المساعد الشخصي الرقمي

مشاهدة النسخة كاملة : خاطرة قلبية ...


عوض الكريم الخواض
26-10-2009, 12:52 AM
أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ...
وهذا ليس من وحي الخيال ...
بل هي حقيقة رأيتها بأم عينى ...
المكان : كسلا ( بيت النسابة )...;)
الزمان : 2002 ...

وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ...
وقد أختصونى بالمقعد الوثير وبجانبى ( أبو نسب ) المترجم الخاص ...:p:p
وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ...

بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ ....

بعد ذلك بدأ الأقارب ( بالرطانة ) ...
أو ما يعرف بلغة ( البداويت ) ...ثم أرتفعت الأصوات ...
وأحمرت الأعين ...
مع التلويح بالأيادى ...
والتأشير بالأصابع ...

يا ألهى ما هذا ...
الله يمرقنى من الجماعة ديل ...
الجماعة ديل لو أتذكروا فى اللحظة دى أنى نسيبهم ممكن ...


وأنا بين هؤلاء القوم لا أعلم سبباً لهذا الهيجان ...


وفجأة وبدون سابق أنذار ( سكنت الأنفس ) ...
اذ دخل ( أبو نسب ) وهو يحمل ما لذ وطاب من الطعام ...
وشمر القوم عن سواعد الجد أكلاً وتقطيعا ...

وكنت أنا أسعد من فى الأرض بهذه ( الصينية ) التى لولاها لقامت الحرب ...
وأثناء تناول الطعام بدأت بعض الهمهمات والتعليقات التى لم أفهمها ...
ثم تلتها بعض أبتسامات ...
ثم ضحكات حتى القهقهة ...

بعد الفراغ من الطعام جيئ بالحلويات ...

ثم ( الجبنات ) ...
ويا لها من ( جبنات ) ...
على الطريقة اليابانية ... :p:p
وبدا القوم فى مواصلة ( الرطانة ) ...
يتحدث أحدهم فيضحك الباقين فعلمت أنهم يحكون ( النكات ) .


وما زال شمارى ( عالياً ) ...
وبعد أن لاحت لى ( انفرادة ) مع ( أبونسب ) ...
سألته عن عمل أخوانه وأبناء عمومته ...
وبدأ يفندهم لى واحداً تلو الآخر ...
هذا ( مؤتمر وطنى ) يعمل فى المجلس التشريعى ...
وهذا فى جبهة الشرق جآء من منطقة العمليات ( مخصوص ) للتعرف اليك ... :o:o
وهذا يعمل فى الأستخبارات ...
وهذا يعمل فى وزارة الداخلية ...
وهذا من جيش الفتح ...


قلت له مداعباً ...
لو تأخرت ( الصينية ) بضع دقائق لقامت الحرب ...
ولكنت أنا أول الضحايا ...
لأنه بالتأكيد سيكون عند بعض أبناء العمومة ( أجندة خفية ) .:eek::eek:

ولى عودة لأكمال الخاطرة ...
عوض صقير
26-10-2009, 01:06 AM
أخى عوض الكريم ....

وأنا أقرأ فى هذه الخاطرة الجميلة كنت أتوقع أن تحدثنا عن القهوة وريحة البن التى أشتهرت بها هذه المدينة الحالمة ...... كسلا

فى الأنتظار ... عسى ولعل القهوة وريحة البن تجى فى القادم ....
أبوبكرحامد
26-10-2009, 01:28 AM
أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ...
وهذا ليس من وحي الخيال ...
بل هي حقيقة رأيتها بأم عينى ...
المكان : كسلا ( بيت النسابة )...;)
الزمان : 2002 ...

وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ...
وقد أختصونى بالمقعد الوثير وبجانبى ( أبو نسب ) المترجم الخاص ...:p:p
وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ...

بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ ....

بعد ذلك بدأ الأقارب ( بالرطانة ) ...
أو ما يعرف بلغة ( البداويت ) ...ثم أرتفعت الأصوات ...
وأحمرت الأعين ...
مع التلويح بالأيادى ...
والتأشير بالأصابع ...

يا ألهى ما هذا ...
الله يمرقنى من الجماعة ديل ...
الجماعة ديل لو أتذكروا فى اللحظة دى أنى نسيبهم ممكن ...


وأنا بين هؤلاء القوم لا أعلم سبباً لهذا الهيجان ...


وفجأة وبدون سابق أنذار ( سكنت الأنفس ) ...
اذ دخل ( أبو نسب ) وهو يحمل ما لذ وطاب من الطعام ...
وشمر القوم عن سواعد الجد أكلاً وتقطيعا ...

وكنت أنا أسعد من فى الأرض بهذه ( الصينية ) التى لولاها لقامت الحرب ...
وأثناء تناول الطعام بدأت بعض الهمهمات والتعليقات التى لم أفهمها ...
ثم تلتها بعض أبتسامات ...
ثم ضحكات حتى القهقهة ...

بعد الفراغ من الطعام جيئ بالحلويات ...

ثم ( الجبنات ) ...
ويا لها من ( جبنات ) ...
على الطريقة اليابانية ... :p:p
وبدا القوم فى مواصلة ( الرطانة ) ...
يتحدث أحدهم فيضحك الباقين فعلمت أنهم يحكون ( النكات ) .


وما زال شمارى ( عالياً ) ...
وبعد أن لاحت لى ( انفرادة ) مع ( أبونسب ) ...
سألته عن عمل أخوانه وأبناء عمومته ...
وبدأ يفندهم لى واحداً تلو الآخر ...
هذا ( مؤتمر وطنى ) يعمل فى المجلس التشريعى ...
وهذا فى جبهة الشرق جآء من منطقة العمليات ( مخصوص ) للتعرف اليك ... :o:o
وهذا يعمل فى الأستخبارات ...
وهذا يعمل فى وزارة الداخلية ...
وهذا من جيش الفتح ...


قلت له مداعباً ...
لو تأخرت ( الصينية ) بضع دقائق لقامت الحرب ...
ولكنت أنا أول الضحايا ...
لأنه بالتأكيد سيكون عند بعض أبناء العمومة ( أجندة خفية ) .:eek::eek:

ولى عودة لأكمال الخاطرة ...

الزول الحكّاى .......... سديد الراى ............ عوض الكريم الخوّاض

نتلهف للقادم من الحكايا ، ودعنى أبادلك التحية بأخرى مشابهة ، قمت بخطبة حلفاوية ، وانفصمت عرى العلاقة لأسبابٍ ما ، المهم كنت حين ازورهم يتحلقون حولى ، لبؤس حظى أن كان لديهم ذلك اليوم زائر من خلفا الجديدة ( من قرية كم ماعارف - أول سؤال يسأل لمن هو من حلفا الجديدة : من قرية كم ؟ - زى فنائل برشلونة :) ) ، المهم فى الأمر أن ذاك الشخص يتمتع فيما علمت بالطرافة والظرف ، أخذ هذا الرجل يحكى والجميع فى ضحك متواصل لاينقطع إلا من أخو القدح الذى يلتفت إلى برهةً مطيّباً لخاطرى المكسور ويعاود الإنضمام لأوركسترا الضحك المتواصل ، فى النهاية تم عمل ترجمة للنكات ، ياخى لقيتا ليك بايخه بوخ زى النكات بتاعات ركن الأطفال بالإذاعة ، وهى بكل تأكيد غير ذلك فى نسختها الأصلية قبل الترجمة التى تأتى على روح النص وتجعله أشبه بالبيبسى حين يذهب عنه الغاز .
أبوعمرو
26-10-2009, 01:48 AM
شيخ العرب(ودالخواض)
الواحد يادوب بدأ يفهم إصرارك علي عزائم القهوة... ياخ ما تقول راميك جنزبيل من زماااان
.... ........... ...........
ذكرتنا والله نوادر أيام العرس الله يطراهو بالخير
فيما أتذكر عندما تحركت عربة العريس (العبدلله) من الخرطوم الي مدني ... وكانت تحمل أكثر المعتاد ... أوقفتنا شرطة المرور بالقرب من سوبا ... نظر الي الشرطي والي الحريره والهلال علي البدله وكان يجلس معي في المقعد الأمامي (في العربة الصالون) خالي وهو مشهور بطولة اللسان... نظر الشرطي الي السائق (دي مخالفة).. ما كان من خالي إلا أن نظر الي الشرطي (ياخوي نحن معانا عريس ماشين مدني التقول الخرطوم ما فيها بنات)
عوض الكريم الخواض
26-10-2009, 11:12 AM
أخى عوض الكريم ....

وأنا أقرأ فى هذه الخاطرة الجميلة كنت أتوقع أن تحدثنا عن القهوة وريحة البن التى أشتهرت بها هذه المدينة الحالمة ...... كسلا

فى الأنتظار ... عسى ولعل القهوة وريحة البن تجى فى القادم ....

أخى الأكبر
عوض صقير ...
شكلك خرمان لى قهوة كاربة ...
كدى أصبر احتمال نقليها قدامك ...
وسبحان الله ...
البن اذا لم يتم قليه وطحنه لما أنتج هذا الشراب البديع .
عوض الكريم الخواض
26-10-2009, 11:25 AM
الزول الحكّاى .......... سديد الراى ............ عوض الكريم الخوّاض

نتلهف للقادم من الحكايا ، ودعنى أبادلك التحية بأخرى مشابهة ، قمت بخطبة حلفاوية ، وانفصمت عرى العلاقة لأسبابٍ ما ، المهم كنت حين ازورهم يتحلقون حولى ، لبؤس حظى أن كان لديهم ذلك اليوم زائر من خلفا الجديدة ( من قرية كم ماعارف - أول سؤال يسأل لمن هو من حلفا الجديدة : من قرية كم ؟ - زى فنائل برشلونة :) ) ، المهم فى الأمر أن ذاك الشخص يتمتع فيما علمت بالطرافة والظرف ، أخذ هذا الرجل يحكى والجميع فى ضحك متواصل لاينقطع إلا من أخو القدح الذى يلتفت إلى برهةً مطيّباً لخاطرى المكسور ويعاود الإنضمام لأوركسترا الضحك المتواصل ، فى النهاية تم عمل ترجمة للنكات ، ياخى لقيتا ليك بايخه بوخ زى النكات بتاعات ركن الأطفال بالإذاعة ، وهى بكل تأكيد غير ذلك فى نسختها الأصلية قبل الترجمة التى تأتى على روح النص وتجعله أشبه بالبيبسى حين يذهب عنه الغاز .

