العلاقه بين داخلية البنات والنظام الحاكم في البلاد [الأرشيف]

ام قبس

31-10-2009, 02:56 AM

الاخوات والاخوان في منتديات ودمدني
سلام من الله عليكم جميعا من غير فرز
وللتيمان سلام مربع خسوسي

زماااااااااااااااااااااااااااااااااان مش زمان اوي يعني
بس زمان لمان كنا في الجامعه سكنت لفترة في داخليه الجامعه
وكنت اول ايامي في الجامعه كما اول ايام العريس اسمت (( هسع انا قلت بمبيه)):o
المهم ماسكاني ام فريحانا علي اساس هنا الجامعه وهنا الافق الاوسع وصوت الاخر مسموع ويمكنني قول كل شيء ولو شتاره ساااااااي بلقي اليقول لي انت ست الكلامات
المهم اتحنفشت وسجلت للداخليه رغم اعتراض ناس البيت ماحتقدري علي عيشه الداخليه احسن ليك ناس عمك ولا ناس خالك ولا ولا وكل الخيارات ابدا راسي وميه سيف الا ادق الميس
ووزعوني في داخليه قريبه جدا للجامعه بس لمان مشيت الداخليه بعد دوام الجامعة

لقيت ليك عنبر الاعصاب في مستشفي التجاني الماحي وحدة فاتحة المسجل بي اعلا صوت وبتسمع في وردي حققنا احلامنا وكل عاشق عقباله
والتانيه عامله بن في وشها قالباه اسود دخلت فيني خلعه السنين والتالته عامله رول في شعرها نظام مارقه المساء
وحاجات تانيه خلوها ساي وسرير مهتوك مخصص للاخت
ختيت شنطي وقلت اعمل جوله تفقديه للمكان وكدا
جيت مارة بي غرف صغيرة سلمت من بره اشروا لي بي الدخول دخلت سلمت
وقعتد بي ادب
عرفتهم بي نفسي اني برلومه وكدا
الحقيقه الغرفه تشرح الروح مركب فيها مكيف ومسجل فاتح فيه موسيقي هااااااااااااديه والغرفه مضروبه جدييييييييييييييييييييييييد بوهيه بيجي جك بتاع شاي كهربائي احساس ذاكروا عديييييييييييل كدا
بعد كم كلمه كدي لزوم الظرافه اديتهم ليك سعال اعتبرته عادي واعتبروه تطاول
قلت ليهم انتوا مش ذينا برالمه قالوا لي لا مش كلنا ثلاثه برالمه ووحده سينير
قلت ليهم طيب الثلاثه ديل ادوهم غرفة ذي دي كيييييييييييف
قولوا معاي كييييييييييف
العيون حمرت وخضرت وزرقت وردت السينير دي سياسه ناس لجنه الاسكان انت عندك اعتراض عليها ولا شنو
وواصلت اختكم في النقاش طبعا لو خيار وفقوس عندي اعتراض عليها
لكن لو اسباب منطقيه ما حيكون عندي اعتراض عليها
ردت السينير
ايوة خيار وفقوس
قلت في سري بسم الله الرحمن الرحيم دي مالها دي
واتخارجت سريع سريع
في الليل فرشت فرشه في الارض ورقدت احضر في التلفزيون في حوش الداخليه
شويه شويه العدد بقي بسيط حول التلفزيون والساعة 11 تقريبا لقيت واحده قاعده فوق راسي وبتتكلم كانها موجهه كلامها لي واحدة تاني بس ما كان جنبها غيري
قالت (( البرالمه الجايين بي سنونهم ديل نحنا هنا عشان نكسر ليهم سنونهم))
جمله والله العظيم ماحييت مانساها من الرعب السببته لي يومها
باعتباره اول يوم بعيد من الاهل وفي نفس الوقت لوحدي
عرفت انها رسالها مشفرها
وقمت لملمت فرشتي وقلت الحر يقتلني في عنبر المجانين (( الموت وسط الجماعه عرس ))
واتكمدت في العنبر ويشهدالله ماضقت النوم للصباح
في الصباح طبعا حفظت شكل المرسال المرعب وسالت منها في الجامعه قالوا لي دي واحدة من تنظيم الجبهه الاسلاميه ((في الوقت داك))
وهي في نفس الوقت كادر تدريب لاعضاء الجبهه من الثانويات وكمان اخت احد القيادات في اتحاد الجامعه
وووووووووووووووووووووووووووووووب علي ان ماخلاص اعتقلت وكدا (بي ضم العين والخشم))
اتاري هو في ناس بيجهزوهم من بدري سوعال برئ(( انتوا ناس رايع وملك ومبدع ديل بناكل معاهم عيش هنا ولا يفتح الله))
جايه سريع
شيل يدك من علي الرموت
همسه خسوسي للتيمان اقتراح ياجوز اللوز ماتفتحوا ليكم بوست(( من المسعول من طفشان الحريم من المنتدي تريييييييم))
تخريمه لعبدالله العقاد انا من مدني وليس لي علاقه بالشبارقه ابدا مشكور علي تفقدك لي
تنويه : يوجد تعريفات للكلمات باللون الاحمر في نهايه الموضوع:D

ABUZAID

31-10-2009, 03:35 AM

الملاحظ للرمزية الراقية في الموضوع

والمعايش لحال الداخلية

يلحظ بؤس الواقع

وبرغم قيود الداخلية, والقوانين المعيقة فيها والتي قد نعتبرها ومن وجهة نظرنا ( ظلما )
( عفوا فانا لا انتمي لاي جهة سياسية )

الا انني اظن انها كانت اجمل ايام العمر

لا نفر منها الا للعودة اليها

ولا نقوى على فراق ساكنيها وقاطنيها لانهم اصبحوا جزءا من حياتنا التي ننعم بها

لك الشكر على قمة التعبير
وروعة التفسير
وبراءة التقدير
وسلاسة التسيير

لك الشكر مرة اخرى

فراس

31-10-2009, 03:38 AM

الفاضلة ام قبس تحياتي

الداخليات بقدر المشاكل والالم والتعب الذي يحدث بها

لكن تظل مرحلة من اجمل مراحل العمر

وتفضل ذكريات جميلة جدا نهرب اليها كثيرا

مع ضغوط الحياة واصلي واتحفينا بكلامك الجميل

منتظرين نعرف بقيتي من صاحبات الغرف المكندشة

ولا تميتي في ارض الله دي

التيمان

31-10-2009, 03:41 AM

احلى تحياه مسائيه ومربعه ومثلثه لى خالتك ام قبس

يا واد يامصطفى مزيكا بالله

الناس الحلوه حلوه
الىف المنتدى منتدى
ام قبس قبس
وقبس قبس
وزويها زويها

سلام عليكم عليكم
ورقصنى ياجدع ..

