ورّونا الحاصل في فهم البنطلون الناصل ‏!!! [الأرشيف]

مشاهدة النسخة كاملة : ورّونا الحاصل في فهم البنطلون الناصل ‏!!!

المسافر

26-10-2009, 11:02 PM

موضة غرييييبة جداً وغير مفهوم المغزى منها شنو ؟ عرفنا موضات كتيرة في حياتنا ، لكن موضة ( ‏البنطلون الناصل ) دي والتي تخص الرجل والنساء ما مرت على خاطرنا ما أتوقعناها أبداً . . أها الموضة دي ( أي ‏مفاتن يراد أن يتم إظهارها )!!!‏

من العادة بأن الأشياء الجميلة وزي محاسن ومفاتن المرأة تلفت أنظار الرجال والقليل من النساء أيضاً وقد ‏تصل إلى حد الإنبهار ، ولكن موضة تخليك عايز تغمض عيونك ومرات كتيرة تخلي الشارع زاتو ، دي موضة ‏شنو دي ، وما أعتقد بأنه توجد إمرأة عادية ممكن تعجب بمثل هذه الأشياء عند الرجل ليزيد من ‏أسهمه عندها ، بل العكس أي إمرأة سليمة ممكن تعتبر هذه الموضة أو النظر في هذا المكان خصماً على كل ‏رجال وعلى الرجولة ( إن جاز التعبير ) ولا يوجد به أدنى إغراء للبنات ، وقد يكون للأولاد ، وبكل الطرق ‏والأساليب لا توجد أي حكمة في ( الشتيت الشين ده) وإظهار المؤخرة . ‏

بالإضافة إلى أنك بتشوف حاجة قبيحة ومقززة كمان حيعمل ليك إرباك في الشعور لأنه بجيك إحساس ممكن ‏البنطلون ده يقع للآآآآآآآآآآآآآآآخر في أي لحظة . . .‏

بعد فحص ومحص ممكن نسمي الموضة دي ( كية في الرجولة ) ، وهنا نقدم دعوة للمرأة ونقول لها ( لا ‏تخافي عزيزتي المرأة من الجنس الخشن فقد أصبح لا وجود له ) ودعوتنا لهؤلاء الشباب الذي يرتدون ‏البنطلون الناصل ( يا شباب عليكم الله أرفع البنطلون شوية عشان ما تأذي الآخرين بهذا المنظر المقرف ).‏

صلاح ودالطاهر

26-10-2009, 11:30 PM

تعرف يا خالد هنا اسمها طيحني يا بابا الله يكون في العون وربنا سترنا بجد موضوع جدير بالمناقشه

ابوالنور

26-10-2009, 11:34 PM

سايكلوجية البشر تدفعهم دوما للتشبث و البحث عن الأمل حتى عند تأكدهم من انعدامه .. فهذه التركيبة في النفس البشرية قد تجعلها تنجرف وراء رغبتها في الحصول على الشئ أو اللا شئ بكل ما أوتت من قوة .. و مهما بلغ الثمن .
غايتو يا خالد بتنكت ليك في حاجات مهمة جدا جدا

العاقب مصباح

26-10-2009, 11:37 PM

لكن موضة ( ‏البنطلون الناصل ) دي والتي تخص الرجل والنساء ما مرت على خاطرنا ما أتوقعناها أبداً

المسافر سلامات

بقيت جنك بناطلين

يا جماعة نقلب على الجلاليب والعمم والطواقى والصديرى والمركوب والسكين الفى الضراع

ياها البتدى الزول رجولته وقيمته

وبناطلين لمن تشوفها ناصلة زى ما قال الدرديرى تقرب تجر وراء الزول عشان ترفعه ليهو وتخاف يقع منه

ولا تقوم تنبهه وتقول تديهو حزام الامان عشان ما يقطعوهو مخالفة

مشكلتنا يا المسافر إستهلاكيين حتى فى الثقافة اللبسية

يعنى الواحد يشاهد ليهو قناة فضائية فيها فنان كافر ابن كافر لابس ليهو فنيلة رقم 72 نقوم نشترى فنيلة رقم 72

