حارجع السودان بعد.........

[منتهى]

كل واحد لما فكر اغترب كان عندو هدف محدد

بس الملاحظ مافى واحد رجع تانى بى اختيارو

مع انو كتير منهم حققو احلامهم .

فى البوست دا عايزه كل زول متغرب

اكمل الجمله

برجع السودان بعد.......

[شبارقة]

برجع السودان ان شاء الله بعد أن يصبح السودان من الدول الخالية من الفساد المالي والاداري ..
بعد أن يعلم كل رئيس ومدير ومسئول ابتداءً من رأس الهرم حتى أخمصه أنه مجرد موظف فوضه الشعب للقيام بواجباته الوظيفية وأن المال للشعب وهو أمانة في عنقه ... وأنه في خدمة المواطن طالما يتقاضى راتباً على عمله.
عندها سوف أرجع الى السودان ...

ما تقولوا لي:
لو كده حتموت فطيسة في غربتك !!!

[منتهى]

برجع السودان ان شاء الله بعد أن يصبح السودان من الدول الخالية من الفساد المالي والاداري ..
بعد أن يعلم كل رئيس ومدير ومسئول ابتداءً من رأس الهرم حتى أخمصه أنه مجرد موظف فوضه الشعب للقيام بواجباته الوظيفية وأن المال للشعب وهو أمانة في عنقه ... وأنه في خدمة المواطن طالما يتقاضى راتباً على عمله.
عندها سوف أرجع الى السودان ...

ما تقولوا لي:
لو كده حتموت فطيسة في غربتك !!!

طيب انا معاك محتاجين تغير شامل

بس كيف نغير لو كل واحد ما عايز

ارجع وحتى الفى السودان عايز

اسافر .

الهروب عمرو ما حل قضيه

[esmat]

الهروب عمرو ما حل قضيه


لهذا سنكون منتشرين في كل بقاع الارض
فالسودان مازال طارداً لأهله اما متى الرجوع
فهذا لا نستطيع العلم به ولكن نقول يارب وإن شاء الله

[ام قبس]

بس الملاحظ مافى واحد رجع تانى بى اختيارو





اكمل الجمله

برجع السودان بعدين.......

...........................................

[حاتم مرزوق]

ها هي الأنتخابات قادمة ومن اي مكان نستطيع ان نصنع التغيير وفق ما نحب وليس وفق ما يري السياسيون، وعندئذٍ لا بد من العودة والأسهام في كل ما يرتقي بالوطن.

[بت أم درمان]

يا منتهى انا ما دايرة ارجع السودان ... ولا عندي نية للرجعة نهااااائي ... اجازات بس . وكله بامر الله

[منتهى]

لهذا سنكون منتشرين في كل بقاع الارض
فالسودان مازال طارداً لأهله اما متى الرجوع
فهذا لا نستطيع العلم به ولكن نقول يارب وإن شاء الله

مازال وسوف يظل

لانو مافى حد قلبو علي بلدوا

والكل مستنى سوبر مان اجى
اخلصنا

وشكرا على المرور

[منتهى]

...........................................

بعدين متين ؟؟

[منتهى]

ها هي الأنتخابات قادمة ومن اي مكان نستطيع ان نصنع التغيير وفق ما نحب وليس وفق ما يري السياسيون، وعندئذٍ لا بد من العودة والأسهام في كل ما يرتقي بالوطن.

المحترم حاتم مرزوق

والله التغيير لو على الانتخابات الله ارحمنا

لانو نتيجة الانتخابات الكل عارفا قبل ما تبدأ.

نحن عايزين الكل ارجع السودان وفى ميةطريقه للتغيير.

[منتهى]

يا منتهى انا ما دايرة ارجع السودان ... ولا عندي نية للرجعة نهااااائي ... اجازات بس . وكله بامر الله

يا بت امدرمان افضل ترجعى براك لانو ممكن بكره اطردوك (عاااااادى)

[الاشوبية]

إن شاء الله لم السلام يعم البلد وتكون الوحدة بين الشمال والجنوب

[سماحة]

حأرجع السودان بعد كم يوم ؟؟؟
انشاء الله
طبعا الحلم انو الواحد يرجع بعد ما يبني البيت ويشتري العربية ورصيد في البنك و..........
وزي ما قلت احسن نرجع قبل ما نموت هنا والغربة ما زي زمان..

[moh_alnour]

برجع السودان بعد .......

ما راجعين نهائي :mad:
كنتا عايز أقول ليك برجع بعد ما ترجعي يا منتهى
لكن أتذكرتا أنك راجعة قريب أنت و زوجك بعد ما أكتفيتوا من خيرات البلد دي :eek:
اللهم لا حسد ( مافي رباطابي بتحسد ) ;)
اللهم زيد و بارك

[منتهى]

[color="black"]ما راجعين نهائي :mad:
كنتا عايز أقول ليك برجع بعد ما ترجعي يا منتهى
لكن أتذكرتا أنك راجعة قريب أنت و زوجك بعد ما أكتفيتوا من خيرات البلد دي :eek:
اللهم لا حسد ( مافي رباطابي بتحسد ) ;)
اللهم زيد و بارك

انت الوحيد الفاهم الحاصل حساده ما عايزه

اخلى وراى حد .. ارجع براى كدى..

الرائع ود النور ما نشوف ليك وظيفه معانا بترجع السودان

لكن شكلك قاعد فيها على طول(الغربه)

[ابو لوزة]

والله النية موجوده كل ما نقول خلاص الرجعة قربت
تزداد الامور سؤ وما بقول لما حال السودان يتصلح
لانو الامل ضعيف لكن بقول لما الناس يبطلوا ياكلوا
في لحم بعض

[شبارقة]

اسكن شبح الغربة الغادر
الظلم هضيم ملعون فاتر
والليل غربال الضو... شاطر
والسر البينك وبين الضل
مكبوب في أعلى مكان ظاهر
والوجع الاتعب طاقيتك
قادر .. قادر
و كتفك ملموم
لا خط لا نجوم
مطموس معدوم
حقك مهضوم
جلدك محموم
قلبك فاتر
مجبور تنهد
لا حق لا عد
ولا حد شايفك
ولا عارفك حد
ولا عندك طين
لا حق لا حد
حايم صايم
دايماً نايم
والناس بتخم
ولا عارفنّك ..
ولا حاسبنّك ..
ولا حاسنّك ..
ولا شايفنّك ..
انّك نايم ...
غايب ...
تترمرم في البلدان
الما هيلك ..
وهيلك يا زول ..
أكلوا الدودو ..
اكلوا التمساح ..
الأهلوا نصاح ...
وانت النايم ..
لا طين لا حد
ولا عادك حد ..
غايب نايم ..
مسكين يا زول ..