اللورى حل بيى..

[أشرف صلاح السعيد]

فاصل اعلانى..

اللورى حل بيى دلانى أنّا فى الودى..
حبيبى جننى..
حبيبى ود الناس بقى ليا وناس..









همسة: سماحة وابو آية دقستو يا فرد..

[esmat]

الليل انا ما بنوموا الليل انا
بعِد في النجوم الليل انا
واللوري في الخرطوم الليل انا
جاب لي معاه ...... الليل انا

- اكمل الفرغ

[عبدالرحمن مدثر]

انا حاجز الصندقة فووق لانها بتديك احساس

انك اغنى زول واسعد زول واجمل زول خاصة

لما يكون المشوار لسيرة .. فى اللحظة دى انت اسعد

من العريس ذاتو ...

ياود سعيد ختينى السيخ انا مابقدر على ركوبو

[أشرف صلاح السعيد]

الليل انا ما بنوموا الليل انا
بعِد في النجوم الليل انا
واللوري في الخرطوم الليل انا
جاب لي معاه ...... الليل انا

- اكمل الفرغ



عصمت يااخوى فى داعى للإحراج؟؟..اخوك توقف بيو الزمن بالثمانينات واغانى بعد كدا
جلا
وجلا
وجلا
وجلابية بيضة مكوية يا عصمت بسحروك ليا..

[أشرف صلاح السعيد]

انا حاجز الصندقة فووق لانها بتديك احساس

انك اغنى زول واسعد زول واجمل زول خاصة

لما يكون المشوار لسيرة .. فى اللحظة دى انت اسعد

من العريس ذاتو ...

ياود سعيد ختينى السيخ انا مابقدر على ركوبو


الحبيب المتدثر والمعتلن جمالا سلام..
التندة ما زى مقدمة تايتنك بس اوعاك تفك يديك فى ريدة ام شداد البتقلب اللورى فى الدقداق..
السيخ بختيك ليهو وقول للناس الورى ديل نظام رجل جوه ورجل بره أنا ما مسعول من نتايجو..والنسوان الفرادى ممنوع عليهم حمل الطوب او الحجر..

[أشرف صلاح السعيد]

اللورى حل بيى فكرة مختلفة عن الركشة ام تلات كراعات على قول الحبشى..العزف فيه ليس عذف منفرد والبقية ما بين محلل وقارئ..الجميع رواه يحكو قصة فيها معنى ولا حكمة ولا مشهد بديع بالذاكرة خرطة..الراوى ليس ود السعيد ولن يمنع من الحكى ولكن فليكون اللورى للجميع وبكل مرة سيحكى أحدنا قصة مر بيها اللورى حقيقة أو خيال ..ليست لعبة وإن صارت لعبة لا يهم وما يهم من اللعبة العبرة ..ومسموح للورى التطواف فى المليون ميل مربعة فلا حدود ولا دروب لا يستطيع ألا يتجاوزها..
وابقو داخلين..

[alanssary]

نجمنا الساطع...أشرف صلاح السعيد...
لك التحية ...ياصاحب الاسطول...
سؤال براء المقرر....
علاقة شنو مع المرور....

[صلاح ودالطاهر]

قصه لايمكن نسيانها مع السفر باللواري واطرفها تلك القصة منذ زمن بعيد ........وسفري باللوري الي ارض الشمال والمرور بطريق ابوضلع وتسميته لانه شبيه الاضلاع وتحس نفسك كأنك تركب علي ظهر قعونجه من النطيط ومروراً بقهوة ام الحسن كان السفر قاسي يومين ربما ثلاثة ايام وانت يا المساعد خت الصاجات عشان اللوري ما يوحل في الرمال وانت والليل والمساء والنجوم علي ظهر اللوري والطريف توقفنا في تلك القهوه من اجل الراحة وانزال الزواده واخوك عامل حريف بالرغم كنت صغير السن في تعزيل لحم التيس الصغير الهش ودفر العظام الي الجلاكين مستنداً علي الظلام وكان ما لا يحمد عقبه مع ماء البير الممزوج بالقطران المدهن به الحبل والقربه تفاعلات الكمياء ما بين طعم القطران ولحم التيس الهش وعينك ما تشوف الا النور ومن ديك فرق لحم التيس ذي فراق الطريفي لجملو وصحيح اللوري حل بيي

[ود الجعلي]

انا حاجز الصندقة فووق لانها بتديك احساس

انك اغنى زول واسعد زول واجمل زول خاصة

لما يكون المشوار لسيرة .. فى اللحظة دى انت اسعد

من العريس ذاتو ...

ياود سعيد ختينى السيخ انا مابقدر على ركوبو

عن اذنك يا اشرف

بس تصحيح للمعني للخرباش الصندوق الفوق اللوري اسمو (((((التندة)))) يا حلو

[أشرف صلاح السعيد]

نجمنا الساطع...أشرف صلاح السعيد...
لك التحية ...ياصاحب الاسطول...
سؤال براء المقرر....
علاقة شنو مع المرور....

خى النصرى تحياتى..
والله بديتا بالحافلة ومريت بالركشة والقصة شكلها بقت ادمان..
أكون ياربى زمان عشان كنتا عايز ابقى طيّار وابوى قطعا ليا فى راسى الحكاية دى عملت ليا عقدة وبقى جنى أيى حاجة تنساق ياربى؟؟..
والله انا زاتى ما عارف شنو الشبكنى فى المتحركات دى غير انها بتمر بكل الدروب الواسعة ديك والضيقة ديك وبتشهد كل ما جناه الانسان وما بناه الانسان..

[سماحة]

المبدع أشرف
لك التحية و أنت تعطر أجواء المنتدى بكلماتك
ولا يهمك إنت واصل وربنا معانا
أهم شئ راحة من في المنتدى

[سماحة]

وحقيقة أروع شئ السفر باللوري ورجعتني لأيام زمان
لما السفر كان باللوري وما أنسى فرحتي وأنا أركب ورى رغم اصرار الجميع على ركوب قدام
وما أنسى كمان في مرة من المرات ونحن مسافرين للشمالية لزيارة جدتي لما ضل اللوري طريقه
والصحراء واسعة لا ماء ولا ذاد فقد نفذ المعانا حتى لاح في الافق ضوء وووجدنا الطريق في اليوم الرابع

[سماحة]

وما انسى كمان خبر وفاة ابن عمتي وهو سائق لوري عندما ضلوا الطريق هو والكمساري المعاه من الجوع والعطش
وبحثوا عنهم في الصحراء بالهيلكوبتر حتى وجدوهم والغربان تنهش في جثثهم
اللللللللللللللللللللللللله يا أشرف رجعتنا لأيام جميلة وحلوة
ونسيتنا المنافسة للفوز

[أشرف صلاح السعيد]

قصه لايمكن نسيانها مع السفر باللواري واطرفها تلك القصة منذ زمن بعيد ........وسفري باللوري الي ارض الشمال والمرور بطريق ابوضلع وتسميته لانه شبيه الاضلاع وتحس نفسك كأنك تركب علي ظهر قعونجه من النطيط ومروراً بقهوة ام الحسن كان السفر قاسي يومين ربما ثلاثة ايام وانت يا المساعد خت الصاجات عشان اللوري ما يوحل في الرمال وانت والليل والمساء والنجوم علي ظهر اللوري والطريف توقفنا في تلك القهوه من اجل الراحة وانزال الزواده واخوك عامل حريف بالرغم كنت صغير السن في تعزيل لحم التيس الصغير الهش ودفر العظام الي الجلاكين مستنداً علي الظلام وكان ما لا يحمد عقبه مع ماء البير الممزوج بالقطران المدهن به الحبل والقربه تفاعلات الكمياء ما بين طعم القطران ولحم التيس الهش وعينك ما تشوف الا النور ومن ديك فرق لحم التيس ذي فراق الطريفي لجملو وصحيح اللوري حل بيي


ود الطاهر إليك ما استفدت منه من قصتك اللذيذة:

1/ إنك كنتا دنى وطفس طفاسة ..
2/ كنتا قاسى القلب ولا ترحم كبيرا..
3/ كنتا كسلان جدا لقيت الموية طعما متغير وبرضو شربتها..
4/ موية البير ولحم التيس أدبوك أدب المدايح وبالنهاية بقيت ولد كويس واستاذ تمام.."وسلم ليا على الوالدة"..
هسى الصفات الزى وشى دى فى داعى تفضح بيها نفسك؟؟والله تنفع حلقة فى" لا يا عزوز"..

[أشرف صلاح السعيد]

عن اذنك يا اشرف

بس تصحيح للمعني للخرباش الصندوق الفوق اللوري اسمو (((((التندة)))) يا حلو


ود الجعلى يعنى لازم تشير انو ود مدثر بقى حنكوش بقعدة الخرتوم يااخى؟..ما فى ردى عليو وصلت ليو التندة وربطها ليو بتايتنك مجارارة مع الخرتمة وكدا وبكون لقطة يااخ..

[أشرف صلاح السعيد]

المبدع أشرف
لك التحية و أنت تعطر أجواء المنتدى بكلماتك
ولا يهمك إنت واصل وربنا معانا
أهم شئ راحة من في المنتدى

هوووى يا ناس امان البرى ما جاكم جية ووحاتكم الاستيكة بفوتا بهناك..

[أشرف صلاح السعيد]

وحقيقة أروع شئ السفر باللوري ورجعتني لأيام زمان
لما السفر كان باللوري وما أنسى فرحتي وأنا أركب ورى رغم اصرار الجميع على ركوب قدام
وما أنسى كمان في مرة من المرات ونحن مسافرين للشمالية لزيارة جدتي لما ضل اللوري طريقه
والصحراء واسعة لا ماء ولا ذاد فقد نفذ المعانا حتى لاح في الافق ضوء وووجدنا الطريق في اليوم الرابع

أدينا التفاصيل ..قصتك التلغراف دى كدا ما بتخارج..إنداحى هو الكلام بقروش؟؟..

[أشرف صلاح السعيد]

وما انسى كمان خبر وفاة ابن عمتي وهو سائق لوري عندما ضلوا الطريق هو والكمساري المعاه من الجوع والعطش
وبحثوا عنهم في الصحراء بالهيلكوبتر حتى وجدوهم والغربان تنهش في جثثهم
اللللللللللللللللللللللللله يا أشرف رجعتنا لأيام جميلة وحلوة
ونسيتنا المنافسة للفوز


الله يرحم فقيدكم وموتى المسلمين..
يعنى شنو الملاوزات دى يعنى نفك الرورى دا هسى ولا شنو وقت القصة بتجبلها موت..
اديتك المقترح واستنيتك يوم كااامل اها تانى اتقطع؟؟..اليوم بزمن الدشششة"من دِش" بقى بيعادل سنة وحليل زمن الدششة "من دُش" والمهلة..

