (دون جوان ) وحبيب ورومانسى خالص بس ما صدقنا انو قام وقع فى دكتورة حليوة كدة من بنات الاحفاد حبكانات وشرح وهدايا و.......... والمهم عدا فترة.......اتصل والله البمبارس ولبن الشفع جنننى عدييييييييييييل كدة الزول ذاتو ما عارف يعمل شنو ؟؟؟؟؟؟؟؟؟؟؟
فعلا الحياة اكبر بكتير من تفاصيل اتفاقية سرعان ما تذوب اوراقها حينما تصبح ضغوط الحياة والعيال هى المسيطرة ............سلمت يا اخى ودمت بود جمييييييل

[تيسير]

من غير نقاش يا عزيزتي حأقول ليهو كل واحد فينا من سكة ..

وإنو مافي بينا قسمة ..


لأنو الثقة أساس الحياة .. لو إنعدمت الثقة .. إنعدم الإحترام

فالبتالي إنعدمت الحياة ..



الحبيبة (مدناوية ) ...............رأى اقدره واحترمه جدا ............
ولكن ايه رأيك ان هناك واحدة من الفتيات ارتضت لنفسها هذا الوضع والذى اعتبره واياكى قمة فى الاهانة وانعدام الثقة............والآن صا حبنا يمشى العجين ومايلخبطوش ............رغم انو كانت شرطو مافى شغل مافى جامعة مافى ومافى الا انو بعد شهرين بس اختنا رجعت جامعتنا ودلوقت شغاااااااااااالة ولله فى خلقه شؤن :eek::eek:

[عوض الكريم الخواض]

الكديس أو العريس ...
الكديس أو العريس ...
الكديس أو العريس ...
مافى خيارات :p:p

صاحبة الفرح ...
الفاضلة تيسير ...وبما أن ( الكدايس ) متوفرة وبكثرة ...
فعلى الفتاة اختيار العريس أولاً ...

واذا قام العريس بذبح الكديس ...
ففى الشوارع كثير من الكدايس ...

المرأة الذكية هي التى تستطيع أن تروض الرجل ...
فقد روض الأنسان ( الأسد ) .

أها النديكم نصيحة يا البنوت ...
أرخوا الحبل شديد ...
برانا بنربطوا فى رقبتنا ... ولو ما مصدقنى أسألو صاحبى أبو مزن :eek:

[مايسة]

[COLOR="Purple"][SIZE="6"]

أها النديكم نصيحة يا البنوت ...
أرخوا الحبل شديد ...
برانا بنربطوا فى رقبتنا ... ولو ما مصدقنى أسألو صاحبى أبو مزن :eek:


:D:eek::rolleyes::eek::rolleyes:

[تيسير]

الكديس أو العريس ...
الكديس أو العريس ...
الكديس أو العريس ...
مافى خيارات :p:p

صاحبة الفرح ...
الفاضلة تيسير ...وبما أن ( الكدايس ) متوفرة وبكثرة ...
فعلى الفتاة اختيار العريس أولاً ...

واذا قام العريس بذبح الكديس ...
ففى الشوارع كثير من الكدايس ...


الرائع ( ود القبائل ) سلامااااااااات يا اخى والله البوست نورو بيجهر بوجودك الكريم يا ابو كريم ............المرأة الذكية هي التى تستطيع أن تروض الرجل ...
فقد روض الأنسان ( الأسد ) .

نعم روض الانسان الاسد اذكر قصة رواها والدى بنفس فهمك الراقى ..........وهى ان إمراة غلبها زوجها تماما اتعبها لانه شخص صعب المراس وعنيف ......ذهبت الى شيخ فما كان له الا ان قال لها لواردت ان اضع لكى زوجكى تحت قدميكى يجب ان تحضرى شعرتين من شارب الاسد ..........استنكرت المرأة واصر الشيخ الا انها خضعت لمشيئة الشيخ و ذهبت الغابة وجلست امام الاسد تمسح على شعره وتطعمه لمدة بعينها حتى آمن لها ونام ذات يوم فما كان الا ان قطعت شعرتان من شاربه ..........وذهبت الىوفرحة الدنيا لا تسعها الى الشيخ .......الذى ما كان منه الا ان ضحك ملئ فيه .........وقال " يا مرة انتى مجنونة قدرتى تروضى اسد ما قادرة تعرفى لراجلك .........:p:p


