رحم الله رجلا كان اسمه القضاء

[عاشق النجمه]

بسم الله الرحمن الرحيم

الساده الكرام احيكم بتحية الاسلام الخالده
وعنوان البوست غريب شويه لاكن اين القضاء فى زمن النسبه

هذه الايام نسمع بنسه الموئيه فى كل الايصالات الحكوميه ولكن
اليوم تيقنت تماما بان النسبه دخلت القضاء
قصه غريبه فى دوله غريبه فى مدينه اغرب ..... القصه كانت لها ايام وهى فى احدى الدواوين الحكوميه وهى المجلس وما ادراك ما المجلس البلدى وهى اغرب قصه فى زمن اعوج القصه كانت السنه الماضيه وهى العوائد وما ادراك ما العوائد بعد كد وعناء وتحصيل وتحاصيل الى الحكومه.... جاء الى احد الموظفين ومعه خطاب مروص من المحليه ومعنون الى والمبلغ فيهو زياده ذهبت الى المجلس وقلت ياناس الله القروش دى انا دافع فيها وهى اسى جايانى بزياده مليون جنيه طيب الموظف قام وقعد وانت
قايل نحنا حراميه وشى من الاهانه وحاجات كتيره حاميانى من الكلام قلته ليهو جيب الدافاتر بتاعتى من الانشاء .... بعد اهانه .. وامشى هنا وتعال وهنا اللهم دخلت الى المدير ... وسبحان الله بى نفس اللهجه الكان بتكلم بيها الموظف قالها المدير .. وشوية كلام قال امشى اراجعو ليك الدفاتر اللهم مشيت ومعاى كميه من الايصالات .. جات امراءه موظفه قالت لى يا..... ولدى تعال انا بفتش معاك .. جابت الدافاتر .. وقعت تفتش ... بعد شويه لقت(( الغـــــــــــلـــــــــــط )) مشت الى المسؤل وطبعا الزول ده داير اخش فى الارض... من الخجل ... وداير الطف الجو قال ؛جل ما يسهو
قلته ليهو سبحان الله انت بلله بتسهو بى مليون الكلام زعل ليك الزول ده زعل ..
.امس
10\10\ 2009تفجاءة
بى بوليس المحاكم شايل ليهو اعلان قدر الضربه ..... لمحكمة العوائد قلته ليهو خلاص انا بجى بكره قلته امشى المجلس اشوف الحاصل شنو مشيت لى عمك يا عمنا الحاصل شنو قال لى انت كنت وين قلته ليهو والله انا كنت فى سفر خارج السودان اسى الحاصل شنو قال انت جاك انزار فى المحكمه صاح قلته ليهو ايوه جانى لاكن ما ممكن تتحل هنا قبل المحكمه قال لى لا امشى المحكمه يازول ... جبته ليهو كم زول عشان اتفاهم معاى بس اجى انا أقول لا المحكمه قلت ليهو خلاص كوسي
اليوم 11\10\2009
مشيت من الصباح المحكمه قلته خلاص معناتا هناك فى مولانا بسمع كلامى
مشيت من الساعه 8 صباحا ومولانا جانا الساعه 10ونص ... وشايل اخلاقو فى راس ((......))
خشيت ليهو قال انت ماداير تسدد ولا شنو قلته ليهو والله داير بس الايام دى انا عندى ظروف قام ....... قال لى خلاص اسكت طلع تلفونو اتصل على الموظف الحكومى
قال ليهو انا معاى فلان قام الموظف قال ليهو الزول ده ادفع المبلغ كلو ولا نص المبلغ والباقى شيكات .... عمك القاظى بسمع فى كلام الموظف وبكتب فى الحكم .....................................؟
بعد انتهاء المكالمه شال القضيه وختاها فى جنب قال لى خلاص اكسب الزمن عشان ورانا قضايه ... طبعا اصابنى زهول اتكلته فى الطربيزه قال لى شيل يدك من الطربيزه عشان نحنا فى محكمه ... طبعا خفته قلته يامولانا انا والله اسى عندى ظروف نص المبلغ ده ماعندى لاكن ممكن فرصه قال لى والله الزول قال مافى اى فرصه .....
طبعا اتزكر ة كلام المولى عز وجل ((قال تعالى :{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6

قلته فى سرى الحمدلله ... معقوله يكون كلام المدير نفس كلام الموظف ومولانا برضو ))
على العموم ماعارف ؟؟؟
الشئ المحيرنى انا حاكمنى القاضى ولا الموظف
اذا كان القاضى بدون مكالمات هاتفيه كان بقول القاضى
لكن محاكمه بتلفون بقول الى القاضاء معك السلام .....

[المكاشفى]

العاشق اخوى جارك الله فى مصيبتك
وما خفى اعظم واحمدالله جات على قدر كدى
قضاء يزهق ارواحا بإمره ناس خلى قروشك دى
ربنا يجنبنا الفتن ويحفظ بلادنا ويولى امرنا من
يخافك ياكريم ياحليم

[أبو جودي]

أخونا عاشق النجمة وأخونا المكاشفي ،،،
فعلاً الإنسان يتألم جداً عندما يرى ويسمع ما طال مؤسساتنا التي كنا نفتخر بها أمام الدنيا وأمام كل الأقطار بما كانت تتمتع به وكل ما نقول زمان الناس تشن علينا حملة لكن برضو بقوله حليل زمان ،،،
يا أخواني المناصب الحساسة دي زمان الناس ما بتتقلده بالساهل ولا يتم الاختيار لها فقط بالدرجة العلمية فلها مواصفات كثيرة جداً "ومثل ومبادئ والكثير الكثير" أما ما نراه اليوم فقد تغير الحال بقينا ننظر لها كوظيفة ،،، يعني زمان القاضي له هيبة كبيرة جداً ليست بسلطاته وقوانينه ولكن بشخصيته فالقوانين لا زالت هي وإمكن في تطور لو ما قلنا أنها ما برحت مكانها لكن أخواني العيب فينا نحن ،،، فلقد فرطنا في قناعات كثيرة ومثل ومبادئ كثيرة ولا أريد أن أفصل اكثر والإيجاز أفضل "لا يصلح الله ما بقوم حتى يصلحوا ما بأنفسهم" فالمسألة كبيرة جداً ،،، لو في نظام إداري قوي لما شهادنا قصتك أخي ولكان هناك فصل لمن لم يكن مؤهلاء في وظيفته وهذا غير موجود في كثير من المؤسسات .
عليه أخي حسب نظرتي في العلاج ،،، أن نقوم بتربية أجيالنا وهي أكيد أجيال المستقبل على قيم وأسس قوية ومتينة حتى تصارع ما هو سيء وتأتي لنا بالأحسن والجديد الذي نأمل فيه .
فنسأل الله أن يغير ما بأنفسنا أولاً وسوف يكون هناك التغيير الصحيح بإذنه الكريم .

[عاشق النجمه]

الاخوه الكرام الاخ الفاضل
المكاشفى ......
اليك كل الود والتحيه العطره
ما خفيه فى ما بعد القضاء ((سلام على الدنيا بعد القضاء ))
الى اخى الفاضل ابوجودى
قلت فاوجزت اليك كل الاحترام والتقدير