[سماحة]

والله يا أشرف أخوي أنا في محاضرة وبكتب ليك يعني يمكن تلقى كلام غلط
بس قصة اللوري دي شدتني وبديت أكتب
وفي داخلي كلام كتير

[خالد 000 ابقرجة]

فاصل اعلانى..

اللورى حل بيى دلانى أنّا فى الودى..
حبيبى جننى..
حبيبى ود الناس بقى ليا وناس..









همسة: سماحة وابو آية دقستو يا فرد..


أنا ما رااااااضي 000

البوست ده حقي 000 (ود النور تغيرو بي إسمي هسيييييييي دي )

تاني ما حا أضرب ليك نلفون :rolleyes::rolleyes::rolleyes:


عارف أطتر حاجة زمان كانت بتعجبني في اللواري 000

المساعد الشفت 000

لمن يكون متلب من فوق 000

يدينو لي تحت ما سك فبي الحديد 000

وقالب نص هوبة للواطة 000 ( علي وزن نص طوبة ) 000

بجيك تاني 000

ما حا أسافر 000

حا ابقي ليكم كومسنجي في الموقف 000

ألقط الفيها النصيب من المسافرين 000

ومن الراجعين 000

ألقط الخبورات 000

ياخي الكومسنجي ده لو بقي مراسل فضائية 000

أنسي بس 000

[أشرف صلاح السعيد]

والله يا أشرف أخوي أنا في محاضرة وبكتب ليك يعني يمكن تلقى كلام غلط
بس قصة اللوري دي شدتني وبديت أكتب
وفي داخلي كلام كتير

هووى يا شابة ركزى فى المحاضرة ما يقولو اللورى حل بيك فى الملاحق "الف بعد الشر"..
الغلط بتصلح ..ما شفتى اخوك كتب خطرا بدل خضرا "وعقبة وود المأذون" كشفو حالى كشف..كلنا بنصلح كلنا ..
انداحى واكتبى ولك منتظرون..

[أشرف صلاح السعيد]

أنا ما رااااااضي 000

البوست ده حقي 000 (ود النور تغيرو بي إسمي هسيييييييي دي )

تاني ما حا أضرب ليك نلفون :rolleyes::rolleyes::rolleyes:


عارف أطتر حاجة زمان كانت بتعجبني في اللواري 000

المساعد الشفت 000

لمن يكون متلب من فوق 000

يدينو لي تحت ما سك فبي الحديد 000

وقالب نص هوبة للواطة 000 ( علي وزن نص طوبة ) 000

بجيك تاني 000

ما حا أسافر 000

حا ابقي ليكم كومسنجي في الموقف 000

ألقط الفيها النصيب من المسافرين 000

ومن الراجعين 000

ألقط الخبورات 000

ياخي الكومسنجي ده لو بقي مراسل فضائية 000

أنسي بس 000



الفردة الاحلى من وردة اب قرجة سلام..
بلغة الكماسرة الكاسرين فيك ضلعة:
شنو يا برينسة ما قالو ليك اهم شى الريتينزة؟
قلت بتجى بأبيض ضميرك وعملت لينا أضان جلد وحمد لبد ..قلنا لو استنينا بنتأخر وبتضيّع علينا القلبة والفردة ..
هووى يا أبو آية السلبطة عليك شنو؟ الرورى دا غير روريك ..روريك مكتوب عليو "السفر نية سمحة ولقية فرحة"..وانا روريى مكتوب عليو "تتصلح فى الطريق ولا اقوم أجيك"..
يااخى الطريق بتاع الروارى دا ما وسيع تعال بروريك النترافق الطريق..
والله بينى و بينك نص الهوبة فيها حركة إكروباتية..الجنى التقول قرد ظط ظطط تلاقيو تحت زى الما عمل حاجة..بس هووى يا ابو آية إياك تفكر تطبقا وتخلينا نتجارى من إستبالية لإستبالية "برية من الإستباليات" وأكان ولا بدن رصرصلك كدا اتناشر مرتبة والله كريم انت ونصيبك..

[الملكة اسماء ( ام محمد )]

خياااااااااانة
:mad::mad::mad::mad:
تشتروا لوري وماتعزموني ؟:confused::mad::mad::mad:


مبروكات كتارات والله


تخريمة : انت يااستاذ اشرف الناس ماشيا لقدام وتشتري في البصات السياحية ماااااااالك راجع حركة وراء وجايب سيرة اللوري تاني ؟

الله يستر ماتنزل ناس مدني من الاتوز وترحلهم (بالكنتر - او كمايقال الدفار ) :p



همسة اعجاب وشكر :
صراحة مساحة رائعة استشف من خلالها الكثير من الافكار
وقادمة باذن الله .. للتحليل و لسرد بعض شوار الذاكرة
احتراماتي

[أشرف صلاح السعيد]

الطوبة..

كنت حينها أعمل مع الفرقة البتنفذ فى بكبارى البتربط طريق القضارف دوكا..وأنا ماشى الى القضارف من قرية كساب كان قدامى لورى بيقيف كل مرة وبيشيل الركاب..والشارع كعب خلاص كان وانا ماشى وراو "تفحط ما فيو"..أها اللورى عدا بمرة لابسة توب أبيض وما وقف..قلتا فى نفسى يااخ السواق ما عايزة تتبشتن واللورى قدام بيكون اتملى ومافى مكان ليها والمرة كبيرة فى السن..وقفت للمرة الكبيرة "تقريبا مابين الخمسين والستين" وقلت ليها ماشة للقضارف يا والدة؟..فأجابت عليى بإنها متقدمة لقرية اخرى بالطريق..قمت قلت ليها اتفضلى ياوالدة ..الحاجة مشت بعيد عكس اتجاه البوكسى الحيكومى وشالت حاجة من الأرض وجات ركبت بعد أن فتحت لها الباب من الداخل لبساطتها فى التعامل مع العربات..وأتفاجأ بأنها تحمل بيدها حجر وقد وضعته بأرضية العربية قبل أن تركب..ودار حوار بينا:
أنا : يا والدة دا شنو.."انا ناقش الفكرة بس استهبلتا"..

هى : دا يا ولدى حجر..

انا : ليه شايلا ليك حجر؟..

هى : انتا يا ولدى ماعارف المرة عارضا "نحسها" معاها؟..وناس اللوارى اصلو ما بيخلو الواحدة لو براها تركب الا معاها حجرا..وهسى اللورى العدا دا وانا حتى بحجرى ابى يقيف ليا..

انا : ياامى دا كلام ما صاح والناس ديل ما بيفهمو شى وبيؤمنو بخرافات ..المرة هو فى زول زيها؟..ماهى الوالدة والزوجة والبت والاخت..وأكان هى عارض العارض بيلد عارض والراجل ببقى عارض زيها..

حاولت جاهدا ألا تدمع عينى ولكنها أبت إلا ذلك..تخيلو إمرأة جاوزت الخمسين قد أقنعها بعض أناس من مجتمعنا بأنها نحس..بأن ركوبها وحيدة مع الرجال ستجلب لهم المتاعب "أستغفر الله العظيم".."قالوا طآئركم معكم لئن لم تنتهوا لنرجمنكم وليمسنكم منا عذابا أليم"..غسلت عقول بعض النساء وأقنعن بنحسهن..

آآآه يا بلد لم الأم فيك تكون كسيرة
مغلوبة وصيروها زى البهيمة
ومن منو ؟ من الموضوع ألما وبى وجيعة
آآآه يا زمن يالحوا بقت فيك نحس
ومن رجال كفرو كسّر عقولم بؤس
وسياسى ومثقف بالكرسى محبوس حبس..

[الملكة اسماء ( ام محمد )]

غسلت عقول بعض النساء وأقنعن بنحسهن..




لا اعرف ماذا اقول لكني كنت اظن وحتى عهد قريب ان هذه خرافة وانها انتهت بنهاية عهد الجاهلية !!

والله شي يحير
زمن غريب صراحة

لما سمعت بداية القصة كنت متوقعة يكون السبب خوف بعض السواقين من قصص (الجن) والخرافات المتداولة احيانا عن ( فلان وقف العربية لواحد في الشارع اتضح انه _بعاتي_:confused:) وغيرها الكتير
اما قصة المرة والحجر دي جد غريبة
طيب علاقة الحجر بالنحس شنو ؟:confused:
عشان نشوف لينا ( طابوقة ) من الشارع بعد كدا :p

[أبو جودي]

يا أخي ما تقوم كدي ،،، شنو ساويها لينا مرة ركشة ومرة لوري ،،، أنت قايلو ده منتدى ولا موقف عربات ،،،
أظن الفرحة ساكت قامت بيك ،،، ما خلاص أدوك نجم الشهر وأظنك لحدي حسه ما مصدق ،،،
أهه عليك الله فكنا من موقف العربات بتاعك ده ،،، شوف لينا حاجة سمحة ،،، زهرة ،،، وردة ،،، حديقة ،،، حاجة كدي تشبه "حلاتك" بس ما تمشي بعيد ما حلات الوش حلاة الطبع ،،،
هوي يازول ما تسخن كل الكتبته ده مداعبات ،،، حتى لو كانت بايخة ،،، تحياتي أخي أشرف ،،،
وقلنا نشارك معاك أمكن يصيبنا من الفرح فرحتين لك ودي وأمنياتي بالنجومية على طول الوقت ،،،
أهه أخينا أشرف الواحد مرات بجيه أحساس يداعب ويشاغب ،،، وطبعاً ما بنعمله إلا مع الناس العزاز ،،،،
وييييييييييييييييييييييييييين يا نجم

[سماحة]

صباح الخيرات
جينا للوري تاني
لكن نحن ما بنركب لواري
ولا بنمشي كداري
ليلى علوي أو شبح طوالي
طبعا هسه نقول همر طوالي

[عبدالرحمن مدثر]

شنو ياودالجعلى وودالسعيد


انتو طفشتو من البلد دى ونسيتو اللوارى ولا شنو:p


انا الليلة داير احددها معاااكم


التندة : هى المقدمة الامامية للورى محل السواق وهى منطقة مخصصة لكبار السن

والحاجات الكباااار والعرسان فى زمن ما

ماسمعتو بمقولة : النبى احجز لى معاك فى التندة

اما اعلى اللورى فهم صندوقين للزوادة وبينهما المنطقة التى طالبت ودسعيد بان تكون لى

