لاتركب قدام ..... و لاتصلي إمام ....

[عبدالله محمد العقاد]

الاحبة الكرام كلنا نذكر تلك النكتة في تلك الايام التي كثر فيها وقوع الطائرات و موت الجميع ما عدا الراكبين في مؤخرة الطائرة
يبدو ان الشق الثاني من النكتة سوف يتحقق و خاصة في بلدنا الطيب هذا و الى هذا الخبر :



«الأوقاف» تمنع الأئمة والمؤذنين من إنابة غير السعودي...



شددت وزارة الشؤون الإسلامية والأوقاف والدعوة والإرشاد في تعميم لها وجهته لخطباء وأئمة ومؤذني المساجد على عدم إنابة غير السعودي في الإمامة أو الأذان مهما كانت الأسباب، مؤكدة على عدم التغيب إلا في حدود ضيقه وللضرورة القصوى بعد تأمين من يقوم بعمله من السعوديين وموافقة الفرع على ذلك.

كما دعت مراقبي المساجد إلى متابعة كل من يخالف التعليمات للقضاء على هذه الظاهرة وحذرت المراقبين في حالة تقصيرهم وتساهلهم في المتابعة بتعرضهم للمحاسبة



تعليق :

و الله يا جماعة في المسجد اللي جنب السكن امام صغير في سنة ( شنبه لسة ما قام )
بيصلي بينا في الركوع بيقول بس ( الله ) بيتقل شوية و يفخمها و نفس الشي في السجود و في الرفع من السجود .
انا طبعا ما كنت عارف القرار دا يوم انتظرته برة المسجد و اتكلمت معاه ياشيخنا نحن ما قاعدينا نسمع باقي التكبيرة ياريت توضحها شوية
قال جزاك الله خير وابشر
و لكن لسه بيسوي في سواته و الشي الوحيد انا بقيت اسويه احاول اجي في الركعة الاخيرة عشان ما افور دمي ساي

[عبدالرحمن مدثر]

برررررررره النص

حبيبنا العقاد

كل عام وانت بالف خير

وعيد سعيد مقدما

سمعت بالرباطابى الكوع فى الجامع مع ترطيبة المكيف

وقعد يشاهد فى المصلين .. قام لقى اتنين بصلوا جماعة

وجاء واحد تالت ماعارف يقدم اليمين ولا الشمال

شكلوا كان بلذ فى المامون والمامون يجى رااااااااجع

وهو مصر تااانى يلذوا

وتاانى يجى رااااجع

الرباطابى اندمج مع المشهد

اخر حاجة توصل ليها كورك لعمك البلذ

قال ليهو :

دى الضلفة الفيها الترااااابيس ماتلذها لذ التاااااانية

[بت أم درمان]

طبعا قرار ما غريب عليهم الناس ديل

جمبنا مسجد والمؤذن لا اقول بنقالي ولا باكستاني
المهم كل يوم بيأذن للصبح هو
الزول دا اثناء ما هو بأذن فجأتن تلقى نفسك بتضحك عليهو :p
لانك اذا ما ركزت
تقرب تقول الزول دا بغني هندي ولا شنو :p
غايتو الفجر داك نضحك ضحكتنا ونقوم نصلي

[عاطف عولي]

والله يا ود العقاد حيرونا عدييييييييييييييييييييل كدي ما تراجع يراجع سعودي تسوق عربية الشركة وعندك تفويض . يحصل ليك حادث . ناس المرور يقولوا ليك العربية ما بأسمك يراجع سعودي.
وهسع لا تأذن ولا تصلي.

ومن كلام اخونا ود العقاد الظاهر لي حتحصل لينا قصة صلاة الجعلي مع عبهم . أقرا يا عب

[عاطف عولي]

برررررررره النص

حبيبنا العقاد

كل عام وانت بالف خير

وعيد سعيد مقدما

سمعت بالرباطابى الكوع فى الجامع مع ترطيبة المكيف

وقعد يشاهد فى المصلين .. قام لقى اتنين بصلوا جماعة

وجاء واحد تالت ماعارف يقدم اليمين ولا الشمال

شكلوا كان بلذ فى المامون والمامون يجى رااااااااجع

وهو مصر تااانى يلذوا

وتاانى يجى رااااجع

الرباطابى اندمج مع المشهد

اخر حاجة توصل ليها كورك لعمك البلذ

قال ليهو :

دى الضلفة الفيها الترااااابيس ماتلذها لذ التاااااانية

ود مدثر شكيت محنك علي الفكي أبو سوميتا كتلتني من الضحك

[gondi]

حسبي الله و نعم الوكيل

[moh_alnour]

أعتقد ( و الله أعلم ) أن المقصود من هذا الأجراء المؤذنين من الجنسيات الأسيوية
فهم بحق لا ينطقون كلمات و ألفاظ الأذان و الإقامة بصورة صحيحة
و لكن أن يتم قصر جنسية ( المأموم ) فقط على السعوديين فهذا أمر يدعو للإستغراب
فكما سمعنا فقد كان هناك كثير من المؤذنين في المساجد السعودية من الجنسية اليمينة و السودانية و المصرية
و أيضا ً فقد حضرت بنفسي و لمدة طويلة في مسجد ( الجمجوم بحي الروضة ) تواجد يومي لأمام مصري و مؤذن تونسي
و الغريب في الأمر أن الأمام الراتب في كل الصلوات بالمسجد القريب من منزلنا هو المؤذن أيضا ً و لكنه لا يؤم الناس في صلاة الجمعة