أبو جودي

31-10-2009, 04:01 AM

أختنا أم قبس موضوع هام جداً ،،، خاصة ليستفيد منه الجيل القادم ،،،، ولنرى شوية عن الداخليات وما يوجد بها ،،،
للعلم لم نحظي بالعيش في داخليات في السودان وإن كانت تجربتنا خارج الوطن ،،،
وعلى ما أذكر أختي بالنسبة لأول داخلية أزورها بالضبط في عام 1984م كانت لداخلية معهد الكليات التكنلوجية قبل أن تصير جامعة قمت بزيارة أخي عليه الرحمة المهندس إبراهيم ،،، كانت في تلك الفترة وحسب تقديري كداخلية طلبة جيدة خالص بالمنظور الشفته في خلال السنوات الأخيرة لداخليات في أعوام التسعينات .
فقد كنت أتردد عليه بحكم أنه من مدني يعني مرات تطرني الظروف أبيت معه ليلة فشوفي الزمن كيف ده بوريك المساحة الممكنة للطالب في الفترة ديك حوالي أربعة طلبة في الغرفة ،،، ومستوى الوجبات كطلبة كان برضو ما بطال يعني بتلقي تحلية ورز ووجبات ما بطالة ،،، مش زي الأيام دي الطالب عليه أن يقوم بكل شيء لوحده ده غير المصاريف البتعطيها لهم الجامعة في تلك الفترة وعلى ما اعتقد 20 جنيه ،، أهه برفهوا بيها أول أيام ،، ده المستوى الشفته في خلال تلك الفترة .
وعبرك أحب أن أشوف ما بداخل الداخليات حتى أستفيد ويستفيد غيري ،،، وتكون الصورة واضحة ،،، للجيل القادم ،،،
وأعتزر عن طول المداخلة ،،، ولكي التحية أختي أم قبس

ود الجعلي

31-10-2009, 05:10 AM

الكلام ده سنة كم يا ام قبس

ام قبس

31-10-2009, 06:25 AM

الملاحظ للرمزية الراقية في الموضوع

والمعايش لحال الداخلية

يلحظ بؤس الواقع

وبرغم قيود الداخلية, والقوانين المعيقة فيها والتي قد نعتبرها ومن وجهة نظرنا ( ظلما )
( عفوا فانا لا انتمي لاي جهة سياسية )

الا انني اظن انها كانت اجمل ايام العمر

لا نفر منها الا للعودة اليها

ولا نقوى على فراق ساكنيها وقاطنيها لانهم اصبحوا جزءا من حياتنا التي ننعم بها
لك الشكر على قمة التعبير
وروعة التفسير
وبراءة التقدير
وسلاسة التسيير

لك الشكر مرة اخرى

اول الكلام سلامabuzaid
شكرا علي المرور
لو كنت مشيت رحلتك ديك وانت داخل السودان صدقني بالفهم البعيد والقريب ماعندك مفك غير انك .............................
عارف ليه لو قلت لي ممكن اكون في السودان لكن ود راحات وكدا حاقول ليك ماممكن
اولاد الراحات مابحكوا رحلاتهم ولابيدهشهم الجمال لانهم يفطموا عليه ككمالايات التسميه والوضع وكدا
والجماعه اياهم الخلعه تدخلهم لمان ينسوا التعبير
فوجدت ان قد انتفي عندك الشرط الاول والثاني
فاستمتعت ومتعتنا معك(( القال حقي غلب))
والداخليه فررت منها عندما انطبق علي المثل ((الكثرة تقلب الشجاعه))
بس كمان لانكر علي نفسي انني انجزت ولو البسيط
اخي عندما حزمت حقائبي ونويت الرحيل (( من الداخليه )) تخيرت صحبه تبقي معي اختلفنا قبل ان نتفق ولكن ظل الرابط بيننا الاحترام لاشياء بعضنا البعض
شكرا مرة اخري

أشرف صلاح السعيد

31-10-2009, 06:32 AM

اختنا ام قبس سلام مربع..
يااخى وين ايامك وشنو سمعنا سمع خير السينيرة بتاعت الداخلية دى زى الجات بيجاى وكبيتى الزوغة..
حمدا لله على السلامة..انتى يا اللخت شعوعية ولا شنو؟؟
شنو يعنى غريفة مورنشة
ومزيكا هادءة منعنشة
وبرالمة بسنيرة مكنكشة
أخوها الكوز خلاها مفرفشة
بس للنصيحة كنتى برلومة مطرطشة
كيفن تناقشى بدروشة
ما تفرزى بين الكوسة والحنكشة
إلا يعنى يهددوكى بوشوشة؟
وأحمدى ربك ما خلوكى منكشة
بس ليى سؤال "الاوضة كانت مكندشة؟"
وتانى أفرزى هوى بين التزرزر والدردشة

والله اصلو ما عجبنى ليك برلومة وعاملا لجنة حقوق انسان يااخى معقول!!وكدى بينى وبينك أخبار السيخ كان شنو؟..