يعنى صندقة ولا ماكدا

وقع ليكم ياحناكيش

ولانستعين بخبير لواااارى قديم

[أشرف صلاح السعيد]

خياااااااااانة
:mad::mad::mad::mad:
تشتروا لوري وماتعزموني ؟:confused::mad::mad::mad:


مبروكات كتارات والله


تخريمة : انت يااستاذ اشرف الناس ماشيا لقدام وتشتري في البصات السياحية ماااااااالك راجع حركة وراء وجايب سيرة اللوري تاني ؟

الله يستر ماتنزل ناس مدني من الاتوز وترحلهم (بالكنتر - او كمايقال الدفار ) :p



همسة اعجاب وشكر :
صراحة مساحة رائعة استشف من خلالها الكثير من الافكار
وقادمة باذن الله .. للتحليل و لسرد بعض شوار الذاكرة
احتراماتي

اختنا المحللة الكبيرة أسماء سلام..
والله الحداثة ما بناباها بس الروارى وحاتك لهسى فى وهاك شوية اسماء ليهم:
ابيض ضميرك ودا النيسان البيكون راسو ابيض..
الكى واى والزد واى وديل نوعين من الهينو..
القندرانى اب ترلا هو زااتو رورى بس ميزو عشان مكنو وطولو..
المستغرب ليو اننا بنسمى الشاحنة الخاصة بالتحميل باسم انجليزى وماعندو اسم بالعربى وبرضو البص نفس الشى ولما نسمى اسامينا للمركبات بيكون الاسم ماليهو اى علاقة بالدابة الحديدية..يعنى الحافلة دى شنو هسى "الحمد لله ماسموها الفضية" بس فى الحالتين بنكون عدة وكبابى وجكوكة لأنو الكيزان مابيركبوها..ولا الامجاد الامجاد بالله فيها ولا فى المغيرات صبحا..
انتى بتتخانى ياااخ؟؟بس يا زولة شكلك مزنوقة "الشى ما نوم"..
وفى انتظار رورياتك قبل تحليلاتك وسيبى التلبد عارفنك عندك كتير وكتير..

[أشرف صلاح السعيد]

لا اعرف ماذا اقول لكني كنت اظن وحتى عهد قريب ان هذه خرافة وانها انتهت بنهاية عهد الجاهلية !!

والله شي يحير
زمن غريب صراحة

لما سمعت بداية القصة كنت متوقعة يكون السبب خوف بعض السواقين من قصص (الجن) والخرافات المتداولة احيانا عن ( فلان وقف العربية لواحد في الشارع اتضح انه _بعاتي_:confused:) وغيرها الكتير
اما قصة المرة والحجر دي جد غريبة
طيب علاقة الحجر بالنحس شنو ؟:confused:
عشان نشوف لينا ( طابوقة ) من الشارع بعد كدا :p





حليلك يا بت المدينة والله تطلعى بس من المدن شوية تلاقى عجايب غير عجايب جوات المدن..وحجيب موضوع اخطر من دا ببعض القرى النائية فيها الغريب أكتر من كدا بكتييير ..
بالمدن فى غرائب عدم تسخير التعليم لغرس الوعى وبالقرى فى ناس تفش فى التعليم زاااتو..
والله لقيتك مواكبة لا حجر ولا طوبة "طابوقة وبلكة" عولمة لكن..
الحجر قالو المابيختشو على دمهم إنو بكسر نحس المرة الوحيدة..لما تشيل حجر ولا طوبة ببقى العدد اتنين..اتخيلى ياريت لو قالو تشيل غنماية ولا شى فيها روح..حتى الروح استكتروهو عليها!!!!!

[أبوريلان]

المعطون إبداع
أستاذنا أشرف صلاح
أنا لحدى اللحظة ما خلصت من الركشة تطلع لي بلوري يعني
نتم الركشة ومشواويرها اللذيذة ولا نحجز مع أبو مزن صندقة
طبعاً لي ذكريات كثيرة مع سفر اللواري ،
لكن ما زي سفر ود الطاهر سفر الشمالية بالنسبة لسفري
يعتبر سفر حناكيش لأنو سفري كان باللواري من نيالا
الي الفاشر وطرق وعرة شديد وحيوانات مفترسة وزواحف
متلهفة ، وقهاوي الشاي باللبن المقنن واللقيمات وعناقريب القد
ذكريات حلوة وأيام لن ننساها ، عندما كنا صغاراً تنقلنا مع الوالد ربنا يديه الصحة والعافية لمناطق الشدة وكان معلماً وتم نقله للفاشر وطبعاً السفر للفاشر لابد أن تمتطي وسيلتين سفر حتي تصل الفاشر لأن آخر محطة للقطر كانت مدينة نيالا الجميلة وبعدها تستغل اللواري الي الفاشر ، أعدتنا لزمن روعة .

دوار : ياحبيب أنا خايف تظهر لستة من كم وستين عضو يطالبوا الإدارة بعمل منتدي لقسم مرور داخل منتديات ودمدني ويقدمها أبو شوارب لا أقصد واحد من الرتب العسكرية المعاشية وتظهر تكتلات ، يوم حافلة ويوم ركشة ويوم لوري وجاي بص سياحي في الطريق وجاري ليهو نور طويل بتاع كانتر .

إرشادات مرورية : لاتسرع يابابا نحن بإنتظارك .

[أشرف صلاح السعيد]

يا أخي ما تقوم كدي ،،، شنو ساويها لينا مرة ركشة ومرة لوري ،،، أنت قايلو ده منتدى ولا موقف عربات ،،،
أظن الفرحة ساكت قامت بيك ،،، ما خلاص أدوك نجم الشهر وأظنك لحدي حسه ما مصدق ،،،
أهه عليك الله فكنا من موقف العربات بتاعك ده ،،، شوف لينا حاجة سمحة ،،، زهرة ،،، وردة ،،، حديقة ،،، حاجة كدي تشبه "حلاتك" بس ما تمشي بعيد ما حلات الوش حلاة الطبع ،،،
هوي يازول ما تسخن كل الكتبته ده مداعبات ،،، حتى لو كانت بايخة ،،، تحياتي أخي أشرف ،،،
وقلنا نشارك معاك أمكن يصيبنا من الفرح فرحتين لك ودي وأمنياتي بالنجومية على طول الوقت ،،،
أهه أخينا أشرف الواحد مرات بجيه أحساس يداعب ويشاغب ،،، وطبعاً ما بنعمله إلا مع الناس العزاز ،،،،
وييييييييييييييييييييييييييين يا نجم

سلام ابو جودى سلام..
ومالك نسيت الحافلة؟؟؟
أخوك راكباهو عقدة مواصلات من زمااان عشان كدا نازل برضعة جد..بس فطيت البرينسة عشان ما يقولو عجوز زيك وحضرتا البرينسة..
لو ما تهاظرنا وفهمنا الهظار بتبقى مشكلة وبتبقى القصة جد صعبة غربة وصرصرة وزرزرة..والله ضحكتا لما سعدتا بلطافة ناسى اللذاذ واهلى الحنان بيك ياابو جودى..هو فى زول عاقل يزعل من زول عندو اولاد ويكون كنيتو بالبت الصغيرة؟؟..الله عليك وعلى رقتك ونصرك لحوا الماناقصة نصرة..

[أشرف صلاح السعيد]

صباح الخيرات
جينا للوري تاني
لكن نحن ما بنركب لواري
ولا بنمشي كداري
ليلى علوي أو شبح طوالي
طبعا هسه نقول همر طوالي

ما المهم نركب لوارى
أو أمشى حافى وكمان كدارى
ولا اركب العربية الفيها احلامى
اصلو الشبح ولا الهمر
صنعوهم للتوصل ما عشان اسامى

المهم لازم نصل
نحاول نصل
نوعى إحنا ونوعى الأهل
ننفض من عقول كل الكسل
وما نستحى وبالحلال ندى القبل
نعيش الحقيقة وبكل أمل
و نوادع أعماق الفشل
و إستكانة وإستعماء أضل..

[صلاح ودالطاهر]

هووى يا شابة ركزى فى المحاضرة ما يقولو اللورى حل بيك فى الملاحق "الف بعد الشر"..
الغلط بتصلح ..ما شفتى اخوك كتب خطرا بدل خضرا "وعقبة وود المأذون" كشفو حالى كشف..كلنا بنصلح كلنا ..
انداحى واكتبى ولك منتظرون..

عجبتني جنس عجب تعرف يا حبيب الكنبه الاخيره في الباصات القديمه المحدثه من اللوري تسمي بالعظمه وانت وكت تركب الكنبه الاخير عظمه جد بالنطيط ممكن تصل السقف ويا سائق العظمه سير سير وشرطاً يكون لبيس من هئية التدريس هو في عظمه احسن من كده

[أشرف صلاح السعيد]

شنو ياودالجعلى وودالسعيد


انتو طفشتو من البلد دى ونسيتو اللوارى ولا شنو:p


انا الليلة داير احددها معاااكم


التندة : هى المقدمة الامامية للورى محل السواق وهى منطقة مخصصة لكبار السن

والحاجات الكباااار والعرسان فى زمن ما

ماسمعتو بمقولة : النبى احجز لى معاك فى التندة

اما اعلى اللورى فهم صندوقين للزوادة وبينهما المنطقة التى طالبت ودسعيد بان تكون لى

يعنى صندقة ولا ماكدا

وقع ليكم ياحناكيش

ولانستعين بخبير لواااارى قديم


والله عافى منك يا ود مدثر أدبتنى أنا وأخوى الكاشف..
التندة هى الكنبة القدامية "تشابه علىّ البقر" والعظمة آخر اللورى البقوهو باص..
بس يااخوى حكمت فظلمتا..ود الجعلى دخل توش وانا دخلتا مسارقة "وهل يستوى الحنكوشان؟"..يااخى خليو هو فُل حنكوش وأنا حنكوش خاطف لونين هنا بركب وهنا بركب "اليشوف فلفستنا قبيل ما يشوف التحنس والبكبكة هسى..صحى نستاهل"..
لا يا اخوى لا تستعين بخبير ولا يحزنون ..عليك أمان الله خبيرك دا إلا يسحب مننا الجنسية عديل..سودانيين حناكيش ولا شفوت أمريكان..

