اسرتي اعيدت من قلب الباخرة رحمة ..... حراااااام يا ناس

[monim]

اسرتي اعيدت من قلب الباخرة رحمة ..... حراااااام يا ناس



]



الأخوة الكرام
حضرت أسرتي الى ميناء سواكن أمس 28/11/1430هـ بغرض العودة للسعودية عبر الباخرة رحمة ، بتذاكر من شركة الاسكلا ، وتم ختم الجواز من قبل الجوازات وأخذوا كرت دخول الباخرة (pording ) وشحنوا عفشهم وخلصوا كل شيء ، وعندما وصولوا لباب الباخرة ظهر لهم تفتيش أخير من قبل طاقم الباخرة رحمة المشغلة بواسطة مصريين ، فاعترض طريقهم موظف مصري تابع للباخرة ومنعهم من الدخول بحجة أن تأشيرتهم منتهية منذ يوم 26/11/1430 هـ أي قبل يومين ولم يسمح لهم بالسفر لان السلطات السعودية ستعيدهم الى السودان مرة أخرى وهناك غرامة ستترتب علي الباخرة باعتبار أن ذلك مخالفة ، أسقط في يد زوجتي وهرولت نحو الجوازات مستنجدة بهم فقالوا لها آسفين فعلاً تأشيرتك منتهية ونحنا ختمنا لك الخروج بالخطأ وقاموا بختم الخروج بعبارة لاغي وطلبوا منها مراجعة السفارة بالخرطوم لعمل تمديد تأشيرة .
المفرع في الأمر والذي اتضح صباح اليوم أن التأشيرة سارية حتى 29/11/1430هـ أي اليوم والإرجاع كان أمس ، بمعني أنها لو سافرت أمس للحقت في مواعيدها ولكن لو ركبت باخرة اليوم ستصل بعد انتهاء التأشيرة بيوم .
الختم الذي بنى عليه مفتش الباخرة قراره وهو يوم 26/11 ليس هو المرجع لان هذا تاريخ الخروج من السعودية ومكتوب في أعلى التأشيرة أن المدة 183 يوم من تاريخ 23/5/1430 هـ وآخر يوم للعودة هو 29/11 .
المصري لم يقرأ هذه البيانات في أعلى صفحة التأشيرة وتحجر في الختم الذي يعني أن التأشيرة انتهت منذ يومين
زوجتي لم تر هذه المعلومات أيضا لتحاجج بها إلا بعد فوات الأوان وبسبب ما أصابها من لخمة وصدمة .
مطلوب رأي القانونيين :
هل نقاضي شركة رحمة صاحبة الباخرة باعتبار أن موظفها أعاد أسرة من قلب الباخرة بسبب معلومة خاطئة وتسبب في ايذائها معنويا وماديا وأضاع منها فرصة اليوم الأخير وحرق تأشيرتها .
وهل من حقنا مقاضاة جوازات سواكن التي ألغت تأشيرتها ولم يفطن ظابط الجوازات لان التأشيرة لا زالت سارية ويدافع عن أسرة سودانية ( اتبهدلت ) بسبب تهاونهم في فهم التأشيرة الواضحة كالشمس .
نرجو من الخبراء واصحاب الراي والمعرفة والقانونويين فتوانا بما يمكن فعله للحصول على حقنا المعنوي والمادي بسبب ما لحق بنا من ضرر ، ونشر وتعميم هذا الموضوع على كل المواقع والمنتديات حتى لا يمر مرور الكرام
فقد شبع الشعب السوداني من المرمطة والمهانة وضياع حقوقه بدون اعتذار أو تعويض أو أي شيء يجبر بخاطره ويحفظ أدميته .

