حرب داقس والعوراء

[درديري كباشي]

اتخذ داقس من سوق الخضار مسكنا ومرزقا ( اذا جازت التسمية ) .. اي الملجة ( لماذا في السودان يطلقون على اسواق الخضار الملجة ؟؟) المهم اخونا داقس لحقه هذا اللقب من سوق الخضار .. ويمكن عندما نقوص معه في حياته سنعرف السبب .. فهو شخص ضخم الجثة وتبدوا عليه البلادة والتخلف .. ولكن اذا تمعنت فيه اكتشفت انه يدعي التخلف بل هو زكي جدا وهي وسيلة من وسائل كسب عيشه والتحايل على الناس .,... فهو مستغلا كبر حجمه مدعيا بانه الحارس الامين لمساطب الخضرجية .. وان كان هو يحرسها من نفسه فقط .. لان من لايدفع له اجرته اليومية خرب له خضاره ومخزونه وادعى بان اللصوص تهجموا وهو غير معني بحراستها لانه لم يقبض اجره ..
اما العوراء فهي من حاجات السوق بائعات الفول والتسالي والدكوة والويكة والذي منه .. امراه ضخمة ايضا وشرثه جدا وفقدت احدى عينيها في احد معاركها الضارية . فهي تدخل معاركها مع الرجال او النساء .. كانت في السابق احد اخصائيات الخمور البلدية . ولكنها تابت وعادت الى السوق لتعمل في الحلال وبعض مرات الحرام الخفيف من نوع ( شربوت لمدة اسبوع مثلا ) .كل الناس يتفادونها هي وداقس .. داقس عندما يشبك في احد صعب فكه .. لانه يضرب بكل شئ في يده .. معركته تحول سوق الخضار الى سلطة عشوائية يوجد بها البطيخ المفتح والشمام والعجور المكسر لانه داقس يمكن ان يرجم به خصمه ..
بين داقس والعوراء عداوة يشبهونا ناس السوق ( بالشحمة والنار ) فهي لاتطيقه ومسمياه التور ابو فقرة .. وهي يقول لك ( ما بكره شئ في الدنيا غير المره الطافية لمبة دي ..)
دقيقة ننقل الكاميرا ناحية العواراء يبدوا انها دخلت في شكلة مع احد الشباب ..
عوراء وهي تخنق ليها شاب صغير عمر خمسة عشر عاما : ماكلوا مالك ؟؟ تطلعوا الليلة .. وهي تشدد عليه الخناق من جلبابه ..
احد الخضرجية محاولا فك العوراء : يا عوراء حرام عليك فكي الولد ..
العوراء : تحرم عيشتك وعيشتو يا حاج خضر .. هو ياكل من الفول دا ليه يخمش وييمشي حق ابوه ..
الولد : يا حاجة معليش قلت نضوق بس ..
العواء : تضوق هنا مطبخ بتاع امك ..
حاج خضر : ياعوراء خلاص فكيه وانا بدفع ليك ثمن الفول .
العوراء : حاج خضر ابعد مني قبل ما اشبك فيك انت .. نحن الليل كله سهرانين ونقلي في الفول يجي اي واحد منه يشيل وياكل تكية هي ولا سبيل ..
عم خضر محاولا فكاك الولد والذي جحظت عيناه من الخنقة .. واخيرا افلح في جر الولد .. وهي لم تكتفي بالخنقة بل لحقته ضربة بكفها على وجهه .. الولد ما صدق انه فلت وجرى مبتعدا من المكان ..
العوراء التفتت لحاج خضر مشتبكة معه .. اها الولد فكيته يلا جيب الحساب ..
عم خضر : ماشي مافي مشكلة يلا الشوية الاكلها دي حسابها كم ؟؟
العوراء : شوية ؟؟ .. منو قال ليك شوية الولد دا خمش ليه يجي بحق خمستاشر الف ..
عم خضر : يات ولية ما تخافي ربك .. في زول يقدر يملا يده بفول قيمته خمستاشر الف ..
العوراء : شوف هنا يا حاج خضر وضغطي الارتفع دا ما عندو ثمن وزبائني الطفشوا ديل تقدر ترجعهم .. والوقت الضاع تقدر تعوضه لي .. و ...
عم خضر : خلاص خلاص اخذي حسابك كامل بس اهدي ..
في هذه اللحظة كان داقس يراقب الموقف من بعيد لم يقترب ولم يعلق وعندما حل الاشكال .. هذ راسه فقط يسارا ويمينا ممتعضا .. هذا كل ما فعله .. ولكن هذا فقط كان سببا في ان حديدة الفندك تتجه من قواعدها بين اواني العوراء نحو وجهه ومعها سيل الشتائم المعهود .( تهز راسك شنو يا تور انت تعال انت جرب شيل من الفول بتاعي يا حمار ) وتنطلق شكلة داقس والعوراء المعتادة لو لم يتدخل نفر كريم لما هدأ الوضع .
ومن هنا سيبدا مسلسل القصة الخضارية الضاربة في الجزر والفجل حرب داقس والعوراء .

[عبدالله محمد العقاد]

العوراء : شوف هنا يا حاج خضر وضغطي الارتفع دا ما عندو ثمن وزبائني الطفشوا ديل تقدر ترجعهم .. والوقت الضاع تقدر تعوضه لي .. و ...


.



مبدع اخوي ابوالدر

و شكلها العوراء متخصصة ( تكاليف )

[عاطف عولي]

مبدع اخوي ابوالدر

و شكلها العوراء متخصصة ( تكاليف )

والله يا ود العقاد محاسبين التكاليف ما يحسبوها بالدقة دي.

والتحية لدقيق التصوير استاذنا الذي اخذنا في تغطية وبث مباشر وحي الي ملجة الخضار.


عقاد..... عقاد اعمل حسابك من قذيفةالفندك الطائرة دي.

انا زغتا هسع من كم عجورة وبطيخا..


امرق من هنا سريع قبل ما يجينا شوال شطة.

[درديري كباشي]

مبدع اخوي ابوالدر

و شكلها العوراء متخصصة ( تكاليف )

حلوة بتاعة التكاليف دي يا عقاد والله ما انتبهت ليها .. بيني وبينك نحن في السودان غير نهوى اوطاننا ما عندنا اعتبار للزمن ولا نحمله اي تكاليف

[درديري كباشي]

والله يا ود العقاد محاسبين التكاليف ما يحسبوها بالدقة دي.

والتحية لدقيق التصوير استاذنا الذي اخذنا في تغطية وبث مباشر وحي الي ملجة الخضار.


عقاد..... عقاد اعمل حسابك من قذيفةالفندك الطائرة دي.

انا زغتا هسع من كم عجورة وبطيخا..


امرق من هنا سريع قبل ما يجينا شوال شطة.

سلام عليك يا ابوروان دايما حضورك عيد لوحده

اعمل ليك ساتر لانه حديدة الفندك حيكون بعدها الفندك شخصيا

[moh_alnour]

و شكلها العوراء متخصصة ( تكاليف )

;) :) ;)
;) :) ;)

[درديري كباشي]

تفادى داقس قذيفة حديدة الفندك والمنطلقة من قاعدة العوراء الجوية باعجوبة .. ويبدو انه متمرس عليها او كان متوقعها .. وحديدة الفندك لغير اهلنا هي عبارة عن قطعة سيخ ضخمة يمكن تكون عشرة لينيا طولها شبر او يزيد تستخدم لسحق البهارات ( والمعارضين في بعض الاحيان ) داخل اناء خشبي مجوف يسمى الفندك ... كما ذكرنا قذفت العوراء داقس بحديدة الفندك لانها اعتبرت هزة راسه يسارا ويمينا عبارة عن سخرية منه عندما راى تصرفها حيال الولد المعتدي على ممتلكاتها الخاصة بحجة التذوق ( من حاسة الذوق وليس اللبس الانيق ) ..

بعد ان تفادى داقس حديدة الفندق بجدارة وحرفنه اشتعل غضبا وتناول بطيخة من اقرب بائع له ولم تفلح مقاومة البائع من اعفاء بطيخته من الدور النضالي لانه بعد ثواني كانت البطيخة منفجرة في الجدار خلف العوارء محولة كل المكان من حولها للون الاحمر القاني ( والله لا ادري ما هو القاني لكن الكلمة مرتبطة مع اللون الاحمر دائما ) مما زادت حسرة البائع وكثير من الزبائن .. وقال احدهم ( هسع لو اشتريناها ما تطلع حمرا كدا )..
العوراء : تضربني ببطيخة انا يا تور يا عجل ... متناولة في هذه المرة الفندك شخصيا ومهاجمة هجوم بري ناحية داقس .. والذي تناول ربطة من قصب السكر وانتظرها متخذا موقفا دفاعيا ومهددا بمنصة الردع التي في يده ..

سنوافيكم بالاحداث في وقت لاحق لانه العدسة اصباتها قذيفة طماطم وحجبت الرؤيا .

[أبوريلان]

نستدعي الإحتياطي المركزي يا درديري
عشان نستمع لقصة داقس والعوراء
تحسباً لأي فندك طاير أو بطيخة
مستمتعين واصل كفاحك .

[أشرف صلاح السعيد]

ابو الدر سلام..
يعنى الا تنعتق من الكرسى الساخن عشان نشوفك بجاى..
حمدا لله على السلامة فكنت هناك رائع وهنا اشتقنا اليك كثيرا..
تعرف العوراء دى لو لبسوها نضيف ونضفو ليها لسانا ومخها من الشكل والكبسرة "من كبسور" تبقى وزيرة مالية جد وعلى اسوء الفروض وزير دولة للمالية..وأكان قننت عنفها وأدلجتو "من ايدولوجية" واتخذت من اى غابة متكأ لها دون الملجة برضو أكانت بقت وزير بس ما بضمن ليها المالية وعلى أسوء الفروض مساعد رئيس جمهورية..
أما اخونا داقس واللى هو أكيد ما داقس فبينفع بعد السمكرة اللازمة والذى منو مسعول أمنى كبير من فئة كوادر عنف وحلاة البدلة السفارى حول عنقرتو الماكنة وممكن يبقى والى نيل أزرق كمان..لأنو مسألة السياسة وحنك السياسة لا يقره والى تلك الولاية رغم انو جا ليها بالسياسة!!!..
يااخوى الملجة دى ورينا ليها وين عشان الواحد كدا يعملا منطقة عسكرية ممنوع الاقتراب والتخمش الفولى والتسالى..
جد مشتاقين شوقت شوقت..

[درديري كباشي]

نستدعي الإحتياطي المركزي يا درديري
عشان نستمع لقصة داقس والعوراء
تحسباً لأي فندك طاير أو بطيخة
مستمتعين واصل كفاحك .


كيفك يا ابو ريلان مشتاقين وكيف اخبار ولي العهد ... الشوفة في النية .. بس القدم ابا ما يترفع..

لامن تجي الملجة المرة الجاية البس دروع ..

