&&& يوميات الحاج متحشر &&& عكس التيار ... [الأرشيف]

العاقب مصباح

06-11-2009, 01:38 AM

الإهداء :- إلى كل من يسبح عكس التيار ...أبحثوا عن وسيلة للإنقاذ ...

الحاج متحشر ... شخصية نجدها كثيراً فى أغلب محطات حياتنا إن لم يكن كلها ...

يحاول تمرغ أنفه فى الذى يخصه والذى لا يخصه ....

يبحث عن وسيلة لطبظ العين ... لا عن وسيلة لإضافة الكُحل ....

من مسته بصورة مباشرة فإنى أعنيه ... ومن لم تمسه ... فهو بعيد كل البعد عن مسار الفكرة ....

نترككم مع يوميات الحاج متحشر ...

محب

06-11-2009, 03:26 AM

فى شنو ؟؟؟؟؟؟

حافظ شعبان

06-11-2009, 04:10 AM

اشكرك من قلبى
واتمنى ان لا اكون انا المقصود

العاقب مصباح

06-11-2009, 04:12 AM

فى شنو ؟؟؟؟؟؟

هههههههههههههههههههههااااااااااااااااى

حلقات كوميدية يا محب

أتمنى تعجبكم

ليك كل المحبة

وخليك متابع معانا

العاقب مصباح

06-11-2009, 04:15 AM

اشكرك من قلبى
واتمنى ان لا اكون انا المقصود

عمنا حافظ شعبان

الزول السمح الفات الكبار والقدرو

موضوع كوميدى يعالج كثير من المواقف فى حياتنا

زواج

خطوبة

علاقات انسانية

علاقات اجتماعية

كتبتها فى الفترة السابقة

فى اتصالك اليوم طلبت منى اواصل وما اقيف

قلت تكون عربون مواصلة

وتحية من هنا لى محل انت موجود

بتمنى تكون موجود معانا هنا

ولى عظيم الشرف بى طلتك

ahmed algam

06-11-2009, 05:06 AM

واصل ياعافب

يوميات الحاج متحشر

دا زول زي مابقولوا

عامل فيها ابو العريف

واي حاجه بيقول بعرفا

moh_alnour

06-11-2009, 07:01 AM

و أتمنى أن لا أكون أنا المقصود

العم حافظ شعبان لو لم أكُن مبالغا ً فأنا أجزم بأن الكلمات التي سيأتي ذكرها قِيلت في شخصكم الكريم
فمثلك من يجب أن نقف له إجلالا ً و إكراما ً و تقديرا ً و إحترام فأنت شمس تهب الضياء و فاكهة الشتاء

ما أجمل أن يكون الإنسان شمسا ً بين الناس
يلتمسون منه دفئهم
و يشتاقون له كل ما غاب
ما أجمل أن يكون الشخص زهرة
يسارعون الناس إليه كي تحضنه أياديهم
وما أجمل أن يكون الشخص كتاب
يتمنى كل قارئ يجلس بجانبه
كي يقرأ من كلامه قليلا ً
وأن يعتبر من حروفه كثيرا ً

همسة : منتظرين يا عقبة يوميات الحاج متحشر

العاقب مصباح

06-11-2009, 11:30 AM

واصل ياعافب
يوميات الحاج متحشر
دا زول زي مابقولوا
عامل فيها ابو العريف
واي حاجه بيقول بعرفا

ابو العريييييييييييف يا احمد اخوى

لو جيت لى اى شئ هو سيده وبيعرفه

بيجمع ما بين الخبرة فى تصليح الكمبيوترات وبين حفر المقابر

ما بين تحليل مكونات الذرة ... وما بين توسير العناقريب

كل شئ موجود وبالكثرة

لك المحبة مقدما

العاقب مصباح

06-11-2009, 11:34 AM

العم حافظ شعبان لو لم أكُن مبالغا ً فأنا أجزم بأن الكلمات التي سيأتي ذكرها قِيلت في شخصكم الكريم
فمثلك من يجب أن نقف له إجلالا ً و إكراما ً و تقديرا ً و إحترام فأنت شمس تهب الضياء و فاكهة الشتاء

ما أجمل أن يكون الإنسان شمسا ً بين الناس
يلتمسون منه دفئهم
و يشتاقون له كل ما غاب
ما أجمل أن يكون الشخص زهرة
يسارعون الناس إليه كي تحضنه أياديهم
وما أجمل أن يكون الشخص كتاب
يتمنى كل قارئ يجلس بجانبه
كي يقرأ من كلامه قليلا ً
وأن يعتبر من حروفه كثيرا ً

همسة : منتظرين يا عقبة يوميات الحاج متحشر

للعم حافظ شعبان مكانة خاصة

لا يحتويها أى شعر يا محمد اخوى

نحتاج حروفاً من دموع الفرح

ومن عرق الغلابا

لنستطيع أن نجمع بين طيبته ووقاره

أهدى له أبياتك الشعرية

لم يحن عندى موعد تقديم هدية تشبهه

أنتظر الزمان ليجود على بعمل أستطيع أن أهديه له

له كل المحبة الراسخة منذ ميلادى

ومنذ ميلاد الحب ايضاً

كُن متابعاً كما عودتنى دوماً اخوى محمد

لك المحبة والتقدير

العاقب مصباح

06-11-2009, 09:05 PM

الحلقة الأولى :-

علوية :- هى يا حاج مالك ما قمت لحدى هسع قاعد وخالف رجل فى رجل التقول ما من الحلة دى ...قوم يا حاج فز شوف ليك جلابية خش فيها وامش على ناس سليمان ود الحسن ديلك ..

الحاج متحشر :- ها مرة ما تناجضى ساى انا يا دوب جيت داخل خلى راحاتى ديل يبردن ...مالك واقفة لى فى حلقى ..

ناس سليمان عندهم شنو.؟؟؟<o></o>

:- ما بكلمك خلاص وقت بتتماسخ فينى كدى ... الزول كان داير يسوى فيك خير ساى ما يلقى طريقة ...

:- لا لا على الطلاق تقولى ...

:- هى عليك الله فى داعى للتخسم حقك دا ... انا براى بقول ليك لكن صبرا يبل الابرى مافى ...

:- ها مرة صبر شنو والله الصبر الصبرته انا دا مافى زول فى الدنيا صبرو .... كفاية على اشوفك كل يوم وانتى مرتى وصابر ... والله مفروض يدخلونى موسوعة قنيص للأرقام بتاعة القياس ديك ...

:- والله انت راجل ما فوقك فائدة تب ... وانا الصابرة عليك وخليت ابوى براهو لى مرتو الجديدة بعد ما امى الله يرحمها ماتت وداير ات كمان تبقى لى فى حلقى ...الشكية لى غير الله مزلة ...انا ما كنت مرتاحة فى بيت ابوى ..زول ساى كان بيقول لى حاجة مافى ...علا هو غلطان العرسنى ليك ..

:- كدى انسى هسع ياخ ناس سليمان شن عندهم ..؟؟؟

:- قالوا بتهم الكبيرة البايرة ديك جاييها عريس ... وسمعت تحت تحت قالوا دايرين يعقدوا ليهو فد مرة ... ويدخولهو كمان .... اها امشى عليهم عشان ننستر معاهم ... ات زول واجب وما بيوصوك عاد ... قوم هديك الجلابية انا غسلتها وكويتها ومعاها العمة ... <o></o>

:- والعريس الجاييها دا ود منو ؟؟ والله الواحد قاعد فى الحلة دى وما عارف اى حاجة ...

:- لا لا قالوا دا عريس من الخرتوم .... وشفت الحافلة جاية قبيل ومليانة رجال ونسوان سمينات زى بنات هارمونى ...كدى قوم شوف الحاصل وكان لقيتهم دايرين يعقدوا رسل لى شافع عشان اجى احضره معاهم ...

:- خلاص يا مرة النقوم امش عليهم والله كل شئ ولا التقصير فى الواجب ..

اها ودعتك الله ..

وصل الحاج متحشر بيت سليمان ... ووجد الضيوف ... فى العشاء ..<o></o>

:- ها ناس لا سلام على طعام ...

:- وعليكم السلام ورحمة الله وبركاته <o></o>

اتفضل اتفضل يا حاج <o></o>

:- لا لا بارك الله فيكم والله شبعان تب ...ضربت لى كسرة بى ملاح ابيض والله ملانى تب بقيت لمبة ...<o></o>

:- يا زول صلى على النبى ..

:- عليه الصلاة والسلام لكن على الطلاق ما بقدر ازيد فوقها .... ها ناس انا ما ضيف

شخص أنيق يرتدى جلابية ناصعة البياض ... يخلص من الاكل ...يسرع حاج متحشر ...ماسكاً الإبريق .. <o></o>

:- كيف حالك أبو العريس ..

:- والله الحمد لله كيف صحتك انت ..

:- تمام التمام والله ومافى عوجة تب ... <o></o>

:- اها ان شاء الله ربنا يتمم على خير .

:- آمين يا رب ..

:- اها يا العريس ناويين تدخلوهو متين ؟؟؟

:- والله ربنا يهون بس ويمكن شهر شهرين نتمم الموضوع ..<o></o>

:- انت يا اخوى ولدك العريس دا ياهو اب دقينة داك ؟؟؟

:- آى ياهو زاتو ....

:- ومالو داير يعرس البنية دى ولدك شكلو محترم وولد ناس ..<o></o>

:- كيف يعنى ؟؟؟؟

:- يعنى انا سمعت طراطيش كلام ساى قالوا البنية دى والله سمتعها فى الحلة تب ما كويسة

:- كيف يعنى الكلام دا ؟؟؟<o></o>

:- والله نصيحتى ليك ليك ياخدها ولا يعرسها ولا حاجة وكمان سمعت قالوا لمن تتمو الخطوبة بعد شويه ناويين يعقدوا ليك ويدخلوك فد مرة ...

:- يا زول دا كلام شنو دا ....<o></o>

والد العريس المفترض صائحاً :- يا ناس هوى ...قوموا من العشاء دا .. والله ما تكملوهو ... البت دى قالوا سمعتها ما كويسة ... <o></o>

وقف الجميع مشدوهين وتسمرت ايديهم فجأة ... <o></o>

وقع حاج سليمان على الأرض مغشياً عليه ... خرج الضيوف مسرعين ...وتبعهم حاج متحشر ... وصوت البكاء غطى على الزغاريد المفترضة

اللهم لا اعتراض على حكمك ..

