المساعد الشخصي الرقمي

مشاهدة النسخة كاملة : خدمة (السواد و الرماد) !!


شبارقة
05-12-2009, 10:48 PM
عبدالعليم طبيب بيطري ، اتوظف في وزارة الثروة الحيوانية بعد تخرجه من جامعة الخرطوم ... كل يوم بيجي الوزارة يفطر ويتونس ويقعد في بنشات الوزارة لما الدوام يخلص أو يقرب يخلص ، يتراوح على بيتو !!
يعني زي نظام (السرحة) مع فارق التشبيه بين السائس والمسوس !!
وعبدالعليم لو عندو شغلة تانية ما كان جاء الوزارة أصلاً الا للراتب زيو وزي بقية الزملاء !!
ما أصلوا المرتب (سجم رماد)، وماااا جايب همو !!
ومااااا بيستاهل الواحد يجي !! ويا البهائم ان شاء الله ما (طبتن) ...!!

علوية ....
موظفة في وزارة التربية والتعليم ، من (دغش الرحمن) تتلفح بي توبها الابيض وتندرج على وزارتها ، سلامات ومطايبات نص ساعة ، وصناديق وسلفيات نص ساعة ، وساعتين فطور ، وساعة رضاعة والمراجع ضاع ضياع الهميم في شارع الشانزليزيه ..، ويا طلبة ان شاء الله ما فكيتو الخط ...!

موظف الخدمة المدنية الذي يرتاده كثير من المراجعين عندنا ، تجده دائماً مقطب الجبين سريع الغضب، (صاري وشو) ... يزجر هذا وينتهر هذا كأنما أنت شحاذ تستجديه لقمة العيش!!
أما (اذهب هنا) و (ارجع من هنا) و (وقع هذه من هنا) ، و (الموظف ما جاء) و (تعال بكره)، فما أكثرها وما أفظعها وما أمرها ...
لا تستطيع أن تشتكيه لأحد الا الله خالقه ، فمديره في العمل (فردة) ، والفردة لا بزعل ولا بيزعل!!!

(الله غالب ) ...

الالتزام بالمواعيد (سجم رماد) ...
و سرعة الانجاز (سجم رماد) ...

نعم الرواتب في السودان ايضاً (سجم رماد) ولكن هذا ليس مبرراً ولا عذراً ألا أقوم بعملي على الوجه الأكمل ، وأن أخدم المراجع الذي وظّفت لراحته ، ارضاء لرب العالمين ، فمن أخذ الأجر حاسبه الله بالعمل ... و من صميم الوطنية أن تتقن عملك وتلتزم بمواعيدك ...

من واجبك تجاه ربك و شعبك و وطنك أن تضبط مرؤوسيك ، وأن تمتثل أوامر رؤسائك ...
لم ترتق الشعوب الا بالبذل والعطاء والتفاني والتضحية والصبر ، فالفرد لبنة المجتمع ، وبه تبنى الحضارات ... و لا يغير الله ما بقوم حتى يغيروا ما بأنفسهم ...

وشدة ما (موجعاني) يا الخدمة المدنية في بلدنا ....
وجع في (حشاي) ...
ويا الله تبرد حشاي ، وأشوفك يا موظف بلدي مبتسم ، و قاعد في مكتبك ، و لا بتمرق لي فطور، و لا بتطرد زول تجي في وقتك وتمرق في وقتك ، زي الساعة !!

قولوا آمين ..!.!..!!
عثمان جلالة
05-12-2009, 11:40 PM
آآآآآآآآآآآمين يا شبارقة

بركة العيد السعيد

كل سنة وإنت طيب وسعيد

وعقبال ما نشوف الخدمة المدنية كما .. يجب

وعقبال من نشوف أول شيء .. الإبتسامة في وجوده الموظفين والمراجعين

فـ تبسمك في وجه اخيك صدقة

لك الود،،، ومشتااااااااااااااااقين يا زول يا رايع :)
مدناوية
06-12-2009, 12:38 AM
أميييييييين يا شبارقة

بركة من صلى وقال يالله على قولة حبوبة

لو كل واحد مننا بدا بنفسو .. أكيد حنمشي لي قدام

لكن الكلام دا تقولو لو منو؟؟؟
شبارقة
07-12-2009, 01:14 AM
آآآآآآآآآآآمين يا شبارقة

بركة العيد السعيد

كل سنة وإنت طيب وسعيد

وعقبال ما نشوف الخدمة المدنية كما .. يجب

وعقبال من نشوف أول شيء .. الإبتسامة في وجوده الموظفين والمراجعين

فـ تبسمك في وجه اخيك صدقة

لك الود،،، ومشتااااااااااااااااقين يا زول يا رايع :)



عمي عثمان ... وكل سنة وإنت والأولاد طيبن وسعيدين ....
وأنا والله مشتاق ليكم ....
شكراً على نعومة المرور ...
شبارقة
07-12-2009, 01:16 AM
لكن الكلام دا تقولو لي منو؟؟؟


والله دا السؤال !!!!!!!!!!!!
لكن الكلام موجه للجميع ...
السائس والمسوس ...