ام قبس

31-10-2009, 06:36 AM

الفاضلة ام قبس تحياتي

الداخليات بقدر المشاكل والالم والتعب الذي يحدث بها

لكن تظل مرحلة من اجمل مراحل العمر

وتفضل ذكريات جميلة جدا نهرب اليها كثيرا

مع ضغوط الحياة واصلي واتحفينا بكلامك الجميل

منتظرين نعرف بقيتي من صاحبات الغرف المكندشة

ولا تميتي في ارض الله دي

الاخ فراس
اولا دعني اقول حقا حاشا ان انكره عليك
لدي قناعه لا اعلم من اين اتيت بها ان الرجل الذي يجيد التعامل مع المراة يجيد كل شيء
وعكسها من لايجيد التعامل مع المراة لايجيد اي شيء وان تجمل
فاتمني نشر ثقافتك الراقيه عن التعامل مع حواء هنا في هذا المنتدي
ووالله ياخوي عملت لي غرفه مكندشه براااااااااااااااااااااي وبرضه في واطات الله دي ماسمعت بالزارعنا غير الله اليجي يقلعنا
مشكور كتير

ام قبس

31-10-2009, 06:46 AM

احلى تحياه مسائيه ومربعه ومثلثه لى خالتك ام قبس

يا واد يامصطفى مزيكا بالله

الناس الحلوه حلوه
الىف المنتدى منتدى
ام قبس قبس
وقبس قبس
وزويها زويها

سلام عليكم عليكم
ورقصنى ياجدع ..

ياسلاااااااااام والله صحت الكهارب في الشوارع
ماقلتوا لي رايكم شنو مشروع البوست (( ماتخافوا انا بشففكم))
خارج النص: لي مادخلتكم في بوست عبدالله العقاد ((اليومين الغبتهم كنت مورودة)):p

ام قبس

31-10-2009, 06:51 AM

أختنا أم قبس موضوع هام جداً ،،، خاصة ليستفيد منه الجيل القادم ،،،، ولنرى شوية عن الداخليات وما يوجد بها ،،،
للعلم لم نحظي بالعيش في داخليات في السودان وإن كانت تجربتنا خارج الوطن ،،،
وعلى ما أذكر أختي بالنسبة لأول داخلية أزورها بالضبط في عام 1984م كانت لداخلية معهد الكليات التكنلوجية قبل أن تصير جامعة قمت بزيارة أخي عليه الرحمة المهندس إبراهيم ،،، كانت في تلك الفترة وحسب تقديري كداخلية طلبة جيدة خالص بالمنظور الشفته في خلال السنوات الأخيرة لداخليات في أعوام التسعينات .
فقد كنت أتردد عليه بحكم أنه من مدني يعني مرات تطرني الظروف أبيت معه ليلة فشوفي الزمن كيف ده بوريك المساحة الممكنة للطالب في الفترة ديك حوالي أربعة طلبة في الغرفة ،،، ومستوى الوجبات كطلبة كان برضو ما بطال يعني بتلقي تحلية ورز ووجبات ما بطالة ،،، مش زي الأيام دي الطالب عليه أن يقوم بكل شيء لوحده ده غير المصاريف البتعطيها لهم الجامعة في تلك الفترة وعلى ما اعتقد 20 جنيه ،، أهه برفهوا بيها أول أيام ،، ده المستوى الشفته في خلال تلك الفترة .
وعبرك أحب أن أشوف ما بداخل الداخليات حتى أستفيد ويستفيد غيري ،،، وتكون الصورة واضحة ،،، للجيل القادم ،،،
وأعتزر عن طول المداخلة ،،، ولكي التحية أختي أم قبس

اخي ابو جودي سلامات
صدقني الداخليه تصغل في البنت اشياء كثيرة جدا من اهمها الاعتماد علي النفس والمواجهه وقوه الشخصيه وتبقي الاسس المتينه البنغرسها في اصل التربيه من داخل الاسرة وبعدها قول (( ياجبل مايهزك ريح))
ابو جودي ياخوي انا مامن زمن الوجبات والمصاريف ((مالك مشيت بي ورة كدا:eek:))
مشكور علي مرورك

ام قبس

31-10-2009, 06:54 AM

الكلام ده سنة كم يا ام قبس

ودالجعلي سلام
سنه كان في الجبهه الاسلاميه مرة ثم مرات اخر
واتضح انو الاولي دقسه من الريس والتانيه دقسه من الجبهه
ان شاء الله تكون عرفت سنه كم;)

ام قبس

31-10-2009, 07:05 AM

اختنا ام قبس سلام مربع..
يااخى وين ايامك وشنو سمعنا سمع خير السينيرة بتاعت الداخلية دى زى الجات بيجاى وكبيتى الزوغة..
حمدا لله على السلامة..انتى يا اللخت شعوعية ولا شنو؟؟
شنو يعنى غريفة مورنشة
ومزيكا هادءة منعنشة
وبرالمة بسنيرة مكنكشة
أخوها الكوز خلاها مفرفشة
بس للنصيحة كنتى برلومة مطرطشة
كيفن تناقشى بدروشة
ما تفرزى بين الكوسة والحنكشة
إلا يعنى يهددوكى بوشوشة؟
وأحمدى ربك ما خلوكى منكشة
بس ليى سؤال "الاوضة كانت مكندشة؟"
وتانى أفرزى هوى بين التزرزر والدردشة

والله اصلو ما عجبنى ليك برلومة وعاملا لجنة حقوق انسان يااخى معقول!!وكدى بينى وبينك أخبار السيخ كان شنو؟..