[درديري كباشي]

ابو الدر سلام..
يعنى الا تنعتق من الكرسى الساخن عشان نشوفك بجاى..
حمدا لله على السلامة فكنت هناك رائع وهنا اشتقنا اليك كثيرا..
تعرف العوراء دى لو لبسوها نضيف ونضفو ليها لسانا ومخها من الشكل والكبسرة "من كبسور" تبقى وزيرة مالية جد وعلى اسوء الفروض وزير دولة للمالية..وأكان قننت عنفها وأدلجتو "من ايدولوجية" واتخذت من اى غابة متكأ لها دون الملجة برضو أكانت بقت وزير بس ما بضمن ليها المالية وعلى أسوء الفروض مساعد رئيس جمهورية..
أما اخونا داقس واللى هو أكيد ما داقس فبينفع بعد السمكرة اللازمة والذى منو مسعول أمنى كبير من فئة كوادر عنف وحلاة البدلة السفارى حول عنقرتو الماكنة وممكن يبقى والى نيل أزرق كمان..لأنو مسألة السياسة وحنك السياسة لا يقره والى تلك الولاية رغم انو جا ليها بالسياسة!!!..
يااخوى الملجة دى ورينا ليها وين عشان الواحد كدا يعملا منطقة عسكرية ممنوع الاقتراب والتخمش الفولى والتسالى..
جد مشتاقين شوقت شوقت..

ابو الشوش

والله مشتاقين

مالك وقفت الركشة عايزة شمبر ولا شنو ؟؟

متمنين يوم نشوفك في الكرسي الفوق داك ..

بسن ليك في السكاكين من هسع انت وابو خالد ..

والقصة بتاعة داقس والعوراء دي اوعى تسيسها تقول لي العوراء دي الحركة الشعبية وداقس المؤتمر الوطني سامع ولا لا؟؟؟؟؟؟

[عاطف عولي]

والقصة بتاعة داقس والعوراء دي اوعى تسيسها تقول لي العوراء دي الحركة الشعبية وداقس المؤتمر الوطني سامع ولا لا؟؟؟؟؟؟


ما ياها لكن قريييييييييييييييييييييييييييييييييييية منها.


والله سبقتني علي لبس الدرع دي ضحكت لمن وقعت من الكرسي وانا بتخيل في ابو ريلان لبس الدرع ومدنقر لي تحت خوف القذائف.

لكن العوراء اظن كان لقت ليها عريس بتروق شوية.

عليك الله يا ابو الدر تشوف ليها واحدواكيد ما بتقبل بداقس وما تقول لي حلو الحب بعد كراهية.

وما تنسي تعزمنا

[درديري كباشي]

ما ياها لكن قريييييييييييييييييييييييييييييييييييية منها.


والله سبقتني علي لبس الدرع دي ضحكت لمن وقعت من الكرسي وانا بتخيل في ابو ريلان لبس الدرع ومدنقر لي تحت خوف القذائف.

لكن العوراء اظن كان لقت ليها عريس بتروق شوية.

عليك الله يا ابو الدر تشوف ليها واحدواكيد ما بتقبل بداقس وما تقول لي حلو الحب بعد كراهية.

وما تنسي تعزمنا

عاطف ارجع لشكلتك احسن بهناك

قصة داقس والعوراء طويلة جدا يمكن تستمر خمسة وعشرين سنة ..

[moh_alnour]

و حديدة الفُندُك لغير أهلنا هي عبارة عن قطعة سيخ ضخمة يمكن تكون عشرة لينيا طولها شبر أو يزيد
تستخدم لسحق البهارات ( و المعارضين في بعض الأحيان ) داخل إناء خشبي مُجوف يسمى الفُندُك

على الطلاق ( طلاق عازم ) يا أبو الدُر تعريفك دا مفروض ينزل في موقع ( ويكيييديا الموسوعة الحرة ) :p

[درديري كباشي]

على الطلاق ( طلاق عازم ) يا أبو الدُر تعريفك دا مفروض ينزل في موقع ( ويكيييديا الموسوعة الحرة ) :p

حلوة يا ود الجاك الموسوعة دي مع انه هي كانت جملة عابرة انا قلت نتجب بها اسئلة من نوع ( ايش لون حديدة الفندق .. اعتاد بعض الزملاء والاصدقاء ينسخوا بعض كتاباتي ويرسلوها بالايميل للناطقين بغيرها .. اي اللغة السودانية ؟؟؟)

[درديري كباشي]

بعد ان تدخل اهل الخير .. ( واهلات الخير ايضا ) لا تنسوا ان سوق الخضار يتكون من الجنسين النساء متخصصات في الكسرة والدكوة وبعض البهارات المسحوقه والمقهورة كالشمار مثلا والذي منه .. وبعضهن وخاصة صغيرات السن متخصصات في الشاي والزلابية .. اما العوراء فهي كانت اخصائية الفول السوداني بجميع مراحله التعليمية من فول ابو قشرة الى فول مقلي والذي يعرف في بعض مناطق السودان بال ( مررو) الى مرحلة الدكوة ( زبدة الفول او كما يقولون ) .. اما الرجال فهم اصحاب المساطب الجانبية للخضر والفاكهة...
عمنا عوض داقس ( اسمه الحقيقي ظهر) فهو مع عملية ( فيد باك اي نظرة تاريخية لحياته) والده كان صاحب مسطبة وكان زعيما للخضرجية . فتعود عوض ان يحضر معه للسوق منذ الصغر . في طفولته كان يستمد زعامته وسيطرته من والده .. وعندما شب عوده ( وهي شبة نصاح؟؟) اصبح يعتمد على عضلاته وعينه الحمراء وشرارة . اجر مسطبة والده لاحد الخضرجية واصبح يعمل في السوق بنظام الفتوة جامعا الاتاوة من اصحاب المساطب الاخرى بحجة الحراسة ... بعض الاحيان تساعده الظروف .. كان ياخذ احد الزبائن عجورة ويدخلها في قفته ( اناء يصنع من سعف النخيل لحمل الخضر والفواكه) في هذه الحالة يقفذ داقس مثل طرزان ما سكا يد اللص بصوت مزعج لافتا كل نظر الناس ليثبت جدارته . وفي النهاية يطالب صاحب المسطبة بملغ مكافاه يساوى اضعاف ثمن العجورة التي سرقت ..( والعجور نوع من الخضر بطعم ونكهة الخيار الا انه طويل التيلة والفتيلة ولونه فاتح يميل للاصفر )..

المهم كما ذكرنا تدخلت لجنة فض النزاعات المكونة من بائعي الخضر والفاكهة والنساء البائعات ..

بعد ان فض النزاع اجتمع الجمع من الطرفين يحصون الخسائر ويلعنون ( في سرهم طبعا ) داقس والعوراء .. كما جلس طرفا النزاع ارضا بانفاس لاهثه وكل واحد ينظر الى الثاني بحنق وحقد وعيون محمرة تشتعل غضبا ..

[ام قبس]

الدرديري صباح الخير
بالجد قصه من قلب قلب قلب الواقع وتلقاني طوالي ختيت صورة للعوراء الفلاتيه الكانت بتغسل لينا
وداقس سانتينو المكوجي
لكن بالجد وصف حي

واصل معاك بالنقطه

همسه اعذرني وماتتسدا فيني اني مازرتك في الكرسي الساخن صادف وقت حرده وانشغال
بتشرفني لو جيتني بي هناك

[درديري كباشي]

الدرديري صباح الخير
بالجد قصه من قلب قلب قلب الواقع وتلقاني طوالي ختيت صورة للعوراء الفلاتيه الكانت بتغسل لينا
وداقس سانتينو المكوجي
لكن بالجد وصف حي

واصل معاك بالنقطه

همسه اعذرني وماتتسدا فيني اني مازرتك في الكرسي الساخن صادف وقت حرده وانشغال
بتشرفني لو جيتني بي هناك

سلاااااااام يا ام قبس هو انت ما جيتني في الكرسي الساخن ؟؟؟ اتلومتي وذكرتيني بلومك ... بس اقسم بالله انا ما اخذت الامور بكدا واكيد حا اجيك .. وفعلا دخلت وقريت جزء كبير من تدفقك .. وانا ما بحب اللقاءات او ادخلها للمجاملة بدخلها لانه تشكل لي مصدر خام للالهام والعفوية لانه لن يوجد في مكان ثاني ربما لا اشارك كما في السابق لكن بقرا بنهم .. واكيد جايي وراك ..

منتظرين قصة العوراء وداقس بتاعكم ..

[عاطف عولي]

عاطف ارجع لشكلتك احسن بهناك

قصة داقس والعوراء طويلة جدا يمكن تستمر خمسة وعشرين سنة ..



:cool:;):o:(:mad::rolleyes::confused:

:D:D

[درديري كباشي]

عدنا

اهل الخير من الرجال تولوا تهدئة داقس والحوار كالتالي ,,
عم خضر : معليش يا عوض ولدي والمره دي اعتبرها اختك الكبيرة ..
داقس : اختي شنو دي تكون اختي انا ...؟؟؟
عم علي : وبعدين يا داقس العوراء دي بتحبك جدا ..
داقس : حب شنو كمان يا عم علي ياخ وفي واحدة تحب ليها واحد ترميه بحديدة الفندك ومال لو كانت بتكرهني كان ضربتني بهاون يعني ..؟؟؟
عم عثمان : ماتنسى يا داقس انه هي حمقاء شديد ومولعة نار ما معاك انت بس مع كل الناس ..
وفي جانب النساء ننتقل الى هناك يدور الحوار التالي .
حاجة حبصة : يا عورا يا اختي انت مالك الولد ما بينزل ليك من زور انت عارفاه هو بيحبك وميت فيك ..
العوراء : يحبني ؟؟ يحبني شنو حباه برص اعور ( قالت هذه العبارة بصوتها العالي حتى وصل الصوت للطرف الثاني )
وعقب داقس : تااااااااااني اعور برضو ..؟؟؟؟
العوراء : شفتوه هو براه بدا الخطا متناولة كباية من كبابي حبصة ست الشاي وقاذفة بها في اتجاه الجمع الكريم والذين اخذوا ساترا في البدا ثم تفرقوا
لتشتعل الحرب من جديد ....مستخدمة فيها جميع انواع القذائف بما فيها القذف بالكلمات ..
داقس : وهو يرسل قفة طمطام محملة بالوقود ناحية العوراء : يا مره يا مجنونة هسع انا اتكلمت معاك ..؟؟؟
العوراء وهي تقذف براد الشاي بعد ان قضت على الكبابي : انت قايلني ما بفهم ولا ما بحس تقول لي اعور تااااااااني يا تور يا عجل ..
هذه المره لم يستطع مشايخ السوق فض النزاع مما اضطر احدهم لابلاغ الشرطة لتحضر قوة تنقسم لقسمين كل مجموعة تتجه ناحية احد طرفي النزاع ويتم رفع داقس والعوراء في سيارة الشرطة متجهين بهما ناحية القسم ..

[حسام التنين]

الله اكون في عون القسم


اسف جدا للمقاطعة

لكن حنيت ع حال العسكر المغلوب ع امرهم

واصل واصل ياداقس

بسم الله

يادرديري

[درديري كباشي]

الله اكون في عون القسم


اسف جدا للمقاطعة

لكن حنيت ع حال العسكر المغلوب ع امرهم

واصل واصل ياداقس

بسم الله

يادرديري

كيفك يا حسام

والله ليك وحشة

اعمل حسابك من كيس البصل الطاير عليك دا ..ماتدقس

[درديري كباشي]

وصلت سيارة الشرطة الى المركز ..

وادخل داقس والعوراء الى مدير القسم ..

وبادرهم الظابط غاضبا جدا ..