كل الشكر مدناوية
تغريد
07-12-2009, 09:02 AM
وشدة ما (موجعاني) يا الخدمة المدنية في بلدنا ....
وجع في (حشاي) ...
ويا الله تبرد حشاي ، وأشوفك يا موظف بلدي مبتسم ، و قاعد في مكتبك ، و لا بتمرق لي فطور، و لا بتطرد زول تجي في وقتك وتمرق في وقتك ، زي الساعة !!

قولوا آمين ..!.!..!!

[/color][/size][/QUOTE]


وكيف يبتسم موظف الخدمة المدنية وحقوقه ضائعة ما بين الحكومة ومعارضيها واني له ان يقعد في مكتبه وهو ليس له مكتب أصلا فقروش المكتب بتاعو قد تبددت ما بين حق السيجاير للوزير ومصاريف البامبرز لاولاد الوكيل وحق فواكه ما بعد الغداء لكلب الرئيس و هي وينها القروش البيفطروا بيها يا شبارقة والفطور بقي زيو وزي العشاء وجبة هامشية مبنية علي الفلاحة والنجاضة عند كثير من الموظفين قليلو الحيلة الذين لا تقوي عصافير بطونهم الخاوية علي الصمود أكثر

الموظف بشر ويلزم تقويمه اذا أخطأ و لكن يجب اولا تقويم مديره ومدير مديره مرورا بوكيل وزارته ووزيره ولا يستثني رئيسه أيضا فالكل سواء في الثواب والعقاب اجل مرتب الحكومة سجم ورماد ونص وخمسة ولا يكفي مجرد شرب الماء بالرغيف لأسرة مكونة من سبعة أفراد والموظف بغض النظر عن مشاكلوا المالية عليهو الجو بيحاول يؤدي واجبه علي أكمل وجه

كيف يكون هناك موظف خدمة مدنية يتقاضي راتبا قدره مائتان وخمسين جنيها واخر يتقاضي ثلاثة ملاييين واخر يتقاضي ستة ملاييين ما كلهم موظفيين وكلهم شغاليين تبع حكومة السجم والرماد دي وبرضو دايرين الموظف يبتسم


ربنا يجيب يوم التبسم يا شبارقة اخوي ونعيش في بلدا حالها زين
moh_alnour
07-12-2009, 04:17 PM
ويا الله تبرد حشاي ، وأشوفك يا موظف بلدي مبتسم ، و قاعد في مكتبك ، و لا بتمرق لي فطور، و لا بتطرد زول تجي في وقتك وتمرق في وقتك ، زي الساعة

الله يبرد حشاك يا شبارقة ، لكن ما كترتا المحلبية شوية :eek:



قولوا آمين

بما أننا لا نملك غير الدعوات ، نقولها بالصوت العالي ( آميييييييييييييين يا رب العالمين )
شبارقة
07-12-2009, 10:07 PM
[/color][/size]


ربنا يجيب يوم التبسم يا شبارقة اخوي ونعيش في بلدا حالها زين [/quote]
آآآآآآآآآآآآآآآآآمين ..
ذكرتيني قصة الشاب القاعد في مقعد المواصلات و حاجة كبيرة واقفة (شماعة) جنبو ، وتقول:
ـ الناس انعدمت منها النخوة والمروة!! حاجة كبيرة واقفة والجنيات قاعدين!!
رد عليها :
ـ والله ياحاجة أنا كاتلاني موية الفووووول ، ولو وقفت بقع طوالي ، أحسن انتي فيك شوية مروة!!!

سلمتي ...
شبارقة
07-12-2009, 10:09 PM
الله يبرد حشاك يا شبارقة ، لكن ما كترتا المحلبية شوية :eek:



بما أننا لا نملك غير الدعوات ، نقولها بالصوت العالي ( آميييييييييييييين يا رب العالمين )

ود النور حبيبي ...لك جزيل الشكر على الوقوف والكتابة ...
الدعوات والله ما هينات ، والله قادر ....
كل الود ..
بت مارنجان
07-12-2009, 10:35 PM
في الساعة الثامنة والربع توجهت الي مكتب الشؤون العلمية لتوثيق شهاداتي
وجدت المكاتب مقفلة ...
وقفت شوية قلت يمكن ياربي اليوم اجازة ؟؟؟

رجعت لقيت الطلبة مالين الجامعة . قلت يمكن جو " يجكسو :p " ...
انتظرت قليلا جات الخالة المسؤولة عن النظافة فتحت المكاتب في الساعة 8 زنص وعايزة تنضف ...