نشوف لينا بنطلون ناصل حتى لو هو عنده ظروف خاصة فى اليوم داك لأنه نسى الحزام فى البيت نصر نحن على على تكرار الظروف

نشوف لينا واحد لابس ليهو شورت صغييييييييييير ولافى بيهو فى السوق نحن نحلف الا نلف السوق بيهو

بكرة مش عارف مين يجى لابس ايه ونحن نقول ايه

ايه حكاية القلع اللى ماشة فى البلد اليومين دول

غايتو اتوقع ليك يوم بكرة بتلقى الناس لابسة اشرطة صغيرة

ودى افهمها براك يا خالد اخوى

انا كان كملت بوقفونى ساى

همسة :- التى تخص الرجال والنساء دى ما فهمتها قصدك يعنى النسوان برضو ((طيحنى ولا شنو))

بت هانم قطر

26-10-2009, 11:56 PM

الله يكون فى العون على دى موضه يعنى اسه اى حاجه تطلع موضه الناس تقلدا وليه الناس تقلد الحاجات الاوحش مايقلدوا الشى السمح ............زيعنى اسه لو قالو يلبسو البنطلون بالقلبه الناس تلبسو؟ والله انا خايفه تطلع موضه يقولو الناس يمشو حفايا ويقلدوها ............ قصه غريبه

حاتم مرزوق

27-10-2009, 12:23 AM

المسافر حبيبنا

من المواقف الحرجة التي شاهدتها بنفسي ، طلب مني جاري توصيله و ابنه الذي يدرس بماليزيا الي المطار، ذهبنا مع بعض وكان الأبن يرتدي المنطلون اياه واظنك نسيت شيئا مهما يا مسافر وهو اظهار الشورت الكاروهات ( وهذا هو الفيلم) ، المهم الأبن كل دقيقتين (يقندر) يرفع الشنطة و ألأب يآ فلان ارفع منطلونك !!! و كأن الأبن لا يسمع وبعد شوية ( يقندر) تاني والأب يآخخخي ما ترفع منطلونك دا وانا طبعا كاضم مرة وآحدة مع اني فاهم الفيلم ، بعد شوية كترت التنبيهات علي الأبن فتضايق وكأنه يقول لأبوه ( ياخي انت دقة قديمة ولا شنو ) و ( يقندر) مره أخري و ألأب ينفعل هذه المره يا وسام ياخي ما ممكن انستر شوية!!! تدخلت انا يا .... الموضوع دا طالع موضة اليومين ديل طول بالك شوية !! الأب دي موضة ولا مسخرة فاضية؟

وسام عامل ما سامع حاجة !! ويلتفت الأب علي و يقول نفس العبارة !!

قلت : روق المنقة شوية يا ....
قال لي ما حأروقه !! يا وسام قلت ليك ارفع المنطلون دا ولا بشرط ليك تذاكرك دي الي ان تتعلم الأدب !!

انا : يا بووووي الراجل عمل منظر !!

انا طيب يا وسام ارفع شوية خلي اليوم دا يعدي ...

ثم يرفع وسام متجاوزا الموضة ليعدي الي بر الأمان ...

عوض الكريم الخواض

27-10-2009, 12:26 AM

ايه حكاية القلع اللى ماشة فى البلد اليومين دول

دى اسمها ( الرجالة تطير ) ...:mad::mad:

وهنالك عند الجنس الآخر ...
حجاب لندن ...:cool:
وفصل الدين عن الدولة ...:mad:
والشريعة طرشقت ...:eek:

المصيبة فى أولياء الأمووووووووووووووووووووور :mad::mad:.

