البوست بوستى وأنا مخيّر فى..

[أشرف صلاح السعيد]

واحد واحد واحد..
تجربة واحد .. تجربة واحد..تجربة واحد..
واحد اتنين تلاتا..
تلاتا اتنين واحد ..

[العاقب مصباح]

لانى غرقان فى التمنى

ولانى سابح فى الأمانى

زارنى خاطراً بل شوقى واحتوانى

النخل إتاكا غنى

وردد النيل الأغانى

ونظل نردد مع ابو الشوش

كل ما يخطر بباله

فهو موفق قبل البدء فيما يقول

اها قول ياخ

كسير تلج شديد

مافى طريقة للطردة يا اخوى

[حاتم مرزوق]

واحد واحد واحد..
تجربة واحد .. تجربة واحد..تجربة واحد..
واحد اتنين تلاتا..
تلاتا اتنين واحد ..


الحبيب أشرف

نستغل المايك المفتوح لنهنئ جميع اعضاء المنتدي بهذه الأيام المباركات و بتباشير عيد الأضحية المبارك اعاده الله عليكم وعلي جميع أهلنا في السودانز الأمة الأسلامية بالخير واليمن والبركات.

ثم نبشر المغتربين السودانيين بوصول كميات ضخمة من الخراف السودانية الي المملكة
سائلين المولي عزّ وجل ان يغفر بها ذنوبنا وذنوبكم من اول قطرة دم .

[أشرف صلاح السعيد]

لانى غرقان فى التمنى

ولانى سابح فى الأمانى

زارنى خاطراً بل شوقى واحتوانى

النخل إتاكا غنى

وردد النيل الأغانى

ونظل نردد مع ابو الشوش

كل ما يخطر بباله

فهو موفق قبل البدء فيما يقول

اها قول ياخ

كسير تلج شديد

مافى طريقة للطردة يا اخوى



عقبة الزول السمح سلام..
يااخوى الحوصة عليك شنو؟ كسير التلج دا وجهو لواحدة "حنى حنى عليى أنا يا تتى الحاصل بيى سببو انتى ..أنا بجيك مسلوب الإرادة وبهاجر ليك وين ما كنتى" شوفتا كلام زمااااان دا كيف ..ابو القدومية والقدوم زاتو؟..
علا المرة دى كسرتنى وانا زول عاد الكلمة السمحة بتدشدش حنانو وكدا عشان كدى خليك يااخوى وزول تب بطردك مافى ..ما البوست بوست وأنا مخير فى..

[أشرف صلاح السعيد]

الحبيب أشرف

نستغل المايك المفتوح لنهنئ جميع اعضاء المنتدي بهذه الأيام المباركات و بتباشير عيد الأضحية المبارك اعاده الله عليكم وعلي جميع أهلنا في السودانز الأمة الأسلامية بالخير واليمن والبركات.

ثم نبشر المغتربين السودانيين بوصول كميات ضخمة من الخراف السودانية الي المملكة
سائلين المولي عزّ وجل ان يغفر بها ذنوبنا وذنوبكم من اول قطرة دم .


هوووى يا ود مرزوق لسة غير تست ما قلنا شى جيت واضهبت فى البوست وكمان بتوزع البسمات قصدى التهنئات..هو شنو الحكاية ؟؟!!..
بس تعرف لقيت ليك خطأ مطبعى فيهو توقع غير لذيذ وما تعمل ليى ما قاصد وقصدت تكتب و وكتبت ز والحركات بتاعت الشعوعيين دي "تمويه وكدا".."أهلنا فى السودانز" ..سودان لواحد وبلد واحد وسودانز للجمع ..يااخوى مالك مفول فى وشوشنا قصدك سودان شمالى وسودان جنوبى قريبا جدا وتالت سودانى دارفورى ولا شنو..
المرة دى مشيت الموضوع بمزاجى ..بس اوعاك تنسى البوست بوستى وانا مخير فى..شوفو جنس العملوهو إهداءات الحجيج ديل!!..

[ابوخالد]

تلاتا اتنين واحد ..