قلت ليها ياخالة وين الموظفين قالت لي ووووين يابتي بجو الساعة 9 ونص ...
قلت ليها ياامي انا عندي شغل ومستاذنة خلاص بمشي وبجيهم ...

مشيت وجيت زي 10 ونص لقيت المكتب برضو مقفول والناس برة صفوف لاحول ولاقوة
في شنو ياخوانا الجماعة جاتهم وفاة ولا شنو :confused:

قل يكون في موظف وقع ولا حاجة :o

ردت علي وحدة واقفة في الصف قالت لي قافلين المكتب من 10 قالو الفطور :rolleyes:
اصلهم بفطرو في برج الفاتح :rolleyes:

وقفنا لمن الشمس نشفتنا فتحو المكتب الساعة 11 ,,,

الصف ماشي ووصلت الشباك الساعة 11 ونص وخمسة مديت ورقي لقت السيدة القاعدة في الشباك اول ماشافت ورقي قالت لي شهادتك دي بالانجليزي مختومة
بختم عربي من الكلية ارجعي يغيرو ليك الورقة .... جابت قلمها وشيييييييييت
كنسلي الشهادة ...

رجعت الكلية سريع قلت اغير الشهادة وارجع ليها لقيت المسؤلة عن استخراج الشهادات
قالو طلعت عندها ساعة رضاعة ... والشؤون العلمية بتقفل 12 شوووووكة :o


عليكم الله وروني عدد ساعات عمل الناس ديل ؟؟؟
شبارقة
07-12-2009, 11:22 PM
في الساعة الثامنة والربع توجهت الي مكتب الشؤون العلمية لتوثيق شهاداتي
وجدت المكاتب مقفلة ...
وقفت شوية قلت يمكن ياربي اليوم اجازة ؟؟؟

رجعت لقيت الطلبة مالين الجامعة . قلت يمكن جو " يجكسو :p " ...
انتظرت قليلا جات الخالة المسؤولة عن النظافة فتحت المكاتب في الساعة 8 زنص وعايزة تنضف ...

قلت ليها ياخالة وين الموظفين قالت لي ووووين يابتي بجو الساعة 9 ونص ...
قلت ليها ياامي انا عندي شغل ومستاذنة خلاص بمشي وبجيهم ...

مشيت وجيت زي 10 ونص لقيت المكتب برضو مقفول والناس برة صفوف لاحول ولاقوة
في شنو ياخوانا الجماعة جاتهم وفاة ولا شنو :confused:

قل يكون في موظف وقع ولا حاجة :o

ردت علي وحدة واقفة في الصف قالت لي قافلين المكتب من 10 قالو الفطور :rolleyes:
اصلهم بفطرو في برج الفاتح :rolleyes:

وقفنا لمن الشمس نشفتنا فتحو المكتب الساعة 11 ,,,

الصف ماشي ووصلت الشباك الساعة 11 ونص وخمسة مديت ورقي لقت السيدة القاعدة في الشباك اول ماشافت ورقي قالت لي شهادتك دي بالانجليزي مختومة
بختم عربي من الكلية ارجعي يغيرو ليك الورقة .... جابت قلمها وشيييييييييت
كنسلي الشهادة ...

رجعت الكلية سريع قلت اغير الشهادة وارجع ليها لقيت المسؤلة عن استخراج الشهادات
قالو طلعت عندها ساعة رضاعة ... والشؤون العلمية بتقفل 12 شوووووكة :o


عليكم الله وروني عدد ساعات عمل الناس ديل ؟؟؟

والله يا بت مارنجان يا بتي دا الحاصل ...
في السودان كل شيئ صعب ...
مراجعة الدوائر الحكومية موووووووووووت ، و صراع مع الزمن ....
الواحد يكون مسافر من مدني للخرطوم عشان معاملة لا تستغرق في مجملها نصف ساعة ، يقعد تلاتة أيام بلياليها !!! ومواصلات وفطور وغداء وعشاء و فندق وغسال ومكوجي ، و تلفونات ، و .....
محمد النويري-الفقراء
08-12-2009, 11:35 PM
آمييييييييين يارب العالمين .. لكن ياشبارقة الكلام دا ما اظن احصل في السودان لانو الموظف لو ما كشر وشو وصراهو وكرمشو زي الليمونة ما بكون دا موظف وحكاية امشي وتعال دي عادية عشان تآمن بس .. وربنا اجيب لينا الموظف البقول ( من أخذ الاجر حاسبه الله بالعمل ) ..