okasha

27-10-2009, 12:39 AM

والله الوضوع بالجد داير ليهو قعدة برواقة كدا

وحقيقة عندنا فى الجامعة بكثرة

وبسموه قالو شنو systim

الله يكون فى العون

والتقليد الاعمى والاصم والاطرش كتييييييييييييييييييييييييييييييييييير

سيد البلد

27-10-2009, 12:52 AM

ألأب ينفعل

بمناسبة الموضات والتقليعات البنشوفها جنس الايامات دي
في فترة كده الشباب كلو بقا يطول ليك شعرو ...
مع انو الموضه دي ظهرت على فترات , ايام الخنفس والشارلستون
وانتهت ظهرت تاني في نهاية التسعينات مع ودعمنا " تايتنك "
وتاني في زمنا العلينا ده ...
المهم في الموضوع إنو في الفترة بتاعة " تايتنك " دي كنت عامل عندي نفسيات صاحبت ليها كم شاكوش كده وكم فشل متراكمات , اها الحاجات دي كولها لميتها
وكومتها ليك في راسي وبقيت مطول شعري فترة بتاعة شهور طويله كانت
والوكت داك حكمة ربنا صادفت إنو معظم الشباب كانو مطولين الشعر ...
وكنت بلبس طاقية , يعني مافي زول بشوف راسي مكشوف نهائي , ولا حتى في البيت لي درجة كنت بنوم بيها , فيوم وانا نايم الطاقية الظاهر وقعت وجاء الحاج صدفة داخل
لما شاف الزول الغريب القدامو ده قام سال اخوي قال ليهو :
إنت الزول اب شعر النايم جوه ده منو ؟ فقال ليهو ده ما حسن يا حاج ...
طوالي جاني جوه وصحاني بي نهرة كده انا قلت اكيد بالليل تلبت لي بيت وسرقت منو وانا كنت ما واعي
فقام قال لي شوف بي شعرك ده اوعى تجي راجع البيت ...
قمت طوالي لملمت ليك شعري وشعوراتي وانطردت ليهو من البيت بكل يسر وجريت على الحلاق ...
والله لو ما حلقت كان لي يوم الليلة ما اتم نومتي ...

ابوالشباب شوشه

27-10-2009, 12:52 AM

دى حاجات غريبه جداً وسبقق لى أن ذكرت مثل هذه العادات الدخيلة على المجتمع الاسلام والسودانى خصيصاً فى موضع خاص بالحفلات والبحصل فيها شنو من اولاد بلدنا ودور الاباء واولياء الامور والغريب فى الامر ان هناك من عارضنى وذكر لى ان هذا الكلام غير موجود ..
لكن لا نأسف على الذى يلبس طيحنى بل نأسف اين ولى الامر ( الاب + الام ) وووووووووووووووووووووووووووووووووووووووووووين ديل

النويري

27-10-2009, 12:53 AM

اصل هذه الموضة طيحني بدأت في مدينة الدمام بالمنطقة الشرقية والناس اليجابتها سعوديين من القطيف وسيهات وكدا لكن الغريب في الأمر أنو ابناء السودانيين أنتشرت هذه الظاهرة بينهم كإنتشار النار في الهشيم
مرة وأنا جالس مع واحد من ناس الشرقية وأبنو جاء طالع ماشي على الكورنيش فشفنا ذي ماقال أستاذنا حاتم الشورت الكاروهات بطريقة بايخة الوالد كان عندو خلفية وشوية ما راضي الأم عندها رأي في أنو طيحني حلوة بس في ولدها ما حلوة لأنو سمين شوية يعني الفكرة ما فيها مشكلة الأم بتشوف أنو لو ولدا التاني عمل طيحني بتكون حوة فيه والوالد مبسوط برأي زوجته ويا ما في الجراب ياحاوي

ود الجعلي

27-10-2009, 01:16 AM

يا مسافر انت قديم في موضة جديدة اسمها

كهربني وانور لك

وشوف الصور

ممدوح أبّارو

27-10-2009, 02:35 AM

يا مسافر انت قديم في موضة جديدة اسمها

كهربني وانور لك

وشوف الصور

http://www.wadmadani.com/vb/attachment.php?attachmentid=7835&d=1256638511

هي لكن دي كهربة نصاح؟
طيب خلو في السد شنو؟

تحياتي سيد البوست والمتداخلون

بنت الرفاعي

27-10-2009, 07:30 AM

يا مسافر انت قديم في موضة جديدة اسمها

كهربني وانور لك

:eek::eek::eek::eek::eek::eek::eek::eek:
:confused::confused::confused::confused::confused: :confused::confused::confused:
عجيييييييييييييية:cool: :D

moh_alnour

27-10-2009, 08:44 AM

الأخ : خالد المسافر
كان لي تعقيب صغير على تعليقات الأخوة الأعضاء في هذه الظاهر في بوست سابق
للأخ ( درديري كباشي ) بعنوان ( سقوط الملاكم ) أرجو قبول الرابط مع الود و التقدير
http://www.wadmadani.com/vb/showthread.php?t=29422

