تعالو شوفو يا حريم جنس ده (ممنوع دخول الرجال)

[سماحة]

8300
شفتوا الدهب ده كيف
نغني يعني ولا شنو

[الملكة اسماء ( ام محمد )]

ممكن تعيدي تنزيل الصورة
لانها ماظاهرة

[عبدالله محمد العقاد]

الغالية سماحة

ممكن تغيري موقع التحميل و يا ريت تغير عنوان البوست مثل ممنوع دخول العزابة ( امثال عقبة ومحمد النور ) لكن نحن المتزوجون عندنا خبرات في الذهب ممتازة

ياريت تستعمل موقع التحميل دا
http://up.damasgate.com/




و دي صورة برضو للدهب :


http://up.damasgate.com/files/ynwlrry6wqigsottbpw5.jpg (http://up.damasgate.com/)

[الملكة اسماء ( ام محمد )]

لكن نحن المتزوجون عندنا خبرات في الذهب ممتازة





و دي صورة برضو للدهب :


(http://up.damasgate.com/)


حاسة انها نفس الصورة :)



همسة : لكن خبرتكم الوراها ( نقة ) دي يسو بيها شنو ؟:o

[أبو جودي]

قال من خش قال ،، اهه بستأذنك أختنا سماحة
ما ده المعزبنا وتقولي ما نخش أهه أخوي جاب ليك الذهب الما خمج ،،، بس ما وريتنا خليجي ولا سوداني ولا بحريني ،،،،
وشكلها سماحة عاوزة تتور علينا النايمات ،،، بس ما يكون فالصو ،،،

[الملكة اسماء ( ام محمد )]

وشكلها سماحة عاوزة تتور علينا النايمات ،،، بس ما يكون فالصو ،،،

:p:D:D:D:p

[النويري]

قال من خش قال ،، اهه بستأذنك أختنا سماحة
ما ده المعزبنا وتقولي ما نخش أهه أخوي جاب ليك الذهب الما خمج ،،، بس ما وريتنا خليجي ولا سوداني ولا بحريني ،،،،
وشكلها سماحة عاوزة تتور علينا النايمات ،،، بس ما يكون فالصو ،،،

وبعدين يا سماحة معاك أنحنا لو مادخلنا قدر دا البجيبو منو قولي لي بس سماحة مرات بتهدي خاتم وزنوا 2 جرام بتتقبلوا الزوجة كأنوا كيلو كامل بس كيف نصل للمرحلة دي
أبو جودي حبيبي أخبارك أنت النائم هو أصلاً في دهب سوداني وبعدين بيقولوا ندى القلعة عندها صفيحة ملانة دهب وعندي سؤال من وين جات التسمية لندى وتم إرفاق حي القلعة مع أنو أنا عارفها كويس من مرنجان حلة حسن يعني إلا مارنجان بقت القلعة وكده

بالمناسبة دي يا أخواتنا كم سعر الجرام اليوم للبحريني والسعودي سمعت الذهب ذاد قبل الحج اليوم أخبارو شنو

أفيدونا جزاكم الله كل خير

[أبو جودي]

أخونا النويري من ناحية أخوك نايم نوم دي صاح ،،، بس ما تصحوا لينا الجماعة ،،،، وشد حيلك الذهب السوداني أنا سامع أنه بقى بــ 180 للجرام واحتمال أزيد ،،، أهه ما أخير ليك السوداني من السعودي والبحريني لأنه ديل أغلى من السوداني
وشاهد أخبار اليوم بتلقى السعر والله يكون في عونك ،،،،
همسة غايتو أنحنا هديتنا ليك من حسه حلق وطبعاً الحلق ما بسألوا فيه كم جرام المهم شكله ،،،،
ولك تحياتي ولأختي سماحة

[بت مارنجان]

سماحة دة فالصو سااااااااااااااااااااااااااااي واساليني انا :p
نحكي ليكم القصة دي وهي حقيقية مية المية ;)


في احدي المرات والنسوان مكوعات في بيت " عشا الحنانة " كان محور الحديث حول
الذهب وعيار كم والسعر زاد نقص وكدي يعني ...
المهم دخلت وحدة سنننننننننة وتقع من كترت الدهب اللابساه :eek:
النساوين جت عليهن استعدلن في قعدتن وفتحن عيونن يتفرجن ....
الدهب اللابساه المرة دي يشتري الخرطوم بي ناساها :o

وطبعا الهدوء خيم علي المكان في انتظار انو المرة تعرف بي نفسها ويعرفوها " زوجة منو في المسعولين " .... ولا تاجر بتاع " كسر " طبعا ال " كسر " دي ماحيفهما الا
" ود مدثر " والشغالين في السوق :p

المهم :

جلست السيدة وصلحت التوب والرقبة كدي والقصص ظهرت والنسوان يتفرجن ....
وحدة شليقة كدي قالت الا تمشي تتعرف عليها ... اها قعدت ازيك انا فلانة ساكنة في " الطائف " وانتي ؟؟؟

انا فلانة وجاية من " ابو آدام :eek: "

وجاية من ابو آدم للحنة :eek:

اي انحنا عشوشة دي مابنبدلها وزوجي قال لي ماتتحني بالصبغة " طبعا عشوشة دي
بتحنن بالنشادر ;) "

اهاااااااااا ...