الظابط : علوية العوراء وعوض الداقس كرهتوني عمل الشرطة واليوم الدخلت فيه كلية الشرطة .. هو نحن ما عندنا شغل غيركم .. كل اسبوع جايبنكم لي في نشكلة .. وانتو معاركم دي ما بتنتهي .. وانا في النهاية حا اضطر انقل واحد فيكم للسوق المركزي ..

داقس : تنقلوا كيف يا جنابو هو نحن عساكر عندك ولا شنو ؟؟

الظابط : اخرص يا حيوان انقلك وانقل ناظرك ولا ممكن اصدر اوامر انه انت بالذات ممنوع تدخل سوق الخضار سامع ولا لا ؟؟..

داقس : لا انا ما قصدي اقول انت ما بتقدر بس عملية النقل دي بسمعها عند المظفين فقط ونحن ناس على باب الله نجي الملجة نلقط رزقنا من الصباح مرة نلقى ومرة ما نلقى حاجة ,,

هدا الظابط بعد رد داقس الدوبلماسي وهمس في نفسه قائلا ( والله الرجل المدعي الهبل دا ما ساهل وفي راسه كلام كثير جدا )

الظابط موجها كلامه هذه المرة لعلوية العوراء : وانت كمان يا علوية ليه ما قادرة تتحملي اي كلمة من عوض دا .. وانا سمعت انه انت قذفتيه بحديدة الفندك مجرد ما هذ راسه فقط ....

في اللحظة التي كان يتحدث فيها الظابط مع علوية العوراء كان عوض الداقس ينظر اليها بنظرة مختلفة ويهمس في نفسه .. اول مرة يلاحظ انه عوضية العوراء فيها شئ من جمال .. بل هي جميلة لولا عينها التالفة ووجهها الملئ بالجروح والكدمات .. ولكن لها قوام فاتن وجسم ممتلئ ربما لم يجروء احد لذكره او التمعن فيه خوفا من شرها لكن الحق يقال هي انثي مكتملة وبقلب لبوة شرثة ..في تلك اللحظة سرح داقس وبدا صوت الظابط يخفض في سمعه حتى قفل تماما واصبح عبارة عن شفاه تتحرك وحركات باليدين .. اما عوض فهو سرح في اكتشافه الجديد وخاصة بانه تجاوز الثلاثين ولم يفكر في الزواج قط بل ظانا بانه لا احد يرقب في نسبه .. لروحه الشريرة.. لكن هاهي العوراء وقد قيل له من قبل انها تحبه ربما حربها وقذائفها طريقتها في التعبير عن هذا الحب ومن باب من الحب ما قتل .. وصل لهذه النقطة وبدا يتبسم ..

في هذه اللحظة نظرت العوراء الى داقس نظره مختلفة ايضا وهمست في نفسها .. فقط لو يفهم هذا التور كم هي متيمة بجسمه الضخم وتخويفه للرجال .. ولا شئ يضايقها منه سوى نظرة الشماتة الساخرة والتي لا تتحملها منه كل ما دخلت في معركة من معاركها .. لكن متى ينتبه لهذا الحب .. ومتى هي تتحكم في نفسها الشرثة ولو للحظة لتعلن له بانه لا توجد امراه في الوجود سواها يمكن ان تطيق عوض الداقس وترضى به زوجا ..

ونعود لداقس : يقول في نفسه يا ترى هل تقبل به العوراء زوجا لها .. وخاصة انها تملك وضعا خيرا من وضعه فهي تمتلك بيتا ورثته من امها ..

لم يستيقظ الاثنان الا على صرخة الظابط التي اعادة صوته لمسامعهما ..

: قائلا : سامعين الكلام دا ولا ما سامعين ..؟؟؟؟؟؟

التفت الاثنان الى الظابط بهبل لانهما لمم يسمعا اي كلام .. اخيرا حتى يتم قفل الباب هز الاثنان راسيهما بالايجاب رغما عن انهما لا يعرفان عن اي كلام كان يتحدث الظابط .. لان كل واحد منهما دخل في عالم ثاني .. وكما قيل ان بين القلب والقلب رسول تستطيع ان تقول قد حس كل واحد منهما بالاخر ..

تفاجا الاثنان بان الظابط قدم لهما تعهد ليوقعانه .. ومسك كل واحد منهما الورقة ووقعها دون ان يقرا تفاصيلها .. كانهما على موعد آخر واهم ..

وقبل ان يعتبا باب مركز الشرطة التفت داقس الى العوراء وفاجاها قائلا


علوية تتزوجيني ..؟؟؟؟؟؟؟

علوية : في نفسها اخيرا جيت يا ابن ال.......................................

[ابوالنور]

واصل يا درة يا رائع
وتقبل تحياة العريس محمد عبادي الدفعة13علوم وتكنولجيا
وزملائه الحضور
كل من مختار الرجرجة واسعد فتحي وجاليلو والفاضل تيمان
وخالد عابدين وبقية الحضور

[حسام التنين]

اال.......................................


شفت حركاتك دي البتخليني

اقد الشاشة واطلع ليك بي هناك

اسلم عليك بي جاي وبي جاي



مالك ياخ الهركات دي كرهتنا المسلسلات زاتوا

بمشي وبجييك بعد شهر بلقاك انتهيت منها

[درديري كباشي]

واصل يا درة يا رائع
وتقبل تحياة العريس محمد عبادي الدفعة13علوم وتكنولجيا
وزملائه الحضور
كل من مختار الرجرجة واسعد فتحي وجاليلو والفاضل تيمان
وخالد عابدين وبقية الحضور

ابو النور تحايا عطرة وخاصة لهؤلاء الشباب وبلغهم شوقنا وتبريكاتنا للعريس محمد عبادي

[درديري كباشي]

شفت حركاتك دي البتخليني

اقد الشاشة واطلع ليك بي هناك

اسلم عليك بي جاي وبي جاي



مالك ياخ الهركات دي كرهتنا المسلسلات زاتوا

بمشي وبجييك بعد شهر بلقاك انتهيت منها

ماشي يا تنين .. بس اوعى تطلع نار من خشمك ..

حانكمل .. في الحقيقة جايي في الطريق من الشغل والقصة شغالة في راسي وضايق اصل البيت

[مايسة]

استمتع بكتاباتك جدا اخ درديري - متعك الله بالصحة والعافية

خلي الجماعة يعرسو - ويزفوهم ناس السوق بعربية طماطم ولا بطيخ - بس ما تقول انو دخل طرف تالت وخرب القصة . . :)

[درديري كباشي]

كما ذكرن فاجا عوض داقس علوية العوراء بطلب الزواج منها .. وهي حبست الكلمات في حلقها ولم تجد ردا سوى التبسم وكان اكثر تعبيرا من الكلام .. ولكن من كان اكثر دهشة هو الظابط ... اول مرة يشاهد اناس يوقعون على تعهد دون حتى ما يقراوه وكذلك حيرته تلك البسمات المتبادلة ..

وخرج خلفهم وهو واقف في باب المركز شاهد عوض داقس يوقف تاكسي ويركب الاثنان لا يدري الى اين يتجهان لكن تحس انهما يحفهما الرضا والفرح .. ودخل الظابط عائدا الى مكتبه يصفق يديه في تعجب .

نعود الى العشقين اللدودين ..

طلب داقس من سائق التاكسي ان ياخذهما الى مطعم في شارع النيل بعد ان دعى علوية ووافقت وهي في قمة السعادة ..

جلس الاثنان في المطعم وكل منهما يكاد يلتهم الاخر بنظراته ..دون كلام ..

قال عوض حتى يفتتح الحوار من جديد .. : ما سمعت رايك في الزواج .

علوية تفتكر بعد دا كله تحتاج لرد ..

عوض : انا عاوز اسمعها منك بالكلام ..

علوية : الظاهر عليك انت ما بتفهم الا بحديدة الفندك ..

ضحك عوض باعلى صوته : مكملا بالله في واحدة تحب واحد ترميه بحديدة فندك .. انا كان ممكن اروح فيها اليوم ..

علوية : وانا لو كنت عاوزة اضربك ما كان صرخت فيك كان رميتها وانت ملتفت ..

قطع الحوار الجرسون وهو يحضر لهما وجبة الغداء

[عاطف عولي]

بهبك يا الوية.


موت فيك يا اود.



كدي يا درديري عاوز تعرس لي فردنا سكوتي.


علي الصيوان كامل.


علي الكفاية.


علي الشيلة.

علي الفنانين.

الركشات والساوند من ود السعيد.

مطعم بت ام درفااااااااااااااااااتح والشيف تغريد جاهزة.

وبنات السيرة والدلوكة.

مارنجو

مايسة

زنزون

وناس كدي.

الماذون ابوبكر حامد( ما ود ماذون)

وكيل العريس الخرباش .

وكيل العروس!!!!!!!!!!!!!!!!!!!!!

ناس البهجة والربة

التيمان

تنتون.

يلا عرس ليهم قصرت معاك

[moh_alnour]

الله يهني سعيد بي سعيدة
و على وزن زيتنا في دقيقنا نقول خضارنا في دكوتنا :eek:
ما محبة إلا بعد عداوة
واصل يا أبو الدُر

[درديري كباشي]

استمتع بكتاباتك جدا اخ درديري - متعك الله بالصحة والعافية

خلي الجماعة يعرسو - ويزفوهم ناس السوق بعربية طماطم ولا بطيخ - بس ما تقول انو دخل طرف تالت وخرب القصة . . :)

مشكورة جدا يا مايسة يا رقيقة وراقية

ما تنسوا تجوا العرس في الملجة

[درديري كباشي]

بهبك يا الوية.


موت فيك يا اود.



كدي يا درديري عاوز تعرس لي فردنا سكوتي.


علي الصيوان كامل.


علي الكفاية.


علي الشيلة.

علي الفنانين.

الركشات والساوند من ود السعيد.

مطعم بت ام درفااااااااااااااااااتح والشيف تغريد جاهزة.

وبنات السيرة والدلوكة.

مارنجو

مايسة

زنزون

وناس كدي.

الماذون ابوبكر حامد( ما ود ماذون)

وكيل العريس الخرباش .

وكيل العروس!!!!!!!!!!!!!!!!!!!!!

ناس البهجة والربة

التيمان

تنتون.

يلا عرس ليهم قصرت معاك

عاطف بس تعرف تقول علي وعلي ونمشي هناك ما نلقى حاجة...................

[درديري كباشي]

الله يهني سعيد بي سعيدة
و على وزن زيتنا في دقيقنا نقول خضرانا في دكوتنا :eek:
ما محبة إلا بعد عداوة
واصل يا أبو الدُر

عليك نوووووووووووور يا ود النوووووووووووووور

ما محبة الا بعد عداوة .. رغما عن انه اسرائيل معادية العرب منذ الازل بس ما عايزة المحبة دي ابدا

[درديري كباشي]

عدنا لمواصلة حوار داقس والعوراء

وضع لهما الجرسون الغداء الدسم يليق بمشروع عرسان جدد ..

وواصل عوض الداقس مستانفا الحوار : تفتكري يا علوية انه عنفك معي ومعاداتك الزائدة لي من دون ناس سوق الخضار الباقين هي كانت حب .... انا عمري ما خفت من رجل ولا حتى اسد لكن كنت بخافك وبتحاشى حتى النظر اليك .. انا اليوم فقط اكتشفت انك انسانة جميلة ..

العوراء : الخوف نفسه هو صورة من تعبيرات الحب .. انت ماكنت تخافني لكن كنت تخاف تفضح نفسك بحبك لي ..