حبيبنا ود الماذون ...
بالتأكيد الترجمة الحرفية يضيع معها ( روح النص ) ...
وأذكر من الطرآئف التى ترجمت لى ولكنها أضحكتنى كثيراً أنَّ أحد النسابة كان يتحدث عن شح المياه وتأخر الخريف ... وكنت حاضراً بينهم ... ثم ( رطن ) فأذا بالجميع يضحك ضحكاً شديداً ... وكان نص الترجمة أنه قال ( أنتو عارفين الخريف دا أتاخر عشان قلوبنا وسخانة ... المطر ذاتو ما راضى ينضفا لى وساختا الشديدة ... عليكم الله أبقوا ذي ناس الجزيرة ديل ( طوالي مخدرييين ) ...كان المطرة ما جات البحر جنبهم .
عوض الكريم الخواض
26-10-2009, 11:35 AM
شيخ العرب(ودالخواض)
الواحد يادوب بدأ يفهم إصرارك علي عزائم القهوة... ياخ ما تقول راميك جنزبيل من زماااان
.... ........... ...........
ذكرتنا والله نوادر أيام العرس الله يطراهو بالخير
فيما أتذكر عندما تحركت عربة العريس (العبدلله) من الخرطوم الي مدني ... وكانت تحمل أكثر المعتاد ... أوقفتنا شرطة المرور بالقرب من سوبا ... نظر الي الشرطي والي الحريره والهلال علي البدله وكان يجلس معي في المقعد الأمامي (في العربة الصالون) خالي وهو مشهور بطولة اللسان... نظر الشرطي الي السائق (دي مخالفة).. ما كان من خالي إلا أن نظر الي الشرطي (ياخوي نحن معانا عريس ماشين مدني التقول الخرطوم ما فيها بنات)

أها يا أبوعمرو ...
يعنى أنت معانا نظام ريدة وكدا ...
غايتو المرة و ( المنتدى ) يوم بعملوها فيك ...
ربنا يحفظك ...

قلت لي أبومزن البوكس بتاعو أنقلب 78 من المحاحاة بين مدنى والخرطوم ... :eek::eek:
أسال الله أن يديمها ألفة باقية الى يوم البعث .
العاقب مصباح
26-10-2009, 11:48 AM
القصاص الخواض

جينا نشرب معاك جبنة

ونشوف الكبكبة مع النسابة

اصعب من الكبكبة تب مافى

خصوصاً لو قعدت فى الغداء وجنبك نسيبك

والله تضوق الاكل مسيخ

ولا بتشبع تقوم ساى تعمل فيها ظريف

اها فى انتظارك عشان نشوف آخرك شنو

بس ركز لينا فى التفاصيل الدقاقة
wad alballal
26-10-2009, 12:10 PM
عزيزي عوض الكريم الخواض ...
كلنا شوق لمعرفة الحاصل ...
ارح ... والله شحتفتنا مع نسابتك ...
ورينا الحصل شنو ؟؟
مودتي
عوض صقير
26-10-2009, 09:35 PM
وسبحان الله ...
البن اذا لم يتم قليه وطحنه لما أنتج هذا الشراب البديع .

سبحان الله زى الشاى إذا لم تضعه فى ماء يقلى بدرجة عالية من القليان لما آتى لنا بهذا الشكل الرائع والمذاق الطيب ...يعنى كده فى إنتظار قهوة كاربة وشاى منعنع ....
أبوريلان
26-10-2009, 09:50 PM
يا عوض الكريم هيجت شجونا ياخي بكسلا
لي بها ذكريات جميلة كجمال هذه الفاتنة
وريحة البن وطيبة أهلها
وجمال سردك الشيق
في إنتظارك .

همسة 1 : أنت العاقب ده عامل فيها شق المقابر يعني .
همسة 2 : لقيتك بكاي شديد ياعوض الكريم الوصلك لحد كسلا .
هاشم الخواض
26-10-2009, 09:56 PM
إبن أخى العزيز عوض الكريم تحياتى وأشواقى الحارة لك وأهل البيت الكبير إن شاء الله معزوم عندك قهوة مدنكلة قريبا وكمان حتكون فى عز الشتاء يعنى فى وقتها ومعى عمك عثمان إن شاء الله مع تحياتى مجددا.
ابوالنور
26-10-2009, 10:04 PM
ولى عودة لأكمال الخاطرة ...
وحاة الله نفوتك مكسرين
كنت قايلك ح تبدا من قبل الكبري كان خواطرنا داعبت خواطرك
نجي سوي رايك شنو ؟
سيد البلد
26-10-2009, 11:00 PM
اها فى انتظارك عشان نشوف آخرك شنو


بس ركز لينا فى التفاصيل الدقاقة



بالله عليك يا عوض الكريم ياخي الزول " العزابي " ده إتجاوزو وما تعيرو التفاتاً
واعتبر انو ما جا البوست ده زاتو " العامل لينا فيها كولو يوم نسابتو مزرزرنو ده ..
كمان قال :






خصوصاً لو قعدت فى الغداء وجنبك نسيبك


والله تضوق الاكل مسيخ


ولا بتشبع تقوم ساى تعمل فيها ظريف





وواصل لينا في زرزرة النسابة دي ...
عشان نقدر نحدد يا ناسبنا ناس كسلا , يا ناسبنا ناس كسلا
صهيب البصير
26-10-2009, 11:27 PM
أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ...
وهذا ليس من وحي الخيال ...
بل هي حقيقة رأيتها بأم عينى ...
المكان : كسلا ( بيت النسابة )...;)
الزمان : 2002 ...

وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ...
وقد أختصونى بالمقعد الوثير وبجانبى ( أبو نسب ) المترجم الخاص ...:p:p
وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ...

بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ ....

بعد ذلك بدأ الأقارب ( بالرطانة ) ...
أو ما يعرف بلغة ( البداويت ) ...ثم أرتفعت الأصوات ...
وأحمرت الأعين ...
مع التلويح بالأيادى ...
والتأشير بالأصابع ...

يا ألهى ما هذا ...
الله يمرقنى من الجماعة ديل ...
الجماعة ديل لو أتذكروا فى اللحظة دى أنى نسيبهم ممكن ...


وأنا بين هؤلاء القوم لا أعلم سبباً لهذا الهيجان ...


وفجأة وبدون سابق أنذار ( سكنت الأنفس ) ...
اذ دخل ( أبو نسب ) وهو يحمل ما لذ وطاب من الطعام ...
وشمر القوم عن سواعد الجد أكلاً وتقطيعا ...

وكنت أنا أسعد من فى الأرض بهذه ( الصينية ) التى لولاها لقامت الحرب ...
وأثناء تناول الطعام بدأت بعض الهمهمات والتعليقات التى لم أفهمها ...
ثم تلتها بعض أبتسامات ...
ثم ضحكات حتى القهقهة ...

بعد الفراغ من الطعام جيئ بالحلويات ...

ثم ( الجبنات ) ...
ويا لها من ( جبنات ) ...
على الطريقة اليابانية ... :p:p
وبدا القوم فى مواصلة ( الرطانة ) ...
يتحدث أحدهم فيضحك الباقين فعلمت أنهم يحكون ( النكات ) .


وما زال شمارى ( عالياً ) ...
وبعد أن لاحت لى ( انفرادة ) مع ( أبونسب ) ...
سألته عن عمل أخوانه وأبناء عمومته ...
وبدأ يفندهم لى واحداً تلو الآخر ...
هذا ( مؤتمر وطنى ) يعمل فى المجلس التشريعى ...
وهذا فى جبهة الشرق جآء من منطقة العمليات ( مخصوص ) للتعرف اليك ... :o:o
وهذا يعمل فى الأستخبارات ...
وهذا يعمل فى وزارة الداخلية ...
وهذا من جيش الفتح ...


قلت له مداعباً ...
لو تأخرت ( الصينية ) بضع دقائق لقامت الحرب ...
ولكنت أنا أول الضحايا ...
لأنه بالتأكيد سيكون عند بعض أبناء العمومة ( أجندة خفية ) .:eek::eek:

ولى عودة لأكمال الخاطرة ...


اخى عوض الكريم

شكرا على الخاطرة الجميله

دى ذكرتنى كان عندنا عرس خالى العروسه من الدمازين شوف القسمه دى قويه كيف والله قسمه عابره قارات ( سكوت ) بس المهم السيره اتحركت من 8 صباحا وصلنا الدمازين 7 مساء بس كانت رغم بعد المسافه ممتعه جدا
وبعد وصلنا سنجه بدا الجو الصحو الظريف على انغام العصافير وغابات الجنائن من المنقه والجوافه كانهم سايرين ممعنا خضره الى مد البصر
المهم السواق كان جعلى قلبوا حار زى الجعلى عمر احمد وانت ادرى ولك ولكل الجعليين العفو والصفح
كل البص مخالفات فى مخالفات واحد راكب شمال السواق وناس تطلع بره فى السطح وناس واقفه فى الباب الممر
المهم كل مانجى فى تفتيش والدلوكه تشتغل جياشه وين جياشه والجيش قلبوا فتاشه وين
المهم طوالى بتاع التفتيش اعرف انها سيره وابدا ااشر لينا بالمرور
اخر تفتيش وداخلين على الدمازين تعالى شوف والجماعه دقوا الدلوكه فتاشه وين فتاشه والجيش قلبوا فتاشه
اطلع ليك واحد من جماعتك ديل الكنت معاهم ديل ادروباوى
وقف البص دا وين الرخصه جيب التامين قام الجعلى قالى دى سيره ماسامع فتاشه دى
قالى لى مش كان فتاشه اكان جبتا مجلس الوزراء كلو مابحلك
والله ياعوض الكريم الادروباوى دا طالع لى بى سيرمس قهوا كامل حتى خلانا نمر
صهيب البصير
26-10-2009, 11:31 PM
إبن أخى العزيز عوض الكريم تحياتى وأشواقى الحارة لك وأهل البيت الكبير إن شاء الله معزوم عندك قهوة مدنكلة قريبا وكمان حتكون فى عز الشتاء يعنى فى وقتها ومعى عمك عثمان إن شاء الله مع تحياتى مجددا.

هاشم الخواض تحياتى لك

ياخى ماكان تكلمنا تقول انك بقيت عضوا جديد عشان نفرش ليك الورد طريقا
مرحب بقدومك اخى خواض الى منتيات مدنى العامره باهلها
البيت بيتك وانشاء الله الدار ترحب بيك
مدنيّة
26-10-2009, 11:42 PM
ابو كريم
كنت قاعد × قاعدة عسكرية يعني :cool:


منتظرين الباقي
ماتتاخر
okasha
27-10-2009, 12:24 AM
ماشاء الله البوست جاب ليهو ناس ...

يلا يا المتورطين ادونا خبراتكم معليش قصدى المتزوجين
عوض الكريم الخواض
27-10-2009, 12:37 AM
القصاص الخواض

جينا نشرب معاك جبنة

ونشوف الكبكبة مع النسابة

اصعب من الكبكبة تب مافى

خصوصاً لو قعدت فى الغداء وجنبك نسيبك

والله تضوق الاكل مسيخ

ولا بتشبع تقوم ساى تعمل فيها ظريف

اها فى انتظارك عشان نشوف آخرك شنو

بس ركز لينا فى التفاصيل الدقاقة


العاقب أخووووووووووووووي ...

بس ما تلقى ليك بوست فيهو عرس ونسابة الا تجى ناطى لينا ... :cool::cool:

يا زول كلامك الفوق دا حقو تغيرو ...

يآآآآآخى أجمل حاجة ( التجدع ) فى بيت النسابة ...

أنت ( تأشر بس ) ...;);)

فندق خمسة نجوم ...

طبعاً ذي ما عارف ( النسب شرا فى العين ) .

