المساعد الشخصي الرقمي

مشاهدة النسخة كاملة : قرار أمني رقم (1) لسنة 2009‏ ( إعلان حالة الطوارئ )


المسافر
25-10-2009, 11:26 PM
بناء على الوضع المزري التي وصلت إليه حال المنتدى وكثرة الخلافات بين أعضائه والشيء الذي ‏أدى زعزعة الأمني الداخلي ‏والخارجي في آن واحد وجعل المنتدى منطقة غير أمنية ومضطربة ‏وبها كثير من المخالفات المنطقية وغير المنطقية ، وعليه فقد تقرر الآتي :‏‏

‏1- إعلان حالة الطوارئ إعتباراً من تاريخ أمس الأول ولحين إشعار آخر .‏‏
2- يمنع التجوال في المنتدى إعتباراً من الساعة السابعة مساء وحتى السابعة صباحاً .‏
‏3- يحظر تناول أي ألفاظ غير حميدة والعبارات التي لها أكثر من معنى أثناء تواجد الأعضاء في ‏المنتدى .‏‏
4- يمنع ردود الأعضاء على أي بوست أكثر من مرة واحدة .‏
‏5- يستعمل عبارات ( أحسنت ) ( في ميزان حسناتك ) ( مشكور على المشاركة ) ( وجزاك الله ‏خير ) في الردود دون إضافة أي عبارة أخرى .‏
‏6- يمنع تواجد أي عضو ما لم يكون لديه رغبة في الرد أو كتابة بوست ، وعليه المغادرة فوراً عند ‏الإنتهاء .‏
‏7- يمنع إستعمال أي لون غير الأسود .‏
‏8- يمنع منعاً باتاً إستعمال أي أنواع من ( المكيفات ) أو ( الكرستالات ) أثناء تواجد الأعضاء في ‏المنتدى .‏
‏9- عدم كتابة أي أرقام هواتف شخصية أو إيملات وكذلك عدم إستعمال الرسائل الخاصة بتاتاً.‏

يعمل بهذا القرار إعتباراً من تاريخه وكل ما يخالف هذا القرار سوف يعرض نفسه للمساءلة ‏القانونية وغير القانونية ويحاكم تحت المادة رقم (1 طوارئ) أو المادة رقم (2 مزاجي) .‏

صدر تحت توقيعي في 27/11/2009‏
لواء عقيد فريق معاش مستجد / المسافر
النويري
25-10-2009, 11:56 PM
التعليمات واضحة سعادتك وسوف تنفذ
عوض الكريم الخواض
26-10-2009, 12:03 AM
لواء عقيد فريق معاش مستجد / المسافر[/color]


تمام سعادة اللواء الرآئد معاش ...بس البيان دا ناقصاهو موسيقى عسكرية ... وبالعدم أغنية قنبلة ...

ممكن أهدى . :o:o
المسافر
26-10-2009, 12:09 AM
التعليمات واضحة سعادتك وسوف تنفذ



أيوه يا سعادة عسكري
شغلك نضيف
سيد البلد
26-10-2009, 12:10 AM
معلومة غير قابلة للنقض أو التصحيح أو حتى إبداء الرأي

الأخ كاتب البوست ده - بالعربي الفصيح " المدافر "
الزول ده أساس وأس كل البلاوي والعمليات التخريبية
الهادفة والمرتكزة على قواعد هدامة ومغلوطة
كل ما وراءها تقويض نظام المنتديات " كل المنتديات " الفي الكرة الأرضية - بلا فخر
ومن اللاخر كده الزول ده ورا كل المصايب من موسكو الساقطة لحدي ريفي الحصاحيصا

وعليه نحزر من مغبة التعامل معه , أو التستر عليه , أو حتى محادثته في المسنجر

منقول من بيان مقتضب قيد التحرير من قبل الناطق الرسمي بإسم الناطق الرسمي
السيد / عثمان جلالة - حفظه الله ...

وشكرن
المسافر
26-10-2009, 12:11 AM
تمام سعادة اللواء الرآئد معاش ...بس البيان دا ناقصاهو موسيقى عسكرية ... وبالعدم أغنية قنبلة ...