يصمت النساء برهة لغاية ماتعاود هناية الساكنة ابو آدم وتسألها عشوشة ...

هي ماقلتي جاية بدري مالك اتاخرتي ؟؟؟؟

هي والله اتاخرتا في سوق ام درمان مشيت لدكان " الماحي " جبت منو الدهب :eek:

يرد النساء بصوت واحد " انتي اشتريتي الدهب دة هسي كلو مع بعض :eek: "

قالت ليهم آآآآآآآآآآآآآآآآآآآي " الماحي دة زبوني واي شكل عايزاه بعملو لي ....

ردت هناية الشليقة بعد بلعت ريقها " وبي كم الشغل دة ؟؟؟

صمت النساء خوفا من سماع الرقم الحخليهن يفجخن الحنة ورجالهن :p

قالت ليهم بي 400 الف يعني 400 جنيه بالجديد :eek::eek::eek:

هسي انتي الكشكشة دي كلها ونحنا قربنا ندوخ وتطلع فاااااااااااااالصو :eek:

قالت ليهم آآآآآآآآآي " الماحي دة " بصور لي الشكل من داماس ونفس الشكل بطلعو
لي وبمشي بيه مناسبتي :p

هسي انتي دهبك دة كلو فالصو :o

آآآآآآآآآآآي ...

قامت هناية الشليقة قالت ليها ماتبقي عليك سواة عواطف الساكنة الصحافة

قالت ليهم عواطف مالها ؟؟؟؟

قالت ليهم عواطف دي لابسة زي شيتك دة ويمكن اكتر وفاتت العرس بتاع جيرانهم
لكن تعبت وماكملت الحفلة قالت ترجع البيت .... اها في حرامي لابت ليها ومراقبها
ولمن مرقت طواااااااالي وراها ....
خشت البيت وهو وراها وبيتهم فاضي .... رقدت في اقرب سرير جاء عليها الحرامي
قال ليها اقلعي دهبك دة ...
طوااااااالي عواطف قلعت دهبها .... طبعا الحرامي هزاه لقاهو خفيف ....
اكتشف انو فالصو :p

قال ليها من ساعة مرقتي وانا مراقبك يطلع فالصو :eek:

قالو جاب موس وحلق ليها صلعة :p:p:p

القصة والعهدة علي الراوي " حوش الحنانة :p "


اها يابتي دة بكون جابتو من الماحي الفي سوق ام درمان ;)

[سماحة]

لكن خبرتكم الوراها ( نقة ) دي يسو بيها شنو
مشكورة أختي أسماء
الرجال الايام دي شداد
بقو يشترو الدهب لأنو عارفين المرة بتحافظ عليه وبلقو وقت الحوجة
بس قدر حق ندى ما شفنا

[سماحة]

وشكلها سماحة عاوزة تتور علينا النايمات ،،، بس ما يكون فالصو ،،،
الغالي أبو جودي
الحريم ما بنومو في الدهب
والله لو نامو يحلمو بيه
شد حيلك وفرح المرة نهاية الشهر ده
وحتدعو لي
شكرا على المرور

[سماحة]

بالمناسبة دي يا أخواتنا كم سعر الجرام اليوم للبحريني والسعودي سمعت الذهب ذاد قبل الحج اليوم أخبارو شنو

أفيدونا جزاكم الله كل خير
مشكور أخي على المرور
آخر مرة بعد الحج وصل الجرام 148
وبعديه بي يومين وصل 163
رجع بعده ل 145
الآن طولت ما سألت عنه
جاني إحباااااااااااااااااااااااااااااااااط

[سماحة]

سماحة دة فالصو سااااااااااااااااااااااااااااي واساليني انا
بصدقك لكن ندى عندها قروش
وبعدين ناس الدهب بدوها كعرض وترجعوا
زي المزيعات بدوهن التياب كعرض وترجعوا
انا ما في حقها ولا لأ انا في الدهب زاااااااااااااااااااااااااااااااااتو
ومشكورة حبيبتي على المرور

[moh_alnour]

و يا ريت تغير عنوان البوست مثل ممنوع دخول العزابة ( امثال عقبة ومحمد النور ) لكن نحن المتزوجون عندنا خبرات في الذهب ممتازة

غايتو أنا يا ود العقاد دخلتا البوست في مهمة رسمية كمشرف على القسم ;) تعرف يا ود العقاد أنا اليومين دي أخدتا خبرة في الدهب ولا أجعص متزوج ;)