[الملكة اسماء ( ام محمد )]

انتى بتتخانى ياااخ؟؟بس يا زولة شكلك مزنوقة "الشى ما نوم"..

وفى انتظار رورياتك قبل تحليلاتك وسيبى التلبد عارفنك عندك كتير وكتير..



الله يعلم بالعلي
ياسيدي انا الايامات دي اكاد اعتزل الزحمة واختار زاوية بعيدة .. استكين فيها
لكن دا اكيد مابمنع اني فعلا (بتلبد) وبعاين من بعيد واحيانا بحس انه يدي حرقتني ولازم اكتب :o
ومتابعة معاكم بلا شك
وكفاية علي التواجد بين الحضور الانيق

[الملكة اسماء ( ام محمد )]

الحجر قالو المابيختشو على دمهم إنو بكسر نحس المرة الوحيدة..لما تشيل حجر ولا طوبة ببقى العدد اتنين..اتخيلى ياريت لو قالو تشيل غنماية ولا شى فيها روح..حتى الروح استكتروهو عليها!!!!!



:confused::confused::confused:
في الحالة دي بجيب معاي ( لوري طوب )
والله قصص غريبة

متابعين وفي انتظار بقية الغرائب

[صلاح ودالطاهر]

الطوبة..

كنت حينها أعمل مع الفرقة البتنفذ فى بكبارى البتربط طريق القضارف دوكا..وأنا ماشى الى القضارف من قرية كساب كان قدامى لورى بيقيف كل مرة وبيشيل الركاب..والشارع كعب


قال القضارف قال.......... زكرتني قصة ادروب مع الحاجه وهو بيبيع في الفحم اها ادي الحاجه فحم شويه الحاجه باستغراب قالت ليهو ده شنو يادروب ده فحم الياباني قال ليها ياحاجه الفهم ما ياباني اللوري الجابو ياباني الفهم فهم القضارف وانا ارف

حاشيه

الفهم مقصود بها الفحم
ارف مقصود بها عارف

وهنالك حاجات تانيه حامياني قضارف قضارف كسلا كسلا

[أشرف صلاح السعيد]

عجبتني جنس عجب تعرف يا حبيب الكنبه الاخيره في الباصات القديمه المحدثه من اللوري تسمي بالعظمه وانت وكت تركب الكنبه الاخير عظمه جد بالنطيط ممكن تصل السقف ويا سائق العظمه سير سير وشرطاً يكون لبيس من هئية التدريس هو في عظمه احسن من كده

والله هجمتنى يا ود الطاهر بس اعتمدت المشاركة بتاعتى لقيتك بتعرف فى العظمة "انتا يا زول مخاوى؟"..
بس سيبنى من حنكك البيش قالو:
ياالماشى لباريس جيب ليى معاك عريس ..
جيب ليى معاك عريس شرطن يكون لبيس ومن هيئة التدريس وسافر خلانى وين..
هسى فى الكلام دا ذكر المدرس السودانى الأغبش البيمسح السبورة بكمو؟؟..قال لبيس قال!!..عليك أمان الله معظم مدرسننا زرعو لينا فى راسنا التلبس والتسمح حق النسوان..نسيت قصة ود بلة؟؟ههههههه وعلى فكرة كان ود جيرانا وهو فى امريكا هسى..قلتا اصلو ما اقاطع حكايتك لمان اشوف آخرك وين..ههههههه
غايتو خلى المدرس عظمتو فى اخلاقو وركوب العظمة كدا بيكسب وبيجرها 9 طويلة..

[صلاح ودالطاهر]

والله هجمتنى يا ود الطاهر بس اعتمدت المشاركة بتاعتى لقيتك بتعرف فى العظمة "انتا يا زول مخاوى؟"..
بس سيبنى من حنكك البيش قالو:
ياالماشى لباريس جيب ليى معاك عريس ..
جيب ليى معاك عريس شرطن يكون لبيس ومن هيئة التدريس وسافر خلانى وين..
هسى فى الكلام دا ذكر المدرس السودانى الأغبش البيمسح السبورة بكمو؟؟..قال لبيس قال!!..عليك أمان الله معظم مدرسننا زرعو لينا فى راسنا التلبس والتسمح حق النسوان..نسيت قصة ود بلة؟؟ههههههه وعلى فكرة كان ود جيرانا وهو فى امريكا هسى..قلتا اصلو ما اقاطع حكايتك لمان اشوف آخرك وين..ههههههه
غايتو خلى المدرس عظمتو فى اخلاقو وركوب العظمة كدا بيكسب وبيجرها 9 طويلة..


كدي خش المشاركه رقم 38 وحكاية لبيس دي اسأل منها عمك عمر سعيد النور وهو مدرس وانا مخاوي الليل قال مخاوي قال وانا كاشف نومتك

[أشرف صلاح السعيد]

الله يعلم بالعلي
ياسيدي انا الايامات دي اكاد اعتزل الزحمة واختار زاوية بعيدة .. استكين فيها
لكن دا اكيد مابمنع اني فعلا (بتلبد) وبعاين من بعيد واحيانا بحس انه يدي حرقتني ولازم اكتب :o
ومتابعة معاكم بلا شك
وكفاية علي التواجد بين الحضور الانيق



يا ستى الله يعين وطلاتك قدر ما قلت بس والله برضو وفت وكفت..
والأناقة راس الكوم فيها..

[المسافر]

فاصل اعلانى..

اللورى حل بيى دلانى أنّا فى الودى..
حبيبى جننى..
حبيبى ود الناس بقى ليا وناس..



همسة: سماحة وابو آية دقستو يا فرد..



عزيزنا أشرف
هل تواجد شواغر لمساعد ( دق صاجات ممتاز )
ولملئ قربة الموية !

[أشرف صلاح السعيد]

:confused::confused::confused:
في الحالة دي بجيب معاي ( لوري طوب )
والله قصص غريبة

متابعين وفي انتظار بقية الغرائب






بالله جيبى لورى الطوب بس يكون كسار "مكسر" عشان نعمل بيو مصاص نرمى فيو كل التخلف وظلم الانسان للانسان..

[أشرف صلاح السعيد]

كدي خش المشاركه رقم 38 وحكاية لبيس دي اسأل منها عمك عمر سعيد النور وهو مدرس وانا مخاوي الليل قال مخاوي قال وانا كاشف نومتك


ود الطاهر يااخ ما تبقى بتاع شبك انا قصدى البعض وليس الكل..والله فى الشرقية الإبتدائية كان عندنا أساتذة علم وفهم وأناقة..بس الواحد بيكبر كوم الشنة عشان يتشاف والناس تختاهو..
وبعدين انا ما عارفك انيق وجلاد كمان..هههه
وأستاذنا عمر سعيد انا ما درسنى فى مدرسة ودرسنى فى التلفزيون وياله من "عم عمر" رغم الرجل لا يلدنى..ولكم كان أنيقا بسيطا ومربيا فاضلا..يااخى انتا ماشايفو هسى كيف؟؟

[أشرف صلاح السعيد]

عزيزنا أشرف
هل تواجد شواغر لمساعد ( دق صاجات ممتاز )
ولملئ قربة الموية !


نأسف لا توجد وظائف مساعدين باللورى وإنما سائقين..وشكلك سواااق أبقى داخل وحبابك ملايين وعشرة بلا كشرة..والقرب كلنا بنملاهم و والصاجات كلنا بنصيجم واللورى ناسو بيعجبوك..
ابقى داخل ياالمسافر وشاقى الفيافى والبوادى والحواضر..

[ابوالنور]

انا حاجز الصندقة فووق لانها بتديك احساس



انك اغنى زول واسعد زول واجمل زول خاصة


لما يكون المشوار لسيرة .. فى اللحظة دى انت اسعد


من العريس ذاتو ...



ياود سعيد ختينى السيخ انا مابقدر على ركوبو

وانا عايز جنب الجداده البين الجركانتين والعتوت

[صلاح ودالطاهر]

قال القضارف قال.......... زكرتني قصة ادروب مع الحاجه وهو بيبيع في الفحم اها ادي الحاجه فحم شويه الحاجه باستغراب قالت ليهو ده شنو يادروب ده فحم الياباني قال ليها ياحاجه الفهم ما ياباني اللوري الجابو ياباني الفهم فهم القضارف وانا ارف

حاشيه

الفهم مقصود بها الفحم
ارف مقصود بها عارف

وهنالك حاجات تانيه حامياني قضارف قضارف كسلا كسلا

ودي جلت منك كيف

[أشرف صلاح السعيد]

ودي جلت منك كيف


مالا ما بتجلى وانتا ساكينى سكت حرامى المولد؟؟ أتخارج من بجاى ألاقى التانى قدامى والله حرامى يابانى يتمسك وأكان دجتل "من دَجَتلّ هاك العولمة دى"كريعاتو..
والله أدروب فهمو فى الحتة ديك فهم اليابانى المالاقانى وكان لاقانى ببقى ما يابانى وكان بقى ما يابانى الا ادروب دا نركب ليو فهم يابانى "شكيت محنك راسى داش" ما هو راس اليابانى الما يابانى..

[أشرف صلاح السعيد]

وانا عايز جنب الجداده البين الجركانتين والعتوت

يا ابو النور ما تنكت فى الجروح
وتساوى الجماد والبهمة البتحوح
مع الخلق راس براس بالبلد المفضوح
الجدادة والعنزة راكبين مع الوجه الصبوح
ولو ما الحوجة ما ركبو معاهم للضبوح
والجركانتين الإتملن من دم مسفوح
لو حكن كان عنو بتبكى حتى اللوح

مكانك يا ابو النور اكبر واعلى وكل مكانات اهلى الغبش..

[ABUZAID]

الطوبة..

كنت حينها أعمل مع الفرقة البتنفذ فى بكبارى البتربط طريق القضارف دوكا..وأنا ماشى الى القضارف من قرية كساب كان قدامى لورى بيقيف كل مرة وبيشيل الركاب..والشارع كعب خلاص كان وانا ماشى وراو "تفحط ما فيو"..أها اللورى عدا بمرة لابسة توب أبيض وما وقف..قلتا فى نفسى يااخ السواق ما عايزة تتبشتن واللورى قدام بيكون اتملى ومافى مكان ليها والمرة كبيرة فى السن..وقفت للمرة الكبيرة "تقريبا مابين الخمسين والستين" وقلت ليها ماشة للقضارف يا والدة؟..فأجابت عليى بإنها متقدمة لقرية اخرى بالطريق..قمت قلت ليها اتفضلى ياوالدة ..الحاجة مشت بعيد عكس اتجاه البوكسى الحيكومى وشالت حاجة من الأرض وجات ركبت بعد أن فتحت لها الباب من الداخل لبساطتها فى التعامل مع العربات..وأتفاجأ بأنها تحمل بيدها حجر وقد وضعته بأرضية العربية قبل أن تركب..ودار حوار بينا:
أنا : يا والدة دا شنو.."انا ناقش الفكرة بس استهبلتا"..