مع جزيل الشكر والتقدير ،،،،

عبد المنعم الحسن محمد
ايميل : monim_hasan@hotmail.com
هاتف : 00966505226800[/SIZE]

[monim]

يا ناس منتدى ود مدني اصحابي الاعزاء والله أنا بطني فايرة وزعلان شديد ومغبون وعايزكم تقيفوا معاي بكل ما تملكوا حتى أبرد بطني واسترد
حقي

[monim]

خاصة من المصري الشفقان من الغرامة وذي ما عارفين المصريين دايما بعملوا على اسوأ الاحتمالات

[نبض المشاعر رووونة]

والله ليك حق انك تزعل
لانهم ناس ما منظمة وما عندها اي تفاهم
والناس البمشو بالبواخر والله متعزبين شديد معاهم
يكفي انهم بقعدو في سواكن البتمرض الزول زيادة
الله يكون في العون

تقبل مروري

[نخيل طيبة]

السلام عليكم اخي الكريم عبد المنعم
وربنا يجبر بخاطرك ويعوضك خير ويسهل الامر ان شاء الله
صح انه الواحد بيزعل وبينقهر شدييييييييييييييييد
لكن في السفر خيرة وقالوا كان شالتك خيرة لكن كان ختتك خيرتين
وليهم موية ورزق في البلد لسه ماكمل
اصلك ماتزعل وفوض الامر لله وتأكد انه الحصل خير وان شاء الله كل شئ يسير على
مايرام ويتصلح للاحسن فالاحسن ...

[moh_alnour]

أمر المسلم كله خير أخي منعم
فما أصاب عائلتك مقدر و مكتوب و لم يكن ليُخطئهم
و هذا أمر الله نفذ ، و مؤكد أنه لخير اُريد لهم
و مقاضاة الشركة قانوينا ً أمر أنت أكثر من يفتي فيه و إن كان الضرر فقط في التأخير فأحتسب و أمرك لله
ولولا أنا لو تفتح عمل الشيطان لقلت لك أن زوجتك شاركت في هذه المهزلة بعدم تدقيقها في تأريخ التاشيرة

[محمد حسين (المميز)]

لقلت لك أن زوجتك شاركت في هذه المهزلة بعدم تدقيقها في تأريخ التاشيرة




نعـــــــــم يا ودالنــور هو ده المفيـــد

عذرا استاذ عبدالمنعم

كان على عائلتك توخي الحذر في عدم العوده على ((الحركرك))

تفاديا لما حصل

كما انه كان عليهم وانت اولهم معرفة موعد نهاية التأشيره مسبقا

يعني مفروض من يوووووم مغادرتهم المملكه مفترض انت عارف
آخر يوم للتأشيره متين


لانه زي ما قالو ما حك ضهرك الاّ ضفرك

يعني لا الجوازات ولا موظفين المينا ولا موظفين الباخره حيكون

قلبهم على اولادك زيــّــك



على العموم ربنا يصبرك ويعوضك


تقبـــــل مروري

[بت أم درمان]

سيد منعم . دائما الحرص مهم في كل الامور ...
وخاصة الامور الزي كدا ...
انا دائما التواريخ بتعمل لي هاجس ...
اذا كان تاريخ انتهاء التاشيرة او تاكيد موعد السفر ....
ما بحب المقالب الزي كدا ...
و كلمة يا ريت ما بتفيد . لان الحصل حصل ...
وكان لابد من انتباهك انت اولا . لموعد انتهاء التاشيرة...
ومتابعتك للموضوع دا كان ضروري ...
المهم ان مقاضاتك لأي جهة ما حا تفيدك باي شي ...
وحاليا فكر كيف ممكن تتصلح الغلطة دي ...

[monim]

شكرا للجميع وذي ما قلتوا دي غلطتنا نحنا الفرطنا ... ومسالة الحصول على حقوق ربما من المستحيلات ... كلمت مدير الاسكلاء بجدة وكان رجل في غاية السخف والتملص والتبرير الاصفر البغيض ... تباً للاسكلا ... تباً للباخرة رحمة .... تباً لسواكن .... وتباً لذاكرة زوجتي الخربة ومماطلتها

[سيد البلد]

شكرا للجميع وذي ما قلتوا دي غلطتنا نحنا الفرطنا ... ومسالة الحصول على حقوق ربما من المستحيلات ... كلمت مدير الاسكلاء بجدة وكان رجل في غاية السخف والتملص والتبرير الاصفر البغيض ... تباً للاسكلا ... تباً للباخرة رحمة .... تباً لسواكن .... وتباً لذاكرة زوجتي الخربة ومماطلتها




الأخ منعم ...