أها النديكم نصيحة يا البنوت ...
أرخوا الحبل شديد ...
برانا بنربطوا فى رقبتنا ... ولو ما مصدقنى أسألو صاحبى أبو مزن :eek:


اها ليك على نصحيتك على العين والراس ولا شنو يا ( ابو مزن ) :d

[telecom]

الكديس................... الكديس.................الكديس
تيسير ياختى كديسك دا ما تضفرى ليهو مالو مخالبو طويلة وبخربش
محمد نور.............. ياخ وينا قصتك شحتفتنا شديد قايلنا نسيناك اها وادى قعدة منتظرنك

[تيسير]

الكديس................... الكديس.................الكديس
تيسير ياختى كديسك دا ما تضفرى ليهو مالو مخالبو طويلة وبخربش


يا بت امى ده ماكديس ده كان زماااااااااان نمر لكن بعد الحالة الى وصلنا ليها دى انقلب كديس جيبى الضفارة والمبرد راجياااااااك :Dمحمد نور.............. ياخ وينا قصتك شحتفتنا شديد قايلنا نسيناك اها وادى قعدة منتظرنك


والله ود النور ده حيرنا ذاتو :eek:

[الملكة اسماء ( ام محمد )]

بالله يا بنات بيني وبينكم كدا
العريس
والا
الكديس؟؟ :rolleyes:

[تغريد]

ايواااااااااا اظهر وبان عليك الامان ................(وش زول مصدوم وصارى زى العصيدة البايتة) .............
على كل ما فات شئ انا والبت تغريد متفقين اها خسرتى الكديس هئ قصدى العريس ...........بس بعدين اوع تغنى راجل المرتين حلو حلا مافى ليك :p


آي آي يا تيتا قولي ليها بالله أنحنا متفقين يا ختي


بس يل تيتا غايتو ضحكتيني بالعصيدة البايتة دي جنس ضحك :d

[الملكة اسماء ( ام محمد )]

غايتو ضحكتيني بالعصيدة البايتة دي جنس ضحك :d


وانا اكتر منك طبعا
من يوم كتبها وانا بتخيل المنظر
:p:D:D:D:p

تخريمة : بالله ياتيسير جبتي التشبيه دا من وين :confused:

[تغريد]

هى الضيفة العزيزة بجلالة قدرها اها تغريد وسومة عاد الليلة الغداء عليكن يا حريم انا بسوى العصير والشاى ( شفتى الشراكة دى كيف )
تغريد ام قبس بنتحب البيتزا ..........اها يا سومة انا بحب البروست والجبس كترى منو .........
اها جيتك بعد العصير يا ختى
شرفتينا كتتتتتتتتتير
والله كلامك كلو حكم يا اختنا وطلعتى خبرة زى مارنجو وده الكلام يا خ انتى من زماااااااااااااان وين كان عرست لى اسه لو قلتى الكلام ده من زمان ........
غاليتى اسعدنى جدا مرورك يا حبيبة .............وياريت ما تحرمينا من طلااتك الحلوة


شفتي شفتي يا تيسير خلاص بدينا حركات :eek::eek:


شاي شنو وعصير شنو يا بت الدايرة تسويهو ودا

وانا وسومة نتشوشو في التكل قصدي المطبخ لي الساعة مية :mad:

القسمة دي ما عادلة

بس بمشيها ليكم الليلة عشان ام قبس

وبكرة نقسم الشغل دا تااااااااااني :D

[الملكة اسماء ( ام محمد )]

وبكرة نقسم الشغل دا تااااااااااني :D

هيهيهيهيهيهيهيهي
شفتي ياتغريد شغل المطبخ دا بالذات سبب ( نقار ) و جوطة من صباح الله خير


فمن رائي كدا
نجيب (شغالة) ونرتاح من طبيخي وطبيخكم :)

التوقيع : الزوجة الثالثة بين قوسين ( موظفة وام لطفل بعشرة اطفال)
:p:D:D:D:p

[تغريد]

وانا اكتر منك طبعا
من يوم كتبها وانا بتخيل المنظر
:p:D:D:D:p

تخريمة : بالله ياتيسير جبتي التشبيه دا من وين :confused:

والله منظر يموت من الضحك

تصدقي يا سومة قبيل امي بالصدفة طلعت ليها كورة عصيدة كانت منسية من يوم السماية :eek::eek: يعني قبل اسبوع كدا والله شكلها عجيب اتزكرتوا هسة من كلام تيسير

