الداير تكملو...هملو (أقعو النفاج)

[أبوعمرو]

دا... مثل شعبي قديم
ومعناهو... بالعربي البسيط (لو في موضوع شاغلك أحسن تتجاهلو وما تفكر فيهو)... والمثل قريب من ودعمو(كان كترت عليك الهموم أدمدم ونوم)
المناسبة:
الحاله العامه للمنتدي... وكل زول عارفها ومادايرا شرح ... والكل مسئول ... الاعضاء الذين يكتبون البوستات والمتداخلون...وانا منهم
عشان كده ياحبايبنا أنا عندي حل!!
بسيط وساهل
وفي حاجات لو أتكسرت ما بتصلح(حيث لاينفع الندم)
والحل ياسادتي:
(أقعوا النفاج)
الكلمه البسيطه
لاعقدة ولا منشار
رضا وابتسامه
أوع من المنتدي العام والجمعيات وبالمره ودمدنيات
وكان فيكم زول خائف من الغلط...(إعتكف في المنتدي الاسلامي) لحين إنجلاء الأزمه
ودمتم

[صلاح ودالطاهر]

دا... مثل شعبي قديم
ومعناهو... بالعربي البسيط (لو في موضوع شاغلك أحسن تتجاهلو وما تفكر فيهو)... والمثل قريب من ودعمو(كان كترت عليك الهموم أدمدم ونوم)
المناسبة:
الحاله العامه للمنتدي... وكل زول عارفها ومادايرا شرح ... والكل مسئول ... الاعضاء الذين يكتبون البوستات والمتداخلون...وانا منهم
عشان كده ياحبايبنا أنا عندي حل!!
بسيط وساهل
وفي حاجات لو أتكسرت ما بتصلح(حيث لاينفع الندم)
والحل ياسادتي:
(أقعوا النفاج)
الكلمه البسيطه
لاعقدة ولا منشار
رضا وابتسامه
أوع من المنتدي العام والجمعيات وبالمره ودمدنيات
وكان فيكم زول خائف من الغلط...(إعتكف في المنتدي الاسلامي) لحين إنجلاء الأزمه
ودمتم
اخوي ابو عمرو التحية اليك والنفاج بيت وسيع تعال بهناك وكل الاخوان كان في دواس بنحلو تحت الشجره ولو في سر بنفتو في كلام في السر وكل الاحباب متجمعين والله يجمعنا في مكه والمدينه ونشكرك علي هذه الدعائه المجانيه وصدقني ما مستاهله اها دحين بوستك ده بيكون بطرفنا

[عثمان جلالة]

بسم الله ابتديت متل البرق لاحت
بالشين والفسل بقينا نتباحت
طال الكان قصير والعالي إتّاحت
والصولات حليلن ملكتهن راحت
الأهلية كملت يا حبيب راحت
حليل شمس المحنة الغربت طاحت
مالك يا زمان شبعتنا في هولة
لبّست الناس تياباً حاشا مي هولة
يات من كان يجي دمّاعو مبهوله
وال لِله راحت بقت البواجهوله
مالك يا زمان شبعتنا وِح وحيح
صحت دون كضب.. كضب العوالي صحيح
يات من كان انا جعلته ليّا صليح
عقرب حزّ ليا ويا نفسي زين ومليح
في أحوال الزمن صار الفكر حاير
و ألياباك خلُه عنده شن داير
فوق أهل الفكر كاس الوحيح داير
نفد سوق النفاق سوق السمح باير
تُب الشباب ان بقى كواس
تب الصبي ان قطع المروه خلاس
تب الشايب ان بقى وسواس
تب الاقربين اللإتفاتتو الامغاس
شوف مر الزمان الصرنا فيه نلوك
إذا واصل فقدت محنة ما بخلوك
يختوك فوق سريجاً منه ما بدلوك
عاد من غير سبب رايح تجافي أخوك
عليك بالاختصار والله إخير ليك
بقت الحسنات سيَّاتاً تبين ليك
بقت المروءة سفاهة .. الناس تقول ليك
وأحَّي بالكتير من وجعة الليك

[مهيد ود السفاح]

الرائع ابو عمرو
اختلاف الرأي لا يفسد للود قضيه

خلينا نختلف عشان نعرف ماهو صحيح وما هو خطأ
وكان مشاركاتنا فقيره وغير هادفه اوعدك وعد صادق بكره بنتعلم ونستفيد ونكون اكتر فعاليه .
ودمت حادباً على منتداك

[مهيد ود السفاح]

بسم الله ابتديت متل البرق لاحت
بالشين والفسل بقينا نتباحت
طال الكان قصير والعالي إتّاحت
والصولات حليلن ملكتهن راحت
الأهلية كملت يا حبيب راحت
حليل شمس المحنة الغربت طاحت
مالك يا زمان شبعتنا في هولة
لبّست الناس تياباً حاشا مي هولة
يات من كان يجي دمّاعو مبهوله
وال لِله راحت بقت البواجهوله
مالك يا زمان شبعتنا وِح وحيح
صحت دون كضب.. كضب العوالي صحيح
يات من كان انا جعلته ليّا صليح
عقرب حزّ ليا ويا نفسي زين ومليح
في أحوال الزمن صار الفكر حاير
و ألياباك خلُه عنده شن داير
فوق أهل الفكر كاس الوحيح داير
نفد سوق النفاق سوق السمح باير
تُب الشباب ان بقى كواس
تب الصبي ان قطع المروه خلاس
تب الشايب ان بقى وسواس
تب الاقربين اللإتفاتتو الامغاس
شوف مر الزمان الصرنا فيه نلوك
إذا واصل فقدت محنة ما بخلوك
يختوك فوق سريجاً منه ما بدلوك
عاد من غير سبب رايح تجافي أخوك
عليك بالاختصار والله إخير ليك
بقت الحسنات سيَّاتاً تبين ليك
بقت المروءة سفاهة .. الناس تقول ليك
وأحَّي بالكتير من وجعة الليك

يسألني الله يوم الحساب
ات ياكا الناطق الرسمي