ممكن أهدى . :o:o




مش قلنا يمنع إستعمال المكيفات و . . . . أثناء التواجد في المنتدى !!!
وبصراحة يا عوض فات علي أمنع ( السكسكة ) في المنتدى إلا عشانك
ممكن أغني ليك أنا أغنية ( طبنجة ) .
المسافر
26-10-2009, 12:17 AM
معلومة غير قابلة للنقض أو التصحيح أو حتى إبداء الرأي
الأخ كاتب البوست ده - بالعربي الفصيح " المدافر "
الزول ده أساس وأس كل البلاوي والعمليات التخريبية
الهادفة والمرتكزة على قواعد هدامة ومغلوطة
كل ما وراءها تقويض نظام المنتديات " كل المنتديات " الفي الكرة الأرضية - بلا فخر
ومن اللاخر كده الزول ده ورا كل المصايب من موسكو الساقطة لحدي ريفي الحصاحيصا
وعليه نحزر من مغبة التعامل معه , أو التستر عليه , أو حتى محادثته في المسنجر
منقول من بيان مقتضب قيد التحرير من قبل الناطق الرسمي بإسم الناطق الرسمي
السيد / عثمان جلالة - حفظه الله ...
وشكرن



يا زول يا تلتزم بالتعليمات دي يا نوديك غرفة ( الظار )
وشيخك الناطق الرسمي ده خليني بس أشوفوا حايم بعد الساعة 7 بالمنتدى وشوفوا
تاني لو نطق حاجة :d
عثمان جلالة
26-10-2009, 12:22 AM
منقول من بيان مقتضب قيد التحرير من قبل الناطق الرسمي بإسم الناطق الرسمي
السيد / عثمان جلالة - حفظه الله ...

وشكرن

هههههههه والله الخوف يا سيدا يطلع بيان في "كاجوكاجي" ... وشرطا يكون "مقتضب" ينسب لـ عثمان جلاله :p:p:p

وشكرن .. وين إنت يااااااااااخ أعلنت خطويتك عشان نطلع فيها بيان :rolleyes:

تحياتي للمسافر ... وعلم سعادتك .. وجاري .. وجارين وراهو .. أقصد جاري التنفيذ :eek: ;)
المسافر
26-10-2009, 12:24 AM
هههههههه والله الخوف يا سيدا يطلع بيان في "كاجوكاجي" ... وشرطا يكون "مقتضب" ينسب لـ عثمان جلاله :p:p:p

وشكرن .. وين إنت يااااااااااخ أعلنت خطويتك عشان نطلع فيها بيان :rolleyes:
تحياتي للمسافر ... وعلم سعادتك .. وجاري .. وجارين وراهو .. أقصد جاري التنفيذ :eek: ;)



والله بركة الشفناك يا شيخنا

أها قالوا لي ( مفتاح المنتدى ) معاك
أسمعني حنقفل المنتدى الساعة 7 صباحاً
ونقفل الساعة 7 مساء ، واي واحد يجي متأخر
أكتبه غياب .
سيد البلد
26-10-2009, 12:47 AM
يا زول يا تلتزم بالتعليمات دي يا نوديك غرفة ( الظار )




ياخي دي فرفرة مسافرين ساي
تلتزم منو ؟ وتودي شنو ؟ وظار منو ؟
ظار عقلي ؟
امشي جهز ليك بوست اعتزار ساي ياخي
سيد البلد
26-10-2009, 12:50 AM
وشكرن .. وين إنت يااااااااااخ أعلنت خطويتك عشان نطلع فيها بيان :rolleyes:

تحياتي للمسافر ... وعلم سعادتك .. وجاري .. وجارين وراهو .. أقصد جاري التنفيذ :eek: ;)



والله ولا اعلنا خطوبة ولا يحزنون , اعلنت استسلامي لي موضوع العزوبية ده
وبيني وبينك فراقا زاتو باقي لي حارن كان شفت ...
وبالنسبة للأخ المسافر يعني فأنا بأيد إقتراح الإدارة بكافة اشكالو
وحأكون أول المدافعين عنها لو حصلت حاجه كده ولا كده
المسافر
26-10-2009, 12:52 AM
ياخي دي فرفرة مسافرين ساي
تلتزم منو ؟ وتودي شنو ؟ وظار منو ؟
ظار عقلي ؟
امشي جهز ليك بوست اعتزار ساي ياخي




هههههههههههههههههههههههه
بوست الإعتذار كتبته قبل ما أكتب البوست ده
شفت الحكمة دي كيف !!!
المسافر
26-10-2009, 12:56 AM
والله ولا اعلنا خطوبة ولا يحزنون , اعلنت استسلامي لي موضوع العزوبية ده
وبيني وبينك فراقا زاتو باقي لي حارن كان شفت ...