عوض : الحب عمره ما كان خوف فهو مرتبط بالشجاعة منذ ايام عنترة بن شداد بل الحب هو امان واحد من الاشياء التي تجدها فيمن تحب هي الامن والامان ..

علوية : لكن الرجال يحبون الحب المرتبط بالخوف ولا يحبون الحب الذي يوفر الامان بدليل انه المتزوجون يتركون زوجاتهم الآمنات في البيوت ويجرون بحثا عن حب المغمرات في الشوارع وفي الطرق الملتوية معرضين انفسهم وسمعتهم للخطر لانهم سئموا الامان ..

عوض : حب المغامرات ليس له علاقة بالعاطفة هذا ادمان مرضي قائم لوحده . وهو لا يختلف كثيرا عن حب الملياردير للعب القمار والميسر .. هو ليس عشمان في ان يكسب من القمار لانه عنده مصانع ومؤسسات تضخ له ملايين ولكنه ادمن التوتر وتعريض نفسه لخطر الافلاس لذلك هو يحب القمار والميسر . والشخص الذي يبحث عن الحب في الطرق الملتوية هو كذلك يبحث عن نفس الشئ .

علوية : تقصد يا عوض انه انا عندما رميتك بحديدة الفندك كنت انوي اقتلك او آذاك وكنت بكرهك في تلك اللحظة ؟؟

عوض : لا انت رميتيني بالحديدة وانت كنت تحبيني فعلا .. لكن رميك لي بالحديدة ما كان تعبيرا عن هذا الحب انما كنت انت تحاولي ان تطردي احساس حبك لي من نفسك .. لاني كنت الرجل الوحيد الذي يشعرك بانوثتك .. وهذا هو الشئ الذي تحاولي انت ان تتنكري له وهو سبب معاركك الضارية مع الرجال .. فانت كنتي تقاومي وترفضي فكرة انك امراه ضعيفة .. واكيد يوجد اسباب لهذا الاحساس وانا ما ناوي اعرفه الان ..

هنا تفاجا عوض بان علوية العوراء وضعت يديها في وجهها ودخلت في نوبة بكاء شديدة تؤكد بان عوض قد نكأ الجرح فعلا ..

حتى نعود ...

[ابوخالد]

أبو الدر
يا فرح الأماسى ,,,
كُب الربة ,, خلى الفرح يملأ الملجة ,,
والفريق الجنب الملجة ,,,

لكن تعرف ديل دخلتهم إلا بشرطة أمن المجتمع ,,,
الله لا حضرنا ليها ,,,

لكن يد الفندك خليناها خشب زمنا دااااااااك
بقت حديد 6 لينيا ,,, الظاهر علينا طولنا من البلد ,,,

لكن برضو بنقول القصة سياسية
وداقس ده التجمع الحالى
والعوراء دى حكومتنا ,,,, والا ما كدى ,,,


واصل ونحنا متابعين ,,,,

[درديري كباشي]

أبو الدر
يا فرح الأماسى ,,,
كُب الربة ,, خلى الفرح يملأ الملجة ,,
والفريق الجنب الملجة ,,,

لكن تعرف ديل دخلتهم إلا بشرطة أمن المجتمع ,,,
الله لا حضرنا ليها ,,,

لكن يد الفندك خليناها خشب زمنا دااااااااك
بقت حديد 6 لينيا ,,, الظاهر علينا طولنا من البلد ,,,

لكن برضو بنقول القصة سياسية
وداقس ده التجمع الحالى
والعوراء دى حكومتنا ,,,, والا ما كدى ,,,


واصل ونحنا متابعين ,,,,

كيف يا ابو خالد زمن .. ومشتاقين ..

النظرة السياسية والرياضية والفنية والادبية والتجارية والاقتصادية والهندسية .. كله موجود لكن كل واحد يشاهد اللوحة من مكان وقوفه وبمزاجه ..... انا غايتو برسم ... لا جبت سيرة حكومة فتوة ولا معارضة عوراء عايزة العرس ..

[درديري كباشي]

عدنا

ذكرنا انه عوض الداقس لمس الوتر الحساس في علوية العوراء عندما نبهها الى عقدتها من الرجال بالصورة التي فاجاتها وجعلتها تدخل في نوبة بكاء شديد لاول مرة وامام رجل .. واي رجل الرجل الذي ظلت طيلة معرفتها به الا تلين امامه ولا تضعف هاهي الان تبكي من كلماته وتهد كل صلابة زائفة ادخلتها في شخصيتها .. لتكشف بانها انثى ورقيقة جدا مثل باقي النساء يمكن ان تبكيها كلمة وتدميها ورقة ..

رفعت راسها وفاجات عوض بسؤال لم يكن يتوقعه وقالت له : أنت مين ؟؟؟؟؟

عوض باستغراب : انا عوض الداقس ..

قالت : له انت آخر رجل يمكن ان يكون داقس في الدنيا دي ..(داقس مصطلح سوداني بحت يعني الشخص سازج مع قليل من البله .. ولكن ليس لدرجة التخلف .. بمعنى آخر يسهل ترضيته واقناعه كما يسهل اغضابه وتضليله) ولكن استحلفك بالله قل لي من انت ؟؟.. والكلام القلته من شوية لايطلع من شخص داقس او حتى شخص عادي ..انت انسان متعلم مثقف من وين جبت الكلام دا . وانا لمن وافقت على الزواج منك كنت مقتنعة بك كعوض الداقس لكن انت الان شخص مختلف قدامي ..الان لازم اعرف انت مين والا انسى فكرة الزواج ...

عوض بعد ان سكت فترة قصيرة وهذ راسه من اعلى لاسفل كانه يريد يسرد حكاية طويلة ..وبدا يتحدث فعلا .

قائلا : انا عوض ولد عثمان صالح شيخ الملجة وسوق الخضار .. اصر على والدي في ترك المدرسة مبكرا والالتحاق معه بسوق الخضار حتى اورث منه مشيخة السوق .. وانا كنت تلميذ شاطر ومتفوق .. ولكن كل هذا لم يشفع لي مع رغبة ابي واصراره وخاصة لاني ابنه الوحيد والباقين بنات .. وانا اخيرا من اولى ثانوي طعت ابي وتركت المدرسة النظامية .. ولكن بمساعدة استاذ صلاح ومدير المدرسة كنت احضر الدروس في المساء واذاكر بعد ما اروح من سوق الخضار .. زي ما تعرفي انه سوق الخضار يقفل من المغرب .. وواصلت بهذه الطريقة الى امتحنت الشهادة ونجحت ودخلت ايضا الجامعة بالانتساب ودرست علم نفس .. وكنت راغب شديد ومولع بعلم النفس .. قبل ما اتخرج توفى الوالد .. واصبح ليس امامي غير انه اتفرغ للعمل حتى اعول باقي الاسرة .. ولكن ما وقفت من الاطلاع .. ولكن نفس رايك هانا احول ليك السؤال من تكوني انت لانه فهمك لتحليلي يدل على انه داخلك فتاة متعلمة وخاصة بعد بكاك انا كمان عاوز اقرا كتابك ..
علوية : انا خليني الان واكيد ما راح اخبي منك شئ لكن عندي اسئلة مازلت عالقة .. اولها كيف انت قدرت تخفي شخصيتك المتعلمة المثقفة في شخصية عوض الداقس الاهبل القوي العنيف ..

عوض : مثل ما ذكرت لك انه انا تخصصي علم نفس وانا دارس شخصية عوض الداقس تماما لذلك استطعت ان اسيطر عليها دون ان تفلت مني معلومة تدل على علمي سوى حديثي معك اليوم ..
علوية : صدقني انت فعلا شخص ما عادي ورغما عن انه لازال داخلي اسئلة كثيرة لكن احسن نمشي لانه الليل اقترب ..

عوض : قبل ما نتحرك نحن ما حددنا برنامج العرس .

عوضية العوراء : برنامج العرس كان لمن كنت انا العوراء وانت الداقس .. لكن الامر اختلف الان .. انت ما عاوز تعرف انا مين ؟؟؟

عوض : معك حق ................. انت مين ؟؟؟؟؟؟؟؟؟؟؟؟؟؟؟؟؟؟؟؟؟

[telecom]

والله من كلامهم الاول حسيت بانو الاتنين ديل ما ناس سوق دا ما كلامهم
كم انت رائع الاخ درديرى تسجيل حضور ومتابع ......... ما تطول الغيبة

[okasha]

والله بالجد سرد عجيب وقمة فى الامتاع
وقريب من الفلم الهندى

لكن ما عارف مودينا لوين بمركبك دى يا استاذ

تسوقنا جاى وجاى

[فراس]

عوض : معك حق ................. انت مين ؟؟؟؟؟؟؟؟؟؟؟؟؟؟؟؟؟؟؟؟؟


مييييييييييييين يادرديري

والله بالغت معانا عدييييل

واصل يارائع

[عبدالله محمد العقاد]

علوية : وانا لو كنت عاوزة اضربك ما كان صرخت فيك كان رميتها وانت ملتفت ..




ابو الدر يا مبدع

اللي بحب ليه واحد ما بيعوقوا

هل دي رسالة ام رؤية خاصة للعشق

[درديري كباشي]

والله من كلامهم الاول حسيت بانو الاتنين ديل ما ناس سوق دا ما كلامهم
كم انت رائع الاخ درديرى تسجيل حضور ومتابع ......... ما تطول الغيبة


سلام يا تلكم نشكر حضورك الراقي وخليك قريب

[درديري كباشي]

والله بالجد سرد عجيب وقمة فى الامتاع
وقريب من الفلم الهندى

لكن ما عارف مودينا لوين بمركبك دى يا استاذ

تسوقنا جاى وجاى

قلت لي هندي ولا ناكل باسطة يا عكاشة

نشكرك يا راجل .. اكل باسطة احسن

[درديري كباشي]

مييييييييييييين يادرديري

والله بالغت معانا عدييييل

واصل يارائع

وينك يا فراس زمن ما شفناك

انت اروع وخليك قريب

[درديري كباشي]

ابو الدر يا مبدع

اللي بحب ليه واحد ما بيعوقوا

هل دي رسالة ام رؤية خاصة للعشق

سلام يا عقاد يا قارئ الشفرات والمتبحر بين السطور

صدقني مرات اخاف قراءتك

[بنت الرفاعي]

:confused::confused::confused:
:eek::eek::eek:
الجماعة طلعوا مثقفين وكدة !!!!
:p:)

أخيرا بدأت ملامح ما في رأسك من كلام وإتجاهات هذا البوست تظهر أخي درديري :rolleyes:

[moh_alnour]

ما محبة إلا بعد عداوة ، رغما ً عن إنه إسرائيل معادية العرب منذ الأزل بس ما عايزة المحبة دي أبدا ً

إسرائيل دي عايزا ليها عِرق محبة :eek:
قالوا - الله يكفينا شر القوالة - الما بمشي معاك أمشي معاهو :cool:
تفحيطة : أنا خايف علوية دي تكون عضو معانا في المنتدى دا :p غايتو يا أبو الدُر تجيب لينا في المحن :eek:

[درديري كباشي]

إسرائيل دي عايزا ليها عِرق محبة :eek:
قالوا - الله يكفينا شر القوالة - الما بمشي معاك أمشي معاهو :cool:
تفحيطة : أنا خايف علوية دي تكون عضو معانا في المنتدى دا :p غايتو يا أبو الدُر تجيب لينا في المحن :eek:


بمناسبة عرق المحبة تعرف انه اليهود هم ملوك السحر .. وهم اصحاب المؤلفات الكثيرة في تحضير الجان والارواح والسحر ... عشان كدا ناس المريخ لامن اخدوا السبعة من الوحدات قالوا الجماعة كتبوهم عند جيرانهم ..