نواصل

<o>
</o>

عثمان جلالة

06-11-2009, 09:52 PM

التصم خشمو على حجر وحاااااااال :mad::cool:

ناس غير الخراب ما بتعرف لي حاجه :)

وااااصل يا عقبه .. الشخصية النمطيه والموجودة بكثرة في مجتمعنا السوداني :rolleyes:

مدنيّة

06-11-2009, 10:13 PM

عمنا حافظ شعبان

اتخيل بث يا العاقب
امبارح في اتصالي بيهم في احتفال الرياض
"عمو" حافظ قال لي سلمي علي "الاخ" جمال":eek:

هسي ريحتني فيه جنس راحة:cool:

الواحد ماعايز يقوليك انه الحاج متحشر دا اصبح جزء اصيل من كل الشخصيات السودانية لكن غايتو بنواصل معك

واصل يامبدع

telecom

06-11-2009, 11:14 PM

عقبة قصصك ممتعة ومشوقة لكن ادهشتنى اكتر من اندهاشة بت مارنجان ما بصدق انو يكون فيها شى من الواقع بالذات فى مجتمع القرية ولو دا حصل 0000000000000 يبقى انا عايشة فى المدينة الفاضلة
يا سيدى اهو كل يوم بتتغير المفاهيم والعاد
ات والتقاليد حتى فى انسان الريف البسيط ربنا يعين

العاقب مصباح

07-11-2009, 01:46 AM

التصم خشمو على حجر وحاااااااال :mad::cool:

ناس غير الخراب ما بتعرف لي حاجه :)

وااااصل يا عقبه .. الشخصية النمطيه والموجودة بكثرة في مجتمعنا السوداني :rolleyes:

التصمو ساى ولا تخليهو ام بريش

ربنا ينتقم من يشبهونه وما أكثرهم فى بلادى

فى السياسة

فى الرياضة

فى الثقافة

فى الصحافة

خليك معانا يا حبيب قلبى

أشرف صلاح السعيد

07-11-2009, 04:04 AM

حبيبنا عقبة سلام اكوام..
يااخوى انت قلتا يوميات الحاج متحشر بس عليك أمان الله الاسم كان تتمو الحاج / متحشر المخسر ..الله يحججو فى جمل أعور ويطش بيو كدا فى غابة أكلين لحوم بشر ما يخلو فيهو لا لحماية لا عضماية المؤذى الله لا تريحو "مغيوظ منو غيظ"..
التحشر لغاية انو يجيب ليو شوية هوا للناس وللمتحشر هينة..بس الا حاج متحشر دا الله يأزاو متحشر ومدمدر لمن حولو والقرى المجاورة وعليهم عدم مراعاة توقيت وأكان جاهم يحضرولو الشلاليت..
اسلوب سهل ممتنع لذيذ وبكوميديا لا متكلفة او مصطنعة..
الرسالة واضحة وكبيرة وبتخش الراس توش ..وواصل يا مبدع واها اتفنت تب واتوهطت..علا برشكم دا مو حار ما تجيبلنا عنقريبك الهبابى السمح داك يخففلنا حرورية الوطا دى شوية..
تسجيل متواصل حتى يقضى الله امرا كان مفعولا..

أبوريلان

07-11-2009, 04:21 AM

الله يجازيكم يا العاقب ويا أشرف ويا الدرديري ويا الدسيس الواحد بقي يباري فيكم وفي قصصكم دي لما يمشي التوج .

حاجز لوج ياعقبة

حج

العاقب مصباح

07-11-2009, 04:59 AM

اتخيل بث يا العاقب
امبارح في اتصالي بيهم في احتفال الرياض
"عمو" حافظ قال لي سلمي علي "الاخ" جمال":eek:
هسي ريحتني فيه جنس راحة:cool:

عمنا حافظ شعبان متواضع لدرجة تفوق الوصف

لكن .. يمكن يكون قاصد جمال الوالى ياخ :p:p:p

الواحد ماعايز يقوليك انه الحاج متحشر دا اصبح جزء اصيل من كل الشخصيات السودانية لكن غايتو بنواصل معك
واصل يامبدع

تصرفات مثل هذا نجدها فى كل حيز من حياتنا

يختار دائماً الفشل لتحقيق مآربه

لا يجد سعادته الا فى بث الفتنة

أسأل الله أن يكون مجتمعنا خالياً منهم فى يوم من الأيام

احترااااااماتى يا مدينة

تحياتى للأخ جمال :p:p:p:D:D

العاقب مصباح

07-11-2009, 05:02 AM

عقبة قصصك ممتعة ومشوقة لكن ادهشتنى اكتر من اندهاشة بت مارنجان ما بصدق انو يكون فيها شى من الواقع بالذات فى مجتمع القرية ولو دا حصل 000 يبقى انا عايشة فى المدينة الفاضلة
يا سيدى اهو كل يوم بتتغير المفاهيم والعادات والتقاليد حتى فى انسان الريف البسيط ربنا يعين

الرائعة منال
سلامات
لا يستحق الأمر دهشة
يستحق فقط نظرة منك بعين فاحصة
ليس حكراً على مجتمع القرية
فى كل مجتمعاتنا نجده
فى أماكن عملنا
فى تجمعاتنا
فى أسواقنا
فى مدينتنا
أردت سردها بلغة قروية لأنها الأقرب لتوصيل الفكرة ...
والحال يشمل عمومية ولا ينحصر فى خصوصية
أحذرى فقد تجديه بجوارك فى المكتب ...
لك كل أحترامى
همسة : الفكرة والنص من بنات افكار الكاتب ولا علاقة حقيقية لها بشخص

نخيل طيبة

07-11-2009, 05:08 AM

وياما خطوبات اتفرتقت وكتبت لها النهاية بسبب ذلك التحشر وتلك المضرة
تعرف يا العاقب انه الحاج ده موجود وبكثرة بس قول الشر بره وبعيد...

العاقب مصباح

07-11-2009, 05:17 AM

حبيبنا عقبة سلام اكوام..
يااخوى انت قلتا يوميات الحاج متحشر بس عليك أمان الله الاسم كان تتمو الحاج / متحشر المخسر ..الله يحججو فى جمل أعور ويطش بيو كدا فى غابة أكلين لحوم بشر ما يخلو فيهو لا لحماية لا عضماية المؤذى الله لا تريحو "مغيوظ منو غيظ"..
التحشر لغاية انو يجيب ليو شوية هوا للناس وللمتحشر هينة..بس الا حاج متحشر دا الله يأزاو متحشر ومدمدر لمن حولو والقرى المجاورة وعليهم عدم مراعاة توقيت وأكان جاهم يحضرولو الشلاليت..
اسلوب سهل ممتنع لذيذ وبكوميديا لا متكلفة او مصطنعة..
الرسالة واضحة وكبيرة وبتخش الراس توش ..وواصل يا مبدع واها اتفنت تب واتوهطت..علا برشكم دا مو حار ما تجيبلنا عنقريبك الهبابى السمح داك يخففلنا حرورية الوطا دى شوية..
تسجيل متواصل حتى يقضى الله امرا كان مفعولا..

الحبيب اشرف السعيد
إنه لمن دواعى سرورنا أن نجدك تلتحف البوست
فهذا الشرف تمنيته كثيراً
وها قد حصل
هذا يُضيف لى أعباء إضافية فى الحلقات
ودعواتك دى كان أخرتها شويه لحدى ما نشوف آخرته شنو يمكن تجى تخنقه ساى :d:d:d
يا اشرف اخوى ما بتلحق غيظى منو ...أصلوا هو زول فتن ... وقدر ما يشوف ليهو حاجة طاعمة بيجى يمسخها
نعمل شنو لى الزى دى ..؟؟؟
غايتو ربك يعين ويستر علينا منه ومن تصرفاته
ليك كل المحبة والاحترام وزيادة

العاقب مصباح

07-11-2009, 05:42 AM

الله يجازيكم يا العاقب ويا أشرف ويا الدرديري ويا الدسيس الواحد بقي يباري فيكم وفي قصصكم دي لما يمشي التوج .
حاجز لوج ياعقبة
حج

اهلا حباب شيخ العرب
والله تستاهل ضبيحة
خروف ضحية املح أقرن به غُرة
حبابك الف وشرفتنا والله
وخليك قريب نشوف عمايل الحاج متحشر

العاقب مصباح

07-11-2009, 06:12 AM

وياما خطوبات اتفرتقت وكتبت لها النهاية بسبب ذلك التحشر وتلك المضرة
تعرف يا العاقب انه الحاج ده موجود وبكثرة بس قول الشر بره وبعيد...

الأخت نخيل طيبة

المصيبة أن مثل هؤلاء هم دائماً من يتصدرون الجمع بصوتهم وببعض تأثيرهم

بعضهم صنعته أموال ... وبعضهم صنعته حكومات ... وبعضهم صنعته ..قلة الشغلة البتعمل المشاط ...

لك كل احترامى على مرورك

وخليك متابعة معانا

درديري كباشي

07-11-2009, 07:03 AM

معقولة يا عقبة شفنا ناس حشريين كثير لكن زولك دا اسلحة دمار شامل أدييييييييييل كدا ..

واصل المواضيع زي كدا تغسل الواقع افضل من اومو والكلوركس .. مع انه مع تايد مافيش مستحيل ..

واصل يا جميل ..

alkashif28

07-11-2009, 07:21 AM

حبيبنا واخونا العاقب المصباح تحياتي يازول يا رائع وما اكثر المتحشريين في الدنيا دي تكون تتكلم في موضوع مع واحد يجيك واحد يدخل في الموضوع توووووش بدون مقدمات ويكون غلطان وما سمع الكلام سمح ويتسبب في مشاكل صعبة جدا وما في طريقة لحلها .ومرات يدخل نفسة في ورطة لا يحسد عليها .لكن زولك دا صعب عديل كدة . والسرعة في التحشر بتودي في داهية ههههههه ودي ذكرتني حكاية الحاج القال انتو قلتو بطانية ولا بطارية . تحياتي يا عقبة

الملكة اسماء ( ام محمد )

07-11-2009, 08:49 AM

الحلقة الأولى :-

وقع حاج سليمان على الأرض مغشياً عليه ... خرج الضيوف مسرعين ...وتبعهم حاج متحشر ... وصوت البكاء غطى على الزغاريد المفترضة

<o>

</o>

مؤسف هو حال مجتمعنا ان وصل لهذه المرحلة الخطيرة
فقد علمنا منذ زمن بان هذه الحالة منتشرة بين النساء , لكن ان يكون هذا حال رجل !!!!
فوااااسفااااااه

لا اجد مبرر لهكذا افعال غير البعد عن مخافة الله
فاي بشر عاقل هو الذي ينسى من يرانا ويراقب خطانا
ومن يتبع عورة مسلم وماذا قد يحل عليه من غضب الله ؟؟!!
بصراحة محزن جدا حال هذا ( المتحشر) والمؤسف اكثر هو احساسه باهمية دورة في الحياة من تنبيه وتوعية لاشياء لا اعتقد ان هناك من يريد متطوع من اجلها

العاقب مصباح
قلم مصباح
وحبر يلون صفحات الحاضر بالوان اكثر واقعية
سرد ممتع , شيق , ومُرتب
سعيدة انا بعودة قلمك المتالق لمساحات السرد الجميل
واتمنى الا يغيب هذا الابداع مرة اخرى

واااااصل وبدون فواصل
فانت تجيد فن آسرنا لايام عديدة

احتراماتي يامبدع

العاقب مصباح

07-11-2009, 11:34 AM

معقولة يا عقبة شفنا ناس حشريين كثير لكن زولك دا اسلحة دمار شامل أدييييييييييل كدا ..