هى : دا يا ولدى حجر..

انا : ليه شايلا ليك حجر؟..

هى : انتا يا ولدى ماعارف المرة عارضا "نحسها" معاها؟..وناس اللوارى اصلو ما بيخلو الواحدة لو براها تركب الا معاها حجرا..وهسى اللورى العدا دا وانا حتى بحجرى ابى يقيف ليا..

انا : ياامى دا كلام ما صاح والناس ديل ما بيفهمو شى وبيؤمنو بخرافات ..المرة هو فى زول زيها؟..ماهى الوالدة والزوجة والبت والاخت..وأكان هى عارض العارض بيلد عارض والراجل ببقى عارض زيها..

حاولت جاهدا ألا تدمع عينى ولكنها أبت إلا ذلك..تخيلو إمرأة جاوزت الخمسين قد أقنعها بعض أناس من مجتمعنا بأنها نحس..بأن ركوبها وحيدة مع الرجال ستجلب لهم المتاعب "أستغفر الله العظيم".."قالوا طآئركم معكم لئن لم تنتهوا لنرجمنكم وليمسنكم منا عذابا أليم"..غسلت عقول بعض النساء وأقنعن بنحسهن..

آآآه يا بلد لم الأم فيك تكون كسيرة
مغلوبة وصيروها زى البهيمة
ومن منو ؟ من الموضوع ألما وبى وجيعة
آآآه يا زمن يالحوا بقت فيك نحس
ومن رجال كفرو كسّر عقولم بؤس
وسياسى ومثقف بالكرسى محبوس حبس..





اخي الاستاذ الكاتب - اشرف صلاح السعيد



حاولت جاهدا ألا تدمع عينى ولكنها أبت إلا ذلك


ولعلها عبرة الواقع الذي احسست به
والخيبة التي شعرت بها وانت تعرف ان المجتمع يحمل مفاهيم اقل مايمكن وصفها بانها لا تنتمي لجيل الوعي والثقافة الذي نحلم به

تطرقت الى موضوع اكل عليه الدهر ولم يشرب الا دسما من دمه

ولعلنا في امس الحوجة للمناقشة الهادفة البناءة التي تثري الساحة
وتغير الواقع الموجود

لك الشكر والتقدير

[نزار حسن محمد]

تيت تيت تيت .
استوب ..قف
هووووى ياسواق اللورى
مالك ما رابط الحزام
بالله ادينى الملكيه والرخصه
وماتنسى حق الفطور..:mad:
وهاك الايصال ده
حكمدار ابوسفروووق

[أشرف صلاح السعيد]

المعطون إبداع
أستاذنا أشرف صلاح
أنا لحدى اللحظة ما خلصت من الركشة تطلع لي بلوري يعني
نتم الركشة ومشواويرها اللذيذة ولا نحجز مع أبو مزن صندقة
طبعاً لي ذكريات كثيرة مع سفر اللواري ،
لكن ما زي سفر ود الطاهر سفر الشمالية بالنسبة لسفري
يعتبر سفر حناكيش لأنو سفري كان باللواري من نيالا
الي الفاشر وطرق وعرة شديد وحيوانات مفترسة وزواحف
متلهفة ، وقهاوي الشاي باللبن المقنن واللقيمات وعناقريب القد
ذكريات حلوة وأيام لن ننساها ، عندما كنا صغاراً تنقلنا مع الوالد ربنا يديه الصحة والعافية لمناطق الشدة وكان معلماً وتم نقله للفاشر وطبعاً السفر للفاشر لابد أن تمتطي وسيلتين سفر حتي تصل الفاشر لأن آخر محطة للقطر كانت مدينة نيالا الجميلة وبعدها تستغل اللواري الي الفاشر ، أعدتنا لزمن روعة .

دوار : ياحبيب أنا خايف تظهر لستة من كم وستين عضو يطالبوا الإدارة بعمل منتدي لقسم مرور داخل منتديات ودمدني ويقدمها أبو شوارب لا أقصد واحد من الرتب العسكرية المعاشية وتظهر تكتلات ، يوم حافلة ويوم ركشة ويوم لوري وجاي بص سياحي في الطريق وجاري ليهو نور طويل بتاع كانتر .

إرشادات مرورية : لاتسرع يابابا نحن بإنتظارك .


الحبيب ياسر عبد الرحمن سلام اكوام..
اولن "والنون هنا توكيد وكدا وما يجينى ابو حمزة وود النور ناطين يبشتنونى" بأعتذر وبشدة لعدم الرد إلا متأخرا ووالله السبب حبيبنا ود الطاهر "هو المحن والبلاوى بتجى من وين؟"..شبكنى ليك أنيق وما أنيق هو يكتب وأنا أرد لما جليت مشاركتك الطاعمة يا طاعم "الله يجازى الكان السبب بالخير هسى دا لو دعيناو يتسخط يبقى شنو ما يا هو الا ود الطاهر آآآخر محطة للسخطة"..
الرورى دا بهدى ليك زى الركشة والله مفرملا عشان تلحقو تقروها "ابو الفكة زاتو فى النفس الود عامل كتاب وكدا والناس بتقرا ليو"..
وبالله عليك أدينا من قصص سفر اللوارى لأنو السفر شى وسفر اللوارى شى تانى..وبستناك فى محل يوم داك وكدا..
ما يسمعنى جنابو مونى مالك يااخى بتفول فى وشوشنا ؟؟..اها لو طلعت اللستة دى بقرش حبان قساى جت وبعمل ليكم "كدارى يا خدارى وباختيارى"..هو إحنا بنتزاوغ من التقبن ورسوم الطريق نجى نلاقى مرور هنا..
هى تانى فيها سرعة بعد ما بوظتا اعصابنا بقسم المرور "يجعل كلامنا خفيف عليهم"..ما كفاية بقينا الجداد البنحملو بنديهو قروش وهو يفطر على كيفو؟؟..
مستنى سفريات الأوستن ولا الهينو للفاشر..

[أشرف صلاح السعيد]

تيت تيت تيت .
استوب ..قف
هووووى ياسواق اللورى
مالك ما رابط الحزام
بالله ادينى الملكيه والرخصه
وماتنسى حق الفطور..:mad:
وهاك الايصال ده
حكمدار ابوسفروووق


سلام اخى ابوسفروووق "تلاتا واوات يا مفترى هى واو واحدة ويمكن تتلحس"..

يا جنابو سفروووق الحزام دا سعادتك الا نعملنا جريد نخلن حبل ونتربطبو..رورينا دا أبيض ضميرك موديل سنة خشبة وانتو سعادتك قلتو الموديلات القديمة معفية من التحزم والترقص قدامكم..
الملكية والرخصة شالوهم فى نقطة التفتيش الفاتت وهدا الايصال ..
شالوهم ليه؟..قالو الرورى مافيو قزاز بالابواب والقماشة الخدرا دى بتحجب الشوف ولازم تكون شفافة..
معليش يا جنابو سامحنى فى حق الفطور رسوم طريق ساااكت حتبيتنا القوى..ما الاقى معاك شى بتاكل؟؟لكن وعد لما ارجع برد تانى اصلح ليك حق الفطور..كدى كدا ما فيها سلفة بس لمان نعاود؟؟

[نزار حسن محمد]

سلام اخى ابوسفروووق "تلاتا واوات يا مفترى هى واو واحدة ويمكن تتلحس"..

يا جنابو سفروووق الحزام دا سعادتك الا نعملنا جريد نخلن حبل ونتربطبو..رورينا دا أبيض ضميرك موديل سنة خشبة وانتو سعادتك قلتو الموديلات القديمة معفية من التحزم والترقص قدامكم..
الملكية والرخصة شالوهم فى نقطة التفتيش الفاتت وهدا الايصال ..
شالوهم ليه؟..قالو الرورى مافيو قزاز بالابواب والقماشة الخدرا دى بتحجب الشوف ولازم تكون شفافة..
معليش يا جنابو سامحنى فى حق الفطور رسوم طريق ساااكت حتبيتنا القوى..ما الاقى معاك شى بتاكل؟؟لكن وعد لما ارجع برد تانى اصلح ليك حق الفطور..كدى كدا ما فيها سلفة بس لمان نعاود؟؟

الشكيه لابدن قويه ..
جيناك يامكه تغنينى لحقتنا اموت طه عددديل..
يازول كدى صلى على الرسول وتعال بالجنبه بجاى
اسمعنى يالحبيب بديك ترخيص مخفى نسبة200%
بس انت خليها حلوه شويه
عليك امان الله بدور اشترى لى سندوتش هامبورغر
شفته فى اعلان التلفزيون ..كدى شاور راسك ودينى
سفه من كيسك المليان دا

[أشرف صلاح السعيد]

الشكيه لابدن قويه ..
جيناك يامكه تغنينى لحقتنا اموت طه عددديل..
يازول كدى صلى على الرسول وتعال بالجنبه بجاى
اسمعنى يالحبيب بديك ترخيص مخفى نسبة200%
بس انت خليها حلوه شويه
عليك امان الله بدور اشترى لى سندوتش هامبورغر
شفته فى اعلان التلفزيون ..كدى شاور راسك ودينى
سفه من كيسك المليان دا


سمح يا جنابو السفة بنلافيك بيها ما ياهى البقت كيفنا وغدانا..وعليك أمان الله لو ما كانت بتقهم الزول من الاكل اكان سبناها زماان بس بقت فى زمانا دا ليها حوبتين..حوبة توفرلنا الشهية والحوبة التانية نردمبها الزلط الما باقى منو غير سوادو والسواد دا زاتو لا عرفناهو سواد اسفلت ولا اتر لساتك..
الجبنة بسويها الود المساعد ما اصلو ضلمت والليل دا بقى ما مضمون ..اخير الصباح اكان على رسوم المرور هينة بس همباتت الطريق الجداد ديل ما بنحمل عركتم..
الساندوشتى علا عرفناو..بس الهام بور وقربيو دا منو؟..والله زمن عجيب خلاص البور بنعرفو بس علا الناس تهيم بيو وتقربو دى ما فيها سترة تب..والله زمن عجيب تب..