حكاية علوية من المنتدى انا ذاتي خوفتني ..

[درديري كباشي]

:confused::confused::confused:
:eek::eek::eek:
الجماعة طلعوا مثقفين وكدة !!!!
:p:)

أخيرا بدأت ملامح ما في رأسك من كلام وإتجاهات هذا البوست تظهر أخي درديري :rolleyes:

سلام يامرام .... والكلام فيه كلام

اظهر وبان وعليك الامان

[درديري كباشي]

عدنا للعاشقين
خرج العاشقان العدوان من المطعم واقترح عوض على علوية لو يركبوا تاكسي لكن هي فضلت المشي حتى يكملوا ما بدا من حوار بينهما وخاصة انهم قريبين من السوق ..
وفعلا قال لها هو متشوق ليعرف قصتها ومن تكون كما قالت هي من قبل.. وبدات علوية الحديث .
قالت :نحن اصلا من اطراف السودان وعندما حدثت موجات الجفاف والمجاعات هاجرنا الى الوسط لنحتمي بالنيل مثل باقي اهلنا في السودان . وبما انه اهلنا عملهم كان يعتمد على الزراعة المطرية الموسمية والرعي وما كنا نشتري شئ من اكلنا ومن السوق لا نشتري سوى الملابس لانه كل مصادر اكلنا من انتاجنا .. وعندما هاجرنا بعد المجاعات فقدنا كل شئ .. وجئنا في السكن العشوائي في اطراف المدينة بنينا اكواخ مثل الناس الموجودين وسكنا فيها .. ابي نتيجة للصدمة اصبح مدمن خمر كل يوم يخرج من الصباح يشتغل قليلا في الحفر والنظافة وما يجمعه يغشى الخمارات ويسكر ويعود محولا البيت اقصد الكوخ لجحيم .. وهو اصلا ما كان ينقصه جحيم ... ,يضربنا انا وامي واخوتي الصغار لاتفه سبب ..و اخيرا تعرض لحادث سيارة وتوفى .. امي في الاول امتهنت بيع الكسرة البلدية ولكن في سوق صاحبت مجموعة من النساء الشريرات واللاتي يتخذن من بيع الكسرة ساترا ( الكسرة خبز سوداني يصنع من الزره الرفيعة وليس من القمح ) لترويج وبيع الخمور البلدية .. تعلمت امي منهن الصنعة بل اصبحت اشهر وتحول بيتنا على علاته لخمارة .. واصبح البيت يرتاده السكارى من كل صوب .. انا تمردت على الوضع واحتجيت على امي في انه نحن اللقمة الشريفة من بيع الكسرة حرمتنا منها وحولت حياتنا لجحيم بزبائنها .. نحن كان عندنا سكران واحد كرهنا العيشة اما الان فكل يوم اشكال جديدة .. امي لم تسمع كلامي واصرت على المواصلة وخاصة بعد ما رات الاموال بدات تتدفق عليها . واشترت قطعة الارض وشرعت في بنائها ..
انا في تلك الفترة كنت منتظمة في دراستي .. بل المدرسة كانت بالنسبة لي هي المفر والملذ الامن الذي اهرب له في كل صباح لاعود في المساء اعاني من جديد ..ولان المذاكرة والقراءه كانت مهرب بالنسبة لي تفوقت في الدراسة .. والتفوق نفسه كان ساترا لواقعنا القبيح والمرير امام معلماتي على الاقل .. لان بنات الاسر كنا يتحاشين التحدث معي ويبدو بتحذير من اهلهن بان يبتعدوا عن بنت صانعة العرقي .. انا كنت احمل هذه المرارة واحاول تعويضها بالتفوق ولكن تفوقي لم يشفع لي ولم يصنع لي ولو صديقة واحدة احكي لها همومي ... كل البنات كنا يرين انهن اشرف مني وارفع مكانا .. لذلك انا رايت انه كتب المدرسة ما عادت تكفيني لذلك اخذت الاموال من امي ووجدت طريق آخر للمكتبات وكنت ادفن باقي اليوم في كتب المكتبة .. وقرات كميات ضخمة من الكتب .. امي ما كانت تعترض على قراءتي وكانت تعتقد ان كل شئ اقرأه هو مقرر مدرسي وكانت تظن وتؤمن ان القراءه هي مخرجي الوحيد من هذا الوحل والمستنقع الآثن ...
امي لم تكن ترقمني على مساعدتها في عملها .. بعد الرجال كانوا يعاملوني كبنتهم والبعض الاخر كانوا ذئابا .. وطالما انا موجودة في بيت صاحبة الخمارة اذا لابد ان اكون جزء من وجبتهم المدفوعة الثمن .. بعضهم حاولوا يتغزلوا بي .. وكنت ازجرهم بل بعضم اضربهم اذا تجرا ومد يده نحوي .
الا ان كان يوم وهو اليوم الذي فقدت فيه عيني .... وامي

[درديري كباشي]

في تلك اللحظة :
وصل العاشقان قرب سوق الخضر ووجدوا الجميع في انتظارهم .. ورغما ان حديث العوراء كان مشوقا الا انه عوض لم يجد فرصة لسماع الباقي .. لانهم اصبحوا امام سوق الخضر والجميع في انتظارهم .. تفاجا الجميع بالحميمية التي ظهرت للعدوين .. دخل عوض وعلوية على اهل سوق الخضار والجميع في اندهاش ونطق عم خضر قائلا .. وين كنتم شفقنا عليكم وانا رجعت المركز وقلت الظابط يمكن حبسكم ...
نظر عوض الى علوية وابتسم الاثنان واتجهوا صوب بضاعة علوية والتي بدات تجمع في اغراضها وعوض الداقس وتحت دهشة الجميع ايضا جلس معها يساعدها .. وعلوية اعتذرت لحبصة عن التلفيات التي احدثتها لها في ممتلكاتها جراء المعركة التي دارت في الصباح .. ووعدت بتعويضها .. حبصة لم تملك كلاما وكانت مندهشة وفاغرة فاها اول مرة تسمع اعتذارا من العوراء .. لا احد كان يظن بان داخلها يوجد انسان عادي يحن ويرق ويشفق ويندم .. كل الذي يعرفونه عنها تلك الصورة المتوحشة والشرثة .. وحبصة كانت تظن ان خسارة الكبابي فقط من هذه المعركة يعد سلامة من علوية والجميع يعمل بالشعار السوداني الذي يقول ( الجاتك في مالك سامحتك ) تحت شعار هذا المثل العجيب تهضم كثير من الحقوق وتذوب في عالم السماحة الاعرج .
ذهب عوض ايضا الى المتضررين من اصحاب الخضار واعدا اياهم بالتعويض ومعتذرا عن الذي جرى وكان يجري من زمان ...
بعد ان جمع اغراض علوية معها اوقف سيارة لتوصيلها الى المنزل وساعدها في رفع القفف ومودعا اياها وواعدا لها في اكمال الحديث قي اليوم الاخر . وانتظر ملوحا لها بعد ان تحركت السيارة غير مكترث من نظرات التعجب والاعجاب التي تكاد تخرق ظهره ..
كان يتمنى لو يركب معها ويسمع باقي القصة .. ولكن خاف ان يلوثها بالظنون وهي ( ما ناقصة )
تحركت علوية بالسيارة وهي تتمنى الا تفعل وتحس كانها تركت قلبها في يد ذلك الرجل الداقس العجيب والذي لم يفصح الا قليلا عما يحمل وهذا الساحر الكتوم والذي ظل لسنوات يدعي الهبل والتخلف ويعيش على الاتاوة والفتوة وما تجنيه عضلاته من ارهاب .. هي الان الشخص الوحيد الذي كشف هن جزء قليل من داخل عوض الداقس .,. بل هذا الجزء القليل كفيل بان ينير عقل كال من هو الان موجود بسوق الخضر ..
والى اللقاء
يا احلى عوراء
قالها عوض في نفسه بعد ان اختفت السيارة في اللفة .

[درديري كباشي]

وفي اول ليلة بعد آخر حرب ..

انفض كل اهل سوق الخضر .. وتفرقوا لمنازلهم .. وبقي عوض الداقس .. لانه كما ذكرنا جعل مسكنة سوق الخضر .. بعد ان تزوج اخواته ورحلن لبيوت ازواجهن .. هو اجر بيت والده كما فعل مع المصطبة .. استخرج سريره من مكانه المخصص ووضع فرشه .. واستخراج كتابا من كتبه التي اعتاد الاطلاع عليها قبل النوم .. ولكنه لم يستطيع التركيز لا في القراء ولم يحس بالنعاس .. بل شعر ان عقله اشتعل وبدا يعمل بطاقته القصوى ... وهو يفكر في هذه العوراء .. ويلوم نفسه كيف لم ينظر لها قبل ذلك تلك النظرة التي فجرت فيه اشياء كثيرة كانت ساكنة ومهملة منذ زمن بعيد .. كما فكر فيها كيف هي واجهت صعوبة الحياة وقاومت ورغما عن انها الى الان لم تقل له كيف فقدت عينها .. ولكنه شعر بان هذه العين راحت ثمنا لشئ غالي جدا لا تساويه كنوز الدنيا .. بنت ظلت طيلة عمرها منذ ان عرفت انها انثى تقاوم في الرجال ووجدت نفسها تعيش وسط مستنقع آثن الشر يحيط بها من كل جانب وذئاب تنظر اليها بشهوة ولا احد يدافع عنها وصدق من قال ان لم تصر ذئبا اكلتك الذئاب ..

استمر عوض يفكر حتى داهمه النوم

[مايسة]

نتابع بصمت

لدي قناعة دائما بان كل انسان قاسي او يدعي القسوة - ما هي الا قشرة خارجية وستار تخفي ما خلفها

[ساري الليل]

الرائع دوما درديرى

لك التحيه بقدر روعه الكلمات التي ترسم بها هذه اللوحه الرائعه

[درديري كباشي]

نتابع بصمت

لدي قناعة دائما بان كل انسان قاسي او يدعي القسوة - ما هي الا قشرة خارجية وستار تخفي ما خلفها


يا سلام عليك يا مايسة

ويقولوا تذهب النار خبث الحديد

والمواقف الصعبة مرات تاتي بنتائج ايجابية غير متوقعة

[درديري كباشي]

الرائع دوما درديرى

لك التحيه بقدر روعه الكلمات التي ترسم بها هذه اللوحه الرائعه

نشكرك يا ساري الليل ونرحب بيك وكل عام وانتم بخير

[درديري كباشي]

[]في الصباح الباكر
قام عوض كالعادة مع صلاة الفجر .. وبعد ما ذهب للمسجد القريب صلى وعاد الى السوق كعادته حيث يجلس عند حفصة يشرب منها الشاي مع قطع الزلابيا كوجبته اليومية .. ولكن تفاجا بان علوية نفسها حضرت مبكرة جدا كغير عادتها فهي عادة تاتي بعد شروق الشمس .. وجلست بعد ان انزلت قفافها من السيارة وبدات ترصها ذهب عوض ناحيتها ليساعدها ويستفسر عن سر حضورها المبكر من دون الايام ... وقالت له هي اصلا لم تنام ظلت تفكر حتى الصباح في احداث الامس .. وكيف تطور الامر بينهما بعد ان كانا اشهر عدوين بالسوق ..