كل عام والجميع بألف خير

*
*
*
*
*
*
*
*
*
*
*
*
*
*
والخرفان مولعة نار

[أشرف صلاح السعيد]

دفعة كدا على الماشى من قوانين البوست:
1/ اولن بالتبادى نوعية ناس عقبة وود مرزوق ديل البجو ناطين توش تدقدق باب البوست اول شى "البوست بوستى وانا مخير فى"..
2/ الداير يقول شى يرسلو ليى فى الخاص وأنا أقرر اتنشر ولا لا ..لأنو ممكن زول طائش كدا ينزل كلام يجيب رشاش وأنا بما إنى أفهم زول أقرر يتنشر الكلام أو أعمل فيو تعديلات لأنى فهمااان وما تنسو "البوست بوستى وانا مخير فى"..
3/ الناس البتنفخنى لازم يكون ليهم مكان خاااس وديل يدخلو توش كدى والله يسهل ليهم ويعدل ليهم خطوتم..ما الكلام البنفخنى دا كلام سمح وطيب وأنا ما زول فهماااان وسمح..

ولا تنسوا "البوست بوستى وانا مخير فى"..

[العاقب مصباح]

والخرفان مولعة نار



شية على طول يعنى

كل عام وانت بألف خير ابو خالد

وعيد سعيد يمر عليك

[ود الجعلي]

واحد واحد واحد..
تجربة واحد .. تجربة واحد..تجربة واحد..
واحد اتنين تلاتا..
تلاتا اتنين واحد ..




نحن غايتو وراك


بركشة

ولا

كداري


مخير ما مخير...........

بوستيك ما بوستيك............

انشالله تعدد كده

لحدي ما تصل مليار


بس المهم نحن

في خترات الركشة

و

نحن وراك والزمن طويل.......


وكل عام وانت والعائلة الكريمة بالف ركشة ............... اقصد بالف خير

تحياتي ومحبتي

[ابوخالد]

شية على طول يعنى

كل عام وانت بألف خير ابو خالد

وعيد سعيد يمر عليك


مع الإعتزار لسيد الركشة أقصد البوست

عقبة

ده لزوم قعدة العيد لنفخ الختة ,,, وعمل الحسابات

قبل العيد ,,,

ياخى ماتجى ,,, وتجيب معاك أبووضاح والملكة وود السنى

وبالمرة تغشو المستشار ودالماذون ...

عشان العيد يبقى عيدين ,,,

والشية تبقى شيتين ,,,

[أشرف صلاح السعيد]

تلاتا اتنين واحد ..


كل عام والجميع بألف خير

*
*
*
*
*
*
*
*
*
*
*
*
*
*
والخرفان مولعة نار


أها يا ابو خالد الخايفين منو وقعنا فيو..
قصدك شنو بالخرفان مولعة نار دى؟..ما تعمل ليى حريف وختيت لى تهنئة فوق عشان تمرر كلامك التحت دا..وبعدين تهنئتك زاتا شنو الجلدنة العليك فيها دى "الف خير" مالا مليون خير ولا مليار خير "ابت ولا تمنعت ولا قالت برى ما بنكشف على رجال؟"..
قصدك يا زول منو الخرفان ديل؟..وبعدين ما تقول ليى الخرفان البتقول باااع ديل بيعرفو يولعو نار..البولع النار دا يازول فى مظاهرات ماشى فيها وبيولع النار فى عربات الحيكومة بلادة منو ..ولا زول بيطبخ ليو فى اكلة والخرفان دى من يومنا ياهو بتاكل الخضار ونى كمان لا مسلوق لا مطبوخ..قاصد منو انتا بالخرفان ديل..
يااخى ما تسيب المشاكل يااخ وامشى وفر ليك قريشات عشان قالو الخرفان مولعة نار بدل ما تطاعن الناس كدا..
"البوست بوستى وانا مخير فى"..

[العاقب مصباح]

مع الإعتزار لسيد الركشة أقصد البوست
عقبة
ده لزوم قعدة العيد لنفخ الختة ,,, وعمل الحسابات
قبل العيد ,,,
ياخى ماتجى ,,, وتجيب معاك أبووضاح والملكة وود السنى
وبالمرة تغشو المستشار ودالماذون ...
عشان العيد يبقى عيدين ,,,
والشية تبقى شيتين ,,,



بصفتى صاحب سيد البوست بقول ليك اتفضل ساى وما تقيف
زيتنا فى دقيقنا
يا ابو خالد يعلم الله كلامك بيفرح
ويطير جن الكلام منى
وبيهدينى السكات سنوات
وشاكر لى شياتك
واعتبرنا اكلنا منها
وشيتك تطمن والله
والله دى عزومة ولا ألف خروف
عزومة النية السليمة
والقلب الأخضر
وإحساس يا زول يا وطن

شكراً عيد

[أشرف صلاح السعيد]