غايتو ان شاء الله ما وش حبيب :D

[مايسة]

بالله يا بنات بيني وبينكم كدا
العريس
والا
الكديس؟؟ :rolleyes:


العريس ياخي

اقولها ليكم انا واريحكم
:):D:p;)

اسماء : بتعرفي وش العصيدة البايتة كيف بيكون ؟؟؟

[تغريد]

هيهيهيهيهيهيهيهي
شفتي ياتغريد شغل المطبخ دا بالذات سبب ( نقار ) و جوطة من صباح الله خير


فمن رائي كدا
نجيب (شغالة) ونرتاح من طبيخي وطبيخكم :)

التوقيع : الزوجة الثالثة بين قوسين ( موظفة وام لطفل بعشرة اطفال)
:p:D:D:D:p


ههههههههههههههههههههههه


أي أي نجيب شغالة ومالوا

مش انتي الموظفة فينا

خلاص يختي تدفعي ليها مرتبها :rolleyes:

وتدفعي لي حق مسك اولادك العشرة المجانييين ديل:mad:

قصروا عمري يا هناية :o

[الملكة اسماء ( ام محمد )]

اسماء : بتعرفي وش العصيدة البايتة كيف بيكون ؟؟؟

المشكلة عمك قوقل قال لي ( عفوا طلبك ممكن تلقيه في تلاجتكم ) وللاسف تلاجتنا مافيها عصيدة بايتة :p:D:D:D:p



تخريمة : يابتي انتي قايلاني ( حنكوشة ؟):o
صاحبتك ( صحراوية) وفي رواية اخرى ( مخضرمة ):)

[الملكة اسماء ( ام محمد )]

خلاص يختي تدفعي ليها مرتبها :rolleyes:

وتدفعي لي حق مسك اولادك العشرة المجانييين ديل:mad:

قصروا عمري يا هناية :o


بالله شوفوا ( الولية ) المجنونة دي
هسي الله يسالك اولادي والا اولادك ؟:mad:


امبارح كسروا لي قزاز العربية وولدك القصير الزي البطريق داك شال موبايلي محل ( غطسوا ) ماعرفت :mad:



قال ادفع حق الشغالة قال
وانتِ يااختي يديك فيها نقش الحنة ؟ والا قروش العيادة ماجايبة حقها :mad:




اقول ليك حاجة : خلي الراجل الحوام دا يجي يشوف لينا حل في القصة دي :mad:

[telecom]

شوف ديل بالله من حسى بتشاكلن بالله العظيم وحرم كما طلقتين حسى دى وبالتلاتة تبقى ما ود امك انت جنيت يا راجل ديل نشسوان شنو ديل البقصرو العمر ديلهى يا ولدى ديل بنشفن ريقك ويقطعن قلبك ساى بلا نسوان بلا فتة اخير الكديس دى عيشة دى

[الملكة اسماء ( ام محمد )]

شوف ديل بالله من حسى بتشاكلن بالله العظيم وحرم كما طلقتين حسى دى وبالتلاتة تبقى ما ود امك انت جنيت يا راجل ديل نشسوان شنو ديل البقصرو العمر ديلهى يا ولدى ديل بنشفن ريقك ويقطعن قلبك ساى بلا نسوان بلا فتة اخير الكديس دى عيشة دى

شنو ياحاجة
انتِ زعلتي والا شنو ؟



معليش وامسحيها في وش تغريد:eek: اقصد في وشي :o


كله الا زعلك وزعل ابو العيال :o:o:o


كنا بنتونس انا وغردة


مش كدا ياغردة ( صاحبتي :o)

وفي روايات كثيرة ( خليك محضر خير ياحاجة والا امشي شوفي اوضتك بوين وارتاحي مننا وريحينا من نقتك ....اُوووووووووووف:mad:)

[زادالشجون]

والله انا جيت ماشي بي جاي سمعت صوط كدايس قلت اشوف الموضوع شنو ولقيتني منحاز لي اختيار العريس لانو في النهاية بنقلب لي كديس، طبعا لم تكتر عليه الطلبات
تسلمي اخت تيسير

[telecom]

شنو ياحاجة
انتِ زعلتي والا شنو ؟



معليش وامسحيها في وش تغريد:eek: اقصد في وشي :o


كله الا زعلك وزعل ابو العيال :o:o:o


كنا بنتونس انا وغردة


مش كدا ياغردة ( صاحبتي :o)