قال لها عوض : هو نفسه نام بصعوبة نوما متقطعا وكان يتعجل شروق الشمس حتى يراها وها هي تحضر حتى قبل شروق الشمس ..

بعد ان انزل اقراضها معها قال لها انه لم يعد يطيق الصبر ومتشوق لسماع باقي قصتها قبل ما يتجمع ناس السوق واحسن شئ طالما هي حضرت مبكرة ..

وبعد ان جلست العوراء في مقعدها ورصت بضاعتها .. دخلت في موجة اكمال القصة ..

وقالت : كان احد السكارى وهو من زبائن امها شخص سئ كثيرا ما يتحرش بها ويغازلها .. وفي يوم ما وامها غائبة في مشوار حضر هو وهاجمها محاولا اغتصابها وهي قاومته بكل شدة الا ان فلت منه صباعه وغرص في عينها وفقئها .. وهي ظلت تصرخ من الالم الشديد وتجمع الناس والجيران وانقذوها من السكران .. وحضرت امها في تلك اللحظة وبعد ما تم نقلها للمستشفى .. شفيت هي ولكن اصبحت بلا عين .. اما امها فاصابها الشلل لانها رات انها هي السبب .. و قالت لاني بقدر ما حاولت ان انشلها من هذا المستنقع الغذر كانت هي تصر على المواصلة بحجة انه ليس لدينا مصدر رزق غيره .. امي لم تعد تتحمل ان تراني بعين واحدة انتشرت قصتي وتركت انا الدراسة قبل امتحان الشهادة الثانوية باسبوع وبعدها توفت والدتي .. وتركت لي مسئولية الصغار لوحدي .. اول خطوة خطوتها هي الخروج من هذا المكان الغذر .. ولحسن الحظ كانت امي قد اكملت بناء البيت وكانت على وشك ان تؤجره حتى تستفيد من دخله .. نحن انتقلنا للبيت في حي جديد وبعيد جدا عن ذاك المستنقع .. وحرصت انا على تعليم اخوتي وتحمل المسئولية ... وفي ذات الوقت تطور لدي ونمى جدا كرهي للرجال .... بدءا من والدي ومرورا بذاك السكران الذي فقدت بسببه عيني وامي .. وهذا هو الجرح الذي نكاته انت عندما حللتني وقلت انا عندي عقدة ضد الرجال ..انا في الاول فكرت انه ابيع الشاي في موقف الشحانات ولكن تفاجات بوسط هناك لا يقل عن زبائن امي وكلهم ينظرون الي نظرة الذئاب وتعبت من الصراع .. الى ان نصحتني احد الاخوات بان اذهب وابيع في سوق الخضار لانه هناك كل الناس محترمين .. وجئت الى هنا كماتعرف من سنة او اكثر وشاهدتك انت .. ابت تمل عيني الواحدة من النظر اليك .. لذلك كانت مشاعري تجاهك محيرة الى آخر لحظة ماكنت اعرف هل انا بحبك ام بكرهك .. المهم كل ما اراك احس بان جسمي اشتعل نارا واكاد اتناول اي شئ وارميك به .. الى ان جيت انت يادكتور يا نفسي وشرحت لي نفسي .. وقلت انه انا بحبك ولكن اخاف من هذا الحب واقاومه لانه احس بانه ضعف تجاه الرجال .. وانت عرفته بخبرتك ووضعت العقدة في المنشار ولكن ماكنت عارف السبب ..
وانا اعتقد بعد ما عرفت قصتي تكون استبعدت فكرة الزواج من راسك خالص .. وبديت تنظر لي كخضراء الدمن .. واكيد انك تفضل البقاء من غير زواج على ان تتزوج مثلي .. تعرف الفرق بيني وبينك هو انت اخترت حياتك بنفسك .. كان ممكن تعيش في بيتك وتتزوج اي واحدة تتمناها وتعيش مثل والدك .. لكن انا كنت رافضة حياة امي وما استطعت ان اجد لها بديلا بسبب حكم المجتمع القاسي .. المجتمع كان يدفعتي دفعا بالقوة لاسلك سلوك امي وانا رفضت ورغما عن اني فقدت عيني لمقاومتي واصراري على الرفض .. انما العين التالفة اصبحت رمزا للشر بدلا ان تكون وساما للشرف في وجهي .. ..

رفعت علوية راسها لتفاجا بان عوض خدوده تسيل دموعا .. حتى لم يستطع ان يرفع راسه ليواجهها ..

وقال لها : علوية انت اشرف وانقى امراه عرفتها في حياتي .. وياريت لو تتواضعي وتقبلي تتزوجي واحد مثلي .. بل هذه العباره مفروض تسمعيها من اكبر شخص في البلد مكانة .. للاسف انه الناس وسائل تقييمهم لبعض اصبحت ظالمة ..

وللمره الثالثة علوية ارجوك وافقي اتزوجيني على الاقل نكمل مشوار الحياة القاسي مع بعض .. صدقيني نحن حياتنا ليست كلها مرة بل نحن حياتنا بطعم ونكهة ثمر اللالوب مرة وحلوة ورغما عن ان المرارة فيها اكثر الا انها مستساقة ولذيذة ..

ابتسمت علوية لهذا التعليق ..

وقالت :اذا نكمل اللالوب مع بعض مافي مانع

( اللالوب هو ثمرة شجر الغابات الذي يعرف بالهجليج ويعتبر من الثمار البلدية التي توجد في السودان فقط طعمها خليط بين الحلاوة والمرارة و لها قشرة صلبه

[أبورهف]

القصة ممتعة وواقعية بس بينى وبينك خمشة الفول البشيلوها الناس من صوانى ستات الفول دى ظاهرة ماجميلة وحقو الناس البتمارسها دى تخليها لانو دا اكل عييييييييييييييييييش الزى ناس العورء
وشكرا على القصة الجميلة

[moh_alnour]

شكرا ً أبو الدُر على هذا الإمتاع
فقد قرأت القصة و أنا أرسم في مخيلتي صور شخوصها الذين أكاد أجزم بأني صادفت أحدهم بل جميعهم
فروعة القصة تكمن في ملامستها للواقع بصورة تنطبق على مجتمعنا السوداني بصورة مُدهشة
لك الود و التقدير و لا تحرمنا من فيض هذا الخيال الخصب الذي حباك الله به
ملحوظة : دعني ألفت إنتباهك أخي درديري للخلط بين حرفي ( الذال و الزين و القاف و الغين ) و التي أفرغت بعض الكلمات عن معانيها
مثل ( الذُرة التي كُتبت الزرة ) و ( أغراضها التي كُتبت اقراضها ) و ( مُستساغة و التي كُتبت مستساقة )
مع عميق و دي و تقديري

[محمد الجزولى]

الحبيب ابو الدر
تشابك بين الواقع والخيال بصوره مدهشه
القصه يمكن اسقاطها على الكثير من امور حياتنا
سياسيه – اجتماعيه –
تعاطفت جدا مع عوض الداقس فهو يحمل فى دواخله انسان نقى السريره ..
مثقف ..يقراء حتى وهو وسط الجرجير والليمون
لكن بى صراحه يا اخوى الدرديرى... ما عجبتنى العوارء .. ووقفتها فى السوق وهى تثور وتسخط
احس بان عوض الداقس ده ح يتمقلب لو عرسها ... ( يعنى ح يدقس فعلا)
عليك الله يا الدرديرى اخوى قول للداقس ده يتريث شويه
متابعين ومستمتعين
لك ودى

[حاتم مرزوق]

سبقت له كفي بعاجل طعنةٍ
ورشاش نافذةٍ كلون العندم
ومدجج كره الكماة نزاله
جادت له كفي بعاجل طعنة
فشككت بالرمح الأصم ثيابه
لما رآني قد نزلت أريده
فطعنته بالرمح ثم علوته
بمهندٍ صافي الحديدة مخذم


المبدع درديري

ليس أقل من أن أبدأ مداخلتي بهذه الأبيات التي لم أجد أقوي ولا أمتن منها، لتليق بالحرب الضروس التي تنشب بين الفينة والآخري بين داقس والعوراء، وكلاهما أشرس من الآخر.

تأخرت عمداً حتي تكتمل خيوط هذه الفنتازيا المعبرة التي تعكس التفاعل والأحتكاك اليومي بين الناس في جميع ملتقياتهم ، أسواقهم ، أفراحهم وفي أتراحهم . كل مشهد من مشاهد هذه القصة يشكل قصة قائمة بذاتها ويصلح ان يكون نواة، تتفرع منها أحداث كثيرة تتناسق مع صياغ و مفردات وخصوصية المجتمع الذي تدور في رحاه هذه السلسلة من الأحداث.

أشد ما أستوقفني في سلالة هذه الأحداث المتفرعة،إثارتها التي تجبرك علي الأندماج التلقائي فيها وفي بساطة مفرداتها، مما يدلل علي أمرين الأول هو، سلاسة العبارة التي تأتي دون تكلف وبتلقائية متناهية وذلك الذي أكسبها السحر الجاذب و الأمر الثاني هو طبيعة اللغة التي تؤطر لشعبية المجتمع الذي نشأت فيه الأحداث وتحصر القاري في هذا الأطار حتي لا يشعر بأي نوع من الغربة اثناء تعايشه مع أحداث القصة.

لعل تجربة الدرديري وتفاعله مع كل فئات المجتمع وتنقله في ربوع أرض السودان الغنية بالموروث الشعبي نمّت عنده ذاكرة جبارة تعينه علي الأستحضار والأسترسال كما ان الأفكار تنشأ عنده مرتبة وتلقائية و هنا يكمن سر تفاعل القارئ مع ما يكتب درديري.

لعلي اليوم قد أتيتك بثوب جديد ارجو ان اكون أهلاً له وهو ثوب قراءة بين السطور فيما تكتب والخلاصة انني خرجت مستمتعاً ومعلقاً بما جادت به نفسي علي هذا السرد الأنيق.

[درديري كباشي]

القصة ممتعة وواقعية بس بينى وبينك خمشة الفول البشيلوها الناس من صوانى ستات الفول دى ظاهرة ماجميلة وحقو الناس البتمارسها دى تخليها لانو دا اكل عييييييييييييييييييش الزى ناس العورء
وشكرا على القصة الجميلة

نشكرك يا ابو رهف على الحضور

وملاحظتك في محلها حكاية خمشة الفول والضواقة من البائعين تغيظ فعلا تخيل لو كل ماري اخذ خمشة اكيد المسكينة راح تخسر

[درديري كباشي]

شكرا ً أبو الدُر على هذا الإمتاع
فقد قرأت القصة و أنا أرسم في مخيلتي صور شخوصها الذين أكاد أجزم بأني صادفت أحدهم بل جميعهم
فروعة القصة تكمن في ملامستها للواقع بصورة تنطبق على مجتمعنا السوداني بصورة مُدهشة
لك الود و التقدير و لا تحرمنا من فيض هذا الخيال الخصب الذي حباك الله به
ملحوظة : دعني ألفت إنتباهك أخي درديري للخلط بين حرفي ( الذال و الزين و القاف و الغين ) و التي أفرغت بعض الكلمات عن معانيها
مثل ( الذُرة التي كُتبت الزرة ) و ( أغراضها التي كُتبت اقراضها ) و ( مُستساغة و التي كُتبت مستساقة )
مع عميق و دي و تقديري


تعرف يا ود النور انا اساسا كنت بكتب على الورد ثم انسخ على المنتدى .. والورد يساعدني على التصحيح .. لكن هذه القصة بالذات لاني كنت متحمس لها فهي من الراس للكراس .. وزي ما عارف نحن السودانيين ننكتب مما ننطق ...