طالما أنك صاحب حق وله متابع ثق أنك ستناله ولكن بكثير من الصبر والتمسك بحقك كاملاً غير منقوص

فالموظف الذي قام بارجاع زوجتك وابناءك من على ظهر الباخرة إرتكب خطأ يجب ان يعاقب عليه

لتسرعها وعدم التدقيق في تاريخ إنتهاء التأشيرة ...

ولا تلقي باللائمة على ذاكرة زوجتك وإن طالها بعض العتب لعدم تدقيقها هى الأخرى في تاريخ التأشيرة وإن كان بها شيئاً من اللبس , فمن باب أولى أن تدقق هي في التواريخ لأنها المعنية بالأمر و " صاحبة الوجعه "

وضع في حسبانك أن صلاحية التأشيرة لم تنتهي إلا يوم أمس ولم تكن ملزمة بالعودة في يوم معين طالما أن بها فترة سماح لم تنتهي بعد ...

[التيمان]

يا اخينا امكن لاقدر الله هسى كان الباخره دى غرقت بيهم

عسي ان تكرهوا شيئا فهو خير لكم ..

احمد الله وبوس يدك وش وقفى واعمل نايم ..

لكن اقول ليك الكاميرا الخفيه عندكم

هع هع هع

[أشرف صلاح السعيد]

اخى منعم تحياتى واشواقى..
عودا حميدا وبعادك طال..
الخطأ جماعى كما أسلف بعض المتداخلون من وجهة نظرى..
عدم تدقيقنا لحوائجنا "مقارنة عدد الأيام بتاريخ الانهاء"للتصحيح حينها..
إفتراضنا عند كشف الخطأ وعدم مطابقة عدد الايام بالتاريخ بأن الآخر سيتفهم "لا تفهم بالقوانين فالمصرى عليه بتاريخ الدخول لا الاستنتاج والاستدلال بمنطقية الاشياء"..
الضابط المختص شريك أساسى فى الخطأ ..
من تحليلى السابق أعتقد خطأ زوجتك يضيع حقها بالمطالبة من الضابط والله اعلم..
وكلنا خطاؤون وما شاء الله قد كان وعسى أن تكرهوا شيئا وهو خيرا لكم..
بالله عليك ثم بالله عليك ثم بالله لا تغلظ على زوجتك الكريمة فكلنا خطاؤون..والعترة بتصلح المشية..

[محب]

دا حلة دي الله اكون فى العون

[حاتم مرزوق]

ليست المشكلة مشكلة زوجة الأستاذ منعم بل مشكلة الجوازات التي لم تدقق جيداً مع ان هذا من صميم عملها فهي التي كان ينبغي ان تحسم الموضوع وتوضح الأمر لأمن الباخرة حتي يسمح لها بالمغادرة اما المسافر فيكفيه ابراز المستندات المطلوبة.

[monim]

الى اخوتي الاعزاء المتداخلين

والله زعلان من المصري الجاهل الساذج الما عارف ابجديات وظيفته لكن مغستي أكبر على الضابط السوداني الذي لم يكلف نفسه عناء التدقيق وهذا من صميم عمله واكتفى بالتأمين على كلام المصري والغاء التاشيرة ، أي قلب واي مشاعر يحملها هذا العسكري الذي يعيد سيدة معها اربعة اطفال معظمهم بنات صغار لسواكن التعيسة ، اليس الاجدر به تصفح التأشيرة وتقليبها عسى ان يجد ثغرة لصالحها بدلا من الاكتفاء بختم لاغي .
يمكن دي لعنة صاحبنا بتاع يوميات مغترب بتلاحقنا
والله ناس سواكن ديل ربما من اولياء الله الصالحين ، تخلوا عن جماعتي عشان كتاباتي عنهم في بوست يوميات مغترب شرع في اجازته السنوية والله شنو .