بعدين تعال هنا ...
وذي ما قال سيد البلد ...
شن خبرك بى أمور الكبار دى .:p:p
عوض الكريم الخواض
27-10-2009, 12:41 AM
عزيزي عوض الكريم الخواض ...
كلنا شوق لمعرفة الحاصل ...
ارح ... والله شحتفتنا مع نسابتك ...
ورينا الحصل شنو ؟؟
مودتي

حبيبنا ود البلال ...شمارك عالى ...

وخليك فى الخط
لامن نرد على الناس ( الحورو ) :rolleyes: مجرى البوست ...
لكن نقول شنو على الشمار ( الكاتل الناس ) .
عوض الكريم الخواض
27-10-2009, 12:45 AM
سبحان الله زى الشاى إذا لم تضعه فى ماء يقلى بدرجة عالية من القليان لما آتى لنا بهذا الشكل الرائع والمذاق الطيب ...يعنى كده فى إنتظار قهوة كاربة وشاى منعنع ....

تعرف يا عوض صقير ...انت كدا فهمتنى صاح ... ;);)

يعنى أي حاجة عشان تطلع حلوة وجميلة ( لازم يكون فيها عصرة ) .:o:o
أها تكون طالبنى عيزومة شاي منعنع ...ثم جبنة كااااااربة .
عوض الكريم الخواض
27-10-2009, 12:55 AM
يا عوض الكريم هيجت شجونا ياخي بكسلا
لي بها ذكريات جميلة كجمال هذه الفاتنة
وريحة البن وطيبة أهلها
وجمال سردك الشيق
في إنتظارك .

همسة 1 : أنت العاقب ده عامل فيها شق المقابر يعني .
همسة 2 : لقيتك بكاي شديد ياعوض الكريم الوصلك لحد كسلا .

حبيبنا ياسر ( الميريلان ) ...
أها كلمة ( الفاتنة ) منسوبة الى المدينة أم الى شئ آخر ...:):)
والبكا باين ( عملة مشتركة بيننا ) ... ;)
وأولاد مدنى فى الجامعة كانوا مشهورين بالحاجة دى ( شهرة العاقب فى المنتدى ) ...:eek::eek:
( يا أخوانا من دون عنصرية وكدا ) .:p:p:p
عوض الكريم الخواض
27-10-2009, 12:59 AM
إبن أخى العزيز عوض الكريم تحياتى وأشواقى الحارة لك وأهل البيت الكبير إن شاء الله معزوم عندك قهوة مدنكلة قريبا وكمان حتكون فى عز الشتاء يعنى فى وقتها ومعى عمك عثمان إن شاء الله مع تحياتى مجددا.

عمى العزيز ...
هاشم عوض الكريم الخواض ...أول حاجة نرحب بيك فى المنتدى ...
وبركة الشفناك طيب...
ومنتظرنك أنت والعم د.عثمان ...
والجبنة جااااااااااااهزة .
عوض الكريم الخواض
27-10-2009, 01:02 AM
وحاة الله نفوتك مكسرين
كنت قايلك ح تبدا من قبل الكبري كان خواطرنا داعبت خواطرك
نجي سوي رايك شنو ؟

هاهاهاهاهاهاهااااااااااااي ...القبل الكبرى دا خليتو ليك ...

ومنتظرك بى ( باص قون ) وكدا ;);).
مدنيّة
27-10-2009, 01:08 AM
عارف ياابو كريم
كل ما تكتب "الجبنة" "القهوة" انا بقراها " "الجبنة البيضاء البياكلوها ياخ" :)


همسة : عمك دا ياخ خلي البخل ونزل ليه بوست ترحيب هسي يقول عليك شنووووو ؟؟ :mad:
عوض الكريم الخواض
27-10-2009, 01:09 AM
بالله عليك يا عوض الكريم ياخي الزول " العزابي " ده إتجاوزو وما تعيرو التفاتاً
واعتبر انو ما جا البوست ده زاتو " العامل لينا فيها كولو يوم نسابتو مزرزرنو ده ..
كمان قال :





وواصل لينا في زرزرة النسابة دي ...
عشان نقدر نحدد يا ناسبنا ناس كسلا , يا ناسبنا ناس كسلا

تعرف يا سيدالبلد ...
صاحبك دا قايل يوم 11-11-2011 بعيد ...
أسسسسسى بجى ذي يوم 9-9-2009 :o:o

عجبتنى كلمة ( اتجاوزا و لا تعيرو التفاتا ) ... :p:p
غايتو أنتو البصاحبكم ما بتريحوه ...

أها أنا برشح ليك الخيار التانى فى النسب وكدا ...
وحا أبقى ليك واسطة خير ...
بس انت تعال .
عوض الكريم الخواض
27-10-2009, 01:35 AM
اخى عوض الكريم

شكرا على الخاطرة الجميله

دى ذكرتنى كان عندنا عرس خالى العروسه من الدمازين شوف القسمه دى قويه كيف والله قسمه عابره قارات ( سكوت ) بس المهم السيره اتحركت من 8 صباحا وصلنا الدمازين 7 مساء بس كانت رغم بعد المسافه ممتعه جدا
وبعد وصلنا سنجه بدا الجو الصحو الظريف على انغام العصافير وغابات الجنائن من المنقه والجوافه كانهم سايرين ممعنا خضره الى مد البصر
المهم السواق كان جعلى قلبوا حار زى الجعلى عمر احمد وانت ادرى ولك ولكل الجعليين العفو والصفح
كل البص مخالفات فى مخالفات واحد راكب شمال السواق وناس تطلع بره فى السطح وناس واقفه فى الباب الممر
المهم كل مانجى فى تفتيش والدلوكه تشتغل جياشه وين جياشه والجيش قلبوا فتاشه وين
المهم طوالى بتاع التفتيش اعرف انها سيره وابدا ااشر لينا بالمرور
اخر تفتيش وداخلين على الدمازين تعالى شوف والجماعه دقوا الدلوكه فتاشه وين فتاشه والجيش قلبوا فتاشه
اطلع ليك واحد من جماعتك ديل الكنت معاهم ديل ادروباوى
وقف البص دا وين الرخصه جيب التامين قام الجعلى قالى دى سيره ماسامع فتاشه دى
قالى لى مش كان فتاشه اكان جبتا مجلس الوزراء كلو مابحلك
والله ياعوض الكريم الادروباوى دا طالع لى بى سيرمس قهوا كامل حتى خلانا نمر

أخى صهيب البصير ...طبعاً البوست جاك فى وتر حساس ...
خصوصاً وانت على وش جواز ...
ونقول ليك تانى ألف مبروك وربنا يتم ليك على خير ...
وسيروا وعين الله ترعاكم ... :p:p

والعسكرى أبو نسب ( اتلوم معاكم ) ...
ياخى كان تقولوا ليهو نحن أهل العوض وكدا ... :o:o

أها ان شاء الله تكون سيرتك قريبة وعلى الزلط .:p

أها قالوا فى عريس من مدنى عرس ليهو واحدة من بورتسودان ...
أها السيرة لامن وصلت بورتسودان ...
العريس اتسحب براحة ومشى لى بتاع جبنة ( أدروب ) يعدل مزاجو ...

أدروب عجبتو الحنة والنضافة حقت العريس وحلف ما يآخد حق الجبنة ...
وقال للعريس :
أها بعد العرس حا تسافر متين ...
العريس قال ليهو بكرة ...
أدروب :
أها وها تسافر بى شنو ...
العريس :
بالطيارة ...
أدروب :
لع لع لع ... تيارة ما تسافر ... ممكن تقع .
العريس :
خلاص يا أدروب حا أسافر بالبص ...
أدروب :
لع لع لع باص ما تسافر ... امكن أقبة ( العقبة ) بص يقع ...
العريس :
حيرتنا يا أدروب لا طيارة لا بص أها أسافر بى شنو ...؟؟؟؟:confused::confused:
أدروب :
.... ... ..... بعدين سافر :eek::eek:
esmat
27-10-2009, 01:35 AM
حبيبنا عوض الكريم
"والجاء بنا والجاء كسر" واصل الخواطر وانت
تجلس في منتصف القاعدة

بعدين ياخ انت متلوم صراحة كدا
سيد البلد دا زااااتو مفروض تتجاوزوا
ولا هو والعاقب دا تقشهم بي مشاركة واحدة وانتهي الموضوع
غايتو اتلومت .. لكن نعمل شنو
عوض الكريم الخواض
27-10-2009, 01:37 AM
هاشم الخواض تحياتى لك

ياخى ماكان تكلمنا تقول انك بقيت عضوا جديد عشان نفرش ليك الورد طريقا
مرحب بقدومك اخى خواض الى منتيات مدنى العامره باهلها
البيت بيتك وانشاء الله الدار ترحب بيك

حبيبنا صهيب البصير ...
يرحبوا بيك نسابتك ...
قول آميييييييين .
العاقب مصباح
27-10-2009, 01:39 AM
همسة 1 : أنت العاقب ده عامل فيها شق المقابر يعني .
همسة 2 : لقيتك بكاي شديد ياعوض الكريم الوصلك لحد كسلا .[/right]



يا ياسر اخوى اخوك حفار وكدا

يعنى بنحفر للعايزين يتزوجوا

اها اخير من الموتة صح

شقة قانونية وكدا

عوض الكريم دا لو صبر شويه كان تلقوهو فى جدة
عوض الكريم الخواض
27-10-2009, 01:42 AM
ابو كريم
كنت قاعد × قاعدة عسكرية يعني :cool:


منتظرين الباقي
ماتتاخر

صدقينى يا مدنية ...
أشبه بالقاعدة العسكرية ...
لكن برضو ( الريدا ) بيناتم ...
والصينية جمعتهم ...
واختلاف الرأي لا يفسد للود قضية .
عوض الكريم الخواض
27-10-2009, 01:48 AM
عارف ياابو كريم
كل ما تكتب "الجبنة" "القهوة" انا بقراها " "الجبنة البيضاء البياكلوها ياخ" :)


همسة : عمك دا ياخ خلي البخل ونزل ليه بوست ترحيب هسي يقول عليك شنووووو ؟؟ :mad:

انت ما فطرتى ولا شنو ... :cool::cool:

أها عشان خاطرك تانى حا أكتبها ( القهوة ) ...

ياخى ما تعملى معانا واجب وترحبى بيهو وكدا .;)
عوض الكريم الخواض
27-10-2009, 01:51 AM
ماشاء الله البوست جاب ليهو ناس ...

يلا يا المتورطين ادونا خبراتكم معليش قصدى المتزوجين


حبيبنا عكاشة ...

قالوا الما بتلحقوا جدعوا ...

يااااااااااخى أريتا ورطتك ...