واصل المواضيع زي كدا تغسل الواقع افضل من اومو والكلوركس .. مع انه مع تايد مافيش مستحيل ..

واصل يا جميل ..

الرائع درديرى

زارتنا البركة ياخى

والزول دا دماره اكتر من قنابل هيروشيما

نحاول نبين طريقة غسله من الصحون من نقطة واحدة

والدهون التى يتركها رغم صعوبة غسلها إلا ان تركها بدون إزالة يعتبر جريمة فى حقنا وحق من يأتى بعدنا

فلنساهم فى جعل بيئتنا نظيفة من مثل هؤلاء

حتى لو يتم غسلها ونظافتها بالكلور

لك المحبة والاحترام

سعيد بوجودك استاذى درديرى

moh_alnour

07-11-2009, 02:38 PM

الفتنة أشد من القتل و الخوض في أعراض الناس و رمي المحُصنات الغافلات يُعتبر من كبائر الذنوب
و تبقى النفس البشرية تتنازع ما بين الخير و الشر و لكن تظل مثل هذه الممارسات مرض ينتشر و سط قِلة من الناس
نسأل الله السلامة و العافية

لا لا علي الطلاق تقولي
هي عليك الله في داعي للتخسم حقك دا ، أنا براي بقول ليك لكن صبرا ً يبل الآبري مافي

ما قولتوا نُوبة وين الرُطانة ;) واصل يا عقبة بلا فواصل طالما أنها يوميات :cool:

العاقب مصباح

07-11-2009, 08:51 PM

الحلقة الثانية :-
الحاج متحشر:- يا علوية كدى قبل ما تمرقى ناولينى الحقة معاك داير امش لى ناس العرس ديل اقيف معاهم ,,, والله الواحد تعب وفتر تب من الوقوف .<o></o>
علوية :- هى كدى ما كلمتك بالحاصل .<o></o>
:- الحاصل شنو آآ مرة <o></o>
:- العريس قالوا جاب الشيلة ناقصة وسندوهو اهل العروس وقالوا ولا الحبة دى ما عندو , ونسيبته زعلانة تب ,,, بس ممشين الموضوع ساى والله قالوا تعبت عديل لمن ودوها المستشفى لمن ابو العروس اصر على العرس .<o></o>
:- ياخ الناس بتتساعد وما فيها حاجة<o></o>
:- لا لا المساعدة ما فيها مشكلة . لمن يكون عنده وناقص شويه لكن عريس زى دا ما عنده الحبة ,, البيت بنوهو ليهو والشنطة اشتروها ليهو ,, وقالوا خضار العرس دا جابوهو ليهو ,, غايتو عريس مبسوط ساى وغير الحنة ما تعب فى شئ.<o></o>
:- كدى النقوم نشوفهم نوريهم وشنا قبل العرس عشان ما نتلوم معاهم .<o></o>
وصل حاج متحشر لبيت حاج الزين ووجد الناس يعملون بجد ونشاط تهيئة للزواج ,,,تحضير الكراسى ,نصب الصيوانات ,,إعداد كل شئ . ووجد العريس جالساً وسط الشباب يضحك ويثرثر .<o></o>
:- العريس كيف حالك .<o></o>
:- والله تمام التمام ولله الحمد كيفك انت يا حاج .<o></o>
:- والله مبسوط والحمد لله علا ما رضيناها ليك .!!!<o></o>
:- كيف يعنى ما رضيتها لى .؟؟؟<o></o>
:- يعنى موضوع العريس البيكلفتوهو كلفتة ساى دا التقول المرة حامل . <o></o>
:- كيف يعنى حامل .<o></o>
:- البت هى بت عمك ما قلنا شئ . بس كمان كلام انك ما تجيب شئ للعرس وتجى ساى بى حنتك دى انا بشك فيها والله .<o></o>
:- كيف يعنى بتشك يا حاج صلح كلامك.<o></o>
:- ياخى انت ما جبت ولا شئ .. لا شنطة ولا مهر ولا شبكة ولا شيلة وداير تعرس وبنو ليك بيت . والناس توافق عليك .<o></o>
:- كيف يعنى كلامك دا يا زول ,البت بت عمى ودى قروش عمى يعنى عندى فيها نصيب .<o></o>
:- يا زول عمى كباس , سمعت تحت تحت قالوا العروس دى حامل فى التالت بى ود حرام وانت وافقوا عليك ساى .<o></o>
:- يا زول استغفر الله دا كلام دا .؟؟؟<o></o>
:- يا زول على الطلاق غير كدى ما عنده اى تفسير .
صمت الشباب الموجودين وقف العريس ونادى على عمه :-<o></o>
:- يا عم الزين تعال لى هنا .<o></o>
جاء عم الزين مستغرباً أن يناديه زوج بنته المستقبلى . <o></o>
:- أسمع هنا يا حاج , انا بتك دى كان بتدينى معاها قروش الدنيا دى كلها ما دايرها . وخليها بعد تطلع الفى بطنها دا ونشوف راجلها منو يجى يعرسها .<o></o>
حاول حاج الزين أن ينطق .
توقفت الكلمات عن الخروج . وقع على الأرض .. أُصيب بالشلل التاااااااااااااااام .<o></o>
لا حول ولا قوة الا بالله العلى العظيم .<o></o>
<o></o>

<o></o>

<o>و نواصل </o>
<o></o>
<o> </o>

محمد النويري-الفقراء

07-11-2009, 10:17 PM

العاقب يا مبدع والله بفرتك في كلامك فرتيك لاني مستمتع به فهو يعبر عن اشياء يجب ان لا تكون موجودة وسطنا وا في مجتمعنا لك تقديري يا رائع .. ويوجد مثل الحاج متحشر كثيرين ولكن يختلف التوب الذي يتوشحه ذاك المتحشر من ثوب إلى ثوب .. واصل ولك مني كل متابعة بس أنا خائف زذ الحاج متحشر دا إلاقيك بعدين يوم تجي لعرسك .. هههههههه

عبدالله محمد العقاد

07-11-2009, 11:50 PM

الإهداء :-
من مسته بصورة مباشرة فإنى أعنيه ... ...

[/color]

الحبيب عقبة ما من عوايدك انك تقسى و تتغير

عقبة الانسان قد يتعرض لانواع كثير من الظلم و الظلم في راي المتواضع يتمثل في اشياء كثيرة تبدأ من النظرة و انت طالع
و لكن اخي عقبة الانسان يجب ان يكون قوي و كما حثنا الرسول صلى الله عليه و سلم ، المؤمن القوي خير و احب إلى الله
و القوة اخي عقبة تتمثل في ان يكون الانسان عامل مؤثر و ليس متأثر
احيانا الصدمة شوية بتكون شديدة و قد تتسبب في شرخ بعض الدواخل النقية و الطاهرة
و لكن زي ما بيقول ( الجكس ) سمحة اللي بتوري
و القوة اخي عقبة تبدأ من الرغبة
و الرغبة تبدا من مجاهدة النفس و كبح جماح الغضب والاعراض عن من ظلم أو بادر بالشر
فالمظلوم قوي و لديه سلاح فعال و هو الدعاء
و لكن من عفى واصلح فأجره على الله
فحبيبنا عقبة كن عقبة الذي نحبه و نفخر بزمالته واخوته

عوض الكريم الخواض

08-11-2009, 12:48 AM

:- يعنى انا سمعت طراطيش كلام ساى قالوا البنية دى والله سمتعها فى الحلة تب ما كويسة [/SIZE]
</o>[/COLOR][/SIZE][/RIGHT]

يا عقبة ...
سمعنا ( بالتحشر ) ...
لكن قدر دا مااااااااااااااااااا سمعنا بيهو ... :cool::cool:

عوض الكريم الخواض

08-11-2009, 12:57 AM

[B][COLOR=red]:- يا زول عمى كباس , سمعت تحت تحت قالوا العروس دى حامل فى التالت بى ود حرام وانت وافقوا عليك ساى .<o></o>
[COLOR=Black]

الليلة يا العاقب أخوي حا أقيف ليك فى حلقومك ...
وحا أعمل ليك ناقد ( فنى ) :o:o

هذا النص لا يتناسب البتة مع أخلاقنا ومفاهيمنا ... وحتى لو ( اشتط ) العدو فى عداوته لا يمكن أن ينطق بما نطق به الحاج ( متحشر ) ...
فحسب فهمى ان الكتابة الدرامية حتى وان كانت كوميدية تعبر عن واقع ملموس ...
وأنا أرى أن هذا النص لا ينطبق على السودان والسودانيين ...

يا زول الحاج متحشر لو قال كلام ذي دا ... يمين كان يتمو فى المقابر .

العاقب مصباح

08-11-2009, 01:34 AM

الحبيب عقبة ما من عوايدك انك تقسى و تتغير

عقبة الانسان قد يتعرض لانواع كثير من الظلم و الظلم في راي المتواضع يتمثل في اشياء كثيرة تبدأ من النظرة و انت طالع
و لكن اخي عقبة الانسان يجب ان يكون قوي و كما حثنا الرسول صلى الله عليه و سلم ، المؤمن القوي خير و احب إلى الله
و القوة اخي عقبة تتمثل في ان يكون الانسان عامل مؤثر و ليس متأثر
احيانا الصدمة شوية بتكون شديدة و قد تتسبب في شرخ بعض الدواخل النقية و الطاهرة
و لكن زي ما بيقول ( الجكس ) سمحة اللي بتوري
و القوة اخي عقبة تبدأ من الرغبة
و الرغبة تبدا من مجاهدة النفس و كبح جماح الغضب والاعراض عن من ظلم أو بادر بالشر
فالمظلوم قوي و لديه سلاح فعال و هو الدعاء
و لكن من عفى واصلح فأجره على الله
فحبيبنا عقبة كن عقبة الذي نحبه و نفخر بزمالته واخوته

أستميح من تجاوزته عذراً حتى أعود إليهم

أستاذى عبد الله العقاد

سلام من الله عليك ورحمة منه وبركات

أتمنى تكون بألف خير

ليس لى غضب تجاه فرد حتى أكتب بوست لأجله

الغضب عندى لا يستحق أن نفرد له بوست

وليس ضيقى من شخص سبباً أحمله دهراً

من أغضبنى رددت عليه فى نفس المكان وليس من شيمى فتح نوافذ للغضب وفى نفس اللحظة أبحث عن أبواب لتجاوز الغضب .....
ُق تماما يا العقاد أن ما كتبته بالبوست لا صلة له بالواقع ... ولم يمس شخصاً معيناً فى ذهنى أو فى ذهن احد ....