الله يسلمك ود امي
بي مناسبه شعويه ولا شعيريه دي عندي شوته ذي شوتت الشكوه ديك بحكيها لي قدام
وبي مناسبه نجرك دا امسك عندك
والله يالسعيد الدخلني جني وجن خاطف اللونين
وجني جن البيقول ليك بفهمك بعدين
وجني وجن القطيعه في الاضنين
وجني وجن الركشه بتمشي بين باصين
وجني وجن السكوت والصنصين
وجني جن ازرق ياربي بفارقني متين
السيخ دور لكن اختك جابته هنا وهسع بنشوي فيه
اها اسمها شنو بالتنقليزي باربي كوي ولاشنو
مشكور علي المرور

ام قبس

31-10-2009, 07:29 AM

نواصل
من الحاجات العجيبه ذكرني ليها اشرف السعيد
طبعا بعد الموقف بتاع الليل داك انكمشه شويه وقلت يابت انتي لسع بتقولي ياهادي مافي داعي تلفيتيهم ليك
اتاري هم وجهه كشافاتهم خلاص
ومع اني ماكان عندي في الثانويات اي نشاط بس اصروا علي رد الصاع بتاع السعال
واستدعوني في لجنه الاسكان
اها يابت يامشاغبه انتي قالوا معترضه علي التقسيمه قلت ليهم بي قلبي :p التقسيمه دي كدا مابتجيب اقوان
المهم مابرروا لي ولا اقنعوني بس وصلوا لي فهم مامن حقك تسالي عن اي شيء وايء شيء بيصلنا ولو كنتي براك والا ..............................
المهم الحاجه الطريفه جدا (( طبعا في وقتها ماكانت طريفه كانت مخيفه ))
واحد سعالات كتار ذي ود السعيد كدا من اعضاء الجبهه الديمقراطيه جاني وقال نحنا لاحظنا انك نشطه في الجمعيه التابعه للقسم بتاعك وكدا وكم مكنه كدا مامشت فيني
المهم عاوزنك تنضمي للجبهه الديمقراطيه فلت ليهم اسمع طرحكم (( قلت اعمل لي سوق شويه كدا )) اها قالوا لي في واحد مسؤول من الكوادر الجديده حيقابلك يوم كدا الساعه كدا في الجامعه قلت ليهم جدا اسمعه فعلا جاء وكان هو طالب معانا وبنعرفه اتكلم معاي ياخي نحنا كدا ورايك في البيحصل دا شنو والحكومه والاتحاد واختك مافضلت شيء ماقالته ارهابيين مجرمين مابعرف شنو
طيب تنضمي لينا
ابدا انا برفض التنظيم في حزب معين ويمكن نتفق او نختلف بس يفضل اصل الاشياء
المهم مرت السنين وانا في السنه الثالثه في الجامعه اتفاجاء بي بورت كبير مكتوب عليه جاسوس من الجبهه الاسلاميه في صفوف الجبهه الديمقراطيه
وطلع اخونا داك ذاااااااااااتوا المابيقباني هو الجاسوس
وقال البت ختت الاتحاد في الواطه
واليوم داك مشيت نمت عن ناس عمي
والا حين اشعار اخر
بجيكم راجعه
همسه : عندي بوست اسمه هل انت ابيض ام اسود (( والله نفسي زول يجبوا لي والناس كلها تسعل نفسها السعال دا ))

نسمة صباح

31-10-2009, 07:40 AM

اتاري هو في ناس بيجهزوهم من بدري :D

[COLOR="Blue"]أولا ألف حمد الله على السلامه وان شاء الله أخر الغياب

[SIZE="4"]بالنسبه لتجهيزات الاعضاء للحزب أعتقد أنها بتبدءمن بداية المرحله الثانويه

أنا من الناس المشيت الثانوي شهاده عربيه داقسه وطاشه للطيش

كان سألوني حاكم السودان منو أظني ماكنت ح عرف :p

لاقوني بتين داقين معاي صحوبيه كانوا في اخر سنه

وبعد فتره اقترحو على انو انضم معاهم في حزبهم

عجبتني الفكره خصوصا انو يومين في الاسبوع معفين من الحصص الاخيره ويوم في الشهر اجتماعات في قاعة الصداقه على حسب قولهم مع ناس (من فوق )

ولاكترت كلامي ولا اسئلتي
وقلتليهم معاكم بالحيل

المهم الوالد في النهايه عرف وحلف علي وقال ماعافي عليك كان اشتركت ف تنظيم سياسي

وجيت منسحب براحه

لكن قولك لوكنت عارفه الموضوع فيهو كندشات وراحات وتسهيل توظيف

قولك كنت انسحبت :p

ام قبس

31-10-2009, 08:01 AM

أولا ألف حمد الله على السلامه وان شاء الله أخر الغياب

بالنسبه لتجهيزات الاعضاء للحزب أعتقد أنها بتبدءمن بداية المرحله الثانويه

أنا من الناس المشيت الثانوي شهاده عربيه داقسه وطاشه للطيش

كان سألوني حاكم السودان منو أظني ماكنت ح عرف :p

لاقوني يتين داقين معاي صحوبيه كانوا في اخر سنه

وبعد فتره اقترحو على انو انضم معاهم في حزبهم

عجبتني الفكره خصوصا انو يومين في الاسبوع معفين من الحصص الاخيره ويوم في الشهر اجتماعات في قاعة الصداقه على حسب قولهم مع ناس (من فوق )

ولاكترت كلامي ولا اسئلتي
وقلتليهم معاكم بالحيل

المهم الوالد في النهايه عرف وحلف علي وقال ماعافي عليك كان اشتركت ف تنظيم سياسي

وجيت منسحب براحه

لكن قولك لوكنت عارفه الموضوع فيهو كندشات وراحات وتسهيل توظيف

قولك كنت انسحبت :p

ماعارفه ليه كل ماشوف اسمك اتذكر الغنيه بتاعه (( يانسمه كيف اخبار اهلنا وحينا
احكي لي عاد ماباقي طولوا مننا ))
الغياب يومين تلاته دي يمكن
بس حرده كلو كلو
الا يقفلوا الداخليه اقصد المنتدي:D
بالله هم بيجهزوهم من الثانويات
طيب سوال والخلص الثانوي والجامعه وهسع شغال ودايرين يجهزوه يعملوا ليه شنو دا
وطبعا كلنا عارفين التعليم في الكبر كالنقش في البحر :confused:

طيب يانسمه الاتبلبل بيعوم هسع كان تكوني نائب مدير ولا رئيس مجلس ادارة تتكهنون
ولا تطبلون وتنقادون
مش دي اساميهم
نسمه الله يديك العافيه بس خليك حريفه تاني
الفرصه تجي مرة واحدة في العمر
مشكورة مرات ومرات

ام قبس

31-10-2009, 08:23 AM

استميحكم عذرا ان اخص هذه المساحه لصديقتي مايسه
ياهديه الرب لي منتدانا
يارقيقه القلب يانسانه
يانغم فرحان كم اهدانا
ياملكه بتأمر وعاجبانا
يااحلي واروع انسانه
ياست الكل
حقك علي اذا اصابك رشاش من مالم اقصد
فانا من انتهج سياسه الاعتذار في العلن كما الخطاء في العلن
.................................................. .................................................. ....