لن أتركهم في حالهم رغم استسلامي لأن هذا مقدر ومكتوب من عند الله تعالى ورغم ايماني القاطع أن القدم ليهو رافع

مع تحياتي لجميع من اثروا البوست بالنقاش والمواساة

[ام قبس]

اخي منعم حمدلله علي السلامه
اوجز مداخلتي في الاتي
1_ قدر من رب العالمين ونعم بالله
ولكن زوجتك غير ملامه ابدا وهذا ليس تحيز
عشان نكون واقعيين
المرة السودانيه بي طبعها خوافه جدا ((معلش دي طبيعه ربونا بيها اهلنا ))
يعني لمان زول شغال وبيدوه مرتب ما عارف مفروض يركز ولا يدقق ويين هي كيف مع ربكه اطفال وتمشي لي ناس الجوازات المعروف عنها اللغه اللطيفه شديييييييييييد:mad:
ويأكد ليها صحه كلام المصري
والله دي لو انا كنت اتكبكبته
بالذات نحنا اتعرفنا بالضابط شخصيه مخيفه يعني كلمه والتانيه ممكن ينهر ذي ولي امرك
انا بقول ليك حقك ماتخليه وحتي لو هي شافت التاريخ وهم رفضوا يخلوها تدخل كان شنو بي يدها تعمل
عبد المنعم حقك ماتخليه اقلها ياخي تكسب اجر لو لفتوا نظروا ساي ((المصري وبتاع الجوازات )) يمكن تساعد في التقليل من الصبف والعنجهيه دي
وانا لاعلم لي بالقانون بس عقلانيا كدا طالما هي منعت من دخول الباخرة حتي لو مشت قعدت بس هو السبب في التأخير
ماااااااااااااااااااااااااااااااااااااااااااااتخلي حقك
ماااااااااااااااااااااااااااااااااااااااااااااااات خلي حقك
وزوجتك اشكر ليها شيل هم السفر وحدها مع اطفال والله مرة ولادسته رجال

[سماحة]

الاخ منعم
كلنا خطاؤون ... جل من لا يخطأ
فوض أمرك لله وأعف عنهم
وقول انا في غنى عن المحاكم و وإحتمال تزعل اكتر لما تكتشف حاجات تانية ...
اعف عنهم واحتسب ده كلو لله...........

[abomazeen]

المقدر مكتوب و كان والحمد لله ... بس أم العيال ما بتتحمل الغلط لوحدها ... الجميع مشترك فيه
والله يا عبدالمنعم قدامكــم مشواااار طوبببييل وجررة بتاعــت ناس السفــارة في الخرطوم
غايتو الله يكون في عون أم الأولاد الجري ح يكون كتير ... طولّ النفــس دي نصيحتي لك

[monim]

يا أخوانا زوجتي فهمها بتاع الاسكلا التعيس انو عفشها راح سلفا لجدة وستجده هناك متى ما أتت في الحفظ والصون بمخزنهم بجدة .... اتصلت على الاسكلا بجدة بالمدير العام شخصيا الذي افادني أن العفش ليس مسئوليتهم ولا يدرون عنه شيء ولا علاقة لهم به وسيظل بحوش الميناء ولو لم ييسر الله لاولادي الحضور خلال ايام قليلة سيصادر .

يا أخوانا دي زيادة غبائن

يا اخوانا ده استهتار

يا جماعة دي ميتة وخراب ديار


يا ناس جدة عايزين فزعتكم أنا بعيد ومشغول ومتوك وقفاي اعوج

فهل من شخص يساعدنا في انقاذ العفش من الضياع والمصادرة

مع تحياتي وشكري على تعاون الجميع

[monim]

تباً للاسكلا التي سافضح سبهلليتها وسوئها وتراخيها عن اداء واجبها كشركة نقل .

