جهاز خاص بالاطفال مرتبط بالقمر الصناعي

[انيس التوم]

جاي سائق العربية في امان الله عند مدخل مدينه سان بون فجاء ظهر لي طفل في منتصف الطريق وانا طبعا بحسن خاطر وقفته عشان اشوف مشكلته شنو ولو في حاجه اعملها اساعدو ، تكلمته معه طوالي قام الشافع داس جهاز معلق في رقبتوا وانا ما جايب خير الجهاز ده مربوط بالقمر الصناعي عندما يضغط الطفل على الجهاز طوالي بيعمل انذار بجهاز موجود اصلا في منزل الطفل وبالتالي تتمكن اسرته من مشاهدته على الفور والواقف معاه منوا طبعا عشان black طوالي امه قامت اتصلت بالشرطه في اقل من دقيقه الشرطة جاءت اول سؤال سالني ليه did you touch him قلت ليه لا قال خلاص نمشي بنشوف الكلام ده نمشي وين قال بس انت مالك نمشي مشيت سبحانه الله انا ذاتي واقف والسمحه شنو اقل شي بيني وبينه نص متر يعني كان دقسه بس لمسته الطفل دي كان ليبيا وفتحت الله غالب

[بابكر]

والله دى مشكله ! ده كان كنت أنا كان شلت الشافع لأنى أبو أطفال وقلبى رهيف, بس من الآن لن ألمس أى طفل فى الشارع

[esmat]

انيس التوم
الجاتك في طيبتك وشهامتك سامحتك
العالم بقى ما بفرق بين الطيبة وانك قاصد تساعد

لكن ناخد جانب تاني من الموضوع
فالجهاز ليه ايجابيات كثيرة جداً
مراقبة الطفل خارج المنزل
واحساس الطفل بالأمان في اي مكان

فأقل شي اخاف منو الطفل اضغط على
الزر وطوالي اعرف الاهل مراقبنو واحس بالأمان

غايتو دا مشروع جاهز شوف ليك كمية
وتعال بيعهم في السودان وشوف الناس تشتري كيف
كل يوم في حوادث تحرش بالاطفال في البلد

[النويري]

أخونا أنيس رد الله غربتنا جميعاً أنا صراحة ما متفاجأ بالتكنلوجيا اليقلتها دي وبعرف ناس براغبو بيوتهم في السودان وهم في مدخل مدينة سان بون يعني ما في فرق في الوقت الراهن بين واشنطن والخرطوم مع أنك في سيول وديل أهلها عديل وفوق كل ذي علم عليم مشكور أخي أنيس على نقل تكنلوجيات الغرب وذي ما قال ليك أخونا عصمت الجهاز دا لو جيت السودان وجبت كمية أكيد حتخلي الغربة وتبقى من أصحاب الملايين

تقبل مروري ولك خالص التحيات

[انيس التوم]

والله دى مشكله ! ده كان كنت أنا كان شلت الشافع لأنى أبو أطفال وقلبى رهيف, بس من الآن لن ألمس أى طفل فى الشارع

الاخ بابكر

تحياتي

انا ذاتي زيك كده قلبي رهيف ، لكن شنو الزول يعمل حسابوا

مع خالص شكري
انيس التوم

[انيس التوم]

انيس التوم
الجاتك في طيبتك وشهامتك سامحتك
العالم بقى ما بفرق بين الطيبة وانك قاصد تساعد

لكن ناخد جانب تاني من الموضوع
فالجهاز ليه ايجابيات كثيرة جداً
مراقبة الطفل خارج المنزل
واحساس الطفل بالأمان في اي مكان

فأقل شي اخاف منو الطفل اضغط على
الزر وطوالي اعرف الاهل مراقبنو واحس بالأمان

غايتو دا مشروع جاهز شوف ليك كمية
وتعال بيعهم في السودان وشوف الناس تشتري كيف
كل يوم في حوادث تحرش بالاطفال في البلد

شكرا اخونا عصمت

دي حقيقه والله ليه فوائد كثيرة اقل زي ما قلته انو الطفل بكون شاعر بالامان ومش كده وبس الشركة زاتها العامله الجهاز عندها محاضرات للأطفال يعني الطفل زاتوا بعلموا كيف يتعامل مع الامور وبالتحديد مسالة اللمس دي تلقى الشافع بيعرف غرض الزول من اول مرة عشان كده جرائم زي دي بتكون منعدمه وخلاف ذلك المحاكمات السريعه

[انيس التوم]

أخونا أنيس رد الله غربتنا جميعاً أنا صراحة ما متفاجأ بالتكنلوجيا اليقلتها دي وبعرف ناس براغبو بيوتهم في السودان وهم في مدخل مدينة سان بون يعني ما في فرق في الوقت الراهن بين واشنطن والخرطوم مع أنك في سيول وديل أهلها عديل وفوق كل ذي علم عليم مشكور أخي أنيس على نقل تكنلوجيات الغرب وذي ما قال ليك أخونا عصمت الجهاز دا لو جيت السودان وجبت كمية أكيد حتخلي الغربة وتبقى من أصحاب الملايين

تقبل مروري ولك خالص التحيات

ا

لاخ النويري

سلامات

حقيقه العلم التطور بالذات في مجال التكنلوجيا كل يوم بتظهر حاجه جديده
شكراً كتير على مرورك
مع خالص
شكري
اخوك
انيس التوم

[أسمريكا]

دا درس حقو نستفيد منو كلنا إنو ما كل الدول هي السودان ولا كل الناس سودانين يعني الواحد ما يدخل في شي ما بخصو

[moh_alnour]

تعال بيعهم في السودان و شوف الناس تشتري كيف كل يوم في حوادث تحرش بالأطفال في البلد

حقيقي نحن في حوجة ماسة لهذا الجهاز في السودان في الوقت الراهن ، فقد تألمت جدا ً لقصة
الطفل فتاح ذو الثمان سنوات و الذي تعرض للقتل غرقا ً في خزان جبل أولياء بعد إغتصابه من مساعد الحافلة الهايس
همسة : حمدا ً لله على سلامة الطلة عبر المنتدى أخي أنيس التوم و نتمنى أن نراك على الدوام

[انيس التوم]

همسة : حمدا ً لله على سلامة الطلة عبر المنتدى أخي أنيس التوم و نتمنى أن نراك على الدوام


الاخ الرائع ابن جزيرة الفيل

تحياتي والله مشتاقين ظروف والله كانت لكن انشاء الله معاكم وخصوصاً الزول ما فارق المنتدى والله لازم يفتح المنتدي من الصباح ويشوف ود الصول عمل شنو

اخوك
انيس التوم