بس خليك قريب وجنب الزلط .
العاقب مصباح
27-10-2009, 01:56 AM
بالله عليك يا عوض الكريم ياخي الزول " العزابي " ده إتجاوزو وما تعيرو التفاتاً
واعتبر انو ما جا البوست ده زاتو " العامل لينا فيها كولو يوم نسابتو مزرزرنو ده ..
كمان قال :


ياخى والله جنس حقودات مبالغة
ياخى بعد تعرس تعال قول كلامك دا
الزول كان داير يستفيد ويفيدك انت بالذات ما بتريحو
وشاحد ربى اعرس واجى احكى ليك زى دا بس يا سيدا
لازم العزابة الزيك ديل نفيدهم طبعا


وواصل لينا في زرزرة النسابة دي ...
عشان نقدر نحدد يا ناسبنا ناس كسلا , يا ناسبنا ناس كسلا


انت بتطردنى بى هناك وبتجى بى هنا

كدى كان استقريت على راى سوقنى معاك

عندى نية ابقى عديلك نعديها شراب جبنة ساااااااااااااااااااى
العاقب مصباح
27-10-2009, 01:59 AM
العاقب أخووووووووووووووي ...

بس ما تلقى ليك بوست فيهو عرس ونسابة الا تجى ناطى لينا ... :cool::cool:

يا زول كلامك الفوق دا حقو تغيرو ...

يآآآآآخى أجمل حاجة ( التجدع ) فى بيت النسابة ...

أنت ( تأشر بس ) ...;);)

فندق خمسة نجوم ...

طبعاً ذي ما عارف ( النسب شرا فى العين ) .

بعدين تعال هنا ...
وذي ما قال سيد البلد ...
شن خبرك بى أمور الكبار دى .:p:p



نحن ناس تنظير ساى يا الخواض

ومرات كتيرة جدا بتصادف وبتظبط معانا

بس جربنا القعاد مع النسابة فى زمنا مضى

انت قايلنى زى سيد البلد دا مشى السودان وجى كرعينو ويدينو غُبش ساى

هسع عليك الله كان اقول عندى سخانة بجى بدون حنة
مدنيّة
27-10-2009, 02:01 AM
ياخى ما تعملى معانا واجب وترحبى بيهو وكدا .;)[/SIZE][/COLOR]

اها ياخواض

جيب العمولة

اضغط هنا (http://www.wadmadani.com/vb/showthread.php?p=427518#post427518)
العاقب مصباح
27-10-2009, 02:01 AM
حيرتنا يا أدروب لا طيارة لا بص أها أسافر بى شنو ...؟؟؟؟:confused::confused:
أدروب : .......................
.... ... ..... بعدين سافر :eek::eek:



كدى وضح أن شاء الله فى الخاص

النقاط دى مهمة شديد ياخ
العاقب مصباح
27-10-2009, 02:03 AM
حبيبنا عوض الكريم
"والجاء بنا والجاء كسر" واصل الخواطر وانت
تجلس في منتصف القاعدة

بعدين ياخ انت متلوم صراحة كدا
سيد البلد دا زااااتو مفروض تتجاوزوا
ولا هو والعاقب دا تقشهم بي مشاركة واحدة وانتهي الموضوع
غايتو اتلومت .. لكن نعمل شنو

عليك الله شوف جنس دا يا سيدا

حنتوا لسه ما طلعت وعايز يعمل فيها من قبيلة المتزوجين

الاداك بالمأزون يدينا بى ابوبكر المبارك:d:d
سيد البلد
27-10-2009, 02:15 AM
عليك الله شوف جنس دا يا سيدا

حنتوا لسه ما طلعت وعايز يعمل فيها من قبيلة المتزوجين

الاداك بالمأزون يدينا بى ابوبكر المبارك




عليك شوف ناس الشوط الأول ديل كمان
شوف اللحدي الليله ما جا البيت داخل ليهو بي كيس خدار ده كمان
ياخي كمان زي ده انا موش بتجاوزو
ده انا بعتبرو من الملغيات ...
وبعدين تعال نسالك يا العاقب اخوي
الزول ده صاحبك ولا حاجه؟
سيد البلد
27-10-2009, 02:19 AM
انت بتطردنى بى هناك وبتجى بى هنا

كدى كان استقريت على راى سوقنى معاك

عندى نية ابقى عديلك نعديها شراب جبنة ساااااااااااااااااااى


يا زول عليك الله اختاني خليني اتم ديني ياخ
يعني استناك لمتين ؟
مستعجل شديد يا زول
وخرمان خرم كبير خلاص للجبنه الليلة ناس كسلا
وانا من زمااااااااااااااان اقول مالو قلبي ده برف لمن تجي سيرة كسلا دي
esmat
27-10-2009, 02:22 AM
عليك الله شوف جنس دا يا سيدا
حنتوا لسه ما طلعت وعايز يعمل فيها من قبيلة المتزوجين
الاداك بالمأزون يدينا بى ابوبكر المبارك:d:d



عليك شوف ناس الشوط الأول ديل كمان
شوف اللحدي الليله ما جا البيت داخل ليهو بي كيس خدار ده كمان
ياخي كمان زي ده انا موش بتجاوزو
ده انا بعتبرو من الملغيات ...
وبعدين تعال نسالك يا العاقب اخوي
الزول ده صاحبك ولا حاجه؟


.........................
غايتو الواحد لما اكون عذابي بكون حاقد كيف
قلت لي ياعاقب كان اقول عندوا سخانة - عملتها قبل كدا ولا شنو

غايتو مشاركة واحدة تكفي - خفاااااااااااااااااااااف
اخف من قفة الخضار غايتو
سيد البلد
27-10-2009, 02:34 AM
اخف من قفة الخضار غايتو



بس النسالك كدي بالله
قفة الخضار دي حكا ليك بيها منو ؟
ولا درستها في العلوم ؟
قال قفة خضار قال
قوم لفا كده ولا كده
العاقب مصباح
27-10-2009, 02:39 AM
.........................
غايتو مشاركة واحدة تكفي - خفاااااااااااااااااااااف
اخف من قفة الخضار غايتو




بس النسالك كدي بالله
قفة الخضار دي حكا ليك بيها منو ؟
ولا درستها في العلوم ؟
قال قفة خضار قال
قوم لفا كده ولا كده




عليك الله يا سيدا القفة لمن تكون خفيفة شن طعمها

ياخى املاها يا عصمت ياخ ما تفدحنا من الاجانب

قال قفة خضار قال

بالله يا سيدا وريهو ياخ
العاقب مصباح
27-10-2009, 02:40 AM
يا زول عليك الله اختاني خليني اتم ديني ياخ
يعني استناك لمتين ؟
مستعجل شديد يا زول
وخرمان خرم كبير خلاص للجبنه الليلة ناس كسلا
وانا من زمااااااااااااااان اقول مالو قلبي ده برف لمن تجي سيرة كسلا دي



انت كان انا ما شجعتك ما بتعرس

عشان كدا مصر نكون سوا

وننزل فى بيت واحد

انت اطلب قبلى وانا بقول ليهم داير اختها

البوست دا استلمناهو ود الخواض كان جاء لقانا هنا بيقيم علينا الحد

كدى النتخارج سريع سريع

التلاتة ما عندنا خبرة
سيد البلد
27-10-2009, 02:46 AM
التلاتة ما عندنا خبرة



طلع معاك " مازدا " ده
العامل لينا فيها خبير ليهو مية سنة
وهو لي يوم الليلة ما مشا الحتة الجمب الاوقاف ديك
ياخي البجيبو منها الحاجات ديك ياخي
ياخ انت زاتك بتعرف شنو عليك الله
العاقب مصباح
27-10-2009, 02:50 AM
طلع معاك " مازدا " ده
العامل لينا فيها خبير ليهو مية سنة
وهو لي يوم الليلة ما مشا الحتة الجمب الاوقاف ديك
ياخي البجيبو منها الحاجات ديك ياخي
ياخ انت زاتك بتعرف شنو عليك الله




يا اخوى نحن نمشى لى محل ابصلعة

عنده شنو بالله اب صلعة دا
أبوريلان
27-10-2009, 03:03 AM
حبيبنا ياسر ( الميريلان ) ...
أها كلمة ( الفاتنة ) منسوبة الى المدينة أم الى شئ آخر ...:):)
والبكا باين ( عملة مشتركة بيننا ) ... ;)
وأولاد مدنى فى الجامعة كانوا مشهورين بالحاجة دى ( شهرة العاقب فى المنتدى ) ...:eek::eek:
( يا أخوانا من دون عنصرية وكدا ) .:p


:p:p


أبو كريم
طالما بكيت في مدني ودفنتو في كسلا ما تسألني منسوبة لي وين .
أنت الليلية مالك ملخبطه كده منسوبة ونسابة ونسيبة
حالتك بعيد من نسابتك .
أولاد مدني بفهموها وهي طايرة
كدي شوف لينا باقي قهوتك
وبعدها عرج لينا علي النيافة
بتاعت الدباغة بدون عنصرية :) .
أبوريلان
27-10-2009, 03:35 AM
يا ياسر اخوى اخوك حفار وكدا

يعنى بنحفر للعايزين يتزوجوا

اها اخير من الموتة صح

شقة قانونية وكدا

عوض الكريم دا لو صبر شويه كان تلقوهو فى جدة


العاقب يافردة
وكت حفار جنس ده ما تحفر لنفسك جُحر تتلم فيهو
عشان ناس عصمت وسيد البلد أسكتوا
قلت لي شقة قانونية دي المقدم حقه كم ؟
داير توصلوا جدة بشقة قانونية ولا نفق من حفرك
لكن أبو كريم خطير المرقه في كسلا .
عوض الكريم الخواض
27-10-2009, 03:45 AM
أها يا حبابيبنا ...
بعد القصة القصيرة الحكيتها ليكم ...
نجيكم للخاطرة ...
لأنو القصة مع واقعيتها كانت مقدمة لهذه الخاطرة ...


أن نكون مختلفين فى تقدير الأمور فهذا لا يعنى أننا ( نكره ) بعض ...
فلك رأي ...
ولى رأي ...
أن تستجيب لرأيي أو لا ( ليس هذه المشكلة ) ...
المشكلة أن تقوم بتسفيه رأيي ...
عندها يأتى التزمت والغلو فى التمسك بالآراء ...


أما أن تحترم رأيي ...
مع عدم أقتناعك به فهذا هو ( منتصف الطريق ) ...
ويبقى النصف الآخر اما أن أقنعك به ...
أو يقتنع به أغلب المهتمين بالأمر ...
وعندها وجب علينا احترام رأي الأغلبية ...
اذا كان للأغلبية ( وضعها ومكانتها ) ...
وعدم السعي فى تنفيذ رأي الجماعة يكون لسببين ...
أحدهما ضعف الهمة ...
والآخر المجاملة ...
وكلاهما يوحيان الى الطرف الآخر بما ينقص من تقديرنا لأنفسنا ....


وكما ( صينية ) النسابة التى ضمتهم بكل ود وألفة ...
كذلك هذا المنتدى قد فعل ذلك ...

وحقيقة هذه الألفة شعرت بها فى أكثر من تجمع ...
وبالذات فى احتفال الشمعة السابعة ...
وخصوصاً مع من يحملون الرأي الآخر ...
بل ذاد أحترامى وتقديرى لهم ...
بل وأعجابى بهم ...
اذ انهم يدافعون عن رأيهم بوسآئلهم التى يرونها مشروعة ...