لم أرى فى حياتى شخص كالذى كتبت .... خيالى وخيال أى شخص يمكن أن يتجاوز الواقع .....

المقدمة التى أشرت إليها ربما نوعاً من الإستلاف من إفتتاحية فيلم لا أود ذكره هنا ولكن ربما أمدك به إن رغبت فى الخاص ....

لك كل المحبة والإحترام
وأتمنى أن يكون اللبس الذى صاحبه الإهداء قد اختفى ...

الحاج متحشر شخصية عامة

قد لا تتطايق الصفات الموجودة فيها مع الواقع

هى محاولة للخوف من القادم

محاولة لتجنبه

ولكن هذا لا يعنى أن المجتمع خالى من الحشريين وإن كانو بدرجة أقل ...

لك الود

عبدالله محمد العقاد

08-11-2009, 01:54 AM

الغضب عندى لا يستحق أن نفرد له بوست

وليس ضيقى من شخص سبباً أحمله دهراً

عقبة انا آسف الافتتاحية جاني شكلها غريب شوية و غير مالوفة

بارك الله فيك و موفق دائما ان شالله

العاقب مصباح

08-11-2009, 10:28 AM

حبيبنا واخونا العاقب المصباح تحياتي يازول يا رائع وما اكثر المتحشريين في الدنيا دي تكون تتكلم في موضوع مع واحد يجيك واحد يدخل في الموضوع توووووش بدون مقدمات ويكون غلطان وما سمع الكلام سمح ويتسبب في مشاكل صعبة جدا وما في طريقة لحلها .ومرات يدخل نفسة في ورطة لا يحسد عليها .لكن زولك دا صعب عديل كدة . والسرعة في التحشر بتودي في داهية ههههههه ودي ذكرتني حكاية الحاج القال انتو قلتو بطانية ولا بطارية . تحياتي يا عقبة

الكاشف

سلامات مربعة

زى ما قلت فى نوع بيخطف الكلام خطف

بيتلقى الكلمة الاولى والباقى بيتمو خيال

ويشاكل فيها

زولنا دا بيخلق مشاكل

وفى نوع تانى بيشاكل بى نفسه

مرات لتشابه اسماء

لتشابه حروف

لتشابه نطق

زى ما بيقولو شايل اخلاقه فى ايده

ربنا يكفينا شر النوعية دى

ويجنبنا ليها

ويبعدها من طريقنا

خليك معانا يا الكاشف

لنعرف بقية الاعيبه الساذجة

والمدمرة للمجتمع من حوله

لك المحبة والإحترام

محمد الواثق

08-11-2009, 09:41 PM

استاذنا يا راقي دائما في متابعة دامت هذة الخواطر تحمل اسمك

عبدالرحمن مدثر

08-11-2009, 09:59 PM

صبحى الختير

صباحك جميل معاهو فطير

انت عارف قعدة الفطير دى جميلة بشكل بتكون جربتها

لانها فيها بداية الاندياحات الجميلة

ماعارف لكن اتذكرت حكاية على ودجيرانا العندو ركشة

وقام خطب ليهو واحدة من الحلة الجديدة اهلها مرطبين لاخر ضرس

وهى وحيدة امها وابوها .. اها على دا منفوخ ساى على الفاضى

خاشى فى جلابية ماحقتو .. وهو كلو عندو (5 مليون بالقديم )

المعلومة دى كانت متداولة فى قعدة القهوة بتاعت التلاتة

انا جانى الشمار بس

صاحبك عاش الدور وعيش معاهو اخر العنقود العروسة

وهى على كدا انكشحت

فستان زفاف من عفراء = 450

حنااااانة = 350

رقااصة لزوم الرقصة الاسلولى 4 يوم = 200

فى حاجات نسيتها ... شكلى ماكنت مركز مع شمار (ام مزن )

اها صاحبنا بقى على الحديدة

خمسة مليون راااحت سااى

حالتو الصالة والعشاء ماعليهو

كان عليهو كان وطاتو اصبحت

اقبااال : ياعلى لكن والله العظيم بالغت ماكان تعيش فى دور ماحقك

على : هانت يااختى مافضل حاجة

اقبال : مافضل حاجة شنو انت اول مره تعرس ولا شنو وين الشقة وشهر العسل

على : اخخخخخخخ .. تصدقى نسيت الحكاااية دى

اقبال : نسيت شنو انت قلبك مكفى ولاشنو والجوووطة دى كلها عشان شنو

على : ماعليك بتتحل

اقبال : تتحل بشنو انت بقيت ابيض .. لو سمعت كلامى ورسيت البت على وضعك ماكان دا حصل ليك

اها بعد دااااك وجد على مخرج ... اكتشف انو العروسة واهلها عندهم مناسبة بت خالتهم

بعد 5 يوم ... صاحبنا قال يجازف ليهو شقة لمدة اربعة يوم ويجوا يحضروا المناااسبة

وبكدا ينتهى شهر العسل ... ويكمل باقيهو فى الشقة الفوق بتاعت نسيبوا المجهزنا ليهم

خليت على على كدا

بس ماعاارف بعد داك يعمل شنو

صبحى

اقبلها ساى الدخلة دى

احتمال ماتكون عندها علاقة بموضوع الحاج

لكن فيها ريحة الحباااااايب

العاقب مصباح

08-11-2009, 10:15 PM

مؤسف هو حال مجتمعنا ان وصل لهذه المرحلة الخطيرة
فقد علمنا منذ زمن بان هذه الحالة منتشرة بين النساء , لكن ان يكون هذا حال رجل !!!!
فوااااسفااااااه

لا اجد مبرر لهكذا افعال غير البعد عن مخافة الله
فاي بشر عاقل هو الذي ينسى من يرانا ويراقب خطانا
ومن يتبع عورة مسلم وماذا قد يحل عليه من غضب الله ؟؟!!
بصراحة محزن جدا حال هذا ( المتحشر) والمؤسف اكثر هو احساسه باهمية دورة في الحياة من تنبيه وتوعية لاشياء لا اعتقد ان هناك من يريد متطوع من اجلها

العاقب مصباح
قلم مصباح
وحبر يلون صفحات الحاضر بالوان اكثر واقعية
سرد ممتع , شيق , ومُرتب
سعيدة انا بعودة قلمك المتالق لمساحات السرد الجميل
واتمنى الا يغيب هذا الابداع مرة اخرى

واااااصل وبدون فواصل
فانت تجيد فن آسرنا لايام عديدة

احتراماتي يامبدع

الرائعة أسماء
مجتمعنا ملئ بمتناقضاته
متشبع بإختلافاته
هنالك الجانب المُضئ
والجانب المُظلم
ولكن لن ندع الجانب المظلم يُغطى على المُضئ
ولن ندع بذرة الخير تذبل
ولن نسمح بشجرة الشر تُثمر
المطبات تقابلنا فى كثير من طرق مسيرنا
يجب أن نتخلص منها
بوسائل مباشرة
بوسائل غير مباشرة
بكل ما نستطيع
هى أمانة فى أعناقنا
أن نُطهر المجتمع من بقايا هؤلاء
لك المودة كلها أستاذتى أسماء
فمرورك أطلبه إن لم يأتى
لقدرتك على الغوص للأعماق
وجلب اللؤلؤ حيثما يكون
لك احترامى وبشدة

العاقب مصباح

08-11-2009, 10:17 PM

الفتنة أشد من القتل و الخوض في أعراض الناس و رمي المحُصنات الغافلات يُعتبر من كبائر الذنوب
و تبقى النفس البشرية تتنازع ما بين الخير و الشر و لكن تظل مثل هذه الممارسات مرض ينتشر و سط قِلة من الناس
نسأل الله السلامة و العافية
ما قولتوا نُوبة وين الرُطانة ;) واصل يا عقبة بلا فواصل طالما أنها يوميات :cool:

تبقى النفس البشرية تتنازع ما بين الخير والشر .. ونتمنى أن تُسيطر نزعة الخير على الشر ويبقى الخير ويذهب الزبد وليكن ما ينفع الناس هو محصلتنا فى نهاية مطافنا ...
ونسأل الله أن يختفى حتى من هذه القلة من الناس ... ليس حلماً بالمدينة الفاضلة ولكن سعياً لترقية مجتمع أصابه ما أصابه من أفعال مثل هؤلاء
لك الرطانة كلها يا عزابى ...قصدى المحبة والإحترام

العاقب مصباح

08-11-2009, 10:22 PM

العاقب يا مبدع والله بفرتك في كلامك فرتيك لاني مستمتع به فهو يعبر عن اشياء يجب ان لا تكون موجودة وسطنا وا في مجتمعنا لك تقديري يا رائع .. ويوجد مثل الحاج متحشر كثيرين ولكن يختلف التوب الذي يتوشحه ذاك المتحشر من ثوب إلى ثوب .. واصل ولك مني كل متابعة بس أنا خائف زذ الحاج متحشر دا إلاقيك بعدين يوم تجي لعرسك .. هههههههه

بعضهم يرتدى أثواب بيضاء من الخارج ...
وبعضهم يرتدى أقنعة ربما يراها البعض للخير
وفى داخلها يكمن شراً مستطيراً
فلنحارب مثل هذه الظواهر بكل ما نستطيع
لن يوقفنا يوماً نقص الزاد
سعيد بى متابعتك ... وكان لاقانى الحاج يوم عرسى تبقى مصيبة والله
ربنا يبعده عنا جميعاً
وعن كل المسلمين
لك المحبة و الإحترام

telecom

08-11-2009, 10:23 PM

يا عقبة والله حرام عليك البتعمل فيهو دا اعصابنا بقت ماببتحمل نحنا عارفين الحاج متحشر معانا فى البيت والمكتب وكل مكان لكن ما قدر دا الناس بتسمح ليهو يدخل فى حياتها ويخرب حاجاتا فى زول بيكون قاعد ليهو فى حلقوا وبخرب ليهو مخططاتو ما بيكسب لكن الحاجة العايز يخربا بتسستمر

همسة : شوف ليك موضوع تانى غير العرس دا جننك شديد

العاقب مصباح

08-11-2009, 11:58 PM

يا عقبة ...
سمعنا ( بالتحشر ) ...
لكن قدر دا مااااااااااااااااااا سمعنا بيهو ... :cool::cool:

عوض الكريم الخواض
سلامات شديدة
يا زول فى تحشر اكتر من دا
فى سوس ينخر بين الناس
ربنا يعافينا ويكفينا شره المستطير
لك المحبة والود

العاقب مصباح

09-11-2009, 12:03 AM

الليلة يا العاقب أخوي حا أقيف ليك فى حلقومك ...
وحا أعمل ليك ناقد ( فنى ) :o:o
هذا النص لا يتناسب البتة مع أخلاقنا ومفاهيمنا ... وحتى لو ( اشتط ) العدو فى عداوته لا يمكن أن ينطق بما نطق به الحاج ( متحشر ) ...
فحسب فهمى ان الكتابة الدرامية حتى وان كانت كوميدية تعبر عن واقع ملموس ...
وأنا أرى أن هذا النص لا ينطبق على السودان والسودانيين ...