وفي روايات كثيرة ( خليك محضر خير ياحاجة والا امشي شوفي اوضتك بوين وارتاحي مننا وريحينا من نقتك ....اُوووووووووووف:mad:)


انا اصلى محضر خير ولا ما كنت قاعدة معاكم يا تتونسوا عديل وتخلوا المشاكل ولا بفك ليكم الكديس بتاعى وشعاروا المرة بادبوها بى اختا اها قلتوا شنو عندنا امكانية نفك ونسجل جديد ولا شى بهمنا

وزمان قالوا ضل راجل ولا ضل حيطا لكن كان سمعتوا كلامى الراجل ضل ضحى

[الملكة اسماء ( ام محمد )]

انا اصلى محضر خير ولا ما كنت قاعدة معاكم يا تتونسوا عديل وتخلوا المشاكل ولا بفك ليكم الكديس بتاعى وشعاروا المرة بادبوها بى اختا اها قلتوا شنو عندنا امكانية نفك ونسجل جديد ولا شى بهمنا

وزمان قالوا ضل راجل ولا ضل حيطا لكن كان سمعتوا كلامى الراجل ضل ضحى


:p:D:D:D:p
انتِ معانا والا معاهم يااختي

قلت لي المرة بادبوها كيف ؟ قصص والله


اخير لينا الكديس يابنات

[تغريد]

بالله شوفوا ( الولية ) المجنونة دي
هسي الله يسالك اولادي والا اولادك ؟:mad:


امبارح كسروا لي قزاز العربية وولدك القصير الزي البطريق داك شال موبايلي محل ( غطسوا ) ماعرفت :mad:



قال ادفع حق الشغالة قال
وانتِ يااختي يديك فيها نقش الحنة ؟ والا قروش العيادة ماجايبة حقها :mad:




اقول ليك حاجة : خلي الراجل الحوام دا يجي يشوف لينا حل في القصة دي :mad:


غايتو يا سومة ضحكتيني لما بانت نواجزي :d:d:d

يختي شوفي باقي ضراتك ديل وقولي ليهن عامليين يوم اسري في بيتي وعايزين نحتفل بي عيد زواج البت تيسير وعيد ميلاك انتي و ماجستير منولة دايرنو يوم عااااااااااااالمي

همسة

عربيتك يختي غيرتها ليك عشان خجلانة من العملوا ولدي فيها (البطريق )

وموبايلك دسيتوا عشان الراجل دا يجيب ليك واحد اخر صيحة موضتوا قربت تنتهي وما بيليق بي مقامك


شفتي كيف ضرات اخر مووووووضة ;)


اريتني يا يمة ضرة السرووووووووووووور :d

[ملك الحلوة]

السلام عليكم
طبعا ياتيسير الموضوع جد مثير وفعلا بحصل كتير بس من وجهة نظري مافي داعي للمقارنة اصلا هو ليه يخت نفسو في موقف ذي ده ولو هي اختارت الكديسة حيكون موقفو شنو؟ يعني يفقدها بسبب كديسة معناها هو اصلا ماباقي عليها وطالما هو كده يبقي مع الف سلامة
وجد لو كنت انا مع اني بكره الكدايس جدا لكن لو وقعت في حتة المقارنة دي اكيد حتار الحاجة التانية
بس اكيد ماهو

[moh_alnour]

محمد نور ياخ وينا قصتك شحتفتنا شديد قايلنا نسيناك اها وادى قعدة منتظرنك




والله ود النور ده حيرنا ذاتو :eek:

صبرا ً يبل الآبري مافي :eek: جائي إن شاء الله

[telecom]

:confused:





صبرا ً يبل الآبري مافي :eek: جائي إن شاء الله

:confused::confused::confused:

[telecom]

غايتو يا سومة ضحكتيني لما بانت نواجزي :d:d:d

يختي شوفي باقي ضراتك ديل وقولي ليهن عامليين يوم اسري في بيتي وعايزين نحتفل بي عيد زواج البت تيسير وعيد ميلاك انتي و ماجستير منولة دايرنو يوم عااااااااااااالمي

همسة

عربيتك يختي غيرتها ليك عشان خجلانة من العملوا ولدي فيها (البطريق )

وموبايلك دسيتوا عشان الراجل دا يجيب ليك واحد اخر صيحة موضتوا قربت تنتهي وما بيليق بي مقامك