وكل صاحب رأي يجد الأحترام ...
دون ذلك الذى لا يدرى أين موقعه ...
ان احسن الناس أحسنوا وان اسآؤا .... الخ ....
والألفة والمحبة ليست ( كلمات ) انما هي شعور تحسه من الطرف الآخر دون الأفصاح ....
وكما تسربت الى خياشيمنا رغماً عن أنوفنا و دون استئذان ...فأرجو أن تجد عند الطرف الآخر بعض أحترام وتقدير ...
وما يأتى سهلا ... يذهب سهلا .
العاقب مصباح
27-10-2009, 10:43 PM
أها يا حبابيبنا ...
بعد القصة القصيرة الحكيتها ليكم ...
نجيكم للخاطرة ...
لأنو القصة مع واقعيتها كانت مقدمة لهذه الخاطرة ...
أن نكون مختلفين فى تقدير الأمور فهذا لا يعنى أننا ( نكره ) بعض ...
فلك رأي ...
ولى رأي ...
أن تستجيب لرأيي أو لا ( ليس هذه المشكلة ) ...
المشكلة أن تقوم بتسفيه رأيي ...
عندها يأتى التزمت والغلو فى التمسك بالآراء ...
أما أن تحترم رأيي ...
مع عدم أقتناعك به فهذا هو ( منتصف الطريق ) ...
ويبقى النصف الآخر اما أن أقنعك به ...
أو يقتنع به أغلب المهتمين بالأمر ...
وعندها وجب علينا احترام رأي الأغلبية ...
اذا كان للأغلبية ( وضعها ومكانتها ) ...
وعدم السعي فى تنفيذ رأي الجماعة يكون لسببين ...
أحدهما ضعف الهمة ...
والآخر المجاملة ...
وكلاهما يوحيان الى الطرف الآخر بما ينقص من تقديرنا لأنفسنا ....
وكما ( صينية ) النسابة التى ضمتهم بكل ود وألفة ...
كذلك هذا المنتدى قد فعل ذلك ...
وحقيقة هذه الألفة شعرت بها فى أكثر من تجمع ...
وبالذات فى احتفال الشمعة السابعة ...
وخصوصاً مع من يحملون الرأي الآخر ...
بل ذاد أحترامى وتقديرى لهم ...
بل وأعجابى بهم ...
اذ انهم يدافعون عن رأيهم بوسآئلهم التى يرونها مشروعة ...
وكل صاحب رأي يجد الأحترام ...
دون ذلك الذى لا يدرى أين موقعه ...
ان احسن الناس أحسنوا وان اسآؤا .... الخ ....
والألفة والمحبة ليست ( كلمات ) انما هي شعور تحسه من الطرف الآخر دون الأفصاح ....
وكما تسربت الى خياشيمنا رغماً عن أنوفنا و دون استئذان ...فأرجو أن تجد عند الطرف الآخر بعض أحترام وتقدير ...
وما يأتى سهلا ... يذهب سهلا .

الحبيب عوض الكريم الخواض
صينية النسابة
أستطاعت صينية النسابة أن تجمع من هو فى الحكومة بمن هو فى المعارضة بمن هو وقع وبمن لم يوقع وبمن أتى ليتزوج ... كلهم كانت تجمعهم صفة واحدة ... الإنسانية قبل السودانية .. رغم إختلاف الأفكار ...والمنهجية إلا أن ما يجمعهم كان أكبر مما يفرقهم ...تنازلوا لبعضهم عن بعض ما يُعكر صفوهم ...لم يصفوا بعضهم بالخيانة .... بتبعيته للحكومة ... ولم يُوصف البعض الآخر بالتمرد لقتاله الحكومة ... مصالحهم متضاربة ...ولكن رغم ذلك كانت صينية النسابة هى المنتصف ترك بعضهم الأسلحة فى زاوية بعيدة ... والبعض الآخر ترك كُراسة معلوماته الإستخباراتية فى درج .... جلسوا فى لحظة اخوة ... لحظة صفاء .... لحظة سلام ... حكومة ومعارضة ... أنتفت أسباب الحرب فى تلك اللحظة .... لأن ما بداخلهم من حب كان أكبر ... وما فيهم من تسامح كان يُغطيهم ... ابتعدوا عن ما يعكر عليهم جلسة إنسهم ...
ها نحن هنا فى المنتدى ... إلتقينا بعضنا حكومة والبعض الآخر معارضة ... بعضنا غنى والبعض الآخر فقير ... بعضنا ينتمى للمدينة والبعض الآخر للقرية ...دون تحديد ما هى القرية وما هى المدينة ... قد تكون المدينة الخرطوم ...وقد تكون الحصاحيصا وقد تكون مدنى وقد تكون الكاملين وقد تكون كسلا وقد تكون عطبرة وقد تكون بورتسودان وقد تكون أم درمان ... القرية قد تكون بورتبيل قد تكون الفقراء قد تكون ام تريبات قد تكون الحرقة قد تكون الهدى قد تكون طيبة الشيخ عبد الباقى قد تكون وقد تكون وقد تكون وقد تكون ...
ما الشئ الذى يجمعنا ؟؟؟؟؟؟؟؟؟
جميعنا نحمل هماً واحداً ... هم تطوير منطقتنا .... منطقتنا تشمل الاحياء فى المدن تشمل القرى تشمل المدن تشمل الولايات تشمل السودان تشمل العالم الثالث ....
نجد من يطلب برصف الطرق .... نسانده لأننا نسير بنفس الطرق ... نجد من يطالب بالتحقيق فى وفاة مريضة بالمستشفى .... نقف معه لأن المريض كان ممكنا أن يكون أنا كان ممكناً أن يكون أنت ...
نجد من يطالب بالحفاظ على مشروع الجزيرة ... نقف معه ...لأن أقرباءنا يعملون به ... لأن أهلنا يعيشون عليه .. لأن زملائنا يتخذونه وسيلة عيش كريم ....
نجد من يطالب بتحسين سودانير وسيلة نقلنا الجوية .... نقف معه لأننا نسافر أيضاً بها ....
نجد من يطالب بالمساواة فى توزيع ثروتنا القومية نقف معه لأننا قد ظُلمنا ولم نؤتى نصيباً كان ممكناً أن يكون لنا ....
نجد من يطالب بدفع الرواتب المتأخرة للمعلمين ...نقف معه لأن أبناءنا يدرسون ونُريد لهم مستقبلاً آمناً مبشراً به يرتقى الوطن للأمام ...
فى تقدم الوطن تقدم للولاية ...تقدم لمدينتنا مدنى تقدم لقريتنا الحرقة ...
إذاً يجب أن نجتمع فى صينية واحدة ... لأن زادها يكفى الجميع محبة
ويفيض عنها بالبركة ليُشبع آخرين .,,,
هنا سيجد الجميع الحب والتقدير
لأنه آثر حب الغير على حب نفسه
عمل للجميع دون أن يعمل لخاصته..
وجميعنا يبحث عن مدينته الفاضلة لغة وحواراً وتسامحاً وحباً
مع خالص وأكيد محبتى
ابوالنور
27-10-2009, 11:31 PM
هاهاهاهاهاهاهااااااااااااي ...القبل الكبرى دا خليتو ليك ...

ومنتظرك بى ( باص قون ) وكدا ;);).
يا اخوي اخوك مضروب في الانكل ليه ستة شهور
عشان ما جبت الكيس وكده
انت عارف يا ابوعويض وبالرقم من انو حياتي كلها مخاطرة اقصد خواطر لكن نفسي
اقعد في الوطة دي واحكي للناس زي كده
ياخي بعد مرات الواحد بحس بانو احساسو محسوس باحساس حساس ومتحسس من الاحساس ده
انت قلت لي كان شنو ؟
عوض الكريم الخواض
27-10-2009, 11:59 PM
حبيبنا عوض الكريم
"والجاء بنا والجاء كسر" واصل الخواطر وانت
تجلس في منتصف القاعدة

بعدين ياخ انت متلوم صراحة كدا
سيد البلد دا زااااتو مفروض تتجاوزوا
ولا هو والعاقب دا تقشهم بي مشاركة واحدة وانتهي الموضوع
غايتو اتلومت .. لكن نعمل شنو

عريس الموسم عصمت ...
تعرف أصحابك ديل ( اتلومنا معاهم ) ...
يا أخوانا حقو نشوف ليهم طريقة ( نتخارج منهم ) ...:cool::cool:
كلو يوم نق نق نق نق نق ....
حمونا النوم ذاتو . :mad::mad:
عوض الكريم الخواض
28-10-2009, 12:08 AM
عوض الكريم دا لو صبر شويه كان تلقوهو فى جدة

يا زول ( العصفورة محل ما ترك ... نطير وراها ) ...

مثل هندى .:p:p


انت بتطردنى بى هناك وبتجى بى هنا

كدى كان استقريت على راى سوقنى معاك

عندى نية ابقى عديلك نعديها شراب جبنة ساااااااااااااااااااى

يا أخوانا أمسكوا الزول دا ...





نحن ناس تنظير ساى يا الخواض

ومرات كتيرة جدا بتصادف وبتظبط معانا

بس جربنا القعاد مع النسابة فى زمنا مضى

انت قايلنى زى سيد البلد دا مشى السودان وجى كرعينو ويدينو غُبش ساى

هسع عليك الله كان اقول عندى سخانة بجى بدون حنة

يا زووووووووووووووووووووووول ...
دا كلام ختيييييييييييييييييييييييييييير ...
شوكشووووووووووووووووووووووووك ولا جنو .
عوض الكريم الخواض
28-10-2009, 12:14 AM
اها ياخواض

جيب العمولة

اضغط هنا (http://www.wadmadani.com/vb/showthread.php?p=427518#post427518)






ما قصرت يا مدنية ...صاحبة واجب وكدا ...
أها القروش الدايرا منك ( شيلى نصها ) وخلى لي الباقى . :cool::cool:
أشرف صلاح السعيد
28-10-2009, 12:20 AM
تحياتى اخى عوض الكريم..
يالها من صينية سحرها السودنة والإنسانية والتراحم..
كسلا تلك المدينة بسواقيها الجنوبية وقاشها وتوتيلها الأبى لوحة جمال خارجى المنظر وداخلى الحوايا..زرتها مرة وخلدت ذكراها..
تعارك المصارين هو إنتباهة للجوع..والأكل يوقف التعارك..الأكل قد يكون إتفاق فيه قوة وإعمار..تحاور أبيض النوايا فيه الوصول إلى نقطة إلتقاء أو حتى لا إلتقاء وتجربته تبعد الجوع والقرحة..و قد يكون إختلاف فيه إحترام ولا فوقية ولا وصاية ولا تكتل أجوف مغرور وفيه نتعلم إحترام الإختلاف..
أنا الجبنة "القهوة عشان مدنية وكدا" ما بشربا لكن عندى عندك كباية شاى منعنعة أو بحليب مقنن وحرم ما تقول شى "جعلنة وكدا" ..
تحياتى وسلامى لك ولأهل كسلا..
عوض الكريم الخواض
28-10-2009, 12:20 AM
عليك شوف ناس الشوط الأول ديل كمان
شوف اللحدي الليله ما جا البيت داخل ليهو بي كيس خدار ده كمان
ياخي كمان زي ده انا موش بتجاوزو
ده انا بعتبرو من الملغيات ...
وبعدين تعال نسالك يا العاقب اخوي
الزول ده صاحبك ولا حاجه؟

بورة التابانى والصينى ...