عبدالله محمد العقاد

31-10-2009, 08:59 AM

استميحكم عذرا ان اخص هذه المساحه لصديقتي مايسه
حقك علي اذا اصابك رشاش من مالم اقصد

يادوب صحيتي ام قبس

حمدلله على السلامة

عبدالله محمد العقاد

31-10-2009, 09:01 AM

الكلام ده سنة كم يا ام قبس

اختنا ام قبس انا ما قصدي اساءة و كنت قايل روحك رياضية
اها سحبت المشاركة و انت فكي الاقتباس و امسحيها

واضح انك لسة زعلانه مني

بنت الرفاعي

31-10-2009, 09:34 AM

أختنا أم قبس أخبارك ؟
طبعا نحن والحمدلله في الجامعة بعيدين عن السياسة وما حولها كل البعد , لأنو جامعتنا ممنوع فيها أي نشاط سياسي , إحتمال أكون عايشت أحزاب جامعة الخرطوم لفترة بسيطة ( ياخي الناس ديل مبالغة و البنات ديل بيكوركو كوراك , ولما يكون في حزب فائز بيغنو غنا , والخاسر بيجي يرب الشكلة !! , وسبحان الله كم مرة بعد ما أسافر و أجي يقولوا لي كان في حرب قايمة بعصيها وضربها ؟ ( معقولة بنات ولا أولاد ؟؟!! ) لما الحرس يدخل ويفض النزاع والحرب القامت !! ) , أصلو الزمن ساقني و سكنت في داخلية فاطمة الزهراء ( البركس كما هي مشهورة ) فترة إحتمال تكون تقارب السنتين , ومع الأسف كانت أغلبها بالنسبة لي قمة البؤس وبالذات سُكنتي الأخيرة فيها ( أسوأ مافي حياتي كلها وكانت لمدة شهرين ) , غايتو كان ما عندي رغبة في الدراسة كان خليتها بس إستحملت و فوّضت الأمر لله , غايتو ناس الميناء البري حفظوني حفظ , أسبوعيا بسافر , والعجب لو عندي إمتحانات , تصدقي مرات بجي يوم الإمتحان ذاتو وبوصل مع وقت الإمتحان ( الحركة دي عندي حتى ولو ما ساكنة داخلية نظام تغيير جو وكدة , أصلو عندي حساسية مع الخرطوم وأجواءها ) .

واصلي أختي أم قبس ونحن معك .:)

ام قبس

31-10-2009, 09:34 AM

يادوب صحيتي ام قبس

حمدلله على السلامة

الاخ عبدالله العقاد
نصيحه اخويه يا اخوي تحليلك النفسي الماسك فيه دا بيدوك التوج والصواني قالوا في السودان اتملت

اها تاني ليك انا صاااااااااااااااااااااااااااحيه لكن مسعول من الخير انت الناس البتفك قنابل علي الحريم ديل ماك شايفهم ولا عينك في الفيل تطعن في ضله
وجيت لي رشاشي دا
اها بديك طريق عندك مداخله من عوض الكريم الخواض امشي عليها ساي
ومشكور علي المرور:d

ام قبس

31-10-2009, 09:36 AM

يعني ياود الجعلي لازم تحرجونا بقى

1969 م

اها دي برضه من تحاليلك النفسيه
ولا من الارشيف ولا شففوك غلط ذي شفيف ام قبس من الشبارقه
ياعبدالله اسمع نصيحتي ياخي انا ذي اختك الكبيرة

عبدالله محمد العقاد

31-10-2009, 09:47 AM

اها دي برضه من تحاليلك النفسيه

تم تعديل المشاركة ارجو الاطلاع والتعديل

ام قبس

31-10-2009, 09:56 AM

اختنا ام قبس انا ما قصدي اساءة و كنت قايل روحك رياضية
اها سحبت المشاركة و انت فكي الاقتباس و امسحيها

واضح انك لسة زعلانه مني

ياخي ياعبدالله
ابدا مازعلت وروحي لو مارياضيه بعد السمعتوا في المنتدي دا (بالجد ماذي كلامك دا )) ماكان جيت تاني راجعه
وانت ياخي من الناس الانا بحترمهم حتي وانا مختلفه معاك جمله وتفصيلا عارف ليه
لانك لم تخاطبني حتي الان بتعبير يجعل اختلاف الراي يفسد للود قضيه
وحاشاك ان تسيء لامراة ياخي
بس اعتبره هظار دمه تقيل شويه وحدة بي وحدة

التيمان

31-10-2009, 10:43 AM

ياسلاااااااااام والله صحت الكهارب في الشوارع
ماقلتوا لي رايكم شنو مشروع البوست (( ماتخافوا انا بشففكم))
خارج النص: لي مادخلتكم في بوست عبدالله العقاد ((اليومين الغبتهم كنت مورودة)):p

والله ماعاف طشه وين لكن بفتشو هسى ..

الف لا باس عليك

وحمد لله ع السلامه وعودا حميدا""

بالمناسبه : اشتناقنا ليك ..