ليك علي بس تخلص واقعد انضفها ليك زي الرز .

[درديري كباشي]

الحبيب ابو الدر
تشابك بين الواقع والخيال بصوره مدهشه
القصه يمكن اسقاطها على الكثير من امور حياتنا
سياسيه – اجتماعيه –
تعاطفت جدا مع عوض الداقس فهو يحمل فى دواخله انسان نقى السريره ..
مثقف ..يقراء حتى وهو وسط الجرجير والليمون
لكن بى صراحه يا اخوى الدرديرى... ما عجبتنى العوارء .. ووقفتها فى السوق وهى تثور وتسخط
احس بان عوض الداقس ده ح يتمقلب لو عرسها ... ( يعنى ح يدقس فعلا)
عليك الله يا الدرديرى اخوى قول للداقس ده يتريث شويه
متابعين ومستمتعين
لك ودى

وينك يا حبيب والله فاقدنك وحمد لله على السلامة ..

ومالك حامل على المسكينة العوراء حاتبقى عليها انت والزمن يا الجزولي يا اخوي . ملاحظاتك على القصة حا ارد عليها مع رد الاستاذ حاتم لانه تعليعه شبيه بتعليقك .

[درديري كباشي]

سبقت له كفي بعاجل طعنةٍ
ورشاش نافذةٍ كلون العندم
ومدجج كره الكماة نزاله
جادت له كفي بعاجل طعنة
فشككت بالرمح الأصم ثيابه
لما رآني قد نزلت أريده
فطعنته بالرمح ثم علوته
بمهندٍ صافي الحديدة مخذم


المبدع درديري

ليس أقل من أن أبدأ مداخلتي بهذه الأبيات التي لم أجد أقوي ولا أمتن منها، لتليق بالحرب الضروس التي تنشب بين الفينة والآخري بين داقس والعوراء، وكلاهما أشرس من الآخر.

تأخرت عمداً حتي تكتمل خيوط هذه الفنتازيا المعبرة التي تعكس التفاعل والأحتكاك اليومي بين الناس في جميع ملتقياتهم ، أسواقهم ، أفراحهم وفي أتراحهم . كل مشهد من مشاهد هذه القصة يشكل قصة قائمة بذاتها ويصلح ان يكون نواة، تتفرع منها أحداث كثيرة تتناسق مع صياغ و مفردات وخصوصية المجتمع الذي تدور في رحاه هذه السلسلة من الأحداث.

أشد ما أستوقفني في سلالة هذه الأحداث المتفرعة،إثارتها التي تجبرك علي الأندماج التلقائي فيها وفي بساطة مفرداتها، مما يدلل علي أمرين الأول هو، سلاسة العبارة التي تأتي دون تكلف وبتلقائية متناهية وذلك الذي أكسبها السحر الجاذب و الأمر الثاني هو طبيعة اللغة التي تؤطر لشعبية المجتمع الذي نشأت فيه الأحداث وتحصر القاري في هذا الأطار حتي لا يشعر بأي نوع من الغربة اثناء تعايشه مع أحداث القصة.

لعل تجربة الدرديري وتفاعله مع كل فئات المجتمع وتنقله في ربوع أرض السودان الغنية بالموروث الشعبي نمّت عنده ذاكرة جبارة تعينه علي الأستحضار والأسترسال كما ان الأفكار تنشأ عنده مرتبة وتلقائية و هنا يكمن سر تفاعل القارئ مع ما يكتب درديري.

لعلي اليوم قد أتيتك بثوب جديد ارجو ان اكون أهلاً له وهو ثوب قراءة بين السطور فيما تكتب والخلاصة انني خرجت مستمتعاً ومعلقاً بما جادت به نفسي علي هذا السرد الأنيق.


تعرف يا استاذ حاتم انا دخلت في تحدي مع نفسي قلت كتجربة احاول اكتب قصة .. تجمع بين الكوميديا والتراجيدا والرومانسية .. والسياسة والمشاكل الاجتماعية .. وصراعات المجتمع .. والنشاط الاقتصادي ..

وردك والله جعلني احس بارتياح وكاني نجحت .. وبدليل انه بعض الاخوة قراها بوجهها السياسي .. وانا تعمدت ادخل عبارات تستخدم عادة في السياسة ( كالدور النضالي .. للبطيخ ) وفي ذات الوقت الصراع الدائر بين البطلين شبيه الى حد ما صراع السلطة في السودان بين شريكي الحكم .. ثم بعد ذلك الصراع الاجتماعي وقسوة المجتمع والاحكام المطلقة الظالمة والتي تطلق على اطفال ابراياء بجريرة اهلهم .. كما عبرت عنه العوراء وقالت ان المجتمع يدفها دفعا نحو الرزيله .. في المدرسة يعاملها زميلاتها بعزلها .. لم يشفع لها تفوقها ... متربية في بيت لم يشكل لها الامان .. بل يكاد يكون الشارع اكثر امنا من بيت امها ..

هذه الاسقاطات كما سماها الجزولي هي ليست بمعزل عن الواقع ... هي موجودة حولنا هو ذا مجتمعنا تتغير الحكومات والسياسات ولكن يظل مجتمعنا تحكمه موروثات قاسية لاتنتمي لدين او عقيدة ..

[درديري كباشي]

عدنا
اندمج عوض وعلوية في الحديث الهامس ولم ينتبهوا الى انه اهل السوق بداوا يتجمعون ويفتحوا محلاتهم .. والكل مستغرب للحديث الهامس الذي يدور بين العدوين اللدودين وتتخلله ضحكات بعض مرات .. فجاه رفع عوض راسه ليكتشف بانهما اصبحا محط انظار الجميع . وقام عوض مسرعا وهو واقف قائلا لعلوية : بعد الزواج تاني سوق مافي تفضلي في البيت تربي الاولاد وانا علي جمع الرزق ..
قالت : ما في مانع بشرط انت تبطل شغلك الحالي وتشتغل تبيع مثل باقي الناس ..
وقال عوض : هذه اول خطوة انا فكرت اعملها ومن هنا رائح لعم عثمان مؤجر مسطبتنا .. انه لازم يخليها لي نهاية الشهر ...
وفعلا قام عوض اولا متجها ناحية عم خضر والذي تزعم مشيخة السوق بعد وفاة والد عوض ولاحظ زهد عوض فيها .. واخبره بالمفاجاه ودار بينهم الحوار التالي ..
عوض: السلام عليكم يا عم خضر .
عم خضر : اهلا يا عوض ولدي امس ما سالنك المشكلة وصلت وين شايفك من الصباح ترضي في العوراء لعلها ما فتحت فيك بلاغ ولا شئ ؟؟.
عوض : لا يا عم خضر .. وانا جاييك في موضوعين .. الاول اهم لانه انا عاوز افتح مسطبة ابوي وابيع زي زيكم .. عاوزك تكلم عم عثمان عشان يفضيها لاني انا محرج منه ..
عم خضر : ما شاء الله والله دا اسعد خبر سمعته والخبر الثاني شنو ؟؟
عوض : انا عاوز اتزوج واستقر زي باقي الناس ( قصد عوض ان ينقل المفاجاه لعم خضر في جرعات ) ..
عم خضر بعد ما اشرق وجهه بابتسامة عريضة ( الظاهر عليه عنده حاجات بايرة في البيت ) ابشر يا ولدي انت بس اشر وانا ليك علي ازفها وادخلها ليك في بيتك .... اها ومين سعيدة الحظ دي ..
عوض : هي علوية العوراء ..
عمر خضر مندهشا وجاحظا عينيه ..: يا راااااااجل ..
خرجت الكلمة بصوت عالي لفتت نظر علوية والتي عرفت بغريزتها ان الحديث يدور حولها وخاصة بعد ما التفت عم خضر ناحيتها والتفت الى عوض مواصلا حديثه .
قال: علوية العوراء الشريرة المسترجلة الما معروف اصلها من فصلها ما غيرها ؟؟..
تفاجا عم خضر بنهرة من عوض : احترم نفسك يا عم خضر .... واستدرك .. آسف في الحقيقة علوية دي اشرف امراه انا عرفتها في حياتي .
عم خضر ويبدو عليه الغيظ : هو انت عرفت حريم وين ما طول عمرك مقفول في سوق الخضار .. وهو سوق الخضار فيه حريم غير ستتات الشاي والكسرة والويكة .
عوض بدا يتضايق من عم خضر : عم خضر انا حبيت اعلمك من باب العلم بالشئ ما جيت اشاورك او اخذ رايك باعتبار انك كبيرنا هنا في السوق فقط .. لو ما عاوز تتولى الموضوع وتكلم الناس .. في ناس كتار وممكن يتولوا المهمة في سرعة البرق .. ونحن ناوين نعمل العقد هنا يوم الجمعة ( رغما ان عوض لم يناقش هذا الامر مع علوية الا انا عم خضر اثاره ولذلك قرر ان يحسم الموضوع )
عم خضر خاف ان زمام الامور وزعامة السوق تفلت من يده لو تولى شخص آخر زواج عوض الداقس من علوية العوراء ..واستدرك : قائلا لا لا لا يا ولدي .. انت ولدي الوحيد وانت عارف انه انا ربنا ما رزقني اولاد بنات بس ( تلميح زكي وغبي ) وانت زي ولدي وما في حد حا يعرس ليك غيري ...
وهنا رجع عوض لعلوية وقال لها انه عقد زواجنا سيكون يوم الجمعة ... تعرفي اي واحد من اقاربك ممكن نتقدم له .. قالت انه عندها عم متنكر لهم منذ حياة والدهم وحتى بعد وفاته لم يسال عنهم ولا تعرف له مكانا .. وقال على كل حال نحن زواجنا يوم الجمعة عندك مانع ؟؟ هذت راسها بالنفي وهي تتبسم خجلا ..

ورجع عوض لعم خضر واخبره بموافقة العروس ..