[abomazeen]

يا ناس جدة عايزين فزعتكم أنا بعيد ومشغول ومتوك وقفاي اعوج

فهل من شخص يساعدنا في انقاذ العفش من الضياع والمصادرة

مع تحياتي وشكري على تعاون الجميع



افا ... أنا أبوك يا مازن ...

عبدالمنعم ... راسلني على الخاص

وأنا تحت أمرك ... ما تشيل هم يا حبيب

[monim]

رقم جوال مدير الاسكلا بجدة هو / 0509729065

مع الشكر للجميع على الاتصال به وسماع رايه السلبي الذي قاله لي

[monim]

اسمه المهندس / عبد الرحمن
وظيفته / المدير التنفيذي

[monim]

يا جماعة المستشار القانوني عندنا في الشركة قال لي دي قضية واضحة وبالمستندات ومن السهولة تكسبها ضد الباخرة رحمة
طلب مني اجيب بيانات عن الشركة المالكة للباخرة وجنسيتها وعنوانها

فزعتكم يا شباب جيبوا لينا خبرها ( قال رحمة قال ) دي عذاب

[صلاح الدين]

أخوي عبدالمنعم والأخوة الذين أثرو البوست
تحية طيبه
ربنا يديك الصبر .. زي ماقالو الأخوان ما تحمل أم أولادك أكتر من طاقتها .. مسيكنه من بهدله لي بهدله .
بالنسبه للباخرة حسب علمي مملوكه للمصريين .. وزي ماقاليك أخونا أبو مازن أبشر كلنا معاك ..
بالنسبه للعيال موضوع التأشيره ماتتأخر في عمل التمديد .. لأنو التأخير بعقد المشكله .. وربنا معاكم .ِ

[monim]

أخي صلاح الدين

شكرا لك كثيرا ويكفي وقفتكم المشرفة يا ناس منتندى ود مدني ... من خلال هذه الازمة التي أوضحت لي مع أي بشر محترمين ونبلاء مثلكم اتعامل

[monim]

أبشركم بفضل دعائكم وبتوفيق من الله حصلنا على تمديد للتأشيرة اليوم وسيرسل الجواز غداً في فجرا للجماعة في بورستودان
دعواتكم لنا بانتهاء فصول هذه التراجيديا على خير
الشكر موصول لكل من وقف معنا معنويا وشكر خاص لمن ابدوا استعدادهم من اعضاء المنتدى بجدة في مساعدتنا في استخراج العفش .
التحية لجميع الناس أهل الحارة بهذا المنتدى الجميل

[monim]

أبشركم الجماعة وصلوا بخير وصحة جيدة وهم الآن في فترة نقاهة بعد آثار الرحلة المهببة

[ابوخالد]

أبشركم الجماعة وصلوا بخير وصحة جيدة وهم الآن في فترة نقاهة بعد آثار الرحلة المهببة


حمدآ لله على سلامة وصول الجماعة ,,,

لكن ماتخلى حقك القانونى ,,, أبدآ ,,,





لانهم خرشوا لى عربيتى فى الباخرة ,,, وإتنكروا منها ,,,
لكن ربنا موجود

[مبارك عمر عباس]

الف حمدآ لله على السلامة
وكل عام وانتم بخير

[بابكر]

الاخ العزيز منعم
لك التحيه
وبصراحه , أقول لك فوض أمرك الى الله , وأجتهد فى أيجاد وسيله لاحضار زوجتك ,, وأنسى حكاية القضيه , والاخ المصرى ,,, لانك سوف تتعب ولن تجنى سوى الالم وضياع وقتك ومالك فى قضيه , سوف تخسرها حتما , وأنا لى نفس الظروف لابنى الذى ألغيت تأشيرته نتيجه خطأ فى الجوازات ,
ويعدين زوجتك إتأخرت كثيرا ,, كان يجب أن تترك أقل شى أسبوع قبل إنتهاء التأشيرة لزوم الطوارئى,
أتمنى لك التوفيق