ام قبس

31-10-2009, 11:21 AM

[QUOTE=moram;430563]أختنا أم قبس أخبارك ؟
طبعا نحن والحمدلله في الجامعة بعيدين عن السياسة وما حولها كل البعد , لأنو جامعتنا ممنوع فيها أي نشاط سياسي , إحتمال أكون عايشت أحزاب جامعة الخرطوم لفترة بسيطة ( ياخي الناس ديل مبالغة و البنات ديل بيكوركو كوراك , ولما يكون في حزب فائز بيغنو غنا , والخاسر بيجي يرب الشكلة !! , وسبحان الله كم مرة بعد ما أسافر و أجي يقولوا لي كان في حرب قايمة بعصيها وضربها ؟ ( معقولة بنات ولا أولاد ؟؟!! ) لما الحرس يدخل ويفض النزاع والحرب القامت !! ) , أصلو الزمن ساقني و سكنت في داخلية فاطمة الزهراء ( البركس كما هي مشهورة ) فترة إحتمال تكون تقارب السنتين , ومع الأسف كانت أغلبها بالنسبة لي قمة البؤس وبالذات سُكنتي الأخيرة فيها ( أسوأ مافي حياتي كلها وكانت لمدة شهرين ) , غايتو كان ما عندي رغبة في الدراسة كان خليتها بس إستحملت و فوّضت الأمر لله , غايتو ناس الميناء البري حفظوني حفظ , أسبوعيا بسافر , والعجب لو عندي إمتحانات , تصدقي مرات بجي يوم الإمتحان ذاتو وبوصل مع وقت الإمتحان ( الحركة دي عندي حتى ولو ما ساكنة داخلية نظام تغيير جو وكدة , أصلو عندي حساسية مع الخرطوم وأجواءها ) .

مرام ازيك يالمافي زول زيك
الداخليه الداخليه
اها من الداخليه وليل الداخليه بالمناسبه قريتي لكاتبه غادة السمان ((ليل الغرباء ))وايام الداخليه
الله يكون في عون بنات الداخليه
وخليك معاي
مشكورة علي مرورك
[]

ام قبس

31-10-2009, 11:24 AM

والله ماعاف طشه وين لكن بفتشو هسى ..

الف لا باس عليك

وحمد لله ع السلامه وعودا حميدا""

بالمناسبه : اشتناقنا ليك ..

انا بقي عارفاه طش وين لكن مايوريكم:cool:
خليكم كعب داير في المنتدي
وبرضه مابنسي البوست بتاع طفشان الحريم ترريم تريريم عملتوا لي فيه شنو:mad:

ABUZAID

31-10-2009, 01:28 PM

اول الكلام سلامabuzaid
شكرا علي المرور
لو كنت مشيت رحلتك ديك وانت داخل السودان صدقني بالفهم البعيد والقريب ماعندك مفك غير انك .............................
عارف ليه لو قلت لي ممكن اكون في السودان لكن ود راحات وكدا حاقول ليك ماممكن
اولاد الراحات مابحكوا رحلاتهم ولابيدهشهم الجمال لانهم يفطموا عليه ككمالايات التسميه والوضع وكدا
والجماعه اياهم الخلعه تدخلهم لمان ينسوا التعبير
فوجدت ان قد انتفي عندك الشرط الاول والثاني
فاستمتعت ومتعتنا معك(( القال حقي غلب))
والداخليه فررت منها عندما انطبق علي المثل ((الكثرة تقلب الشجاعه))
بس كمان لانكر علي نفسي انني انجزت ولو البسيط
اخي عندما حزمت حقائبي ونويت الرحيل (( من الداخليه )) تخيرت صحبه تبقي معي اختلفنا قبل ان نتفق ولكن ظل الرابط بيننا الاحترام لاشياء بعضنا البعض
شكرا مرة اخري

الاخت ام قبس
سلامي واحترامي

بعض الايضاحات
لبعض المشاققات

رحلة الى تايلاند

بقت حكوة واندهاش من الجمال . . . .

لانو اولاد الراحات مابيدهشهم الجمال

! ! ! ! ! !

ده فهم شنو ياست الناس ! ! !

! ! ! ! ! !

واحمد الله كثيرا انني ما ود راحات
وانني اغبش من بلد الغبش
لا اسعى الا لاحترام الجميع دون تمييز

احمد الله انني عايشت مرارة الداخليات واحببتها بمرها قبل حلاوتها
وارتضيت بها كما هى

احمد الله انني رحلت الى تايلاند شاكيا للجميع في موضوعي ( رحلة الى تايلاند ) بؤس الحال في السودان وكابة الواقع المرير مابين الاختلافات السياسية والعنصرية التي لن تقدم للسودان اي شئ

احمد الله انني احببت ان اوصل رسالة مفادها ان اتحدوا تنهضوا وينهض معكم جيل المستقبل

واجدني احذو حذو اناس اعتبرهم قامات لا يستهان بها وعلامات قلما تضيع
ومثلما ساق ابن بطوطة رحلاته الى كل الدنيا
ومثلما ساق العلامة الاستاذ - عمر حسن غلام الله في موضوعه ( رحلات بن بطوطة السوداني المدناوي (اللي هو أنا) ما بين طنجة وجاكرتا)
اجدني اسوق شعورا احسست به للحظة وانا في مكان معين من العالم الى ابناء بلدي
في موضوعي ( رحلة الى تايلاند ) وقد نزل موضوع ( رحلة الى تايلاند ) بجريدة الاخبار السودانية بطلب من رئيس تحريرها

وهذا لا يعني ان كل من ذكرت من الاقلام اندهشو بالجمال او غيره من المفاهيم حتى نفترض (لانو اولاد الراحات مابيدهشهم الجمال)

وللاضافة فلم تكن تايلاند هى رحلتي الاولى ولن تكون باذن الله الاخيرة

لكل فهمه وتفسيره كما يحلو له
ليس لي الا ان احترم كل وجهات النظر

مفهوم الداخلية العريض يستلهم فينا الكثير من الابداع والمرونة والخشونة معا
ومفهومها قد يفيض بقلوبنا مبادئ السلام والدفء والانتماء الدائم لها

اسال الله ان يصفي القلوب لتخرج بيضاء من غير سوء

وان ينبت شجرة التسامح المخضرة

اخيرا

لك كل الاحترام والتقدير

ام قبس

31-10-2009, 08:26 PM

الاخت ام قبس
سلامي واحترامي

بعض الايضاحات
لبعض المشاققات

رحلة الى تايلاند

بقت حكوة واندهاش من الجمال . . . .

لانو اولاد الراحات مابيدهشهم الجمال

! ! ! ! ! !

ده فهم شنو ياست الناس ! ! !