أولا ً بالتبادى ما أسمو بنطلون ناصل أسمو بالخليجى " طيحنى "

وفي السودان أول كان ممكن يلفتك زول ويقول ليك عاين ده ( داقِّي سيستم ) (مافهمت داقي دي لي شنو ؟ ! :confused:

جيت داخل قلتا أسطح ليكم بي درديري دا شوية لكن لقيت أشرف و مُرام ماشاء الله عليهم ما قصروا تب ;)
همسة : أنت يا أشرف أبو الدُر دا مقيم في الرياض ولا أنا غلطان ، مالو عامل فيها رايح كدا ;) يعني كان ما مات ما شقى المقابر ؟
ولا فالح بس في تسلق طوابق برج المملكة ;)

ابو صفاء

27-10-2009, 09:02 AM

http://www.wadmadani.com/vb/attachment.php?attachmentid=7835&d=1256638511

هي لكن دي كهربة نصاح؟
طيب خلو في السد شنو؟

تحياتي سيد البوست والمتداخلون

دي موضه تنفع مع الرماتيزما
ابدعت يا ود الجعلي

محمد حسين (المميز)

27-10-2009, 10:01 AM

http://www.youtube.com/watch?v=UmWhyy_TUbc

moh_alnour

27-10-2009, 02:01 PM

أبوبكرحامد

27-10-2009, 11:51 PM

إنتو أمواس توباز وناسيت عدمت من البلد ولا شنو ؟ ياخى لو الأبو راجل صحى إفصِّد ليهو صلبو إخليهو زى النوتة الموسيقية بلا مسخرة فاضية.

التيمان

28-10-2009, 12:40 AM

كان لقيتو لى بنطلون منور زى ده رسلو لى ..

telecom

28-10-2009, 02:57 AM

دا كلو كوم انتو ما شفتو ناس اللابسة بنطلون وقميص ولا تونك قصير شديد وقال واقفة بتصلى هوبلا صلاة الزول ما بقدر يعاين ليها يا جماعة دا كلام شنو وفهم الوقوف اما الله شنو !!!!!!!!!!!!!!!!!!!!!

كمال احمد

28-10-2009, 12:22 PM

الاخ حاتم مرزوق والله الموقف الحكيته جد مضحك وتصدق ياحاتم انا شفتليك ناس طيحنى ديل فى مسجد فى الصلاة والله حاجه تخجل شديد لكن نتمنى من الله طيحنى ما يخش السودان

MOHAMED OMER

28-10-2009, 07:33 PM

السلام عليكم الاخوة الاجلا ء طبعا الثقافه المشينه اتت من المساجيين الامريكان بحكو لينا كان فى واحد انتحر بالحزام ومن ديك حرم على المساجيين لبس البنطلون بالحزام وبقو متطريين كل البنطلون انصل يقمو برفعه وانا عايش فى اكبر المدن الامريكيه شيكاغو والله بشوف البلبسوه الا اولاد الشوارع والعصابات

ابوخالد

28-10-2009, 08:43 PM

يا مسافر انت قديم في موضة جديدة اسمها

كهربني وانور لك

وشوف الصور

ود الجعلى دى ما دعاية بالمجان ,,,,

أموالنا لذوى الميراث نجمعها ودُورنا لخراب الدهر نبنيها
والنفسُ تكلفٌ بالدنيا وقد علمت أن السلامة فيها ترك ما فيها
فلا الإقامة تُنجى النفس من تلفٍ ولا الفرارُ من الأحداث ينجيها
وكلُ نفسٍ لها دورٌ يُصبِّحها من المنية يومآ أو يُمسيها