[أبوريتاج]

الاخ منعم
كل عام وانت بخير
اؤيدك بشدة على مقاضاة الجميع فيما حدث ،، وبالاخص الاسكلا وما ادراك ما الاسكلا والتي تعتبر اسوأ شركة كلها مماطلة وتسويف وخداع وقلة حياء وللاسف تتعامل هذه الشركة بتعالي مع زبائنها وبدون اي مسئولية على اي شئ ( بصات هزيلة قديمة منهيةالصلاحية وفنادق ازفت من الزفت وموظفين ما تفهم منهم اي شئ ) وخدمات في سواكن زي الزفت ) فالمفروض موظف الاسكلا بسواكن يكون على دراية بالتأشيرة وتاريخها والمتابعة حتى ركوب عملاءها بالباخرة والتأكد من ذلك ،، وللاسف ايضا جميع موظفي الاسكلا يتعاملون باسلوب كله جفاء وعدم احترام بالرغم من المبالغ التي تدفع لهم .. ولي مع الاسكلا قصص ولكن والحمد لله تبت منهم نهااااااائي. ( والله العظيم لو يدوني تذكرة مجاني تاني ما عااااااااوز ) ..
خليك وراء حقك وربنا يعينك ..

[أبوعماد]

أخي العزيز عبد المنعم للأسف الشديد نحنا بنقول عليهو ميناء والله ياأخي دا عبارة عن ( زريبة ) وأما عن السلطات السودانية القائمة على إدارة هذه الزريبة فحدث ولا حرج ، تخيلو إخوتي لو كان لديه أي قريب أوصديق مسؤول داخل هذه الزريبة التي أقولها بملئ فمي والله لوكان عندك ولو حتى بس صديق لكانت زوجتك اليوم بجوارك وبدون التدقيق في جواز سفرها بس تكون بصحبة مسؤول أوحتى عسكري عادي ، ولو أنك تقدمت بشكوى أو حتى مجرد إقتراح ليت هناك أذن صاغية (لاحياة لمن تنادي)
أخيراً أقول لك أخي الكريم مايسعك فعله الصبر والدعاء فقط قدرالله وماشاء فعل
كان الله في عونك

[moh_alnour]

أبشركم الجماعة وصلوا بخير وصحة جيدة وهم الآن في فترة نقاهة بعد آثار الرحلة المهببة

حمدا ً لله على سلامة العودة و إن شاء الله أخر المواقف المهببة

[monim]

الشكر للجميع على المواساة والوقفة المعنوية الكبيرة منكم يا ناس منتدى مدني الكبار فهماً ومقاماً وحباً .... خالص شكري لكم جميعا .... لكن والله الاسكلا ما أخليها لو خسرت كل ما املك كي يفهم هؤلاء السذج القائمين على امرها أن الدنيا ليست فوضى .... وسأجري وراء حقي حتى ابلغة لملصحة الوطن وكي ( اقش ) الدرب من السخف لكل بسطاء بلدي الذين سوف يأتون من بعدي حتى لا تصادفهم هذه الحفر والمطبات التي وقع فيها أولادي

مع ودي وتحياتي للجميع

[بت أم درمان]

أبشركم الجماعة وصلوا بخير وصحة جيدة وهم الآن في فترة نقاهة بعد آثار الرحلة المهببة

حمدلله بسلامة الجماعة . وبركة وصلو طيبين . يا ما في الدنيا من امتحانات . ربنا يجعلها اخر الامتحانات القاسية

[monim]

وراك والزمن طويل يا الاسكلا بس خلي الدوائر تفتح ....

[ahmed algam]

الف حمدآ لله على السلامة
وكل عام وانتم بخير