يا زول الحاج متحشر لو قال كلام ذي دا ... يمين كان يتمو فى المقابر .

عليك الله اعمل لى فيها ناقد فنى مشهور :d:d:d
وحبابك الف والله
هل انت مستغرب من نطق الحاج لهذه الجملة أم من إيرادها فى النص
إذا كنت مستغرباً من نطق الحاج متحشر للجملة سأقول لك إنها تُنطق خفية وليس جهراً
هنالك من يسعى بين الناس بما هو أكثر من ذلك
فى بعض الونسات الجانبية يتجاوز بعض الناس الخوض فى الأعراض بمراحل عدة
كفانا الله شرهم وهم يخفون ذلك وقد تصل لجميع الأطراف التى تؤثر فيها
إذا قصدت أن الجملة لا يمكن إيرادها فى النص فقد سبقنى الكثيرين فى ذلك وإن كنت فى موضع لا يقبل المقارنة ..
والمجتمع السودانى دخلته وولجت إليه الكثير من العادات جلبتها له البطالة .. وبعض المؤثرات الأخرى
وأقول لك أن هذه الصفات التى يتمتع بها الحاج متحشر قد لا تبين فى العلن ولكنها موجودة وبكثرة ..
شفانا الله وعافانا منهم

العاقب مصباح

09-11-2009, 12:04 AM

عقبة انا آسف الافتتاحية جاني شكلها غريب شوية و غير مالوفة
بارك الله فيك و موفق دائما ان شالله

لا يوجد داع للأسف أستاذى وصديقى العقاد
شاكر جداً لمداخلتك والتى أراها ضرورية وفى مكانها الصحيح
سلمت ولك كبير الود

بنت الرفاعي

09-11-2009, 12:55 AM

أخي العاقب بالرغم من وجود المتحشرين زي ما قلت , لكن ما أعتقد إنو في زي ده , لأنو مهما كان الإنسان متحشر ما بيقدر يكون بالقسوة والجرأة دي !!

العاقب مصباح

09-11-2009, 05:24 AM

استاذنا يا راقي دائما في متابعة دامت هذة الخواطر تحمل اسمك

حبيبنا الواثق

سعيد بمتابعتك

واجد فيها الكثير الذى يشجعنى

لا حرمنى الله من قلمك وتواجدك

دمت بكل المحبة والخير

العاقب مصباح

09-11-2009, 05:56 AM

صبحى الختير
صباحك جميل معاهو فطير
انت عارف قعدة الفطير دى جميلة بشكل بتكون جربتها
لانها فيها بداية الاندياحات الجميلة
ماعارف لكن اتذكرت حكاية على ودجيرانا العندو ركشة
وقام خطب ليهو واحدة من الحلة الجديدة اهلها مرطبين لاخر ضرس
وهى وحيدة امها وابوها .. اها على دا منفوخ ساى على الفاضى
خاشى فى جلابية ماحقتو .. وهو كلو عندو (5 مليون بالقديم )
المعلومة دى كانت متداولة فى قعدة القهوة بتاعت التلاتة
انا جانى الشمار بس
صاحبك عاش الدور وعيش معاهو اخر العنقود العروسة
وهى على كدا انكشحت
فستان زفاف من عفراء = 450
حنااااانة = 350
رقااصة لزوم الرقصة الاسلولى 4 يوم = 200
فى حاجات نسيتها ... شكلى ماكنت مركز مع شمار (ام مزن )
اها صاحبنا بقى على الحديدة
خمسة مليون راااحت سااى
حالتو الصالة والعشاء ماعليهو
كان عليهو كان وطاتو اصبحت
اقبااال : ياعلى لكن والله العظيم بالغت ماكان تعيش فى دور ماحقك
على : هانت يااختى مافضل حاجة
اقبال : مافضل حاجة شنو انت اول مره تعرس ولا شنو وين الشقة وشهر العسل
على : اخخخخخخخ .. تصدقى نسيت الحكاااية دى
اقبال : نسيت شنو انت قلبك مكفى ولاشنو والجوووطة دى كلها عشان شنو
على : ماعليك بتتحل
اقبال : تتحل بشنو انت بقيت ابيض .. لو سمعت كلامى ورسيت البت على وضعك ماكان دا حصل ليك
اها بعد دااااك وجد على مخرج ... اكتشف انو العروسة واهلها عندهم مناسبة بت خالتهم
بعد 5 يوم ... صاحبنا قال يجازف ليهو شقة لمدة اربعة يوم ويجوا يحضروا المناااسبة
وبكدا ينتهى شهر العسل ... ويكمل باقيهو فى الشقة الفوق بتاعت نسيبوا المجهزنا ليهم
خليت على على كدا
بس ماعاارف بعد داك يعمل شنو
صبحى
اقبلها ساى الدخلة دى
احتمال ماتكون عندها علاقة بموضوع الحاج
لكن فيها ريحة الحباااااايب

هههههههههههههههههههههههههااااااااااااااااااااااااا ااااى

تعرف يا خرباش

فى علاقة وعلاقة كبيرة جداً

بين ما سردت وما هو موجود فى البوست

التشابه فى زولنا الما عنده التكتح وداير بت عمه

وبين زولك الكملن قروشه قبال يصل

واى دخول ليك لازم يكون فى محله

وبتفهمها وهى لسه ما طارت

بس عليك الله دايرين نعرس

وحالتنا صعبة زى زولك دا

بس شوف لينا صرفة مع ناس عفراء واسلولى والحنانة

يوجد بحث عن عروس

لا تحب الحناء فى فى ايام الزواج

لا تحب الرقص

ولا تحب فساتين الزفاف

تحب التياب والعبايات

اها بالطريقة دى اتسهلت تب يا خرباش

خليك معانا ياخ

جيتك بتدى الغيمة دفعة عشان تمطر حرف

العاقب مصباح

09-11-2009, 06:19 AM

يا عقبة والله حرام عليك البتعمل فيهو دا اعصابنا بقت ماببتحمل نحنا عارفين الحاج متحشر معانا فى البيت والمكتب وكل مكان لكن ما قدر دا الناس بتسمح ليهو يدخل فى حياتها ويخرب حاجاتا فى زول بيكون قاعد ليهو فى حلقوا وبخرب ليهو مخططاتو ما بيكسب لكن الحاجة العايز يخربا بتسستمر

همسة : شوف ليك موضوع تانى غير العرس دا جننك شديد

المشكلة يا منال انو فى كل تفاصيل حياتنا بنلقاهو

لو كان موجود فى جانب واحد كان بنركز عليه

لكن شوفى من اقصى اليمين الى اقصى اليسار

عشان كدا خلى اعصابك باردة جدا

فى حاجات صغيرة صغيرة

زول ممكن يفرغ هواء السيارة

زول ممكن يرمى القزاز بتاع البيت

زول ممكن يرمى حيطة

زول ممكن يكون قاعد فى حافلة بى آلة حادة يمزق المقعد القاعد هو فيهو

على مستوى الدول ... دول تسمم مياه الشرب... دول تسمم الارض بدفن نفاياتها

شفتى الحكاية كبرت كيف ...

رد الهمسة :- نعمل شنو عاد لينا سنين بننجه فيهو وهو لسه بعيد ... نغنى ليهو مع ود الأمين ...قرب تعال ما تبتعد

كلها سنين ونتفكفك إن شاء الله

:p:p:p

العاقب مصباح

09-11-2009, 06:27 AM

أخي العاقب بالرغم من وجود المتحشرين زي ما قلت , لكن ما أعتقد إنو في زي ده , لأنو مهما كان الإنسان متحشر ما بيقدر يكون بالقسوة والجرأة دي !!

الرائعة مرام

سلامات اكيدة

ربما تكون الحقيقة أقل تفاصيلاً مما ذكرت ولكنها أكثر تأثيراً

خبر ضعيف تتناقله الألسن يؤدى إلى كارثة

ما قصدت بكتابته ليس الحقيقة كلها

الكتابات ليست كلها حقيقة

للخيال جانب كبير فيه

ما أردته هو تسليط ضوء

وليس عكس للصورة بتطابقها الكامل

لك الاحترام الأكيد مرام

العاقب مصباح

09-11-2009, 06:28 AM

نواصل فى

الجزء الثالث من :-

يوميات الحاج متحشر

العاقب مصباح

09-11-2009, 06:30 AM

الجزء الثالث :-

الحاج متحشر :- يا علوية جيبى لى البطانية دى النخت راسى والله مصدع تب من مشاوير النهار من بيت لى بيت فوق موضوع التبرعات دا .<o></o>

حاجة علوية :- ها راجل تبرعات شنو وراس شنو ...كدى قوم شوف ناس الحسن ديل دايرين يرجعوا الجنى الاسمه عثمان لى مرته سعدية بت الطاهر .<o></o>

:- صباحاته بُيُض يا حاجة ...كدى خلينا الننوم وقت مافى عشاء .<o></o>

:- تتعشى لقط يا حاج انا بقول ليك قوم شوفهن عايزين يرجعوا المرة لى راجلها تقول لى داير عشاء ولا داير تنوم . كدى قوم على حيلك . يعنى يقومو يرجعوهو وانت ما تكون مشترك فى الموضوع ...نسوان الحلة يقولن على شنو . يقولن راجلى ما بشارك مع الناس فى عمل الخير . علا كان جيت للنصيحة . والله مفروض اصلو ما يرجعوها البت ام حنيك دى . غايتو جنس نضميها وفلهمتها تب ما شفتها <o></o>

:- فلهمة شنو يا مرة ؟؟؟

:- هى دى التياب دى الا تلبس الربطة . وقالت ليهو الا تشترى لى الشنطة الجديدة دى ودا سبب الطلاق زاتو ,

:- شنطة شنو يا مرة ,,؟؟<o></o>

:- هى ما سمعت بى موضة نسوان الزمن دا ؟؟؟<o></o>

:- موضة شنو يا مرة ؟؟؟<o></o>

:- هى قالوا ظهرت شنطة جديدة إسمها ((إحتمال ابيت برة )). ودا غير اللبسة الجابتها اليوم داك . الاسمها (( عدم الوالى )) واللبسة الاسمها فصل العلمانية ديك ,,,الله لا وراك ليها .