وعندي سؤال من وين جات التسمية لندى وتم إرفاق حي القلعة مع أنو أنا عارفها كويس من مرنجان حلة حسن يعني إلا مارنجان بقت القلعة وكده

الفنانة ندى ذكرت في لقاءات عديدة صلتها بمدينة ود مدني و تقريبا ً والدها من مدني ، لكن بداياتا الفنية أرتبطت بالقلعة :cool:
لمزيد من المعلومات الرجاء مراسلة الأخوين رضا ود حسن ( القال جدو كتل الأسد ) و معتز الريح سنهوري في الخاص :p



بالمناسبة دي يا أخواتنا كم سعر الجرام اليوم للبحريني والسعودي سمعت الذهب ذاد قبل الحج اليوم أخبارو شنو

أسعار الدهب عيار 21 البحريني بي 135 ريال و الكلام دا أمس القريبة دي في ( سوق الشاطي ) في مدينة جدة
و لو عايز تعرف اسعار الدهب يوميا ً في السعودية و بعض دول الخليج فأدخل على الرابط دا مع ملاحظة إضافة تكلفة المصنعية
http://saudi-arabia.gold-price-today.com/



ولا تاجر بتاع " كسر " طبعا ال " كسر " دي ما حيفهما الا " ود مدثر " والشغالين في السوق :p

الكسر دا زول يشتري بضاعة ( أيا ً كان نوعها ) بي شيك مأجل و يبيعا كاش بي سعر أقل عشان يستفيد من السيولة
تعيش السعودية اللامة العواطلية دا حالتا بدون وضو أقصد حالتي ما شغال في السوق :p



قالو جاب موس وحلق ليها صلعة :p:p:p القصة والعهدة علي الراوي " حوش الحنانة :p " ;)

أحمدي ربك يا بت مارنجان الزول دا ما طلع حرامي عربات ولا الشافك حالقة صلعة ما كضب :p

[النويري]

أخونا النويري من ناحية أخوك نايم نوم دي صاح ،،، بس ما تصحوا لينا الجماعة ،،،، وشد حيلك الذهب السوداني أنا سامع أنه بقى بــ 180 للجرام واحتمال أزيد ،،، أهه ما أخير ليك السوداني من السعودي والبحريني لأنه ديل أغلى من السوداني
وشاهد أخبار اليوم بتلقى السعر والله يكون في عونك ،،،،
همسة غايتو أنحنا هديتنا ليك من حسه حلق وطبعاً الحلق ما بسألوا فيه كم جرام المهم شكله ،،،،
ولك تحياتي ولأختي سماحة

البوست رائع أختنا سماحة خلق جو من المعلومات والتواصل بين الأعضاء وشوية من الجانب النسائي المجهول في ناس بتقول الرجال بيقوا مفتحين بشتروا للنسوان الدهب ولمن يحتاجوا ليهوا برجعوا يبيعوه لكن في نسوان بكنكشوا في دهبن والله إلا بي مقلاع تقول ليك دا تاني ما بجي راجع وتكون أنت أتورط

أبو جودي الرائع دي هدية تديها لنسيبك يا خي خلي البخل وأعملوا سلسل بنقبلوا منك وذي ما قالوا ليك الشهر قرب ينتهي جهز ليك 5 حبات وأبقى مارق على سوق القصمان وعيش حياتك
متوسط سعر جرام الدهب فى السعودية بعملة ريال سعودى الوحدة ريال سعودى دولار أمريكى
عيار 24 133.88 35.7 $
عيار 22 122.72 32.72 $
عيار 21 117.14 31.24 $
عيار 18 100.41 26.77 $
عيار 14 78.1 20.82 $
عيار 10 55.78 14.87 $
أوقية الذهب 4210.46 1122.7 $
جنيه الذهب 937.12 249.9 $
كيلو الذهب 135366.35 36094.81 $

محمد النور شكراً كتير على الموقع وعلى التوضيح

[سماحة]

عيار 24 133.88 35.7 $
عيار 22 122.72 32.72 $
عيار 21 117.14 31.24 $
عيار 18 100.41 26.77 $
عيار 14 78.1 20.82 $
عيار 10 55.78 14.87 $
أوقية الذهب 4210.46 1122.7 $
جنيه الذهب 937.12 249.9 $
كيلو الذهب 135366.35 36094.81 $

أول مرة أسمع بعيار 22 وعيار 10
شكراً على المعلومة وتسلم يا حبة

[النويري]

أول مرة أسمع بعيار 22 وعيار 10
شكراً على المعلومة وتسلم يا حبة

دا واجبنا يا سماحة ونحن برضك عايزين نتابع عشان نعرف الحاصل في السوق شنو

بمناسبة حبة دي الجرام فيه كم حبة ولا ما بتعرفي برضوا الجرام بالحبوب

تقبلي خالص التحيات