أول مرة أعرف أن الخطوبة فيها دخلة !!!!!




وبالنسبة للأخ المسافر يعني فأنا بأيد إقتراح الإدارة بكافة اشكالو
وحأكون أول المدافعين عنها لو حصلت حاجه كده ولا كده
[/center]



والله ما كان العشم على الأقل أصبر لغاية ما نعرفه !!!!
الزبير محمد عبدالفضيل
26-10-2009, 01:12 AM
علم ياسعادة / الفريق للواء معاش دكتور جندي اول ام باشه
مبارك عمر عباس
26-10-2009, 07:26 AM
جزاك الله ‏خير الاخ المسافر .
التيمان
26-10-2009, 12:19 PM
حكمت المحكمه حضوريا

بنفى المسافر الى غوانتانامو ويلحق ودناس هنايه بركات

هع هع هع
المسافر
26-10-2009, 10:10 PM
علم ياسعادة / الفريق للواء معاش دكتور جندي اول ام باشه



والله ياالزبير لو ما خايف تفهمني غلط
كانت قلت ( أم باشة ) دي معناها شنو؟
المسافر
26-10-2009, 10:31 PM
جزاك الله ‏خير الاخ المسافر .


تسلم عزيزي مبارك
لسه في قوانين قادمة
المسافر
26-10-2009, 10:34 PM
حكمت المحكمه حضوريا

بنفى المسافر الى غوانتانامو ويلحق ودناس هنايه بركات

هع هع هع



أنا حاسي الدفعة الجاية حقت غوانتانامو
حتكون كبيرة وفيها تخصصات
wad alballal
26-10-2009, 11:00 PM
وعليه فقد تقرر الآتي :‏‏
‏
‏

‏7- يمنع إستعمال أي لون غير الأسود .‏

النقاط الستة الفوق ديل ما عندنا فيهم مشكلة بس دحين اللون الاسود دا عندنا فيهو راي لانو انا جني وجن اللون الاسود ما في خيارات تانية للنقطة دي ...
‏9- ‏
يعمل بهذا القرار إعتباراً من تاريخه وكل ما يخالف هذا القرار سوف يعرض نفسه للمساءلة ‏القانونية وغير القانونية ويحاكم تحت المادة رقم (1 طوارئ) أو المادة رقم (2 مزاجي) .‏

صدر تحت توقيعي في 27/11/2009‏
لواء عقيد فريق معاش مستجد / المسافر


علم وينفذ سيادتك ...
المسافر
26-10-2009, 11:05 PM
علم وينفذ سيادتك ...



عشان علم وينفذ سيادتك دي
حأخليك تكتب بس باللون الأبيض
ولمدة (3) أيام إعتباراً من تاريخ
أول أمس !
okasha
26-10-2009, 11:46 PM
اننا من هذا المنطلق قد قررنا بتوقف التعامل مع المسافر فى كل البوستات

ما لم بنضم لنا فى خلال يومين

وكل مت سيخالف وا سواد ليلو ولا نقول حليلو


صدر تحت توقيعى ......
المسافر
27-10-2009, 12:01 AM
اننا من هذا المنطلق قد قررنا بتوقف التعامل مع المسافر فى كل البوستات
ما لم بنضم لنا فى خلال يومين
وكل مت سيخالف وا سواد ليلو ولا نقول حليلو
صدر تحت توقيعى ......



السيد / عكاشة . . . المحترم
نود إفادتكم بأنكم خالفتم المواد 1 ، 2 ، 3 ، 4 ، 5 ، 6 ، 7 ، 8 ، 9 ، 10
من القرار الأمني أعلاه .
وعليه فإنه قد تم الحكم عليكم بالآتي :
دفعة غرامة مقدارها (1000) دولار أمريكي أو شراء موبايل للقائد .
وفي حالة عدم الدفع أو اللف والدروان سيحال الأمر إلى مفتدي
الجمهورية .
وإنا لله وإنا إليه راجعون
المسافر
27-10-2009, 12:02 AM
فيما يلي النشرة الأمينة اليومية بعد مرور 24 ساعة على فرض الحظر في المنتدى .‏

1- تم القبض على (أ.س) هو يحاول التسلل إلى المنتدى بعد الساعة السابعة مساء وتم القبض عليه وسوف يتم محاكمته قريباً .‏