:- ها مرة دا كلو اول مرة اسمع بيهو .<o></o>

:- كدى قومى على حيلك ناولينى الجلابية والعراقى والحقة النقوم الحقهم ارجع معاهم الراجل لى مرته .<o></o>

وصل حاج متحشر الى منزل تهانى المطلقة ووجد القوم قد سبقوه وهى فرحة وتضحك وتوزع المشروبات عليهم ..تناول حاج متحشر العصير دون أن يشارك فى فى الصلح الذى بموجبه وافقت الزوجة على العودة لزوجها .<o></o>

ومن ثم قاموا للذهاب لمنزل الزوج عثمان وإقناعه برجوع زوجته إليه .<o></o>

سبقهم حاج متحشر واخد عثمان الى خارج المنزل ... وأصطحبه نحو الحواشات القريبة من القرية .<o></o>

:- يا عثمان هووى اسمعنى كويس وخت كلامى دا حلقة فى اضانك .<o></o>

:- كلام شنو يا حاج ؟؟؟<o></o>

:- الناس ديل سمعت بيهم قالوا دايرين يرجعوا ليك المرة . ديل ناس ياسين ومختار والضو. ومشوا لى ناس تهانى وهى موافقة ترجع بس قالت لبسها الشين داك ما بتخليهو . وكمان قالوا ليهو انتى بس قولى خليته لمن نرجعكم بعد داك اتحكمى فيهو زى ما دايرة , وبصراحة يا عثمان اخوى لبسها كعب تب , عليك الله وقت بتلبس لبس زى دا ما احسن ليها تمشى ساى تسرح وتمرح ,وبالطريقة دى بقولو عليك زول ما عندك شخصية , يعنى شخصيتك ضعيفة تب وبقولو عليك زول همبول ودلدول ساى ,اها انا ما برضى ليك تب , دى عليك الله مرة بيرجعو ليها , ياخى الحلة مليانة نسوان شوف ليك واحدة غيرها , انت قايلهن من قلهن يعنى .؟<o></o>

:- ياخى اقول ليك شئ , انا داخل فى قسم من هسع ,, كان بتجينى محجبة ولابسة خيمة ما برجع ليها,, والناس الجايين ديل قول ليهم والله تدخلو بيتى ساى بالغلط علا افتح فيكم بلاغ فى الشرطة ,, ومرة زى دى انا تب ما برجع ليها كان تقوم القيامة .<o></o>

:- يا زول والله انت راجل وارجل منك تب مافى ,وياهى المحرية فيك ... وانا بس قول لى داير فلانة على الطلاق اعرسها ليك واعرس ليك امها زاتها .

:- عارفك ما بتقصر يا حاج .

:- يلا يا اخوى ودعتك الله .

:- ودعتك الله والرسول . <o></o>

موضوع الرجوع اصبح من سابع المستحيلات ... اللهم لا إعتراض على حكمك .,,,

الزونية

09-11-2009, 09:53 PM

ود المصباح..
سؤال يتبادر للذهن ..اي شخص هذا الذي..
يحمل هذا السلوك ..هو ليس أنساناً متحشراً..
هو شئ مدمر.. يختلق الأكاذيب....
وإنه لجد مايستشعرني أسفاً أن أرى مثل..
هكذا نمط من البشر..يتوسط مجتمعاً عائساً
فيها فساداً..
ومثله كثيرون حقيقة في كل زاوية ..
ولكن من المؤسف أن تجد من يستمع له
ويركن لرأيه...
فمحاربة هذاالنوع من الشخصيات وأقتلاعها..
من مجتمعنا وحمايه المجتمع من أمثالها..واجب..

ولك ود المصباح حقيقة أسعدتنا وأتحفتنا بهذا السرد
الراقي الموغل في الواقعية..
وننتظر الآتي///////// واصل

محمد النويري-الفقراء

09-11-2009, 09:55 PM

يا عقبة انت ملاحظ معاي انو زوجة الحاج متحشر أخطر منو ؟ اكان خلتو اخد ليهو نومة كان الموضوع تمة لكن هي زاتها ما راس الفتنة .. الله احمينا واحميكم من الناس الزي ديل يا غالي

العاقب مصباح

10-11-2009, 09:12 AM

ود المصباح..
سؤال يتبادر للذهن ..اي شخص هذا الذي..
يحمل هذا السلوك ..هو ليس أنساناً متحشراً..
هو شئ مدمر.. يختلق الأكاذيب....
وإنه لجد مايستشعرني أسفاً أن أرى مثل..
هكذا نمط من البشر..يتوسط مجتمعاً عائساً
فيها فساداً..
ومثله كثيرون حقيقة في كل زاوية ..
ولكن من المؤسف أن تجد من يستمع له
ويركن لرأيه...
فمحاربة هذاالنوع من الشخصيات وأقتلاعها..
من مجتمعنا وحمايه المجتمع من أمثالها..واجب..

ولك ود المصباح حقيقة أسعدتنا وأتحفتنا بهذا السرد
الراقي الموغل في الواقعية..
وننتظر الآتي///////// واصل

زونية
القارئة بتعمق
بعد هذا الحديث لا يسعنى الا أن أدعوك للحضور فى كل حين
فلديك مشرحة معقمة للعلاج
تفيدنا كثيراً فى تحسين الواقع
وسلوك الحاج متحشر يحتاج لدراسات لمعرفة أسبابه
هل زوجته هى السبب فى نسبة لتحقق مقولة وراء كل مصيبة إمرأة
أم هى قوة كامنة فى الرجل لا تحتاج سوى تنشيط
ما هى العوامل التى تؤدى إلى مثل هكذا سلوك
هل هى ظروف ... وبيئة محيطة.... هل هى ثقافة ... هل هو حقد ..... ضغينة ... عدم وعى ... جهل ... أم عدم دراية ....
وأحياناً يكون إستماعنا لمثل هؤلاء لعوامل أيضاً تصحبه... شكل .... علاقات اجتماعية ... كاريزما ضارة ,,...

لك كل الإحترام على الإضافة زونية
وخليك متابعة

moh_alnour

10-11-2009, 03:23 PM

يا عقبة أنت ملاحظ معاي أنو زوجة الحاج متحشر أخطر منو ؟ اكان خلتو اخد ليهو نومة كان الموضوع تمة

هههههه
ما قلتا إلا الحق يا النويري
مرتو تشيل و تلعب ليهو في باص القون و هو يشوت ضفاري ;)

ابوخالد

10-11-2009, 08:52 PM

:- هى قالوا ظهرت شنطة جديدة إسمها ((إحتمال ابيت برة )). ودا غير اللبسة الجابتها اليوم داك . الاسمها (( عدم الوالى )) واللبسة الاسمها فصل العلمانية ديك ,,,الله لا وراك ليها .

************

لكن الشنط ما عندكم ,,,,

الأستاذ المبدع ,,,,

العاقب ,,,

لك التحية ,,, وأيزو التميز ,,,

حقيقى غاية فى الإبداع القصصى ,,,

ومتابعين ,,, نتمنى المزيد من السرد الرائع هذا ,,,

ولك صادق الود والإخاء

مهيد ود السفاح

10-11-2009, 09:41 PM

يا عقبة انت ملاحظ معاي انو زوجة الحاج متحشر أخطر منو ؟ اكان خلتو اخد ليهو نومة كان الموضوع تمة لكن هي زاتها ما راس الفتنة .. الله احمينا واحميكم من الناس الزي ديل يا غالي

العاقب يا اخوي
ابداعك ماسورتو محلوجه

وده الحاج متحشر وبس
ده الحاج مفرتق
ده الحاج خراب البيوت

وزي ما قال محمد النويري
زوجتو دي اخطر من الــ fbi
غيتو بالشايفاهو عيني ده
يوم بنلققى الحاج متحشر مفطس ليهو في عشره ونسه

واصل يا مبدع

العاقب مصباح

10-11-2009, 10:49 PM

يا عقبة انت ملاحظ معاي انو زوجة الحاج متحشر أخطر منو ؟ اكان خلتو اخد ليهو نومة كان الموضوع تمة لكن هي زاتها ما راس الفتنة .. الله احمينا واحميكم من الناس الزي ديل يا غالي

والله يا محمد النويرى ما قلت إلا الحق

وراء كل مصيبة إمرأة

يعنى الحاج براهو ما بيقدر يعمل شئ

لكن علوية واقفة بالمرصاد للمجتمع

والقوالات والشمارات والسمع التحت تحت

ربنا يحمينا ويحميك يا النويرى اخوى

وسعيد بى وجودك الدائم معانا هنا

دمت بكل الود والمحبة

العاقب مصباح

11-11-2009, 04:59 AM

هههههه
ما قلتا إلا الحق يا النويري
مرتو تشيل و تلعب ليهو في باص القون و هو يشوت ضفاري ;)

الله يكفينا شر النساوين يا باير

وشر مخططات ومؤامرات اخطر من بروتوكولات بنى صهيون

ليك كل احترامى

مهيد ود السفاح

11-11-2009, 10:05 PM

[QUOTE=العاقب مصباح;438796]

[u][size=5][color=darkred]لكن علوية واقفة بالمرصاد للمجتمع

علويه حاف كده
قول الجنرال علويه
من وحده التحقيقات والرصد الدقيق f b i

العاقب مصباح

12-11-2009, 12:11 AM

:- هى قالوا ظهرت شنطة جديدة إسمها ((إحتمال ابيت برة )). ودا غير اللبسة الجابتها اليوم داك . الاسمها (( عدم الوالى )) واللبسة الاسمها فصل العلمانية ديك ,,,الله لا وراك ليها .