مشكور أخى خالد على طرح مشكلة غاية فى التعقيد

ونتمنى أن نعرف رأى الشباب فى الموضة

وأن ندعو للتوعية بدءآ من بيوتنا ,,, ثم ما حولنا ,,,

ام قبس

28-10-2009, 09:12 PM

esmat

28-10-2009, 09:47 PM

المصادم المسافر
لبسة طيحني مع الكاروهات مع (ربع فنيلة)
مع القاش العريض - الغريبة الواحد بطلع من
البيت لابسهم قدام ابوه وامو واخوانه

خارج: سيد البلد

صاحبت ليها كم شاكوش كده وكم فشل متراكمات

وانا كنت ما واعي

هو بعمل كدا - واسي وااااعي

بنت الرفاعي

28-10-2009, 09:58 PM

الاخ حاتم مرزوق والله الموقف الحكيته جد مضحك وتصدق ياحاتم انا شفتليك ناس طيحنى ديل فى مسجد فى الصلاة والله حاجه تخجل شديد لكن نتمنى من الله طيحنى ما يخش السودان

مع الأسف الشديد أخي كمال دخل السودان من زمان , وراجع البوست لو سمحت الذي وضع رابطه أخي محمد النور , والمشكلة لو عليها وبس أهون , في حاجات وموضات وأخلاقيات غريبة دخلت بلدنا , بس الله يكون في العون ويهديهم , ويهدينا أجمعين :)

الزونية

28-10-2009, 10:14 PM

الاخ المسافر والاخوة المتداخلين
للتنبيه لخطورة الظاهرة وكل نقل غير مبرر وغير منطقي وغير جميل ايضا
هذه الملابس الغريبه جميعها واخريات مثل خصل الشعر الملونه ولبس الاولاد للالوان الفاقعه
وكحل العين عند البنات بصورة ملفته للنظر واستخدام الجل لشهر الاولاد لتثبيت الشعر مثل عرف الديك
واشياء اخري منقوله غير مفهومه
اليكم تعرف مبسط والدعوة الاساسيه لها
هم في الدول الاوربيه يسمون الhom sexuell اي المثلي او المثليه
تعريف اوضح العلاقات بين الجنس الواحد مثلا تجد صداقه بين البنت وبنت اخري او ولد واخر وهذا ليس بفهم الصداقه التي نعرفها نحن
هي علاقه متكامله مثل اثنين متزوجين فقط تختلف في النوع واحد اذا كان من الرجال او النساء
وتبدا العلاقه بينهم وهم في سن صغيرة عاده ماتكون من سن المراهقه فاذا طاب المقام تواصلت حتي يبلغوا السن القانونيه وهي سن الثامنه عشر واعلنوا رغبتهم في الزواج من بعضهم البعض اذا كانوا بنت وبنت او ولد وولد
وهؤلاء يميزهم مثل هذه الملابس التي يتناقلها ابناءنا وبناتنا من دون اي فهم لما ينقلوه
هنا والي وقت قريب كان ممنوع في القانون الاجهار بهذا النوع من العلاقات فقاتل اصحابها من اجل جعلها شيء طبيعي وغير ممنوع وقد كان لهم ما ارادوا وهم يحتفلون سنويين احتفال غريب بهذا الانتصار
يا ايها الاباء والامهات انتبهوا لما ابنائكم له ذاهبون
همسه :المسافر لفيتها معاهم كلهم لكن مابحرد

الأخت أم قبس
لك التحية
ولجميع الأخوة المتداخلين...
واني لاري ان الموضوع على قدر كبير من الأهمية وليس مجرد بنطلون وموضة...وانا أرى ان في ندائك ا لأخير للآباء والأمهات مانحن بصدده ..وهو غياب الوعي التربوي داخل الأسر بالرغم من ان الكثيرين من الآباء والأمهات على قدر من التعليم ولكنهم يفقدون الحس التربوي المتكامل لخلق اسرة ..وللأسف...
المجموعة التي أشرتي إليها أختي وهي المجموعةال Bisextual هم يتميزون بالمظهر الذي ذكرتي...وعمل الأوشام ( التاتو) وخزق اللسان والعين وغيره .....اماالبنطلون موضوع حديثنا فهو لمغنيي الراب..
وعلى كل لابد من الإلتفات للشباب ولهذا التقليد والذي سيجرنا لمدارك نحن في غنىً عنها..ولا يقبلها ديننا..