وصعد عم خضر في اعلى مسطبته وبدا يصفق حتى هدات همهمة السوق تماما ووقف الناس منصتين وقال لهم : اسمعوا يا اخواننا ... ابننا عوض الشهير بعوض الداقس وبنتنا علوية الشهيرة بالعوراء .. كلكم بتعرفوهم معنا هنا في السوق .. وانشاء الله حيكون زواجهم يوم الجمعة هنا في سوق الخضار .. بعد صلاة العصر حنعقد لهم هنا وكلكم تحضروا ..
صدرت همهمات من اهل السوق هي مزيجا من الاستهجان والاندهاش والاستغراب .. وتلفتت الرؤوس وصفقت الايادي استعجابا واستغرابا .. غطبت وجوه وتبسمت اخرى .. وسط هذا الاندهاش انطلقت زغرودة من حفصة بائعة الشاي وتلتها عدة زغرودات وبعدها انهال الناس على عوض وعلوية يباركون لهما ..
وبعدها ذهبت علوية الى بيتها اذا انه اليوم الاحد لم يتبقى لها الا ايام قلائل تحاول ان تستعد قدر الامكان فيها .. ذهب معها بعض صديقاتها الشابات من بائعات الشاي ..
اما عوض جلس في وسط السوق و (الخضرجية ) ملتفين حوله تدور في رؤوسهم اسئلة كثير ولكنها تابى ان تخرج خوفا من بطش عوض .. هم لم ينسوا انه هو لازال عوض الداقس الرجل المتهور الذي يمكن ان يقذف باي شئ يقع في يده .. بعضهم حمد الله في ان عوض هذا لم يكون ميكانيكي في ورشة والا كان ضحاياه بالالاف .. اما هنا فالاصابات لا تتجاوز البطيخ والقرع ..
سنعود

[مصطفى هاتريك]

ومن هنا سيبدا مسلسل القصة الخضارية الضاربة في الجزر والفجل حرب داقس والعوراء . [/right][/color][/size][/QUOTE]

سيناريو جميل مافي كلام
شجعني كتير بالإضافة لرأي كريم من الأخ عمر الماحي
لطرح بوست يحوي محاضرات في صناعة الدراما وكتابة السيناريو
مادامت المواهب موجودة في المنتدى

[moh_alnour]

( الظاهر عليه عنده حاجات بايرة في البيت )

:p كشف حال شديد :p

[درديري كباشي]

ومن هنا سيبدا مسلسل القصة الخضارية الضاربة في الجزر والفجل حرب داقس والعوراء . [/right][/color][/size]

سيناريو جميل مافي كلام
شجعني كتير بالإضافة لرأي كريم من الأخ عمر الماحي
لطرح بوست يحوي محاضرات في صناعة الدراما وكتابة السيناريو
مادامت المواهب موجودة في المنتدى[/quote]

نشكرك يا مصطفى حضورك ومشاركتك في حد ذاتهم حافذ .. ويا ريت لو تنطلق نهضة درامية من ود مدني .. لطالما كانت ودمدني نقطة لانطلاق الفن في كل السودان

[درديري كباشي]

:p كشف حال شديد :p

انتو اصلا ما تفوتوا حاجة .. يعني دي كتبتها بين قوسين وعم خضر ذاته ما لاحظ ليها

[درديري كباشي]

النهاية في يوم العرس
عدت الايام سريعا لياتي يوم الجمع الموعود .. حقيقة تلك الايام لم تعدي بدون عمل او نشاط .. اذا ان عوض تحرك فيها حركة مكوكية منها ابلاغ اهله واقناع اخوته بعروسته .. وقبولهن على مضض كشئ طبيعي ومتوقع .. لكن على رايهن هي افضل من سكنة السوق .. على الاقل يكون عنده بيت واسره .... وكذلك اشترى عوض بصحبة اخوته ملابس الشيلة بعد ان جمع كل مدخراته والايجارات المستحقة من ممتلكاته تجمع عنده مبلغ غطى تكاليف الزواج .
اما هنا اهل الملجة ( سوق الخضار) نظفوا الميدان المجاور لسوق الخضار واحضروا الصيوانات والكراسي ونصبوها .. وحتى الوليمة لم تكلف كثيرا لان الجزارين وهم رفقاء درب الخضرجية احضروا الخراف مذبوحة هدية من عندهم كما تولا الخضرجية جانب الخضار .. وقام النساء البائعات بدور الطبخ ..
وفي ذلك اليوم تم دعوة معظم تجار السوق وتم عقد القران بسوق الخضر حيث يسكن ويعيش ويعمل عوض .. وفي حوالي الساعة اثنين تجمع المدعوون .. وانتشر الخبر في المدينة اذا انه اول مناسبة خاصة تقام بالسوق ..
وبعد صلاة العصر وبالمسجد المجاور تم عقد قران عوض الداقس على علوية العوراء .. ومنها سافر الزوجان لقضاء شهر العسل بمدينة اخرى .. وبدات مرحلة جديدة لحياة معقدة وتقاطع كثير من الخطوط المتشابكة والاسئلة المحيرة التي تكمن خلف الانسان ككائن غريب ملئ بالمتناغضات .. وهل يمكن ان تنقلب العداوة الى محبة ام ان العداوة هي اصلا درجة من درجات الحب .
ترك عوض وزوجته علوية كثير من الاسئلة الحائرة في نفوس كل من تركوهم خلفهم .....
لكن في النهاية تحولت قصتهم الى قصة روتينية مثل باقي حياة الاخرين .. رجل يعمل وتنتظره زوجة في البيت تربي العيال وتقوم بخدمة الجميع كسنة الحياة والفطرة التي فطر بها ابونا آدم ومنا حواء .

[مايسة]

نهاية سعيدة - الأخ الرائع درديري

في كثير من الاحيان تعتبر العداوة درجة من درجات الحب فعلا

[عاطف عولي]

هوي يا درة الجماعة ديل حجزت ليهم في هبتون كسلا.

ما تاخرم علي منتظرم هناك.

تابع قطعت نفسنا وشحتفت روحنا.

وكلام من شدة ما دسم لمن الواحد جنبوا سفن اب عائلي عله يفرج التخمة شوية.


ود النور عرف علوية وانا عرفت عوض!!!!!!!!!!!!

[الملكة اسماء ( ام محمد )]

الظابط : علوية العوراء


اول مرة يلاحظ انه عوضية العوراء


:):d:d:d:)


استاذي ابو الدُر
عذرا لتاخري عن الانضمام لجمهور هذه الرائعة
جئت اعلن حضوري المتاخر
ولي عودة لقراءتي العامة للقصة
كن بخير

[moh_alnour]

لكن في النهاية تحولت قصتهم الى قصة روتينية مثل باقي حياة الاخرين

تعرف يا أبو الدُر العبارة الفوق دي في حد ذاتها فيها إيحاء و تحفيز بأفكار كثيرة أثق أن الدرديري يمكن أن يُخرج منها الكثير
ففي ونسة عفوية مع أحد الأصدقاء المقبلين على الزواج و كعادة كل الشباب المقبلين على الزواج و الذين همهم الأكبر هو الإيفاء بتفاصيل و طقوس
الزواج الكثيرة في مجتمعنا السوداني و التي تجعل الشاب في حالة من التفكير و الشرود و السرحان
قلت له ستصبح كل تفاصيل هذا الزواج بخيرها و شرها ذكريات بعد أن كانت في وقت ما مادة دسمة تتناولها ألسن الجميع
و يجد الزوج و الزوجة أنفسهم بعد هذه الأيام في حياة جديدة فيها كثير من المطبات التي يجب عليهم أن يواجههو لوحدهم بمعزل عن كل هاؤلاء
شكرا ً درديري مرة أخرى على هذا الإمتاع

[درديري كباشي]

نهاية سعيدة - الأخ الرائع درديري

في كثير من الاحيان تعتبر العداوة درجة من درجات الحب فعلا

مشكورة يا مايسة حضورك والصبر علينا في قصة طويلة نسبيا بمقاييس المنتديات

[درديري كباشي]

هوي يا درة الجماعة ديل حجزت ليهم في هبتون كسلا.

ما تاخرم علي منتظرم هناك.

تابع قطعت نفسنا وشحتفت روحنا.

وكلام من شدة ما دسم لمن الواحد جنبوا سفن اب عائلي عله يفرج التخمة شوية.


ود النور عرف علوية وانا عرفت عوض!!!!!!!!!!!!


تمام يا عولي

انا كمان قلت ليهم روحوا كسلا

ووصيت هلنا هناك يعملوا ليهم رحلات في السواقي

وقلت للبنات حسكم عينكم تجيبوا سيرة العين ..

قالوا لي عين شنو ؟؟

قلت ليهم معارف انتا غايتو حزرتكم ..

[درديري كباشي]

:):d:d:d:)


استاذي ابو الدُر
عذرا لتاخري عن الانضمام لجمهور هذه الرائعة
جئت اعلن حضوري المتاخر
ولي عودة لقراءتي العامة للقصة
كن بخير


تعرفي يا اسماء عشان كدا وجودك كان مهم من البداية زي ما حدث في القصص الاخرى .. ( نسيبته قالت شوية .. وحوار مع محبط ) لانه في غلطات حبوبات زي الانت لاحظتي ليها انا ما بنتبه ليها وخاصة لامن يكون ( النجر من الراس للكراس ) وانا للحين مالقيت فرصة عشان اقرا القصة من اولها كقطعة واحدة .. المهم انا منتظرك وانكتي العينات دي بدون ما تقولي لزول .

[درديري كباشي]

تعرف يا أبو الدُر العبارة الفوق دي في حد ذاتها فيها إيحاء و تحفيز بأفكار كثيرة أثق أن الدرديري يمكن أن يُخرج منها الكثير
ففي ونسة عفوية مع أحد الأصدقاء المقبلين على الزواج و كعادة كل الشباب المقبلين على الزواج و الذين همهم الأكبر هو الإيفاء بتفاصيل و طقوس
الزواج الكثيرة في مجتمعنا السوداني و التي تجعل الشاب في حالة من التفكير و الشرود و السرحان
قلت له ستصبح كل تفاصيل هذا الزواج بخيرها و شرها ذكريات بعد أن كانت في وقت ما مادة دسمة تتناولها ألسن الجميع
و يجد الزوج و الزوجة أنفسهم بعد هذه الأيام في حياة جديدة فيها كثير من المطبات التي يجب عليهم أن يواجههو لوحدهم بمعزل عن كل هاؤلاء
شكرا ً درديري مرة أخرى على هذا الإمتاع


تمام يا ود النور

قبل كدا كان قلت ان كل انسان عايش في هذه الدنيا هو عبارة عن قصة او رواية .. ولكن ليس كل هذه القصص تستحق ان تحكي .. عادة عندما تقرا رواية فانت تبحث عن المسار الغريب لابطالها والذي لا يوجد في الحياة بصورة طبيعية .. والا اصبحت الرواية مملة جدا ..

بمعنى مثلا شخص موظف اتزوج بنت عمه زواج تقليدي دون اي مشاكل او صعوبات .. لم يفرضها عليه احد اختارها بمزاجه .. وهي واهلها وافقوا .. انجبوا اطفالا ادخلوهم المدارس .. وسارت بهم الحياة في دورتها .. توجد الاف بل ملايين النمازج من هذا النوع .. لكن لن تجد قصة او رواية من هذا النوع .. وان وجدت لن تجد من يقراها ..

لذلك الناس عادة يبحثون عن قصص الحب المستحيل

والعداوة التي تنقلب لمحبة


والعوائق المعقدة

ومن ثم تزليلها .. وانتصار الابطال والنهاية السعيدة

باختصار الناس يبحثون عن الاشياء الغير متوفرة في حياتهم الطبيعية والعادية ,, ويبحثون عن المغامرات التي لا يستطيعون ان يخوضوها بارادتهم ..

[محمد النصيح]

السلام عليكم
والله يااوي الدرديري كباشي قصتك دي ماقادر اوصفها لكن دامت حروفك لينا
وقصصك الرائعه ودام لنا كل احبتنا في مدني الحبيبه

[درديري كباشي]

السلام عليكم
والله يااوي الدرديري كباشي قصتك دي ماقادر اوصفها لكن دامت حروفك لينا
وقصصك الرائعه ودام لنا كل احبتنا في مدني الحبيبه

مشكور جدا الاخ النصيح على هذه الاطلالة الرائعة والكلام المحفذ