مضمار الإبداع في منتديات ود مدني

[ولاء الدين]

أي مواهب بنقبلا منكم أصدقائي الأعزاء بل وننشرها لم طلبتوا كدا في الإزاعة والتلفزيون لكن ......................عشان يكون العنوان صح لازم يكون في تنافس بصورة جيدة جداً .....
نرجو من أصدقائنا إمدادنا بكل ما هو جميل يا أهل الجمال . من ( قصة - شعر - رواية - الخ )

[أشرف صلاح السعيد]

سلام اخى ولاء..
ما تفتكرنى عدائى وكدا..
بس انتو لو عندكم مواهب فى الاذاعة والتلفزيون تعالو هنا احنا بنقبلا وليس العكس..دى واحدة..
وبعدين يااخى المنتدى اهو عندك مفتوح والبتشوفو مفيد وبيهم الناس شيلو منو وأنسبو لكاتبه ودا تفويض منى بالنيابة عنهم كلهم ولو فيهم واحد معترض بيرد على..الإبداع ليس حكر لفئة دون الأخرى وكل من يكتب بمنتدى عام ضمنيا يريد أن ينشر ما يكتبه "يعنى القصة ما عايزة استئذان"..شيل واتوكل على الله فهنا الابداع ليس صنعة بل فطرة..
أما فكرة إنو الواحد لو ظهر اسمو فى الاذاعة ولا التلفزيون خلاص بتنفتح ليو طاقة النجاح فدى شيلا من راسك ومن راس ناس التلفزيون فالتلفزيون لا يلبى طموح اى كاتب بيكتب شى مهم ونسبة مشاهدات التلفزيون الذى عج بالبنات السمحات من اجل السماحة فحسب جعل الريادين والكبكابين هم المشاهد رقم واحد فيه..
اهلا بيك بمنتديات ست المدائن وعاصمة الثقافة السودانية الدائمة..
هنا ودمدنى..