يا زول عليك الله اختاني خليني اتم ديني ياخ
يعني استناك لمتين ؟
مستعجل شديد يا زول
وخرمان خرم كبير خلاص للجبنه الليلة ناس كسلا
وانا من زمااااااااااااااان اقول مالو قلبي ده برف لمن تجي سيرة كسلا دي

يا أخوي قلبك ما رفَّ لى سيرة كسلا ولا حاجة ...
تكون ما شربتا الجبنة .:cool::cool:
عوض الكريم الخواض
28-10-2009, 12:27 AM
أبو كريم
طالما بكيت في مدني ودفنتو في كسلا ما تسألني منسوبة لي وين .
أنت الليلية مالك ملخبطه كده منسوبة ونسابة ونسيبة
حالتك بعيد من نسابتك .
أولاد مدني بفهموها وهي طايرة
كدي شوف لينا باقي قهوتك
وبعدها عرج لينا علي النيافة
بتاعت الدباغة بدون عنصرية :) .

عاااااارفك حريف ومفتح ...

تعرف يا الحبيب نحنا دمعتنا لو وصلت الواطة ...
يا قامت شجرة ...
يا كتلت زول ...
والحمد لله الشجرة قامت ...

والقهوة فى الانتظار ...
والنيافة يا حليلم .
عوض الكريم الخواض
28-10-2009, 12:33 AM
[size=4][color=darkorchid]لكن أبو كريم خطير المرقه في كسلا .

ما قلنا ليكم نحنا كدا ...
محل ترك العصفورة بنطير وراها ...
والحياة مرة واااااحدة .
عوض الكريم الخواض
28-10-2009, 12:37 AM
الحبيب عوض الكريم الخواض
صينية النسابة
أستطاعت صينية النسابة أن تجمع من هو فى الحكومة بمن هو فى المعارضة بمن هو وقع وبمن لم يوقع وبمن أتى ليتزوج ... كلهم كانت تجمعهم صفة واحدة ... الإنسانية قبل السودانية .. رغم إختلاف الأفكار ...والمنهجية إلا أن ما يجمعهم كان أكبر مما يفرقهم ...تنازلوا لبعضهم عن بعض ما يُعكر صفوهم ...لم يصفوا بعضهم بالخيانة .... بتبعيته للحكومة ... ولم يُوصف البعض الآخر بالتمرد لقتاله الحكومة ... مصالحهم متضاربة ...ولكن رغم ذلك كانت صينية النسابة هى المنتصف ترك بعضهم الأسلحة فى زاوية بعيدة ... والبعض الآخر ترك كُراسة معلوماته الإستخباراتية فى درج .... جلسوا فى لحظة اخوة ... لحظة صفاء .... لحظة سلام ... حكومة ومعارضة ... أنتفت أسباب الحرب فى تلك اللحظة .... لأن ما بداخلهم من حب كان أكبر ... وما فيهم من تسامح كان يُغطيهم ... ابتعدوا عن ما يعكر عليهم جلسة إنسهم ...
ها نحن هنا فى المنتدى ... إلتقينا بعضنا حكومة والبعض الآخر معارضة ... بعضنا غنى والبعض الآخر فقير ... بعضنا ينتمى للمدينة والبعض الآخر للقرية ...دون تحديد ما هى القرية وما هى المدينة ... قد تكون المدينة الخرطوم ...وقد تكون الحصاحيصا وقد تكون مدنى وقد تكون الكاملين وقد تكون كسلا وقد تكون عطبرة وقد تكون بورتسودان وقد تكون أم درمان ... القرية قد تكون بورتبيل قد تكون الفقراء قد تكون ام تريبات قد تكون الحرقة قد تكون الهدى قد تكون طيبة الشيخ عبد الباقى قد تكون وقد تكون وقد تكون وقد تكون ...
ما الشئ الذى يجمعنا ؟؟؟؟؟؟؟؟؟
جميعنا نحمل هماً واحداً ... هم تطوير منطقتنا .... منطقتنا تشمل الاحياء فى المدن تشمل القرى تشمل المدن تشمل الولايات تشمل السودان تشمل العالم الثالث ....
نجد من يطلب برصف الطرق .... نسانده لأننا نسير بنفس الطرق ... نجد من يطالب بالتحقيق فى وفاة مريضة بالمستشفى .... نقف معه لأن المريض كان ممكنا أن يكون أنا كان ممكناً أن يكون أنت ...
نجد من يطالب بالحفاظ على مشروع الجزيرة ... نقف معه ...لأن أقرباءنا يعملون به ... لأن أهلنا يعيشون عليه .. لأن زملائنا يتخذونه وسيلة عيش كريم ....
نجد من يطالب بتحسين سودانير وسيلة نقلنا الجوية .... نقف معه لأننا نسافر أيضاً بها ....
نجد من يطالب بالمساواة فى توزيع ثروتنا القومية نقف معه لأننا قد ظُلمنا ولم نؤتى نصيباً كان ممكناً أن يكون لنا ....
نجد من يطالب بدفع الرواتب المتأخرة للمعلمين ...نقف معه لأن أبناءنا يدرسون ونُريد لهم مستقبلاً آمناً مبشراً به يرتقى الوطن للأمام ...
فى تقدم الوطن تقدم للولاية ...تقدم لمدينتنا مدنى تقدم لقريتنا الحرقة ...
إذاً يجب أن نجتمع فى صينية واحدة ... لأن زادها يكفى الجميع محبة
ويفيض عنها بالبركة ليُشبع آخرين .,,,
هنا سيجد الجميع الحب والتقدير
لأنه آثر حب الغير على حب نفسه
عمل للجميع دون أن يعمل لخاصته..
وجميعنا يبحث عن مدينته الفاضلة لغة وحواراً وتسامحاً وحباً
مع خالص وأكيد محبتى



الله عليك يا عقبة لما تنسى سيرة العرس ... ;);)
شفت كلامك دا أحلى من البوست كلو ...
عشان كدا ( ولا كلمة ) .

آآآآآآآآآآآي يااااااااااخ ركز معاي .
عوض الكريم الخواض
28-10-2009, 12:40 AM
يا اخوي اخوك مضروب في الانكل ليه ستة شهور
عشان ما جبت الكيس وكده
انت عارف يا ابوعويض وبالرقم من انو حياتي كلها مخاطرة اقصد خواطر لكن نفسي
اقعد في الوطة دي واحكي للناس زي كده
ياخي بعد مرات الواحد بحس بانو احساسو محسوس باحساس حساس ومتحسس من الاحساس ده
انت قلت لي كان شنو ؟

شووووووووووووووف يا أبو النور ...
أخووووك ما ناقص ( محاسسات ) ...

كدى خلينا لامن نكون نفرين ...

لأنو شايف حالتك دايرة ليها قعدة وكدا .
عبدالرحمن مدثر
28-10-2009, 12:53 AM
ابوكريم

دعنى انداح قليلا .. حتى تنزاح بعض الهموم

واتذكر مامضى من كبكبة .. طبعا اخوك عارفو من عشاق الهدى

لذلك كان لابد لفاطمة السمحة ان تكون من هناااااك

المشكلة كانت انو الجماعة عدوها برررطعة فى الغربة

بس لمحة كدا فى كورس صيفى والسنارة غمزت

عمك النسيب الكبير كان حاجة كدا فى الرياض اسمها (مكافحة المخدراااااات )

وكان مغترب قريب العشرين سنة .. وماحصل شاهد اخوك بتاتا ونهائيا

يوم قلت خلاص قلت اغرق فى الحكااية

انتظرت لما الاجازة السنوية جااءت بتاعت عمك وقلت اعمل حركة كدا

طبعا ناس السعودية ديل بيدوك احساس انهم متشددين

احلى حاجة بعد ماكلمت اخوهو الكان صاحبى ومستقر فى الخرطوووم

قال لى عمك قال مابعرفك داير يشوفك اول ويتكلم معااااااك

جدا يامنقة (نو بروبلم )

والوكت داك كانت كل البروبلمااات حاضرة

يوم الخميس بدرى شارع مدنى جااك نفر

وحصلت الهدى .. وبعد المغرب مباشرة قلت اتوكل للاجتماااع الثنائى

حصل جااك احساس انك ماشى وماماشى

تنقش .. تنقش .. دقيت البااب لو اتذكرت ليك اكتر انا الدقيت البااااب

ولا الباااااااب الدقانى المهم فى دقة فى كل حاجة محيطة بى

واخيرا انفتح الباااااب ... واصبحت وجها لوجه امام الجوطة الحاصلة

سلمت على عمك ... بعدها طواااالى تقوم الكهرباء تقطع

يااااخ دا وقتو

طبعا بعد داك الحاجات كلها راااااائحة

وانا رااااائح

والمشكلة الكبيرة انو عمك رووووحنى (طول من قطعة الكهرباء )

واخوك يتكلم ويقطع ...

واجتهد فى القى لى رااس خيط لموضوع

انت عاااارف بعد خلاص داير امشى

قلت ليهو (طبعا انت ماعرفتنى )

قال لى والله الدنيا ضلام والواحد طول من البلد

ماعرفتك والله ياابنى

قربت افقعها ضحكة (بعد الكبكبة دى كلها وماعرفتنى )

خلاصة الموقف انو زول كب بنزين ... ومشوار 3 ساعات

وفى النهاية يصبح زول مامعروف

الظروف دى مامعروفة




خربشة

رسالة الصينية وصلت ... فى صينية بتجمع الناس حولها رغم الاختلافات

وفى صينية بتلفها غلط وبقطعوك مخالفة

وفى صينية بتلفها شايل سفنجة وعاااامل راااائح

صينية لصينية تفرق
عوض الكريم الخواض
28-10-2009, 12:55 AM
تحياتى اخى عوض الكريم..
يالها من صينية سحرها السودنة والإنسانية والتراحم..
كسلا تلك المدينة بسواقيها الجنوبية وقاشها وتوتيلها الأبى لوحة جمال خارجى المنظر وداخلى الحوايا..زرتها مرة وخلدت ذكراها..
تعارك المصارين هو إنتباهة للجوع..والأكل يوقف التعارك..الأكل قد يكون إتفاق فيه قوة وإعمار..تحاور أبيض النوايا فيه الوصول إلى نقطة إلتقاء أو حتى لا إلتقاء وتجربته تبعد الجوع والقرحة..و قد يكون إختلاف فيه إحترام ولا فوقية ولا وصاية ولا تكتل أجوف مغرور وفيه نتعلم إحترام الإختلاف..
أنا الجبنة "القهوة عشان مدنية وكدا" ما بشربا لكن عندى عندك كباية شاى منعنعة أو بحليب مقنن وحرم ما تقول شى "جعلنة وكدا" ..
تحياتى وسلامى لك ولأهل كسلا..