2- تم القبض على (ع) وهو محاول الكتابة في المنتدى باللون الوردي ( مرة واحدة ) وهذا يعتبر مخالفاً للقرار الأمني وأيضاً مخالف للسلوك ‏العام ، حيث يعتبر اللون ( الوردي ) مثير للشجون والجكس !!!!!!‏

3- تم إلقاء القبض على (ع،خ) وهو في حالة مزرية ويحمل ( كرستالة حجم عائلي ) وبعد فحص الكرستالة تبين بأنها بها مواد مسكرة ‏جداً نوعية ( أبو كديس ) أصلي ، وتم محاكمة المذكور بحذف (50) بوست من بوستاته .‏

4- تم القبض على العضوة (ن) وهي كتبت في الخاص ، وتم توقيفها وجاري محاكمتها .‏


وإلى اللقاء غداً في النشرة اليومية
okasha
27-10-2009, 12:05 AM
السيد / عكاشة . . . المحترم
نود إفادتكم بأنكم خالفتم المواد 1 ، 2 ، 3 ، 4 ، 5 ، 6 ، 7 ، 8 ، 9 ، 10
من القرار الأمني أعلاه .
وعليه فإنه قد تم الحكم عليكم بالآتي :
دفعة غرامة مقدارها (1000) دولار أمريكي أو شراء موبايل للقائد .
وفي حالة عدم الدفع أو اللف والدروان سيحال الأمر إلى مفتدي
الجمهورية .
وإنا لله وإنا إليه راجعون

يعنى بالعربى الفصيح كا تعلن الرفض


اذن انتظر .....
المسافر
28-10-2009, 12:03 AM
يعنى بالعربى الفصيح كا تعلن الرفض


اذن انتظر .....



الدفع أو الشنق
المسافر
28-10-2009, 12:09 AM
النشرية الأمنية اليومية
من دفاتر أمن المنتدى

تم القبض على المشرف (م.ن) في حالة هياج بالغة محاولاً دخول المنتدى قبل صلاة الفجرة وقبل المواعيد الرسمية وتم إلقاء القبض عليه وزج به في سجن النفاج ، وبعد فحص المذكور من قبل طبيب مستشفى النفسيات تبين بأنه مصاب بخلل عقلي ، وقد تم حجزه بالمستشفى لحين صدور التقرير النهائي في أمره .

2- تم القبض على العضو (خ) في ساعة متأخر من ليل أمس وهو قد كتب رسالة في الخاصة لأحد المشرفين ، وعندما تم مواجهته بالمذكور تبين بأن هنالك ( تار بايت ) بينهما وقد تم حبس المذكوران في ذمة القضية وجاري محاكمتهما .

3- تم القبض على العضو ( الت. . . ) وهو يضع ( سفة ) من عبد الحق في المنتدى العام أثناء كتابته لموضوع خاص به ، وتم القبض عليه وحكم ب (10) سيطان عنج هع ، وهما ولا هم !!! طريح الفرش ( بعمل في كمادات ).

شرطي فريق أول
المسافر
المسافر
01-11-2009, 12:20 AM
النشرية الأمنية اليومية
من دفاتر أمن المنتدى

تم القبض على المشرف (م.ن) في حالة هياج بالغة محاولاً دخول المنتدى قبل صلاة الفجرة وقبل المواعيد الرسمية وتم إلقاء القبض عليه وزج به في سجن النفاج ، وبعد فحص المذكور من قبل طبيب مستشفى النفسيات تبين بأنه مصاب بخلل عقلي ، وقد تم حجزه بالمستشفى لحين صدور التقرير النهائي في أمره .

2- تم القبض على العضو (خ) في ساعة متأخر من ليل أمس وهو قد كتب رسالة في الخاصة لأحد المشرفين ، وعندما تم مواجهته بالمذكور تبين بأن هنالك ( تار بايت ) بينهما وقد تم حبس المذكوران في ذمة القضية وجاري محاكمتهما .

3- تم القبض على العضو ( الت. . . ) وهو يضع ( سفة ) من عبد الحق في المنتدى العام أثناء كتابته لموضوع خاص به ، وتم القبض عليه وحكم ب (10) سيطان عنج هع ، وهما ولا هم !!! طريح الفرش ( بعمل في كمادات ).

شرطي فريق أول
المسافر