************

لكن الشنط ما عندكم ,,,,

الأستاذ المبدع ,,,,

العاقب ,,,

لك التحية ,,, وأيزو التميز ,,,

حقيقى غاية فى الإبداع القصصى ,,,

ومتابعين ,,, نتمنى المزيد من السرد الرائع هذا ,,,

ولك صادق الود والإخاء

رائعنا وأستاذنا أبو خالد
مجتمعنا يرفد كل يوم تسميات لا اخلاقية
يغيب فيها عامل الدين
وتسرى فيها رائحة موت التهذيب بالبطئ
مصطلحات تشيب الرأس للولدان إن فهموا مقصدها
حفظنا الله وإياكم من هكذا تسميات وأبعدها عنا..
الأيزو الحقيقى هو أن نراك هنا
تُهذب الحرف
وتُشكل المفردة بهندسة إحترافية
مرور أسعدنى منك أستاذى أبو خالد
لك آلاف من الود .. وكل الإحترام
دمت بخير أستاذى

العاقب مصباح

13-11-2009, 09:43 PM

العاقب يا اخوي
ابداعك ماسورتو محلوجه

وده الحاج متحشر وبس
ده الحاج مفرتق
ده الحاج خراب البيوت

وزي ما قال محمد النويري
زوجتو دي اخطر من الــ fbi
غيتو بالشايفاهو عيني ده
يوم بنلققى الحاج متحشر مفطس ليهو في عشره ونسه
واصل يا مبدع

مهيد صاحبى
عريس الموسم
المشكلة لكن هو ما بيخلى ليهو زول يتونس
كان فكرو فى ونسة يلقى ليهو الف سبب للفرتقة
ويخلي دمهم موية
الله يكفينا شره قول آمين
لكن يا مهيد فى نوع كدا بيتمناهو
فى منتدى تانى فى شخص قال لى انو ود عمو بيحب ليهو واحدة خمسة سنة
وجاء مغترب عشان يعرسها بعد اسبوعين
اها قال لى كلم الحاج يجى يفرتق العرس
تحشر قوم عند قوم فوائد
لك عظيم وعظيم حبى

العاقب مصباح

13-11-2009, 09:45 PM

علويه حاف كده
قول الجنرال علويه
من وحده التحقيقات والرصد الدقيق f b i

علويزا رايس

على وزن كونداليزا رايس

ولا علوية اولبرايت

غايتو هى سبب كل البلاوى

وراء كل مصيبة واحدة زى دى

العاقب مصباح

13-11-2009, 09:56 PM

الحلقة الرابعة من :-

يوميات الحاج متحشر

<link rel="File-List" href="file:///C:%5CDOCUME%7E1%5CDELL%5CLOCALS%7E1%5CTemp%5Cmsoht ml1%5C01%5Cclip_filelist.xml"><style>  </style> علوية :- هى يا حاج ما حضرت المشكلة الحصلت الصباح ..
:- مشكلة شنو يا حاجة؟؟<o></o>
:- هى عاد مشكلة ساى .... السكاكين والعكاكيز والطوارى والكواريق وما خلو شئ ما جابوهو ..<o></o>
:- يا مرة ها وين الكلام دا حصل ومتين ومنو العمل المشكلة .؟؟
:- ديل اولاد الهميم مع اولاد على ود الخزين ...<o></o>
:- مالوا فى شنو ... كدى ورينى الحاصل آآ مرة والله الواحد مشوار بس برة الحلة يطلعو من الجنة وسقطها ...<o></o>
:- قالوا اولاد الهميم كانوا فى الحواشات وسقوا الحواشة والدور ما حقهم ... الدور حق أولاد الخزين ..اها الشكلة دروت ... اولاد الهميم بيقولو السقية حقتنا واولاد الخزين بيقولو حقتنا ويقولو كدى الشكلة تدور ... قالوا السر ولد الهميم ضرب على ود الخزين فى راسو بى الطورية وشالت ليها سبعة ربط وقام الطاهر ولد الخزين ضرب السر كسر ليهو كراعو بى فرار .. وهسع جبصوها ليهو ..
بس قالوا جاء شيخ عثمان وهدا المشكلة واتصالحوا ونعلوا الشيطان وهسع مشوا كلهم بيت ناس الهميم وقاعدين هناك سوا وما عندهم عوجة..
:- هى عاد الناس قاعدة وانا ما اجيب ليهم خبر ..كدى النمشى اكفر ليهم ..الناس دى بتزعل منى لو ما مشيت ..كدى ودعتك الله النقوم احصلهم قبل ما يتفرقوا واقوم افتش ليهم فتيش للكفارة ..<o></o>
:- خلاص قوم امش عليهم وبعد تجى تلقانى جهزت ليك العشاء والبرود ..
وصل الحاج متحشر لمكان الصلح ووجدهم جميعاً مجتمعون ... بينهم حاج عثمان يحكى القصص والحكايات وهم يضحكون ... وقد زبحوا لهم عجلاً كبيراً إحتفالاً بالصلح ...<o></o>
اقترب حاج متحشر قائلاً :- كفارة يا ناس والله ما رضينا الشيطان يدخل بيناتكم تب ..
:- كفر الله سيئاتك يا حاج وان شاء الله حصل خير ومافى عوجة تب ..<o></o>
سلم على الحضور واحداً واحداً .. وجلس بالقرب من على ود الخزين ورأسه المربوط بالشاش والقطن ... وبعد السؤال عن القصة رد عليه على وأخبره بالقصة كاملة ... وفى نهايتها قال له أن الشيطان هو السبب ..والدنيا زائلة وما بتستاهل كل دا ..<o></o>
حاج متحشر :- اها الضربة شالت ليها كم ربطة ؟؟؟<o></o>
على :- والله شالت ليها سبعة ربطات لكن الحمد لله مافى عوجة تب ..
:- ياخ انت زول خواف ساى ... هسع عليك الله ما كان داير يودرك ويلحقك امات طه ..
:- لا لا ياخ حصل خير تب ومافى عوجة والموضوع ما بيستاهل .<o></o>
:- ياخى ما مستاهل بتاعة الساعة كم والله زول بيخلى حقه دا انا اصلوا ما بيعجبنى ولا بيملى عينى تانى ..<o></o>
:- كيف يا حاج الكلام دا ..<o></o>
:- كيف شنو كيف .. انا سمعت فى الحلة طراطيش كلام قالوا السر ود الهميم حالف عليك وما بيخلى حقه وقال تانى الا يكسر كراعك ..<o></o>
:- يا زول يكسر كراع منو انت الله ما ليك ولا شنو والله اكسر ليك راسو اخليهو حصحاص.
:- يا زول انت بتتكلم ساى وانا عارفك ما بتتسدا... والزمن دا بيقولو الما بيتسدا عيونه بالقدة ..
:- كيف يعنى انت قايلنى انا خواف ولا شنو ؟؟؟؟<o></o>
:- يا زول ما تكتر كلامك ساى هدا العكاز قوم اخد حقك حقك .
:- كدى ناولنى ليهو .
يناوله حاج متحشر العكاز ... فيقوم على ود الخزين ناحية السر ويضربه فى راسه .. ويعلو الصراخ وأصوات الضرب ..كل يضرب على عماه ... لا أحد يفرق ... <o></o>
مؤكد أن أحدهم قد قُتل ...<o></o>
لا حول ولا قوة الا بالله العلى العظيم
<o>
</o>

أشرف صلاح السعيد

13-11-2009, 11:19 PM

حبيبنا عقبة سلام مربع..
أجد تضخييم الفكرة أكسبت الموضوع قوة بالرغم من المبالغة..ولكن هى كذلك الدراما فى كثير من الاحيان تضخم الحدث والفكرة بقدر المستطاع حتى لا تفوت الفكرة على المشاهد..
ولعل التضخيم هنا جاء كملخص لما يمكن أن يصير من نتيجة التحشر ووسوسته الخبيثة..النهاية الكارثية هى أفدح الكوارث التى على الجميع العمل لعدم الوصول إليها..فإن كانت الخاتمة إعتيادية فستكون فكرة القصة قد أضعفت لأن الاعتياد من الشر الخفيف والمتوسط كثير من الناس غدا عندهم بايطار الاعتيادى..
متابعين وسير سير يا عقبة "عارف لو تميتا كما تقال الا كان التبقينى زى زولك اب سبع ربط واب كراعن مكسورة"..

حسام التنين

14-11-2009, 12:09 AM

والله يالعاقب اقول ليك شنو بس

لو في زول زي ده

ناولني العكاااز سااااي انا جاي عليه

بت أم درمان

14-11-2009, 12:20 AM

غايتو لكن يا العاقب . الزول دا تسميهو الحاج مدمر . او الحاج مخرب . والادهى من كدا علوية مرته . هي راس الأفعى . الزول دا اذا مشى اسرائيل بياخد للعرب كلهم حقهم .

تيسير

14-11-2009, 12:51 AM

المتقاطر ابداعا وروعة اخونا ( عقبة ) تابعت بشغف ذو شمار عالى جدا (بس مازى علوية بتاعت الموساد دى ) الحاج ( قنبلة نيتروجينية ) وقصصه المباااااااالغة .............ياخى ده عندو جينات شرانية وابليسية متجذرة لا حول ولا قوة الا بالله .............
المهم ذكرتنى جارتنا وبت حارتنا وما بريدا اطلقنا عليها انا واخواتى ( .......... الفظيعة ) الاخت دى وحات خوتنا مابتخلى شمار فى الحلة والحلة المجاورة الا وتجيبو بتفاصيلو .........
الليلة ما شفتى هناية بت ناس هناي نزلتا عربية فى طرف الشارع ......... شفتها بعيونى البياكلهم الدود ديل ........ولا الراجل داك آى جاركم وحات الله سكران طينة قالينو زولا فوقو فايدة ...........
اها نعمات امس حتتو قرض مع محاسن وحلفوا قالوا ليك حدهم بسط الامن الشامل ...........
لغاية ما حاولت تفتن بينا وبين جارتنا بالحيطة اللهى مربيانا مع امى وطبعا ما بتغباك الفتنة الاشد من القتل امى ما كضبت خبر وماشة تناقش جارتنا انت قلتى وقلتى .........المهم الحمد لله وقفنا الحاجة بالمنطق والزولة دى ما عندها موضوع وغايرة من علاقتكم اللى ليها سنين والحمد لله قدرنا نخمد نار الفتنة .......وبعدداك قطع جاف مع اختنا لحد ماربنا صرفها عن الحلة والحمد لله اضانا بردت .............
لك الروعة و كل الجمال..........ونأسف اذا اطلنا عليكم

العاقب مصباح

20-11-2009, 10:10 PM

حبيبنا عقبة سلام مربع..
أجد تضخييم الفكرة أكسبت الموضوع قوة بالرغم من المبالغة..ولكن هى كذلك الدراما فى كثير من الاحيان تضخم الحدث والفكرة بقدر المستطاع حتى لا تفوت الفكرة على المشاهد..
ولعل التضخيم هنا جاء كملخص لما يمكن أن يصير من نتيجة التحشر ووسوسته الخبيثة..النهاية الكارثية هى أفدح الكوارث التى على الجميع العمل لعدم الوصول إليها..فإن كانت الخاتمة إعتيادية فستكون فكرة القصة قد أضعفت لأن الاعتياد من الشر الخفيف والمتوسط كثير من الناس غدا عندهم بايطار الاعتيادى..
متابعين وسير سير يا عقبة "عارف لو تميتا كما تقال الا كان التبقينى زى زولك اب سبع ربط واب كراعن مكسورة"..