! ! ! ! ! !

واحمد الله كثيرا انني ما ود راحات
وانني اغبش من بلد الغبش
لا اسعى الا لاحترام الجميع دون تمييز

احمد الله انني عايشت مرارة الداخليات واحببتها بمرها قبل حلاوتها
وارتضيت بها كما هى

احمد الله انني رحلت الى تايلاند شاكيا للجميع في موضوعي ( رحلة الى تايلاند ) بؤس الحال في السودان وكابة الواقع المرير مابين الاختلافات السياسية والعنصرية التي لن تقدم للسودان اي شئ

احمد الله انني احببت ان اوصل رسالة مفادها ان اتحدوا تنهضوا وينهض معكم جيل المستقبل

واجدني احذو حذو اناس اعتبرهم قامات لا يستهان بها وعلامات قلما تضيع
ومثلما ساق ابن بطوطة رحلاته الى كل الدنيا
ومثلما ساق العلامة الاستاذ - عمر حسن غلام الله في موضوعه ( رحلات بن بطوطة السوداني المدناوي (اللي هو أنا) ما بين طنجة وجاكرتا)
اجدني اسوق شعورا احسست به للحظة وانا في مكان معين من العالم الى ابناء بلدي
في موضوعي ( رحلة الى تايلاند ) وقد نزل موضوع ( رحلة الى تايلاند ) بجريدة الاخبار السودانية بطلب من رئيس تحريرها

وهذا لا يعني ان كل من ذكرت من الاقلام اندهشو بالجمال او غيره من المفاهيم حتى نفترض (لانو اولاد الراحات مابيدهشهم الجمال)

وللاضافة فلم تكن تايلاند هى رحلتي الاولى ولن تكون باذن الله الاخيرة

لكل فهمه وتفسيره كما يحلو له
ليس لي الا ان احترم كل وجهات النظر

مفهوم الداخلية العريض يستلهم فينا الكثير من الابداع والمرونة والخشونة معا
ومفهومها قد يفيض بقلوبنا مبادئ السلام والدفء والانتماء الدائم لها

اسال الله ان يصفي القلوب لتخرج بيضاء من غير سوء

وان ينبت شجرة التسامح المخضرة

اخيرا

لك كل الاحترام والتقدير

الاخ ابوزايد سلام
فعلا المفردة تخرج منا نقصد منها شيء وتصل لصاحبها و متلقيها شيء اخر
ولك ماقصد
الجمال لايدهش اولاد الراحات لانهم فطموا عليه اي فتحوا اعينهم في مثل هذه البلدان الجميله النظيفه وان لا ...ففي السودان كانوا في مناطق ايضا جميله لم يحسوا الفرق بين التضاد في الاشياء لهذا اجد ان الكثير منهم عاده لاتدهشهم مثل هذه المناظر الجميله
((الدهشه شيء تحسه الروح في فروقات ماهو بالغ الجمال )) ووصول مرحله الدهشه هذه ليس متاحه لكل الناس فهي يتصف بها الفنانون اكثر فقد امر امام منظر من الجبال اراه عادي ويندهش لجماله اخر يحس الجمال افضل مني فينقله فاتمعنه فاستغرب نفسي كيف لم الحظه وهو بهذا الجمال
اذا قراءة ردي علي المداخله مرة اخري ستفهم انني عرفتك علي اساس انت من اهلي الغبش حين قلت ((القال حقي غلب ))اي انك استمتعت بحر مالك واشرت بهذا الفهم ان الذواقين هم من ينفقون مالهم في البحث عن الجمال
وشعورك الذي احسسته علقت عليه وقلت استمتعت وامتعتنا معك وهذا ينفي كل ما جاء في انني قصدت شيء لاسمح الله فيه تقليل او استهانه ابدا
وحاشا لله ان اكون منافقه فاذا رجعت لمداخلتي في البوست خاصتك ستعلم ماذا قصدت لاندهاشي بجمال هذه البلاد
وهنا تكلمت معك بلغه الاشارة البعيده لماذا
لانك اول المتداخلين واحسست انك قريب جدا لفهم الموضوع
فواصلت في نفس الطريقه في ردي علي مداخلتك
ولك العتبه حتي ترضي
همسه : صدقني اولاد الراحات مابحسوا بالجمال قدرنا

سند بركات

31-10-2009, 09:44 PM

ام قبس والله ماشاء الله عليك تقديرك 100% نحي روح الموضوع الجميل

ام قبس

01-11-2009, 01:56 AM

ام قبس والله ماشاء الله عليك تقديرك 100% نحي روح الموضوع الجميل

الاخ سند بركات اشكر لك كلماتك
وسعيدة بمرورك

بدر الدين احمد الطائف

01-11-2009, 02:26 AM

ام قبس سلامات
استقلال حوجه الطلاب للسكن وتوفير مسكن مريح لهم كانت من احدى وسائل الاتجاه الاسلامى لاستقطاب الاعضاء الجدد للتنظيم.
تخيلى يا ام قبس اذا لم يكن لديك من الاقارب لتسكنى معهم ولم تكن لديك الامكانيات الماديه للسكن مع مجموعه بسكن خاص ماذا سيكون مصيرك( مع الوعود بكسير السنون) شكلك هرشتى من الجماعة.
يعنى ياام قبس دى حاجه بيسالوا فيها (ليه انتو ساكنين فى غرف مكيفه ونحن ننوم على الارض).
لكن انتى لما دخلتى غرفة الجماعه ديل ما ذكرتى حاجه عن الباسطه والطيبات شكلهم ما اكرموك.
كدى واصلى فى السرد وبرجع ليك تانى.

درديري كباشي

01-11-2009, 08:08 PM

ام قبس

خواطرك وذكرياتك لذيذة جدا ... طيب ما اهو انت لذيذة جدا وزولة مسالمة انا كنت متخيل انه ام قبس دي انسانه شريرة ووشها كله خربشات واثار معارك سابقة ..