[صلاح ودالطاهر]

تيت تيت تيت .
استوب ..قف
هووووى ياسواق اللورى
مالك ما رابط الحزام
بالله ادينى الملكيه والرخصه
وماتنسى حق الفطور..:mad:
وهاك الايصال ده
حكمدار ابوسفروووق

زكرتني يا ابوسفروق واحد تسفاي سائق لوري واحد بتاع مرور مكرهو الحياه كل ما يقابو يعمل ليهو مخالفه ويشيل منو خمسمائه جنيه اها كل يوم بحاله دي اها تعب وقاعد جنب مسطبه وقال الشعر ده
سداع (قصد صداع) في الراث وسداع في الرقبه
واهد يقعود في راثك تقول ليهو دسنو يقول ليك دي كنبه
وعشان لوري كهربه يقطع في جبره والحبشي ساكن العشره
يقول ليك قطعه الحبشي اسلو الحبشي ده مطره

[أشرف صلاح السعيد]

زكرتني يا ابوسفروق واحد تسفاي سائق لوري واحد بتاع مرور مكرهو الحياه كل ما يقابو يعمل ليهو مخالفه ويشيل منو خمسمائه جنيه اها كل يوم بحاله دي اها تعب وقاعد جنب مسطبه وقال الشعر ده
سداع (قصد صداع) في الراث وسداع في الرقبه
واهد يقعود في راثك تقول ليهو دسنو يقول ليك دي كنبه
وعشان لوري كهربه يقطع في جبره والحبشي ساكن العشره
يقول ليك قطعه الحبشي اسلو الحبشي ده مطره


ود الطاهر جيب لينا النسخة الأصلية وبطل حركات..
دى زاتا سمحة بس ديك اسمح..
اصلى ما بتتبلا فى خشمى الفولة"ما مشكلة " بس تعال بديك..وما تلخمنى وتدخل ليا فى ديك وجدادة تعال من الآخر..

[أشرف صلاح السعيد]

يا اللورى عليك الله يا اللورى عليك الرسول بورى
سول بورى عليك الرسول بورى..

عليك الله مالا أبت ولا اشتكت عشان تأكدوها بتحليفة بالرسول؟؟
والله حبنا للرسول عليه أفضل الصلاة والسلام كبير وسمح بالحيل بس كمان ما يودينا لحتت كدا ما سمحة..السماحة مفروض تلد سماحة ..
الحليفة فرضن ولزامن وحتمن وابدن تكون بالله رب كل شئ ومليكه وليس بسواه وإن كان رسول الله عليه أفضل الصلاة وأتم التسليم..

مشوار:
بمناسبة الحليفة للرورى وبمناسبة وحبنا للرسول عليه أفضل الصلاة وأتم التسليم ذكرتنى بقصة حكيت لى..
يقال انو كان فى سودانى بيعمل مع واحد من ناس مكة وكان كفيلو "منو الكافل غير الله والكفيل"..المهم الزول دا زهج من تأخير الرواتب وجا للكفيل وتم الحوار بينم كالتالى:

الزول : يااخى انا ليى ستة شهور شغال فى مطعمك دا ببطنى بس وما قلتا شى..بس هسع انا نازل لوليداتى فبالله عليك حاسبنى..

المكاوى : اصبر شوية والله ترانى مشغول هادول اليومين ..بس اخلص ويعين الله خير..

الزول : والله انا من ما شفتك ياكا طواالى مشغول..مشغول بشنو وانحنا الببنسوى كل شى؟..

المكاوى : اقول قصر الحكى يا السودانى ولا تخلينى ترانى أزعل منك..

الزول : تزعل ولا تفرح دا شى بخصك..يااخى انتو فى بلد فيها الرسول كيفن بتتعاملو مع الناس كدا..

المكاوى : جب ولا كلمة..مالك انت والرسول؟..الرسول دا عندنا ما عندكم انتو..

الزول : عليى الحرام الرسول دا أكان عندنا فى السودان أكان صيوان العزى لهسع ما إترفع والنسوان والرجال يبكوا لهسى..الرسول انتو شن بتعرفولو؟؟

[أشرف صلاح السعيد]

مشوار جديد..

الإكرام بالعزبة..

ذهب بى اللورى لصعيد قاص ..ذهلت من مفاهيمه ودينه..
لم أصدق ماكان يحكى عن عادات بعض المناطق التى تناءت عن الوسط بعدا وفكرا..كان لى صديق بالتسعينات نقيب شرطة بأحد المحليات النائية..سألته عن أغرب البلاغات بالمنطقة..ضحك لحب إستطلاعى "شمشرتى ام لستك" ثم بدأ بالحكى..

قال أتاه رحلا بالأربعينات ومعه شاب عرفه له بأنه ابن أخيه ثم دار الحوار التالى بينهما..

جنابو : خير..فى شنو؟؟

الرجل : أنا أم "عم" الزول دا..أنا جبتو ما أشان "عشان" تسجنو ولا تدربيو "تضربه" ..أنا آيزك "عايزك" تفهيميو "تفهمه" سااكت..

جنابو : أفهمو شنو ؟..

الرجل : تفهبهميو الأملو "العملو" ايب "عيب"..

جنابو : طيب بنفهمو ..بس ورينى هو عمل شنو؟..

الرجل : أنا بنمشو "بأمشى" عشان نزرأ "نزرع" وبسوقى ولدايا دا مأاى "معاى"..ومرتى بتجيبو لينا الأسيدة "العصيدة" فى الزراءة "الزراعة"..أها اليوم أنا مشيتو اخضى "أقضى" شغلاية ولما رجعتو لقيت الولدايا طالئ "طالع" فى مرت أمو "عمو"..وهسى أنا بندورو منك تفهيمى ما يأمل كدى فى الخلا..اكان داير يسو كدى يسوو فى البيت..هسأ "هسع" لو واهد "واحد" مرة ولقاهو يقولو شنو ألي"علينا"؟؟..

صعقت وذهلت عندما علمت بأن الرجل وأهله مسلمون..ولما رأى جنابو حسين إستغرابى قال لى لاتندهش فهناك من يكرم ضيوفه بالعزباء أيضا..فعندما يحضر غريبا عن القرية إليها ويكون رجل وبعد قيام أهل القرية بكل مراسيم الضيافة له يأبون أن ينام ذلك الضيف مفردا وإن كان متزوج فى من حيث أتى..

واللورى حلا بيى وطرشق إضنيى وزوزا بيى ..

[moh_alnour]

عهدي بركوب اللواري يرجع إلى ربع قرن من الزمان عندما كُنا نذهب و نحن صغارا ً إلى أهلنا بقرية ود العشا
و على ما أذكر فقد كانت مواقف اللواري في مدني في السوق الكبير أمام دكان ( شق النالة ) و أتمنى أكون كتبتها صاح
ولا زلت أتذكر المرحوم ( بريمة ) صاحب أشهر لوري في ذلك الخط




غسلت عقول بعض النساء و أقنعن بنحسهن

الحمد لله الذي مدّ في أعمارنا لكي نرى إندثار مثل هذه المفاهيم البالية من مجتمعنا
و من قبلها الحمد لله الذي منّ علينا بنعمة الإسلام الذي حرر المرأة من عادة ( الوأد )
فديننا الحنيف حثنا على عدم التطير و التشاؤم فأمر المؤمن كُله خير إن أصابه خير شكر و إن أصابه شر صبر
سمح العلم سمح الشهادة

[سواااح]

عزيزي اشرف لم اجد ما اشاركك به

سوي ان اهديك الاغنية

[سواااح]

<object width="425" height="344"><param name="movie" value="http://www.youtube.com/v/ReMD8rhhwrs&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/ReMD8rhhwrs&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

[أشرف صلاح السعيد]

اخي الاستاذ الكاتب - اشرف صلاح السعيد





ولعلها عبرة الواقع الذي احسست به
والخيبة التي شعرت بها وانت تعرف ان المجتمع يحمل مفاهيم اقل مايمكن وصفها بانها لا تنتمي لجيل الوعي والثقافة الذي نحلم به

تطرقت الى موضوع اكل عليه الدهر ولم يشرب الا دسما من دمه

ولعلنا في امس الحوجة للمناقشة الهادفة البناءة التي تثري الساحة
وتغير الواقع الموجود

لك الشكر والتقدير



اخى ابو زيد تحياتى واعتذاراتى الجمة..
أأسف لعد الرد عليك سهوا..والعتبة على النظر فلم ألحظ مداخلاتك إلا اليوم فلك العتبى استاذى الكريم..

بالنسبة لموضوع الطوبة فصدقنى الى يومنا هذا مستمر بخارج اسوار المدن وفى كثير من القرى..قبل خروجى من دائرة المدن كنت اعتقد كما تعتقد بأن كثير من هذه الافكار القميئة جزئ من الماضى حتى صدمت بها واقعا..
وحتى بالنسبة عن المناطق التى هزمت مثل تلكم الافكار الشاذة يكون طرح هذة المشاهد القبيحة لهم كتذكير لمعاملة المرأة كما ينبغى فبالقرآن نجد قصص قد كانت بأزمان سحيقة "كوأد البنات بالجاهلية" وتجدنا نأخذ منها العبر لتقييم حاضرنا وعدم الرجوع الى ظلام الماضى فإن الذكرى تنفع المؤمنين ومعاذ الله أن أكون إستدللت بالقرآن تشبها ولكن فقط لترسيخ الفكرة فهو مرجعنا الذى يجب علينا الرجوع اليه كمسلمين..
سرنى جدا عكس رأيك بكل وضوح ولعلى اكون وفقت فى طرح رأيى بمنتهى الوضوح..

همسة:رجاء مناداتى بلا كلمة استاذ يااحلى أستاذ..