شية على طول يعنى

كل عام وانت بألف خير ابو خالد

وعيد سعيد يمر عليك


انتا ياعقبة شنو يعنى شنو يعنى..عامل ما بتعرف تقرا ولا عامل حقااار يعنى؟..شنو العملتا ليى البوست مطعم مشاوى..وأنا عارفك قاصد حاجة تانية وبتدعى فينى الأتشوشو..غايتو البدعينى أكان فى وشى ولا فى ضهرى الله يسامحو ..ماحبا فيو عشان ذنوبى الكتييييرة تخف ولما تخف ومايلاقو ليى ذنوب "إن شاء الله" يشيلو من حسناتو ويدونى وهو يخم ويصر..
ليه يعنى يعنى تدعينى عشان أنا فهمااان وطيب ..
وبعدين جلدنة أبو خالد دى عاداك بيها ألف خير بس ؟..دى هسع دى بتكفى الناس ديل كلهم ؟..مالا مليار خير ..عليكم الله شوفو ناس المشاكل ديل اصلو ما بسيبو شكلم..
وبعدين أمشى حضر الشطة والدكوة الشيات دى ما بتدورلها مشهيات؟..
الله يسامحك ويسامح كل المسلمين ويجزيهم كل الخير..
وأوعك تنسى "البوست بوستى وانا مخير فى"..

[أشرف صلاح السعيد]

نحن غايتو وراك


بركشة

ولا

كداري


مخير ما مخير...........

بوستيك ما بوستيك............

انشالله تعدد كده

لحدي ما تصل مليار


بس المهم نحن

في خترات الركشة

و

نحن وراك والزمن طويل.......


وكل عام وانت والعائلة الكريمة بالف ركشة ............... اقصد بالف خير

تحياتي ومحبتي

هوووى ياود الجعلى ما بتقرا انت ولا شنو؟..قوانين ولوائح البوست دا ما عجباك ولا ما عجباك يعنى؟..
لكن عاد وقتين فى جعلية وناس ما بتخاف الجلد بفصل وبعمل نفسى مرحااااب وكدا..
ولأنك طبقتا البند التالت فى اللوائح بغض الطرف عن البندين التانيين وكدا..
يااخى ما تخليها ألف ركشة وألف خير..بس بالله عليك حدد لينا فى الدعوة الألف ركشة ديل يكونو مرخصات ومدفوعات ضرايبن وزكاواتم وجوكيتم يكونو اولاد حلااااال..ولحق الدعوة كدا بورشة صيانة كبيرة عشان لزوم تكسر الشوارع ام بلات زلط ديل المنقرات زى تربيزة اللحام..ونسيت شى مهم بالله لحقنا بدعوة للبواليس الليلات المرور يلبسوهم سمح وغير الابيض وتكون رواتبن ما تحوجم يتلككو للناس وحقين "حركنا يا ابوالشباب" الله يهديهم وييقن قلوبم..ويهدى الريس ويديه بطانة صالحة..

ولا تنسى "البوست بوستى وانا مخير فى"..

[ودالعمدة]

واحد واحد واحد..
تجربة واحد .. تجربة واحد..تجربة واحد..
واحد اتنين تلاتا..
تلاتا اتنين واحد ..

ود الخال
الشوق مايكات
كمل ... كمل
test...test...test
مازال الطفل ليلاً يحبو
فى انتظارك ...... يافنان !

[أشرف صلاح السعيد]

ود الخال
الشوق مايكات
كمل ... كمل
test...test...test
مازال الطفل ليلاً يحبو
فى انتظارك ...... يافنان !


ود العمة والعم سلام وكدا..
بس تعال هنا الشوق ماى كات "my cat" دى شنو؟..كديستك يااخوى وانت مخيّر فيها ..
أها وكمان جابتلها طفل ليل يحبو ..ليو حق طفل الليل يحبو عاد الاشعة الفوق البنفسجية دى بتجى من القمر؟..ما بتجى من الشمش وبتزيد امتصاص الطفل للكالسيوم مشان كدى الشافع عضمو بيقوى وبيمشى بسرعة وما بجيهو كساح زى قرارات المؤتمر البتتولد بالليل ديما..غايتو طفل الليل دا شكلو حيقضيها حبو لو ما قلب لشِفت الصباح وبقى شفت..والمؤتمر دا زاتو بعد كدا يسيب شفتنت الليل ويكون تفكيرو واااضح بالصباح ومع الناس وبالصباح..
وبمناسبة فنان دى هاك الاغنية دى:
الليل ليل ..الليل ليل انا ما بنومو ..
لأنى أنا حاسب جنونو..
يا ليل نجضتنى نجاض والفردة عامل شتاااااااات..
ومصهين كمان يا ليل وبتحيّن الزوغااااات..
كدى كدا يا ود عمتى ما بتعرف ليى سر ألحانا السودانية دى كلها تمضمض وتجرجر كدا ليه؟..والناس تهيج وتميج لما الفنان يمض الكلمة يخليها لستكة عدت مرحلة المرونة وخلت معامل المرونة مالانهاية..يا لليييييييييييييييييييييييييييييييييييييييييييييييي ييييل وتلاقى الجمهور يصفر ويصفق وينطط هو لو عاوزين نفس طويل ما يصفقو كان لود الفتيلى عليك امان الله كان يدق الراس بالقيفة دى يطلعا ليك فى الرملة بهناك..قال ليل قال..