وبالمناسببة طالما انه ذكرياتك مرتبطة بالمينا البري معناها انت ما قديمة خالص خالص .. ولا ما كدا يا اشرف وابو خالد ... ناس اشرف ديل لامن طلعوا من السودان كان المينا البري دا عبارة عن غابة صناعية اسمها الحزام الاخضر ..

ام قبس

01-11-2009, 09:20 PM

ام قبس

خواطرك وذكرياتك لذيذة جدا ... طيب ما اهو انت لذيذة جدا وزولة مسالمة انا كنت متخيل انه ام قبس دي انسانه شريرة ووشها كله خربشات واثار معارك سابقة ..

وبالمناسببة طالما انه ذكرياتك مرتبطة بالمينا البري معناها انت ما قديمة خالص خالص .. ولا ما كدا يا اشرف وابو خالد ... ناس اشرف ديل لامن طلعوا من السودان كان المينا البري دا عبارة عن غابة صناعية اسمها الحزام الاخضر ..

والله شرفت ودخولك ما مجامله اسعدني جدا
والله اتخيل انا دايما بفضل الرويات المامرسوم فيها شخصيات عشان اطلق لي خيالي العنان واتخيل الزول ;)
لكن نعمل شنو لي ناس زعيط ومعيط الخلونا نرسم صورة جنب كل قصه ديل
اها النديك الوصف للاخت ضربه مطوه في الجبين زايد ثلاثه ضفور عاملين شكل هلال في الخد الايمن من اثار معركه نسائيه زايد شرمه اضان ايضا من عضه غادرة لاني مابسمع الكلام وراسي يابس
دا الوصف التفصيلي في ابحث مع ناس المنتدي
بعيدن الله يديك العافيه ميني بري دا الجاب سيرتو منو انا كنت زمن الحزام دا اسود وبدفنوا فيه ناس اميرة الحكيم ديك تتذكرها:d

همسه : مسعول من الخير السقيد انت الناس دي كشت مني في شان كدا والله انا مسكينه(( وحبظلم بظاظا ذاتوا))
خليك قريب

ام قبس

01-11-2009, 09:26 PM

ام قبس سلامات
استقلال حوجه الطلاب للسكن وتوفير مسكن مريح لهم كانت من احدى وسائل الاتجاه الاسلامى لاستقطاب الاعضاء الجدد للتنظيم.
تخيلى يا ام قبس اذا لم يكن لديك من الاقارب لتسكنى معهم ولم تكن لديك الامكانيات الماديه للسكن مع مجموعه بسكن خاص ماذا سيكون مصيرك( مع الوعود بكسير السنون) شكلك هرشتى من الجماعة.
يعنى ياام قبس دى حاجه بيسالوا فيها (ليه انتو ساكنين فى غرف مكيفه ونحن ننوم على الارض).
لكن انتى لما دخلتى غرفة الجماعه ديل ما ذكرتى حاجه عن الباسطه والطيبات شكلهم ما اكرموك.
كدى واصلى فى السرد وبرجع ليك تانى.

بدر الدين سلامات
حته الاستقلال دي خليها ساي
ولمان تبقي استقلال حوجه الطالبات بتكون العن واضل
ولو الموضوع بقي كسير سنون هين
بس ذي ماقلت الماعندهم اقارب خالص في الخرطوم ومتضرين يسكونوا في داخليه مع وجود ناس الجبهه الزمن داك ودا
واتخيل كيف يكون الحال لو ماكنت ....................................
بعدين مرحله الباسطه دي مرحله متقدمه خااااااااااااالص (( ديل ناس مابيدفقوا مويتهم في الرهاب))
مشكور علي المرور

صهيب البصير

01-11-2009, 10:26 PM

خالص التحايا وسلام مربع لام قبس

اولا بدون مجامله ونحن لانعرف المجامالات وبدون صرة عين وش ونحن لانعرف المشاكل وشايفنك نازله بى عكازك فى ميدان منتدى مدنى وتضربى شمال ويمين وعلى الطلاق كمان
موضوعك والله انا لو العاقب المصباح رغم المشاركات البسيطه فيهوا الا اديك نجوميه شهر نوفمبر ونخلى ديسمبر لبتاع الركشه المتالق ود السعيد لم يحتويه الموضوع الفائده العموميه من تنوير للعائلات بالذات المغتربين واجواء داخليات الطالبات والملامساء والاشياء الواقعيه التى تناولتيها حتى يكونوا على درايه تامه بما تجود به تلك الداخليات من تسلط وجبروتان واللوان وسياسات وفساد وتجمعات ومشاكل وحوامات
بس اللومك ام قبس
اريد منك ان تعكسى للجميع بعض الفساد اللذى تعيشه تلك الداخليات اريد منك ان توضحى للكل الضوابط واللوائح اللتى نصت عليها ادارة الداخليات
اريد ان توضحى التسلط والجبروت والمنفعيه للمشرفين على الداخليات باللذات اللذين يكونوا مسؤلين عن البوابات عند دخول الطالبات بالذات فى فترهالمساء
انا سكنت بالقرب من داخليه بنات كانت لجامعه النيلين فى شارع 25 العمارات وشفت بى عينى الشارع دا من الساعه 7 مساء كلوا بت وولد فى مكان او ركن مظلم وبعيد
نطلب منك اختنا ام قبس ان تتناولى كل سلبيات وايجابيات الداخليات بكل شجاعه
الكل منا صبح يخاف من هذا المجتمع على بناتنا ونسال الله الستر فى الدنيا والاخره
اصبح الكثير من الناس يفضل جلوس بناتهم فى بيوتهم وترك الدراسه خوفا من تحول بناتهم ومخالطتهم لبعض اصحاب السوء
ماتناولته فى ردى يعتبر واقع حقيقى معاش
ماتناولته هنا تنبيه وتذكير لبعض اولياء الامور قبل ان تقع الفاس فى الراس
نعم هنالك بعض البنات ملتزمات وومهذبات ومتقيدات بنظم ولوائح الدين الاسلامى الحنيف وهولاء لا خوف عليهم
شكرا مره اخره ام قبس على الموضوع الجميل ودائما مواضيعك سره وحلوه ومفيده
ومذيد من النجاحات