[ابوخالد]

من روعة لى روعة أخى المبدع ,,,

أشرف ود السعيد ,,,

ما شاء على روريك ده ,,,,

كامل من ما جميعه ,,, نغم وطرب ودراما ,,,

وحكاوى سمحة شديد ,,,


أخوك عنده عُقدة من الروارى دى ,,, قول لى سببا شنو ,,,

سببا ,,,

مرة كنا فى كسلا والوقت روح علينا والليل أليل ,,,

وما عندنا ذول نقدر نكابسو نبيت معاو ,,, المهم

طلعنا على صينية البوليس ,, لعل وعسى نلقا لينا

إن شاء الله ركشة توصلنا مدنى ,,, وإنتظرنا وإنتظرنا ,,,

آخر شئ البوليس وقف لينا رورى محمل بامية مدقوقة دُراش ,,,

فى شوالات ذى شوالات العيش المايو ,,,

الرورى مليان لآخر الصندوق ,,,, ومن النص القدام ورا القابينة

معليين الشوالات ,,, والنص الورا حد الصندوق ,,,

كنا تلاتة ,,, وإضطرينا ركبنا ,, الكمسارى كان فوق معانا ,,,

ولى حسادتو قال لينا ياشباب تعالو أسندوا ضهركم على شوالات

البامية دى عشان المشوار طويل ,, ونحنا يامؤمن ومصدق

قلنا ليهو كتر خيرك يا اللخو ,,,

وتحرك اللورى شويه ,,, شويه ,,, وبدأ يزيد فى السرعة ,,

والكمسارى يغنى ليهو ,,, ( ولو تعب منك جناح فى السرعة زيد )

ونحنا نشيل معاهو مفتكرنو بيشجع فى اللورى ,,,

وذاد رورينا فى سرعته ,,, وبدا الهوا يتغلغل فى دواخل

شوالات البامية ,,, وتعال شوف ,,,

شرا البامية بدأ يتطاير فى

رقابنا وإضنينا وإتلسعنا حلاة علقة ,,, وبدينا نتململ ,,,

والكمسرى كاشف النومة ,,, أول ما بدأت السرعة تزيد

نكت ليهو شال خاص بالطوارئ الذى دى ,, ودمدم وشو

وراح فى النوم ,,,,

غايتو يا أشرف لما وصلنا مدنى بعد إمكن 9ساعات أو أكثر ,,

الحالة كانت صعبة شديد ,,, ما بتتحكى ,,,

سهر ,,, وكاروشة ,,,

وريحة البامية ,,, والملابس خليها سااااى ,,,

ودى دخلت فينا عُقدة من الروارى لليوم ,,,

لورى إلا أقرأ المكتوب فيهو بس ,,,,

[أشرف صلاح السعيد]

عهدي بركوب اللواري يرجع إلى ربع قرن من الزمان عندما كُنا نذهب صغرا ً إلى أهلنا بقرية ود العشا
و على ما أذكر فقد كانت مواقف اللواري في مدني في السوق الكبير أمام دكان ( شق النالة ) و أتمنى أكون كتبتها صاح
ولا زلت أتذكر المرحوم ( بريمة ) صاحب أشهر لوري في ذكل الخط

حبيبنا ود النور يااخوى شغل الاختزال دا والشورت هاند ما بينفع أدينى حكوة حكوتين النبل بيهم ريقنا..



الحمد لله الذي مدّ في أعمارنا لكي نرى إندثار مثل هذه المفاهيم البالية من مجتمعنا
و من قبلها الحمد لله الذي منّ علينا بنعمة الإسلام الذي حرر المرأة من عادة ( الوأد )
فديننا الحنيف حثنا على عدم التطير و التشاؤم فأمر المؤمن كُله خير إن أصابه خير شكر و إن أصابه شر صبر
سمح العلم سمح الشهادة


صدقنى أخى محمد لم تندثر هذه العادات كليا كما تعتقد ويعتقد اخى ابو زيد عن كل السودان..للآن هناك مناطق تحدث فيها هذه العادات رغم إنحسارها عن المدن..
لك كل التحايا..

[أشرف صلاح السعيد]

<object width="425" height="344"><param name="movie" value="http://www.youtube.com/v/remd8rhhwrs&hl=en&fs=1&"></param><param name="allowfullscreen" value="true"></param><param name="allowscriptaccess" value="always"></param><embed src="http://www.youtube.com/v/remd8rhhwrs&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>


اخى سواح لم تظهر لى المشاركة ولكنى سأشاهدها بجهاز آخر ..
لكن عهدى بك الرقى ومتوقع تكون أغنية يااللورى ما كدا..همسة : ع البال ولا تحسبنى مطنش..لك جل تحياتى

[أشرف صلاح السعيد]

من روعة لى روعة أخى المبدع ,,,

أشرف ود السعيد ,,,

ما شاء على روريك ده ,,,,

كامل من ما جميعه ,,, نغم وطرب ودراما ,,,

وحكاوى سمحة شديد ,,,


أخوك عنده عُقدة من الروارى دى ,,, قول لى سببا شنو ,,,

سببا ,,,

مرة كنا فى كسلا والوقت روح علينا والليل أليل ,,,

وما عندنا ذول نقدر نكابسو نبيت معاو ,,, المهم

طلعنا على صينية البوليس ,, لعل وعسى نلقا لينا

إن شاء الله ركشة توصلنا مدنى ,,, وإنتظرنا وإنتظرنا ,,,

آخر شئ البوليس وقف لينا رورى محمل بامية مدقوقة دُراش ,,,

فى شوالات ذى شوالات العيش المايو ,,,

الرورى مليان لآخر الصندوق ,,,, ومن النص القدام ورا القابينة

معليين الشوالات ,,, والنص الورا حد الصندوق ,,,

كنا تلاتة ,,, وإضطرينا ركبنا ,, الكمسارى كان فوق معانا ,,,

ولى حسادتو قال لينا ياشباب تعالو أسندوا ضهركم على شوالات

البامية دى عشان المشوار طويل ,, ونحنا يامؤمن ومصدق

قلنا ليهو كتر خيرك يا اللخو ,,,

وتحرك اللورى شويه ,,, شويه ,,, وبدأ يزيد فى السرعة ,,

والكمسارى يغنى ليهو ,,, ( ولو تعب منك جناح فى السرعة زيد )

ونحنا نشيل معاهو مفتكرنو بيشجع فى اللورى ,,,

وذاد رورينا فى سرعته ,,, وبدا الهوا يتغلغل فى دواخل

شوالات البامية ,,, وتعال شوف ,,,

شرا البامية بدأ يتطاير فى

رقابنا وإضنينا وإتلسعنا حلاة علقة ,,, وبدينا نتململ ,,,

والكمسرى كاشف النومة ,,, أول ما بدأت السرعة تزيد

نكت ليهو شال خاص بالطوارئ الذى دى ,, ودمدم وشو

وراح فى النوم ,,,,

غايتو يا أشرف لما وصلنا مدنى بعد إمكن 9ساعات أو أكثر ,,

الحالة كانت صعبة شديد ,,, ما بتتحكى ,,,

سهر ,,, وكاروشة ,,,

وريحة البامية ,,, والملابس خليها سااااى ,,,

ودى دخلت فينا عُقدة من الروارى لليوم ,,,

لورى إلا أقرأ المكتوب فيهو بس ,,,,

سلام ابو خالد..
والله ضحكتا لما قلت كفى..وأتاريو أنا اقول ابو خالد دا كان بكبكب فى الاكل يوم الاحتفال الا البامية ليه؟..
شكيت محنو الكمسارى الشوشوكم بالشرى ..قلت ليى البامية بقيت ما بتاكلا؟..
قصة لذيذة وتانى يا الرورى امان ما بركبك بالبطانية..
تعرف مرة ايام الجامعة وكنت راجع القاهرة اتأخرتا فى السفر ومالقيت بص اسافر بيو للخرطوم لانو الطيارة كانت تانى يوم..اها اخوك وع صديقى جمال عباس مدنى وبايحاء منو مشينا نقطة التفتيش البرا وصاحبنا العساكر هناك عشان يركبونا اى شى ماشى للخرطوم..
اها جاك من هناك مجروس جيش ماانع يتضرع..اخوانا العساكر كتر خيرم كلمو الدياشة "الجياشة" يوصلونا معاهم..اها اخوك وصاحبو ركبو والمجروس كان فاضى علا كان شايلو فحم شكلو ونزلو..اها قوم يالرورى قصدى ياالمجروس امشى ..هو بينى وبينك ما سريع كان ولكن الهو كان شادى حيلو وبقى يعمل ليك دوامات فى الصندوق الورانى..وقومى يادُقة الفحم الفى الارضية اتطايرى واعملى عمايلك فينا..قال الاولاد متشنطين وماشين الخرتوم..وبقو متفحمين فحم السواد واللواد "اللواد دا شنو؟"..وياريت على كدا وبس..لما وصلنا الحصاحيصا السواق قال حيبيتو فيها لانو المجروس ما فيو انوار واخوانك ضربو الجقالب الطيارة تانى يوم الساعة ستة صباحا..وموقف الحصاحيصا قبيييل شطب وناسو نامو..اها من هنا لهنا لقينا لينا تاكسى ووحاتك للخرتوم ..بس المجروس شكيت محنو كمل قريشاتى وضرب الميزانية بتاعت السنة من قولت تيت بدفعى للتكسى وصاحبى لهسى ما دفع الشيرنق وعمل طناش..ياربى بدينى ليها "ههههههه"..الكلام دا ليو اكتر من 15 سنة..

[muhi omer]

تتعدد وسائل المواصلات
والابداع واحد

[أشرف صلاح السعيد]

تتعدد وسائل المواصلات
والابداع واحد

ويتعدد المتداخلون والمشاعر هى ذاتا والقلب اللسة واحد..
اخى محى تحياتى وتشكراتى لتشجيعك اللو شجعو بيو الهلال كان أدى خمسة بدل ماأخدهم.."معذرة للهيلالاب وابو الدر..

[أشرف صلاح السعيد]

اللورى حلا بيى جوى بطنو..

الحلقة الاولى..

إمتلأ اللورى عن بكرة أبيه وحقيقة لا أدرى من هو أبيه..ويبدو أن العائد ما شاء الله عليه ..
بالجهة اليمنى من الملعب..عفوا من اللورى وقف مالايقل عن عشرة من الرجال والشباب دون الخمسين رجل برا ورجل جوا والله يستر من دقداق أم شداد..وكذا الحال بالجهة اليسرى من الملعب..بقلب صندوق اللورى أُفترش نحو الأربعة صفوف من الأشولة المتنوعة مابين الذرة والويكة المدققة والفول السودانى وصف خامس على دائرة الملعب..بالسنتر كل من النساء والأطفال والجريكانات بعضها إمتلأ بالزيت وأخرى بالروب وأُخر "انا ذاتى ما عارف شن فيها"..وبعض من تشكيلة العنبلوقات والمعيز وقليل من الضأن وعقيلاته "النعاج"وعجل كرأس حربة..يدير اللقاء المساعد الدولى كبروس الذى شق الحدود الأريترية قرابة العشرة مرات..كما أنه يحمل شارة عبور شاد لخمسة عشرة مرة عفوا فردة..وشارة إتحاد مساعدى اللوارى العابرين إلى الكونغو وأفريقيا الوسطى عيييق مرات كتيرة خلاااص..أما عربيا فقد شارك كبروس بدورى النيسانات أيام العصر الذهبى للعظمة بحوالى عشرون شقة إلى ليبيا والعكس..
فى خط المقدمة السائق الفذ ود حسبو الشافو كلو حبو..كابتن الرحلة ..ود حسبو عاصر كل من العمالقة الكومر والهنتر والبولمان والأفنقر والهيلمان..ياه رجعتونا للعهد الحديدى الأصيل..على الدكة "التندة" ثلاث باكات محليات أم شليخات وأم دقة وأم مشاط..
إنطلقة صافرة الكومسنجى من قرية أم حلال معلنة بداية الرحلة..الجو صحو ومبشر بلعب جميل ويبدو أن شكشاكة قد تزيد من جمال الرحلة فى بداياتها..