ولا تنسى "البوست بوستى وأنا مخير فى"..

[عبدالرحمن مدثر]

دقيقة ياشرفولة عندى هديماااااااااااات

شريتا فى البووووت

ممكن انادى ليها نداااء عاجل عبر تيستاااتك هنا

باقى ليك قالوا مراكب الريد غربت ولاشرقت

ولاجنبت بجنبة

وجنبك ومشتهيك ياعيون

وكيف .. كيف لما الفراق يحصل

ان شاء الله مايحصل

والحاصل بى انا شوق وحنين

وكمان بالليل اهات وانين

من شوق زائد حبتين

ومن غربة تمط فى الاحساااااااس على قدر طول السكة


(الكلام دا كلو جابتو ريحة شية وكدا )

وبعض (الشر ............... بوووت )


كل عااام والجميع بخير

وائما تامين ولاامين

[النويري]

أولاً كمل لينا قصتك يا أشرف ما فهمنا حاجة لحد الأن وبقول للعاقب ما تتغشى في شية أبوخالد بعدين تطلع ذي خروف محمد السني دفع الله لي يوم الليلة الدرديري والمكاشفي بغشوا فيه الخروف الخروف ولا طال الشيه ولا الجلد

[أبو حمزة]

ده شنو ده..؟؟!! هي متين ضلَّمت؟؟.. خلونا ننوِّم الشفع أوَّل بالتبادي.. وبعدين تعالوا نفِّخوا لينا في المكرافونات..
بسم الله الرحمن الرحيم..!!
بعدين .. كل عام وأنتم بخير..!!
وأملي أن تحقَّق كل أمانيك أنت يا أشرف بالذات..
وطلب خاص لو ممكن..!! داير أشوف بعشوم سكران.. !! إن شاء بحلال!!!!!
ودمـــــــــــــــــــــــــــتم ســـــــــــــــــــــــــــالمين...!!

[بت مارنجان]

البوست دة فيهو نفخ ساون ؟؟؟
ممكن نهدي ياخوانا غنية " احمد المصطفي "
في رائعته :

الليلة ماجاء بلالي ماجاء
الجنن عقلي وزاد قلبي طمسة
قميصو البمبي وزراريو الخمسة

:p

[ابوالنور]

مخير مخير مخير اسي السالك منو مش بوستيك ده انا زاتي تاني ما فايتو مش انا برضي مخير في نفسي عليك كلمم يا اشرف الناس ديل زاتو ما بسمعو الكلام انا اسوي ليهم شنو
نقطة

[أشرف صلاح السعيد]

دقيقة ياشرفولة عندى هديماااااااااااات

شريتا فى البووووت

ممكن انادى ليها نداااء عاجل عبر تيستاااتك هنا

باقى ليك قالوا مراكب الريد غربت ولاشرقت

ولاجنبت بجنبة

وجنبك ومشتهيك ياعيون

وكيف .. كيف لما الفراق يحصل

ان شاء الله مايحصل

والحاصل بى انا شوق وحنين

وكمان بالليل اهات وانين

من شوق زائد حبتين

ومن غربة تمط فى الاحساااااااس على قدر طول السكة


(الكلام دا كلو جابتو ريحة شية وكدا )

وبعض (الشر ............... بوووت )