الرائع أشرف السعيد
سعيد بمتابعتك حد الشرف
لخصت كل شئ
ولم تترك لى حرية الإضافة
الخفيف والمتوسط من الشر بل والكثير منه أصبح بمرتبة العادى
هنالك أُناس لا يهتمون بنتيجة ما يقومون به
لا هم لهم سوى تدمير المجتمع ببنيته المختلفة
تماما كما الشائعات
تمر المجتمع
وتلبسه لباساً غير سوى
تنخر فيه كما السوس
لا ضمير يصحو
ولا قلب يؤلم
هى محاولة للبحث فيما هو قادم
من أجل تداركه
وقاية
قبل العلاج
ما يحدث فى مجمعنا من شروخ قابلة لأن تندمل ولأن تتطور أكثر
خيالية نعم ولكن جزء كبير منها لا يخلو من والواقع
تهويل للفكرة ولكنها موجودة ولو بجزء يسير
شكراً أشرف
شكراً سعادتك

العاقب مصباح

20-11-2009, 10:24 PM

والله يالعاقب اقول ليك شنو بس
لو في زول زي ده
ناولني العكاااز سااااي انا جاي عليه

يا تنين خليك محضر ياخ

التقيل لسه قدام

وزى ما قال حميد على لسان السرة بت عوض الكريم

وفر ضراعك للبلد

وإن ما قدرت على دا دا أخوى

سو لك دقين

العاقب مصباح

20-11-2009, 10:26 PM

غايتو لكن يا العاقب . الزول دا تسميهو الحاج مدمر . او الحاج مخرب . والادهى من كدا علوية مرته . هي راس الأفعى . الزول دا اذا مشى اسرائيل بياخد للعرب كلهم حقهم .

سلامات بت امدرمان

دا نسميهو حاج قنبلة نووية

ولا حاج تسونامى

وعلوية ساهلة

نسمها نسوانومى

ربنا ينجينا من شره يا رب

العاقب مصباح

20-11-2009, 10:56 PM

المتقاطر ابداعا وروعة اخونا ( عقبة ) تابعت بشغف ذو شمار عالى جدا (بس مازى علوية بتاعت الموساد دى ) الحاج ( قنبلة نيتروجينية ) وقصصه المباااااااالغة .............ياخى ده عندو جينات شرانية وابليسية متجذرة لا حول ولا قوة الا بالله

سلامات تيسير يا ماليزية
سعيد جدا بمتابعتك وانتى عارفة
ويبعد عنك شر علوية
وقنابلها الكارثية
وسميناها تسونامية
بدل علوية
لشرها على البشر سوية
وهى تثير الفتن
رغبة وهواية
وخصلة نسأل الله أن يبعدها عن مجتمعنا

.............
المهم ذكرتنى جارتنا وبت حارتنا وما بريدا اطلقنا عليها انا واخواتى ( .......... الفظيعة ) الاخت دى وحات خوتنا مابتخلى شمار فى الحلة والحلة المجاورة الا وتجيبو بتفاصيلو .........

لا حول ولا قوة الا بالله
اها دى علوية تو
زمان بيقولو قلة الشغلة بتعلم المشاط
هسع قلة الشغلة بقت بتعلم الفظاعة
وصنع الشمارات

الليلة ما شفتى هناية بت ناس هناي نزلتا عربية فى طرف الشارع ......... شفتها بعيونى البياكلهم الدود ديل
اها بى أفعالها دى بتشوه سمعة البت حتى لو كانت العربية بتاعة أخوها ولا قريبها ولا من أهلها

........ولا الراجل داك آى جاركم وحات الله سكران طينة قالينو زولا فوقو فايدة ...........

اها دا البترضى تعرسه منو يا تيسير ...لو كان دائخ ساى سمعته بقت زى الطين ...

اها نعمات امس حتتو قرض مع محاسن وحلفوا قالوا ليك حدهم بسط الامن الشامل ...........

لا حول ولا قوة الا بالله

لغاية ما حاولت تفتن بينا وبين جارتنا بالحيطة اللهى مربيانا مع امى وطبعا ما بتغباك الفتنة الاشد من القتل امى ما كضبت خبر وماشة تناقش جارتنا انت قلتى وقلتى .........المهم الحمد لله وقفنا الحاجة بالمنطق والزولة دى ما عندها موضوع وغايرة من علاقتكم اللى ليها سنين والحمد لله قدرنا نخمد نار الفتنة .......وبعدداك قطع جاف مع اختنا لحد ماربنا صرفها عن الحلة والحمد لله اضانا بردت .............

والله ما قادر اقول غير لا حول ولا قوة إلا بالله
لا حول ولا قوة إلا بالله لا حول ولا قوة إلا بالله
ربنا لا يوريها ليكم من تانى
ويبعد عنكم أشباهها
الله يستر الجيران الجدد الرحلت عليهم

.......ونأسف اذا اطلنا عليكم

والله دا اول مرة أسمع بيهو
أسف شنو يا تيسير يا بتى
عظيم الشرف والله
وكامل الإحترام لإضافتك الثرة
رجاءاً البقاء حتى آخر الموضوع
حضوركم هو زادنا

العاقب مصباح

20-11-2009, 11:14 PM

الحلقة الخامسة :-
<o></o>
:- دحين يا علوية الضيوف الجو لى ناس حاج سليمان ديل جايين لى شنو ؟؟<o></o>
:- والله يا حاج ما بعرف جايين لى شنو بس سمعت تحت تحت قالوا زيارة ساى فى الله .. لكن انا ما مصدقاهم .<o></o>
:- زيارة شنو يا مرة فى زيارة بيجهزوا ليها كدا الناس دى الا يكون فى حاجة مهمة شديد هى الجابتهم ,.<o></o>
:- والله يا الحاج انا ما كنت دايرة اكلمك بالحاصل لكن كدى النقول ليك بس خليهو فى سرك انا السر دا ادتنى ليهو جارتهم عواطف وقالت لى خليهو فى سرك ونحن سرنا واحد يا الحاج صح ولا ما صح ..<o></o>
:- ها مرة على الطلاق سرك فى بير وزول تب يعرف منى مافى .<o></o>
:- اها النكلمك بيهو , قالوا بت حاج سليمان البتقرأ فى الجامعة ديك الرافعة نخيرتها لى فوق اتزوجت الزواج البيقولو عليهو عرفى ... يعنى لا مأزون ولا أهل ... اها ديل اهل الولد قالوا جايين يصلحوا الانكسر ... عشان كدا شايف الضيوف تبارك الله ضابحين ليهم وما خلو شئ ما جابوهو ...<o></o>
:- لا حول ولا قوة الا بالله .. كدى النقوم امشى عليهم اشوف الحاصل شنو واجيك راجع .<o></o>
:- الحاج ما تمش انت كان مشيت بتخرب الحكاية كلها ..<o></o>
:- خراب شنو يا ولية انا على الجزيمة كان ما صلحت ما بخرب .. اها ودعتك الله .
:- اشرب الجبنة يا حاج خلاص فارت ..<o></o>
:- لا لا اشربيها انتى انا مافى طريقة اقعد تب ,بشربها مع العريس .<o></o>
وصل الحاج متحشر لمكان الضيوف .. وجدهم يشربون الشاى ... مجموعة من الشباب ..يبدوا على اثرهم انهم من طلاب الجامعات ... لا يوجد بينهم رجل كبير ..<o></o>
:- ها ناس السلام عليكم .<o></o>
:- وعليكم السلام ورحمة الله وبركاته .<o></o>
يسلم عليه الجميع بأيديهم فرداً فرداً .<o></o>
ولد سليمان :- اتفضل يا حاج نجيب ليك غداء .<o></o>
:- لا والله متغدى تب بس كب لى معاك كباية شاى .<o></o>
يشرب حاج متحشر كباية الشاى متفحصاً الحضور , بحثاً عن زوج بنت سليمان العرفى .لم يجد لا اثراً لحناء .. ولا بعض الرجفة ...<o></o>
يبادر الحاج متحشر :- ها ناس العريس منو فيكم ؟؟؟
:- عريس شنو يلتفت الجميع نحوه .<o></o>
:- العريس الواحد دا مش انتوا جايين لى العرس ؟؟؟<o></o>
يستغرب الطلاب الموجودين .. لا لا مافى عرس ولا حاجة .<o></o>
:- ها ناس ها الحاجات دى ما بيدسوها ولا حاجة
:- يا حاج والله لو فى عريس كنا قلنا ليك وزى ما قلت ما بيدسوها حاجة زى دى .<o></o>
:- ياخ مش انتوا الطلبة ..<o></o>
:- ايوا نحن الطلبة . بس نحن زملاء محمد سليمان فى الجامعة .<o></o>
:- اها انا سمعت قالوا فى واحد منكم اتزوج بت سليمان الزواج العرفى حق الجامعات دا وهسع دايرين تصلحوا الانكسر ...<o></o>
يصابون بالذهول جميعهم ... من هذه الأخبار التى لم يسمعوا بها الا من فم هذا الرجل ... يدخل ولد سليمان الكبير ... يسمع حديث الحاج متحشر ..يطلب من الطلاب الإنقضاض عليه ... فينقضون عليه بهجمة واحدة كل يضرب من ناحيته يخر صريعاً حاج متحشر ... ويتركونه ينزف من كل ناحية ... وحمله جميعهم ورموه خارج المنزل ...
علقة ساخنة أتمنى أن يتوب بها من فعائله حاج متحشر هذا ..<o></o>
<o>

ونواصل ,,,,
</o>