تعارك المصارين هو انتباهة للجوع ...مداخلة جميلة أخى أشرف السعيد ...وأعجبتنى هذه الجملة ...
فهلا استفدنا من هذه الانتباهة ...
حتى لا ينفلت الأمر .
ahmed algam
28-10-2009, 05:35 AM
ريحت جبنتك ماليه



العام كلو





بالله داير كباية جبنه مدنكله






واصل احكي شوقتنا عديل كده




اه واصل ياابو كريم
درديري كباشي
28-10-2009, 06:49 AM
أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ...
وهذا ليس من وحي الخيال ...
بل هي حقيقة رأيتها بأم عينى ...
المكان : كسلا ( بيت النسابة )...;)
الزمان : 2002 ...

وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ...
وقد أختصونى بالمقعد الوثير وبجانبى ( أبو نسب ) المترجم الخاص ...:p:p
وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ...

بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ ....

بعد ذلك بدأ الأقارب ( بالرطانة ) ...
أو ما يعرف بلغة ( البداويت ) ...ثم أرتفعت الأصوات ...
وأحمرت الأعين ...
مع التلويح بالأيادى ...
والتأشير بالأصابع ...

يا ألهى ما هذا ...
الله يمرقنى من الجماعة ديل ...
الجماعة ديل لو أتذكروا فى اللحظة دى أنى نسيبهم ممكن ...


وأنا بين هؤلاء القوم لا أعلم سبباً لهذا الهيجان ...


وفجأة وبدون سابق أنذار ( سكنت الأنفس ) ...
اذ دخل ( أبو نسب ) وهو يحمل ما لذ وطاب من الطعام ...
وشمر القوم عن سواعد الجد أكلاً وتقطيعا ...

وكنت أنا أسعد من فى الأرض بهذه ( الصينية ) التى لولاها لقامت الحرب ...
وأثناء تناول الطعام بدأت بعض الهمهمات والتعليقات التى لم أفهمها ...
ثم تلتها بعض أبتسامات ...
ثم ضحكات حتى القهقهة ...

بعد الفراغ من الطعام جيئ بالحلويات ...

ثم ( الجبنات ) ...
ويا لها من ( جبنات ) ...
على الطريقة اليابانية ... :p:p
وبدا القوم فى مواصلة ( الرطانة ) ...
يتحدث أحدهم فيضحك الباقين فعلمت أنهم يحكون ( النكات ) .


وما زال شمارى ( عالياً ) ...
وبعد أن لاحت لى ( انفرادة ) مع ( أبونسب ) ...
سألته عن عمل أخوانه وأبناء عمومته ...
وبدأ يفندهم لى واحداً تلو الآخر ...
هذا ( مؤتمر وطنى ) يعمل فى المجلس التشريعى ...
وهذا فى جبهة الشرق جآء من منطقة العمليات ( مخصوص ) للتعرف اليك ... :o:o
وهذا يعمل فى الأستخبارات ...
وهذا يعمل فى وزارة الداخلية ...
وهذا من جيش الفتح ...


قلت له مداعباً ...
لو تأخرت ( الصينية ) بضع دقائق لقامت الحرب ...
ولكنت أنا أول الضحايا ...
لأنه بالتأكيد سيكون عند بعض أبناء العمومة ( أجندة خفية ) .:eek::eek:

ولى عودة لأكمال الخاطرة ...


وانا اقول الرجل دا جاب الروعة دي من وين ,,,

من غير تحيذ ومن غير تواضع ومن غير اي غير آخر .. نحن رغما عن جذورنا الشمالية الا اننا دخلنا في نسب مع اهل الشرق عبر خيلاننا وبنات خالنا .. لكن هم سوى الرطانة والتي من السهل تعلمها لا يعطوك احساس بانك غريب ابدا .. بل تجد الامهات الكبار الواحدة منهن تعطيك احساس بانها احن عليك من امك بل تفضلك على ولدها لذلك هم يقدسون الام .. هذا الاحساس لدرجة مجرد ذكر اسمها تعتبر من الكبائر في عرفهم ... لدرجة انه من الطرائف استنكروا على الاستاذ الحديث الذي يقول الرسول صلى الله عليه وسلم ( من احق الناس بحسن صحابتي قال امك قال ثم من .. قال امك .. الى اخر) قالوا للاستاذ ( الرسول ما يقول امك ) فهم يعتقدون ان الام اجل من ان يذكر نطقها فقط ..
عوض الكريم الخواض
28-10-2009, 09:12 AM
أنا الجبنة "القهوة عشان مدنية وكدا" ما بشربا لكن عندى عندك كباية شاى منعنعة أو بحليب مقنن وحرم ما تقول شى "جعلنة وكدا" ..
تحياتى وسلامى لك ولأهل كسلا..

أها يا أشرف نسيت أسألك ...
الشاي المقنن ( قنانة خفيفة ) ولا تقيلة ...
بالتأكيد ( كباية شُب) حقت زمان ...
فى أنتظارك .
عوض الكريم الخواض
28-10-2009, 09:24 AM
ابوكريم

دعنى انداح قليلا .. حتى تنزاح بعض الهموم

واتذكر مامضى من كبكبة .. طبعا اخوك عارفو من عشاق الهدى

لذلك كان لابد لفاطمة السمحة ان تكون من هناااااك

المشكلة كانت انو الجماعة عدوها برررطعة فى الغربة

بس لمحة كدا فى كورس صيفى والسنارة غمزت

عمك النسيب الكبير كان حاجة كدا فى الرياض اسمها (مكافحة المخدراااااات )

وكان مغترب قريب العشرين سنة .. وماحصل شاهد اخوك بتاتا ونهائيا

يوم قلت خلاص قلت اغرق فى الحكااية

انتظرت لما الاجازة السنوية جااءت بتاعت عمك وقلت اعمل حركة كدا

طبعا ناس السعودية ديل بيدوك احساس انهم متشددين

احلى حاجة بعد ماكلمت اخوهو الكان صاحبى ومستقر فى الخرطوووم

قال لى عمك قال مابعرفك داير يشوفك اول ويتكلم معااااااك

جدا يامنقة (نو بروبلم )

والوكت داك كانت كل البروبلمااات حاضرة

يوم الخميس بدرى شارع مدنى جااك نفر

وحصلت الهدى .. وبعد المغرب مباشرة قلت اتوكل للاجتماااع الثنائى

حصل جااك احساس انك ماشى وماماشى

تنقش .. تنقش .. دقيت البااب لو اتذكرت ليك اكتر انا الدقيت البااااب

ولا الباااااااب الدقانى المهم فى دقة فى كل حاجة محيطة بى

واخيرا انفتح الباااااب ... واصبحت وجها لوجه امام الجوطة الحاصلة

سلمت على عمك ... بعدها طواااالى تقوم الكهرباء تقطع

يااااخ دا وقتو

طبعا بعد داك الحاجات كلها راااااائحة

وانا رااااائح

والمشكلة الكبيرة انو عمك رووووحنى (طول من قطعة الكهرباء )

واخوك يتكلم ويقطع ...

واجتهد فى القى لى رااس خيط لموضوع

انت عاااارف بعد خلاص داير امشى

قلت ليهو (طبعا انت ماعرفتنى )

قال لى والله الدنيا ضلام والواحد طول من البلد

ماعرفتك والله ياابنى

قربت افقعها ضحكة (بعد الكبكبة دى كلها وماعرفتنى )

خلاصة الموقف انو زول كب بنزين ... ومشوار 3 ساعات

وفى النهاية يصبح زول مامعروف

الظروف دى مامعروفة

والله يا أبو مزن ( حالتك تحنن ) ...
وراجوفتك تجنن ...
البشوف فصاحتك وأنت ماسك ( المايك ) ...
يقول الولد مقدق حنانا ...


وذي ما قالوا نورين ما بتلمو ...


خربشة

رسالة الصينية وصلت ... فى صينية بتجمع الناس حولها رغم الاختلافات

وفى صينية بتلفها غلط وبقطعوك مخالفة

وفى صينية بتلفها شايل سفنجة وعاااامل راااائح

صينية لصينية تفرق

وكلها صوانى لها رآئحة ذكريات جميلة ...
حتى تلك التى تكلفك نقداً ...
أو تلك التى يقف من عليها وعااااامل راااايح ...
شفت زمان كان كيف .
عوض الكريم الخواض
28-10-2009, 09:28 AM
ريحت جبنتك ماليه
العام كلو
بالله داير كباية جبنه مدنكله
واصل احكي شوقتنا عديل كده
اه واصل ياابو كريم

حبيبنا أحمد علقم ...الشاب الهمام ...
حا نواصل ...
والجبنة حقو أجى أشربا معاك ...
ولا أقول ليك خليها كباية شاي لبن مع الصباح بى عيشة ( حااااااااارة ) من نارا . ;);)
تغريد
28-10-2009, 09:34 AM
مع اني لست من هواة الجبنة لكن يأسرني البن بما يحمله من رائحة تزكرني دوما بامي الحبيبة تجلب لي خواطرا جميلة حملتها معي آناء الحل والسفر ولكن لرائحة الجبنة عندك طعم ورائحة مميزة اخذتنا بها الي كسلا وما ادراك ما كسلا جنة جميلة يزدهر بها شرق بلادي جئت مرورا فقط و هأنذا اسجل حروفي تسجيل حضورا ومتابعة لهذا البوست تقبل مروري القصير القامة
عوض الكريم الخواض
28-10-2009, 09:49 AM
وانا اقول الرجل دا جاب الروعة دي من وين ,,,

من غير تحيذ ومن غير تواضع ومن غير اي غير آخر .. نحن رغما عن جذورنا الشمالية الا اننا دخلنا في نسب مع اهل الشرق عبر خيلاننا وبنات خالنا .. لكن هم سوى الرطانة والتي من السهل تعلمها لا يعطوك احساس بانك غريب ابدا .. بل تجد الامهات الكبار الواحدة منهن تعطيك احساس بانها احن عليك من امك بل تفضلك على ولدها لذلك هم يقدسون الام .. هذا الاحساس لدرجة مجرد ذكر اسمها تعتبر من الكبائر في عرفهم ... لدرجة انه من الطرائف استنكروا على الاستاذ الحديث الذي يقول الرسول صلى الله عليه وسلم ( من احق الناس بحسن صحابتي قال امك قال ثم من .. قال امك .. الى اخر) قالوا للاستاذ ( الرسول ما يقول امك ) فهم يعتقدون ان الام اجل من ان يذكر نطقها فقط ..


حبيبنا كباشى ...
طبعاً أخوك ...
أول يوم أشوف فيهو كسلا ...
كانت رحلة استكشافية ( تجسسية ) ... :o
مع بعض الأصدقاء المخلصين ...
وقعدت فى كسلا أربعة أيام ...
وكانت من أجمل الأيام التى قضيتها فى حياتى ...
وكنت يومياً أعمل مناورات بالقرب من موقع الحدث ... ;)

وعندما ذهبنا الى نبع توتيل ...
ذلك النبع البديع الغريب ذو الماء العذب ...
قال لى أحد الأصدقاء ( البشرب من نبع توتيل ) لا بد وأن يعود الى كسلا ...
وبعد أن شربت من النبع ...
وتأكيداً على رغبة العودة ...
قلت للساقى لو سمحت أملا لي الجردل دا ...
وهااااااااااك يا حمَّااااام ...:cool::cool:

وكما قلت فأن الهدندوة لا يقولون ( أمك ) أمعاناً فى الأحترام والتقدير ...
ويقولون لها بالرطانة ( تهاداتون ) وحرف التاء لا يكاد ينطق وتعنى لغة ( السيدة الزعيمة )وأجمل ما فى الأمر أن النسيبة ( تخفى ) وجهها من النسيب احتراماً له وتقديرا ...
ولا تأكل معه فى طعام واحد ...
ولا تجلس معه فى مجلس واحد ...
ولا تسمع لها صوتاً ...
فقط التحية والسلام مع وضع الثوب فى أعلى الأنف .