كل عااام والجميع بخير

وائما تامين ولاامين


ود مدثر سلام وكدا..
والله حيرتنى حيرى!!
كشفتا للوائح حقت البوست ولقيتنى رحتا وطشيت واحترتا جد هسى دى استعمل ياتو بند..
خربشاتك زى الشربوت فيها الطعم وفيها النكهة وأكان رجعتا ليها بعد كم يوم بتعمل التنميلة اللذيذة.."استغفر الله العظيم" يااخى مالك علينا من الصباح تخلى وسواسنا اشتغل؟..
شر بوووت دى يااخوى بتنشف البوووت؟..وقصدك شنو يعنى الناس بتشرب جزم "ولا مؤاخذة ..بنتآخذ ليه ما عارف!!"..البوت دا ما هو الليل العساكر بالسودان والليل البنيات السميحااااات امات بوهيى فى القنوات الليلة اللبننة ؟..عليك أمان الله أطول شى لابساتنو الجزيمة "يااخى معقول"..الكريعات من الاخمص وحتى الركبة مستورات "السترة ما سمحة" ومن الركبة للصرة غايتو فى شبر أكان شبر ووخمسة مصابعين قماش كدا شفااااف "هو الناس ديل ما عندهم مصانع قماش؟"..
والله بندورلنا فتوة مستعجلة تب..
هل بعد مشاهدة القنوات دييييك يستلزم علينا تجديد الوضوء؟..
ود مدثر يااخوى عايز اجوطك لكن سلوكى انتا جوطتها عشان كدى بالله جوطنا بشويش بشويش بالطريقة دى بتقتلك زول بسكتة جمالية..
ولا تنسى ياالزول "البوست بوستى وأنا مخير فى"..

[أشرف صلاح السعيد]

أولاً كمل لينا قصتك يا أشرف ما فهمنا حاجة لحد الأن وبقول للعاقب ما تتغشى في شية أبوخالد بعدين تطلع ذي خروف محمد السني دفع الله لي يوم الليلة الدرديري والمكاشفي بغشوا فيه الخروف الخروف ولا طال الشيه ولا الجلد


النويرى كل عام وكل من يهمك بكل الخير وكما تتمنون..
يااخى معقول ما عرفتا القصة لهسى؟؟.
القصة تقول الفى نفسك والبوست بوستك وانت مخيّر فى زى ما أنا مخيرّر فى..
انت قول الفى ضميرك وخلى ليى باقى الكلام..
وضحت القصة؟؟..

[أشرف صلاح السعيد]

ده شنو ده..؟؟!! هي متين ضلَّمت؟؟.. خلونا ننوِّم الشفع أوَّل بالتبادي.. وبعدين تعالوا نفِّخوا لينا في المكرافونات..
بسم الله الرحمن الرحيم..!!
بعدين .. كل عام وأنتم بخير..!!
وأملي أن تحقَّق كل أمانيك أنت يا أشرف بالذات..
وطلب خاص لو ممكن..!! داير أشوف بعشوم سكران.. !! إن شاء بحلال!!!!!
ودمـــــــــــــــــــــــــــتم ســـــــــــــــــــــــــــالمين...!!


إيدو مبارا ألينا أليكم كل سنة تيبون تيبون..
نوم الشفع على راحتك..
إن شاء الله جميع أمنياتك محققة والحب البينكم يبقى حكاية ..حكاية لذيذة مليها نهاية..
عاد بعشوم دا نسكرو ليك كيف يا أبا حمزة؟؟..داير ناس حقوق الطشامة يجيب ليى مذكرة ولا شنو؟..

[أشرف صلاح السعيد]

البوست دة فيهو نفخ ساون ؟؟؟
ممكن نهدي ياخوانا غنية " احمد المصطفي "
في رائعته :

الليلة ماجاء بلالي ماجاء
الجنن عقلي وزاد قلبي طمسة
قميصو البمبي وزراريو الخمسة

:p


بت مارنجان كل السنين انت ومن يهموك بكل الخير وكما تتمنون ويرضى الله..
أهدى يااختى براحتك..بس اهم شى تلاقى السعادة مع اب قميص بمبى اب زراير خمسة..

[أشرف صلاح السعيد]

مخير مخير مخير اسي السالك منو مش بوستيك ده انا زاتي تاني ما فايتو مش انا برضي مخير في نفسي عليك كلمم يا اشرف الناس ديل زاتو ما بسمعو الكلام انا اسوي ليهم شنو
نقطة


ابو النور إن شاء الله أيامك كلها نور ومن يهموك وكل الأمانى محققة..
الناس كلمتهم وعلى قولك ما بيسمعو الكلام مشان كدا الله يهدى سرهم ويطمن بالم ويفتح بصيرتم ويسمعو الحق ايا كان معاهم ولا مع الابطال ومافى بيناتنا مؤكد خيانة..
نقطتين وشخيط بيناتم..لأنو القسمة بتتقبل على كل الاعداد..