ام قبس

28-10-2009, 10:41 PM

الأخت أم قبس
لك التحية
ولجميع الأخوة المتداخلين...
واني لاري ان الموضوع على قدر كبير من الأهمية وليس مجرد بنطلون وموضة...وانا أرى ان في ندائك ا لأخير للآباء والأمهات مانحن بصدده ..وهو غياب الوعي التربوي داخل الأسر بالرغم من ان الكثيرين من الآباء والأمهات على قدر من التعليم ولكنهم يفقدون الحس التربوي المتكامل لخلق اسرة ..وللأسف...
المجموعة التي أشرتي إليها أختي وهي المجموعةال Bisextual هم يتميزون بالمظهر الذي ذكرتي...وعمل الأوشام ( التاتو) وخزق اللسان والعين وغيره .....اماالبنطلون موضوع حديثنا فهو لمغنيي الراب..
وعلى كل لابد من الإلتفات للشباب ولهذا التقليد والذي سيجرنا لمدارك نحن في غنىً عنها..ولا يقبلها ديننا..

الاخت الزونيه تحياتي
حقيقه موضوع فيه من الخطورة مافيه
ويستحق الكثير
التعبير الhomo sexuelll يقال هنا في الدول الاسكندنافيه التي تستخدم تعابير قريبه للغه الانجليزيه
وتشترك فيما بينها بلغه تفهم بينهم جميعا ولكنها مختلفه التركيب
وفعلا اشتهر مغني الراب بهذا النوع من البس ولكن قصدت التنبيه لجميع الاشياء التي يقصد منها لفت النظر دون فهم الابناء لها مثل السلاسل التي يمتلاء بها البنطلون وكما اسلفتي ثقب اللسان وحواجب العين والشفاه وكثرة ثقوب الاذن
والوان غريبه عجيبه وربط او ضفاير الشعر للصبيان
وربنا يهدي ابناءنا وبناتنا
وعلينا جانب التوعيه لكل مستحدث لايخدم غرض

عاشق النجمه

28-10-2009, 11:13 PM

نعيب زمانا والعيب فينا
وما لزماننا عيب سوانا

بت أم درمان

29-10-2009, 12:39 AM

قالو موضة والله أعلم . مرة كده كنا في السوق مع وحدة كده معرفة . والمرا محتارة ما عارفة تشتري لي بنتها شنو . انا عاملة نفسي بقترح عليها . دا حلو . ودا راقي . ودا جميل . قالت لي كلو حلو لكن ما بتلبسو لي . قلت ليها لي . قالت ديل شباب ودايرين يلبسو على الموضة . وبتفتش على الطلبته البت تجيبو ليها . ياختي كلنا بنعرف الموضة لكن . الام بنفسها تشتري . وتكون راضية عن الحاجات الغريبة دي . معناها هنا المشكلة زي ما قلتو . حسي دي يوعوها كيفن

بت أم درمان

29-10-2009, 12:40 AM

نعيب زمانا والعيب فينا
وما لزماننا عيب سوانا

صدقت والله . ودي اكبر مشكلة

المسافر

01-11-2009, 12:22 AM

تعرف يا خالد هنا اسمها طيحني يا بابا الله يكون في العون وربنا سترنا بجد موضوع جدير بالمناقشه

والله يا شيخنا صلاح طيحني دي أحلى من الناصل
بس منو بطيح منو ؟

نخيل طيبة

01-11-2009, 06:17 AM

كل الشكر لصاحب البوست الموضوع مهم وشين شديد
والعياذ بالله ..ربنا يستر علي وليداتنا ده خراااب مستعجل ...