مع احترامى وتقديرى .
عوض الكريم الخواض
31-10-2009, 12:15 AM
مع اني لست من هواة الجبنة لكن يأسرني البن بما يحمله من رائحة تزكرني دوما بامي الحبيبة تجلب لي خواطرا جميلة حملتها معي آناء الحل والسفر ولكن لرائحة الجبنة عندك طعم ورائحة مميزة اخذتنا بها الي كسلا وما ادراك ما كسلا جنة جميلة يزدهر بها شرق بلادي جئت مرورا فقط و هأنذا اسجل حروفي تسجيل حضورا ومتابعة لهذا البوست تقبل مروري القصير القامة

الأميرة بنت الأمراء ...
سليلة آل دينار ...
يكفينا شرفاً أن تكونى بالجوار ...
فيذدان المكان ألقاً وسطوعاً ...

والروآئح والكلمات والألحان ...
دآئماً ما تحفز عقولنا نحو الجميل من الذكريات ...
فنتبسم ... مع اندهاش الناظر الذى لا يدرى لنا سببا ...

وها أنت تتواجدين بين هذه الأسطر ...
لنشتم من عبيرك عبق التاريخ الجميل ...
وهذا الفخر الذى ذين جيد وطننا السودان ...
واشهر رحلة للحجيج من قلب افريقيا ...
وكسوة الكعبة ...
وأي فخر بعد هذا ...
فلتهنئ يا سليلة آل دينار .
ابوالنور
31-10-2009, 12:23 AM
متابعين تصدق يا ابو عويض
ود الجعلي
31-10-2009, 05:32 AM
أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ...
وهذا ليس من وحي الخيال ...
بل هي حقيقة رأيتها بأم عينى ...
المكان : كسلا ( بيت النسابة )...;)
الزمان : 2002 ...

وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ...
وقد أختصونى بالمقعد الوثير وبجانبى ( أبو نسب ) المترجم الخاص ...:p:p
وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ...

بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ ....

بعد ذلك بدأ الأقارب ( بالرطانة ) ...
أو ما يعرف بلغة ( البداويت ) ...ثم أرتفعت الأصوات ...
وأحمرت الأعين ...
مع التلويح بالأيادى ...
والتأشير بالأصابع ...

يا ألهى ما هذا ...
الله يمرقنى من الجماعة ديل ...
الجماعة ديل لو أتذكروا فى اللحظة دى أنى نسيبهم ممكن ...


وأنا بين هؤلاء القوم لا أعلم سبباً لهذا الهيجان ...


وفجأة وبدون سابق أنذار ( سكنت الأنفس ) ...
اذ دخل ( أبو نسب ) وهو يحمل ما لذ وطاب من الطعام ...
وشمر القوم عن سواعد الجد أكلاً وتقطيعا ...

وكنت أنا أسعد من فى الأرض بهذه ( الصينية ) التى لولاها لقامت الحرب ...
وأثناء تناول الطعام بدأت بعض الهمهمات والتعليقات التى لم أفهمها ...
ثم تلتها بعض أبتسامات ...
ثم ضحكات حتى القهقهة ...

بعد الفراغ من الطعام جيئ بالحلويات ...

ثم ( الجبنات ) ...
ويا لها من ( جبنات ) ...
على الطريقة اليابانية ... :p:p
وبدا القوم فى مواصلة ( الرطانة ) ...
يتحدث أحدهم فيضحك الباقين فعلمت أنهم يحكون ( النكات ) .


وما زال شمارى ( عالياً ) ...
وبعد أن لاحت لى ( انفرادة ) مع ( أبونسب ) ...
سألته عن عمل أخوانه وأبناء عمومته ...
وبدأ يفندهم لى واحداً تلو الآخر ...
هذا ( مؤتمر وطنى ) يعمل فى المجلس التشريعى ...
وهذا فى جبهة الشرق جآء من منطقة العمليات ( مخصوص ) للتعرف اليك ... :o:o
وهذا يعمل فى الأستخبارات ...
وهذا يعمل فى وزارة الداخلية ...
وهذا من جيش الفتح ...


قلت له مداعباً ...
لو تأخرت ( الصينية ) بضع دقائق لقامت الحرب ...
ولكنت أنا أول الضحايا ...
لأنه بالتأكيد سيكون عند بعض أبناء العمومة ( أجندة خفية ) .:eek::eek:

ولى عودة لأكمال الخاطرة ...



شيخ العرب كما يحلو للكثيرين مناداتك الخواض

صباح الخير
اولا" دعني اعجب بالفن والابتداع في تقعيد الكلام بالالوان والتنسيق مما يجعل هذه الخاطرة منحوتة نحتا في الذاكرة

والله كلام غريب العالم تشرذمت ولكن لمصالح شخصية وجهوية ولكن اين السودان وعقلاء السودان

انها ليست مجرد حكوة في بيت نسابه لكن الخواض انك عكست واقع مرير واليم لبلد يحتضر ويذوب و تخنقه الخلافات



















ان لعنت بلدي لا يلومني احدا بعد الان
عوض الكريم الخواض
02-11-2009, 11:26 PM
متابعين تصدق يا ابو عويض

عاااااااااارفك قاصى لي ... :cool::cool:
عوض الكريم الخواض
02-11-2009, 11:40 PM
شيخ العرب كما يحلو للكثيرين مناداتك الخواض

صباح الخير
اولا" دعني اعجب بالفن والابتداع في تقعيد الكلام بالالوان والتنسيق مما يجعل هذه الخاطرة منحوتة نحتا في الذاكرة

والله كلام غريب العالم تشرذمت ولكن لمصالح شخصية وجهوية ولكن اين السودان وعقلاء السودان

انها ليست مجرد حكوة في بيت نسابه لكن الخواض انك عكست واقع مرير واليم لبلد يحتضر ويذوب و تخنقه الخلافات

ان لعنت بلدي لا يلومني احدا بعد الان


حبيبنا ود الجعلى ...

نعم هي مرارت تحشرج فى حناجرنا ...

ولكن متى ما أيقن الجميع أنه لا فكاك من بعضنا البعض ...

عندها ( يبتدئ ) العقل فى اخراج صوته المبحوح ...

حتى أننا لا نستمتع الا بالوجبة ( الجماعية ) ...

وهنالك مقولة تقول ( فلان بيآكل براهو ذي ........ ) ... :eek::eek:

مع العلم أن فى الجماعة البركة ...

فيا أخى ود الجعلى ...

هذا الوطن لا يستحق اللعن ...

فقد قدم لشعبه ما لم تقدمه أوطان أخرى لشعوبها ...

وعلينا أن نصحح معتقداتنا نحو الحق ...

فأكبر الخيانة ...

أن تكون عوناً للظالم .
ABUZAID
02-11-2009, 11:47 PM
أبدأ بذلك المنزل الرحيب الذى ضم مجموعة من الأفكار المتناقضة الى حد الاحتراب ...
وهذا ليس من وحي الخيال ...
بل هي حقيقة رأيتها بأم عينى ...
المكان : كسلا ( بيت النسابة )...;)
الزمان : 2002 ...

وعلى شرف النسيب الجديد اللى هو ( أنا ) أجتمع أفراد العائلة فى المنزل الكبير ...
وقد أختصونى بالمقعد الوثير وبجانبى ( أبو نسب ) المترجم الخاص ...:p:p
وذلك لأن علاقتى برطانة الهدندوة كعلاقة ( أبو مزن ) مع علم النانوتكنلوجى ...

بدأ نسيبى أو مترجمى بالتعريف هذا فلان وقرابته لنا كذا ... وهذا كذا ... الخ ....

بعد ذلك بدأ الأقارب ( بالرطانة ) ...
أو ما يعرف بلغة ( البداويت ) ...ثم أرتفعت الأصوات ...
وأحمرت الأعين ...
مع التلويح بالأيادى ...
والتأشير بالأصابع ...

يا ألهى ما هذا ...
الله يمرقنى من الجماعة ديل ...
الجماعة ديل لو أتذكروا فى اللحظة دى أنى نسيبهم ممكن ...


وأنا بين هؤلاء القوم لا أعلم سبباً لهذا الهيجان ...


وفجأة وبدون سابق أنذار ( سكنت الأنفس ) ...
اذ دخل ( أبو نسب ) وهو يحمل ما لذ وطاب من الطعام ...
وشمر القوم عن سواعد الجد أكلاً وتقطيعا ...

وكنت أنا أسعد من فى الأرض بهذه ( الصينية ) التى لولاها لقامت الحرب ...
وأثناء تناول الطعام بدأت بعض الهمهمات والتعليقات التى لم أفهمها ...
ثم تلتها بعض أبتسامات ...
ثم ضحكات حتى القهقهة ...

بعد الفراغ من الطعام جيئ بالحلويات ...

ثم ( الجبنات ) ...
ويا لها من ( جبنات ) ...
على الطريقة اليابانية ... :p:p
وبدا القوم فى مواصلة ( الرطانة ) ...
يتحدث أحدهم فيضحك الباقين فعلمت أنهم يحكون ( النكات ) .


وما زال شمارى ( عالياً ) ...
وبعد أن لاحت لى ( انفرادة ) مع ( أبونسب ) ...
سألته عن عمل أخوانه وأبناء عمومته ...
وبدأ يفندهم لى واحداً تلو الآخر ...
هذا ( مؤتمر وطنى ) يعمل فى المجلس التشريعى ...
وهذا فى جبهة الشرق جآء من منطقة العمليات ( مخصوص ) للتعرف اليك ... :o:o
وهذا يعمل فى الأستخبارات ...
وهذا يعمل فى وزارة الداخلية ...
وهذا من جيش الفتح ...


قلت له مداعباً ...
لو تأخرت ( الصينية ) بضع دقائق لقامت الحرب ...
ولكنت أنا أول الضحايا ...
لأنه بالتأكيد سيكون عند بعض أبناء العمومة ( أجندة خفية ) .:eek::eek:

ولى عودة لأكمال الخاطرة ...



اخي العزيز - عوض الكريم الخواض

لك التحية

ولعلها عبرة وعظة للكل

فقد اجتمع هؤلاء القوم على اختلاف توجهاتهم على مائدة النسب والقرابة
ورغم الحرب التي ( كنت تخالها ستشتعل بينهم ) الا ان شيئا بسيطا اسكتها

فلماذا لا تندمج طوائف الشعب السوداني ومللهم وقبائلهم لتنتج جيلا ملتحما برباط قدسي, يصبح بعده الفكاك مستحيلا ويوقف نزيف النزاعات والحروب ! ! !