يتبع..إن شاء الله.."أها رجعنا تانى لشغل القطارة؟"..

[moh_alnour]

شكلك بديت في توزيع اللعيبة في خانات الملعب
بس شغل القطارة دا ما بوصلك سريع يا أشرف لأنو الطيارة الساعة 5 و يا حبيب ما تنسى

[أشرف صلاح السعيد]

شكلك بديت في توزيع اللعيبة في خانات الملعب
بس شغل القطارة دا ما بوصلك سريع يا أشرف لأنو الطيارة الساعة 5 و يا حبيب ما تنسى


والله التقطع دا زى البقى عادة متأصلة فينا الكهربا تقطع..البنزين يقطع..الحلم يتقطع وياريتو لو حليب بنبقى زبادى..يعين الله ..
تعرف يا ود النور لعبك حريف جدا جدا..والدبل كيك العملتها كيفتنى فى حنانى..المجروس اب فحم والتأخير عن "الميطار" والتشكيلة..جد كيفنى الدبل كيك..عشان كدا اتشجعتا اجيبا على الطاير..

[أشرف صلاح السعيد]

اللورى حلا بيى جوى بطنو..

الحلقة الثانية..

ام دقة : يااخونا السواق والله عاد ما أخرتنا جد..الرورى دا من قبيل اتملى..نان فى شنو الانتظار؟..

ام شليخات : والله يااخوى اتأخرنا تب عن الاستبالية..هسع دى الوقت ضاق علينا وناس الاستبالية ديل كمان صعبين خلاص..قبل ما نتوهط يقولونا الزيارة خلصت..الله فوقك عاد أكان توقف كتير فى الحلالات..

حسبو : يااخواتنا سمو الله ..يادووب بنقول يا هادى والصباح ضو لسة ما شقشق..إلزمو الصبر شوية..واهندا اتحركنا بس قولو يا لطيف..

ام مشاط : الله يعدل طريقك وطريقنا..انتن يالعوين مالكن شفقانات؟..ما ياهو دا حالنا من زمان بنقوم الساعة دى وبنقضى أغراضنا فى المدينة ..أذكرن الله..

الجميع : "كلا على حدا"لا إله إلا الله سيدنا محمد رسول الله.."متفرقين" صلى الله عليه وسلم..

باللورى وبالخلف كان كبروس بدأ فى تجميع قيمة التوصيلة من الركاب خلفا..

كبروس : أها يااخوانا أدونا حق المشوار..

رجل : يا زول ما تستهدى بالله..إحنا لسة فى بطن الحلة..الشفقة عليك شنو؟؟..

امرأة : أياها شفقت اسياد الروارى ..

كبروس : فتاح يا عليم رزاق يا كريم..أها خلاص بدينا فى التجرجر من هسع..يلا يااخوانا ادونا..اللخو ادينا..

وبدأ الناس الذين ليس لهم بضائع محملة غيرهم فى الدفع..وأولئك الذين يحملون معهم شيئا يتباطؤن فى الدفع حتى تبدأ المساومات والفصال..فلكل شئ سعر حمولة ..الغنم..الضأن والجركانات..أما الشوالات فعادة ما يدفع لها قبل الرحلة أو عند التسليم..

يتبع .. إن شاء الله..

[أشرف صلاح السعيد]

اللورى حلا بيى جوى بطنو..

الحلقة الثانية والنصف..
"آيّيا والنصف شنو مالكم ما أنا المخرج؟..شوف ديل بالله!!"..

كبروس : يا عم التوم ارح بالله خارجنا..

التوم : إنتا يا ود عبد الصمد صبرا يبل الآبريه أصلو ما عندك؟..ماهندانا قاعدين فى بطن اللورى شنو خايفنى اطفر وما ادفع..لا حولا ولا قوة إلا بالله منك..هاك اهنديل القريشات الخايفن يطيرن..

كبروس : ديل شنو ديل؟..ووينن حقات البهايم؟..

التوم : عليكم الله شوف الجنا دا!! البهايم ديل صحبة راكب..اعتبرن شنطاتى يااخ..

كبروس : يا زول قالولك اللورى دا نيسان حلفا؟..ما كفاية يبعرن الطريق كلو وانحنا ننضف مكانن..شفت ليك شنطة بتبعر ولا شنطة تمومى السكة كلها؟..يا زول عندك تلات بهم صغار وعجل..ادينا فى البهم الصغار جنيه فى كل واحدة والعجل الماكن دا اتين جنيه..

التوم : قهرتك بالقاهر والنبى الطاهر..عايز تديهو ليى عين مايصل سوق البهايم..قول ما شاء الله يا اب عينن حارة..

كبروس : اها ما شاء الله ..هو دا زاتو يسحرولو شنو العامل زى ود الرضية الهبيل الوقت كلو بريِّل؟..

التوم : لسة بتوصف فيو طيب..اصلى ما دافعلو الا لما يصل سليم وابيعو كمان..وبعدين اتنين جنيه شنو..الجن الكلكى "الكلكى دى معناها شنو؟"..انت ما قلت البهم الصغيرة جنيه واحد؟..هسع دا أمانة فى ذمتك العجل دا ما قدرن فى السن؟..

كبروس : ياعمنا يصل ولا ما يصل بطريقتو..وتدفع لينا عليو اتنين جنيه انا مالى ومال عمرو اصلى عايز اطلع ليو شهادة ميلاد..كدى كدا اطلع لينا بخمسة جنيه تانى..

التوم : قلتا كدى انا ماليا مفاهمة معاك..بحاسب حسبو ..شوف غيرى شوف غيرى..

كبروس : لو قافل على المعلم امانة ما اتسوحتا..حاجة حوا ادينا الاجرة..

حوا : انتى خلستى هسيئ دى من الناس دى كلها عشان تجينى أنا؟..

كبروس : والله انتو ناس عجيبة خلاص!! الشى هى أُجرة ولا حقنة؟..كل واحد يلزنى للتانى..عليك الله ادينى ما كفاية عرقيكى الداشر الشرطينا بيو شرط..

حوا : الاشوفوكى هنا ما يشوفوكى وانتى جايانى تحنسى..هاكى الاجرة لكن انا بأرف أنزمك لما تجينى بالليل..

احيمر: يا كبروس يااخى اعملها دس كاونتى ..عشان المسائل بعدين يا طيرة..وبعدين هسع دى بتتكلمو عديييل كدا قدام الحيكومة..انتا يا جنابو حسن ما سامع الناس دى بتقول فى اعترافاتا؟..

التاية : انتو مسختكم وسواتكم دى اصلو ما بتخلوها..الله يهداكم ويتوب عليكم يا المساخيط..

حسن : اها سمعتا وقول قبضهم متلبسين ومقرين بالجريمة الكاملة..ما بعد شوية الحلة كلها تنكب فى راسى..يا زول كيف تسجن ناس الحلة..ما حوا دى ..ياتو يوم شفتها غلطت على زول..وكبروس دا عارفنو مسيخيط لكن الزيو منو؟..وبعدين انا هسع دى ما سادى..مواطن واكان سادى بعمل ما سادى..

يتبع إن شاء الله..

[هبوية]

فاصل اعلانى..

اللورى حل بيى دلانى أنّا فى الودى..
حبيبى جننى..
حبيبى ود الناس بقى ليا وناس..









همسة: سماحة وابو آية دقستو يا فرد..
أحييك أخي أشرف صلاح السعيد علي تذكرتنا بالمفردات السودانيه الأصيله ذات الطابع البسيط والمعبر عن الأحاسيس الأجمل، وعن والحبيبه ووجودها بجانب الحبيب وقت الأسفار نتمني أن تطرق أذننا الكتير من هذا المفردات الرائعه.

[telecom]

صدق يا استاذنا الغالى الكلام دا يقال انو صاح بس خانتنى الذاكرة فى كم حادثة عالمية ومركبة فضائية كم قصة كدا بس ما قادرها اجمعها واوعدك اول ما اقوقله فى راسى حاقول ليك
وتبقى الجاية من الله واصلة وما بنصدق الخرافات

[أشرف صلاح السعيد]

أحييك أخي أشرف صلاح السعيد علي تذكرتنا بالمفردات السودانيه الأصيله ذات الطابع البسيط والمعبر عن الأحاسيس الأجمل، وعن والحبيبه ووجودها بجانب الحبيب وقت الأسفار نتمني أن تطرق أذننا الكتير من هذا المفردات الرائعه.

سلام اختى هبوي..
وانا بدورى احيك لالتقاط فكرة الاغنية ودعواها الحبية والحبية..
بمعظم شعر الاسفار والترحال نجد إقتران الحبيبة بالسفر ..فالحب هو من اسمى عطاء الله للعباد واتمنى من كل العباد ان يمارسه بما يرضى الله..
سمعتى القصيدة الحلمنتيشية جزئ منها بقول:
"ريدتى ليك يا أم شداد ..تقلب اللورى فى الدقداق"..

[أشرف صلاح السعيد]

صدق يا استاذنا الغالى الكلام دا يقال انو صاح بس خانتنى الذاكرة فى كم حادثة عالمية ومركبة فضائية كم قصة كدا بس ما قادرها اجمعها واوعدك اول ما اقوقله فى راسى حاقول ليك
وتبقى الجاية من الله واصلة وما بنصدق الخرافات

اختى تيلى كوم سلام..
راجى قوقلتك وربنا يجيب القواقل سريعة..
اللهم قوقل المواضيع بذاكرة تيلى كوم..
اللهم عجل بقصصها وما يجافيها النوم..
اللهم اجعل ذاكرتها اكبر واجمل من كل دوت كوم..