[المغترب]

يا جماعه دي ماحاجه جديده الكلام دا من بدري
يعني ما تستغربوا في حاجات اكتر من كده
اكتر من الحج زاتوا منعوه وبتشديد وتوصل كمان للتسفير والغرامة والبهدلة حتى لو كان معاه اقامة نظامية
بالمناسبة الوالد نازل الحج السنة دي وما عنده تصريح عشان كده دعواتكم ليهو بس اوعى واحد يبلغ عليهو ههه:o
والله يكون في عون جميع المسلمين في البلد دي

[عبدالله محمد العقاد]

برررررررره النص

حبيبنا العقاد

كل عام وانت بالف خير

وعيد سعيد مقدما

سمعت بالرباطابى الكوع فى الجامع مع ترطيبة المكيف

وقعد يشاهد فى المصلين .. قام لقى اتنين بصلوا جماعة

وجاء واحد تالت ماعارف يقدم اليمين ولا الشمال

شكلوا كان بلذ فى المامون والمامون يجى رااااااااجع

وهو مصر تااانى يلذوا

وتاانى يجى رااااجع

الرباطابى اندمج مع المشهد

اخر حاجة توصل ليها كورك لعمك البلذ

قال ليهو :

دى الضلفة الفيها الترااااابيس ماتلذها لذ التاااااانية




هههههههههههههههه

مبدع والله ابو مزن

الله يسترنا مع الترابيس دي

و ينعاد عليك الخير و البركات و الصحة والعافية

[عبدالله محمد العقاد]

طبعا قرار ما غريب عليهم الناس ديل

جمبنا مسجد والمؤذن لا اقول بنقالي ولا باكستاني
المهم كل يوم بيأذن للصبح هو
الزول دا اثناء ما هو بأذن فجأتن تلقى نفسك بتضحك عليهو :p
لانك اذا ما ركزت
تقرب تقول الزول دا بغني هندي ولا شنو :p
غايتو الفجر داك نضحك ضحكتنا ونقوم نصلي



اختنا بت ام درمان

و الله فعلا غريب

واحد من اصحابي الهنود انا كلمته بالخبر دا عشان ما يمشي يتشالق و يأذن
قال ان شالله يوم القيامة ها دي نفر كله جنة و لو فضل شي من الجنة امكن اجنبي

فسبحان الله عايز اوصل معلومة انه لا فرق الا بالتقوى

[عبدالله محمد العقاد]

حسبي الله و نعم الوكيل



فعلا والله حاجة غريبة طيب ياجماعة خلوها تحت تحت ما بالمفتشر كدا

[عبدالله محمد العقاد]

أعتقد ( و الله أعلم ) أن المقصود من هذا الأجراء المؤذنين من الجنسيات الأسيوية
فهم بحق لا ينطقون كلمات و ألفاظ الأذان و الإقامة بصورة صحيحة
و لكن أن يتم قصر جنسية ( المأموم ) فقط على السعوديين فهذا أمر يدعو للإستغراب
فكما سمعنا فقد كان هناك كثير من المؤذنين في المساجد السعودية من الجنسية اليمينة و السودانية و المصرية
و أيضا ً فقد حضرت بنفسي و لمدة طويلة في مسجد ( الجمجوم بحي الروضة ) تواجد يومي لأمام مصري و مؤذن تونسي
و الغريب في الأمر أن الأمام الراتب في كل الصلوات بالمسجد القريب من منزلنا هو المؤذن أيضا ً و لكنه لا يؤم الناس في صلاة الجمعة



الغالي ابوحميد نحن رضوا كسودانيين عندنا مشكلة في القاف والغين و المصريين في الجيم و في القاف
و هم ذاتهم عندهم مشكلة في الضاد و الظاء
لو هم قاصدين ضبط الموظفين عندهم من أئمة و مامومين يبدو لي الصيغة غير موفقة

[عبدالله محمد العقاد]

يا جماعه دي ماحاجه جديده الكلام دا من بدري
يعني ما تستغربوا في حاجات اكتر من كده
اكتر من الحج زاتوا منعوه وبتشديد وتوصل كمان للتسفير والغرامة والبهدلة حتى لو كان معاه اقامة نظامية
بالمناسبة الوالد نازل الحج السنة دي وما عنده تصريح عشان كده دعواتكم ليهو بس اوعى واحد يبلغ عليهو ههه:o
والله يكون في عون جميع المسلمين في البلد دي


الحبيب المغترب

ربنا يسهل للوالد الحج و يرجعوا بالسلامة
و ابشر السنة دي ما اظن يرجعوا زول لانه يبدو لي معظم الحملات ما اكتمل العدد و لسه في اماكن كثيرة فاضية