شفتي كيف ضرات اخر مووووووضة ;)


اريتني يا يمة ضرة السرووووووووووووور :d

اعملى حسابك ياختى ما شفتى يا دكتورة المرة دى من امبارح بتقول فى شنو فك تسجيلات والمرة بدقوا باختا اعملى حسابك وبطلى دسديس الموبايلات الراجل دا داير لى سبب وقالوا المتسبب بتبكى الريشة حسى يفك واحدة ويسجل جديد ولا يهمو وامو معاهو :p:p:p

[تيسير]

وانا اكتر منك طبعا
من يوم كتبها وانا بتخيل المنظر
:p:D:D:D:p

تخريمة : بالله ياتيسير جبتي التشبيه دا من وين :confused:

ضرتى العزيزة ..............صباح الخير ..........شدة القهر بتخليلك تجيبى جنس التشبيهات دى ............:mad:
كلمتك قلت ليك الولد ده ما تخليهو يلعب فى بطن البيت بكسر السفينة حقتى دى وبكسر رويسو العامل زى سقالة المركب دى :p

[الملكة اسماء ( ام محمد )]

وبكسر رويسو العامل زى سقالة المركب دى :p



اها دي غلبتني غايتو :p



همسة : صباح ورد ياضرتي الغالية

[تيسير]

غايتو يا سومة ضحكتيني لما بانت نواجزي :d:d:d

يختي شوفي باقي ضراتك ديل وقولي ليهن عامليين يوم اسري في بيتي وعايزين نحتفل بي عيد زواج البت تيسير وعيد ميلاك انتي و ماجستير منولة دايرنو يوم عااااااااااااالمي




انا غايتو بجيب التورتة وشريط ندى القلعة قصرت عاد..............:D:D:Dهمسة

عربيتك يختي غيرتها ليك عشان خجلانة من العملوا ولدي فيها (البطريق )

انتى يا ختى انا ماوريتك بطاريقك ديل ما تفكيهم كدى عشان ما يخربوا لينا الختة ..........اها البرادو العفصها الوليد اب ادنين ده نسوى فيها شنو اسع:(
عاملة اولادك العاملين زى حجارة البطارية ديل :rolleyes:

وموبايلك دسيتوا عشان الراجل دا يجيب ليك واحد اخر صيحة موضتوا قربت تنتهي وما بيليق بي مقامك


شفتي كيف ضرات اخر مووووووضة ;)


اريتني يا يمة ضرة السرووووووووووووور :d


انا حتى قلت كدى :eek::eek::eek:

[الملكة اسماء ( ام محمد )]

الراجل دا داير لى سبب وقالوا المتسبب بتبكى الريشة حسى يفك واحدة ويسجل جديد ولا يهمو وامو معاهو :p:p:p

عشان كدا اخير الكديس
اقلاها ( ولُوف ) ومابستغنى عن المربيه بسهوله




همسة : ليس دفاعا عن البعض ...اكيد في استثناء ...ولكل قاعدة شواذ :o:o:o
والا شنو ؟؟؟
( وش وحدة بتطمن روحها ):o

[telecom]

عشان كدا اخير الكديس
اقلاها ( ولُوف ) ومابستغنى عن المربيه بسهوله




همسة : ليس دفاعا عن البعض ...اكيد في استثناء ...ولكل قاعدة شواذ :o:o:o
والا شنو ؟؟؟
( وش وحدة بتطمن روحها ):o

الكديس لو عفصتى فى ضنبو وانتى ما شايفاهو بعضيك
يالله نعمل شنو نحنا........... رايكم شنو نمشى البحر نغسل العربية ونجى

[الملكة اسماء ( ام محمد )]

الكديس لو عفصتى فى ضنبو وانتى ما شايفاهو بعضيك
يالله نعمل شنو نحنا........... رايكم شنو نمشى البحر نغسل العربية ونجى


قلتي كدا ؟؟
خلاص يااختي بطلنا الفكرة
لاعريس لاكديس
خلينا كدا احسن
يلا يابنات
غسيل العربية الليلة على منو ؟:confused:

[telecom]

قلتي كدا ؟؟
خلاص يااختي بطلنا الفكرة
لاعريس لاكديس
خلينا كدا احسن
يلا يابنات
غسيل العربية الليلة على منو ؟:confused:



كدا اتفقنا طول ماهى لا فيها عريس ولا كديس اصلوا ما بنختلف حنفضل طوالى مع بعض ما مشكلة بغسلها انا الليلة............. اها قصرتا معاكم
بلا عريس افصد كديس بلا فتة ( وش واحدة زهجانة شديد والبورة قايمة بيها )

[تيسير]

والله انا جيت ماشي بي جاي سمعت صوط كدايس قلت اشوف الموضوع شنو ولقيتني منحاز لي اختيار العريس لانو في النهاية بنقلب لي كديس، طبعا لم تكتر عليه الطلبات
تسلمي اخت تيسير


الاخ (زاد الشجون ) الله لا زاد اشجانك والله يكتر من افراحك ويبعد احزانك ...........
والله فهم برضو ......اكيد حنضعوا فى الاعتبار لكن كترة الطلبات قلتى لى بتقلبو شنو :eek:

تخريمة :
على فكرة من احب الاغانى الى زاد الشجون جميل اسمك يااخى وشرفتنا كتيييييييييير

[تيسير]

السلام عليكم
طبعا ياتيسير الموضوع جد مثير وفعلا بحصل كتير بس من وجهة نظري مافي داعي للمقارنة اصلا هو ليه يخت نفسو في موقف ذي ده ولو هي اختارت الكديسة حيكون موقفو شنو؟ يعني يفقدها بسبب كديسة معناها هو اصلا ماباقي عليها وطالما هو كده يبقي مع الف سلامة
وجد لو كنت انا مع اني بكره الكدايس جدا لكن لو وقعت في حتة المقارنة دي اكيد حتار الحاجة التانية
بس اكيد ماهو


ملك العسل يا خى فى انتظارك من زمن طوييييييل وينك والمنتدى منور والبوست مولع عديل بطلتك الحلوة ...........
يا ستى فى ناس غاوية تتعب الناس او هى اصلا عندها عقد نفسية عايزة تفرغها فى الآخر .............او نقص ما بتحاول تتمه بحركات الكدايس دى ........لكن الله غالب يا حبيبة
على كل شرفنى حضورك جدا ............ونورتينا ............كتير

[تيسير]

[QUOTE=مايسة;461623]
العريس ياخي

اقولها ليكم انا واريحكم
:):D:p;)

ابقى قدرو كلامك ده واوع تزوغى بعدين سمح ................:D

[تيسير]

صبرا ً يبل الآبري مافي :eek: جائي إن شاء الله


الآبرى دة مما كان زريعة انحنا معاك اها دحين يالخزين اسع بقى عصير باااااااااااارد اشرب منو وتعال مبلول معاه كركدى وقنقليس ................وكمان فى برتكان مخلوط بمنقا وجزر ...........اختار البعجبك و تعال ياخ خلاث :mad:

[telecom]

صبرا ً يبل الآبري مافي :eek: جائي إن شاء الله

والله يا محمد النور بالغتا عديل والابرى دا خلاس رمضان قرب خلاص ومعا تداعيات 2010 وبما انو الطائرة هبطت من بدرى وما لاقيها كابتن لقيادتها فانا بقول يا بنات العريس قبل ما الطيارة ترفض الاقلاع

[بت أم درمان]

فانا بقول يا بنات العريس قبل ما الطيارة ترفض الاقلاع



انا زااااتي بقول كدا
اختاري العريس يا سلمى
العريـــــــس :)

[تيسير]

انا زااااتي بقول كدا
اختاري العريس يا سلمى
العريـــــــس :)

وينك يا بتنا فى ذمتى مشتاقييييييييييييييين كتيييييييييييييير
قلت كدى انا ذاتى معاك اخير العريس على الاقل نحل مشاكل البنات البكوركن فى الفاضى ديل وزى ناس كدة خلااااااااااااص البورة قامت بيهم ولا شنو :p؟؟؟؟؟؟؟؟؟؟؟

[ام قبس]

تيتو الحبيبه
مشتاقييييييييين ياخي

انت وييين
خليك مع العريس
العريس يكسب
الكديس تطير عيشتو
هو في شيء جابنا وره غير الكديس دا


متابعين بس ماتطولي لاني ماعندي صبر يبل البسكويت خلي الابراي:p

[هبوية]

أخت تيسير
ان قاتو بقوليك أختاري العريس لانو بعد خمسة أو عشرة سنين بفوتك القطر ويبقي ماعندك خيار غير الكديس